Tag: شرجیل میمن

کراچی: سندھ کے سینئر وزیر شرجیل انعام میمن کی زیر صدارت اعلیٰ سطح کا اجلاس منعقد ہوا جس میں کراچی کے ریڈ لائن بی آر ٹی منصوبے کی پیشرفت کا جائزہ لیا گیا۔ اجلاس میں سیکریٹری ٹرانسپورٹ اسد ضامن، سی ای او ٹرانس کراچی طارق منظور چانڈیو، بین الاقوامی کنسلٹنٹس اور دیگر متعلقہ حکام نے شرکت کی۔

اجلاس میں ریڈ لائن بی آر ٹی منصوبے کے مختلف پہلوؤں پر تفصیل سے بات چیت کی گئی، جس میں بس ڈیپوز اور ٹرمینلز کی تعمیراتی پیشرفت، یوٹیلیٹیز کی منتقلی میں درپیش چیلنجز اور دیگر اہم معاملات شامل تھے۔ سی ای او ٹرانس کراچی طارق منظور چانڈیو نے منصوبے کی پیشرفت کے بارے میں بریفنگ دی اور تعمیراتی کاموں کی موجودہ صورتحال پر روشنی ڈالی۔بین الاقوامی کنسلٹنٹس نے منصوبے کے تعمیراتی عمل میں بین الاقوامی معیار کو یقینی بنانے کے لیے اپنی تکنیکی سفارشات پیش کیں۔ انہوں نے چیلنجز سے نمٹنے اور منصوبے کی تکمیل میں تیزی لانے کے لیے اپنی تجاویز دی۔

اجلاس کے دوران سندھ کے سینئر وزیر شرجیل انعام میمن نے کہا کہ ریڈ لائن بی آر ٹی منصوبہ کراچی کے بنیادی ڈھانچے کو جدید بنانے کی جانب ایک اہم قدم ہے۔ انہوں نے اس بات کا اعادہ کیا کہ حکومت سندھ منصوبے کی بروقت تکمیل کے لیے تمام ممکنہ اقدامات کر رہی ہے تاکہ عوام کو جدید، موثر اور ماحول دوست ٹرانسپورٹیشن سسٹم فراہم کیا جا سکے۔انہوں نے مزید کہا کہ "چیلنجز سے نمٹنے اور پراجیکٹ کی ٹائم لائنز کو پورا کرنے کی کوششیں کی جا رہی ہیں، اور اس میں مزید تاخیر کے متحمل نہیں ہو سکتے۔” شرجیل انعام میمن نے محکمہ ٹرانسپورٹ کو یوٹیلیٹی سروس فراہم کرنے والوں کے ساتھ قریبی رابطہ برقرار رکھنے کی بھی ہدایت کی تاکہ یوٹیلیٹیز کی منتقلی اور تعمیرات میں تیزی لائی جا سکے۔

ریڈ لائن بی آر ٹی منصوبہ کراچی کے وسیع تر ماس ٹرانزٹ منصوبے کا سنگ بنیاد ہے اور یہ 26 کلومیٹر پر محیط ہے۔ یہ منصوبہ شہر کے ٹریفک کے دبائو کو کم کرنے اور روزانہ ہزاروں مسافروں کو سہولت فراہم کرنے کی صلاحیت رکھتا ہے۔ شرجیل انعام میمن نے اس منصوبے کو کراچی کے شہریوں کے لیے "گیم چینجر” قرار دیا اور کہا کہ یہ شہر کے ٹرانسپورٹ سسٹم کو نہ صرف جدید بنائے گا بلکہ ماحول دوست اور موثر بھی بنائے گا۔شرجیل انعام میمن نے کہا کہ حکومت سندھ کراچی کے شہریوں کے لیے جدید، موثر اور ماحول دوست ٹرانسپورٹیشن سسٹم فراہم کرنے کے لیے پرعزم ہے اور ریڈ لائن بی آر ٹی منصوبے کی تکمیل کے بعد شہر میں ٹریفک کی صورتحال میں نمایاں بہتری آئے گی۔انہوں نے اس عزم کا اظہار کیا کہ حکومت سندھ اس منصوبے کی کامیاب تکمیل کے لیے تمام ضروری وسائل فراہم کرے گی اور تمام اسٹیک ہولڈرز کے ساتھ مل کر اس کی تکمیل کو یقینی بنائے گی۔

