Tag: روس

امریکا نے یوکرین کے خلاف جنگ میں روس کو خود کش ڈرون کی فراہمی پر ایران کے 7 اداروں کو تجارتی بلیک لسٹ میں شامل کر دیا۔

باغی ٹی وی: عالمی خبر رساں ادارے کے مطابق امریکا نے ایران کے 7 اداروں کو اپنی تجارتی بلیک لسٹ میں شامل کرلیا جن پر روس کو فراہم کیے گئے ڈرونز تیار کرنے کا الزام عائد کیا گیا ہے۔

جرمنی نے یوکرین کو لڑاکا طیارےدینےسےانکارکردیا

بلیک لسٹ کیے گئے ایرانی اداروں میں ہوائی جہاز کے انجنوں کا ڈیزائن اور مینوفیکچرنگ والا ادارہ، اسلامی انقلابی گارڈ کور ایرو اسپیس فورس، اسلامی انقلابی گارڈ کور ریسرچ اینڈ سیلف سفینسی جہاد آرگنائزیشن، اوجے پرواز مادو نفر کمپنی، پیرا پارس کمپنی، قدس ایوی ایشن انڈسٹری، اور شاہد ایوی ایشن انڈسٹریز شامل ہیں۔

امریکی کامرس ڈپارٹمنٹ کی جانب سے جاری بیان میں یہ الزام بھی عائد کیا گیا ہے کہ ایران کی بغیر پائلٹ ہوائی گاڑیاں (یو اے وی) روس کو یوکرین میں استعمال کرنے کے لیے منتقل کی جا رہی ہیں،یہ سرگرمی امریکا کی قومی سلامتی اور خارجہ پالیسی کے مفادات کے منافی ہے۔

یورپ آگ سے کھیلنے کی ہمت نہیں رکھتا: ایران

یاد رہے کہ یوکرین نے چند ماہ قبل کہا تھا کہ ان کے علاقے میں گرنے والے ڈرونز ایرانی ساختہ ہیں جس کی تصدیق امریکی انٹیلی جنس اداروں نے بھی کی تاہم ایران نے پہلے تو انکار کیا تاہم بعد میں ان ڈرونز کی روس کو فراہمی کو قبول کرلیا تھا۔

روس کے یوکرین پرحملے کے قریباً ایک سال بعد اتحادیوں نے کروزمیزائلوں اورایرانی ساختہ کامیکاز ڈرونزکا توڑ کرنے کے لیے ہدف ملک کا فضائی دفاع مضبوط بنانے کی کوشش کی ہے-

رواں ماہ کے اوائل میں کینیڈا نے اعلان کیاتھا کہ وہ یوکرین کے لیے امریکی ساختہ نیشنل ایڈوانسڈ سرفیس ٹوایئرمیزائل سسٹم (ناسامس) خرید کرے گا۔ ناسامس مختصرسے درمیانی فاصلے تک زمین پر مبنی فضائی دفاعی نظام ہے جو ڈرون، میزائل اورلڑکاطیاروں کے حملوں سے تحفظ مہیّاکرتا ہےامریکانے یوکرین کودوناسامس مہیّا کیے ہیں اورمزید بھی مہیا کرنے پرغور کیا جارہا ہے۔

ممکنہ تیسری عالمی جنگ کن ہتھیاروں سےلڑی جائےگی،تفیصلات آگئیں

برطانیہ،امریکااورنیدرلینڈز کی جانب سے یوکرین کوریتھیون ٹیکنالوجی کارپوریشن کے پیٹریاٹ جیسے زمین پرمبنی دیگرفضائی دفاعی نظام مہیّاکرنے کا وعدہ کیا گیا ہے تاکہ روس کے فضائی حملوں کا توڑ کیا جاسکے۔

جرمنی نے یوکرین کو جدید ٹیکنالوجی سے لیس لیپرڈ 2 ٹینکوں سے مسلح کرنے کی منظور دے دی ہے۔

باغی ٹی وی: جرمنی کے حکومتی ترجمان اسٹیفن ہیبسٹریٹ نے کہا کہ جرمن حکومت کی جانب سے ٹینکوں کی پارٹنر ممالک سے ری ایکسپورٹ کی بھی منظور دی گئی ہے۔

