Baaghi TV

Tag: تازہ ترین

  • ملکہ الزبتھ دوم کے آخری دیدار کے لیے عوام کا جم غفیر اُمڈ آیا

    ملکہ الزبتھ دوم کے آخری دیدار کے لیے عوام کا جم غفیر اُمڈ آیا

    آنجہانی ملکہ الزبتھ کا تابوت بالمورل کیسل سے اسکاٹ لینڈ کے دارالحکومت ایڈنبرا میں ان کی ذاتی رہائش گاہ ہولیروڈ ہاؤس منتقل کیا گیا، بعد میں تابوت کو لندن لے جایا جائے گا۔رپورٹ کے مطابق ملکہ الزبتھ دوئم کا تابوت آخری دیدار کے لیے رکھ دیا گیا اور چوبیس گھنٹے تک شہری اپنی محبوب ملکہ کا دیدار کر سکیں گے، اسی کے ساتھ برطانیہ کی ملکہ الزبتھ دوم کی آخری رسومات کا سلسلہ شروع ہو گیا۔

     

     

    ہولیروڈ پہنچنے پر ملکہ کے تابوت کو گارڈ آف آنر پیش کیا گیا، ایبرڈین اورڈنڈی کے رستوں سے چھ گھنٹے کا سفر طے کر کے ملکہ کا تابوت ایڈنبرا لایا گیا، بڑی تعداد میں ان راستوں پر کھڑے برطانوی عوام نے ملکہ کے تابوت پر پھول نچھاور کیے۔ جس کے بعد ملکہ کا تابوت ایڈنبرا کے سینٹ گائلز کیتھیڈرل چرچ لے جایا گیا، جہاں آنجہانی ملکہ الزبتھ دوئم کے لیے دعائیہ تقریب کا اہتمام کیا گیا، جس میں کنگ چارلس، ملکہ کمیلا سمیت شاہی خاندان کے افراد شریک ہوئے۔

     

     

    دعائیہ تقریب کے بعد ملکہ الزبتھ دوئم کا تابوت آخری دیدار کے لیے رکھ دیا گیا، جہاں ملکہ کو خراجِ عقیدت پیش کرنے کا سلسلہ جاری ہے۔ عوام کی بڑی تعداد اپنی ملکہ کے آخری دیدار کے لیے لائنیں لگالیں ہیں ، چوبیس گھنٹے تک شہری اپنی محبوب ملکہ کا دیدار کر سکیں گے۔

    ملکہ کی میت آج لندن روانہ کی جائے گی ، تیرہ ستمبر کو شہزادی این اپنی والدہ کے ساتھ لندن جائیں گی، جہاں سے تابوت کو بکنگھم پیلس لے جایا جائے گا۔ چودہ ستمبر کو تابوت ویسٹ منسٹر ہال منتقل ہوگا اور چار دن تک وہاں ہی رکھا جائے گا ، ویسٹ منسٹرہال میں چاردن تک عوام کو دیدارکی اجازت ہوگی۔

     

     

    جس کے بعد شاہی اعزازات کے ساتھ ملکہ کی آخری رسومات انیس ستمبرکو آخری رسومات ویسٹ منسٹرایبے میں ہوں گی، جس کے بعد ملکہ کوکنگ جارج ششم میموریل چیپل ونڈزرمیں سپرد خاک کیا جائے گا۔ لندن کے رائل پارکس میں آخری رسومات کی یہ تقریبات بڑی زسکرینز پر دکھائے جانے کا امکان ہے۔ خیال رہے آنجہانی ملکہ کی تاج پوشی اور شادی بھی ویسٹ منسٹر ایبے میں ہوئی تھی۔

  • ممنوعہ فنڈنگ،پی ٹی آئی سینیٹرسیف اللہ نیازی کے گھر ایف آئی اے کا چھاپہ

    ممنوعہ فنڈنگ،پی ٹی آئی سینیٹرسیف اللہ نیازی کے گھر ایف آئی اے کا چھاپہ

    ایف آئی اے کا پاکستان تحریک انصاف کے سینیٹر سیف اللہ نیازی کی رہائش گاہ پر چھاپہ ،اہم مواد اور سامان قبضہ میں لے لیا.

