معروف سائنسدان آئزک نیوٹن نے 300 سال قبل ایک خط میں دنیا کے خاتمے کی پیشگوئی کی تھی،جو پھر وائرل ہو رہی ہے-
باغی ٹی وی : کشش ثقل کے قانون کو دریافت کرنے والے مشہور ماہر طبیعیات نے 1704ء میں لکھا کہ دنیا 2060ء میں ختم ہو جائے گی، دلچسپ بات یہ ہے کہ نیوٹن نے ”خاتمے“ کی بجائے ”دوبارہ آغاز“ (Reset) کا لفظ استعمال کیا اور کہا کہ مسیح اور مقدس ہستیاں واپس آئیں گی اور زمین پر 1000 سالہ عالمی سلطنت قائم کریں گی، جہاں امن ہوگا۔
نیوٹن، جو کہ ایک مخلص مسیحی تھے، انہوں نے دنیا کے خاتمے کی تاریخ معلوم کرنے کے لیے کتابِ دانیال (Book of Daniel) میں موجود اعداد و شمار کو استعمال کیا یہ انکشاف کنگز کالج، ہیلی فیکس کے پروفیسر سٹیفن ڈی سنوبیلن نے کیا ہے۔
ایشوریا رائے اور سلمان خان کے بریک اپ کی اصل وجہ سامنے آگئی
نیوٹن نے اپنے خوفناک انتباہ میں لکھا کہ تو پھر وقت، اوقات اور نصف وقت 42 ماہ یا 1260 دن یا تین سال اور چھ ماہ بنتے ہیں، اگر ہر سال کو 12 مہینے اور ہر مہینے کو 30 دن کے حساب سے گنا جائے، جیسا کہ قدیم کلینڈر میں کیا گیا تھا، اور جب چھوٹے عرصے جینے والے درندوں کے دن ان سلطنتوں کے سالوں کے برابر ہوں جو طویل عرصے تک قائم رہیں، تو 1260 دنوں کی یہ مدت، اگر تین بادشاہوں کی مکمل فتح کے سال 800 عیسوی سے شمار کی جائے، تو 2060 عیسوی میں ختم ہو جائے گی۔
انہوں نے مزید وضاحت کرتے ہوئے کہا کہ یہ ممکن ہے کہ یہ مدت اس کے بعد بھی جاری رہے، لیکن مجھے اس کے اس سے پہلے ختم ہونے کی کوئی وجہ نظر نہیں آتی۔
امریکی سپریم کورٹ کا ٹرمپ کے خلاف فیصلہ دینے والے جج کے مواخذے سے انکار
1. ”Time, times & half a time“ کا مطلب کیا ہے؟
یہ جملہ بائبل (کتابِ دانیال اور مکاشفہ) میں پایا جاتا ہے اور اکثر ساڑھے تین سال کے عرصے کے لیے استعمال ہوتا ہے نیوٹن نے اس کا حساب 42 مہینے یا 1260 دن کے طور پر کیا ہے، جہاں ہر سال 12 مہینوں اور ہر مہینے کو 30 دن پر مشتمل سمجھا گیا ہے۔
2. ”The days of short-lived Beasts being put for the years of lived kingdoms“
نیوٹن یہاں ”درندوں کے دنوں“ کو حقیقی سلطنتوں کے سالوں سے تشبیہ دے رہے ہیں بائبل کی پیشگوئیوں میں ”جانور“ (Beasts) اکثر سلطنتوں یا حکمرانوں کے استعارے کے طور پر آتے ہیں نیوٹن کے مطابق، 1260 دن دراصل 1260 سالوں کی نمائندگی کرتے ہیں (یہی طریقہ بائبل کی پیشگوئیوں میں اکثر استعمال ہوتا ہے)۔
تربیلا ڈیم ڈیڈ لیول پر پہنچ گیا،بجلی گھر کے 8 پیداواری یونٹ بند
3. ”If dated from the complete conquest of the three kings A.C. 800, will end A.C. 2060“
نیوٹن کہہ رہے ہیں کہ اگر یہ 1260 سالوں کی مدت 800 عیسوی سے شروع ہوتی ہے (جب تین بادشاہ مکمل طور پر شکست کھا چکے تھے)، تو اس کا اختتام 2060 عیسوی میں ہوگا۔
نیوٹن نے بائبل کی پیشگوئیوں کو ریاضی کے اصولوں سے جانچنے کی کوشش کی اور نتیجہ نکالا کہ دنیا میں کوئی بڑا تغیر یا خاتمہ 2060 میں ہوسکتا ہے پروفیسر سنوبیلن کے مطابق، نیوٹن ”سائنسدان“ نہیں بلکہ ”قدرتی فلسفی“ تھے۔
آئی سی سی کی ٹی ٹوئنٹی پلیئرز رینکنگ جاری
ویب سائٹ ”isaac-newton.org“ پر شائع ہونے والی ایک تحقیق ”2060 کی تاریخ پر نیوٹن کا بیان“ میں، سنوبیلن نے کہا، ’نیوٹن کے لیے مذہب اور وہ چیز جسے ہم آج سائنس کہتے ہیں، کے درمیان کوئی سخت دیوار نہیں تھی، نیوٹن کو یقین تھا کہ بائبل کی پیشگوئیوں کی تشریح ایک غیر ضروری چیز نہیں بلکہ ایک انتہائی اہم فریضہ ہے۔
سنوبیلن کے مطابق، نیوٹن نے قدرتی فلسفے کو ایک ایسے تصور کے طور پر دیکھا، جس کا بنیادی مقصد خدا اور اس کی صفات کی دریافت تھا اس لیے، نیوٹن کے الہامی نظریات کو سمجھے بغیر ان کے سائنسی خیالات کو مکمل طور پر نہیں سمجھا جا سکتا۔
یورپ کے بعد برطانیہ میں بھی پاکستانی ایئرلائنز بحال کرنے کی منظوری کی امید
