Baaghi TV

Tag: خیبرپختونخوا

  • خیبرپختونخوا بار کونسل کا چیف جسٹس پاکستان سے مستعفی ہونے کا مطالبہ

    پشاور: خیبرپختونخوا بار کونسل نے چیف جسٹس پاکستان سے مستعفی ہونے کا مطالبہ کر دیا۔

    باغی ٹی وی : خیبرپختونخوا بار کونسل کی جانب سے جاری بیان میں کہا گیا ہے کہ غلط فیصلے نے جوڈیشل سسٹم کو داغ دار بنایا ہے، جوڈیشل ضابطہ اخلاق اور اپنےحلف کی خلاف ورزی کی گئی وفاقی حکومت چیف جسٹس کے خلاف ریفرنس دائر کرے، سینئر ججز کو نظرانداز کرنا جوڈیشل ضابطہ اخلاق کی کھلم کھلا خلاف ورزی ہے۔

    جسٹس قاضی فائز عیسی نےحافظ قرآن اضافی نمبر کیس میں تفصیلی نوٹ جاری کر دیا

    خیبرپختونخوا بار کونسل نے آئندہ کے لائحہ عمل کے لیے 12 اپریل کو بار کونسل کا اجلاس طلب کر لیا ہے، اجلاس میں صوبے بھر کے بار صدور کو مدعو کیا جائے گا۔


    قبل ازیں سابق وزیراعظم و مسلم لیگ (ن) کے قائد نواز شریف نےچیف جسٹس آف پاکستان جسٹس عمرعطا بندیال سےفی الفور مستعفی ہونے کا مطالبہ کیا تھا اپنی ٹوئٹ میں نوازشریف کا کہنا تھاکہ عدالتیں قوموں کو بحرانوں سےنکالتی ہیں نہ کہ بحرانوں میں دھکیلتی ہیں چیف جسٹس نے نہ جانے کونسا اختیار استعمال کر کے اکثریتی فیصلے پر اقلیتی رائے مسلط کردی اپنے منصب اور آئین کی توہین کرتے ہوئے پی ٹی آئی کے ایجنڈے کو آگے بڑھانے والا چیف جسٹس مزید تباہی کرنے کے بجائے فی الفور مستعفی ہو جائے-

    جسٹس قاضی فائز عیسیٰ کے خلاف کیوریٹو ریویو سماعت کے لیے مقرر

    دریں اثنا سپریم کورٹ کے جسٹس اطہر من اللہ کے نوٹ کے بعد وفاقی حکومت نے بھی چیف جسٹس سے فی الفور مستعفی ہونے کا مطالبہ کیا ہے۔


    علاوہ ازیں عوامی نیشنل پارٹی نےبھی چیف جسٹس پاکستان جسٹس عمرعطا بندیال سےاستعفےکا مطالبہ کیاعوامی نیشنل پارٹی خیبرپختونخوا کے صدر ایمل ولی خان نے ٹوئٹ میں کہا تھا کہ چیف جسٹس اب بس، استعفیٰ دیں، اگر استعفیٰ نہیں دیا تو عید کے بعد تیار رہیں، ہم اسلام آباد آرہے ہیں، پھر عوام آپ سے استعفیٰ لے کر رہیں گے عدلیہ کی آزادی، جمہوریت، آئین و پارلیمان کی بالادستی کی جنگ پہلے بھی لڑی تھی، اب بھی لڑیں گے، عدلیہ کی حقیقی آزادی کی تحریک اب ہم چلائیں گے۔

    سعودی عرب : پہلی مرتبہ خاتون اور مرد خلابازآئندہ ماہ خلائی مہم پرروانہ ہوں گے

  • لکی مروت: دہشتگردوں کی فائرنگ، ڈی ایس پی سمیت 4 اہلکار شہید،وزیراعظم کا اظہار افسوس

    لکی مروت: دہشتگردوں کی فائرنگ، ڈی ایس پی سمیت 4 اہلکار شہید،وزیراعظم کا اظہار افسوس

