سیلاب سے متاثرہ علاقوں میں پاک فضائیہ کی انسانی امداد اور قدرتی آفات سے متعلق امدادی مہم تیز

سربراہ پاک فضائیہ نے سیلاب سے متاثرہ علاقوں کی بگڑتی ہوئی صورتحال کے پیش نظر پاک فضائیہ کو سیلاب کی جارحانہ امدادی مہم میں مزید تیزی پیدا کرنے کی ہدایات دی ہیں۔ سربراہ پاک فضائیہ نے تمام بیسز کو ہدایت کی ہے کہ وہ مقامی سول حکام کے ساتھ مل کر سیلاب سے متاثرہ افراد کے لیے مدد فراہم کریں۔ مزید برآں، سیلاب متاثرین کی امداد کے لیے پی اے ایف فلڈ ریلیف ڈونیشن اکاؤنٹ قائم کیا جا رہا ہے۔

چیف آف دی ایئر اسٹاف کی انسانی امداد اور قدرتی آفات سے متعلق امدادی مہم کا مقصد زمینی راستوں کے کٹ جانے کی وجہ سے دور دراز علاقوں میں پھنسے ہوئے سیلاب متاثرین تک پہنچ کر انہیں بروقت امداد فراہم کرنا ہے۔ پی اے ایف کی تمام برانچز کو ہدایت کی گئی ہے کہ وہ اس مہم کے لیے بھرپور کوشش اور تعاون فراہم کریں۔ امدادی کارروائیوں کی کارکردگی پر نظر رکھنے کے لیے ایئر ہیڈ کوارٹرز اسلام آباد میں ایک فوکل پوائنٹ بھی قائم کیا گیا ہے۔ موثر انتظام کے لیے ریجنل ایئر کمانڈز کے تحت 03 ریلیف زونز قائم کیے گئے ہیں جبکہ پی اے ایف ایئر موبلٹی کمانڈ کے 25 سے زائد ہیلی کاپٹرز اور 08 سی۔130 طیارے ناقابل رسائی علاقوں تک فوری رسائی کے لیے استعمال کیے جائیں گے۔ اس کوشش کے لیے ایک ایئر سپورٹ برج قائم کیا جا رہا ہے۔

مرتکز امدادی مہم کے تحت بےگھر افراد کے لیے خیمہ بستیاں قائم کی جا رہی ہیں جہاں انھیں مفت خوراک، رہائش اور طبی سہولیات فراہم کی جا رہی ہیں۔ ڈیزاسٹر ریلیف سیل میں قائم پی اے ایف ہیلپ ڈیسک سے سیلاب سے متعلق کسی بھی قسم کی معلومات اور امداد کے لیے 051-9260835 اور 051-9262404 پر رابطہ کیا جا سکتا ہے۔

سیلاب متاثرین کی مدد میں متحدہ عرب امارات کا مثالی کردار

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

کمراٹ میں پھنسے سیاحوں کو پاک فوج کے ہیلی کاپٹر نے ریسکیو کر لیا ہے

سیلاب سے متاثرہ آخری آدمی کی بحالی تک چین سے نہیں بیٹھیں گے، آرمی چیف

پاک فوج نے فلڈ ریلیف ہیلپ لائن قائم کر دی،

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

وزیراعظم کو سیلاب اور بارش سے ہونے والے نقصانات پر بریفنگ دی گئی،وزیراعظم شہباز شریف کا کہنا تھا کہ سیلاب متاثرین کیلئے وفاق نے 28ارب روپے فراہم کر دیئے ہیں،25،25ہزار روپے سیلاب متاثرین کو فراہم کئے جا رہے ہیں، 3 ستمبر تک سیلاب متاثرین کی مدد مکمل کرنے کے احکامات جاری کئے ہیں، سندھ اور بلوچستان کے دورے کئے،سیلاب نے بڑی تباہی پھیلائی ہے، سیلاب متاثرین کی ہر ممکن مدد کیلئے تیار ہیں، آپ لوگوں کو بہت تکلیف پہنچی، بہت مشکلات کا سامنا کرنا پڑا،مجھے بتایا گیا کہ خیبر پختونخوا میں 242 لوگ جاں بحق ہوئے،جو لوگ جاں بحق ہوئے ہیں ان کو 10، 10لاکھ روپے فراہم کر رہے ہیں جب تک آپ اپنے گھروں میں آباد نہیں ہوتے چین سے نہیں بیٹھیں گے، آپ فکر نہ کریں ، ہم سب ملکر اس مشکل وقت کا مقابلہ کریں گے،