    اسسٹنٹ ڈائریکٹر ایف آئی اے عمران حیدر کو جوڈیشل مجسٹریٹ اسلام آباد کی جانب سے چھاپہ مارنے کیلئے وارنٹ ایشو کیا گیا.


    پی ٹی آئی کے چیئرمین عمران خان نے سماجی رابطے کی ویب سائٹ ٹویٹر پر اپنے بیان میں کہا ہے کہ حکومت نے اپنےاعصاب پر چھائےہیجان کےباعث انہوں نے ہماری فلڈریلیف ٹیلی تھون تک کو بلیک آؤٹ کیا۔آج انہوں نے
    @SaifullahNyazee
    کےگھر چھاپا مارا اور انکےکمپیوٹر+موبائل وغیرہ لےاُڑے۔امپورٹڈسرکار+اسکےسرپرست ہمیں دیوارسےلگارہے ہیں۔میں انہیں متنبہ کررہاہوں کہ اسکےنتائج ہونگےجو انہیں بھگتناہونگے.پی ٹی آئی کے چیئرمین عمران خان نے سیف اللہ نیازی کے گھر پر چھاپے کی سختی سے مذمت کی ہے۔

    فواد چوہدری نے کہا کہ سیف اللہ نیازی کے ساتھ زیادتی کی شدید مذمت کرتے ہیں، چیئرمین سینٹ اور متعلقہ اداروں کو اس ضمن میں فوری ایکشن لینا چاہئے۔
    دوسری جانب پی ٹی آئی کے چیئرمین عمران خان نے سیف اللہ نیازی کے گھر پر چھاپے کی سختی سے مذمت کی ہے۔

    وارنٹ کے مطابق ایف آئی اے کو اطلاع ملی ہے کہ آفتاب احمد جان ،بلال خان اورچوہدری محمد اقبال میسرزٹائلز ماونٹین کیلئے کام کرتے ہیں اور ان کا دفتر آئی 9 اسلام آباد میں واقع ہے اور پی ٹی آئی کے رہنما اور سینیٹر سیف اللہ نیازی ایف 6 اسلام آباد کے رہائشی ہیں ،جو نامنظور ڈاٹ کام نامی ویب سائٹ چلاتے ہیں اور اسے مینج کرتے ہیں.ایف آئی کے مطابق متذکرہ ویب سائٹ کے ذریعے فنڈ زاکھٹے کیے جاتے ہیں جو غیر قانونی مقاصد کیلئے استعمال ہوتے ہیں.

    ایف آئی اے کو وارنٹ کے ذریعے حکم دیا گیا کہ ایف آئی اے متذکرہ دونوں مقامات کی تلاشی لے سکتی ہے اور تلاشی کے دوران الیکٹرانکس کی چیز، ڈیجیٹل آلات سمیت کوئی بھی چیز کو قبضہ میں لے سکتے ہیں جس سے تفتیش کرنے میں مدد مل سکتی ہے.

  • کینیڈا: فائرنگ کے واقعات میں پاکستانی سمیت 2 افراد ہلاک

    کینیڈا: فائرنگ کے واقعات میں پاکستانی سمیت 2 افراد ہلاک

    کینیڈا میں فائرنگ کے دو مختلف واقعات میں ایک پاکستانی سمیت 2 افراد کے ہلاک جبکہ 3 افرادکے زخمی ہونے کی اطلاع ہے۔تفصیلات کے مطابق میڈیا رپورٹس میں بتایا گیا ہے کہ پاکستانی نژاد کینیڈین شہری کی شناخت محمد شکیل کے نام سے ہوئی ہے جو ملٹن میں ایک آٹو ورکشاب کا مالک تھا۔ رپورٹس کے مطابق حملہ آور نے ٹورنٹو کے ملٹن قصبے میں اندھا دھند فائرنگ کی۔