    وزیراعظم شہباز شریف نے لکی مروت میں دہشتگردی کے واقعے پر اظہار افسوس کیا ہے اور کہا کہ ڈی ایس پی سمیت 4 پولیس اہلکاروں کی شہادت پر دل دکھی اور رنجیدہ ہے، دہشت گردی کے خلاف جنگ میں ہمارے پولیس افسران،جوانوں کی قربانیاں ناقابل فراموش ہیں،اللہ تعالی شہداء کو جوار رحمت میں جگہ دے اور زخمیوں کو جلد صحت یابی عطا کرے،

    وفاقی وزیر داخلہ رانا ثناءاللہ خان نے لکی مروت میں دہشت گردی کے واقعے کی شدید مذمت کی ہے اور دہشت گرد حملے میں ڈی ایس پی اقبال مہمند سمیت چار پولیس اہلکاروں کی شہادت پر گہرے دکھ اور غم کا اظہار کیا،وفاقی وزیر داخلہ رانا ثناء اللہ کا کہنا تھا کہ دہشتگردی کا پہلے بھی مقابلہ کیا؛ اب بھی پوری قوت اور طاقت سے اسکا قلع قمع کرینگے۔ دعا ہے اللہ تعالی شہید ڈی ایس پی اور پولیس اہلکاروں کے درجات بلند کرے؛ انکے ورثاء کو صبر جمیل عطا کرے۔وزیرِداخلہ نے زخمیوں کی جلد صحتیابی کیلئے بھی دعا کی

    خیبر پختونخوا کے ضلع لکی مروت میں دہشت گردوں کی فائرنگ سے ڈی ایس پی سمیت 4 پولیس اہلکار شہید ہو گئے۔ پولیس کے مطابق لکی مروت میں تھانہ صدر اورڈی ایس پی کی گاڑی پردہشت گردوں کی جانب سے جدید اور بھاری ہتھیاروں حملہ کیا گیا۔ حملے میں 6 اہلکار زخمی بھی ہوئے جب کہ پولیس کی جوابی فائرنگ سے دہشتگرد رات کی تاریکی کا فائدہ اٹھا کر فرار ہونے میں کامیاب ہو گئے۔

    چارسدہ میں پولیس کی بروقت کاروائی، شہر کو تباہی سے بچا لیا

    زخمی اہلکاروں کو فوری طور پر اسپتال منتقل کر دیا گیا حملے میں شہید ہونے والے ڈی ایس پی اقبال مہمند سمیت دیگر شہید اہلکاروں وقار، علی مرجان اور کرامت اللہ کی لاشیں اسپتال منتقل کر دی گئیں دہشت گردوں کےحملےکے بعد پولیس کی بھاری نفری نے علاقے کو گھیرے میں لے کر سرچ آپریشن شروع کر دیا-

    مریضوں کو بےہوش کرکے لوٹنے والی جعلی نرس گرفتار

    پولیس ذرائع کے مطابق تھانہ صدر پر دہشتگردوں کی فائرنگ سے 5 پولیس اہلکار فاروق شاہ، امانت اللہ، اصغر علی، گل تیاز اور عارف حملے میں زخمی ہوئے حملے کی اطلاع ملتے ہی ڈی ایس پی لکی اقبال مہمند معہ پولیس نفری کے تھانہ صدر کی طرف روانہ ہوئے تو راستے میں پیروالا موڑ کے قریب ڈی ایس پی کی بکتربند گاڑی کو دہشتگردوں نے بارودی مواد سے اڑایا، بارودی مواد چھوٹے پل کے نیچے نصب کیا گیا تھا، پل تباہ ہونے سے تھانہ صدر کا شہر سے زمینی راستہ بھی منقطع ہو گیا۔

