Tag: سی ٹی ڈی

پشاور: صوبائی کاؤنٹر ٹیررازم ڈیپارٹمنٹ (سی ٹی ڈی) نے تھریٹ الرٹ جاری کرتے ہوئے کہا ہے کہ افغانستان میں مقیم ایک قاتل کو سابق وزیراعظم عمران خان کو نشانہ بنانے کا ٹاسک سونپا گیا ہے جو ممکنہ طور پر حملہ کرسکتا ہے۔

باغی ٹی وی : خبررساں ادارے دی نیوز کے مطابق سی ٹی ڈی خیبر پختونخوا نے تھریٹ الرٹ جاری کیا جس میں کہا گیا ہے کہ دہشتگرد، سابق وزیر اعظم عمران خان کے قتل کی منصوبہ بندی کررہے ہیں دہشتگردوں نے افغانستان کے ایک قاتل کی خدمات حاصل کی ہیں جو ممکنہ طور پر حملہ کرسکتا ہے۔

بلوچستان کےآئندہ مالی سال کا بجٹ آج پیش کیاجائے گا

حالیہ دنوں میں پی ٹی آئی کے رہنما ان خدشات کا اظہار کرچکے ہیں کہ سابق وزیراعظم کو قتل کرنے کے لیے ایک ٹارگٹ کلر کی خدمات حاصل کی گئی ہیں۔

مذکورہ تھریٹ الرٹ کے متن کا اشتراک مختلف فورمز پر کیا گیا ہے جس کے مطابق افغانستان کے ایک قاتل کو ذمہ داری دی گئی ہے کہ وہ عمران خان کو ٹارگٹ کرے جب کہ قاتل نے یہ ذمہ داری دوسروں کے سپرد کی تھی، تمام متعلقہ اداروں کو ہدایت جاری کی گئی ہے کہ وہ تھریٹ الرٹ کے تناظر میں سابق وزیر اعظم کی سکیورٹی کے لیے ہر ممکن اقدامات کریں۔

خیبر پختونخوا کے ایک سینئر پولیس افسر نے تصدیق کی ہے کہ سی ٹی ڈی نے تھریٹ الرٹ 18 جون کو جاری کیا تھادلچسپ بات یہ ہے کہ تھریٹ الرٹ میں کہا گیا ہے کہ اسے خفیہ رکھا جائے اور سوشل میڈیا پر اسے لیک نہ کیا جائے۔

پی ٹی آئی رہنما فیاض الحسن چوہان نے ٹوئٹ کی تھی کہ رپورٹس ہیں کہ ایک دہشتگرد کو عمران خان کو ٹارگٹ کرنے کی ذمہ داری دی گئی ہے جب کہ پی ٹی آئی کے ایک ورکر نے ایسی ہی بات کی کہ قاتل نے اسلام آباد اور راولپنڈی کے جڑواں شہروں میں ایک گھر بھی حاصل کرلیا ہے۔

فافن کی حلقہ این اے 240 کے حوالے سے جاری رپورٹ میں حیران کن انکشافات

ماضی میں بھی متعدد سیاسی رہنماؤں سے متعلق تھریٹ الرٹس جاری کیے گئے تھے جس میں متعلقہ اداروں سے سخت سکیورٹی فراہم کرنے کا کہا گیا تھا۔

ڈی آئی جی سی ٹی ڈی کے دفتر سے جاری تھریٹ الرٹ میں متعلقہ حکام کو پی ٹی آئی چیئرمین کے لیے حفاظتی اقدامات کرنے کی ہدایت کی گئی ہے۔

دریں اثنا، وفاقی تحقیقاتی ادارے (ایف آئی اے) نے انسانی اسمگلنگ میں ملوث ایک گروہ کا پردہ فاش کیا ہے یک اہلکار نے بتایا کہ ایف آئی اے کے انسداد انسانی سمگلنگ سیل نے گینگ کے چار ارکان کو گرفتار کیا، جو لوگوں کو ایران کی سرحد پر لے جاتے تھے اور انہیں غیر قانونی قید میں ڈال کر تشدد کا نشانہ بناتے تھے اور بعد ازاں ان کی ویڈیوز متاثرین کے اہل خانہ کو بھیج کر بھتہ کا مطالبہ کرتے تھے۔

اہلکار نے بتایا کہ ایف آئی اے کی ایک ٹیم نے قصہ خوانی بازار پر چھاپہ مارا جہاں انہوں نے پشاور کے رہائشی ایک افغان شہری حبیب الرحمان اور ضلع کرم کے رہائشی لیاقت حسین کو گرفتار کیا۔ اس مقدمے میں دو دیگر انسانی سمگلروں، اختر گل اور عزیز مہمند کو پہلے ہی گرفتار کیا جا چکا ہے۔

عمران خان کا ضمنی انتخابات کی انتخابی مہم کا حصہ بننے کا فیصلہ

حیدرآباد: سی ٹی ڈی نے بڑی کارروائی کرتے ہوئے بھاری مقدار میں بم تیار کرنے کا سامان برآمد کر لیا ہے۔

