Tag: سعودی عرب

ریاض: سعودی عرب کی شاہی فضائیہ کے لڑاکا طیاروں نے امریکی بمبار طیارے کو اپنی حدود سے گزرنے میں دوران پرواز سکیورٹی فراہم کی،یہ پیش رفت خطے کی سلامتی اور استحکام کو فروغ دینے کے لیے دونوں فضائی افواج کے درمیان جوائنٹ ایکشن کا حصہ ہے۔

سعودی عرب نے عمرہ ویزے کی میعاد بڑھا دی

باغی ٹی وی : "العربیہ” کے مطابق سعودی عرب کی شاہی فضائیہ کے چھ F-15SA ٹائفون اور F-15C لڑاکا طیاروں نے امریکی فضائیہ کے بی۔52 (اسٹریٹیجک) بمبار طیارے کو مملکت کی فضائی حدود سے گزرتے ہوئے سکیورٹی فراہم کی اور دوران پرواز اس کے ارد گرد اپنا حصار قائم رکھا۔

عدد من طائرات القوات الجوية الملكية السعودية ترافق القاذفة الإستراتيجية الأمريكية (بي -٥٢)، أثناء عبورها أجواء المملكة، وذلك في إطار العمل المشترك بين القوتين لتعزيز أمن واستقرار المنطقة. pic.twitter.com/6PKJz1LN37

— وزارة الدفاع (@modgovksa) September 6, 2022

سعودی وزارت دفاع نے امریکی بمبار طیارے کو سکیورٹی فراہم کرنے کی تصدیق کرتے ہوئے بیان میں کہا ہے کہ سعودی فضائی حدود سے گزرنے کے دوران سکیورٹی فراہم کرنے کا معاملہ خطے کی سلامتی اور استحکام کے فروغ کے لیے دونوں فضائی افواج کے درمیان جوائنٹ ایکشن سمجھوتے کا حصہ ہے۔

واضح رہے کہ مشرق وسطیٰ کی فضائی حدود سے گزرنے والا امریکی بی 52 بمبار طیارہ جوہری ہتھیار لے جانے کا حامل ہے مملکت کی میزبانی میں گذشتہ ماہ کے دوران سعودی مسلح افواج اور امریکی میرین کور نے لاجسٹک مشق "الغضب العارم” کی۔

مشقوں میں فوج کی موومنٹ، تعیناتی اور لاجسٹک آپریشنز کے بارے میں بہت سے مفروضوں اور مشقوں کا نفاذ کیا گیا اس کے علاوہ ان مشقوں میں مواصلات، طب، فیلڈ میڈیسن، اور جان بچانے والی جنگی مشقوں کے لیے تربیتی مفروضوں،آتشیں گولہ بارود اور سپلائی کے ساتھ شوٹنگ کے علاوہ انخلاء کی کارروائیوں کے تجربات کیے گئے۔

امریکا نے پاکستان کو ایف 16 طیاروں کے سامان اورآلات فروخت کرنےکی منظوری دیدی

ریاض: سعودی وزارت حج و عمرہ نے عمرہ ویزے کی میعاد ایک سے بڑھا کر 3 ماہ کر دی۔

باغی ٹی وی : سعودی حکام کے مطابق عمرہ ویزے کی میعاد ایک سے بڑھا کر 3 ماہ کر دی گئی ہے، بیرون ملک سے عمرہ زائرین مقررہ وقت سے کم از کم 6 گھنٹے قبل سعودی عرب پہنچیں، پرواز میں 6 گھنٹے کی تاخیر پر عمرے کی بکنگ ختم تصور ہو گی۔

پرمٹ جاری ہونے کے بعد مکہ نہ پہنچ سکنے کی صورت میں نئی بکنگ کی اجازت ہو گی اور 4 گھنٹے قبل بکنگ میں تبدیلی کرانے کی صورت میں پہلی بکنگ منسوخ کرنا ہو گی۔

مزید بارشوں سے پاکستان میں موجودہ ابتر سیلابی صورتحال بد ترین ہونےکا خدشہ ہے،…

قبل ازیں سعودی عرب کی وزارت حج و عمرہ نے اعلان کیا تھا کہ عازمین حج اب اپنے حج اور عمرہ کے اخراجات قسطوں میں ادا کر سکیں گےحج کی درخواستیں جمع کروانے کا آغاز ستمبر کے مہینے میں شروع ہونے کا منصوبہ بنایا گیا ہے۔