    ٹوئٹرنے بھارت میں پاکستانی حکومت کا آفیشل اکاؤنٹ بلاک کردیا

  • پنجاب اور خیبرپختونخوا انتخابات: الیکشن کمیشن نے وزارت داخلہ اور خزانہ حکام کو طلب کر لیا

    پنجاب اور خیبرپختونخوا انتخابات: الیکشن کمیشن نے وزارت داخلہ اور خزانہ حکام کو طلب کر لیا

    اسلام آباد: الیکشن کمیشن آف پاکستان نے پنجاب اور خیبرپختونخوا میں انتخابات کے حوالے سے وزارت داخلہ اور خزانہ کو کل جمعرات کو دوپہر ساڑھے بارہ بجے طلب کر لیا۔

    باغی ٹی وی: ذرائع الیکشن کمیشن کے مطابق دونوں وزارتوں کے سیکریٹری کل الیکشن کمیشن کیجانب سے بریفنگ دی جائے گی، وزارت خزانہ سے الیکشن کے انعقاد کے لئے فنڈز کی فراہمی کا کہا جائے گا۔

    پنجاب اسمبلی کے انتخابات،الیکشن کمیشن نے شیڈول جاری کردیا

    ذرائع الیکشن کمیشن کے مطابق وزارت داخلہ کو الیکشن کی سیکورٹی کے لیے آرمی ، رینجرز اور دیگر قانون نافذ کرنے والے اداروں کی فراہمی یقینی بنانے کا کہا جائے گا۔

    ذرائع کے مطابق وزارت داخلہ سے یہ بھی کہا جائے گا کہ جی ایچ کیو اور وزارت دفاع سے رابطہ کرکے فوج کی الیکشن ڈیوٹی کو یقینی بنائیں۔

    ٹوئٹر کے دفتر میں محافظ ہروقت یہاں تک کہ باتھ روم میں بھی ایلون مسک …

    واضح رہے کہ پنجاب اسمبلی کے انتخابات کیلئے الیکشن کمیشن نے شیڈول جاری کردیا،الیکشن کمیشن کے مطابق پنجاب میں عام انتخابات 30 اپریل کو ہوں گے،کاغذات نامزدگی 12سے14مارچ تک جمع کرائے جائیں گےکاغذات نامزدگی کی جانچ پڑتال22مارچ تک ہوگی امیدوار 5 اپریل تک کاغذات نامزدگی واپس لے سکیں گے، انتخابی نشانات 6اپریل کو دیئے جائیں گے-

    واضح رہے کہ پنجاب میں اسمبلی ٹوٹنے کے بعد پنجاب میں انتخابات ہونے تھے تا ہم گورنر نے تاریخ نہیں دی تھی، سپریم کورٹ نے از خود نوٹس لیا تھا جس کے بعد الیکشن کمیشن نے صدر مملکت کو خط لکھ کر پنجاب میں الیکشن کی تاریخ 30 اپریل سے سات مئی تجویز کی تھی،جس پر صدر مملکت عارف علوی نے 30 اپریل کو الیکشن کی تاریخ کا اعلان کیا تھا، آج الیکشن کمیشن نے بھی 30 اپریل کو الیکشن کا شیڈول جاری کر دیا ہے-

    بھارتی فوج نے اپنے ہی گاؤں پر گولہ گرادیا ،3 دیہاتی ہلاک اور متعدد زخمی

    پنجاب کے تمام صوبائی اسمبلی کے حلقوں میں الیکشن ہوں گے، اس ضمن میں ن لیگ، پی ٹی آئی ، پیپلز پارٹی سمیت سب سیاسی جماعتوں نے ٹکٹوں کے لئے انٹرویوز کا سلسلہ شروع کر رکھا ہے-

  • کےپی میں گزشتہ ماہ پولیس و سیکورٹی فورسزکے 13 آپریشنزمیں40دہشتگردہلاک

    کےپی میں گزشتہ ماہ پولیس و سیکورٹی فورسزکے 13 آپریشنزمیں40دہشتگردہلاک

    خیبر پختونخوا میں گزشتہ ماہ فروری پولیس و سیکورٹی فورسز نے 13 آپریشنز کیے جس دوران 40 دہشت گرد مارے گئے۔

