Tag: تازہ ترین

نیویارک: امریکا میں ایک مرتبہ پھر گھڑیوں کی سوئیاں ایک گھنٹہ آگے کر دی گئی ہیں،ہفتے اور اتوار کی درمیانی شب دو بجے سرکاری طور پر گھڑیاں آگے کی گئیں-

باغی ٹی وی : ہر سال مارچ کے آغاز میں امریکہ کی کئی ریاستوں میں گھڑیاں ایک گھنٹہ آگے اور نومبر میں ایک گھنٹہ پیچھے کی جاتی ہیں مارچ میں یہ تبدیلی موسم گرما کی آمد کی علامت سمجھی جاتی ہے، تاکہ سورج کی روشنی سے زیادہ سے زیادہ فائدہ اٹھایا جا سکے، جبکہ نومبر میں گھڑیاں پیچھے کرنا موسم سرما کے آغاز کی نشاندہی کرتا ہے۔

امریکی ریاست ہوائی اور ایریزونا کے بیشتر علاقوں میں یہ طریقہ کار نہیں اپنایا جاتا، جبکہ امریکہ کے زیر انتظام علاقوں پورٹو ریکو اور ورجن آئی لینڈ میں بھی گھڑیاں پورے سال ایک ہی وقت کے مطابق چلتی ہیں۔

آرمی ایکٹ کے ماتحت جرائم اگر سویلینز کریں تو کیا ہوگا؟جسٹس جمال مندوخیل

امریکہ کے علاوہ یورپ، کینیڈا کے بیشتر علاقوں اور آسٹریلیا کے کچھ حصوں میں بھی ڈے لائٹ سیونگ کا عمل رائج ہے، تاہم روس اور ایشیا کے بیشتر ممالک میں ایسا نہیں کیا جاتا۔

1970 کی دہائی میں امریکہ کو توانائی بحران کا سامنا تھا، جس کے دوران پورے سال ڈے لائٹ سیونگ نافذ رہا، تاہم شہریوں کی بڑی تعداد نے اس پر عدم اطمینان کا اظہار کیا خاص طور پر سردیوں میں، جب صبح نو بجے تک سورج طلوع نہیں ہوتا، شہریوں کو اندھیرے میں کام پر اور بچوں کو اسکول بھیجنے میں مشکلات پیش آتی ہیں۔

کائنات کے راز ریاضی میں چھپے ہوئے ہیں، امریکی ماہر فلکیات

ایک حالیہ سروے کے مطابق 43 فیصد امریکی چاہتے ہیں کہ پورے سال ایک ہی وقت برقرار رکھا جائےجبکہ 32 فیصد شہری پورے سال موسم گرما کا وقت (ڈے لائٹ سیونگ ٹائم) رکھنا چاہتے ہیں، صرف 25 فیصد لوگ موجودہ نظام کو پسند کرتے ہیں، جس میں وقت کو سال میں دو بار تبدیل کیا جاتا ہے۔

واضح رہے کہ ڈے لائٹ سیونگ کا تصور سب سے پہلے نیوزی لینڈ کے ماہر فلکیات جارج ورنن ہڈسن نے 1890 کی دہائی میں پیش کیا تھا، تاکہ سورج کی روشنی سے زیادہ فائدہ اٹھایا جا سکے بعد میں 1900 کے اوائل میں برطانوی ماہر تعمیرات ولیم ویلیٹ نے بھی اسی طرح کی تجویز دی، مگر ابتدا میں اس پر عمل درآمد نہ ہو سکا،پہلی جنگ عظیم کے دوران جرمنی نے سب سے پہلے اس تصور کو اپنایا، جس کے بعد امریکہ سمیت کئی دیگر ممالک نے بھی اسے نافذ کیا دوسری جنگ عظیم میں امریکہ نے دوبارہ اس پر عمل کیا اور اسے ”جنگ کا وقت“ قرار دیا گیا۔

ٹرمپ، جے ڈی وینس اور مسک کی گرفتاری کی پیشگوئی

واشنگٹن: امریکا کی ہارورڈ یونیورسٹی کے سائنسدان کی تحقیق میں کہا گیا ہے کہ کائنات کی تخلیق اتفاقی نہیں-

باغی ٹی وی: ہارورڈ یونیورسٹی کے سائنسدان ماہر فلکیات ڈاکٹر ولی سون کے مطابق کائنات کے فطری قوانین اتنے مکمل انداز میں بنائےگئے ہیں جو قطعی طور پر اتفاق نہیں ہوسکتا کائنات کے رازوں کو ریاضی کے اصولوں سے کھولا جاسکتا ہے اور خدا کے وجود کو ریاضی کے فارمولوں سے ثابت کیا جاسکتا ہے،کائنات کے راز صرف ستاروں میں نہیں بلکہ ریاضی میں چھپے ہوئے ہیں۔

