Tag: تازہ ترین

پاکستان میں سیلاب متاثرین کی مدد و بحالی کیلئے امداد آنے کا سلسلہ جاری ہے، کینیڈا کے وزیر ہرجیت سجن نے مزید 2 کروڑ 50 لاکھ ڈالر امداد دینے کا اعلان کیا ہے-

باغی ٹی وی : کینیڈین وزیر برائے ترقی نے پاکستان میں سیلاب سے متاثرہ علاقوں کا دورہ کرنے کے بعد دی جانے والی امداد بڑھانے کا اعلان کیا ہے ہرجیت سجن نے ویڈیو پیغام میں کہا کہ سیلاب متاثرین کیلئے مزید 2 کروڑ 50 لاکھ ڈالر دیئے جائیں گے۔

فرانسیسی عدالت نے 2009 میں حادثے پر یمنی ایئرلائنز کو مجرم قرار دیا

اس سے قبل کینیڈا نے پاکستان کے سیلاب زدگان کے لیے 5 ملین ڈالر امداد کا اعلان کیا تھا تاہم اب اس میں 25 ملین ڈالر کا اضافہ کردیا ہے جسکےمجموعی امداد 30 ملیں ڈالر ہوگئی کینیڈین وزیرنےکہا کہ پاکستان کو 20 لاکھ ڈالر الگ سے بھی فراہم کریں گےکوئی ملک موسمیاتی ایمرجنسی اور تباہی کی تیاری نہیں کرسکتا سیلاب سے متاثرہ لوگوں کو مدد کی فوری ضرورت ہے یہ رقم ریلیف سرگرمیوں اور متاثرین کی بحالی پر خرچ ہو گی۔

پاکستان کے سیلاب زدگان کے لیے امداد میں اضافے کا فیصلہ کینیڈا کی حکومت نے اپنے بین الاقوامی ترقی اور پیسیفک اکنامک ڈیولپمنٹ ایجنسی کے وزیر ہرجیت سجن کے دورۂ پاکستان کے بعد کیا ہے۔

No country can prepare for a #climate emergency of this scale. People need help now, that’s why on top of the $5 million, today we announced $25 million and a $3 million matching fund—for immediate relief, and to support rebuilding & recovery for the people of Pakistan. pic.twitter.com/yHDIowrUeI

— Harjit Sajjan (@HarjitSajjan) September 13, 2022

ہرجیت سجن کا کہنا تھا کہ کینیڈا سیلاب متاثرین کو ہرگز نہیں بھلا سکتا، خاص طور پر ان خواتین کو جو بری طرح سے متاثر ہوئی ہیں۔ ہم دیگر طریقوں پر بھی غور کر رہے ہیں کہ کس طرح تباہ کن سیلاب سے متاثر ہونے والوں کی مدد کی جائے۔

انہوں نے عالمی ادارہ صحت اور یونیسیف کے توسط سے پاکستان میں پولیو کے خاتمے کی کوششوں میں تعاون کے لیے گلوبل پولیو ایریڈیکیشن انیشیٹو میں 2 کروڑ ڈالر دینے کا بھی اعلان کیا ہے۔ بیان میں مزید کہا گیا تھا کہ یہ شراکت گلوبل پولیو ایریڈیکیشن انیشیٹو کے لیے کینیڈا کی جاری کردہ 19 کروڑ ڈالر کا حصہ ہے۔

قبل ازیں کینیڈا کے وزیر اعظم جسٹن ٹروڈو نےکہا کہ کینیڈا بااعتماد شراکت داروں کےذریعے پاکستان کے سیلاب متاثرین کے لیے خوراک، پینےکا صاف پانی اوردیگر ضروری اشیا کی فراہمی جاری رکھے گا۔ جسٹن ٹروڈو نےاعلان کیاکہ پاکستان میں سیلاب کے پیش نطر حکومت کینیڈا انسانی ہمدردی کے لیے عطیات ہیومینٹیرین کولیشن کے ذریعے دے گی۔

انہوں نے کہا کہ 28 ستمبر 2022 تک ہیومینٹیرین کولیشن کو انفرادی طور پر اور اس کے اراکین کی طرف سے دیا گیا ہر عطیہ زیادہ سے زیادہ 3 لاکھ ڈالر تک ہوجائے گا علاوہ ازیں کینیڈا کے وزیر اعظم نے پاکستان میں ترقیاتی منصوبوں میں مدد کرنے کا بھی اعلان کیا ہے۔

