دہشت گردوں نے جنوبی وزیرستان کے ضلع اعظم ورسک میں ایک فوجی چوکی پر فائرنگ ،2 جوان شہید ایک دہشت گرد ہلاک ہوگیا-
باغی ٹی وی : آئی ایس پی آر کے مطابق سئیون کے دستوں نے فوری جوابی کارروائی شروع کی اور دہشت گردوں کے ٹھکانے کو مؤثر طریقے سے تلاش کیا۔ جس کے نتیجے میں 1 دہشت گرد ہلاک ہو گیا ہلاک دہشت گرد سے اسلحہ اور گولہ بارود بھی برآمد ہوا ہے۔
سابق وزیر خزانہ اور رہنما مسلم لیگ ن اسحاق ڈار 5 سال بعد پاکستان پہنچ گئے-
باغی ٹی وی : امریکا اور برطانیہ کے دورے کے بعد وزیراعظم شہباز شریف وطن واپس پہنچ گئے سابق وزیر خزانہ اسحاق ڈار بھی وزیراعظم کے ہمراہ ہیں،وفاقی وزیر خزانہ مفتاح اسماعیل اور وفاقی وزیر اطلاعات و نشریات مریم اورنگزیب بھی وطن واپس پہنچ گئے ہیں وزیراعظم شہباز شریف اور ان کا وفد خصوصی طیارے میں لندن سے براہ راست اسلام آباد پہنچا ہے-
پاکستان روانگی سے گفتگو کرتے ہوئے اسحاق ڈار کا کہنا تھا کہ پاکستان چار سال سے جس بھنور سے گزرا ہے وہ کسی سے ڈھکا چھپا نہیں ہے اللہ کا خاص کرم ہے کہ جس دفتر سے نکل کر اپنے میڈیکل کے لیے لندن آیا تھا، آج اسی دفتر میں اللہ نے واپس بلوایا ہے۔
اسحاق ڈار کا کہنا تھا نواز شریف کی قیادت میں 2023 سے 2017 تک میں ہم دنیا کی 18ویں معیشت بننے جا رہےتھے، کم ترین شرح سود تھی اورگروتھ ریٹ بھی بلند تھی،دیگر مائیکروانڈیکیٹرز بہترین اور بلند سطح پر تھےاور زرمبادلہ کےذخائر بلند ترین سطح پرتھے، پاکستانی روپیہ بھی مستحکم تھا۔
انہوں نے کہا کہ کوشش ہو گی گرتی ہوئی ملکی معیشت کو روکیں اور اس کی سمت درست کریں میرے خلاف 20 سال کے ٹیکس ریٹرنز جمع نہ کرانےکا جعلی کیس تھا، مین نے کبھی ٹیکس ریٹرن جمع کرانے میں تاخیر نہیں کی۔
واضح رہے کہ ہ گزشتہ روز اسحاق ڈار کی پاکستان واپسی کا حتمی فیصلہ ہوا تھا، جس کے بعد مفتاح اسماعیل نے وزارت خزانہ سے استعفیٰ دے دیا ہے ن لیگی رہنما اسحاق ڈار پاکستان پہنچ کر سینیٹر اور وزیرِ خزانہ کے عہدوں کے حلف اٹھائیں گے، اسحاق ڈار گزشتہ 5 برس سے لندن میں خود ساختہ جلا وطنی کی زندگی بسر کر رہے تھے-
جورڈن انٹرنیشنل برج فیسٹول میں باغی ٹی وی کی ٹیم شرکت کیلئے تیار
