سنگاپور میں ایک نوجوان کو حراست میں لیا گیا ہے جو مبینہ طور پر متعدد مساجد کے باہر درجنوں مسلمانوں کو قتل کرنے کی منصوبہ بندی کر رہا تھا۔
باغی ٹی وی : ’اے ایف پی‘ کے مطابق شہری ریاست کے محکمہ اندرونی سیکیورٹی (آئی ایس ڈی) نے ایک بیان میں کہا کہ 17 سالہ لڑکے کو مارچ میں حراست میں لیا گیا تھا، جو 2019 میں نیوزی لینڈ میں مساجد میں نمازیوں کو قتل کرنے والے سفید فام بالادستی پسند برینٹن ٹیرنٹ کو ’ہیرو‘ سمجھتا تھا، اس کی شناخت ’مشرقی ایشیائی بالادست‘ کے طور پر ہوئی ہے، اور اس نے جمعہ کی نماز کے بعد سنگاپور بھر میں پانچ مساجد پر حملوں کا فیصلہ کیا تھا۔
وزیر داخلہ کے شانموگم نے بتایا کہ یہ لڑکا کم از کم 100 مسلمانوں کو قتل کرنا چاہتا تھا، تاکہ وہ ٹیرنٹ سے زیادہ مسلمانوں کو مار سکے، جبکہ وہ اپنےحملوں کو لائیو اسٹریم بھی کرنا چاہتا تھا،نوجوان نے گرفتاری سےقبل کئی بار بندوق حاصل کرنے کی کوششیں کی تھیں، اس نے کھل کر آئی ایس ڈی کو بتایا کہ اگر اس کے پاس بندوق ہوتی تو وہ اپنے حملے کرتا۔
مہربان ہونا ضروری ،یہ جاننا بھی ضروری کہ تلواریں کب نکالنی ہیں، ملائکہ اروڑہ
نوجوان 18 سالہ نِک لی کے ساتھ آن لائن رابطے میں تھا، جسے دسمبر میں اسی طرح کے منصوبے رکھنے پر حراست میں لیا گیا تھا، کثیر الثقافتی ملک نے حالیہ برسوں میں کئی ایسے واقعات دیکھے ہیں جہاں نوجوان سنگاپورینز کو آن لائن انتہا پسندانہ مواد دیکھنے کے بعد مبینہ طور پر حملوں کی منصوبہ بندی کرنے کے الزام میں حراست میں لیا گیا ہے۔
2024 میں حکام نے ایک نوعمر لڑکے کو گرفتار کیا جو مبینہ طور پر ایک مصروف مضافاتی علاقے میں اسلامک اسٹیٹ گروپ سے متاثر ہوکر چاقو سے حملے کی منصوبہ بندی کر رہا تھا۔
ٹیرف عائدکیے جانے کیخلاف ممالک انتقامی کارروائی سے گریزکریں،امریکی وزیر خزانہ
بدھ کے روز بیان میں ’آئی ایس ڈی‘ نے یہ بھی کہا کہ فروری میں ایک 15 سالہ لڑکی کو پابندی کے حکم کے تحت رکھا گیا تھا، جس میں اسے آئی ایس ڈی کے ڈائریکٹر کی منظوری کے بغیر سفر کرنے یا انٹرنیٹ تک رسائی حاصل کرنے سے منع کیا گیا تھا۔
بیان میں الزام لگایا گیا کہ جولائی 2023 اور دسمبر 2024 کے درمیان لڑکی کے بیرون ملک مقیم داعش کے حامیوں کے ساتھ کم از کم آٹھ مختصر مدت کے رومانوی آن لائن تعلقات رہے تھے۔
کے شانموگم کا کہنا تھا کہ اس نے داعش کے چیٹ بوٹ سے وفاداری کا عہد کیا تھا، وہ داعش کے لیے لڑنا اور مرنا چاہتی تھی، اس نے شام جانے کے لیے پروازیں تلاش کیں، اس نے سوچا کہ وہ اپنے سفر کا منصوبہ بنانے کے لیے پیسے کیسے بچائے گی، انٹرنیٹ کے ذریعے نوجوانوں میں بڑھتی ہوئی بنیاد پرستی اور انتہا پسندی کا رجحان ’تشویشناک‘ ہے۔
70 یا 75 سال کی عمر میں بھی سیٹ پر کام کرنا چاہتی ہوں،کرینہ کپور
آئی ایس ڈی نے کہا کہ اپنے طور پر بنیاد پرستی بہت جلد ہو سکتی ہے،15 سالہ بچے کے معاملے میں، اس میں صرف ہفتے لگتے ہیں،‘ ساتھ ہی عوام سے اپیل کی کہ وہ ’انتہا پسندی کی علامات سے چوکنا رہیں۔
