Tag: سوشل میڈیا

اداکار فیروز خان جوہیں آج کل خاصی تنقید کی زد میں ، شوبز انڈسٹری میں ان کے خلاف ایک غم و غصہ پایا جاتا ہے کیونکہ ان کی سابقہ اہلیہ نے ان کے تشدد کے ثبوت پیش کر دئیے ہیں یہ ثبوت منظر عام پر آنے کے بعد فیروز کے مداح اور ان کے شوبز کے ساتھی ان کا بائیکاٹ کرنے کا مطالبہ کررہے ہیں. کل تک فیروز خان نے خاموشی اختیار کئے رکھی لیکن آج وہ بول پڑے ہیں اور انہوں نے ایسے تمام الزامات کی تردید کر دی ہے جو ان کے ساتھ منسوب کئے جا رہے ہیں، خصوصی طور پر انہوں نے تشدد کرنے کے الزام کو

یکسر رد کر دیا ہے اور کہا ہے کہ میں انسانی حقوق پر مکمل یقین رکھتا ہوں میں سمجھتا ہوں کہ ہر انسان کے کچھ بنیادی حقوق ہوتےہیں لہذامیں نے کبھی بھی اپنی سابقہ اہلیہ پر ظلم اور تشدد نہیں‌کیا. جو لوگ میرے خلاف سوشل میڈیا پر پراپگینڈا کررہے ہیں میں ان کے خلاف قانونی کاروائی کروں گا اور میری لیگل ٹیم اس سلسلے میں متحرک ہو گئی ہے. فیروز خان کہتے ہیں کہ سوشل میڈیا پر جو بھی تصاویر شئیر کی جا رہی ہیں وہ جھوٹی ہیں ان پر یقین نہ کیا جائے کیونکہ میں نے کبھی بھی ایسا نہیں کیا.

اداکارہ نازش جہانگیر جو اپنی ایک بڑی فین فالونگ رکھتی ہیں، انہوں نے ابھی تک جتنا بھی کام کیا ہے شائقین سے توجہ سمیٹی ہے. نازش جہانگر اس وقت زیادہ خبروں میں آئیں جب اداکار محسن عباس حیدر کی سابقہ اہلیہ فاطمہ سہیل نے اپنے شوہر پر تشدد کرنے کے الزامات لگائے اور کہا کہ نازش جہانگیر نے میری زندگی میں آگ لگائی ہے. محسن عباس اور فاطمہ سہیل کی علیحدگی کو بھی ایک عرصہ گزر چکا ہے لیک محسن عباس حیدر اور نازش جہانگیر کے درمیان ایسا تعلق نہیں دیکھا گیا جس کا دعوی فاطمہ سہیل نے کیا تھا. نازش جہانگیر نے حال ہی میں‌سوشل میڈیا پر اپنی چند ایک تصاویر شئیر کی ہیں ، ان تصاویر میں وہ نہایت ہی دلکش لگ رہی ہیں سوشل میڈیا پر یہ خوبصورت

تصاویر وائرل بھی ہو رہی ہیں. تصاویر کے کیپشن میں اداکارہ نے لکھا ہے کہ کسی کے لیے خود کو مکمل بنانے کی کوشش مت کریں، اس کا انتظار کریں جو آپ کے ادھورے پن سے محبت کرے۔اداکارہ کے اس کیپشن کو بہت زیادہ سراہا جا رہا ہے اور زیادہ تر سوشل میڈیا صارفین ان کے اس کیپشن سے متفق نظر آرہے ہیں. یاد رہے کہ نازش جہانگیر نے نہایت ہی کم عرصے میں اپنی پہچان بنائی ہے نازش کم مگر معیاری کام کرنے کو ترجیح دیتی ہیں.

بالی وڈ اداکار سیف علی خان جو انٹرویوز بھی کم کم دیتے ہیں وہ سوشل میڈیا پر بھی کم ہی دکھائی دیتے ہیں . انہوں نے اپنے حالیہ انٹرویو میں بتایا ہے کہ وہ کیوں ہیں سوشل میڈیا سے دور. سیف علی خان نے کہا کہ میں‌ نے بہت کوشش کی کہ میں سوشل میڈیا پر رہوں لیکن مجھے میرے نام کا کوئی ہینڈل نہیں مل سکا میرے نام کے اتنے ہینڈلز موجود ہیں کہ کیا بتائوں . دوسرا یہ کہ سوشل میڈیا کی دنیا میں آپ کو جھوٹ بہت زیادہ بولنا پڑتا ہے ، اور خاص کر ایسا جھوٹ کہ جس میں کسی کی جھوٹی تعریف کرنی پڑے میں یہ سب نہیں کر سکتا یہ میرا مزاج ہی نہیں ہے. اس