    یہ واقعہ پیر کی شام ساڑھے چار بجے پیش آیا۔ پولیس نے واقعے کے فورا بعد کارروائی کرتے ہوئے حملہ آور کو انٹاریو کے راستے میں گرفتار کرلیا۔

    ایف آئی اے کا پی ٹی آئی رہنما کے گھر چھاپہ، لیپ ٹاپ قبضے میں لے لیاپولیس نے بتایا ہے کہ اسی حملہ آور نے ایک دوسرے قصبے میں بھی فائرنگ کی، حملہ آور کی شناخت 30 سالہ شوان پیٹری کے نام سے ہوئی۔ پولیس کے مطابق دوسرے قصبے میں فائرنگ میں کسی ہلاکت کی تصدیق نہیں ہوئی۔

  • کوہاٹ پولیس سٹیشن پر دستی بم حملہ، ایس ایچ اوسمیت 7 افراد زخمی

    کوہاٹ پولیس سٹیشن پر دستی بم حملہ، ایس ایچ اوسمیت 7 افراد زخمی

    کوہاٹ میں پولیس سٹیشن بلی ٹنگ پر دستی بم حملے میں ایس ایچ او اور چار دیگر پولیس اہلکاروں سمیت 7 افراد زخمی ہوگئے. واقعہ عشاء کے وقت پیش آیا جسمیں زخمی ہونے والے تمام افراد کو ہسپتال منتقل کردیا گیا ہے اور پولیس نے واقعے میں ملوث دہشت گردوں کی تلاش شروع کردی ہے.

    پولیس ذرائع کے مطابق کوہاٹ پنڈی روڈ پر واقع تھانہ بلی ٹنگ پر عشاء کے وقت نامعلوم دہشت گردوں نے دستی بم پھینکا جو تھانےکی صحن میں دھماکے سے پھٹ گیا دستی بم کے اس حملے کےنتیجے میں پولیس سٹیشن میں موجود سٹیشن ہاؤس آفیسر عبد الرؤف، کانسٹیبل مظفر حسین، کانسٹیبل مطیع اللہ، کانسٹیبل عتیق، کانسٹیبل اُسامہ اور تھانے میں کسی کام کی غرض سے آئے ہوئے دو مقامی افراد عارف اور سہیل خان زخمی ہوگئے. واقعے میں زخمی ہونے والے پولیس اہلکاروں اور دیگر افراد کو فوری طور پر ابتدائی طبی امداد کیلئے سول ہسپتال بلی ٹنگ اور کوہاٹ ڈویژنل ہیڈ کوارٹر ہسپتال منتقل کردیا گیا جہاں تمام زخمیوں کی حالت خطرے سے باہر بتائی جاتی ہے.

    واقعے کے بعد پولیس کی بھاری نفری نے موقع پر پہنچ کر علاقے کو گھیرے میں لے لیا اور واقعے میں ملوث دہشتگردوں کی تلاش کیلئے سرچ آپریشن شروع کردیا. واقعے کے بعد شہر بھر کی سیکیورٹی ہائی الرٹ کردی گئی ہے اور پولیس نے اندرون و بیرون شہرکے مختلف مقامات پر اضافی ناکہ بندیاں قائم کرکے چیکنگ کا عمل بڑھا دیا ہے جبکہ پولیس کی موبائل، رائیڈر اور پیادہ گشت میں بھی اضافہ کردیا گیا ہے. پولیس سٹیشن پر دہشتگردانہ حملے کا مقدمہ تھانہ سی ٹی ڈی کوہاٹ ڈویژن میں نامعلوم افراد کے خلاف درج کرلیا گیا ہے اور واقعے کی تحقیقات شروع کردی گئی ہیں.