باغی ٹی وی کی ٹیم آج شب اردن روانہ ہو گی، ٹیم کی قیادت باغی ٹی وی کے سی ای او مبشر لقمان کریں گے . جبکہ ٹیم کے دیگر کھلاڑیوں میں غالب بندیشہ، غیاث احمد ملک، جہانگیر احمد،مرزا شوق حسین شامل ہیں ، 39 واں جورڈن انٹرنیشنل برج فیسٹول 28 ستمبر سے 3 اکتوبر تک جاری رہے گا،
باغی ٹی وی کی برج ٹیم میں شامل غالب بندیشہ پاکستان برج فیڈریشن کے ڈائریکٹر ہیں اورلاہو ربرج ایسوسی ایشن کے صدر ہیں، غالب بندیشہ برج کے کئی ٹورنامنٹس میں شرکت کر کے تمغے جیت چکے ہیں، 21ویں BFAME چیمپئن شپ 2021 میں لاہور میں ہوئی جس میں بندیشہ نے سینئرز ٹیم ایونٹ میں گولڈ میڈل جیتا۔20ویں BFAME چیمپئن شپ 2019 میں عمان اردن میں ہوئی جس میں بندیشہ نے سینئر ٹیم میں کانسی کا تمغہ جیتا ،دبئی میں 2017 میں 19ویں BFAME چیمپئن شپ، سینئرز ٹیم میں سلور میڈل جیتا ،17ویں BFAME چیمپئن شپ 2013 میں احمد آباد انڈیا میں اوپن ٹیم میں حصہ لیا۔ بندیشہ نے ورلڈ ٹیم چیمپئن شپ میں حصہ لیا ،45ویں ورلڈ ٹیم چیمپئن شپ کا انعقا اٹلی میں مارچ 2022 میں ہوا۔44 واں ڈبلیو ٹی سی 2019 میں ووہان چین میں ،43 ویں ڈبلیو ٹی سی 2017 میں لیون فرانس میں ہوئی، انہوں نے ایشین گیمز (AG) میں بھی شرکت کی ،18ویں AG 2018 میں جکارتہ انڈونیشیا میں اوپن ٹیم میں رہے میجر اسد مقبول کے ساتھ پیئرز ایونٹس میں دیگر میڈلز لئے، 2013 میں چین عرب چیمپئن شپ میں گولڈ میڈل جیتا، 2016 میں دبئی میں یو اے ای یوم آزادی برج چیمپئن شپ میں گولڈ میڈل جیتا،
غالب بندیشہ ٹیم ایونٹ کے طور پر دیگر چیمپئن شپ میں بھی شریک ہوئے،پاکستان برج فیڈریشن (PBF) کے زیر اہتمام پاکستان میں نیشنل برج چیمپئن شپ کا انعقاد ہوا،غالب بندیشہ 2013 اوپن ٹیم ایونٹ میں فاتح رہے، 2016 کے فاتح اوپن ٹیم میں رہے، سینئرز ٹیم میں 2017 کے فاتح ،سینئرز ٹیم میں 2019 کے فاتح ،سینئرز ٹیم میں 2021 کے فاتح رہے
Mirza Shauq Hussain
باغی ٹی وی کی ٹیم میں شامل مرزا شوق حسین نے ماضی میں سوئٹزرلینڈ، جنوبی افریقہ، ہالینڈ، فرانس، اٹلی ،اردن اور برازیل میں پاکستان کی برج ٹیم کی نمائندگی کی ہے، وہ پاکستان ٹیم کا کوچ کم پلیئر بھی رہ چکے ہیں،
Jahangir Ahmed