    باغی ٹی وی : اس حوالے سے پولیس کی جانب سے جاری دستاویز کے مطابق فروری میں کے پی پولیس وسکیورٹی فورسز نے 13 آپریشنز کے دوران 40 دہشتگردوں کو ہلاک کردیا جبکہ آپریشنز کے دوران 2 اہلکار شہید اور 2 زخمی ہوئے۔

    دستاویز کے مطابق مشترکہ آپریشنز صوبے کے 7 اضلاع لکی مروت، شمالی و جنوبی وزیرستان، پشاور، صوابی ، نوشہرہ اور بنوں میں کیے گئے جن میں سے شمالی وزیرستان میں 9 اور لکی مروت میں 24 دہشت گرد مارے گئے جب کہ آپریشنز کے دوران 21 دہشتگردوں کو گرفتار کیا گیا۔

    سی ٹی ڈی نے کراچی میں کارروائی کرتے ہوئے ،2ملزمان کو گرفتارکرکے،اسلحہ برآمد کیا ہے-

    سی ٹی ڈی ترجمان کے مطابق اسلحہ دہشت گردی کی واردات میں استعمال ہونے کا اندیشہ تھا،کلاشنکوف،17 نائن ایم ایم پستول اور 6ہزار سے زائد گولیاں شامل ہے،ملزمان کے خلاف مقدمہ درجکر کے تفتیش شروع کر دی گئی ہے-

  • خیبر پختونخوا کے نگران وزیراعلیٰ اپنے مشیر جرار حسین بخاری سے متعلق لاعلم نکلے

    خیبر پختونخوا کے نگران وزیراعلیٰ اپنے مشیر جرار حسین بخاری سے متعلق لاعلم نکلے

    خیبر پختونخوا کے نگران وزیراعلیٰ اعظم خان اپنے مشیر جرار حسین بخاری سے متعلق لاعلم نکلے-

    باغی ٹی وی : نگران صوبائی کابینہ میں پیپلز پارٹی کے رہنما نیئر حسین بخاری کے بیٹے جرار حسین بخاری کو شامل کیا گیا ہے ذرائع کے مطابق نگران وزیراعلیٰ اعظم خان اپنے مشیر جرار حسین بخاری سے متعلق لاعلم نکلے۔

    نگران حکومت نے جرار حسین بخاری کے بارے میں تحقیقات کرانے کا فیصلہ کیا ہے تاکہ معلوم کیا جا سکے کہ ان کا تعلق کس علاقے سے ہے۔

    نگران وزیر اعلیٰ کے پی اعظم خان نے کہا کہ ابھی علم ہوا ہے کہ جرار حسین کا تعلق خیبر پختونخوا سے نہیں ہے، معلوم نہیں تھا کہ جرار حسین پیپلز پارٹی کے مرکزی رہنما کے بیٹے ہیں جرار حسین کا نام گورنرکے پی اور دیگر سیاسی جماعتوں نے دیا تھا، مجھے بتایا گیا تھا کہ جرار حسین کا تعلق صوبے سے ہے، چھان بین کی جائے گی، اگر جرار حسین کا تعلق صوبے سے نہ ہوا تو پھر انھیں مشیر نہیں ہونا چاہیے۔

    دوسری جانب سیکرٹری اطلاعات پی ٹی آئی خیبرپختونخوا شوکت یوسفزئی نے کہا کہ جرار حسین بخاری امپورٹڈ مشیر ہیں، ساری نگراں صوبائی کابینہ امپورٹڈ ہے۔

    شوکت یوسفزئی نے کہا کہ جرار حسین میں ایسی کیا قابلیت تھی کہ انہیں مشیر مقرر کیا گیا، خیبرپختونخوا میں ان کو کوئی نہ ملا تو دوسرے صوبوں سے لوگوں کو مشیر لگایا جانے لگا ہے۔