یہ پہلی بار ہوگا جب وزارت حج رجسٹریشن کو اتنی جلدی کھولے گی۔ حج رجسٹریشن جلد کھولے جانے کی خبر کے ساتھ ساتھ وزارت حج و عمرہ نے یہ بھی اعلان کیا تھا کہ وہ لوگ جن کے لیےحج کرنا مشکل تھا اب آسان ہو جائے گا،عازمین حج اب اقساط میں سالانہ حج کے لیے رجسٹریشن کروا سکتے ہیں۔

وزارت نے کہا تھا کہ قسط کی پالیسی ابھی صرف سعودی عازمین کے لئے ہے لیکن جلد ہی بین الاقوامی حجاج کے بارے میں اپ ڈیٹ دستیاب ہو جائے گی ۔

قبل ازیں سعودی وزارت حج و عمرہ نے روضہ رسولﷺ پر ٹھہرنے کا وقت مقرر کرنے کا اعلان کیا تھا سعودی وزارت حج و عمرہ نے تصدیق کی تھی کہ ریاض الجنہ میں ٹھہرنے کا وقت اب 10 منٹ مقرر کیا گیا ہے۔ ریاض الجنہ کی زیارت کے خواہش مند افراد توکلنا اور اعتمرنا ایپلی کیشن کے ذریعے پرمٹ حاصل کرنے کے پابند ہیں۔

ایشیا کپ:پاکستان اورافغانستان کے درمیان میچ آج کھیلا جائے گا

دریں اثنا سعودی حکومت نے مسجد الحرام میں ہر عمر کے بچوں کو داخلے کی اجازت دی تھی سعودی وزارت حج و عمرہ کی جانب سے اعلان کیا گیا تھا کہ والدین اب اپنے بچوں کو مسجد الحرام لاسکتے ہیں 5 سال سے بڑی عمر کے بچوں کیلئے خصوصی اجازت نامہ حاصل کرنا ہوگا جبکہ 5 سال سے کم عمر کے بچے بغیر اجازت کے داخل ہوسکتے ہیں نومبر 2021 میں سعودی عرب نے 12 سال سے کم عمر بچوں کے مسجد الحرام میں داخلے پر پابندی عائد کی تھی۔

برطانیہ کی نئی وزیراعظم لز ٹرس نے اپنی کابینہ کا اعلان کر دیا

سعودی عرب کے جنوب مغربی علاقے الباحہ میں ہفتے میں دوسری بار زلزلے کے جھٹکے محسوس کئے گئے-

باغی ٹی وی : "العربیہ” کے مطابق سعودی عرب میں جیولوجیکل سروے کے ترجمان طارق ابا الخیل نےبتایا کہ الباحہ کے علاقے میں ہفتے میں دوسری بار زلزلے کے جھٹکے محسوس کیے گئے ہیں الباحہ میں آنے والا زلزلہ چھوٹے درجے کا تھا جس سے کوئی نقصان نہیں ہوا ہے۔

سعودی عرب کے علاقے الباحہ میں زلزلے کے جھٹکے

سعودی عرب میں جیولوجیکل سروے کے ترجمان نے بتایا کہ سعودی عرب ایک متضاد پلیٹ پر ہے، تصادم پرنہیں، لہذا ہم دیکھتے ہیں کہ تمام زلزلے چھوٹے ہوتے ہیں اور پوری مملکت میں 300 سے زیادہ سیسمک آبزرویٹریوں کو اچھی طرح سے مطالعہ کے ساتھ شائع کیا جاتا ہے۔

الباحہ کےعلاقے میں آنے والے زلزلے کی شدت ریکٹر اسکیل پر 1.95 تھی اور اس کی گہرائی ساڑھے 5 کلومیٹر تھی، زمین کی سطح سے قریب ہونے کی وجہ سے لوگوں نے اسے محسوس کیا جب کہ اس جھٹکے کی اصل وجہ بحیرہ احمر میں موجود فالٹ ہے جس کی وجہ سے خطے میں موجود فالٹس پر دباؤ پڑتا ہے جس سے کمزور اور خطرناک زلزلہ نہیں آتا۔