  • سیلاب سے مزید 54 افراد جاں بحق، مجموعی تعداد 1481 ہوگئی:کراچی میں پھربارشیں شروع

    سیلاب سے مزید 54 افراد جاں بحق، مجموعی تعداد 1481 ہوگئی:کراچی میں پھربارشیں شروع

    اسلام آباد:سیلاب سے گزشتہ 24 گھنٹوں کے دوران ملک بھر میں مزید 54 افراد جان کی بازی ہار گئے جس سے جاں بحق ہونے والوں کی مجموعی تعداد 1481 ہوگئی ہے، زخمیوں کی تعداد 12 ہزار 700 سے تجاوز کر گئی۔

    این ڈی ایم اے کی تازہ ترین رپورٹ کے مطابق سندھ میں 44، بلوچستان میں مزید 8 اور آزاد کشمیر میں 2 مزید افراد سیلاب سے جاں بحق ہوئے، سیلاب اور بارشوں سے مجموعی طور پر سب سے زيادہ 638 اموات سندھ میں ريکارڈ کی گئیں، بلوچستان میں 278، خيبرپختونخوا میں 303، پنجاب میں 191، آزاد کشمیر میں 48 اور گلگت بلتستان میں 22 افراد زندگى کى بازى ہار گئے۔

    دوسری جانب ملک بهر میں 11 لاکھ 85 ہزار 481 گھروں کو جزوى نقصان پہنچا جبکہ 5 لاکھ 69 ہزار 800 گھر مکمل تباہ ہو ئے، 390 پل اور 12 ہزار 418 کلومیٹر سڑکیں بھی متاثر ہوئیں، ملک بھر میں 9 لاکھ 8 ہزار 137مويشی بھی سیلابی ریلوں میں بہہ گئے۔

    ادھر کراچی کے مختلف علاقوں میں منگل کو ہونے والی بارش نے جل تھل کردیا۔ دو روز کے دوران کئی ملی میٹر بارش نے شہر کا حلیہ بگاڑ دیا۔محکمہ موسمیات کی جانب سے منگل کو بھی بارش کی پیش گوئی کی گئی تھی۔دوپہرکے وقت نیوکراچی، گلشن معمار، ناظم آباد، سعدی ٹاؤن، نارتھ کراچی میں بارش رپورٹ کی گئی۔سپرہائی وے، موسمیات، بفرزون، نیشنل اسٹیڈیم کے اطراف بارش نے موسم خوشگوار بنادیا۔لیاقت آباد ،فیڈرل بی ایریا،ناظم آباد،گلزارہجری، بہادرآباد،طارق روڈ،شارع فیصل میں بھی بارش کا ہوئی۔

    گزشتہ روز سب سے زیادہ 46 ملی میٹر بارش صدر میں ہوئی۔ ائیرپورٹ پر 34.2 ملی میٹر، یونی ورسٹی روڈ پر29.7 ملی میٹر بارش ریکارڈ کی گئی۔گلشن حدید میں 27 ملی میٹر، فیصل بیس پر 26 ملی میٹر، مسرور بیس پر24ملی میٹر،قائد آباد میں 17.5 ملی میٹر،نارتھ کراچی میں 15.2 ملی میٹر،جناح ٹرمینل پر 14.4ملی میٹر بارش ہوئی۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

  • واپڈا افسروں کیلئے5 ارب سے ذائد کی مفت بجلی، بلوں کا بوجھ عوام پر،ذمہ دار کوں؟

    واپڈا افسروں کیلئے5 ارب سے ذائد کی مفت بجلی، بلوں کا بوجھ عوام پر،ذمہ دار کوں؟

    مہنگائی میں پسے پاکستانی عوام کا معاشی قتل کرنے میں جہاں حکومتوں کا عمل دخل ہے تو وہیں واپڈا کے اہلکار اور افسر بھی کسی سے کم نہیں .

    آئے روز عوام پر بجلی کے بلوں کا اضافی بوجھ ڈال کر حکومت صرف یہ کہ کر بری الاذمہ ہو جاتی ہے کہ مشکل حالات ہیں، مگر حکومت واپڈا کے افسروں اور اہلکاروں کو کس مد میں کروڑوں یونٹ بجلی مفت فراہم کر رہی ہے جبکہ ان افسروں اور اہلکاروں کو باقاعدہ ہر ماہ تنخواہ ملتی ہے.