وزیراعظم شہبازشریف کی سیلاب متاثرین کیلئے قائم کیمپس میں آمد ہوئی،وزیراعظم شہباز شریف نے سیلاب متاثرین کے مسائل سنے، حل کرنے کی یقین دہانی کروائی،وزیراعظم شہباز شریف نے کیمپ میں فراہم سہولیات کا جائزہ لیا ،وزیراعظم شہباز شریف کا کہنا تھا کہ ہم سیلاب متاثرین کے ساتھ ہیں،مایوس نہیں کریں گے،مشکل کی اس گھڑی میں وفاق خیبر پختونخوا حکومت کے ساتھ ہے،

قبل ازیں وزیراعظم شہباز شریف نے مہمند ڈیم کو سیلاب سے نقصان کی تحقیقات کا حکم دیتے ہوئے کہا ہے کہ منصوبہ پر کام مقررہ وقت میں مکمل ہونا چاہئےنیلم جہلم میں بھی چند ماہ پہلے حادثہ ہو چکا ہے آئندہ اس کی روک تھام کرنا ہو گی، ہماری معیشت مہنگی بجلی پیدا کرنے کی متحمل نہیں ہو سکتی ایندھن کی درآمد پر سالانہ اربوں ڈالر خرچ کرکے سبسڈی دینے سے خزانہ پر بوجھ پڑتا ہےپانی، ہوا اور سورج کی روشنی سے سستی بجلی پیدا کرنا ہو گی ،اس موقع پر وفاقی وزیر پارلیمانی امور مرتضیٰ جاوید عباسی، وفاقی وزیر اطلاعات و نشریات مریم اورنگزیب، وزیراعظم کے معاون خصوصی انجینئر امیر مقام اور جمعیت علماء اسلام کے رہنما مولانا عطاء الرحمن بھی موجود تھے۔

سیلاب متاثرین کی مدد میں متحدہ عرب امارات کا مثالی کردار

سعودی عرب میں طوفان ابھی تھما نہیں، فوج کے ذریعے تبدیلی آ سکتی ہے،سعودی ولی عہد کو کن سے ہے خطرہ؟ مبشر لقمان نے بتا دیا

محمد بن زید النہیان متحدہ عرب امارات کے نئے صدر بن گئے،

ایک طرف سیلاب کی تباہ کاریاں جاری، ہزاروں ایکڑ پر محیط گندم اور فصلیں تباہ ہوگئیں تو دوسری جانب گراں فروشوں کے مخصوص گینگ بھی سبزی منڈیوں اور اتوار بازاروں میں عوام الناس کو لوٹنے کے لیے متحر ک ہوگئے۔

ماہرین نے سیلاب کے باعث پاکستان میں غذائی بحران پیدا ہونے کا خدشہ ظاہر کیا ہے۔سیلاب سے تباہی کے اثرات سبزی منڈیوں تک پہنچنے لگے۔ بلوچستان اور سندھ میں پیاز اور ٹماٹر کی فصل تباہ ہونے سے قیمتوں میں د گنا اضافہ ہو گیا،سبزی منڈی میں ٹماٹر اور پیاز کی قلت ہو گئی۔منڈی میں پیاز175روپیہ فی کلو کے بجائے200ے 250 روپے فی کلو میں مل رہا ہے۔

ٹماٹر بھی طلب سے40 فیصد کم منڈی میں پہنچ سکا ہے۔ تھوک نرخوں پر5کلو ٹماٹر 1200روپیہ میں فروخت ہو رہا ہے۔اسلام آباد میں بھی سبزیوں اور پھلوں کی قیمتیں آسمان کو پہنچ گئیں۔ سستا بازار میں 5 کلو پیاز 1150 روپے میں فروخت ہونے لگا۔تاجروں نے حکومت سے اپیل کی کہ افغانستان اور ایران سے پیازدرآمد کرنے کی اجازت دینے کے ساتھ ساتھ ٹیکسز کو ختم کیا جائے تاکہ بحران سے نمٹا جا سکے۔

