Tag: راولپنڈی

راولپنڈی :تھانہ ائیر پورٹ کے علاقہ میں 7سالہ بچی کے زیادتی کے بعد قتل کا معاملہ,تھانہ ائیر پورٹ کے علاقہ میں 7سالہ بچی کے زیادتی قتل کی واردات ٹریس کر لی گئی،سی پی او راولپنڈی فیصل رانا نے اپنے ویڈیو پیغام میں بتایا کہ گھناؤنی واردات کرنے والا سفاک ملزم پولیس نے گرفتار کر لیا،ملزم مقتولہ کا قریبی عزیز ہے،7سالہ بچی کو گھر میں زیادتی کے بعد قتل کر دیا گیا تھا،پوسٹ مارٹم میں بچی سے زیادتی کی تصدیق ہو گئی،پولیس کی بروقت کارروائی سے ملزم کو فرار ہونے کا موقع نہ ملا، کرائم سین اور فرانزک سائنس لیبارٹری کی ٹیموں نے بھی شواہد اکٹھے کئے،پولیس کو جائے وقوعہ سے ملنے والے شواہد کی روشنی میں گرفتار ملزم نے سنگین وارات کا اعتراف کر لیا،تھانہ ائیر پورٹ میں بچی کے والد کی مدعیت میں زیادتی اور قتل کی دفعہ کے تحت مقدمہ درج کیا جا رہا ہے.

راولپنڈی:پشاور روڈ رافع مال کے قریب رکشہ الٹ گیا. رکشہ الٹتے ہی قریب سے 4 سے 5 پاک فوج کے اہلکار گزر رہے تھے وہ فوری رکشہ کے پاس دوڑے اور رکشہ ڈرائیور کو باہر نکالا اور اس کے ساتھ رکشہ اٹھانے میں مدد کی. رکشہ ڈرائیور کو معمولی سی خراشیں آئیں.

راولپنڈی :راولپنڈی کے شہری آوارہ کتوں سے تنگ آگئے.ظہیراحمداعوان چئیرمین سٹیزن ایکشن کیمٹی وراہنما تحریک انصاف نے کہا کہ شہر کے گنجان آباد محلوں سڑکوں گلیوں میں آوارہ کتوں نے شہریوں کے ناک میں دم کر دیا۔شہری سخت خوفزداہ اور پریشان ہیں.سکول کے بچے خواتین بزرگوں کا سکول مسجد مارکیٹوں میں جانا محال ہوگیا۔آوارہ کتوں کے غول ہر پیدل گزرنے والوں پر بھونکتے اور کاٹنے کو دوڑتے ہیں۔میونسپل کارپوریشن کی کتا مار ٹیم خواب خرگوش کے مزے لے رہی ہیں۔اگر کراچی سندھ کی طرح کتے کے کاٹنے کا کوئی واقع رونما ہوا تو انتظامیہ اورچیف آفیسر میونسپل کارپوریشن کے خلاف قانونی کاروائی کریں گے۔ہم نے انتظامیہ کو درخواستیں بھی دے رکھی ہیں۔

راولپنڈی :راولپنڈی کے نجی ہسپتال کی پارکنگ سے لاش برآمد عینی شاہدین کے مطابق پہلے کسی نے اس طرف دھیان نہیں دیا جب بدبو پھیلی اس وقت ہمیں پتہ چلا , راولپنڈی پولیس کے مطابق گاڑی سے برآمد ہونے والی لاش راولپنڈی سے سینئر صحافی کی ہے،برآمد ہونے والی لاش کی شناخت شفاعت شیخ کے نام سے ہوئی .مقتول کے جسم پر تشدد کے نشانات موجود ہیں،لاش 2 سے 3 دن پرانی ہے،اس کے علاوہ پارکنگ میں کھڑی گاڑی پر نیشنل پریس کلب کی پلیٹ بھی لگی ہوئی ہے،پولیس کے مطابق ہسپتال کے مرکزی دروازے پر تعینات سیکورٹی گارڈ سے بھی پوچھ گچھ جاری ہے اور ہسپتال میں لگے سی سی ٹی وی کیمروں کی مدد بھی حاصل کی جارہی ہے،
لاش کو پوسٹ مارٹم کے بعد ورثا کے حوالے کیا جائے گا،