    باغی ٹی وی کی رپورٹ کے مطابق واپڈا کے 48 ہزارافسر اور ایک لاکھ 5 ہزارملازمین سالانہ بجلی کے 39 کروڑ 10 لاکھ فری یونٹ استعمال کرتے ہیں جس کی مالیت 5 ارب 25 کروڑ روپے ہے، واپڈا کے افسر اور ملازمین کی شاہانہ مفت بجلی کا خمیازہ پوری قوم بھگت رہی ہے،سماجی حلقوں کا کہنا ہے کہ حکومت وقت کو واپڈا ملازمین اور افسروں کو اربوں روپے کی مفت بجلی فراہم کرنے کا نوٹس لینا چاہیئے، سماجی حلقوں کا کہنا ہے کہ جب حکومت واپڈا کے افسروں اور ملازمین کو ماہانہ تنخواہ دیتی ہے تو پھر انہیں مفت بجلی کیوں فراہم کی جارہی ہے ؟.

    وزیراعظم شہباز شریف ملک کی موجودہ صورتحال کی تناظر میں واپدا افسروں اور اہلکاروں کو فراہم کی جانے والی اربوں روپے کی مفت بجلی کا نوٹس لیں اورمہنگائی کی چکی میں پسے غریب عوام کو ریلیف فراہم کریں.

    دوسری طرف پروٹیکٹڈ صارفین کے سوا بجلی بلوں پر ون سلیب بینیفٹ ختم کر دیا گیا، ذرائع کا کہنا ہے کہ سلیب بینیفٹ ختم ہونے سے بجلی صارفین کو بھاری بل موصول ہو رہے ہیں۔ ماہانہ 100 یونٹ استعمال پر فی یونٹ بجلی ریٹ 13روپے 48 پیسے جبکہ 101 سے 200 یونٹ بجلی کی قیمت 18روپے 58 پیسے فی یونٹ ہے۔بینیفٹ کے تحت 150 یونٹ استعمال کرنے پر 100 یونٹ 13 روپے 48 پیسے میں پڑتے تھے۔100 سے اوپر 50 یونٹس پر فی یونٹ 18 روپے 58 پیسے وصول کیے جاتے تھے۔

    حکومت کی جانب سے اب صارفین کو اس ریلیف سے محروم کر دیا گیا ہے۔150 یونٹ پر صارفین سے اب 18 روپے 58 پیسے فی یونٹ وصول کیے جاتے ہیں۔ماہانہ 201 سے 300 فی یونٹ ریٹ 21 روپے 47 پیسے ہے، ماہانہ 400 یونٹ بجلی استعمال پر فی یونٹ ریٹ 24 روپے 63 پیسے بنتا ہے۔

    ماہانہ 500 یونٹ بجلی استعمال پر فی یونٹ قیمت 26 روپے ہے، ماہانہ 600 یونٹ استعمال پر فی یونٹ قیمت 27 روپے ہے۔ماہانہ 700 یونٹ استعمال پر فی یونٹ ریٹ 27 روپے 65 پیسے ہے، ماہانہ 700 یونٹ سے زائد استعمال پر فی یونٹ نرخ 31 روپے 12 پیسے لاگو ہوتا ہے۔

  • پاک افغان سرحد پر دہشتگردوں کی فائرنگ، پاک فوج کے 3 جوان شہید

    پاک افغان سرحد پر دہشتگردوں کی فائرنگ، پاک فوج کے 3 جوان شہید

    پاک افغان سرحد پر ضلع کرم کے علاقے خرلاچی میں دہشتگردوں کی فائرنگ کے نتیجے میں پاک فوج کے 3 جوان شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق دہشتگردوں نے افغانستان کی حدود سے پاک فوج کے جوانوں کو نشانہ بنایا۔

