Tag: تازہ ترین

واشنگٹن: امریکا کا کہنا ہے کہ سابق وزیراعظم عمران خان کے رجیم چینج کے الزامات حقائق پرمبنی نہیں ہیں-

باغی ٹی وی : امریکی محکمہ خارجہ کےترجمان نیڈ پرائس نے میڈیا بریفنگ میں کہاکہ پہلےبھی متعدد بار واضح کیا ہے کہ سابق وزیراعظم عمران خان کے حکومت کی تبدیلی کے الزامات میں کوئی صداقت نہیں ہےعمران خان کے رجیم چینج کے الزامات حقائق پرمبنی نہیں ہیں۔

چین سے مقابلے کے لیے امریکا کا بھارت کو دفاعی اتحادی بنانے کا فیصلہ

نیڈ پرائس نے کہا کہ امریکا ان بے بنیاد پروپیگنڈے، مس انفارمیشن یا ڈس انفارمیشن کو پاکستان کے ساتھ دو طرفہ تعلقات کی راہ میں نہیں آنے دے گا۔

ترجمان محکمہ خارجہ کا مزید کہنا تھا کہ پاکستان میں ابھی الیکشن شیڈول کا اعلان نہیں ہوا ہے تاہم امریکا پاکستان سمیت دنیا بھر میں پرامن آئینی اور جمہوری اصولوں پر عمل در آمد کی حمایت کرتا ہے۔

واضح رہے کہ اسلام آباد میں پریس کانفرنس کے دوران عمران خان کا کہنا تھا کہ فارن فنڈنگ کیس میں کچھ بھی نہیں ہے، ہماری جماعت نے سیاسی فنڈریزنگ کی مگر جو پاکستانی پیسے دیتے ہیں ان کو غیرملکی بنا دیا گیا رجیم چینج کی سازش اب بھی جاری ہے، انہوں نے ہماری پارٹی کو توڑنے کا پلان بنایا ہے۔

حملہ آورامریکی ایوان نمائندگان کی اسپیکر نینسی پلوسی کو اغواکرنا چاہتا تھا،پراسیکیوٹر

عمران خان کا کہنا تھا کہ بیرون ملک مقیم پاکستانیوں کے بھیجے گئے پیسے کو فارن فنڈنگ کہا جارہا ہے،2012 میں پاکستان کے رائزنگ اسٹار کا نام عارف نقوی تھا، بل گیٹس بھی عارف نقوی کے فنڈ میں پیسے دیتا تھا کرپٹ جماعتیں کبھی فنڈریزنگ نہیں کرسکتیں۔ سرٹیفکیٹ کے اوپر مجھے نا اہل کرانے کی کوشش کی جارہی ہے۔

عمران خان کا کہنا تھا کہ سازش کی جارہی ہے کہ ملک کی سب سے بڑی جماعت کو فوج سے لڑایا جائے، پی ٹی آئی اور فوج کو لڑانے کی کوشش کی جارہی ہے۔

سابق وزیراعظم کا کہنا تھا کہ یہ سب سے زیادہ کہتے تھے کہ عمران خان فوج کی کٹھ پتلی ہے، بھارت کہتا تھا عمران خان فوجی پتلا ہے، بھارت کو تکلیف تھی کہ فوج اورحکومت ایک پیج پر ہے رجیم چینج کی سازش اب بھی جاری ہے، آج یہ بتایا جارہا ہے کہ ہم فوج مخالف ہیں اور یہ لوگ محب وطن ہیں ایک پارٹی جو پورے پاکستان سے ووٹ لے کر اقتدار میں تھی، اگر ایسی پارٹی کو فوج کے لڑوایا گیا تو اس کے خطرناک نتائج ہوں گے۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

امریکی ایوان نمائندگان کی اسپیکر کے گھر پر حملہ کرنے والا ملزم نینسی پلوسی کو اغوا کرنا چاہتا تھا۔

باغی ٹی وی : امریکی میڈیا کے مطابق ایوان نمائندگان کی اسپیکر نینسی پلوسی کے گھر پر پچھلے ہفتے حملہ ہوا تھا اور ان کے شوہر پال کو تشدد کا نشانہ بنایا گیا تھا۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