برطانیہ میں مہنگائی 14 سال کی بلند ترین سطح پرپہنچ گئی

امریکا نے بدھ کے روز اعلان کیا ہے کہ ایک نئے سوئس ٹرسٹ فنڈ کے ذریعے افغانستان کے مرکزی بینک کے منجمد 3.5 ارب ڈالر منتقل کیا جائے گا جو طالبان کے زیر کنٹرول نہیں ہوں گے، جس سے گرتی ہوئی تباہ حال معیشت مستحکم کرنے میں مدد ملے گی۔

باغی ٹی وی : برطانوی خبر رساں ادارے ‘روئٹرز’ کی رپورٹ کے مطابق ٹرسٹیز بورڈ کے ماتحت افغان فنڈ سے ملک بجلی جیسی اہم درآمدات کی ادائیگی کر سکتا ہے، اس کے علاوہ عالمی مالیاتی اداروں کو قرض کی ادائیگی، ترقیاتی امداد کے لیے افغانستان کی اہلیت کا تحفظ اور نئی کرنسی کی پرنٹنگ کے لیے بھی فنڈز فراہم کر سکتا ہے۔

برطانیہ میں مہنگائی 14 سال کی بلند ترین سطح پرپہنچ گئی

امریکی ڈپٹی سیکریٹری برائے خزانہ ویلے ایڈیمو نے اپنے بیان میں کہا کہ افغان فنڈ کو محفوظ رکھا جائے گا اور مخصوص 3.5 ارب ڈالر کا اجرا ملکی معیشت میں زیادہ سے زیادہ استحکام لانے کے لیے مددگار ہو گا۔

امریکی حکام نے کہا کہ افغان مرکزی بینک میں اس وقت تک رقم منتقل نہیں کی جائے گی جسے ڈی اے بی کہا جاتا ہے جب تک اس میں سیاسی مداخلت ختم نہیں ہوتی، جہاں بینک کے اعلیٰ طالبان عہدیداروں کے حوالے سے سفارتی تعطل بھی پیدا ہوا تھا کیونکہ ان میں سے دو عہدیدار ایسے ہیں، جن پر اقوام متحدہ اور امریکا کی پابندی عائد ہے اور منی لانڈرنگ کے خلاف حفاظتی اقدامات شروع کر دیئے گئے ہیں۔

امریکی ڈپٹی سیکریٹری برائے خزانہ ویلے ایڈیمو نے مرکزی بینک کے سپریم کونسل کو ایک خط میں لکھا کہ جب تک شرائط مکمل نہیں کی جاتیں ڈی اے بی (افغان سینٹرل بینک) میں فنڈ منتقل کرنا ناقابل فہم خطرہ ہوگا اور افغان عوام کی مدد خطرے میں پڑے گی۔

ڈی اے بی نے کہا کہ مرکزی بینک کے ذخائر افغان عوام کے ہیں اور ان کا مقصد کرنسی کے استحکام، مالیاتی نظام کی مضبوطی اور بین الاقوامی تجارت میں سہولت فراہم کرنا ہے –

ڈی اے بی کے ایک بیان میں کہا گیا ہے کہ غیر متعلقہ اہداف کے لیے ذخائر کی تفویض، استعمال یا منتقلی سے متعلق کوئی بھی فیصلہ ڈی اے بی کے لیے ناقابل قبول ہے۔

اسکاٹ لینڈ میں شہنشاہیت کے خلاف مظاہرے، جمہوریت کا پول کھل گیا

جنیوا میں قائم نیا فنڈ کا اکاؤنٹ بینک فار انٹرنیشنل سیٹلمنٹس (بی آئی ایس) میں ہے اور یہ فنڈ مرکزی بینکوں کو مالی خدمات فراہم کرتا ہے۔

بینک فار انٹرنیشنل سیٹلمنٹس (بی آئی ایس) نے اپنے بیان میں کہا ہے کہ بی آئی ایس افغانستان کے لوگوں کے لیے فنڈ کے ساتھ صارفین کے تحت تعلقات بنا رہا ہے، جس کا کردار فنڈ کے انتظام یا فیصلہ سازی میں شامل کیے بغیر فنڈ کے بورڈ آف ٹرسٹیز کو بینکنگ خدمات فراہم کرنے اور ان پر عمل درآمد تک محدود ہے اور وہ تمام قابل اطلاق پابندیوں اور ضوابط کی تعمیل کرے گا۔

سوئس حکومت نے کہا کہ وہ اس فاؤنڈیشن کی حمایت کرے گی جس نے واشنگٹن کو مالیاتی اور ترقیاتی مہارت فراہم کرکے قائم کرنے میں مدد کی تھی۔ اس نے وزارت خارجہ کی اہلکار الیگزینڈرا بومن کو بورڈ کی نمائندہ نامزد کیا۔