واضح رہے کہ حالیہ بارشوں اور سیلاب کے بعد بلوچستان اور سندھ میں کپاس اور چاول سمیت کئی سبزیوں اور پھلوں کی فصل تباہ ہو گئی ہے۔پاکستان میں آنے والے مہینوں میں گندم کی بوائی کو بھی خطرہ لاحق ہے۔ دوسری جانب این این آئی کے مطابق لاہور سمیت پنجاب کے دیگر حصوں میں سبزیوں اور پھلوں کی قیمتوں میں ہوشربا اضافہ ہوگیا ہے،بلوچستان اور سندھ میں سیلاب سے فصلوں کی تباہی اور منڈیوں میں سپلائی کم ہونے کے باعث آنے والے روز میں اس میں مزید اضافہ متوقع ہے۔

مارکیٹ کمیٹی کے ایک عہدیدار نے بتایا کہ حکومت واہگہ بارڈر کے ذریعے بھارت سے پیاز اور ٹماٹر جیسی اہم اور ضروری سبزیاں درآمد کرنے کے آپشن پر غور کر رہی ہے۔سیکرٹری لاہور مارکیٹ کمیٹی شہزاد چیمہ نے بتایا کہ اس وقت ہمارے پاس بلوچستان سے پیاز اور ٹماٹر کی بہت محدود سپلائی ہے، ہم ان دنوں بلوچستان سے جو پیاز وصول کر رہے ہیں وہ اچھے معیار کی نہیں ہے کیونکہ یہ بارشوں اور سیلاب کی وجہ سے گیلی ہے۔

انہوں نے کہا کہ یہ صورتحال ان 2 اہم ترین سبزیوں کی قیمتوں میں 300 روپے فی کلو تک اضافے کا باعث بنی ہے جو کہ بارشوں اور سیلاب سے پہلے 80 سے 95 روپے فی کلو مل رہی تھیں۔انہوں نے خبردار کیا کہ آئندہ 3 ماہ میں مارکیٹ میں سپلائی کم ہونے کی وجہ سے ان 2 سبزیوں سمیت چند دیگر سبزیوں کی قیمتوں میں مزید اضافہ متوقع ہے۔شہزاد چیمہ کے مطابق پنجاب کے بڑے شہروں خصوصاً لاہور، فیصل آباد، گوجرانوالہ، راولپنڈی، سرگودھا، ساہیوال، ملتان اور بہاولپور سمیت دیگر صوبوں کو بھی اس وقت طورخم بارڈر کے ذریعے افغانستان سے ٹماٹر اور پیاز سپلائی ہو رہی ہے جو لاہور میں طلب پوری کرنے کے لیے انتہائی کم ہے۔انہوں نے کہاکہ بلوچستان میں تفتان بارڈر کے راستے ایران سے سبزیوں کی درآمد قابل عمل نہیں ہے کیونکہ ایرانی حکومت نے اپنی درآمدات اور برآمدات پر ٹیکس بڑھا دیا ہے۔

لیک آڈیو کال میں کچھ بھی غیرقانونی نہیں ہے، ملک دشمنی پر سابق وفاقی وزیر شیرین مزاری بھی ڈٹ گئی ہے.

شیرین مزاری نے اپنے ٹوئیٹر بیان میں لکھا کہ: اچھا تو اب ترین+صوبائی وزیرِخزانہ کے مابین آڈیوکال لیک کردی گئی! گفتگومیں توکچھ غیر قانونی ہےنہ ہی غلط! ہم نےتو ان شرائط کی کھل کرمخالفت کی ہےجن پرامپورٹڈ سرکار آئی ایم ایف سےقرض لےرہی ہے۔اس میں جوحرکت غیر قانونی ہےوہ عدالتی حکم کےبغیرگفتگو کوخفیہ طور پرریکارڈ کرناہے۔سراسرمجرمانہ فعل!
https://twitter.com/ShireenMazari1/status/156416977576864153