باغی ٹی وی کی ٹیم میں شامل مرزا جہانگیر احمد نے پاکستان کی قومی برج ٹیم کی ورلڈ برج اولمپیاڈ فرسٹ مائنڈ اسپورٹس بیجنگ چین میں 2008 کی نمائندگی کی۔ وہ واحد پاکستانی ہیں جس کے نائین ہینڈز ریکارڈ اور پبلش ہوئے ہیں،انہوں نے بالیجی انٹرنیشنل ٹورنامنٹ 2009 جیتا۔ قائد اعظم ڈے برج پاکستان نیشنل ٹورنامنٹ 2017 کے فاتح ہیں جو اوپن پیئرز اسلام آباد کلب میں منعقد ہوا تھا، پاکستان کی قومی ٹیم بیفام زونل چیمپیئن شپ کی نمائندگی کرتے ہوئے اردن میں 2019 میں رنرز اپ آئے، 4 بار بھارت میں لاہور جم خانہ ٹیم کی نمائندگی کی۔ برج کیریئر کے دوران متعدد قومی ٹورنامنٹ اور چیمپئن شپ بھی جیت چکے ہیں۔
MALIK GHIAS AHMED
باغی ٹی وی کی برج ٹیم میں شامل ملک غیاث احمد پاکستان کی قومی چیمپئن ٹیم کے 4 سے زائد مرتبہ رکن رہے، وہ ممبر لاہور جم خانہ ٹیم برائے انڈیا 2006 میں رہے، انہوں نے بالی میموریل ٹورنامنٹ میں پیئرز ایونٹ جیتا ،بالی میموریل برج ٹورنامنٹ اوپن ٹیمیں اور چار سے زیادہ مواقع پر رنر اپ رہے، اسلام آباد میں قائداعظم برج ٹورنی ورلڈ مائنڈ گیمز- مائنڈ اولمپکس- روکلا، پولینڈ، 2016 میں پاکستان کی نمائندگی کی۔دبئی میں BFAME 2017 میں پاکستان کی نمائندگی کی۔عمان، اردن میں BFAME 2019 میں پاکستان کی نمائندگی کی،2019 میں چین میں پاکستان برج کی نمائندگی کی ،ملک غیاث احمد
ڈائریکٹر لاہور برج ایسوسی ایشن بھی ہیں
مبشر لقمان باغی ٹی وی کی برج ٹیم کے لیڈر ہیں، مبشر لقمان نے بہت کم عرصے میں برج میں نام کمایا ہے، مبشر لقمان نے انتہائی مختصر دورانئے میں برج کے کئی کھلاڑیوں کو پیچھے چھوڑ دیا ہے، گزشتہ ماہ جم خانہ کلب میں سپریم نیشنل برج چیمپئن کی طرف سے ایک ٹورنا منٹ کا انعقاد کیا گیا تھا جس میں باغی ٹی وی کی ٹیم نے نمایاں کامیابی حاصل کی تھی اور رنر اپ کے طور پر آئی تھی
جورڈن میں ہونے والے انٹرنیشنل برج فیسٹول میں دنیا بھر سے کھلاڑی شرکت کریں گے جاری اعلامیہ کے مطابق فیستول میں جیتنے والے کھلاڑیوں میں انعامات بھی تقسیم کیئے جائیں گے شیڈول کے مطابق،کھیل کا آغاز 28 ستمبر سے ہورہا ہے جو بوقت 11:00صبح، 06:00شام اور 07:00 شام اور یہ پہلا سیشن ہوگا.