ریڈ لائن بی آر ٹی منصوبہ کراچی کی ترقی اور شہریوں کی سہولت کے لیے ایک سنگ میل ثابت ہوگا، اور اس کی کامیاب تکمیل کے بعد شہر میں ٹرانسپورٹ کے مسائل میں نمایاں کمی متوقع ہے۔ حکومت سندھ اس منصوبے کو بروقت اور بہترین معیار کے ساتھ مکمل کرنے کے لیے تمام ضروری اقدامات کر رہی ہے تاکہ کراچی کے شہریوں کو ایک بہتر اور جدید ٹرانسپورٹ سروس فراہم کی جا سکے۔

سازش کے تحت کراچی سے کاروبار کو باہر منتقل کروایا گیا، شرجیل میمن

سوشل میڈیا کے غلط استعمال میں پی ٹی آئی کے لیڈر کا ہاتھ ہے،شرجیل میمن

کراچی میں گیس کی لوڈشیڈنگ،شرجیل میمن کا اظہار تشویش

سندھ کے سینئر صوبائی وزیر، وزیر اطلاعات شرجیل انعام میمن نے کہا ہے کہ پیپلز پارٹی چاہتی ہے جو وعدے حکومت نے کئے وہ پورے کئے جائیں،

شرجیل میمن کا کہنا تھا کہ سوشل میڈیا کے غلط استعمال میں پی ٹی آئی کے لیڈر کا بہت بڑا ہاتھ ہے، پیپلز پارٹی کے چیئرمین بلاول کے جو تحفظات ہیں وہ عوام سے متعلقہ ہیں، پیپلز پارٹی چاہتی ہے وفاقی حکومت وعدے پورے کرے، بلاول نے مختلف اوقات میں مسائل کی نشاندہی کی، آصف زرداری کا کردار ہمیشہ مفاہمت کا رہا ہے، انہوں نے کوشش کی کہ ن لیگ اور پیپلز پارٹی ساتھ بیٹھیں، چیزیں فوری ٹھیک نہیں ہوتیں، ن لیگ کی طرف سے یہ بھی نہیں کہا گیا کہ پیپلز پارٹی کی ڈیمانڈ غلط ہیں،وہ پوری ہونی چاہئے،

شرجیل میمن کا مزید کہنا تھا کہ کل بلاول زرداری نے ایک خطاب کیا اس میں کہا کہ آج کل ملکی نوجوانوں کے لئے انفراسٹرکچر ان کے لئے ڈیجیٹل رائٹس ہیں، ہماری نوجوان نسل تا کہ انٹرنیشنلی کام کر سکے، آئی ٹی کے شعبے میں ہمارے نوجوان آگے جا سکیں، حکومت کی جانب سے اس ضمن میں بندشیں ہیں،پیپلز پارٹی ان مسائل کی نشاندہی کر رہی ہے، وفاقی حکومت میں ن لیگ ہے، پیپلز پارٹی اتحادی نہیں، نہ ہی حکومت کا حصہ، ہم مسائل کی نشاندہی کر رہے ہیں،ہم حکومت کی گاڑی کو روکنا نہیں چاہتے، ہم ملک میں آئینی بحران نہیں پیدا کرنا چاہتے،پارلیمنٹ موجود ہے، اسمبلیاں موجود ہیں، مسائل کا حل نکل سکتا ہے،انٹرنیٹ کا مسئلہ وزیراعظم حل کر سکتے ہیں، ہم چاہتے ہیں کہ نوجوانوں‌کو بلاتعطل انٹرنیٹ ملے، ہم یہ نہیں چاہتے کہ ٹویٹر پر لوگ بیٹھ کر گالیاں دیں، پی ٹی آئی یہ کلچر لے کر آئی، ایسے کاروباری افراد ہیں، فرمز ہیں جن کا روزگار انٹرنیٹ سے منسلک ہے، جو چیز اچھے کام کے لئے استعمال ہوتی اسکو پی ٹی آئی نے منفی، بدتمیزی کلچر کے لئے استعمال کیا،

