Tag: حکومت

پاکستان میں کرپشن مزید بڑھ گئی، ٹرانسپرنسی انٹرنیشنل
ٹرانسپرنسی انٹرنیشنل نے 180 ممالک کا کرپشن سیپشن انڈیکس جاری کر دیا ہے جس کے مطابق پاکستان میں کرپشن مزید بڑھ گئی ہے

ٹرانسپرنسی انٹرنیشنل کی جانب سے جاری کر دہ سروے کے مطابق پاکستان میں کرپشن میں گزشتہ سال کی نسبت ہوشربا اضافہ ہوا ہے ، 2020 میں پاکستان کا دنیا میں 124 واں نمبر تھا جس میں اب 16 درجے اضافہ ہواہے اور پاکستان 124 ویں سے 140 ویں نمبرپر جا پہنچا ہے کرپشن سیپشن انڈیکس میں پاکستان کے سکور میں تین پوائنٹس کا اضافہ ہواہے ، گزشتہ سال پاکستان کا سکور 31 تھا جبکہ 2021 میں یہ سکور 28 ہو گیا ہے کرپشن سیپشن انڈیکس میں سکور کم ہونا کرپشن میں اضافے کی علامت ہے

ٹرانسپیرنسی انٹرنیشنل کے کرپشن پرسیپشن انڈیکس پر ڈنمارک، فن لینڈ، نیوزی لینڈ اور ناروے کی صورتحال سب سے بہترین رہی، جبکہ سنگاپور، سویڈن، سوئٹزرلینڈ، نیدرلینڈز اور لکسمبرگ میں بھی کرپشن نہ ہونے کے برابر ہے

ٹرانسپرنسی انٹرنیشنل کی جانب سے سروے رپورٹ آنے کے بعد اپوزیشن لیڈر قومی اسمبلی شہباز شریف نے کہا کہ ٹرانسپرنسی انٹرنیشنل کی رپورٹ فرد جرم ہے کرپٹ حکمران مستعفی ہوں ‎ٹرانسپرنسی انٹرنیشنل نے دوسری بار گواہی دی کہ حکومت چور ہے ان کی رپورٹ فرد جرم ہے وطن عزیزان کی لوٹ مار کا متحمل نہیں ہوسکتا،عمران نیازی کے دور میں پاکستان کرپشن میں تیزی سے ترقی کر رہا ہے ، دنیا کہہ رہی ہے وزیر اعظم چور ہے ، عالمی سطح پر وطن کی بدنامی ہو رہی ہے ۔ ہماری گڈ گورننس،شفافیت اورقانونی اصلاحات سے ملک کی کرپشن انڈیکس میں رینکنگ 23 درجے بہتری ہوئی تھی ۔ موجودہ کرپٹ ٹولے نے ہماری محنت ضائع کر دی ۔

پنجاب اسمبلی میں قائد حزب اختلاف حمزہ شہباز نے کہا ہے کہ ٹرانسپرنسی انٹرنیشنل کی رپورٹ حکومت کے خلاف چارج شیٹ ہے، ایک سال میں پاکستان کرپشن انڈیکس میں 16 درجے اوپر چلا گیا،کرپشن اور لوٹ مار کے نتیجے میں عوام روٹی روٹی کو محتاج ہو گئے،معیشت کھنڈر بن چکی ہے، مہنگائی میں پاکستان دنیا میں تیسرے نمبر پر ہےکسان ایک ایک بوری کھاد کے لیے لائنوں میں لگنے پر مجبور ہے،

پیپلز پارٹی کے چیئرمین بلاول زرداری کے ترجمان ذوالفقار علی بدر کا کہنا تھا کہ ٹرانسپرنسی کی کرپشن رپورٹ کے بعد عمران خان حکومت کا کوئی جواز نہیں رہ جاتا ،ملک سے کرپشن ختم نہیں ہوئی عمران خان اب گھر جائیں،پی ٹی آئی کی لوٹ مار کی وجہ سے ملک میں مہنگائی بڑھی، وزیراعظم کے مشیر احتساب کی چھٹی کے اگلے روز پی ٹی آئی کے کرپشن کے خلاف بیانیے کی بھی چھٹی ہوگئی،پاکستان کی کرپشن رینکنگ میں 16 درجے کا اضافہ پی ٹی آئی کے کرپشن کے خلاف نام نہاد بیانئے پر ایک زور دار طمانچہ ہے، کرپشن کی فہرست میں صرف ایک سال میں 124ویں نمبر سے 140ویں نمبر پر آنے کا کریڈٹ عمران خان اور ان کی کرپٹ کابینہ کو جاتا ہے عمران خان اور ان کے سرمایہ دار دوستوں نے ملک میں کرپشن کی انتہا کردی، پی ٹی آئی کی لوٹ مار کی وجہ سے ملک میں مہنگائی بڑھی

پیپلز پارٹی کی مرکزی سیکرٹری اطلاعات شازیہ مری کا کہنا تھا کہ ثابت ہو گیا کہ عمران خان کاکرپشن کے خلاف بیانیہ بھی دھوکہ تھا ،پہلے خیبر پختونخوا احتساب کمیشن کو تالا لگایا اور پھر ملک میں کرپشن بڑھائی، عمران خان نے چار سال کے اقتدار میں کرپشن اور تباہی کے سوا کچھ نہیں کیا پشاور بی آر ٹی اور بلین ٹری میگا کرپشن کی کھلی داستان ہے،اب کرپشن بڑھنے کا ملبہ بھی کسی وزیر یا مشیر پر ڈال دیا جائیگا،پاکستان کا کرپشن انڈیکس میں 16 درجے آگے جانا صادق اور امین کا کمال ہے ایل این جی کی خریداری میں تاخیر کرکے قوم کےاربوں روپے لوٹے گئے اور لوگوں پر مزید ٹیکس لگایا، عمران نے ملکی معیشت سے وابستہ ہر وزارت میں اپنے مالی سہولتکار بٹھائے ہیں عمران نے ریکارڈ قرضے لیئے اور آج ہر پاکستانی تقریباً دو لاکھ روپے کا مقروض ہے، ملک میں اصل نااہل عمران احمد نیازی خود ہے