  • ٹانک میں تھانہ گومل پر دہشتگردوں کا حملہ،بنوں میں سی ٹی ڈی نے کارروائی تین دہشتگرد گرفتار

    ٹانک میں تھانہ گومل پر دہشتگردوں کا حملہ،بنوں میں سی ٹی ڈی نے کارروائی تین دہشتگرد گرفتار

    خیبر پختونخوا کے ضلع ٹانک میں تھانہ گومل پر دہشت گردوں کا حملہ ناکام بنا دیا گیا۔

    باغی ٹی وی: ڈسٹرکٹ ٹانک کے تھانہ گومل پر ہفتے کی شب دس بجے 10 سے 15 دہشت گردوں نے حملے کی نیت سے پیش قدمی کی، جوابی فائرنگ سے حملہ آور فرار ہوگئے-

    گوجرہ:مسلح ڈاکوؤں نے دو مختلف وارداتوں میں شہریوں کو لوٹ لیا

    حکام کے مطابق پولیس نے دہشت گردوں کی مشکوک نقل و حرکت کا جدید ٹیکنالوجی سے مشاہدہ کیا اور بھرپور ردعمل دیا۔ جس کے بعد دہشت گردوں سے تقریباً 15 منٹ تک شدید فائرنگ کا تبادلہ ہوا اور انہوں نے پیش قدمی روک دی اس دوران کوئی جانی نقصان ہوا اور نہ ہی کوئی اہلکار زخمی ہوا۔

    آئی جی خیبرپختونخوا حیات خان نے ایس ایچ او گومل سے ٹیلی فون پر رابطہ کیا اور بہادری کے ساتھ دہشت گردوں کے حملے کو ناکام بنانے پر اہلکاروں کی تعریف کی اور انہیں پچاس ہزار روپے نقد جبکہ تعریفی اسناد دینے کا اعلان بھی کیا۔

    اے این ایف کی منشیات کیخلاف مختلف شہروں میں کارروائیاں

    ادھر بنوں میں سی ٹی ڈی نے کارروائی کرتے ہوئے تین دہشت گردوں کو گرفتار کرلیا سی ٹی ڈی کا کہنا ہے کہ دہشت گردوں کا تعلق کالعدم ٹی ٹی پی سے ہے، تینوں دہشت گرد لکی مروت سے پشاور جا رہے تھے ملزمان لکی مروت، ڈی آئی خان اور بنوں میں حملوں میں ملوث تھے۔

    سی ٹی ڈی کا کہنا ہے کہ گرفتار دہشت گردوں میں عمر زمان، سلیم عرف ملنگ اور احمد نبی شامل ہیں۔ تینوں گرفتار دہشتگرد ٹارگٹ کلرز ہیں۔

    کراچی : پولیس افسر اور اہلکار اغوا برائے تاوان میں ملوث نکلے، اغوا شدہ شہری بازیاب

  • خیبرپختونخوا ضمنی الیکشن: امیدواروں کی ابتدائی فہرست جاری

    خیبرپختونخوا ضمنی الیکشن: امیدواروں کی ابتدائی فہرست جاری

    پشاور: قومی اسمبلی کی خالی ہونے والی 8 نشستوں پرصوبہ خیبر پختونخوا کے ضمنی انتخابات میں حصہ لینے والے امیدواروں کی ابتدائی فہرست جاری کردی گئی

    باغی ٹی وی :الیکشن کمیشن کی جانب سے قومی اسمبلی کی خالی ہونے والی 8 نشستوں پر ضمنی الیکشن 16 مارچ کو ہونے جارہے ہیں جس کے لیے کاغذات نامزدگی کا مرحلہ مکمل ہونے کے بعد امیدواروں کی ابتدائی فہرست جاری کردی گئی ہے۔