دوسرے سیشن کا آغاز 29 ستمبر سے ہوگا جو بوقت 10:00صبح، جبکہ 10:30صبح اور 05:30شام کو ہوگا، اس کے ساتھ ہی تیسرے سیشن کا آغاز 30 ستمبر سے ہوگا جو بوقت 10:00صبح، 10:30صبح ، 05:30 شام کو ہوگا جبکہ میکسڈ سیشن نمبر ایک کا آغاز اور اسی طرح میسکڈ سیشن 2 کا آغاز بوقت 06:00شام یکم اکتوبر سے ہوگا. اتوار 2 ستمبر کو اوپن ٹیمز بوقت 10:30شام اور 04:00شام کو ہوگا. جبکہ 3 ستمبر سوموار کو اختتام ہوگا اور اس کے شیڈول میں 12:00شام اوپن ٹیمز جبکہ رات 08:00 بجے گالا ڈنر ہوگا.برج فیسٹول جورڈن کے معروف امان ہوٹل میں منعقد ہو گا
جورڈن فیڈریشن کے صدر کی طرف سے جاری اعلامیہ میں کہا گیا ہے کہ میں برج فیڈریشن کے 39 ویں بین الاقوامی برج فیسٹیول میں شامل معززیں کو خوش آمدید کہتا ہوں، اور اس سال کا تہوار دو سال کے وقفے کے بعد آیا ہے شکر ہے کہ دنیا اب عالمی وبا سے ٹھیک ہو رہی ہے اور ہماری زندگیاں معمول کی جانب آنا شروع ہو گئی ہیں مجھے آپ کو بتاتے ہوئے خوشی ہو رہی ہے کہ ایک نئی برج فیڈریشن اس سال فروری کے آخر میں تشکیل دی گئی تھی جوعلاقائی اور بین الاقوامی برج فیڈریشنوں اور تنظیموں کے ساتھ تعاون کی منتظر ہوگی اور اس شاندار دماغی کھیل کو فروغ دینے کے لیے ہم پرجوش ہیں۔ ہم پاکستان اور امریکہ سمیت دنیا کے تمام اپنے مہمانوں کے لیے پرجوش ہیں
لندن میں مسلم لیگ ن کے قائد اور سابق وزیراعظم نواز شریف کے سیکرٹری راشد نصر اللہ پر آفس جاتے ہوئے نامعلوم افراد نے چاقو سے حملہ کیا ہے۔
باغی ٹی وی: راشد نصر اللہ پر حملہ ایسٹ لندن میں الفرڈ کے مقام پرکیا گیا، راشد نصر اللہ حملے میں محفوظ رہے، نصر اللہ کے مطابق حملہ آور چاقو اور خنجروں سے لیس تھے، حملہ آوروں نے انہیں نواز شریف سے دور رہنے، ساتھ چھوڑنے اور لاتعلقی کا کہا۔
راشد نصراللہ کا کہنا تھا کہ حملہ آور گالم گلوچ کرتے ہوئے فرار ہوگئے، پولیس کو رپورٹ درج کرادی ہے، ہمیں دنیاکی کوئی طاقت نواز شریف سےدور نہیں کرسکتی، ہم ان اوچھے ہتھکنڈوں سے ڈرنے والے نہیں۔
واضح رہے کہ اس سے قبل رواں ماہ اپریل میں سابق وزیراعظم نواز شریف پر لندن میں حملہ ہوا تھا ایک نوجوان نے قائد ن لیگ کو موبائل دے مارا جو ان کے گارڈ کو لگا تھا جس سے گارڈ زخمی ہوگیا تھا قائد ن لیگ دفتر سے باہر نکل رہے تھے ایک نوجوان نے بدتمیزی کرتے ہوئے نواز شریف پر حملے کی کوشش کی تھی-
نائب صدر مسلم لیگ ن مریم نواز نے کہا تھا کہ اس بار ان حملہ آوروں کو نہیں چھوڑیں گے۔
پاکستان علماء کونسل کے چیئرمین حافظ طاہر اشرفی بھی ٹرانسجینڈر بل کو دیکھ کر خاموش نہ رہ سکے