پراسیکیوٹر کا دعویٰ ہے کہ کیلیفورنیا سے تعلق رکھنے والا ملزم ڈیوڈ ڈی پیپے نینسی پلوسی کو اغوا کر کے ان سے پوچھ گچھ کرنا چاہتا تھا اور تہیہ کیا ہوا تھا کہ اگر ایوان نمائندگان کی اسپیکر نے جھوٹ بولا تو ان کے گھٹنے کی ہڈی توڑ دے گا تاکہ ڈیموکریٹس کو سبق سکھایا جاسکے۔

رپورٹس کے مطابق حملے کے بعد سان فرانسسکو پولیس کا کہنا تھا کہ جب پولیس نینسی پلوسی کے گھر پہنچی تو حملہ آور ہتھوڑے سے ان کے شوہر پال پر حملہ کر رہا تھا جس کے بعد پولیس نے فوری طور پر اسے روک کر گرفتار کر لیا۔

میڈیا رپورٹس کے مطابق واقعے کے وقت پال پلوسی نے پولیس کو کال کر دی تھی اور فون کاٹے بغیر رکھ دیا تھا تا کہ سامنے والا گھر میں گھسنے والے حملہ آور کے ساتھ ان کی گفتگو سن سکے۔

پولیس کا کہنا تھا کہ شبہ ہے کہ حملہ آور اسپیکر نینسی پلوسی پر حملے کی غرض سے گھر میں داخل ہوا تھا تاہم وہ گھر پر موجود نہیں تھیں۔ پال پلوسی کے سر میں فریکچر کی سرجری کی گئی ہے اور ان کے بائیں بازو میں بھی گہرے زخم آئے اسپیکر نینسی پلوسی کی اپنے شوہر سے آپریشن سے قبل بات کروائی گئی تھی۔

سوئزرلینڈ میں دو کلومیٹر لمبی دنیا کی طویل ترین ٹرین کے سفر کا آغاز

چین سے مقابلے کے لیے امریکا نے بھارت کو دفاعی اتحادی بنانے کا فیصلہ کرلیا۔

باغی ٹی وی : غیر ملکی میڈیا رپورٹس کے مطابق چین سے متعلق امریکا کی دفاعی حکمت عملی جاری کردی گئی جس کے مطابق امریکا نے چین سے مقابلے کے لیے بھارت کو دفاعی اتحادی بنانے کا فیصلہ کیا ہے،امریکی نیشنل اسٹریٹجک رپورٹ میں پاکستان کا نام شامل نہیں ہے۔

برطانیہ امیگریشن دفتر پرنامعلوم شخص کا بم حملہ ،ملزم نے خودکشی کر لی

پینٹاگون کی نیشنل ڈیفنس اسٹریٹجی کے مطابق چین امریکا کا اسٹریٹجک حریف ہے ،امریکا اور بھارت مل کر چین کا مقابلہ کریں گے،پالیسی کے تحت چین کی طرف سے جارحیت کی صورت میں امریکا بھارت کی مدد کرے گا۔

امریکی حکمت عملی رپورٹ میں کہا گیا ہے کہ چین واحد ملک ہے جو عالمی آرڈر کو بدل سکتا اورارادہ بھی رکھتا ہے۔چین اور روس میں تعلقات بڑھ رہے ہیں، چین سے مقابلے کے لیے امریکی دفاع کو مزید مضبوط کیا جائے گا-

چین میں کورونا وائرس ایک بار پھر سر اُٹھانے لگا

افغانستان سے انخلا کے بعد مشرق وسطیٰ میں بھی فوجی موجودگی کو درست کیا جائے گا اس کے علاوہ گلف تعاون کونسل، یو اے ای اور سعودی عرب کے ساتھ فضائی اور میزائل ڈیفنس تعاون جاری رہے گا۔