نائب صدر پیپلز پارٹی سینیٹر شیری رحمان نے کرپشن پرسیپشن انڈیکس پر کہا ہے کہ ‏ٹرانسپیرنسی انٹرنیشنل کی کرپشن پرسیپشن انڈیکس اس حکومت کے خلاف چارج شیٹ ہے، کرپشن میں پاکستان کا 16 درجے اوپر جانا اس حکومت کے بیانئے کو بے نقاب کرتا ہے،2020 میں دنیا بھر میں پاکستان کرپشن پرسیپشن انڈیکس میں 124 نمبر پر تھا،1 سال کے اندر پاکستان 140ویں نمبر پر آگیا ہے، ‏کرپشن ختم کرنے کی دعویدار حکومت نے 16 ممالک کو کرپشن میں پیچھے چھوڑ دیا ہے،دوسری طرف مشیر احتساب کا استعفی اس بات کا ثبوت ہے کہ کرپشن کم نہیں، بڑھی ہے، احتساب صرف مخالفین کو نشانا بنانے کے لئے ہے،اس حکومت کی کرپشن سے اب عالمی ادارے پردہ اٹھا رہے ہیں،

امریکی جیل میں ڈاکٹرعافیہ صدیقی پرحملہ:پاکستان نے امریکہ سے بڑا مطالبہ کردیا ،

عافیہ صدیقی کی رہائی کیلئے کراچی میں احتجاج

اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

 یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

عالمی یوم تعلیم امریکی جیل میں قید ڈاکٹر عافیہ صدیقی کے نام منسوب

ڈاکٹر عافیہ صدیقی کی رہائی کے لئے مبشر لقمان نے جوبائیڈن کو پیش کی تجویز

ڈاکٹر عافیہ صدیقی کی رہائی اور وطن واپسی کی درخواست پر عدالت کا بڑا حکم

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا

ڈاکٹر عافیہ صدیقی کے صاحبزادے حافظ احمد نے نماز تراویح میں قرآن مکمل کر لیا

مسلم لیگ ن کی ترجمان مریم اورنگزیب کا کہنا تھا کہ عمران خان کو ٹرانسپرنسی انٹرنیشنل کی رپورٹ پر قوم سے خطاب کریں عمران صاحب قوم کو بتائیں کہ آٹا، چینی، بجلی، گیس، دوائی کی چوری کی وجہ سے پاکستان آج کرپشن بڑھ چکی ہےآپ کی کرپشن، لوٹ مار کے نتیجے میں آٹا چینی بجلی گیس دوائی سمیت کوئی چیز عوام خریدنے کے قابل نہیں رہی ،عمران صاحب کرپشن کا آپ کا اعمالِ نامہ سامنے آنے کے بعد اب آپ سڑکوں پر نہیں نکلیں گے بلکہ جیل جائیں گے عمران صاحب اور ان کے مافیاز، کارٹلز اور اے ٹی ایمز کی کرپشن کے نتیجے میں پاکستان کی معیشت تباہ ہوئی، بے روزگاری اور مہنگائی کا سونامی آیا ،2013 میں پاکستان مسلم لیگ (ن) کی حکومت آئی تو پاکستان کرپشن انڈیکس میں 127 نمبر پر تھا پاکستان مسلم لیگ (ن) کے دور میں ملک میں کرپشن میں کمی آئی اور پاکستان 117 نمبر پر آگیا پاکستان مسلم لیگ (ن) دور میں ہر سال کرپشن انڈیکس میں مسلسل کمی آئی ،2013 سے 2018 کے درمیان ریکارڈ ترقی ہوئی، ریکارڈ شفافیت آئی وزیراعظم نواز شریف کی قیادت میں ملک میں سی پیک آیا، ایل این جی، پاور پلانٹس، موٹرویز، پبلک ٹرانسپورٹ کے درجنوں منصوبے لگے کھربوں روپے کے منصوبوں کے ساتھ ملک میں کرپشن میں کمی بھی آئی عمران صاحب نے ملک کو دھیلے کی ترقی نہیں دی، ایک نیا منصوبہ نہیں دیا الٹا لوٹ مار کے نئے ریکارڈ قائم کر دئیے۔کرپشن کے اس عذاب نے آج قوم سے کھانے پینے کی اشیاء بھی چھین لیں، قوم کو روٹی کا محتاج کر دیا

مبارک ہو، نیا سیاسی منجن مل گیا،حکومت اور اپوزیشن کی دوڑیں
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ اکثر پاکستانی سیاست میں بھونچال اس لیے بھی برپا کیا جاتا ہے کہ لوگوں کی توجہ ان مسائل سے ہٹائی جا سکے جن میں وہ گھرے ہوئے ہیں۔ ۔