یوکرین کے کئی اعلیٰ عہدے داروں نے استفعے دے دئیے

یوکرینی صدر زیلنسکی نے جرمن چانسلر اولاف شولز کا شکریہ ادا کیا اور کیف کو روس کے ساتھ جاری جنگ میں ٹینکوں سے لیس کرنے کے فیصلے کو انتہائی اہم اور بروقت فیصلہ قرار دیا۔

دوسری جانب اپنے رد عمل میں روس نے جرمنی کی جانب سے یوکرین کو لیپرڈ 2 ٹینک فراہم کرنے کے فیصلے کی مذمت کرتے ہوئے اسے مغرب کی اشتعال انگیزی قرار دے دیا۔

2019 میں پاکستان اوربھارت جوہری جنگ کے قریب تھے،امریکی مداخلت نے کشدگی کو…

روس کا کہنا ہے کہ اس فیصلے سے ثابت ہوتا ہے کہ جرمنی دوسری عالمی جنگ کے دوران نازی جرائم کے بعد خود پر عائد ہونے والی تاریخی ذمہ داری کو بھول چکا ہے یوکرین کو بھاری اسلحہ فراہم کرنے سے ثابت ہوتا ہے کہ مغرب جنگ کو بھڑکا رہا ہے۔

یوکرین کے کئی اعلیٰ عہدے داروں نے منگل کے روز اپنے عہدوں سے استعفی دے دیا ہے۔

باغی ٹی وی : یوکرین کے ایک ڈپٹی پراسیکیوٹر جنرل، صدر کے دفتر کے ایک نائب سربراہ اور ایک نائب وزیر دفاع سمیت حکام کے مستعفی ہونے کا اعلان زیلنسکی کی جانب سے پیرکے روزکیے جانے والےاعلان کے بعد کیا گیا ہے زیلنسکی نے پیرکی رات تقریر میں کہا کہ حکام اب سرکاری کاموں سے غیرمتعلقہ مقاصد کے لیے بیرون ملک سفرنہیں کر سکیں گے-

یوکرین میں امریکہ کا اسپیشل نیوی سیل روسی بمباری سے ہلاک، امریکی بحریہ کی تصدیق

اس کے بارے میں کیف کا کہنا ہے کہ اس سے ظاہرہوتا ہے کہ صدر ولادیمیرزیلنسکی بدعنوانی کے الزامات سے نمٹنے میں معاشرے سے مطابقت رکھتے ہیں-

زیلینسکی کے ایک سینیرمشیر میخیلو پوڈولیاک نے کہا کہ صدرعوام کے ایک اہم مطالبے کا براہ راست جواب دیتے ہیں –

صدر کے دفتر نے کہا ہے کہ اپنے نائب سربراہ کی حیثیت سے کیریلوتیموشینکو کا استعفیٰ قبول کرلیا گیا ہے۔ تیموشنکو نے عہدہ چھوڑنے کی کوئی وجہ نہیں بتائی وہ صدرزیلنسکی کی انتخابی مہم میں کام کرتے تھے اور 2019 سے یوکرین کے علاقوں اورعلاقائی پالیسیوں کی نگرانی کر رہے تھے-

حملے کے دوران میں اسپورٹس کاریں چلانے پر یوکرینی میڈیا کی جانب سے انھیں تنقید کا نشانہ بنایا گیا تھا۔تاہم انھوں نے کسی غلط کام کی تردید کی تھی اور کہا تھا کہ یہ گاڑیاں کرائے پرلی گئی تھیں۔

رواں برس ہی روسی افواج کو یوکرینی علاقوں سے نکالنا بہت مشکل ہے،امریکا

دوسری جانب پراسیکیوٹرجنرل کے دفتر نے بتایا کہ ڈپٹی پراسیکیوٹر جنرل اولیکسی سیمونینکوکوان کی اپنی مرضی کے مطابق عہدے سے ہٹایا گیا ہے –

روس کے ساتھ جنگ کے باوجود نئے سال کے موقع پر سپین کے شہر ماربیلا میں اپنے اہلخانہ کے ساتھ 10 دن کی چھٹیاں گزارنے پر سیمننکو کو تنقید کا نشانہ بنایا گیا تھا۔تاہم انھوں نے ان الزامات پرعوامی طور پر کوئی تبصرہ نہیں کیا ہے۔