راولپنڈی :سٹی پولیس آفیسر راولپنڈی محمد فیصل رانا کی کمانڈ میں ٹیرر گینگز کے خلاف پولیس کی کاروائیاں جاری، تھانہ بنی پولیس نے ایس ڈی پی او وارث خان سرکل عمران خان کی زیر نگرانی دہشت کی علامت ٹیررز گینگز اور سوشل میڈیا پر اسلحہ کی نمائش کرنے والوں کیخلاف کاروائی کرتے ہوئے گینگ کا سرگرم رکن شعیب عرف شیرا اور سراج خان کو گرفتار کر لیا، ترجمان راولپنڈی کے مطابق ملزمان سے اسلحہ معہ ایمونیشن برآمد، ملزمان کو مزید انٹیروگیشن کے لیے تھانہ منتقل کر دیا گیا ،ملزمان سے مزید مفید طلب انکشافات متوقع ہیں،ملزمان خواجہ سراؤں کے ساتھ اسلحہ کی نوک پر واردات کیا کرتے تھے،متحرک گینگ کے دیگر ملزمان کو بھی جلد گرفتار کر کے پابند سلاسل کیا جائیگا،کسی بھی شخص یا گینگ کو دہشت کی علامت نہیں بننے دیا جائے گا،

راولپنڈی :بابری مسجد کیس کے فیصلے سے پوری امت مسلمہ کے نوجوانوں کے سینوں میں مزید آگ بھڑکا دی ہے۔آگے ہی نہتے مظلوم کشمیریوں کے ساتھ ظلم وجبر بربریت کے پہاڑ توڑے جارہے تھے جس پر امت مسلمہ کے نوجوانوں میں شدید غم وغصہ پایا جاتا تھا۔ظہیراحمداعوان چئیرمین سٹیزن ایکشن کیمٹی وسابق سٹی جنرل سیکریڑی تحریک انصاف نے القلم اکیڈیمی ظفرالحق روڈ پر اقبال ڈے کی مناسبت سے پروگرام میں نوجوانوں سے خطاب کرتے ہوئے بابری مسجد کیس پر ردعمل دیتے ہوئے مزید کہا کہ امت مسلمہ کے نوجوانوں کو اقبال کے شاہین کی صفات پیدا کر کے فلسفہ خودی کو اپنا کر پوری دنیا میں اپنا مقام بنانا پڑے گا۔حکومت پاکستان کو تمام بین الاقوامی فورم پر بھارتی حکومت کے انتہا پسند رویے اور بابری مسجد کیس کے ناانصافی خلاف میرٹ فیصلے پر پوری قوت سے مہم چلانی چاہیے اور آئی سی جے میں جانا چاہیے تاکہ دنیا کے سامنے بھارتی حکومت اور سپریم کورٹ کا انتہا پسندانہ چہرہ واضع ہو سکے۔