حافظ طاہر اشرفی کا کہنا تھا کہ خواجہ سراء اللہ کی مخلوق ہیں ان کو ان کے مکمل حقوق ملنے چاہئے، مذہبی و سیاسی جماعتیں خواجہ سراؤں کے حقوق کی مخالف نہیں مرد و عورت کے خواجہ سراء بننے کے خلاف ہیں ٹرانسجینڈر ایکٹ کے حوالہ سے جمعیت علماء اسلام کی طرف سے تیار کردہ بل و ترامیم کا خیر مقدم کریں گے بل چار سال قبل پاس ہوا حکومت کی طرف سے ترامیم کیلئے کمیٹی بنانے کی تجویز درست سمت قدم ہے
حافظ طاہر اشرفی نے یہ بات علماء و مشائخ سے گفتگو کرتے ہوئے کہی اس موقع پر علامہ عبد الحق مجاہد، مولانا نعمان حاشر ، مولانا محمد شفیع قاسمی ، مولانا طاہر عقیل اعوان، علامہ طاہر الحسن، مولانا محمد اشفاق پتافی، مولانا اسد اللہ فاروق ، علامہ زبیر عابد ، مولانا اسلم صدیقی، مولانا سعد اللہ لدھیانوی ، مولانا عزیز اکبر قاسم اور دیگر بھی موجود تھے ،علامہ طاہر اشرفی کا کہنا تھا کہ پاکستان کا آئین کسی بھی غیر شرعی قانون کی اجازت نہیں دیتا، ٹرانس جینڈر ایکٹ چار سال قبل منظور ہوا جس میں سب کی کوتاہی شامل ہے ٹرانس جینڈر ایکٹ آئین پاکستان اور شریعت اسلامیہ کے خلاف جو ترامیم ہیں ان کے حل کیلئے وزیر قانون نے مشترکہ کمیٹی بنانے کی تجویز دی ہے اس پر عمل ہونا چاہئے
اسلام آباد: ربیع الاول کا چاند نظر نہیں آیا ہے، عید میلاد النبیﷺ 9 اکتوبر کو ہو گی۔
باغی ٹی وی : چیئرمین مرکزی رویت ہلال کمیٹی مولانا عبدالخبیر آزاد کی زیر صدارت ربیع الاول کے چاند سے متعلق اجلاس ہوا جبکہ دیگر شہروں سے زونل کمیٹی کے ارکان نے بذریعہ ویڈیو لنک اجلاس میں شرکت کی۔
مولانا عبدالخبیر آزاد نے اعلان کیا کہ ربیع الاول کا چاند نظر نہیں آیا ہے لہٰذا یکم ربیع الاول 28 ستمبر بروز بدھ کو ہوگی۔
عید میلاد النبیﷺ یعنی 12 ربیع الاول بروز اتوار 9 اکتوبر کو ہوگی۔
مسلمان ہر سال اپنے نبی محمد صلی اللہ علیہ و آلہ وسلم کی ولادت کی مناسبت سے مناتے ہیں یہ ربیع الاول کے مہینہ میں آتا ہے جو اسلامی تقویم کے لحاظ سے تیسرا مہینہ ہے۔ ویسے تو میلاد النبی اور محافلِ نعت کا انعقاد پورا سال ہی جاری رہتی ہیں، لیکن خاص ماہِ ربیع الاول میں عید میلاد النبی کا تہوار پوری مذہبی عقیدت اور احترام سے منایا جاتا ہے۔
یکم ربیع الاول سے ہی مساجد اور دیگر مقامات پر میلاد النبی اور نعت خوانی ( مدحِ رسول صلی اللہ علیہ و آلہ وسلم) کی محافل شروع ہو جاتی ہیں جن علمائے کرام آنحضرت صلی اللہ علیہ وسلم کی ولادت باسعادت،آپ کی ذات مبارکہ اور سیرت طیبہ کےمختلف پہلوؤں پر روشنی ڈالتے ہیں۔