باغی ٹی وی: سی ٹی ڈی کے ترجمان کے مطابق کارروائی کے دوران برآمد ہونے والے سامان میں نٹ بولڈ، بال بیرنگ، وائر اور بم بلاسٹ کرنے والا ریموٹ شامل ہے کارروائی صدر کراچی دھماکے کے ہلاک مبینہ دہشت گرد کے سہولت کارکی نشاندہی پر کی گئی ہے۔

دس کروڑ تاوان کیلیے اغوا کیا گیا بچہ پولیس نے کروایا بازیاب

سی ٹی ڈی حکام نے اس ضمن میں تفتیش کے بعد دعویٰ کیا ہے کہ گرفتار مبینہ دہشت گرد کا تعلق کالعدم تنظیم سے ہے۔

گرفتارمبینہ دہشت گرد کےحوالے سے سی ٹی ڈی حکام کا کہنا ہے کہ وہ ریلوے ٹریک اور بجلی کی ہائی ٹرانسمیشن لائن دھماکوں میں ملوث تھا گرفتارمبینہ دہشت گرد کو گزشتہ ہفتے حیدرآباد سے گرفتار کیا گیا، مبینہ دہشت گردکے خلاف دہشت گردی کے مقدمات درج ہیں۔

واضح رہے کہ کاروباری علاقے صدر میں ہونے والے دھماکے کا مقدمہ درج تھانہ سی ٹی ڈی میں کیا گیا تھا جب کہ مقدمے کے مدعی ایس ایچ او تھانہ پریڈی سجاد خان تھے مقدمے میں قتل، اقدام قتل،انسداد دہشت گردی،ایکسپلوسیوایکٹ اور املاک کو نقصان پہنچانے کی دفعات شامل کی گئی ہیں۔ مقدمہ کالعدم تنظیم کے نامعلوم کارندوں کے خلاف درج کیا گیا تھا۔

خواتین پر چوری کا الزام لگا کر تشدد کرنے والے 6 ملزمان گرفتار

درج مقدمے میں مؤقف اختیار کیا گیا تھا کہ مددگار ون فائیو پردھماکے کی اطلاع ملی، پولیس پہنچی تو9 گاڑیاں، 4 موٹر سائیکلیں اور10 افراد متاثرتھےبم ڈسپوزل اسکواڈ،کرائم سین یونٹ اوردیگرپولیس موبائلز کو طلب کیا گیا، حملہ ڈھائی کلوبارودی مواد سے کیا گیا۔

ایس ایچ او پریڈی کی مدعیت میں درج کیے جانے والے مقدمے میں کہا گیا تھا کہ ٹائم ڈیوائس ٹیکنک کا استعمال کرتے ہوئے دہشت گردوں نے سائیکل میں بم نصب کیا تھا، دھماکےکے نتیجے میں ایک شخص ہلاک اور دس زخمی ہوئے انٹیلی جنس ذرائع سے اطلاع ملی کہ سوشل میڈیا پر کالعدم علیحدگی پسند دہشت گرد تنظیم نے قبول کی۔

ایف آئی اے سائبر کرائم ونگ کے اسسٹنٹ ڈائریکٹر کے گھر پر نامعلوم افراد کی فائرنگ

سی ٹی ڈی کی کاروائی کا لعدم تنظیم بلوچستان لبریشن آرمی (بی ایل اے) فراری گروپ کے 3 دہشتگردوں کو گرفتار کرکے ملزمان کے قبضے سے بھاری مقدار میں اسلحہ اور بارودی مواد برآمد کر لیا گیا۔

باغی ٹی وی : ترجمان سی ٹی ڈی کے مطابق کالعدم تنظیم بی ایل اے فراری گروپ کے 3 دہشتگردوں کو گرفتار کر کے ملزمان کے قبضے سے 11 ہینڈ گرینیڈ، 50 ڈیٹونیٹرز اور 15 سیفٹی فیوز برآمد کیے گئے ملزمان بلوچستان اور سندھ سے بارودی مواد اور غیر قانونی اسلحے کی خرید و فروخت کرتے تھے۔

گرفتار دہشتگردوں کو ضمانت نہیں ملنی چاہئے،مرتضی وہاب

پولیس حکام کے مطابق گرفتار ملزمان میں سے ایک ملزم سال 2005 میں آرمی کے کانوائے پر حملہ میں ملوث رہا ہے جبکہ دو دہشتگردوں نے رواں برس جنوری میں 22 کلو بارودی مواد جیکب آباد سے سکھر منتقل کیا تھا۔