    فہرست کے مطابق پی ٹی آئی نے مستعفی ارکان ہی کو میدان میں دوبارہ اتارا جبکہ دوسری جماعتیں بھی آزمودہ امیدواروں ہی کو سامنے لائی ہیں ضلع خیبرسے باپ بیٹا اور کوہاٹ سے چچا بھتیجا بھی ضمنی الیکشن میں امیدوار ہیں۔

    فہرست کے مطابق این اے 4 سوات سے 9 امیدوار ، اے این 38 ڈی آئی خان سے 13، این اے 17 ہری پور سے 8، این اے 18 صوابی سے 11، این اے 31 کوہاٹ سے 9، این اے 25 نوشہرہ سے 9، این اے 43 خیبر سے 10 امیدوار سامنے آئے ہیں۔

    صوبے میں قومی اسمبلی کی خالی نشتوں پر ضمنی الیکشن میں تحریک انصاف سے مستعفی ارکان اسمبلی دوبارہ میدان میں آئے ہیں، جن میں مرادسعید، اسد قیصر، پرویزخٹک، شہریار آفریدی، پیر نورالحق قادری، عمر ایوب اور عمران خٹک شامل ہیں جو ایک بار پھر انتخابات میں حصہ لے رہے ہیں۔

    ابتدائی فہرست کے مطابق پرویزخٹک کے بیٹے اسماعیل خٹک نے بھی کاغذات جمع کرائے ہیں۔ قبائلی ضلع خیبر سے باپ بیٹا شاہ جی گل آفریدی اور بلاول آفریدی بھی امیدوار ہیں جب کہ کوہاٹ سے چچا بھتیجا بابر عباس آفریدی اور بابر عظیم آفریدی بھی امیدوار کے طور پر سامنے آئے ہیں۔

  • پشاور میں دفعہ 144 نافذ

    پشاور میں دفعہ 144 نافذ

    ڈپٹی کمشنر پشاور کے مطابق پشاور میں امن و امان کی صورتحال کے پیش نظر 10 روز کے لیے دفعہ 144 نافذ کر دی گئی ہے-

    باغی ٹی وی: ڈپٹی کمشنر پشاور کا کہنا ہے کہ پانچ یا پانچ سے زیادہ افراد کے اکٹھا ہونے پرپابندی عائد کر دی گئی ہے، زیادہ افراد کے اکٹھے ہونے سے امن و امان کی صورتحال کا مسئلہ پیدا ہوسکتا ہے تاہم امن و امان کی صورتحال کے پیش نظر دفعہ 144 نافذ کی گئی ہے،جس کے تحت شہر میں 5 یا اس سے زائد افراد اکٹھے ہونے پر پابندی ہو گئی-

    عمران خان نے جب بھی خط لکھا نفرت کے انداز میں لکھا،گورنر خیبرپختونخو

    واضح رہے کہ 30 جنوری کو پشاور پولیس لائنز کی مسجد میں ہونے والے خودکش حملے میں 100 کے قریب افراد شہید اور 200 کے قریب زخمی ہوئے تھے۔

    گزشتہ روز وزیراعظم شہباز شریف کی زیر صدارت گورنر ہاؤس خیبر پختونخوا میں ہونے والے اپیکس کمیٹی کے اجلاس میں دہشتگردوں کو جڑ سے اکھاڑنے کے عزم کا اعادہ کیا گیا اور کے پی میں فارنزک لیب کے قیام کے ساتھ سی ٹی ڈی کو جدید ترین سہولیات سے آراستہ کرنے کا فیصلہ کیا گیا،خیبرپختونخوا میں اسلام آباد اور لاہور کی طرح سیف سٹی منصوبہ شروع ہوگا جبکہ پولیس، سی ٹی ڈی کی تربیت، استعداد کار میں اضافہ کیا جائے گا، جدید آلات فراہم کیے جائیں گے۔