ڈاکٹر ولی سون کے نظریے کی بنیاد ‘فائن ٹیوننگ آرگیومنٹ’ نامی فارمولے پر ہے جس کے مطابق کائنات کے طبیعیاتی قوانین جس طرح مکمل طور پر زندگی کے لیے موزوں بنائے گئے ہیں وہ کوئی اتفاق نہیں ہوسکتا۔

عدلیہ میں خواتین کی شمولیت ایک مثبت پیش رفت ہے،چیف جسٹس

یہ فارمولا جسے سب سے پہلے کیمبرج کے ریاضی دان پال ڈیریک نے پیش کیا تھا، اس بات پر روشنی ڈالتا ہے کہ کچھ کائناتی مستقلات (cosmic constants) کس طرح شاندار طریقے سے ایک دوسرے کے ساتھ ہم آہنگ ہیں، یہ ایک ایسی چیز ہے جس نے دہائیوں سے سائنسدانوں کو حیرت میں ڈال رکھا ہے۔

1963 میں پال ڈیریک نے کہا تھا کہ کائنات کے طبیعیاتی قوانین کا اتنے مکمل توازن میں ہونا کسی اعلیٰ ذہانت کا ہی کام ہوسکتا ہےڈاکٹر ولی سون نے یہی الفاظ دہراتے ہوئے کہا کہ شاید اس صورتحال کو اس طرح بیان کیا جاسکتا ہےکہ خدا ایک بہت اعلیٰ درجےکا ریاضی دان ہے۔

دو لاپتہ افراد گھر پہنچ گئے، عدالت نے درخواست نمٹا دی

ڈاکٹر سون کا کہنا تھا کہ ریاضی اور کائنات کے درمیان ایسی بہترین ہم آہنگی اس کائنات کی تخلیق کی جانب اشارہ کرتی ہے، خدا نے ہمیں یہ روشنی دی ہے تاکہ ہم اس روشنی کی پیروی کریں اور جو کچھ کرسکتے ہیں وہ بہترین کریں، کائنات کے طبیعیاتی قوانین ایک خالق کے نشان ہوسکتے ہیں۔

اس سے قبل ماضی میں بھی کائنات کے رازوں کے بارے میں اندازے لگانے والے ریاضی دان کہہ چکے ہیں کہ کائنات کے متوازن فطری قوانین بہت ہی اعلیٰ ذہانت کے مظاہر ہیں۔

وزیراعظم نےبلاول کو افطار ڈنر پر مدعو کر لیا

واشنگٹن: ایک ٹک ٹاک انفلوئنسر نے صدر ٹرمپ، نائب صدر جے ڈی وینس اور ارب پتی شخصیت ایلون مسک کی گرفتاری کی پیشگوئی کر دی-

باغی ٹی وی: غیر ملکی میڈیا رپورٹ کے مطابق بائیں بازو سے تعلق رکھنے والے ٹک ٹاک انفلوئنسر ڈریگن مین کی جانب سے پہلے بھی ٹرمپ سے متعلق پیشگوئی کی گئی تھی جو غلط ثابت ہوئی تھی، امریکی صدارتی الیکشن میں ریپبلکن امیدوار کی کامیابی کے بعد ڈریگن مین نے کہا ڈونلڈ ٹرمپ کو دوسری مدت کے لیے حلف اٹھانے کے لیے صدارتی محل میں داخل ہونے سے پہلے ہی روک دی جائے گی تاہم ایسا نہ ہوا۔

اس بار ٹک ٹاکر ڈریگن مین نے عیسائیوں کی روحانی کتاب بائبل کی ایک آیت کا حوالہ دیتے ہوئے کہا کہ غرور تباہی سے پہلے اور تکبر زوال سے پہلے آتا ہے،امریکی صدر ڈونلڈ ٹرمپ، نائب صدر ڈی جے وینس اور ڈاج کے سربراہ ایلون مسک بہت جلد گرفتار ہوں گے۔

دو لاپتہ افراد گھر پہنچ گئے، عدالت نے درخواست نمٹا دی

ماضی کی پیشگوئیاں غلط ثابت ہونے کے باوجود ڈریگن مین کی نئی پیشگوئی پر سوشل میڈیا صارفین نے انہیں تنقید کا نشانہ بنایا ہے اور ایک صارف نے تو ڈریگن مین کو پاگل شخص قرار دیا کہا کہ اس شخص کی پیشگوئیوں کی کوئی اہمیت نہیں ہے جبکہ ایک اور صارف نے کہا کہ یہ شخص اتنا ہی جانتا ہے جتنا میں کر سکتا ہوں جو کہ کچھ نہیں۔

امریکہ میں چھوٹا طیارہ گر کر تباہ، پانچ زخمی