سی ٹی ڈی حکام کا کہنا ہے کہ گرفتار ملزمان سے مزید تفتیش جاری ہے۔

کالعدم علیحدگی پسند تنظیم کے دو دہشتگرد ہلاک جبکہ دو دہشتگرد گرفتار

قبل ازیں کراچی میں ہونے والے حالیہ دہشت گردی کے واقعات میں ملوث دہشت گردوں کے خلاف کاونٹرٹیررازم ڈپارٹمنٹ سندھ کا انٹلیجنس بیسڈ آپریشن کے دوران کالعدم سندھ علیحدگی پسند تنظیم سندھ ریولوشنری آرمی SRA کے دو دہشتگرد وں کوہلاک جبکہ دو دہشت گردوں کو گرفتارکیا گیا تھا گرفتار ملزمان سے دھماکہ خیز مواد اور اسلحہ بھی برآمد ہوا،جبکہ کارروائی کی دوران ایک دہشت گرد فرار ہونے میں کامیاب ہو گیا تھا-

سی پیک کیخلاف بھارتی عزائم،مبشر لقمان کے اگست میں کئے گئے تہلکہ خیز انکشافات کی وزیر خارجہ نے کی تصدیق

کراچی میں حالیہ دہشت گردی کے واقعات کے پیش نظر ایڈیشنل آئی جی سی ٹی ڈی سندھ کے احکامات پر اسپیشل ٹیمیں تشکیل دی گئی جس کے تحت جدید ٹیکنیکی اور انٹلیجنس زرائع کو استعمال کرتے ہوئے کالعدم سندھ علیحدگی پسند تنظیم سندھ ریولوشنری آرمی SRA کے نیٹ ورک کو بریک کیا اور کراچی کے علاقے صدر میں ہونے والے بم دھماکہ میں ملوث دہشت گردوں کا سراغ لگاتے ہوئےحال ہی میں کراچی کے علاقے پانچ سوکوارٹر روڈ، موچکو تھانہ کی حدود میں SRA کمانڈر اصغر شاہ کی ہدایت پر دھماکہ خیز مواد اور دیگر آلات کو محفوظ مقام پر منتقل کرنے کے غرض سے نکلنے والے تین دہشتگردوں کو موٹر سائیکل پر جاتے ہوئے پایا جس پر انہیں روکنے کی کوشش کی تو موٹر سائیکل سوار ملزمان نے پولیس پارٹی پر فائرنگ شروع کردی جوابی فائرنگ کے نتیجے میں دو دہشتگرد ہلاک ہوگئے جبکہ ایک موٹر سائیکل سوار فرار ہونے میں کامیاب ہو گیا. ہلاک دہشت گردوں کی شناخت اللہ ڈینو ولد نواب علی اور نواب علی ولد امیر علی کے ناموں سے ہوئی تھی-

پاک فوج کے ریٹائرڈ افسران کے نام سے جعلی ٹویٹر اکاؤنٹس سیاسی جماعت استعمال کرنے لگی

کراچی:مسلسل دھماکے اور سی ٹی ڈی کا کردارسامنےآگیا،اطلاعات کے مطابق شہر قائد میں حالیہ دہشت گردی کے واقعات میں ماضی کی طرح انچارج سی ٹی ڈی راجہ عمر خطاب کا طرز عمل وہی رہا، ہر واقعے کے بعد وہ جائے وقوعہ پر تاخیر سے پہنچتے ہیں۔

ذرائع کے مطابق ایک طرف کراچی دہشت گردی کے واقعات کی زد میں آ گیا ہے، اور دوسری طرف انچارج سی ٹی ڈی راجہ عمر خطاب جائے وقوعہ پر صرف مشہوری کے لیے حاضری دینے کا رویہ برقرار رکھے ہوئے ہیں۔

چند دن قبل صدر دھماکے کے بعد بھی انچارج سی ٹی ڈی جائے وقوعہ پر تاخیر سے پہنچے تھے، اور گزشتہ رات بولٹن مارکیٹ دھماکے میں بھی راجہ عمر خطاب تاخیر سے مشہوری کے لیے پہنچے، انھوں نے پریس کانفرنس کی اور چلتے بنے۔

میڈیا سے گفتگو میں انھوں نے کہا ابتدائی تحقیقات کے مطابق بم موٹر سائیکل میں نصب تھا، اور پولیس موبائل ٹارگٹ تھی، آج کے اور صدر دھماکے میں مماثلت ہے۔

واضح رہے کہ گزشتہ رات کراچی میں بولٹن مارکیٹ میمن مسجد کے قریب اقبال کلاتھ مارکیٹ میں دھماکے میں ایک خاتون جاں بحق اور بچے سمیت 11 افراد زخمی ہو گئے ہیں۔

زخمیوں میں اے ایس آئی سمیت 2 اہل کار شامل ہیں، دھماکے میں کھارادر تھانے کی موبائل تباہ، کئی موٹر سائیکلوں اور رکشے کو نقصان پہنچا، سی سی ٹی وی فوٹیجز سے دھماکے کی شدت کا اندازہ لگایا جا سکتا ہے۔

وزیر اعلیٰ سندھ مراد علی شاہ کہتے ہیں کراچی میں دہشت گرد متحرک ہو رہے ہیں، یہ دہشت گردی کا مسلسل تیسرا واقعہ ہے، پولیس اور ادارے اپنا انٹیلیجنس کا کام تیز کریں۔