علاوہ ازیں یوکرین کے نائب وزیر دفاع ویاچیسلاف شاپوفالوف نے اپنے عہدے سے اس وقت استعفی دے دیا ہے جب یوکرین کی میڈیارپورٹ میں وزارتِ دفاع پر خوراک مہیا کرنے کے لیے قیمتوں میں اضافے کا الزام عائد کیا گیا تھا۔

وزارت کا کہنا ہے کہ یہ الزامات بے بنیاد ہیں لیکن شاپوفالوف کا استعفیایک ‘قابل قدر کام’ ہے جس سے وزارت پراعتماد برقرار رکھنے میں مدد ملے گی۔

واضح رہے کہ جنگ کے آغاز کے بعد ایک اور جھٹکے میں ایس بی یو سکیورٹی سروس کے سربراہ اور ریاستی پراسیکیوٹر جنرل کو گذشتہ جولائی میں ان کے عہدوں سے ہٹا دیا گیا تھا۔انھیں زیلنسکی کا قریبی اتحادی سمجھا جاتاتھا، لیکن ان کا کہنا تھا کہ وہ اپنی تنظیموں میں غداروں کو جڑ سے اکھاڑ پھینکنے میں ناکام رہے ہیں۔

امریکہ کایوکرین کےلیے2.5 بلین ڈالرمالیت کےہتھیاروں کےنئےپیکج کا اعلان

امریکی جوائنٹ چیفس آف اسٹاف جنرل مارک ملی نے کہا ہے کہ یہ بہت مشکل ہو گا کہ رواں برس ہی روسی افواج کو یوکرینی علاقوں سے نکال لیا جا سکے۔

باغی ٹی وی: جرمنی میں امریکا کے رامسٹین ائیر بیس میں منعقدہ اجلاس میں شرکت کے موقع پر جنرل مارک ملی نے کہا کہ یوکرین کیلئے یہ انتہائی مشکل ہوگا کہ وہ اسی سال ہی اپنی زمین کا ایک ایک انچ روسی قبضے سے آزاد کروا لے۔

یوکرین نے اگرکریمیہ پرحملہ کیاتوپھریہ بھی یاد رکھےکہ اس کے نتائج انتہائی خطرناک ہوں گے: روس

جرمنی کے رامسٹین اڈے میں اجلاس کے دوران لائیڈ آسٹن نے کہا یوکرین کی حمایت کے لیے ہمار عزم طویل مدتی ہے۔ انہوں نے یہ بھی نشاندہی کی کہ متعدد ملکوں نے یوکرین کو فضائی دفاعی نظام بھیجنے کا وعدہ کیا ہے۔ انہوں نے کہا یوکرین سپورٹ گروپ ملکوں کی خود مختاری کا احترام کرنے کے لیے قوانین بناتا رہے گا۔

جرمنی میں یوکرین کی دفاعی امداد کیلئےاجلاس میں شریک 50 ممالک کے دفاعی حکام یوکرین کو جدید جنگی صلاحیتوں سے لیس لیپرڈ-2 ٹینک فراہم کرنے کے حوالے سے ہونے والی بحث میں کسی نتیجے پر نہیں پہنچ سکے تاہم یوکرین کی دفاعی امداد جاری رکھنے پر اتفاق کیا گیا۔

اجلاس کے آغاز میں یوکرین کے صدر زیلنسکی نے شرکاء سے مزید اسلحہ فراہم کرنے کی اپیل کرتے ہوئے کہا کہ روس کی جانب سے شروع کی گئی جنگ ہمیں مزید تاخیر کی اجازت نہیں دیتی۔

امریکہ کایوکرین کےلیے2.5 بلین ڈالرمالیت کےہتھیاروں کےنئےپیکج کا اعلان

دوسری جانب سینیئر امریکی حکام کی جانب سے یوکرین کو امریکی اسلحے کی سپلائی اور فوجی تربیت کے تکمیل سے قبل روس کے خلاف کسی بھی جارحانہ اقدام سے روک دیا گیا ہے۔

جنرل مارک ملی نے کہا کہ کیف کے لیے نئے فوجی امدادی پیکج میں یوکرینی افواج کی تربیت بھی شامل ہے۔ انہوں نے امریکی وزیر دفاع لائیڈ آسٹن کے ساتھ مشترکہ پریس کانفرنس میں مزید کہا کہ اس سال یوکرین سے روسی افواج کو ہٹانا بہت مشکل ہے۔

