Tag: تازہ ترین

ڈیرہ اسماعیل خان میں سیلاب متاثرین کا سامان لوٹنے والے ملزمان کوگرفتار کرلیا گیا ہے۔

ڈی پی او ڈیرہ اسماعیل خان کیپٹن (ر) نجم الحسنین لیاقت کے مطابق گزشتہ روز سیلاب متاثرین کیلئے امدادی سامان لے جانے والی گاڑی کو سڑک پر لوٹنے والے واقعے میں ملوث مرکزی ملزمان کو پولیس نے گرفتار کرلیا۔ ڈی پی او کیپٹن (ر) نجم الحسنین لیاقت کے نوٹس پر ڈی ایس پی حافظ محمد عدنان خان نے کاروائی کرتے ہوئے 4 ملزمان کو گرفتار کیا۔ملزمان کے خلاف مقدمہ درج کرلیا گیا ہے۔
https://www.facebook.com/watch/?v=1152169328667724
سوشل میڈیا پر وائرل ہونے والی ویڈیو میں دیکھا جاسکتا ہے کہ امدادی سامان کو چند لوگ لوٹ رہے ہیں۔ ان افراد کی شناخت حضرت اللہ وزیر، لائق زمان وزیر، نیب خان وزیر اور شبا نور وزیر کے نام سے ہوئی ہے۔

ڈی ایس پی نے اپنے بیان میں کہا کہ اس طرح کی گھناؤنی حرکت کرنے والوں سے کسی قسم کی رعایت نہیں برتی جائے گی، باقی ملوث لوگوں کو بھی گرفتار کرکے جلد منظر عام پر لایا جائے گا۔ واضح رہے کہ گزشتہ دنوں پشہ پل، یارک کے قریب سیلاب ذدگان کے امدادی سامان سے بھرے ٹرک کو لوٹنے والوں اور انکے ماسٹر مائنڈز کے خلاف پولیس آپریشن جاری کیا گیا تھا.

تھانہ صدر کی حدود میں کچھ افراد کی پلاننگ کے تحت سیلاب ذدہ علاقوں میں امدادی سامان اور خوراک سے بھرے ٹرک کو پشہ پل کے قریب زبردستی روک کر لوٹ مار شروع کر دی گئی تھی جس پر عوام میں شدید تشویش پھیل گئی تھی تاہم ڈی ایس پی صدر عدنان خان کی بروقت کاروائی پر تھانہ صدر پولیس نے انکی نگرانی میں لوٹ مار میں ملوث افراد کیخلاف آپریشن شروع کردیا تھا.

ملوث افراد کو فوٹیجز کی مدد سے گرفتار کرنے کے لیئے چھاپے مارے جارہا ہیں پولیس کی جانب سے بروقت کاروائی پر عومی حلقوں اور بالخصوص سیلاب زدگان کی امداد مصروف عمل ٹیموں نے پولیس سراہا اور سکھ کا سانس لیا.

آئی ایم ایف سے رقم ملنے کے باوجود انٹر بینک میں ڈالر مہنگا ہوگیا ہے۔

جمعہ کو ٹریڈنگ کے آغاز میں انٹربینک میں ڈالر 40 پیسے مہنگا ہوکر219 روپے کا ہوگیا۔انٹر بینک میں ڈالر 38 پیسے مہنگا ہوکر 218.98 روپے پر بند ہوا۔ اوپن کرنسی مارکیٹ میں آج ڈالر کی قدر میں زیادہ بڑا اضافہ ہوا اورکرنسی مارکیٹ میں ڈالر 4 روپے مہنگا ہوکر 223 روپے پربند ہوا۔

اس سے قبل انٹربینک میں امریکی ڈالرکی قیمت 3 دن میں سوا 4 روپے نیچے آئی تھی۔ جمعرات کو اوپن مارکیٹ میں ڈالر2روپےمہنگاہوکر220روپےکاہوگیا تھا جب کہ انٹربینک مارکيٹ میں ڈالر15پیسےسستا ہوکر218.60 روپے پربند ہوا تھا۔ کرنسی ڈیلرز نے کہا تھا کہ آئی ایم ایف پروگرام بحال ہونے سے روپیہ تگڑا اور ڈالر کمزور ہوگا تاہم ڈالر کی قدر میں اتارچڑھاؤ دیکھاگیا۔اگست میں درآمدات اور تجارتی خسارہ بڑھنے سے روپے پر دباؤ آیا۔