یو اے ای: ابوظبی کی جامع مسجد کے قریب چھوٹا طیارہ گر کر تباہ

قبل ازیں بدھ کی صبح سعودی عرب کے علاقے الباحہ میں 3.62 شدت کا زلزلہ آیا تھا ایس جی ایس کے ترجمان طارق ابا الخیل نے کہا تھا کہ ایک خصوصی ٹیم کو ان علاقوں کا معائنہ کرنے کے لیے روانہ کیا گیا ہے جہاں زلزلہ آیا تاکہ سہولیات پر اس کے اثرات کا جائزہ لیا جا سکے اور علاقے میں زلزلہ کی سرگرمیوں کے بارے میں رپورٹ تیار کرنے کے لیے ضروری معلومات اکٹھی کی جا سکیں زلزلے کے جھٹکے المخواہ اور بلجراشی کے علاقوں کے رہائشیوں نے بھی محسوس کیے گئے تھے-

اسپین میں اولوں کا طوفان 20 ماہ کی بچی ہلاک، درجنوں افراد زخمی

ریاض: سعودی وزارت حج و عمرہ نے عمرہ زائرین کو خوشخبری سنادی۔اطلاعات کے مطابق اس سلسلے میں باقاعدہ ایک پیغام جاری کیا گیا ہے

ذرائع کے مطابق سعودی وزارت حج و عمرہ کا کہنا ہے کہ معتمرین کی آمدورفت کے لیے کوئی ایئرپورٹ مخصوص نہیں ہے اور عمرہ زائرین کسی بھی ائیرپورٹ سے سعودی عرب آسکتے ہیں۔ سعودی حکام کا کہنا ہے کہ عمرہ زائرین کسی بھی انٹرنیشنل یا مقامی ایئرپورٹ سے داخل اور روانہ ہوسکتے ہیں۔

عمرے کے لئے آن لائن ویزے کی درخواست دی جاسکتی ہے

وزارت حج و عمرہ
وزارت حج و عمرہ کے مطابق عمرے کی ادائیگی کے لیے آنے والے افراد 90 دنوں کے لیے ٹھہرسکتے ہیں جبکہ زائرین اس دوران مکہ، مدینہ اور دیگرسعودی شہروں میں آزادی سے جاسکتے ہیں۔

حج و عمرہ حکام کا کہنا ہے کہ عمرے کے لئے آن لائن ویزے کی درخواست دی جاسکتی ہے لیکن عمرے کے لیے ‘اعتمرنا’ ایپلی کیشن کی رجسٹریشن ضروری ہے۔وزارت کا کہنا ہے کہ اعتمرنا ایپ پر رجسٹریشن کے لیے سعودی عرب کا موجودہ ویزا لازمی ہوگا۔

صنعا:سعودی فوجی اتحاد نےیمن کےایندھن کےحامل4 بحری جہازوں کوروک لیا.اطلاعات کے مطابق المسیرہ ٹی وی کی رپورٹ کے مطابق یمن کی قومی گیس کمپنی کے ترجمان عصام المتوکل نے کہا ہے کہ سعودی اتحاد نے یمن کے 4 بحری جہازوں جن میں سے 2 پٹرول اور 2 ڈیزل کے حامل تھے روک لیا ہے۔ اس طرح اب تک روکے جانے والے بحری جہازوں کی تعداد 9 ہو گئی ہے۔

خوفناک سیلاب سے تباہی: خیرپور میں لاش دفنانے کیلئے خشک جگہ ملنا مشکل ہوگیا

یمن کی گیس کمپنی کے ترجمان نے کہا کہ ایندھن کے حامل یمن کے ان بحری جہازوں کو سعودی اتحاد نے اقوام متحدہ کا فراہم کردہ پرمٹ کے باوجود روکا ہے۔انہوں نے کہا کہ جنگ بندی کے تحت 54 بحری جہازوں کو یمن آنے کی اجازت تھی تاہم ابھی تک صرف 33 بحری جہاز یمن پہونچ پائے ہیں۔

ترجمان نے اقوام متحدہ سے مطالبہ کیا ہے کہ وہ سعودی اتحاد کی جانب سے اس قسم کی جاری خلاف ورزیوں کا نوٹس لے اور اپنے فرائض پر عمل کرتے ہوئے سعودی اتحاد کے خلاف مؤثر عملی کارروائی کرے۔

واضح رہے کہ سعودی اتحاد کی جانب سے جنگ بندی کی خلاف ورزی ایسی حالت میں جاری ہے کہ یمن کے امور میں اقوام متحدہ کے خصوصی ایلچی ہانس گرینڈ برگ نے یمن میں جنگ بندی کی مدت میں مزید دو ماہ کی توسیع کئے جانے کا اعلان کیا تھا مگر سعودی اتحاد نے کبھی بھی اس معاہدے کی پاسداری نہیں کی۔