اسی طرح مختلف شعرا اور ثنا خوانِ رسول آنحضرت صلی اللہ علیہ وسلم کی شان اقدس میں نعتیہ گلہائے عقیدت اور درود و سلام پیش کرتے ہیں۔ 12 ربیع الاول کو کئی اسلامی ممالک میں سرکاری طور پر عام تعطیل ہوتی ہے۔ اس کے علاوہ بنگلہ دیش، انڈیا، پاکستان، افغانستان، امریکا، برطانیہ، کینیڈا، کوریا، جاپان اور دیگر غیر اسلامی ممالک میں بھی مسلمان کثرت سے میلادالنبی اور نعت خوانی کی محافل منعقد کرتے ہیں۔
کچرا کنڈی سے ملے انسانی کٹے ہوئے پاؤں، علاقے میں خوف و ہراس پھیل گیا
باغی ٹی وی کی رپورٹ کے مطابق پنجاب کے صوبائی دارالحکومت لاہور میں جرائم میں مسلسل اضافہ ہو رہا ہے
لاہور میں تھانہ نواں کوٹ کی حدود سے انسانی کٹے ہوئے پاؤں ملے جس کے بعد علاقے میں خوف و ہراس پھیل گیا،اہل علاقہ نے پولیس کو اطلاع دی کہ نواں کوٹ کے علاقے میں کچرا کنڈی کے قریب سے کٹے ہوئے دو پاؤں ملے ہیں،جس کے بعد پولیس کی بھاری نفری موقع پر پہنچ گئی، ایس ایچ او نواں کوٹ کا کہنا تھا کہ بظاہر لگتا ہے کہ کسی مریض کے پاؤں کو کاٹ کر میڈیکل کٹ میں دفن کرنے کیلئے بھجوایا گیا ہے، تا ہم یہ پاؤں یہاں کیسے آئے اس کی تحقیقات کریں گے،
ایس پی اقبال ٹاؤن ڈاکٹر عمارہ شیرازی کی ہدایت پر انسانی پاؤں کو کرائم سین یونٹ۔فرانزک کے بعد ہسپتال کے مردہ خانہ جمع کروا دیا گیا ،ایس پی اقبال ٹاؤن ڈاکٹر عمارہ شیرازی کا کہنا تھا کہ مزید قانونی کارروائی درخواست ملنے پر عمل میں لائی جائے گی۔
دوسری جانب لاہور کے مختلف علاقوں میں ڈاکوؤں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے ، ڈاکوؤں نے ٹاؤن شپ کے علاقے میں اسلم کے گھر میں گھس کر اہلخانہ کو گن پوائنٹ یرغمال بنا کر 4لاکھ 70 ہزار روپے نقدی، طلائی زیورات، موبائل فون اور دیگر سامان، مغلپورہ کے رضوان کی فیملی سے 3لاکھ 66ہزارروپے مالیت کی نقدی، طلائی زیورات اور موبائل فون، برکی میں بلال سے 3 لاکھ 40 ہزار اور موبائل فون ،راوی روڈ پر جمیل سے 3لاکھ اور موبائل فون ، شادمان سے عمران سے ایک لاکھ 55 ہزار روپے اور موبائل فون،رائیونڈ سٹی میں وقاص سے40 ہزار اور موبائل فون ،ڈیفنس میںماجد سے38ہزار اور موبائل فون،شاہدرہ ٹاؤن میں صغیرسے 13ہز اراورموبائل فون لوٹ لیا
کرپشن کے نئے دور کا آغاز ہونے جا رہا ہے۔میاں اسلم اقبال
سینئر صوبائی وزیر میاں اسلم اقبال نے کہا ہے کہ آڈیو لیک سے شریف خاندان کا اصل چہرہ قوم کے سامنے آگیا ہے اوراس خاندان نے ہمیشہ اپنے کاروباری مفادات کو ریاستی مفادات پر ترجیحی دی ہے۔