کراچی میں گیس کی لوڈشیڈنگ،شرجیل میمن کا اظہار تشویش

خیبر پختونخوا حکومت اداروں سے لڑنے کی بجائے دہشتگردوں سے لڑے،شرجیل میمن

سندھ کے سینئر صوبائی وزیر،وزیر اطلاعات شرجیل میمن نے گیس لوڈشیڈنگ کے مسئلے پر شدید تشویش کا اظہار کرتے ہوئے کہا ہے کہ گیس کی فراہمی میں خلل کے باعث نہ صرف عوامی زندگی متاثر ہو رہی ہے بلکہ صنعتی سرگرمیاں بھی بری طرح متاثر ہو رہی ہیں۔ کراچی سمیت سندھ میں گیس لوڈشیڈنگ کا سامنا بہت زیادہ بڑھ گیا ہے اور صوبہ اس صورتحال کا مزید متحمل نہیں ہو سکتا۔

شرجیل میمن کا کہنا تھا کہ گیس کی قلت نے عوام میں بے یقینی اور مایوسی پیدا کر دی ہے۔ ان کا کہنا تھا کہ عوام اور کاروباری حلقوں کا اعتماد کم ہو رہا ہے اور صنعتی پیداوار میں کمی آ رہی ہے جس سے معیشت پر منفی اثرات مرتب ہو رہے ہیں۔انہوں نے وفاقی حکومت سے درخواست کی کہ سردیوں کے مہینوں میں گیس کی بلا تعطل فراہمی کو یقینی بنایا جائے۔ ان کا کہنا تھا کہ اگر سردیوں میں گیس کی فراہمی میں مزید خلل پڑا تو اس سے نہ صرف کراچی بلکہ پورے سندھ میں معاشی مشکلات بڑھ جائیں گی۔ وفاقی حکومت فوری طور پر گیس کی قلت کے مسئلے کو حل کرے تاکہ عوام اور صنعتی شعبے کو اس بحران سے نجات مل سکے۔

انہوں نے یہ بھی کہا کہ کراچی پاکستان کا تجارتی مرکز ہے اور یہاں گیس کی کمی کے اثرات پورے ملک کی معیشت پر پڑ رہے ہیں۔ اگر گیس کی فراہمی بہتر نہ ہوئی تو صنعتی یونٹس کی پیداوار میں مزید کمی آ سکتی ہے جس سے روزگار کے مواقع میں کمی اور مہنگائی میں اضافہ ہو گا۔ سندھ کے عوام اور کاروباری حلقے اس وقت بے چین ہیں اور وفاقی حکومت سے فوری اقدامات کی توقع رکھتے ہیں تاکہ گیس کی فراہمی میں رکاوٹوں کا خاتمہ ہو سکے اور عام آدمی کو سکون کی زندگی گزارنے کا موقع مل سکے۔

خیبر پختونخوا حکومت اداروں سے لڑنے کی بجائے دہشتگردوں سے لڑے،شرجیل میمن

سندھ سرمایہ کاروں کو مکمل تحفظ فراہم کرے گا، شرجیل میمن

پاکستان سرمایہ کاری کے لحاظ سے دنیا کا بہترین ملک ہے ،شرجیل میمن

کراچی: محکمہ اطلاعات حکومت سندھ نے فلم اور ڈرامہ انڈسٹری سے وابستہ افراد کی معاونت کے لئے ایک اہم قدم اٹھاتے ہوئے "فلم اور ڈرامہ پراڈکشن بورڈ” کے قیام کا فیصلہ کیا ہے۔ اس بورڈ کا مقصد سندھ کے ثقافتی ورثے کو اجاگر کرنے اور اس شعبے سے جڑے افراد کی معاونت کرنا ہے۔