واضح‌ رہے کہ آئی ایم ایف کی جانب سے قرض کی قسط ملنے پر پاکستانی روپے کی قدر میں بہتری آئی تھی اور گزشتہ روز کاروبار کے آغاز پر انٹربینک میں ڈالر 2روپے25پیسے سستا ہو گیا تھا۔ فاریکس ڈیلرز ایسوسی ایشن کے مطابق ڈالر کی قیمت میں کمی کے بعد انٹربینک میں ڈالر 216روپے50پیسے پر ٹریڈ ہو رہا تھا۔

جبکہ آئی ایم ایف سے اسٹیٹ بینک آف پاکستان کو 1.16 ارب ڈالر موصولی اور اقوام متحدہ اور مختلف ممالک کی جانب سے سیلاب متاثرین کے لیے مالی امداد آنے سے ذرمبادلہ کی دونوں مارکیٹوں میں ڈالر کی تنزلی کا سلسلہ جاری رہا تھا۔ انٹربینک مارکیٹ میں ڈالر 1.48 روپے کمی سے 217.27 روپے کا ہوگیا تھا.

اس وقت ماہرین کا کہنا تھا کہ امریکا اور ایران کے درمیان ایٹمی ہتھیاروں کا معاہدہ طے پانے سے ایرانی تیل کی سپلائی بحال ہونے سے عالمی مارکیٹ میں تیل کی قیمتوں نمایاں کمی کے امکانات روشن ہوگئے تھے جس سے پاکستان بھرپور انداز میں استفادہ کرسکے گا اور ملک کا آئل امپورٹ بل میں بھی نمایاں کمی سے معیشت کو سہارے کی امید کی گئی۔

باغی ٹی وی کی رپورٹ کے مطابق پاکستان کے وزیر خارجہ بلاول زرداری کا سعودی ہم منصب سے رابطہ ہوا ہے
ترجمان دفتر خارجہ کے مطابق وزیر خارجہ بلاول زرداری نے سعودی وزیر خارجہ سے ٹیلی فون پر رابطہ کیا اور انہیں پاکستان میں سیلاب اور مون سون کی طوفانی بارشوں سے ہونے والی تباہی کی شدت سے آگاہ کیا وزیر خارجہ بلاول زرداری نے سیلاب سے متاثرہ افراد کے لیے بھرپور یکجہتی اور مسلسل امداد کے لیے سعودی عرب کی حکومت کا شکریہ ادا کیا

Had telephone call with @FaisalbinFarhan, briefed HH on magnitude of devastation caused by floods & torrential monsoon rains in Pakistan. Thanked the Kingdom for strong expression of solidarity and continued assistance for flood affected people. pic.twitter.com/U0EYrav5xo

— Bilawal Bhutto Zardari (@BBhuttoZardari) September 2, 2022

وزیر خارجہ بلاول زرداری نے سماجی رابطے کی ویب سائٹ ٹویٹر پر ٹویٹ بھی کی ہے جس میں انکا کہنا ہے کہ سعودی ہم منصب سے انکی بات چیت ہوئی ہے

قبل ازیں ترجمان دفتر خارجہ کا کہنا تھا کہ پاکستان میں سیلاب سے ہولناک تباہی، دوست ممالک سے امدادی طیاروں کی آمد کا سلسلہ جاری ہے، قطر سے انسانی امداد کی پروازوں کی دو سیریز کی پہلی پرواز پاکستان پہنچ گئی،