    پنجاب میں سی ٹی ڈی کی کارروائیاں، کالعدم تنظیموں کے 9 دہشت گرد گرفتار

  • عمران خان نے جب بھی خط لکھا نفرت کے انداز میں لکھا،گورنر خیبرپختونخو

    عمران خان نے جب بھی خط لکھا نفرت کے انداز میں لکھا،گورنر خیبرپختونخو

    گورنر خیبرپختونخواغلام علی نے پشاور دھماکے کے زخمیوں کی عیادت کی-

    باغی ٹی وی: گورنر خیبرپختونخواغلام علی نے کہا کہ پشاور سانحے پر سب غمزدہ ہیں،قانون نافذ کرنے والے اداروں کی قربانیاں ہیں،دھماکے کرنے والے چاہتے تھے کہ پولیس کا مورال گرے-

    اسپیکر پنجاب اسمبلی نےپنجاب میں انتخابات کی تاریخ سے متعلق گورنرپنجاب کے خط کا جواب دے دیا

    گورنر خیبرپختونخواغلام علی نے کہا کہ لیڈی ریڈنگ اسپتال کو مزید ڈائلسز مشینیں فرا ہم کریں گے،صحت کی سہولتوں میں بہتری کی کوشش کریں گے ،وزیرصحت ایک 2 روزمیں عہدے کا حلف لیں گے-

    گورنر خیبرپختونخوا نے کہا کہ خیبرپختونخوا میں سانحے ہورہے ہیں ،وزیراعلیٰ اعظم خان اور ہم ایک پیج پر ہیں،اے پی سی میں تمام جماعتوں کوشرکت کی دعوت دی گئی ہے ،ایپکس کمیٹی میں ایک سیاسی جماعت نے شرکت نہیں کی،ملک میں حکمرانی کا بھی ایک انداز ہوتاہے،عمران خان نے جب بھی خط لکھا نفرت کے انداز میں لکھا-

    پنجاب میں سی ٹی ڈی کی کارروائیاں، کالعدم تنظیموں کے 9 دہشت گرد گرفتار

    گورنر خیبرپختونخواغلام علی نے کہا کہ میں نے الیکشن کے لیے مشاورت کی بات کی ،میں نے کہا تھاکہ الیکشن کرائیں لیکن مشاور ت ضروری ہے ،ضمنی الیکشن خیبرپختونخوا کے کچھ حلقوں میں ہورہے ہیں،الیکشن کمیشن کو بھی مشاورت کے لیے خط لکھا-

  • خیبرپختونخوا اور پنجاب اسمبلیوں کے الیکشن کی تاریخ دینے سے متعلق کوئی فیصلہ نہیں کیا گیا،الیکشن کمیشن

    خیبرپختونخوا اور پنجاب اسمبلیوں کے الیکشن کی تاریخ دینے سے متعلق کوئی فیصلہ نہیں کیا گیا،الیکشن کمیشن

    الیکشن کمیشن کا کہنا ہے کہ خیبرپختونخوا اور پنجاب اسمبلیوں کے الیکشن کی تاریخ دینے سے متعلق کوئی فیصلہ نہیں کیا گیا۔

    باغی ٹی وی: الیکشن کمیشن نے کہا ہے کہ دونوں گورنرز کو اس سے متعلق خط لکھنے کا فیصلہ نہیں کیا گیا، لاء ونگ سے متعلق ذرائع سے گردش کرنے والی خبریں بےبنیاد ہیں گورنرز کی جانب سے پولنگ کی تاریخ نہ ملنے پر خود الیکشن کمیشن کی جانب سے پولنگ تاریخ کا اعلان کرنے کی خبر میں صداقت نہیں ہے۔

    پنجاب اورخیبرپختونخوامیں بلدیاتی نمائندے معطل کردیئےگئے


    دوسری جاب الیکشن کمیشن نے قومی اسمبلی کی مزید 31 نشستوں پر ضمنی الیکشن کا شیڈول جاری کر دیا ہے، ضمنی الیکشن 19 مارچ کو ہو گا، کاغذات نامزدگی 10 سے 14 فروری تک جمع کرائے جا سکیں گے۔