سندھ کابینہ کی منظوری کے بعد اس فیصلے کا اعلان سندھ کے سینئر وزیر اور محکمہ اطلاعات کے وزیر شرجیل انعام میمن کی زیر صدارت ہونے والے ایک اہم اجلاس میں کیا گیا۔ اجلاس میں محکمہ اطلاعات کے دیگر حکام اور شعبہ تعلقات عامہ کے نمائندگان نے بھی شرکت کی۔شرجیل انعام میمن نے اجلاس کے دوران اس بات پر زور دیا کہ "فلم اور ڈرامہ پراڈکشن بورڈ” کا قیام سندھ کی ثقافتی نمائندگی اور تخلیقی صلاحیتوں کو فروغ دینے کے لئے کیا جا رہا ہے۔ ان کا کہنا تھا کہ حکومت سندھ کا مقصد صوبے کے گوناگوں کلچر اور تاریخی تہذیب کو اجاگر کرنا ہے تاکہ دنیا بھر میں سندھ کی مثبت شناخت کو فروغ دیا جا سکے۔

شرجیل انعام میمن نے مزید کہا کہ "فلم اور ڈرامہ کے توسط سے ہمیں معاشرتی برائیوں کے بارے میں شعور اجاگر کرنا ہے اور ان کے منفی اثرات کو ختم کرنے کے لئے سول سوسائٹی، آرٹسٹوں اور دیگر مکتبہ فکر کے افراد کو ایک ساتھ کام کرنا ہوگا۔” ان کا کہنا تھا کہ اس بورڈ کے قیام سے نہ صرف نئے ٹیلنٹ کو فروغ ملے گا بلکہ اس سے سماجی مسائل پر بھی روشنی ڈالی جا سکے گی۔وزیر اطلاعات نے اس بات پر زور دیا کہ حکومت سندھ کا ارادہ ہے کہ وہ سندھ کے مختلف ثقافتی پہلوؤں کو دنیا کے سامنے لائے، جس کے ذریعے نہ صرف مقامی سطح پر بلکہ عالمی سطح پر بھی سندھ کی تخلیقی صلاحیتوں کو تسلیم کیا جائے۔ "سندھ کا ثقافتی ورثہ بے شمار رنگوں اور قسموں میں بٹا ہوا ہے اور اس کی منظر کشی عالمی سطح پر اہمیت رکھتی ہے”، شرجیل انعام میمن نے کہا۔ بورڈ کی تشکیل کا مقصد فلم اور ڈرامہ انڈسٹری سے وابستہ افراد کی حمایت کرنا اور ان کے لئے مالی اور تخلیقی معاونت فراہم کرنا ہے۔ اس بورڈ کی مدد سے نئے پروجیکٹس کی معاونت اور ان کی مارکیٹنگ کی جائے گی تاکہ سندھ کے تخلیقی شعبے کو مزید ترقی مل سکے۔

شرجیل انعام میمن نے میڈیا انڈسٹری کو درپیش موجودہ چیلنجز کی جانب بھی اشارہ کیا اور کہا کہ میڈیا انڈسٹری کو مزید معاونت کی ضرورت ہے تاکہ وہ نہ صرف اپنے داخلی مسائل کو حل کر سکے بلکہ معاشرتی سطح پر مثبت تبدیلیاں بھی لا سکے۔اس اجلاس میں سیکریٹری اطلاعات ندیم الرحمان میمن، ڈائریکٹر ایڈورٹائزمنٹ محمد یوسف کابورو اور دیگر حکام نے بھی شرکت کی۔ ان تمام افراد نے محکمہ اطلاعات کی جانب سے اس اقدام کی بھرپور حمایت کی اور اس بات پر اتفاق کیا کہ اس بورڈ کے قیام سے سندھ کی فلم اور ڈرامہ انڈسٹری میں نئی زندگی کا آغاز ہوگا۔

محکمہ اطلاعات حکومت سندھ کا یہ فیصلہ سندھ کی ثقافت اور تخلیقی صلاحیتوں کو اجاگر کرنے کے لئے ایک اہم سنگ میل ثابت ہو سکتا ہے۔ اس بورڈ کی تشکیل سے نہ صرف مقامی فنکاروں اور تخلیقی افراد کو مدد ملے گی بلکہ عالمی سطح پر سندھ کے حوالے سے ایک مثبت تاثر بھی قائم ہو گا۔