امریکی وزیر دفاع لائیڈ آسٹن نے کہا کہ نئی فوجی امداد سے یوکرین کو روس کا مقابلہ کرنے میں مدد ملے گی۔

روس نے پورا ملک تباہ کرنے والا ہتھیار بنا لیا

جمعرات کو، امریکہ نے یوکرین کے لیے 2.5 بلین ڈالر کی نئی فوجی امداد کا اعلان کیا جس میں سینکڑوں بکتر بند گاڑیاں اور یوکرین کے فضائی دفاع کے لیے سپورٹ شامل ہے وزارت دفاع نے ایک بیان میں کہا کہ پیکج میں 59 بریڈلی فائٹنگ وہیکلز، 90 سٹرائیکر آرمرڈ پرسنل کیریئرز، 53 بارودی سرنگوں سے بچنے والی گاڑیاں اور 350 اعلیٰ صلاحیت والی ملٹی مشن وہیلڈ گاڑیاں شامل ہیں۔

مجموعی طور پر امریکہ نے روسی فوجی آپریشن کے آغاز سے لے کر اب تک یوکرین کے لیے 27.4 بلین ڈالر سے زیادہ کی سیکورٹی امداد مختص کی ہے۔

روسی صدر ولادیمیر پیوٹن کے زبردست حامی چیچنیا کے صدر رمضان قادروف نے یوکرین تنازع کو تیسری عالمی جنگ قرار دیا-

باغی ٹی وی: روسی میڈیا کے مطابق قدیروف نے کہا کہ اگر ہم اس بات پر غور کریں کہ وہ یورپی ممالک جو آج یوکرین کے تنازعے میں حصہ لے رہے ہیں، یعنی نیٹو اور دیگر ممالک جن کے ساتھ یوکرین کے تعلقات ہیں تو ہم کہہ سکتے ہیں کہ یہ تیسری عالمی ہے۔

روس یوکرین جنگ میں کتنےشہری ہلاک ہوئے؟اقوام متحدہ کی رپورٹ آگئی

انہوں نے کہا کہ چین، بھارت اور پاکستان جیسے بڑے ممالک ’’فوجی کارروائیوں میں حصہ نہیں لیتے‘‘ لیکن اگر ہم یورپی ممالک کی سر زمین پر ہونے والی صورتحال کو دیکھیں تو ان کے پاس احتجاج اور مسائل ہیں اپنے لیڈروں کو نکال باہر کرتے ہیں، ہم کسی کو نہیں نکالتے ہمارے پاس کام کا ماحول پرسکون ہے اور کوئی مسئلہ نہیں ہےصدر میٹنگز اور ملاقاتیں کرتے اور اپنا کام معمول کے مطابق کرتے ہیں۔

چند روز قبل چیچن صدر نے اعلان کیا تھا کہ یوکرین میں روسی فوجی آپریشن میں 21 ہزار سے زائد چیچن جنگجوؤں نے حصہ لیا ہے اور 9 ہزار سے زائد دیگر فرنٹ لائن پر ہیں۔

یوکرینی فوجی امریکی پیٹریاٹ میزائلوں کے استعمال کی تربیت کے لیے امریکہ پہنچ گئے

قدیروف نے”ٹیلی گرام”میں لکھا کہ میں نے چیچن ریپبلک کی پارلیمنٹ کےاسپیکر شمالی ملٹری ڈسٹرکٹ کے ریپبلکن ہیڈکوارٹرکے سربراہ میگومڈ داؤدوف کی رپورٹ سنی ہے یوکرین میں روسی جنگ کے آغاز کے بعد سے اس جنگ میں 21 ہزار سے زیادہ چیچن جنگجوؤں نے حصہ لیا ہے۔

واضح رہے کہ 24 فروری کو یوکرین میں روسی فوجی آپریشن کے آغاز کے بعد سے واشنگٹن کیف کے ساتھ کھڑا ہے اس نے انسانی اور فوجی امداد کے ساتھ یوکرینی افواج کو مسلح کرنے کے لیے اربوں ڈالر خرچ کیے ہیں یورپی ممالک نے بھی یوکرین کے ساتھ صف آراء ہو کر اسے ہتھیاروں اور ساز و سامان سے مدد فراہم کی۔

یوکرین میں روس کا عمارت پر حملہ،بچوں سمیت 35 افراد ہلاک اور 75 زخمی