اقوام متحدہ کے مطابق اس فنڈ سے گرتی ہوئی معیشت کے سنگین مسائل حل نہیں ہوں گے سنگین معاشی اور انسانی بحرانوں کے مزید بڑھنے کا خدشہ ہے کیونکہ سردیوں کا موسم آنے کو ہے اقوام متحدہ کے مطابق افغانستان کے 4 کروڑ آبادی کا تقریباً نصف حصہ شدید بھوک اور افلاس کا شکار ہے۔

طالبان کا سب سے بڑا مالی چیلنج مالی امداد کی تلافی کرنے کے لیے نیا سرمایہ پیدا کرنا ہے، جس پر حکومتی اخراجات کا 75 فیصد تک خرچ ہوتا جو کہ دو دہائیوں تک رہنے والی جنگ کے خاتمے پر امریکی فوجیوں کے انخلا کے بعد اگست 2021 میں کابل پر طالبان کی واپسی کے ساتھ ہی امریکا اور دیگر عطیہ دہندگان نے امداد روک دی تھی۔

طالبان حکومت کا پنجشیر میں 40 جنگجوؤں کو ہلاک کرنے کا دعویٰ

ایک امریکی عہدیدار نے نام ظاہر نہ کرنے کی شرط پر نئے فنڈ کے حوالے سے صحافیوں کو بریفنگ دیتے ہوئے کہا کہ افغانستان کی معیشت کو سنگین ساختی مسائل کا سامنا ہے جس میں طالبان کے قبضے کے بعد اضافہ ہوگیا ہے۔

معاشی بحران کی وجوہات میں دہائیوں پر محیط جنگ، خشک سالی، عالمی وبا کورونا، بے تحاشا بدعنوانی، اور عالمی بینکوں سے افغانستان کے سینٹرل بینک کا منقطع ہونا شامل ہیں۔

اسٹیٹ ڈپارٹمنٹ کے ترجمان نیڈ پرائس نے صحافیوں کو بتایا کہ 3.5 بلین ڈالر ابھی نئے فنڈ میں جمع ہونا باقی ہیں، لیکن منتقلی "جلد سے جلد” ہو جائے گی۔

نئے فنڈ کا قیام امریکی صدر جو بائیڈن کی انتظامیہ، سوئٹززلینڈ اور دیگر فریقین کے درمیان مذاکرات کے دو مہینوں بعد عمل میں آیا ہے جہاں طالبان نے امریکا کی طرف سے منجمد کیے گئے 7 ارب ڈالر افغان مرکزی بینک میں منتقل کرنے کا مطالبہ کیا تھا۔

ملکہ الزبتھ کا انتہائی خفیہ خط جو 2085 میں کھولاجائے گا، کس کے نام ہے پیغام؟

یہ بات چیت کابل میں القاعدہ کے سربراہ ایمن الظواہری کو افغان طالبان کی طرف سے مبینہ طور پر پناہ دینے 31 جولائی کو ان کے کابل سیف ہاؤس پر سی آئی اے کے ڈرون حملےمیں مارے جانے پرامریکی غصے کے باوجود اور انسانی حقوق بالخصوص بچیوں کے سیکنڈری اسکول بند کرکے تعیلم کے حق سے محروم رکھنے پر عالمی برادری اور امریکی ناراضی کے باوجود بھی جاری رہی-

رواں برس فروری میں امریکی صدر جو بائیڈن نے افغانسان کے عوام کو سہولیات دینے کے لیے 3.5 ارب ڈالر نئے ٹرسٹ فنڈ میں منتقل کرنے کا اعلان کیا تھا۔

افغانستان کے دیگر 3.5 ارب ڈالر 11 ستمبر 2001 کو امریکا پر حملوں کے حوالے طالبان کے خلاف جاری مقدمات پر خرچ کیے جا رہے ہیں جبکہ بقیہ رقم پر عدالت فیصلہ دے سکتی ہے جس کے بعد وہ نئے فنڈ میں منتقل کر دیے جائیں گے۔

افغان مرکزی بینک کے دیگر 2 ارب ڈالر کے اثاثے یورپی اور اماراتی بینکوں میں منجمد ہیں اور وہ بھی اس نئے فنڈ میں منتقل کئے جا سکتے ہیں-

امریکی حکام نے کہا کہ اس فنڈ کی نگرانی ایک بورڈ کرے گا جس میں امریکی حکومت کے نمائندے، سوئٹزرلینڈ میں امریکی سفیر اسکاٹ ملر، سوئس حکومت کے نمائندے، افغان مرکزی بینک کے سابق سربراہ اور سابق وزیر خزانہ انور احدی اور ایک امریکی ماہر تعلیم شاہ محرابی شامل ہیں جو ڈی اے بی سپریم کونسل میں شامل ہیں۔