مبشر لقمان کا کہنا تھا کہ سوال یہ ہے کہ آج کل صبح و شام وفاقی وزراء نوازشریف کا ورد کیوں کر رہے ہیں۔۔ کبھی انہیں واپس لانے کی باتیں کی جاتی ہیں۔۔ کبھی ان کی میڈیکل رپورٹ منگوائی جاتی ہے۔ ۔ کبھی یہ کہا جاتا ہے ان کے خلاف پارٹی میں بغاوت ہو گئی ہے۔۔ کبھی حمزہ اور مریم کی لڑائی کی خبریں پھیلائی جاتی ہیں ۔ ۔ کبھی شہباز شریف کو ان کے مقابل کھڑا کیا جاتا ہے اور کبھی ڈیل کی کوششوں کا تذکرہ کر کے مظلوم بننے کی کہانی گھڑی جاتی ہے۔۔ پھر کبھی زرداری تو کبھی بلاول کی طرف توپوں کا رخ کردیا جاتا ہے ۔ ۔ اور اب حکومت نے ایک نیا ایشو پکڑا لیا جس کا نام ہے جنوبی پنجاب صوبہ ۔۔۔۔ یہ سب باتیں عوام کو سیاسی کھیل تماشوں میں الجھانے کی ایک کوشش نظر آتی ہے، تاکہ مہنگائی نے ان کا جو برا حال کر رکھا ہے اس سے ان کی توجہ ہٹائی جا سکے ۔

مبشرلقمان کا مزید کہنا تھا کہ دیکھا جائے تو جنوبی معاملے پر بھی تیلی ہمیشہ کی طرح پی ٹی آئی نے لگائی ۔ مگر اب اپوزیشن حکومت کو اس معاملے سے بھاگنے نہیں دے رہی ۔ بلکہ یوں کہا جائے کہ ن لیگ اور پیپلزپارٹی نے پی ٹی آئی کو اس ایشو پر گھیر لیا ہے تو غلط نہ ہوگا ۔ کیونکہ جو بیانات چیزیں پیپلزپارٹی اور ن لیگ جانب سے آئی ہیں اس کے بعد پی ٹی آئی کی نیت ہو تو پھر جنوبی پنجاب صوبہ بنانے سے اسکو کوئی نہ روک سکتا ۔ مگر یاد رکھیے گا یہ نہیں بنائیں گے یہ بس اس معاملے پر بھی سیاست ہی کھیلیں گے ۔

مبارک ہو، نیا سیاسی منجن مل گیا،حکومت اور اپوزیشن کی دوڑیں

مبشرلقمان کا مزید کہنا تھا کہ یہاں یاد کروادوں کہ جنوبی پنجاب صوبہ پی ٹی آئی کے منشور میں شامل تھا ۔ یہ کارڈ استعمال کرتے ہوئے جنوبی پنجاب کے electablesکو گزشتہ جنرل الیکشن سے پہلے پی ٹی آئی میں شامل کروایا گیا تھا ۔ کیونکہ عمران خان دعوی تھا کہ نوے دن میں صوبہ بنوا کر دیکھاوں گا ۔ ۔ مگر عملی طور پر پی ٹی آئی نے باقی چیزوں کی طرح اس پر بھی کچھ نہ کیا بس جنوبی پنجاب سکریٹریٹ بنا کر ایک نیا ڈرامہ رچا دیا گیا۔ جس کا مقصد صوبے کے قیام کو پس پشت ڈالنا دیکھائی دیتا ہے۔ وجوہات آگے چل کر تفصیل سے بتاتا ہوں ۔ پر اب جو ایک بار پھر جنرل الیکشن سے پہلے جنوبی پنجاب صوبہ کا شور مچایا جا رہا ہے اسکی وجہ یہ ہے کہ جنوبی پنجاب میں سیاست کرنے کے لئے اب علیحدہ صوبے کی بات کرنا انتہائی ناگزیر ہو چکا ہے جو سیاسی جماعت اس مطالبے کی حمایت نہیں کرے گی وہ کم از کم جنوبی پنجاب سے کامیاب نہیں ہو سکتی۔ ۔ سینیٹ میں سابق وزیر اعظم یوسف رضا گیلانی نے بجا طور پر اس بات کا کریڈٹ لیا ہے کہ ان کی حکومت میں پنجاب اسمبلی سے بھی علیحدہ صوبے کی قرارداد منظور ہوئی، جو ایک آئینی تقاضا تھی اور قومی اسمبلی نیز سینٹ میں بھی یہ قرارداد پیش کی گئی۔ اگر ان کے پاس دو تہائی اکثریت ہوتی تو پیپلزپارٹی علیحدہ صوبہ بنانے میں کامیاب ہو جاتی۔ اس لیے انہوں نے وزیر اعظم عمران خان کو یاد دلایا ہے کہ انہوں نے جنوبی پنجاب کو صوبہ بنانے کا وعدہ کیا تھا۔ اور سو دن کے اندر اس ضمن میں عملی اقدامات کی یقین دہانی کرائی تھی۔ مگر حکومت میں آکر وہ سب کچھ بھول گئے۔۔ اس بس کے باوجود پیپلز پارٹی نے ایک بار پھر کھلا دل کرتے ہوئے کہہ دیا ہے کہ اب بھی اگر عمران خان اس حوالے سے کچھ کرنا چاہیں تو اپوزیشن ان کا ساتھ دے گی۔