اس سے قبل صحافی عاصمہ شیرازی نے کہا کہ: اب اس کال کو سُنیں اور فیصلہ کریں کہ پاکستان کے ساتھ کون کھڑا ہے ؟

There is nothing illegal in the conversation & PTI position on IMG conditions Impoeted goct is agreeing to is public. What is criminal offence is illegal wiretap of phone – without court order. SC judgements exist. So in answer to ur query seems u r not with Pak. Have some shame https://t.co/nmIqwVESHM

— Shireen Mazari (@ShireenMazari1) August 29, 2022

اس پر جواب دیتے ہوئے شیرین مزاری نے کہاکہ: بات چیت میں کچھ بھی غیر قانونی نہیں ہے اور آئی ایم کی شرائط پر پی ٹی آئی کا موقف عوامی ہے۔ عدالتی حکم کے بغیر فون کالز کو غیر قانونی ٹیپ کرنا جرم ہے۔ سپریم کورٹ کے فیصلے موجود ہیں۔ تو آپ کے سوال کے جواب میں لگتا ہے آپ پاکستان کے ساتھ نہیں ہیں۔ کچھ شرم کرو.

باغی ٹی وی کے مدیر اعلی ممتاز حیدر کی خبر کے مطابق: سابق حکمران جماعت تحریک انصاف نے ملک دشمنی کی سب حدیں عبور کر لی ہیں، تحریک انصاف کے چیئرمین عمران خان چاہتے ہیں کہ انہیں ہر قیمت پر دوبارہ وزیراعظم کی کرسی پر بیٹھنا ہے، اور اسکے لئے وہ ملکی سلامتی کو بھی داؤ پر لگانے سے پیچھے نہیں ہٹیں گے

دوسری جانب تحریک انصاف کے رہنماء اسد عمر نے بھی کہا کہ ن لیگ جب اپوزیشن میں تھی تو اس نے فیٹف قوانین پر ہماری مخالفت کی تھی اور اانہوں نے کہا کہ ملک دشمن آڈیو میں ایسا کچھ بھی نہیں کیونکہ شوکت ترین اور تیمور سلیم جھگڑا کی گفتگو میں کوئی غلط بات نہیں، موجودہ حکمران جب اپوزیشن میں تھے تو انہوں نے فیٹف قوانین کی منظوری کی مخالفت کی تھی۔

تاہم اس کے جواب میں وزیر خزانہ مفتاح اسماعیل نے کہا ہے کہ شوکت ترین کی آڈیو لیک سے واضح ہوگیا کہ انہیں ریاست کی کوئی پروا نہیں، اگر ملک کو نقصان پہنچانا سیاست ہے تو ایسی سیاست چھوڑ دینی چاہیے۔

عمران خان کے براہ راست تقریر نشر کرنے پر پابندی کے خلاف درخواست پر سماعت ہوئی

اسلام آباد ہائی کورٹ کے چیف جسٹس اطہر من اللہ نے کیس کی سماعت کی ،چیف جسٹس اسلام آباد ہائیکورٹ اطہرمن اللہ نے ریمارکس دیتے ہوئے کہا کہ کیا آپ عمران خان کے بیان کو جسٹفائی کرتے ہیں ؟ کیا ججز کو اس طرح دھمکیاں دی جاسکتی ہیں جس طرح دی گئی؟ تین سال جس طرح ظلم کیا گیا انسانی حقوق کی خلاف ورزی کی گئی،بہت بوجھل دل سے کہہ رہا ہوں کہ عدلیہ کو دھمکیاں دینے کی امید نہیں تھی، افسوس ہے موجودہ حکومت وہی کررہی ہے جو پچھلے 3سال ہوتا رہا،ایک خاتون جج کو دھمکیاں دی گئیں ،بیرسٹر علی ظفر کا کہنا تھا کہ پیمرا کہتا ہے کہ چینل نے ٹائم ڈیلے کی پالیسی نہیں اپنائی،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ سارے چینلز نے بغیر ٹائل ڈیلے کے دکھایا ہے؟ پھر تو یہ ذمہ داری نیوز چینلز پر آتی ہے، اس کا مطلب تو یہ ہوا کہ پھر یہ لائیو تو چلتا ہی نہیں ہے،وکیل نے کہا کہ بارہ سیکنڈز کا ٹائم ڈیلے ہوتا ہے تاکہ کوئی غلط بات کرے تو اسے سینسر کیا جا سکے، عدالت نے کہا کہ پھر تو ایکشن نیوز چینلز کے خلاف ہونا چاہیے