    آئی ایس پی آر کے مطابق شدید فائرنگ کے تبادلے میں پاک فوج کے 3 جوان فرض پر قربان ہوگئے، مصدقہ انٹیلی جنس رپورٹس کے مطابق دہشت گردوں کو بھی بھاری جانی نقصان پہنچا۔

    شہید ہونے والوں میں نائیک محمد رحمان عمر 32 سال کرک کے رہائشی،نائیک ماویز خان عمر 34 سال جمرود کے رہائشی ،سپاہی عرفان اللہ عمر 27 سال درگئی کے رہائشی شامل ہیں. آئی ایس پی آر کے مطابق پاکستان دہشت گردوں کی جانب سے افغانستان کی سرحد استعمال کرنے کی شید مزمت کرتا ہے.

    شعبہ تعلقات عامہ نے اپنے بیان میں کہا کہ پاکستان توقع کرتا ہے افغان حکومت مستقبل میں ایسی کارروائیوں کی اجازت نہیں دے گی۔پاک فوج دہشتگردی کی لعنت سے ملکی سرحدوں کے دفاع کا عزم کیے ہوئے ہے۔

  • وزیر داخلہ رانا ثناءاللہ سے یورپین یونین کے وفد کی ملاقات،پاکستان کے کردار کو سراہا

    وزیر داخلہ رانا ثناءاللہ سے یورپین یونین کے وفد کی ملاقات،پاکستان کے کردار کو سراہا

    وزیر داخلہ رانا ثناءاللہ سے یورپین یونین کے ایشیااینڈ پیسیفک ڈیپارٹمنٹ کی ڈپٹی ایم ڈی پاؤلا پامپلونی (Ms Paola Pampaloni) نے وفد کے ہمراہ ملاقات کی.ملاقات میں یورپی یونین کی سفیر رینا کیونکا اورایڈیشنل سیکرٹری برائے داخلہ مومن آغا اور دیگراعلی حکام بھی موجود تھے.

    یورپی یونین اور پاکستان کے درمیان دوطرفہ تعلقات کے فروغ سمیت باہمی دلچسپی کے دیگرامور پر تبادلہ خیال کیا گیا تاہم انسانی حقوق، زبردستی گمشدگی،امیگریشن، انسانی سمگلنگ اورفوجداری قوانین میں اصلاحات سے متعلق بھی بات چیت کی گئی.

    ملاقات میں پاکستان اور یورپی یونین کے درمیان شہریوں کے ری ایڈمشن معاہدے پر پیش رفت کا بھی جائزہ لیا گیا.پاکستان سے غیر قانون امیگریشن ، انسانی سمگلنگ اور ٹریفیکنگ میں ملوث عناصر کیخلاف کاروائی پر بھی تبادلہ خیال کیا گیا

    پاؤلا پامپلونی سے طرف سے افغانستان سے 15 اگست 2021 کے بعد افغان شہریوں کے انخلاء میں پاکستان کے کردار کی بھر پورتعریف کی گئی.

    وزیر داخلہ رانا ثناءاللہ نے کہا کہ یورپی یونین پاکستان کا اہم ترین تجارتی شراکت ہے۔ یورپی یونین کاجی ایس پی پلس کاسٹیٹس پاکستان کے معاشی استحکام میں کلیدی حیثیت رکھتا ہے۔حکومت،جمہوری اقدار،قانون پرعملداری اورانسانی آزادی پربھرپور یقین رکھتی ہے، شہریوں کی زبردستی گمشدگی کے معاملے کو انتہائی سنجیدگی سے لیتے ہیں۔

    وزیر داخلہ رانا ثناءاللہ نے وفد کو بتایا کہ وزیراعظم پاکستان نے اس حساس معاملے کاپایئدار حل تلاش کرنے کی ہدایات جاری کررکھی ہیں ، زیرحراست ملزمان پر تشدد،آئین پاکستان، تعزیرات پاکستان اوراسلامی تعلیمات کےبرخلاف ہے، تشدد انسانی حرمت اور تکریم کیخلاف ہے، کسی صورت قابل قبول نہیں۔ غیر قانونی امیگریشن، انسانی سمگلنگ اورٹریفیکنگ کے خلاف سخت انتظامی ایکشن لئے ہیں۔