مبشرلقمان کا مزید کہنا تھا کہ پھر اس سلسلہ میں مسلم لیگ ن کے سینیٹر رانا محمود الحسن نے سینیٹ میں بل پیش کرتے ہوئے کہا کہ جنوبی پنجاب صوبے کا وعدہ سب نے کیا ہے، اسے پورا کیا جائے۔ رانا محمود الحسن کے بقول جتنا پانی اسلام آباد کے پھولوں کو ملتا ہے، اگر اتنا پانی جنوبی پنجاب کو مل جائے تو ہمارے مسائل حل ہو جائیں گے۔ پنجاب اور بلوچستان صوبہ بن سکتا ہے تو سرائیکستان کیوں نہیں بن سکتا۔ یہ ہمارا حق ہے۔ سینیٹ کے قائد حزبِ اختلاف سید یوسف رضا گیلانی نے اس بل کو ایک اہم ایشو قرار دیا ۔ ۔ اس بل پر وزیر خارجہ مخدوم شاہ محمود قریشی نے بھی سینیٹ میں اظہار خیال کیا اور کہا کہ جنوبی پنجاب کا بل ہماری خواہشات کے عین مطابق ہے۔ ہم نے جنوبی پنجاب کے لوگوں سے وعدہ کیا ہے کہ صوبے کی تشکیل کے لیے ہمیں دوتہائی اکثریت چاہیے ، اس بل پر مل کر آگے بڑھیں اور اپوزیشن اس پر ہمارا ساتھ دے کیونکہ ہمارے پاس دوتہائی اکثریت نہیں ہے۔ ہمیں پنجاب اسمبلی سے بھی رائے لینا ہو گی، سید یوسف رضا گیلانی نے کہا کہ ہم سیکرٹریٹ نہیں مانگ رہے صوبہ بن جائے گا تو دارالحکومت ہم خود بنائیں گے۔ ۔ شاہ محمود قریشی ہر بار ملتان آکر یہ دعویٰ ضرور کرتے ہیں کہ تحریک انصاف نے جنوبی پنجاب کو علیحدہ سکریٹریٹ دیا ہے اور علیحدہ صوبہ بھی وہی بنائے گی۔ پر مجھے نہیں لگتا کہ شاہ محمود قریشی کبھی عمران خان کو یہ کہنے کی جرأت نہیں کریں گے کہ آپ نے جنوبی پنجاب کو صوبہ بنانے کی بات کی تھی۔ اگر یہ وعدہ پورا نہ ہوا تو آئندہ انتخابات میں جنوبی پنجاب کی حد تک تحریک انصاف کا جیتنا نا ممکن ہو جائے گا۔ ابھی تو پی ٹی آئی صرف اسی بات پر خوش ہے کہ جنوبی پنجاب کو علیحدہ سیکرٹریٹ مل گیا ہے اور افسروں کی فوج تعینات کر دی گئی ہے۔

مبشرلقمان کا مزید کہنا تھا کہ اس میں کوئی شک نہیں کہ سینٹ میں خطاب کے ذریعے یوسف رضا گیلانی نے اپنے علاقے کی اس بار بھرپور نمائندگی کی ہے اس سے سرائیکی علاقے کی قوم پرست جماعتیں بھی ان کی پشت پر آکھڑی ہوئی ہیں کیونکہ وہ بھی علیحدہ سکریٹریٹ کے فیصلے کو مسترد کر چکی ہیں اور خود مختار صوبہ چاہتی ہیں۔۔ کیونکہ اس بار بھی خدشہ یہ ہی ہے کہ پی ٹی آئی علیحدہ صوبے کے مطالبے کو صرف ایک سیاسی نعرہ کے طور پر زندہ رکھنا چاہتی ہے ۔ تحریک انصاف کی حکمتِ عملی غالباً یہ ہے انتخابی مہم میں اس وعدے کے ساتھ جایا جائے کہ علیحدہ سکریٹریٹ بھی ہم نے بنایا اور اب علیحدہ صوبہ بھی ہم ہی بنائیں گے۔ جبکہ سچ یہ ہے کہ صوبے کی بجائے سکریٹریٹ بنا کر تحریک انصاف نے خود مختار صوبے کی راہ میں ایک بڑی رکاوٹ کھڑی کر دی ہے۔ یہ تاثر دیا گیا ہے کہ یہ مسئلہ صرف انتظامی نوعیت کا تھا، جسے خود مختار سکریٹریٹ بنا کر حل کر دیا گیا ہے۔ جبکہ یہ مسئلہ انتظامی نہیں بلکہ ثقافتی، سیاسی اور تاریخی نوعیت کا ہے۔ یوں جب تک علیحدہ صوبہ نہیں بنتا، دکھاوے کے اقدامات سے بات نہیں بنے گی۔ جنوبی پنجاب کے لئے علیحدہ اسمبلی، علیحدہ بجٹ، علیحدہ ہائیکورٹ اور سینٹ میں علیحدہ نمائندگی ہی مسئلے کا حل ہے۔ یہ سب کچھ علیحدہ سیکرٹریٹ بنانے سے نہیں مل سکتا۔۔ کیونکہ جب صوبے کا وزیر اعلیٰ ایک، اسمبلی ایک، چیف سکریٹری اور آئی جی ایک، نیز ہائیکورٹ بھی ایک ہے تو جنوبی پنجاب کے چھ کروڑ سے زائد عوام کو نمائندگی کا حق کیسے مل سکتا ہے۔

مبشرلقمان کا مزید کہنا تھا کہ حقیقت یہ ہے کہ ملک کی کسی بھی سیاسی جماعت نے صوبہ جنوبی پنجاب پر آج تک سنجیدہ سیاست نہیں کی اور نہ ہی اس معاملہ میں کبھی آئینی تقاضے کے تحت عملی اقدامات اٹھائے گئے ہیں۔ محض جنوبی پنجاب کی پسماندگی اور محرومیوں کا رونا رو کر ہر جماعت ایک دوسرے پر سیاسی پوائنٹ سکورنگ کی کوشش کرتی رہی ہے جبکہ اس سیاست نے سندھ اور سرحد میں بھی نئے صوبے کی سیاست کو ہوا دی ہے ۔ سندھ میں ایم کیو ایم کی جانب سے کراچی کو صوبہ جناح پور بنانے کے لیے آواز اٹھائی گئی جس کی پیپلز پارٹی کی جانب سے سخت مخالفت ہوئی اور سندھی قوم پرستوں نے اعلان کر دیا کہ سندھ میں سے نیا صوبہ ہماری لاشوں کو اٹھا کر ہی نکالا جا سکتا۔ علاقائی بنیادوں پر ہونے والی اسی سیاست نے صوبہ سرحد میں بھی سیاسی طوفان اٹھایا جہاں صوبہ ہزارہ کی تحریک شروع ہوئی اور اسے اے این پی کی جانب سے سخت مخالفت کا سامنا کرنا پڑا۔