لئے میں سوشل میڈیا سے دور رہتا ہوں . مجھے لگتا ہے کہ میں جو ہوں جہاں ہوں بالکل ٹھیک ہوں. سیف علی خان نے کہا کہ مجھے ویسے بھی سوشل میڈیا کے مزاج کی سمجھ ہی نہیں آتی اس لئے مجھے لگتا ہے کہ مجھے اس سے دور ہی رہنا چاہیے. یوں سیف علی خان نے بتا دیا کہ وہ سوشل میڈیا سے آخر دور کیوں رہتے ہیں. یاد رہے کہ سیف علی خان کی حال ہی میں فلم کرم ویدھیا ریلیز ہوئی ہے یہ فلم باکس آفس پر خاص کمال نہیں دکھا سکی اس فلم میں سیف کے ساتھ ہرتیک روشن بھی دکھائی دئیے ہیں.

سوشل میڈیا سے راتوں رات شہرت کی بلندیوں پر پہنچنے والی دنانیر مبین آج کل نیویارک میں ہیں انہوں نے حال ہی میں اپنے انسٹاگرام اکائونٹ سے ایک وڈیو جاری کی ہے جس میں وہ نیویارک کے مختلف شہروں میں مختلف مقامات پر دیکھی جا سکتی ہیں . وہ اس وڈیو میں سیر سپاٹے اور مستیاں‌ کرتی ہوئی دکھائی دے رہی ہیں. دنانیر وڈیو میں خاصی خوبصورت لگ رہی ہیں. انکی یہ وڈیو ان کے مداح خاصی پسند کررہے ہیں. دنانیر مبین اکثر سوشل میڈیا پر ایسی وڈیوز ڈالتی رہتی ہیں جن کو عوامی سطح پر کافی پذیرائی ملتی ہے ان کی ھالیہ اس وڈیو کو بھی خاصی پذیرائی مل رہی ہے. یاد رہے کہ دنانیر مبین نے سوشل میڈیا سے شہرت حاصل کی انہوں نے اپنی سہیلیوں کے ساتھ ایک وڈیو

سوشل میڈیا پر پوسٹ کی جس میں یہ کہہ رہی ہیں کہ یہ میں ہوں یہ میری فرینڈز ہیں اور ہماری پارٹی ہو رہی ہے. اس وڈیو نے پاکستان کے ساتھ ساتھ بھارت سمیت پوری دنیا میں‌مقبولیت حاصل کی اور دنانیر کے دیوانے بالی وڈ کے نامور ستارے بھی بن گئے. آج دنانیر پاکستان شوبز انڈسٹری کا ایک اہم نام ہیں وہ ڈراموں میں کام کررہی ہیں وہ مختلف ایونٹس میں بطور مہمان خصوصی بھی شرکت کرتی ہیں. یوں سوشل میڈیا نے ان کی قسمت کا ستارہ بلند کر دیا .

ماڈل و اداکارہ ونیزہ احمد نے ماڈلنگ کی دنیا میں بہت زیادہ کام کیا ہے. ایک وقت تھا کہ ماڈلنگ کی دنیا میں ان کے نام کا ڈنکا بجتا تھا. وینزہ نے بہت ہی گریس کے ساتھ کام کیا اور جب انہیں لگا کہ کیمرے کی آنکھ کو یہ کھلنے لگی ہیں تو انہوں نے ماڈلنگ چھوڑ دی. ونیزہ احمد نے حال ہی میں ایک ٹی وی پروگرام میں شرکت کی وہاں ان سے سوشل میڈیا کے ھوالے سے کوئی سوال ہوا تو ونیزہ احمد نے دیا بہت ہی روکھا سا جواب کہنے لگیں کہ میں وہ ہوں ہی نہیں جو ہر وقت سوشل میڈیا پر اپنی تصاویر شئیر کرے اور کیا کھارہی ہے، کیا پی رہی ہے کیا کررہی ہے اسکی وڈیوز اور تصاویر

لگائے. میرا انسٹاگرام اکائونٹ بھی میں نے نہیں بنایا ہوا میری بھتیجی وہاں میری تصاویر شئیر کردیتی ہے میں زیادہ استعمال نہیں کرتی میں سوشل میڈیا والی قوم ہی نہیں ہوں. انہوں نے مزید یہ بھی کہا کہ ایک اداکارہ (آئزہ خان) کہ حال ہی میں‌12 ملین فالورز ہوئے ہیں اس کی انسٹاگرام آئی ڈی دیکھی تو وہاں تصویروں کے علاوہ کچھ نہ تھا تو ٹھیک ہے جو لوگ اس طرح سے کمفرٹیبل ہیں توان کی مرضی لیکن میں سوشل میڈیا پر ہر وقت اپنی تصاویر اور مصروفیت کو شئیر کرنا پسند نہیں کرتی.