    پاؤلا پامپلونی کا کہنا تھا کہ پاکستان، یورپی یونین کا اہم شراکت دار ملک ہے۔ تعمیری ڈائیلاگ جاری رکھیں گے۔ پاکستان اور یورپی یونین کے درمیان سفارتی تعلقات کے ساٹھ سال مکمل ہونے پر بہت خوش ہیں۔ یورپی یونین انسانی آزادی اورجمہوری اقدار سے متعلق قوانین میں اصلاحات کیلئے پاکستان سے مشاورت جاری رکھے گی۔ افغان شہریوں کے پرامن انخلا پر پاکستان کے انتہائی ممنوں ہیں۔انہوں نے کہا کہ پاکستان کا کردار قابل ستائیش ہے۔

  • عمران خان سے امریکی ڈیمو کریٹ رہنما طاہر جاوید کی ملاقات

    عمران خان سے امریکی ڈیمو کریٹ رہنما طاہر جاوید کی ملاقات

    پاکستان تحریک انصاف (پی ٹی آئی) کے چیئرمین اور سابق وزیراعظم عمران خان سے امریکی ڈیموکریٹ پارٹی کے رہنما طاہر جاوید نے ملاقات کی جس میں انہوں نے سیلاب متاثرین کی مدد کیلئے کوششیں تیز کرنے کا اعادہ کیا۔

    کی ڈیموکریٹ پارٹی کے رہنما طاہر جاوید کی ملاقات ہوئی، ملاقات میں سیلاب کی صورت حال اور باہمی دلچسپی کے امور پر تبادلہ خیال کیا گیا، طاہر جاوید نے سیلاب متاثرین کی مدد کے حوالے سے اپنے دورہ سندھ سے متعلق عمران خان کو آگاہ کیا۔

    اس موقع پر گفتگو کرتے ہوئے عمران خان کا کہنا تھا کہ آپ کا جذبہ قابل تحسین ہے، سیلاب میں پھنسے افراد کو ابھی مزید امداد کی ضرورت ہے۔

    اعلامیے کے مطابق ملاقات میں پاکستان کی معاشی صورتحال پر بھی بات چیت کی گئی اور سابق وزیراعظم نے کہا کہ معاشی صورت حال انتہائی خراب ہے، عوام کے مینڈیٹ سے آنے والی حکومت ہی تمام چیلنجر سے نمٹ سکتی ہے، بحرانی صورت حال کا ایک ہی حل عام انتخابات کا جلد از جلد انعقاد ہے۔

    رہنما ڈیمو کریٹ پارٹی طاہر جاوید نے یقین دلایا کہ وہ سیلاب متاثرین کی مدد کے لئے مزید کوششیں کریں گے۔

  • سوات میں دھماکا، رکن امن کمیٹی سمیت 5 افراد جاں بحق

    سوات میں دھماکا، رکن امن کمیٹی سمیت 5 افراد جاں بحق

    خیبر پختونخوا کے ضلع سوات کے علاقے برہ بانڈئی میں بم دھماکے میں امن کمیٹی کے رکن ادریس خان سمیت 5 افراد جاں بحق ہوگئے اور متعد زخمی ہوئے ہیں۔ زخمیوں کو سیدوشریف اسپتال منتقل کیا جارہا ہے، ابتدائی اطلاعات کے مطابق دھماکا ریموٹ کنٹرول کے ذریعے کیا گیا۔

    تفصیلات کے مطابق برہ بانڈئی میں امن کمیٹی کے رکن کی گاڑی پر ریموٹ کنٹرول بم دھماکہ کیا گیا جس سے وہ جان کی بازی ہار گئے۔ ڈی پی او زاہد مروت کے مطابق امن کمیٹی کے رکن ادریس خان سمیت 5 افراد جاں بحق ہوئے ہیں جن میں دو پولیس اہلکار بھی شامل ہیں۔