مبشرلقمان کا مزید کہنا تھا کہ بدقسمتی سے اس وقت ہماری سیاست تعمیری سے زیادہ مفاداتی سیاست بن گئی ہے۔ ۔ ہمارا اس سے بڑا المیہ اور کیا ہو سکتا ہے کہ جنوبی پنجاب یا کسی دوسرے صوبے پر سیاست کرنے والوں کو جب آئینی ترمیم کے لیے متعلقہ صوبائی اسمبلی اور قومی اسمبلی میں دوتہائی اکثریت حاصل ہوتی ہے تو وہ نئے صوبے کا نام لینا بھی بھول جاتے ہیں مگر اس ایشو پر سیاسی پوائنٹ سکورنگ میں کوئی کسر نہیں چھوڑتے۔ ۔ پھر اگر پی ٹی آئی اور عمران خان جنوبی پنجاب کے لیے مخلص ہوتے تو یہ کارنامہ بھی بالکل ویسے ہی سرانجام دے دیا جاتا جیسے منی بجٹ اور دیگر معاملوں میں حکومت نے اپنی استادی دیکھائی ہے ۔ ۔ ویسے پی ٹی آئی نے جو جنوبی پنجاب کے لیے الگ سیکرٹریٹ تشکیل دے کر حل نکالا ہے یہ محض سیاسی سٹنٹ ہی ثابت ہوا ہے کیونکہ نیا سیکرٹریٹ جنوبی پنجاب کے لوگوں کے مسائل ان کی دہلیز پر حل کرنے میں قطعاً معاون نہیں بن سکا۔

حکومت نے شہباز شریف اور بلاول سے مدد مانگ لی

باغی ٹی وی کی رپورٹ کے مطابق حکومت نے اپوزیشن لیڈر قومی اسمبلی اور پیپلز پارٹی سے رابطہ کیا ہے

پی ٹی آئی نے پارلیمنٹ میں قانون سازی کیلیے شہباز شریف اور بلاول بھٹو سے مدد مانگ لی وزیر خارجہ نے جنوبی پنجاب صوبے کیلیے آئینی ترمیم کیلئے پارلیمانی رہنماؤں کو مدعو کر لیا وزیر خارجہ کی جانب سے شہباز شریف اور بلاول بھٹو زرداری کو خطوط ارسال کئے گئے ہیں شاہ محمود قریشی نے جنوبی پنجاب صوبے سے متعلق پارلیمنٹ کی خصوصی کمیٹی کیلیے نام مانگ لیے وزیر خارجہ کا خط پارلیمنٹ میں قائد حزب اختلاف کے دفتر میں موصول ہو گیا ہے خط میں دونوں بڑی سیاسی جماعتوں سے قانون سازی کیلئے مدد کی درخواست کی گئی ہے

وزیر خارجہ شاہ محمود قریشی کا کہنا تھا کہ پیپلز پارٹی اور تحریک انصاف نے اس بل کی حمایت کی،جنوبی پنجاب صوبہ علاقے کے لوگوں کی دیرینہ خواہش ہے 35ملین لوگوں کی خواہش پورا کرنے میں بنیادی رکاوٹ ایک آئینی ترمیم ہے آئینی ترمیم کے لیے پارلیمنٹ کی دو تہائی اکثریت درکار ہے، ملتان اور بہاولپور میں دو الگ الگ سیکرٹریٹ کا قیام عمل میں لایا گیا،ہماری تشکیل کردہ اسٹیئرنگ کمیٹی نے ملازمتوں کیلئے32فیصد کوٹے کی منظور ی دی، جنوبی پنجاب ڈویژنوں کے لیے 35 فیصد ترقیاتی بجٹ مختص کیا گیا آئینی ترمیم کیلئے تینوں بڑی سیاسی جماعتوں کو اتحاد کا مظاہرہ کرنا ہوگا، پارٹی وائس چیئرمین کی حیثیت سے آئینی ترمیمی بل کی تشکیل کیلئے دعوت کا اعادہ کرتا ہوں

17جنوری کو ن لیگی سینیٹر کی جانب سے سینیٹ میں بل پیش کیا گیا،پیپلز پارٹی اور پی ٹی آئی نے ن لیگی سینیٹر کی طرف سے پیش کیے گئے بل کی حمایت کی،35ملین لوگوں کی خواہش پورا کرنے میں بنیادی رکاوٹ آئینی ترمیم ہے آئینی ترمیم کے لیے اکثریت نہ ہونے کے باوجود کئی اہم عملی اقدامات کیے،

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

پولیس اہلکار نے لڑکی کو منہ بولی بیٹی بنا کر زیادتی کا نشانہ بنا ڈالا، نازیبا ویڈیو بھی بنا لیں

نوجوان لڑکی سے چار افراد کی زیادتی کی ویڈیو وائرل ہونے کے بعد پولیس ان ایکشن

خاتون سے زیادتی اور زبردستی شادی کی کوشش کرنے والا ملزم گرفتار

واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

کرونا میں مرد کو ہمبستری سے روکنا گناہ یا ثواب

لاہور میں زیادتی کیسز میں مسلسل اضافہ،نوکری کی بہانے خاتون کے ساتھ ہوٹل میں زیادتی

ماں بیٹی سے زیادتی کیس میں اہم پیشرفت سامنے آ گئی

لاہور میں رواں برس جنسی زیادتی کے 369 کیسز، کسی ایک ملزم کو بھی سزا نہ مل سکی

لاہور میں حوا کی دو اور بیٹیاں لٹ گئیں،اغوا کے بعد جنسی زیادتی

شوہر نے بھائی اور بھانجے کے ساتھ ملکر بیوی کے ساتھ ایسا کام کیا کہ سب گرفتار ہو گئے