قبل ازیں صوبائی وزیر اطلاعات شرجیل انعام میمن کا کہنا تھاکہ چیئرمین بلاول بھٹو زرداری اور صدر آصف علی زرداری کی خصوصی ہدایت ہے کہ سیلاب متاثرین کی داد رسی کی جائے ریسکیو ریلیف کے عمل میں کوئی بھی کوتاہی ناقابل برداشت ہوگی ۔متاثرین کی امداد کیلئے سندھ حکومت ، ضلعی انتظامیہ اور پوری مشینری کام کر رہی ہے متاثرین کو اسکولوں اور ٹینٹ سٹی میں قائم ریلیف کیمپس میں ٹھہرایا جا رہا ہے پورے صوبہ میں 91630 راشن بیگز تقسیم کر دیئے ہیں ایک لاکھ 19ہزار972 ٹینٹس تقسیم کئے ہیں متاثرین کو 5 لاکھ 3ہزار345 مچھردانیاں اور 76ہزار810 ترپال فراہم کر دیئے گئے ہیں سندھ میں سیلاب سے 522 ہلاکتیں اور 21885 افراد زخمی ہوئے ہیں ۔ 101901 مویشی ہلاک ہوئے ہیں ۔ 1455251 مکانات متاثر ہوئے ہیں ۔متاثرین کو اسکولوں اور ٹینٹ سٹی میں قائم ریلیف کیمپس میں ٹھہرایا جا رہا ہے ۔ متاثرین کو دو وقت کا معیاری کھانا اور میڈیکل کی سہولیات فراہم کی جا رہی ہے ۔ سیلاب متاثرہ علاقوں میں اسپرے مہم بھی جاری ہے بے نظیر انکم سپورٹ پروگرام کے تحت متاثرین کو 25، 25 ہزار روپے دیئے جا رہے ہیں

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

علاوہ ازیں ملک بھر میں سیلاب اور بارشوں مزید 19 افراد جاں بحق ہوئے،سیلاب اور بارشوں سے سندھ میں مزید 12افراد جاں بحق ہوئے،خیبرپختونخوامیں سیلاب اور بارشوں سے 4 افراد لقمہ اجل بنے این ڈی ایم اے کے مطابق سیلاب اور بارشوں سے بلوچستان میں جاں بحق افراد کی تعداد 3 ہوگئی،ملک بھر میں سیلاب اور بارشوں سے جاں بحق افراد کی تعداد ایک ہزار 208 ہوگئی ،سیلاب اور بارشوں سے سندھ میں432 افراد زندگی کی بازى ہارگئے

پورا ملک سیلاب میں ڈوبا ہوا ہے لیکن تحریک انصاف ملک کے خلاف سازش میں مصروف ہیں.

وفاقی وزیر مملکت مصدق ملک نے کہا ہے کہ پورا ملک سیلاب میں ڈوبا ہوا ہے لیکن تحریک انصاف ملک کے خلاف سازش میں مصروف ہیں. وزیر مملکت نے مزید کہا کہ اس وقت لوگ مشکل میں ہیں اور ہمیں توقع تھی سابق وزیر اعظم عمران خان بجائے سیاست کے اس مشکل کی گھڑی میں سیلاب زدگان کی بات کریں گے لیکن انہوں نے کہیں بھی سیلاب زدگان کی بات نہیں کی ہے.

وفاقی وزیر مملکت مصدق ملک کا کہنا ہے کہ کہا آئی ایم ایف کو خط لکھے گئے اور ملک کے خلاف سازش کی گئی حالانکہ یہ وقت ایسا جس میں سیلاب متاثرین کھلے آسمان تلے بیٹھ کر فریاد کررہے ہیں، اور ہر طرف تباہی ہی تباہی ہے، اور شوکت ترین کو جب کہا گیا کہ ریاست متاثر ہوگی تو انہوں نے جو کہا آپ نے سنا ہے.

مصدق ملک کے مطابق: ساری زنسگی کرکٹ کھیل کر بھی چیئرمین تحریک عمران خان کے اندر سپورٹ مین اسپرٹ نظر نہیں آئی، اور ناہی عمران خان آج تک کسی شہید کے گھر گئے ہیں کیونکہ یہ موصوف درحقیقت انا پرست ہیں.