    الیکشن کمیشن کے شیڈول کے مطابق امیدوار 10 سے 14 فروری تک کاغذات نامزدگی جمع کراسکیں گے جس کے بعد 15 فروری کو امیدواروں کی فہرست آویزاں کی جائیں گی۔

    بعد ازاں 18 فروری کو امیدواروں کی اسکروٹنی کی جائے گی اور پھر امیدوار یکم مارچ تک کاغذات نامزدگی واپس لے سکیں گے۔ پھر امیدواروں کو 2 مارچ کو نشانات الاٹ کئے جائیں گے۔

    الیکشن کمیشن کی جانب سے جاری نوٹی فکیشن کے مطابق این اے 2 سوات ، این اے 3 سوات، این اے 5،6،7 لوئر دیر، این اے 8 مالاکنڈ ، این اے 9 بونیر ،این اے 16 ایبٹ آباد، این اے 19 صوابی ، این اے 20 مردان ، این اے 28 پشاور، این اے 30 پشاور ، این اے34 کرک، این اے 40 باجوڑ، این اے 42 مہمند ، این اے 44 خیبر میں 19 مارچ کو ضمنی الیکشن ہوگا-

    آئی ایم ایف کے مطالبے پرسرکاری افسران اور اہلخانہ پر اثاثے ظاہر کرنا لازمی…

    الیکشن کمیشن کے مطابق ، این اے 61 راولپنڈی میں ضمنی الیکشن ہوگا، این 70 گجرات ، این اے 87حافظ آباد، این اے 93خوشاب میں جمنی الیکشن ہوگا، این اے 96 میانوالی ، این اے 107 فیصل آباد، این اے 109فیصل آباد میں ضمنی الیکشن ہوگا، این اے 135 لاہور، این اے 150 خانیوال، این اے 152 خانیوال میں ضمنی الیکشن ہوگا، این اے 158 ملتان ، این اے 164 ، این اے 165 وہاڑی میں ضمنی الیکشن ہوگا، این اے 177 رحیم یارخان ، این اے 187 لیہ میں بھی ضمنی الیکشن ہوگا۔

    واضح رہے کہ پی ڈی ایم نے ضمنی الیکشنز میں حصہ نہ لینے کا فیصلہ کیا ہے جبکہ پی ٹی آئی نے پہلے اعلان کیا تھا کہ تمام خالی ہونے والے حلقوں سے عمران خان الیکشن لڑیں گے تاہم موجودہ صورت حال کے بعد چیئرمین پی ٹی آئی نے سابق امیدواروں کو کاغذات نامزدگی جمع کروانے اور بھرپور طریقے سے الیکشن میں حصہ لینے کی ہدایت کی ہے۔

    ہم کوئٹہ کے شہریوں کو زیادہ سے زیادہ سہولیات فراہم کرنا چاہتے ہیں۔ وزیراعلیٰ…

    علاوہ ازیں الیکشن کمیشن آف پاکستان نے پنجاب اور خیبرپختونخوا میں بلدیاتی نمائندوں کو معطل کردیا۔الیکشن کمیشن کے مطابق بلدیاتی نمائندوں کی معطلی دونوں صوبوں میں قومی و صوبائی اسمبلی کی نشستوں پر انتخابات کی شفافیت یقینی بنانے کیلئے کی گئی ہے۔

    ای سی پی کا کہنا ہے کہ بلدیاتی نمائندوں کو آئین کے آرٹیکل 218 کی شق 3 کے تحت معطل کیا گیا ہے، کنٹونمنٹ بورڈز کے نمائندے بھی معطل رہیں گے۔الیکشن کمیشن کے مطابق پنجاب اور خیبرپختونخوا میں قومی و صوبائی اسمبلی انتخابات کے نتائج کے اعلان تک بلدیاتی عہدیدار معطل رہیں گے۔