لڑکیوں سے بڑھتے ہوئے زیادتی کے واقعات کی پنجاب اسمبلی میں بھی گونج

لاہور میں خواتین سے زیادتی کے بڑھتے واقعات،ملزمہ کیا کرتی؟ تہلکہ خیز انکشاف

نو سالہ بچی سے زیادتی کی کوشش کرنیوالا سگا پھوپھا گرفتار

خواتین کو دست درازی سے بچانے کیلئے سی سی پی او لاہور میدان میں آ گئے

خواتین کی تصاویر اور ویڈیوز بنانے والے اوباش ملزمان گرفتار

یہ ہے پنجاب،ایک روز میں ایک شہر میں جنسی زیادتی کے چھ کیسزسامنے آ گئے

نواز آئینگے، ان ہاؤس تبدیلی ہوگی، حکومت چند دنوں کی مہمان ہے ،مریم نواز
اسلام آباد ہائی کورٹ میں ایون فیلڈ ریفرنس میں مریم نواز اور محمد صفدر کی اپیلوں پر سماعت ہوئی

جسٹس عامر فاروق اور جسٹس محسن اختر کیانی نے کیس کی سماعت کی،ن لیگ کی رہنما مریم نواز عدالت میں پیش ہوئیں، بیرسٹر عثمان چیمہ، سردار مظفر عباسی نیب کی جانب سے جبکہ مریم نواز اور کیپٹن ریٹائرڈ صفدر کی طرف سے عرفان قادر پیش ہوئے ،نیب نے مریم نواز کی بریت کی نئی درخواست پر جواب جمع کروا دیا ،عدالت نے مریم نواز کے وکیل کو نیب کا جواب دیکھ کر آئندہ سماعت پر دلائل دینے کی ہدایت کر دی، نیب پراسیکیوٹر عثمان راشد نے کہا کہ میں کورونا سے ابھی بحال ہوا ہوں، جسٹس محسن اختر کیانی نے استفسار کرتے ہوئے کہا کہ کیا آئندہ سماعت پر ہم سب سے کوویڈ کا سرٹیفکیٹ مانگیں گے، نیب پراسیکیوٹر نے کہا کہ جتنا اس عدالت میں رش بن جاتا ہے ہونا تو یہی چاہیے،جسٹس محسن اختر کیانی نے کہا کہ اب کوویڈ کی خطرناک صورتحال ہے سب کو احتیاط کرنا چاہیے، جسٹس عامر فاروق نے کہا کہ آپکی درخواست سے لمبا نیب کا تحریری جواب ہے، اعظم نذیر تارڑنے کہا کہ یہ نیب کا ہمیشہ سے خاصہ رہا ہے، مونچھوں سے داڑھی بڑھ جاتی ہے،عدالت نے اپیلوں پر سماعت 10 فروری تک ملتوی کر دی

مریم نواز نے عدالت پیشی کے موقع پر کہا کہ ثبوت جب سے مانگے گئے ہیں یہ بہانہ کررہے ہیں،حکومت کی کارکردگی بری نہیں، کارکردگی ہے ہی نہیں مہنگائی ،بےروزگاری ،مری سانحہ اورکس کس پر بات کریں ،نواز شریف کی پارٹی عذاب سے گزرکرآئی ہے،ن لیگ آزمائشوں کے بعد بھی نہیں ٹوٹی ،پارٹی کے رہنما نوازشریف کے ساتھ چٹان کی طرح کھڑے ہیں،اپنی نااہلی کو چھپانے کے لیے مختلف خبریں پھیلائی جارہی ہیں آپ کے اپنے ایم این ایز اور ایم پی ایز اپنی قیادت کے خلاف بات کرتے ہیں،جس طرح کے مقدمات بنائے گئے مسلم لیگ اس کے باوجود نہیں ٹوٹی،ہر ممبر نواز شریف کے ساتھ چٹان کی طرح کھڑا ہے

مریم نواز کا مزید کہنا تھا کہ عمران خان اقتدار میں ہیں اس کے باوجود ان کے ممبران ان کی عزت نہیں کرتے،یہ حکومت ہفتہ ،مہینے نہیں چند دنوں کی مہمان ہے صورتحال سے اندازہ ہوتا ہے کہ ان کا انجام قریب ہے ان کی نااہلی سے جتنی جلدی جان چھڑائی جائے اتنا اچھا ہے، پاکستان یہ حکومت ایک دن کے لیے بھی برداشت نہیں کر سکتا،شیخ رشید بیانات دینے کی بجائے سانحہ مری کا جواب دیں،حکومتی ترجمان اپنی نااہلی چھپانے کے لیے باتیں کررہے ہیں

مریم نواز کا مزید کہنا تھا کہ نوازشریف جلد پاکستان آئیں گے نواز شریف کی واپسی کا وقت مسلم لیگ ن طے کرے گی جتنی جلدی پی ڈی ایم کو حکومت گرانے کی تھی اسے زیادہ جلد ی انہیں خود ہے،اپنی نااہلی چھپانے کے لیے حکومتی وزرا فیبریکیٹڈڈ خبریں بناتے ہیں جلد ہی ان ہاوس دیکھیں گے امید ہے ماضی کی غلطیاں نہیں دہرائی جائیں گی اورآئین کی بالادستی ہوگی مری میں حکومتی نااہلی کی وجہ سے لوگ جان سے ہاتھ دھو بیٹھے، شہبازشریف سیلاب کے پانی میں اترتے تھے تو انہیں شوباز کہا جاتا تھا لگتا تھا عمران خان شہبازشریف سے بوٹ مانگ کر لوگوں کی مدد کو جائیں گے عمران خان کا انجام قریب ہے، اب یہ ہفتوں مہینوں کی نہیں، دِنوں کی بات دکھتی ہے حکومت کی کارکردگی صفرہے،میڈیا گیس، پٹرول، بجلی، مہنگائی پر بات کرے، حکومتی اجلاس اورپارلیمنٹ میں وزیراعظم کی نااہلی کی بات کرتے ہیں،مسلم لیگ ن اللہ کےفضل سے ٹوٹی نہیں ہے،