دوسری جانب چین کا کہنا ہے کہ امریکا کو چین سے معاملات میں تعصب کی عینک نہیں لگانی چاہیے امریکی وزیر خارجہ انٹونی بلنکن سے ٹیلیفون پر بات چیت میں چینی وزیرخارجہ وانگ ای کا کہنا تھا کہ چین سے معاملات میں امریکا کو متعصب نہیں ہونا چاہیے۔

انہوں نے کہا کہ چین سے متعلق اندازوں میں امریکا تعصب کی عینک لگانا بند کرے، چین کی داخلی اور خارجی پالیسیاں صاف اور شفاف ہیں اور چین کے اسٹریٹجک ارادے بھی واضح ہیں۔

ایران کیساتھ جوہری معاہدےکی بحالی کی ناکامی پر وقتِ ضرورت فوجی آپشن زیرِغورہے،امریکی ایلچی

کیف: یوکرین نے کہا ہے کہ روس نے 50 سے زائد میزائلوں سے کئی شہروں کو نشانہ بنایا جس کے بعد بجلی کا نظام متاثر ہو گیا-

باغی ٹی وی: یوکرین میں روسی فوجی آپریشن پیر کے روز جاری رہے یوکرین نے کہا کہ روس نے 50 سے زائد میزائلوں سے کئی شہروں کو نشانہ بنایا۔

یوکرین جنگ میں روس اور امریکا تنازعہ خلا تک پہنچ گیا

یوکرینی فوج نے ملک میں 50 سے زیادہ کروز میزائل” فائر کرنے کی تصدیق کی ہے یوکرین کی فضائیہ نے ٹیلی گرام پر کہا ہے کہ شمالی بحیرہ کیسپین اور روس کے روسٹوو کے علاقے سے Tu-95s اور Tu-160s سے 50 سے زیادہ X-101/X-555 کروز میزائل طیارے سے فائر کیے گئے۔

یوکرینی ایوان صدر نے اطلاع دی کہ کئی علاقوں میں توانائی کی تنصیبات پر”بڑے پیمانے پر روسی حملہ” ہوا ہےمقامی حکام نے رہائشیوں سے فضائی بمباری کی وارننگ ختم ہونے تک پناہ گاہوں میں رہنے کی اپیل کی ، جبکہ رہائشیوں کا کہنا تھا کہ انہوں نے شہر میں سلسلہ وار دھماکوں کی آوازیں سنی ہیں۔

کینیڈا میں دیوالی کی تقریبات میں بھارتی اور خالصتان کا پرچم لہرانے والے سیکڑوں…

یوکرین کے صدارتی مشیر کیریلو تیموشینکو نے کہا ہے کہ روسیوں نے ایک بار پھر کئی علاقوں میں توانائی کی تنصیبات پر بڑے پیمانے پر حملہ کیا۔ فضائی دفاع نے کچھ میزائلوں کو مار گرایا، جبکہ دیگر نے ہدف کو نشانہ بنایا۔

Ukrainian air-defenses intercepted a Russian cruise missile over Kyiv pic.twitter.com/snLVkZgdd7

— Giorgi Revishvili (@revishvilig) October 31, 2022

شہر کے میئر نے روسی حملوں کے بعد کیف کے محلّوں میں بلیک آؤٹ کا اعلان کیا ہے۔ روسی بمباری سے بجلی کا نظام بری طرح متاثر ہوا ہے۔ دارالحکومت میں پاور ٹرانسمیشن سینٹر بمباری سے متاثر ہوئے ہیں۔

واضح رہے کہ جہاں روسی فوج کے یونٹ یوکرین کے علاقوں پر مکمل کنٹرول بڑھانے اور کییف فورسز کے ٹھکانوں پر حملہ کرنے کی کوشش کر رہے ہیں وہیں دوسری جانب یوکرینی فورسز مزاحمت جاری رکھے ہوئے ہیں اوروہ کھوئے ہوئے علاقوں پر قبضہ دوبارہ حاصل کرنے کی کوشش کر رہے ہیں یوکرین کو روس کے خلاف مزاحمت میں امریکا اور مغرب کی مادی اور فوجی مدد بھی حاصل ہے-

دس سال سزا پانے والے للا دی سلوا دوبارہ برازیل کے صدر منتخب