چیئرمین پی ٹی آئی عمران خان کی تقریر پر پیمرا کا نوٹس معطل کر دیا گیا عمران خان کی براہ راست تقریر نشر کرنے پر پابندی کا نوٹیفکیشن 5ستمبر تک معطل کر دیا گیا اسلام آباد ہائیکورٹ کے چیف جسٹس اطہر من اللہ نے پیمرا کا نوٹیفکیشن معطل کیا اسلام آباد ہائیکورٹ نے پیمرا اور اٹارنی جنرل کو نوٹسز جاری کرتے ہوئے جواب طلب کر لیا،عدالت نے کہا کہ بادی النظر میں پیمرا عمران خان کی تقریر پر پابندی لگا کر اختیارات سے تجاوز کررہاہے،موجودہ حالات میں تقریر پر پابندی کی کوئی مناسب وجوہات نہیں ہیں،

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

افواج پاکستان کی طرف سے قائم کردہ سنٹرز کی طرف مختلف علاقوں کیلئے امداد بھیجنے کا سلسلہ جاری ہے.

آئی ایس پی آر کی طرف سے جاری اعلامیہ کے مطابق لاہور سنٹر سے آٹھ ٹن ضروری اشیاء بلوچستان کے علاقوں کیلئے روانہ کی گئی ہیں جبکہ چار ٹن راشن ڈیرہ اسماعیل خان کے متاثرہ علاقوں کیلئے بھیجوائے گئے ہیں. اور اسی طرح چارٹن راشن پنوعاقل سندھ کیلئے بھی بھیجوائے گئے ہیں.

واضح رہے کہ وفاقی حکومت کے بعد پاکستان آرمی نے بھی سیلاب زدگان کی مدد کے لیے فلڈ ریلیف ڈونیشن اکاؤنٹ قائم کر دیا تھا اور اس ملنے والی امداد سے سیلاب متاثرین کی مدد کی جائے گی. جبکہ ملک بھر میں سیلابی صورتحال میں سب سے زیادہ امداد کی فراہمی پاکستان آرمی کی جانب سے ممکن بنائی جارہی ہے. اور لوگوں کو ریسکیو بھی کیا جارہا ہے.

پاک فوج کے شعبہ تعلقات عامہ آئی ایس پی آر کے مطابق سیلاب زدگان کی مدد کے لیے عطیات عسکری بینک کے اکاؤنٹ نمبر00280100620583 میں جمع کرائے جا سکتے ہیں، اکاؤنٹ کا ٹائٹل "سیلاب متاثرین کے لیے آرمی ریلیف” رکھا گیا ہے۔

اس سے قبل سیلاب زدگان کی مدد کے لیے پاک فوج کے نام پر غلط اکاؤنٹ سے متعلق خبریں زیر گردش تھیں جس پر آئی ایس پی آر نے ایک وضاحتی بیان جاری کرتے ہوئے کہا تھا کہ سیلاب زدگان کی مدد کے لیے ہمارا کوئی اکاؤنٹ نہیں ہے، عوام سیلاب سے متاثرہ افراد کی مدد کے لیے امدادی رقوم حکومت پاکستان کے متعین کردہ اکاؤنٹ میں جمع کروائیں۔

آئی ایس پی آر کے مطابق کور کمانڈر پشاور لیفٹیننٹ جنرل حسن اظہر حیات نے نوشہرہ میں سیلاب سے متاثرہ علاقوں کا دورہ بھی کیا اور فوجی جوان اور افسران کو سول انتظامیہ کے ساتھ مل کر ریسکیو اور ریلیف آپریشن میں تمام اقدامات کرنے کی ہدایت بھی کی۔ آئی ایس پی آر کے مطابق کور کمانڈر پشاور نے متاثرہ آبادی کی مدد کے لیے تمام وسائل استعمال کرنے کی ہدایت بھی کی۔