خیبر پختونخوا حکومت اداروں سے لڑنے کی بجائے دہشتگردوں سے لڑے،شرجیل میمن

سندھ سرمایہ کاروں کو مکمل تحفظ فراہم کرے گا، شرجیل میمن

پاکستان سرمایہ کاری کے لحاظ سے دنیا کا بہترین ملک ہے ،شرجیل میمن

کراچی سے سکھر تک بلٹ ٹرین چلانے کامنصوبہ ہے،شرجیل میمن

سندھ کے سینئر وزیر،وزیر اطلاعات شرجیل میمن کا کہنا ہے کہ چینی وفد نے شعبہ ٹرانسپورٹ میں سرمایہ کاری میں دلچسپی ظاہر کی ہے،

پریس کانفرنس کرتے ہوئے شرجیل میمن کا کہنا تھا کہ چینی سرمایہ کاروں نے پاکستان میں سرمایہ کاری کے حوالے سے صدر آصف علی زرداری، وزیرِ اعلیٰ سندھ مراد علی شاہ اور دیگر حکام سے ملاقاتیں کی ہیں۔ ان ملاقاتوں میں چینی سرمایہ کاروں نے ای وی (الیکٹرک گاڑیوں) ٹیکسیوں اور ای وی بسوں کے پاکستان میں متعارف کرانے کا ارادہ ظاہر کیا ہے۔ محکمۂ ٹرانسپورٹ میں انقلابی اقدامات کیے گئے ہیں، جس کے ذریعے ہر شہری کو سستی اور معیاری سفری سہولت فراہم کی جائے گی۔ دھابیجی اکنامک زون میں دس سال ٹیکس ہالیڈے، مشنیری کی ٹیکس فری درآمد ہوگی، ہماری پہلی ترجیح لوگوں کو روزگار فراہم کرنا ہے،پبلک پرائیویٹ پارٹنرشپ کی گلوبل رینکنگ میں پاکستان چھٹے نمبر پر سندھ کی وجہ سے ہے، سندھ کے محکمہ ٹرانسپورٹ نےموٹر گاڑیوں کی فٹنس کےلیےنئے ایس او پیز نافذ کیئےہیں جو 1 دسمبر 2024 سے لاگو ہونگے اس اقدام کا مقصد سڑک کی حفاظت کو بہتر بنانا ماحولیاتی حالات کو بہتر بنانا اور قیمتی انسانی جانوں کےضیاع کو روکنا ہے،وفاقی حکومت ان عناصر کیخلاف کارروائی کرے جو انسانی اسمگلنگ میں ملوث ہیں، موٹر وہیکل فٹنس کے حوالے سے نئے ایس او پیز یکم دسمبر سے نافذ کر دیے گئے ہیں۔ اس اقدام کا مقصد عوام کو بہتر اور محفوظ سفری سہولت فراہم کرنا ہے۔ پرانے فٹنس کارڈز کو مسترد کیا جا رہا ہے اور نئے فٹنس کارڈز کے اجراء کے عمل کو شروع کیا جا چکا ہے۔

شرجیل میمن کا مزید کہنا تھا کہ پی ٹی آئی والے وفاقی اداروں سے لڑنے کے بجائے دہشت گردوں سے لڑیں اور اپنے صوبے کے لوگوں کے جان و مال کی حفاظت کریں جس کہ ذمہ داری آپ کی حکومت کے کندھوں پر ہے، پی ٹی آئی والے مذاکرات بھی گن پوائنٹ پر کرنا چاہتے ہیں۔ سیاسی عمل میں مسلسل مداخلت اور دھمکیوں کا سلسلہ جاری ہے، جو کہ جمہوریت کے لیے نقصان دہ ہے۔ خیبرپختونخوا بہادر لوگوں کا صوبہ ہے، لیکن وہاں کے حکمران نااہل ہیں۔ کے پی کے وزیرِ اعلیٰ عمران خان کی قیادت میں دہشت گردوں کے خلاف کوئی مؤثر حکمت عملی نہیں اپنائی جا رہی، حالانکہ صوبے کا سب سے بڑا چیلنج دہشت گردی ہے۔ کے پی کی حکومت کا سربراہ دھمکیوں کو پسند کرتا ہے، اور یہ وہی شخص ہے جس نے پہلے بل جلائے تھے، جو ایک قسم کی سول نافرمانی تھی، وزیرِ اعلیٰ کو چاہیے کہ دہشت گردوں کے خلاف ایک حکمت عملی تیار کرے تاکہ عوام کی جان و مال کی حفاظت کی جا سکے۔