دوسری جانب پاکستان مسلم لیگ (ن) کے رہنما طلال چوہدری نے کہا ہےکہ عمران خان جتنے بھی مقبول ہوجائیں لیکن ان پر وہی قانون لاگو ہوگا جو سب پر لاگو ہوتا ہے۔ فیصل آباد میں پریس کانفرنس کرتےہوئے پاکستان مسلم لیگ (ن) کے رہنما طلال چوہدری نے کہا کہ تحریک انصاف کے چیئرمین عمران خان چاہتے ہیں کہ ان کے تمام مقدمات کسی سرد خانے میں ڈال دیے جائیں،پہلا اانقابی دیکھا ہے جو ڈرپوک اور بزدل ہے۔

طلال چوہدری نے کہا کہ عمران خان اتنے مقبول نہیں جتنے ذوالفقار علی بھٹو اور نواز شریف ہیں۔ لیگی رہنما نے کہا کہ شوکت ترین کو پڑھا لکھا سمجھتے تھے لیکن وہ توجاہل نکلے۔عمران خان کہتے ہیں کہ مجھے دیوار سے نیں لگاؤ،لگتا ہے کہ یہ این آر او مانگ رہے ہیں۔ طلال چوہدری نے کہا کہ آئی ایم ایف سے پاکستان کا معاہدہ ہوگیا ہے، اب شہباز شریف کی ذمہ داری ہے کہ مہنگائی کم کی جائے۔اب عام آدمی کو بجلی کے 300 یونٹس پر ریلیف ملے گا۔

انھوں نے کہا کہ اب جب چھوٹے چھوٹے مقدمات میں گرفتاریاں ہوتی ہیں تو تحریک انصاف کو اپنے ساتھ ہونے والی زیادتیاں یاد آتی ہیں۔ توشہ خان کیس میں سزا آن کے کرتوتوں کا نتیجہ ہے۔ غیرملکی حکمران کا دیا ہوا ٹی سیٹ 3500 روپے میں لے کر خان صاحب نے منفرد کارنامہ سر انجام دیا اور انھوں نے تو ٹشو پیپر اور گلدان تک نہیں چھوڑا۔

سپریم کورٹ نے متروکہ وقف املاک کی زمین کی ملکیت سے متعلق درخواست خارج کرتے ہوئے سرکاری زمینوں پر سیاستدانوں کے نام کی تختیاں لگانے سے روک دیا۔

باغی ٹی وی اسلام آباد: جسٹس قاضی فائز عیسیٰ کی سربراہی میں 2 رکنی بنچ نے متروکہ وقف املاک کی زمین کی ملکیت سے متعلق کیس کی سماعت کی۔ عدالت نے کہا کہ سیاست دان حکومتی زمینوں پر اپنے نام کی تختی کیسے لگا سکتے ہیں؟۔ اگر کوئی سیاست دان اپنی ذاتی زمین ریاست کو دینا چاہے تو اس کا خیر مقدم کرتے ہیں۔

عدالت نے کہا کہ حکم نامے کی کاپی حکومت پنجاب،چیف سیکرٹری اور ایڈووکیٹ جنرل پنجاب کو ارسال کی جائے۔ دوران سماعت متروکہ وقف املاک بورڈ کے وکیل نے عدالت کو بتایا کہ راولپنڈی میں سید پور روڈ کے قریب زمین کو وفاقی حکومت نے کچی آبادی قرار دیا۔ کچی آبادی 1992ء میں ڈکلئیر ہوئی اور 2008ء میں پرویز الٰہی نے شہریوں کو ملکیت کی اسناد سونپی۔ اسناد دینے پر پرویز الٰہی کے نام تختی لگائی گئی۔

وکیل کے مطابق کچی آبادی کی زمین میں دھرم شالا بھی ہے جو متروکہ وقف املاک کی ملکیت بنتی ہے۔ جسٹس قاضی فائز عیسیٰ نے استفسار کیا کہ متروکہ وقف املاک کی زمین کی ملکیت کا کیا ثبوت ہے؟۔ متروکہ وقف املاک بورڈ نے کچی آبادی پر بنے دھرم شالا کا حق دعویٰ پہلے نہیں کیا نہ ملکیت کے کوئی ثبوت ہیں۔

بعد ازاں عدالت نے متروکہ وقف املاک کی درخواست خارج کر دی۔