راولپنڈی:تھانہ مورگاہ کی حدود میں اوباش نوجوانوں کی شدید ہلڑ بازی اور ون ویلنگ میلاد کمیٹیوں کی جانب سے منع کرنے پر علاقہ میدان جنگ بن گیا. پولیس ہمیشہ کی طرح موقع سے غائب رہی.ذرائع کے مطابق میڈیا پر خبریں نشر ہونے پر پولیس موقع پر آئی اور کسی بھی شخص کے خلاف کسی قسم کی کوئی قانونی کاروائی نہیں کی گئی لڑائی کرنے والے نوجوانوں کا تعلق جھامرہ سے بتایا جاتا ہے تمام جھگڑے کا مرکزی کردار نواز آف جھامرہ کا بیٹا اور زین کا بھائی المعروف فوجی بتایا جاتا ہے جس نے اپنے 20 سے 25 ساتھیوں کے ہمراہ علاقے میں خوف و ہراس پھیلایا تاہم پولیس نے تاحال اس کے خلاف کوئی قانونی کاروائی نہیں کی. ایس پی پوٹھوہار علی سید کے مطابق ملزم پولیس کے آنے پر ساتھیوں سمیت موقع سے فرار ہو گیا ہے ۔ جبکہ تھانہ مورگاہ پولیس نے افسران بالا کو سب اچھا کی رپورٹ پیش کر دی ہے ۔مقامی صحافی انعام درانی نے باغی ٹی وی کو بتایا کہ پچھلے سال بھی یہ اطلاعات ملیں کہ تھانہ مورگاہ کی حدود میں نوجوان لوگوں کو تنگ کرتے ہیں اور ہلڑ بازی کرتے ہیں یہ کنفرم نہیں کہ یہ نوجوان آج واقعہ میں جو ملوث ہیں وہ ہیں یا اور لیکن میلاد کمیٹیوں کے روکنے پر آج بات لڑائی تک پہنچی.

راولپنڈی :آزادی مارچ, راولپنڈی کے تمام تعلیمی ادارے کل یکم نومبر کو کھلے رہیں گے. ڈپٹی کمشنر راولپنڈی نے اپنی ٹوئٹ میں کہا کہ کل یکم نومبر کو راولپنڈی کے تمام تعلیمی ادارے کھلے رہیں گے. یاد رہے مولانا فضل الرحمان کی قیادت میں آزادی مارچ نے آج اسلام آباد پہنچنا تھا جس کی وجہ سے راولپنڈی کے تمام نجی و سرکاری اداروں میں تعطیل کا اعلان کیا گیا لیکن مولانا اسلام آباد نہ پہنچ سکے. تفصیلات کے مطابق آزادی مارچ کا قافلہ رات گئے اسلام آباد داخل ہوگا اور کل جمعہ سے مولانا فضل الرحمن خطاب کریں گے اور پھر باقاعدہ جلسے کا آغاز ہوگا
ڈپٹی کمشنر راولپنڈی کی ٹویٹ

راولپنڈی:ظہیر احمداعوان چئیرمین سٹیزن ایکشن کیمٹی وسابق سٹی جنرل سیکریڑی تحریک انصاف نے کہا ہے کہ شہر کے تعلیمی اداروں کو بند کرنا تعلیم دشمنی اور انتظامیہ کی نااہلی ہے.بچوں کی تعلیم کا حرج ہوگا جلسے جلسوں ریلیوں لانگ مارچ دھرنوں میں مقامی سکولوں میں چھٹی دینا سمجھ سے باہر ہے۔دھرنا لانگ مارچ 2 بجے کے بعد ہو گا جبکہ تمام تعلیمی اداروں میں ایک ڈیڑھ بجے چھٹی ہو جاتی ہے۔چیف جسٹس آف پاکستان لانگ مارچ دھرنوں میں تعلیمی اداروں کی بندش پر سخت ایکشن لیں۔

راولپنڈی :راولپنڈی کے تمام تعلیمی ادارے کل 31 اکتوبر کو بند رہیں گے. ڈپٹی کمشنر راولپنڈی کی طرف سے نوٹیفکیشن جاری, تمام تعلیمی ادارے یعنی راولپنڈی ضلع کے علاقائی دائرہ اختیار میں واقع یونیورسٹیوں ، کالجوں اور اسکولوں (سرکاری و نجی) کو 31 اکتوبر 2019 کو بند رکھا جائے گا۔یاد رہے مولانا فضل الرحمان کی قیادت میں آزادی مارچ کراچی سے شروع ہوا اور کل وہ اسلام آباد پہنچے گا اس سلسلہ میں حالات کو مدنظر رکھتے ہوئے اعلان کیا گیا
ڈپٹی کمشنر راولپنڈی کی طرف سے جاری کیا گیا نوٹیفیکیشن :
ڈپٹی کمشنر راولپنڈی کا ٹویٹ