شرجیل میمن کا مزید کہنا تھا کہ پیپلز پارٹی دسمبر کے مہینے میں مختلف تقاریب کا انعقاد کر رہی ہے، جن میں اہم ترین تقریب شہید بے نظیر بھٹو کی برسی کی ہوگی جو کہ گڑھی خدا بخش میں منائی جائے گی۔ یہ تقریب پارٹی کے کارکنوں کے لیے انتہائی اہمیت کی حامل ہے اور اس موقع پر پیپلز پارٹی کے عزم و حوصلے کو دوبارہ اجاگر کیا جائے گا،پیپلز پارٹی ہمیشہ عوام کے حقوق کی جنگ لڑے گی اور وہ کسی بھی قسم کی دھمکیوں یا سیاسی چالوں کے سامنے نہیں جھکے گی۔ پی ٹی آئی والے ہمیشہ اپنے مفادات کے لیے جمہوریت کو خطرے میں ڈالنے کی کوشش کرتے ہیں، لیکن پیپلز پارٹی کا عزم اور جرات انہیں شکست دے گی۔

وزیراعلیٰ پنجاب کا دورہ چین،13 ارب کی سرمایہ کاری کا وعدہ

سیاسی انتقام کا نشانہ بنانے کی روایت بانی چیئرمین پی ٹی آئی نے رکھی،عطا تارڑ

خواجہ آصف کا بہت احترام لیکن ان کی زبان آگ اگلتی ہے،شیر افضل مروت

سندھ کے سینئر صوبائی وزیر اور وزیر اطلاعات شرجیل میمن نے کہا ہے کہ کراچی میں ٹرانسپورٹ کے نظام کو مزید بہتر بنایا جا رہا ہے اور میڈیکل سٹی کے قیام کے لیے اقدامات اٹھائے جا رہے ہیں تاکہ شہر میں صحت کی سہولتیں مزید بہتر ہو سکیں۔

کراچی میں ایک تقریب سے خطاب کرتے ہوئے شرجیل میمن نے کہا کہ پاکستان دنیا کے بہترین ممالک میں شامل ہے جہاں سرمایہ کاری کے بے شمار مواقع موجود ہیں۔ ان کا کہنا تھا کہ پاکستان میں ہر طرح کا موسم، قدرتی وسائل، اور مختلف شعبوں میں ترقی کے لیے کئی مواقع ہیں جن سے دنیا بھر کے سرمایہ کار فائدہ اٹھا سکتے ہیں۔وزیر اطلاعات نے مزید کہا کہ سندھ حکومت تھر پارکر میں کوئلہ نکالنے کا منصوبہ تیار کر رہی ہے، جس کے ذریعے 200 سال تک بجلی پیدا کی جا سکتی ہے۔ ان کے مطابق، تھر پارکر میں کوئلہ کی وسیع مقدار کا موجود ہونا پاکستان کے توانائی کے بحران کے حل کے لیے ایک اہم قدم ثابت ہو سکتا ہے۔شرجیل میمن نے اس بات پر زور دیا کہ پاکستان پیپلز پارٹی کی سندھ حکومت نے پبلک پرائیویٹ پارٹنرشپ کے تحت ملک میں کئی کامیاب منصوبوں کی بنیاد رکھی ہے، جنہیں نہ صرف ملک بھر میں بلکہ بین الاقوامی سطح پر بھی سراہا گیا ہے۔ ان کا کہنا تھا کہ سندھ حکومت کی جانب سے متعارف کرائے گئے منصوبے عالمی سطح پر سرمایہ کاری کے لیے ایک نمونہ بنے ہیں، اور ان منصوبوں کی کامیابی نے دنیا بھر کے سرمایہ کاروں کی توجہ حاصل کی ہے۔