معاونِ خصوصی وزیرِ اعلیٰ پنجاب برائے اطلاعات و ترجمان حکومت پنجاب حسان خاور نے مریم نواز کے بیان پر اپنے ردعمل میں کہا ہے کہ اگر ملک چھوڑ کر لندن فرار ہونے، سارے صوبے کے ترقیاتی فنڈز اپنے پسندیدہ شہروں پر لگانے، حکومت میں رہتے ہونے اپنے ذاتی ملازمین کے اکاؤنٹس کے ذریعے سولہ ارب کی منی لانڈرنگ کرنے اور ڈیمز بنانے کی بجائے ہر سال بارشی پانی میں کھڑے ہو کر تصویریں کھنچوانے کا نام حکومت ہے تو آج واقعی اس طرز کی حکومت پاکستان میں نہیں ہے۔ وزیرِ اعظم عمران خان کی قیادت میں ملک میں جمہوری حکومت کا نقشہ تبدیلی کی جانب گامزن ہے جسے دیکھنے کے لیے ن لیگ کو شاہی عینک اتارنا پڑے گی۔ آج پاکستان تحریکِ انصاف قومی سطح پر تین ڈیمز بنا رہی ہے؛ پنجاب میں چار ڈیمز پر کام ہو رہا ہے؛ 360 ارب کے ڈسٹرکٹ ڈیویلپمنٹ پیکج سے ہر ضلع ترقی کی جانب گامزن ہے، اور چار سو ارب کی لاگت سے ہیلتھ کارڈز کے ذریعے تمام خاندانوں کو صحت کی بہترین سہولیات فراہم کی جا رہی ہیں۔ ان خیالات کا اظہار معاون خصوصی وزیرِ اعلیٰ پنجاب حسان خاور نے یہاں مقامی ہوٹل میں ای کامرس کے حوالے منعقدہ تقریب سے خطاب کرتے ہوئے کیا۔

اس موقع پر انہوں نے کہا کہ کرونا وبا نے دنیا کا ای کامرس کی جانب سفر تیز تر کر دیا ہے۔ ماہرین کے مطابق 2020 میں ای کامرس کی شرحِ نمو گزشتہ دس سالوں کے برابر تھی۔ حسان خاور نے مزید کہا کہ سرمایہ کاری کے لیے بہترین انفراسٹرکچر، فائدہ مند پالیسی فریم ورک اور تربیت یافتہ افرادی قوت درکار ہوتی ہے اور وزیرِ اعلیٰ پنجاب سردار عثمان بزدار ان تینوں شعبہ جات پر بھرپور توجہ دیئے ہوئے ہیں۔ یہی وجہ ہے کہ ایک حالیہ سروے میں عوام نے سردار عثمان بزدار کی کارکردگی کو دیگر تمام صوبوں کے وزرائے اعلیٰ سے بہترین قرار دیا ہے۔ انہوں نے کہا کہ پنجاب کی ستر فیصد آبادی جزوی یا مکمل طور پر ویکسینیٹ ہو چکی ہے؛ بزدار حکومت نے تعلیم، صحت، سرمایہ کاری اور دیگر شعبہ جات میں نمایاں کامیابیاں سمیٹی ہیں۔ سرمایہ کاری کے لیے سازگار پالیسی فریم ورک کے حوالے سے انہوں نے کہا کہ وزیرِ اعلیٰ آفس میں قائم سرمایہ کاری سہولت مرکز آنے والے سرمایہ کاروں کو قدم قدم پر سہولت فراہم کرتا ہے۔ انہوں نے کہا کہ زیرو این او پالیسی کے ذریعے سرخ فیتے کا خاتمہ، سپیشل اکنامک اور ٹیکنالوجی زونز کے قیام سمیت لاہور ٹیکناپولس پر کام کے آغاز سے سرمایہ کاروں کو سہولت ملی ہے۔

تربیت یافتہ افرادی قوت کے حوالے سے بات کرتے ہوئے انہوں نے کہا کہ پنجاب سکلز ڈویلپمنٹ فنڈ اور ٹیوٹا اس حوالے سے خاطر خواہ کام کر رہے ہیں۔ حال ہی میں ٹیوٹا نے فیس بک کے فلیگ شپ پروگرام (She Means Business) کے تحت تین سو خواتین کو تربیت فراہم کی ہے اور مزید دس ہزار خواتین کو تربیت یافتہ بنانے پر کام جاری ہے۔ اس موقع پر مری سانحہ کے حوالے سے ایک سوال کے جواب میں انہوں نے کہا کہ وزیرِ اعلیٰ پنجاب کی ہدایات کے مطابق انکوائری کمیٹی تمام پہلوؤں کی جامع چھان بین کے بعد اپنی سفارشات مرتب کر رہی ہے۔ انہوں نے کہا کہ ذمہ داران کا تعین ہونے کے بعد انہیں قرار واقعی سزا دی جائے گی۔

ان تصاویر کو دیکھ کر خودبخود جنت کی یاد آجاتی ہے،مریم نواز کی ٹویٹ پر صارف کا تبصرہ