سینئر صوبائی وزیر میاں اسلم اقبال نے کہا کہ پاکستان کے حکمران ہوتے ہوئے بھارت سے کاروباری تعلقات رکھنے والے خاندان پر اعتبار نہیں کیا جاسکتا۔ن لیگ سیاسی جماعت نہیں بلکہ مفاد پرستوں کا گروہ ہے اور شریف خاندان نے ن لیگ کو فیملی لمیٹڈ کمپنی بنا دیا۔انہوں نے کہا کہ شریف برادران کا روبار باہر اور حکومت پاکستان پر کرتے ہیں۔ ان کے ہوتے ہوئے غیر ملکی سرمایہ کاری نہیں آسکتی۔ وفاق میں بیٹھا کرپٹ ٹولا معاشی تباہی کا ذمہ دار ہے اور اسحاق ڈار کی واپسی سے معیشت بحال نہیں بلکہ کرپشن کے نئے دور کا آغاز ہونے جا رہا ہے۔ سینئر صوبائی وزیر ملک کو مزید معاشی تباہی سے بچانے کیلئے کرپٹ حکمرانوں سے نجات ضروری ہے۔ پاکستان تحریک انصاف کے چیئرمین عمران خان کی قیادت میں جدوجہد کے ذریعے کرپٹ ٹولے کو اقتدار سے باہر کرنے کا وقت آگیا اور پوری قوم اس کرپٹ خاندان سے ملک کو نجات دلانے کے لئے عمران خان کے ساتھ ہے
دوسری جانب مشیر اطلاعات حکومت پنجاب عمر سرفراز چیمہ نے شہباز شریف کے دورے پر بے تحاشہ ملکی خزانے کے استعمال کا حساب مانگ لیا ، عمر سرفراز چیمہ کا کہنا تھا کہ شہباز شریف اور اسکے دیوہیکل وفد نے بیرون ملک دوروں پر ملکی خزانے کو مال مفت کی طرح اڑایا ,شہباز شریف نے بیرونی دوروں پر لاکھوں ڈالر خرچ کردیے مگر ملک کو ایک دھیلا نہ ملا شہباز شریف نے بھیک مانگنے کے تمام جتن کیے مگر سوائے ملک کی بدنامی اور رسوائی کے کچھ ہاتھ نہ آیا ,شہباز شریف اور اسکے وفد نے اپنے اللوں تللوں پر جو ملکی خزانہ اڑایا قوم اسکا حساب مانگ رہی ہے,قوم کسی صورت محلاتی سازشوں اور لندن پلان کو کامیاب نہیں ہونے دے گی,اسحاق ڈار چلا ہوا کارتوس ,پہلے بھی ملکی معیشت کا بیڑہ غرق کرکے وزیراعظم کے جہاز میں بھاگ گیا تھا,اسحاق ڈار کا فائدہ صرف شریف خاندان کو ہوگا ,جن کے لیے یہ منی لانڈرنگ اور غیر قانونی کام کرتا ہے , شہباز زرداری حکومت ملکی معیشت کو ٹانکوں سے درست کرنے کی کوشش کررہی ہے ,ملکی معیشت کا حل صرف مین سرجری ہے جو نئے انتخابات ہیں ,
بچوں کو اغوا کرنے والی گینگ کی خاتون باغی ٹی وی کے دفتر کے سامنے سے اہل محلہ نے پکڑ لی
باغی ٹی وی کی رپورٹ کے مطابق پنجاب کے صوبائی دارالحکومت لاہور میں بچوں کو اغوا کرنے والی گینگ کی خاتون پکڑ لی گئی
ٕباغی ٹی وی کے دفتر کے قریبی محلہ سے خاتون بچے کو اغوا کرنے لگی تو بچے نے شور مچا دیا، ایک بچے کے شور مچانے پر باقی قریبی بچوں نے بھی شور مچایا اور گھروں کی طرف بھاگے ، اہل محلہ نے بچوں کا شور سنا تو گھروں سے باہر نکلے، بچوں نے بتایا کہ ایک خاتون ہے جس نے بچے کو اغوا کرنے کی کوشش کی، اس وجہ سے شور مچایا، خاتون نے موقع سے فرار ہونے کی کوشش کی تا ہم بچوں کے والدین بھاگ کر پیچھے آئے اور باغی ٹی وی کے دفتر کے سامنے خاتون کو گھیر لیا