امریکی ریاست اوریگن کے جنگلات میں لگی آگ بے قابو،86 ہزار ایکڑ سے زائد اراضی پر…

فرانس کی ایک عدالت نے یمن کی قومی فضائی کمپنی الیمنیہ ایئرویز کو2009 میں طیارے کےایک مہلک حادثے پرغیررضاکارانہ قتلِ عام کی ممجرم قرار دیا ہے-

باغی ٹی وی : روئٹرز کے مطابق فرانس کی ایک عدالت نے بدھ کے روز یمنی ایئرلائن کو حکم دیا کہ وہ 2009 کے طیارے کے حادثے میں زندہ بچ جانے والے واحد شخص کے ساتھ ساتھ دیگر متاثرین کے اہل خانہ کو بھی نقد رقم ادا کرے۔

ملکہ الزبتھ کی میت لیجانے والے طیارے کی ٹریکنگ کا نیا ریکارڈ

عدالت نے فیصلے میں الیمنیہ ایئرلائن کو 2لاکھ 25ہزاریورو (2لاکھ 25ہزار45ڈالر) جرمانہ ادا کرنے کا حکم دیا ہے۔اس کے علاوہ اسے ہرجانے اور قانونی اخراجات کی مد میں دس لاکھ یورو سے زیادہ رقم بھی ادا کرنا ہوگی۔

الیمنیہ ایئرویز نے فوری طور پر فرانسیسی عدالت کے اس فیصلے پرتبصرہ نہیں کیا ہے۔

تحقیقات میں انسانی غلطی کو ذمہ دار پایا گیا حادثے کی تحقیقات سے پتا چلا کہ اگرچہ ایئربس جیٹ پرانا تھا، لیکن اس واقعے کی بڑی وجہ پائلٹ کی ناقص تربیت تھی اور ساتھ ہی خراب موسم میں آدھی رات کو کم روشنی والے ہوائی اڈے تک سفر جاری رکھنے کا دباؤ تھا۔

یمن کو 2009 کے حادثے سے متعلق مختلف مقدمات کے جواب میں اس سے پہلے معاوضہ ادا کرنے کا حکم دیا گیا تھا، لیکن متاثرین کا کہنا ہے کہ ان کا معاوضہ حاصل کرنا ایک سست عمل ہے۔

پرائیویسی قوانین کی خلاف ورزی پر جنوبی کوریا نے گوگل اور میٹا کمپنیوں پر جرمانہ…

یادرہے کہ یمن کی قومی فضائی کمپنی کا طیارہ خراب موسم کی وجہ سے بحرہند کے جزیرہ نما کوموروس کے قریب سمندر میں گر کر تباہ ہوگیاتھا فرانسیسی بندرگاہی شہر مارسیل میں مزید مسافروں کو لینے کے لیے رکنے سے پہلے پرواز نے پیرس سے ابتدائی طور پر اڑان بھری-

اس کے بعد اس نے صنعاء، یمن میں ایک سٹاپ اوور کیا، جہاں 142 مسافر اور عملے کے 11 ارکان ایک دوسرے طیارے میں سوار ہوئے تاکہ افریقہ کے مشرقی ساحل سے دور جزیرے کے ملک کوموروس کے دارالحکومت تک جا سکیں۔

ایئربس اے 310-300 کی یہ مسافر پرواز یمن سے روانہ ہوئی تھی۔اس میں 66 فرانسیسی شہریوں سمیت 153 افراد سوار تھے۔اس مہلک حادثے میں طیارے میں سوار صرف ایک مسافرلڑکی زندہ بچ سکی تھی۔اس وقت اس کی عمر 12 سال تھی جو بچ جانے سے پہلے 11 گھنٹے تک طیارے کے تیرتے ملبے سے چپکی رہی-

بچ جانے والی لڑکی بہیا بکاری نے کہا کہ عدالت کے فیصلے سے انہیں سکون ملا ہے لیکن اس سے وہ صدمے اور غم نہیں مٹ سکے گا جو اسے سہنا پڑا ہے۔

بھارت میں انتہا پسند ہندوؤں کا نمازیوں پر تشدد،ویڈیو وائرل

اس نے ایسوسی ایٹڈ پریس کو بتایا کہ یہ وہ چیز ہے جس نے مجھے متاثر کیا ہے، جو مجھے ساری زندگی متاثر کرے گا بہت سے متاثرین کے خاندان سالوں سے اس کیس میں انصاف کی سست روی پر ناخوش تھے-

یا د رہے کہ یمن 2014 سے خانہ جنگی کی لپیٹ میں ہے، جس کی وجہ سے یمن کے لیے مزید مالی مشکلات کا سامنا ہے۔