انہوں نے مزید کہا کہ چین کے سرمایہ کار مختلف شعبوں میں سرمایہ کاری میں گہری دلچسپی رکھتے ہیں، جن میں میڈیکل سٹی کے منصوبے کا قیام بھی شامل ہے۔ وزیر اطلاعات نے بتایا کہ یہ میڈیکل سٹی کراچی کے شہریوں کو عالمی معیار کی صحت کی سہولتیں فراہم کرے گا، اور اس منصوبے کی تکمیل سے شہر میں صحت کے نظام میں انقلابی تبدیلیاں آئیں گی۔شرجیل میمن کا کہنا تھا کہ سندھ حکومت مختلف منصوبوں کے ذریعے نہ صرف کراچی بلکہ پورے سندھ کے انفراسٹرکچر کو بہتر بنانے کی کوشش کر رہی ہے، تاکہ صوبے کی معاشی ترقی کو مزید تقویت ملے اور عوام کو بہتر سہولتیں فراہم کی جا سکیں۔انہوں نے مزید کہا کہ حکومتِ سندھ کی یہ تمام کاوشیں سندھ کے عوام کی فلاح و بہبود کے لیے ہیں اور ان کا مقصد ترقی کی راہوں پر مزید تیزی سے آگے بڑھنا ہے۔

کراچی سے سکھر تک بلٹ ٹرین چلانے کامنصوبہ ہے،شرجیل میمن

پی ٹی آئی بیرونی ایجنڈے پر چل رہی ہے، شرجیل میمن

حکومت سندھ ٹرانسپورٹ نظام کو جدید بنانے کی خواہاں ہے،شرجیل میمن

حقائق کو مسخ، عوام کو گمراہ کرنا جماعت اسلامی کی تاریخ رہی ہے، شرجیل میمن

کیا کوئی شخص گولیاں، شاٹ گن لے کر مظاہرے میں شریک ہوتا ہے؟ شرجیل میمن

عظمیٰ بخاری پہلے زمینی حقائق معلوم کریں پھر بیان دیں،شرجیل میمن

پی ٹی آئی احتجاج کی کال انارکی پھیلانے کی کوشش ہے، شرجیل میمن

شرجیل میمن سے یو اے ای کے قونصل جنرل کی ملاقات

کراچی: سندھ حکومت نے کراچی سے سکھر تک بلٹ ٹرین چلانے پر غور شروع کر دیا ہے۔

سندھ کے سینئر صوبائی وزیر، وزیر اطلاعات شرجیل میمن نے نجی ٹی وی کے پروگرام میں اس بات کا انکشاف کیا کہ سندھ حکومت نے اس منصوبے کے لیے غیر ملکی سرمایہ کاروں سے مذاکرات کا آغاز کیا ہے۔شرجیل میمن کا کہنا تھا کہ کراچی سے حیدر آباد اور پھر حیدر آباد سے سکھر تک بلٹ ٹرین یا سپیڈ ٹرین چلانے کے منصوبے پر بات چیت ہو رہی ہے اور غیر ملکی سرمایہ کاروں نے اس منصوبے میں دلچسپی ظاہر کی ہے۔ ان کا کہنا تھا کہ اس منصوبے کی تکمیل سے نہ صرف صوبے کے اندرونی روابط میں بہتری آئے گی بلکہ ٹرانسپورٹ کے نظام میں بھی انقلاب آئے گا۔

شرجیل میمن نے مزید کہا کہ اگرچہ کئی منصوبوں پر سوالات اُٹھائے گئے ہیں، جیسے پنک بسوں اور پنک ٹیکسی منصوبے، لیکن سندھ حکومت نے ان منصوبوں کو شروع کرنے میں کامیابی حاصل کی ہے اور اب پنک ٹیکسی منصوبہ بھی تکمیل کے قریب ہے۔ انہوں نے اس بات کا ذکر کیا کہ کراچی میں گرین لائن چل رہی ہے، اورنج لائن مکمل ہو چکی ہے، اور ریڈ اور یلو لائن پر کام جاری ہے۔ان کا کہنا تھا کہ سندھ حکومت نے ہمیشہ عوامی مفاد کے منصوبوں پر توجہ دی ہے اور تمام تر چیلنجز کے باوجود ان منصوبوں کو مکمل کرنے کے لیے ہر ممکن اقدامات کیے جا رہے ہیں۔ ان کے مطابق، اگر بلٹ ٹرین یا اسپیڈ ٹرین کا منصوبہ کامیاب ہوتا ہے تو یہ کراچی اور سندھ کے دیگر بڑے شہروں کے درمیان فاصلے کو کم کرے گا اور لوگوں کو تیز اور آرام دہ سفری سہولت فراہم کرے گا۔