باغی ٹی وی کے دفتر کے باہر شہریوں کے جمع ہونے پر سینئر صحافی و اینکر پرسن مبشر لقمان بھی باہر گئے، باغی ٹی وی کی ٹیم،کھرا سچ کی ٹیم بھی موقع پر پہنچی، مبشر لقمان نے شہریوں سے پوچھا کہ اسکو کہان سے اور کس نے پکڑا جس پر شہریوں نے بتایا کہ یہ خاتون ہمارے محلے میں بچے اغوا کرنے آئی تھی، مبشر لقمان نے خاتون سے بھی بات کی ، خاتون نے مبشر لقمان کے سوالوں کو نظر انداز کیا اور صحیح جواب نہ دیئے
خاتون سے جب بات کی گئی تو اسکا کہنا تھا کہ سات روز ہو گئے ہیں، میں بھٹہ چوک سے آئی ہوں، سڑک میری جان ہی نہیں چھوڑ رہی، کبھی خاتون کہتی تھی کہ میرے شوہر نے کہا ہے کہ بچے اٹھا کر لاؤ، کبھی کچھ اور کہتی تھی ، تا ہم ڈیفنس ہاؤسنگ اتھارٹی کی سیکورٹی اور پولیس کو اطلاع دی گئی جس کے بعد سیکورٹی اہلکار موقع پر پہنچے اور خاتون کو انکے حوالے کر دیا گیا
واضح رہے کہ پنجاب میں بچوں کے اغوا کے واقعات میں مسلسل اضافہ ہو رہا ہے، تین روز قبل بہاولنگر کے نواحی علاقے کاٹ روڈا سنگھ میں عوام نے چار مشکوک خواتین کو پکڑ کر پولیس کے حوالے کیا ہے اہل علاقہ کا کہنا ہے کہ مشکوک خواتین بچے اغوا کرنے والی ہیں جبکہ خواتین کا کہنا ہے کہ وہ بھیک مانگنے کیلئے وہاں گئی تھیں
لاہور الیکٹرک کمپنی (لیسکو) نے پاک انگلینڈ میچ کے دوران شہر میں بجلی بلاتعطل فراہمی کا اعلان کر دیا۔
باغی ٹی وی : لیسکو انتظامیہ کا کہنا ہے کہ میچ کےدوران قذافی اسٹیڈیم کےاطراف کےعلاقوں میں لوڈشیڈنگ نہیں کی جائے گی ایس ڈی اوگلبرگ ڈویژن کو فوکل پرسن مقررکر دیا گیا ہے جب کہ بلاتعطل بجلی کی فراہمی کے تمام اقدمات مکمل کرلیے گئےہیں۔
دوسری جانب پاکستان اور انگلینڈ کے مابین سات ٹی ٹونٹی انٹرنیشنل میچز پر مشتمل سیریز کے آخری تین میچز قذافی اسٹیڈیم لاہور میں کھیلے جائیں گے۔یہ میچز 28، 30 ستمبر اور 2 اکتوبر کو کھیلے جائیں گے۔ان میچز میں شرکت کے لیے دونوں ٹیمیں 26 ستمبر کو لاہور پہنچیں گی۔
پاکستان اور انگلینڈ کے درمیان ٹی 20 سیریز کے دوسرے مرحلے کے میچز کے لیے قذافی اسٹیڈیم میں تیاریاں حتمی مرحلے میں پہنچ گئی ہیں گراؤنڈ اسٹاف نے پچز تیار کر لی ہیں، دائیں اور بائیں جانب پریکٹس پچز بھی تیار ہیں۔پاکستان اور انگلینڈ کی کرکٹ ٹیمیں کل قذافی اسٹیڈیم میں ٹریننگ کریں گی۔
دوسری جانب پاکستان دو سو ٹی ٹوئنٹی کھیلنے والا پہلے ملک بن گیا ہے،پاکستان نے ٹی ٹوئنٹی کرکٹ میں بھارت، انگلینڈ اور آسٹریلیا سمیت پوری دنیا کو پیچھے چھو ڑ دیا ہے پاکستان نے یہ اعزاز کراچی میں انگلینڈ کیخلاف حاصل کیا، 200 ون ڈے میچز میں سے پاکستان 122 جیتا ہے اور 72 میچز ہارا ہے۔
