مراکش میں تباہ کن زلزلے کے نتیجے میں ہلاک ہونے والوں کی تعداد 1037 ہو گئی ہے۔
باغی ٹی وی:شاہِ مراکش نے ملک میں تباہ کن زلزلے کے نتیجے میں ایک ہزار سے زیادہ افراد کی ہلاکت کے بعد تین روزہ قومی سوگ منانے کا اعلان کیا ہے مراکش کے سرکاری خبر رساں ادارے ایم اے پی کی جانب سے جاری کردہ ایک بیان میں بتایا گیا ہے کہ شاہ محمد ششم کے زیر صدارت ایک اجلاس میں زلزلے کی تباہ کاریوں کا جائزہ لیا گیا ہے اور اس اجلاس میں تین روزہ قومی سوگ منانے کا فیصلہ کیا گیا ہے اس دوران میں تمام سرکاری عمارتوں پر قومی پرچم سرنگوں رہے گا-
مراکش کے سرکاری ٹیلی ویژن نے وزارت داخلہ کے حوالے سے بتایا ہے کہ مراکش کے جبال الاطلس کے علاقے میں 7.2 شدت کے زلزلے کے نتیجے میں 1200 سے زیادہ افراد زخمی ہوئے ہیں مراکشی وزارت داخلہ کے مطابق زیادہ تر جانی اور مالی نقصان شہروں اور قصبوں کے باہر ہوا ہے۔
مراکش،زلزلے نے تباہی مچا دی،اموات 800 سے بڑھ گئیں
سوشل میڈیا پر وئرل ویڈیوز میں عمارتوں کو ملبے کا ڈھیر اور گردوغبار میں تبدیل ہوتے ہوئے دیکھا جاسکتا ہے زلزلے سے یونیسکو کے عالمی ثقافتی ورثے میں شامل قدیم شہر مراکش کے ارد گرد واقع مشہور سرخ دیواروں کے کچھ حصوں کو نقصان پہنچا ہے قریبی قصبوں میں متعدد مکانات جزوی یا مکمل طور پر منہدم ہوگئے ہیں کچھ مقامات پر بجلہ کا نظام منقطع ہوگیا ہے اور سڑکیں ٹوٹ گئی ہیں زلزلے سے مراکش کا صوبہ الحوز سب سے زیادہ متاثر ہوا ہے
مقامی ذرائع ابلاغ کے مطابق زلزلے کے مرکز کے ارد گرد پہاڑی علاقے کی طرف جانے والی سڑکوں پر گاڑیاں جام ہو چکی ہیں یا چٹانوں کے گرنے سے بند ہو گئی ہیں جس کی وجہ سے امدادی کارروائیاں سست روی کا شکار ہیں۔
دبئی؛ تربیتی ہیلی کاپٹر گر کر تباہ، پائلیٹ ہلاک
امریکا کے ارضیاتی سروے (یو ایس جی ایس) کا کہنا ہے کہ زلزلے کی شدت ابتدائی طور پر 6.8 ریکارڈ کی گئی تھی جب یہ مقامی وقت کے مطابق جمعہ کی رات 11 بج کر 11 منٹ پر آیا امریکی ایجنسی کے مطابق زلزلے کے 19 منٹ بعد 4.9 شدت کے زلزلے کے جھٹکے محسوس کیے گئے تھے۔
زلزلے کا مرکز مراکش شہر سے قریباً 70 کلومیٹر جنوب میں واقع شہر إيغيل کے قریب تھا زلزلے کا مرکز زمین کی سطح سے 18 کلومیٹر نیچے تھا جبکہ مراکش کے زلزلے سے متعلق ادارے کا کہنا ہے کہ اس کی سطح زمین سے 8 کلومیٹر نیچے تھی دونوں صورتوں میں، اس طرح کے ہلکے زلزلے زیادہ خطرناک ہوتے ہیں شمالی افریقا میں زلزلے نسبتاً کم آتے ہیں مراکش کے نیشنل انسٹی ٹیوٹ برائے جیوفزکس میں شعبہ زلزلہ پیما اور انتباہ کے سربراہ الحسین مہانی نےمراکش بتایا کہ یہ پہاڑی علاقے میں ریکارڈ کیا جانے والا اب تک کا سب سے طاقتور زلزلہ تھا۔