آج کل ٹک ٹاک پر چھائی رہنے والی سینئر اداکارہ شگفتہ اعجاز کا حال ہی میں عاکف الیاس نے ایک شوٹ کیا ہے، اس شوٹ میں شگفتہ اعجاز بہت زیادہ بدلی ہوئی لگ رہی ہیں. ان کا میک اپ اور لباس اس قسم کا ہے کہ وہ لگ ہی نہیں رہیں کہ ایک عمر رسیدہ خاتون ہیں. عاکف الیاس کے میک اپ کی یہی خوبی ہے کہ وہ چہرے بدل کر رکھ دیتے ہیں اور دیکھنے والے حیران رہ جاتے ہیں . میک اپ میں تجربات کرتے رہنے والے عاکف الیاس کا میک اپ ہمیشہ سے ہی الگ اور منفرد رہا ہے. عاکف الیاس شگتفہ اعجاز سے قبل بھی بہت ساری اداکارائوں کے میک اپ کر چکے

ہیں اور ان شوٹس کو دیکھا جائے تو دیکھنے والی آنکھ دنگ رہ جاتی ہے. شگفتہ اعجاز کا میک اپ ،شوٹ اور لباس مداح بہت زیادہ پسند کررہے ہیں، عاکف الیاس کی شوٹس کی یہ خوبی ہے کہ یہ عریانی پر یقین نہیں رکھتے نہ ہی بولڈ ڈریسز پر یقین رکھتے ہیں. شگفتہ اعجاز کے حالیہ شوٹس کی تصاویر انٹرنیٹ پر وائرل ہو رہی ہیں ہر کوئی ان کی تعریف کررہا ہے، مداحوں نے تو اداکارہ کی وائٹ شرٹ میں تصاویر کوبھارتی اداکارہ ٹوئنکل کھنہ سے ملا دیا ہے اور کہا ہے کہ سفید رنگ کی شرٹ کی تصاویر میں شگفتہ اعجاز بالکل ٹونکل کھنہ کی طرح لگ رہی ہیں.

کہا جاتا ہے کہ جو انسان اپنی غلطی کا اعتراف کر لے وہ بڑا پن کا مظاہرہ کرتا ہے. ایسے ہی بڑے پن کا مظاہرہ اداکارہ ریشم نے کیا ہے. چند روز قبل ان کی ایک وڈیو بہت زیادہ وائرل ہوئی جس میں وہ دریا کے کنارے کھڑی ہوکر مچھیلوں کو خوراک ڈال رہی ہیں اسی دوران انہوں نے دریا میں شاپر بیگ بھی پھینک دئیے. جس پر انہیں کافی برا بھلا کہا گیا اور ان پر تنقید کی گئی.اداکارہ نے گزشتہ روز سوشل میڈیا پر ایک وڈیو جاری کی جس میں انہوں نے معافی مانگ لی. اداکارہ نے وڈیو میں کہا کہ ” میری معذرت قبول کیجیے ، جو کچھ بھی ہوا نہیں ہونا چاہیے تھا ، وہ سب بے

دھیانی بے خیالی میں ہوا، میں ذاتی طور پر ہر قسم کی آلودگی کے خلاف ہوں اور ہر قسم کی آلودگی سے ملک کو پاک رکھنا ہم سب کا فرض ہے. انسان ہوں غلطیاں ہوجاتی ہیں یقین کیجیے یہ میرے کیرئیر کی سب سے بڑی غلطی تھی کوشش کروں گی کہ ایسی غلطی پھر کبھی دوبارہ نہ ہو.دل کی گہرائیوں سے میری معذرت قبول کیجیے. یاد رہے کہ ریشم دو دن تک کافی زیادہ تنقید کی زد میں رہیں آخر کار ان کو معافی مانگنا پڑی اور انہوں نے بہت ہی گریس کے ساتھ معافی مانگ لی ، جسے سوشل میڈیا پر کافی سراہا جا رہا ہے اور کہا جا رہا ہے کہ ریشم نے معافی مانگ کر بڑے پن کا مظاہرہ کیا ہے.