ہم فلسطین کے ساتھ کھڑے ہیں،وزیراعظم عمران خان کا دنیا کو پیغام

ایک طرف انسانیت، دوسری طرف بربریت،مسلم امہ کا امتحان ہے، وزیر خارجہ

آن لائن کلاسز .اب امتحان بھی آن لائن ہی لیں، طلبا سڑکوں پر آ گئے

طلبا خبردار، پنجاب بھر میں میٹرک اور انٹرمیڈیٹ کے امتحانات کا شیڈول تیار

امتحانات کے معاملے پر سستی سیاست بند کی جائے، شفقت محمود

ریلوے کس کے دور میں اچھی رہی، سعد رفیق یا شیخ رشید؟ کمیٹی میں انکشاف

عمران خان کی سیاست کا جنازہ نکلتے دیکھیں گے،خواجہ سعد رفیق

زبردستی تلاشی لی گئی تو سب سامنے آ گیا،مریم نواز برس پڑیں

نواز شریف واقعی بیمار؟ نو رکنی میڈیکل بورڈ تشکیل

سابق وزیراعظم نواز شریف کی میڈیکل رپورٹس کے جائزے اور واپسی کے لیے اسپیشل میڈیکل بورڈ تشکیل دے دیا گیا

پنجاب حکومت نے سینئر پروفیسرز پر مشتمل 9 رکنی اسپیشل میڈیکل بورڈ تشکیل دے دیا میڈیکل بورڈ 5دن کے اندر اپنی رپورٹ پیش کرے گا پروفیسر ڈاکٹر عارف ندیم اسپیشل میڈیکل بورڈ کے کنوینئر ہوں گے پروفیسر ڈاکٹر غیاث الانبی طیب ،پروفیسر ڈاکٹر ثاقب سعید بورڈ میں شامل ہین پروفیسر ڈاکٹر شاہد حمید ،پروفیسر ڈاکٹر بلال ایس محی الدین بھی بورڈ میں شامل ہیں پروفیسر ڈاکٹر عنبرین حامد اور پروفیسر ڈاکٹر شفیق الرحمان بورڈ کا حصہ ہوں گے پروفیسر ڈاکٹر مونا عزیز اور ڈاکٹر خدیجہ عرفان خواجہ بھی بورڈ میں شامل ہیں بورڈ نواز شریف کی 29 صفحات پر مشتمل میڈیکل رپورٹ کا جائزہ لے گا بورڈ5روز کے اندر نواشریف کی میڈیکل کنڈیشن کے بارے میں اپ ڈیٹ کرےگا

@MumtaazAwan

بلاول میرا بھائی کہنے کے باوجود مریم بلاول سے ناراض ہو گئیں،وجہ کیا؟

ندیم بابر کو ہٹانا نہیں بلکہ عمران خان کے ساتھ جیل میں ڈالنا چاہئے، مریم اورنگزیب

ن لیگ بڑی سیاسی جماعت لیکن بچوں کے حوالہ، دھینگا مشتی چھوڑیں اور آگے بڑھیں، وفاقی وزیر کا مشورہ

 سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار

سب مان گئے، اب ہو گی ان ہاؤس تبدیلی، پہلے جائے گا کون؟ فیصلہ ہو گیا

اور حکومت شہباز شریف کے آگے جھک گئی،مدد مانگ لی

ان ہاؤس تبدیلی نہیں بلکہ نئے انتخابات، مولانا فضل الرحمان کا بلاول کو مشورہ

ان ہاؤس تبدیلی، اہم شخصیت حکومتی اراکین کی فہرست لے کر نواز شریف سے ملنے پہنچ گئی

شیخ رشید کی نواز شریف کو آفر، پی ڈی ایم سے تاریخ بدلنے کی اپیل

نواز شریف کی واپسی، شہباز شریف نے بڑا اعلان کر دیا

اس سے قبل وفاقی وزیر واطلاعات فواد چودھری کا کہنا تھا کہ ملکی تاریخ میں سابق وزیراعظم نوازشریف کا باب اب بند ہوچکا ہے۔ ہم تو حق میں ہیں انہیں واپس لایا جائے۔

سابق وزیراعظم میاں نواز شریف کی نااہلی ختم کرنے کے لیے راستے نکالے جا رہے ہیں کہ سوال پر جواب دیتے ہوئے وفاقی وزیر اطلاعات کا کہنا تھا کہ لیگی قائد کی کرپشن نیب لاء میں ثابت ہوچکی ہے، سیاسی بونے اپنا قد بڑھانے کے لیے اس طرح کی باتیں کرتے ہیں۔

مسلم لیگ ن کے قائد ڈبل نااہل ہیں، ایک سپریم کورٹ سے جبکہ دوسری جانب سے وہ نیب لاء میں بھی نا اہل ہیں، ملکی تاریخ میں نوازشریف کا باب اب بند ہوچکا ہے۔ وہ برطانیہ میں چھپ کر بیٹھے ہوئے ہیں، ہم توحق میں ہیں ان کوواپس لایا جائے، عدالت کوچاہیے تھا شہبازشریف نے گارنٹی دی تھی تو اب مسلم لیگ ن کے صدر سے پوچھا جائے اداروں کو بدنام نہیں کرنا چاہیے۔

واضح رہے کہ سابق وزیراعظم نواز شریف علاج کے لئے لندن گئے تھے اور تاحال واپس نہیں آئے ,نواز شریف کے ذاتی معالج ڈاکٹر عدنان ماضی میں میاں نواز شریف کی صحت بارے مسلسل آگاہ کرتے اب ان کے ٹوئٹر پر شاعری،احادیث یا کورونا وائرس بارے معلومات ہی ملتی ہیں،میاں نواز شریف کی صحت بارے پارٹی رہنما ،کارکنان اور قوم پریشان مگر تمام ذرائع خاموش ہیں. نواز شریف جلسوں سے خطاب کرتے نظر آتے ہیں اور ساتھ ریسٹورینٹ میں بھی نظر آتے ہیں لیکن ہسپتال میں گئے ایک دن بھی نظر نہیں آئے

سانحہ اے پی ایس، سپریم کورٹ میں نواز شریف کو بلانے کا مشورہ دیا جائے،وزیراعظم کو بریفنگ