اس بلٹ ٹرین منصوبے کے کامیاب ہونے کی صورت میں سندھ میں نہ صرف ٹرانسپورٹ کے شعبے میں ترقی ہو گی بلکہ یہ روزگار کے نئے مواقع بھی فراہم کرے گا، جو کہ صوبے کی معیشت کے لیے مثبت اثرات مرتب کرے گا۔

پی ٹی آئی بیرونی ایجنڈے پر چل رہی ہے، شرجیل میمن

حکومت سندھ ٹرانسپورٹ نظام کو جدید بنانے کی خواہاں ہے،شرجیل میمن

حقائق کو مسخ، عوام کو گمراہ کرنا جماعت اسلامی کی تاریخ رہی ہے، شرجیل میمن

پی ٹی آئی ملکی معاشی مفادات کو نقصان پہنچانے میں مصروف ہے ،شرجیل میمن

حکومت سندھ کی جانب سے پیپلز بس سروس کے 40 اسٹاپس کی تعمیر دو ماہ کے اندر مکمل کرنے کا فیصلہ کر لیا گیا ہے

محکمہ ٹرانسپورٹ کی جانب سے سندھ بھر میں گاڑیوں کی جدید سائٹیفک فٹنس چیکنگ لازمی کرنے کا بھی فیصلہ کیا گیا ہے،سندھ کے سینئر وزیر شرجیل انعام میمن کی زیر صدارت اہم اجلاس ہوا جس میں سیکریٹری ٹرانسپورٹ اسد ضامن، پیپلز بس سروس کے پروجیکٹ ڈائریکٹر صہیب شفیق اور دیگر شریک ہوئے، شرجیل میمن کا کہنا تھا کہ پیپلز بس سروس کے 100 اسٹاپس کی تعمیر مکمل ہو چکی ہے، باقی اسٹاپس کا کام بھی جلد از جلد مکمل کیا جائے، دو ماہ کے اندر جنوری 2025 تک باقی ماندہ 40 بس اسٹاپس پر بھی کام مکمل کرلیا جائے،حکومت سندھ ٹرانسپورٹ کے نظام کو دنیا سے ہم آہنگ اور جدید بنانے کی خواہاں ہے، پیپلز بس سروس کے جدید ترین بس اسٹاپ جدید، موثر، اور پائیدار نقل و حرکت کے لئے بہت اہمیت کے حامل ہیں،جدید بس اسٹاپس مسافروں کے لئے بیٹھنے کی بہترین جگہ اور موسم سے تحفظ فراہم کریں گے،

شرجیل میمن کا مزید کہنا تھا کہ گاڑیوں کی فٹنس کو یقینی بنانا روڈ سیفٹی اور ماحولیاتی تحفظ کا ایک سنگ بنیاد ہے،
باقاعدگی سے فٹنس چیکنگ حادثات کو ٹالنے اور نقصان دہ اخراج کو روکنے کے لئے اہم ہے،فٹنس چیکنگ کاربن فوٹ پرنٹ میں کمی اور عوام کے تحفظ کو یقینی بناتی ہے، شرجیل میمن نے گاڑیوں کے فٹنس چیکنگ یقینی بنانے کے سیکریٹری ٹرانسپورٹ کو ضروری اور سخت اقدامات کی ہدایات دی اور کہا کہ حادثات کی روک تھام اور ماحولیات کے تحفظ کے لئے گاڑیوں کی فٹنس چیکنگ ناگزیر ہے، گاڑیوں کی رجسٹریشن اور رجسٹریشن کے منتقلی اور ٹیکس ادائگی کے وقت بھی گاڑیوں کی فٹنس کا موثر نظام لایا جائے، ہر ایک سال کے اندر گاڑیوں کی لازمی فٹنس چیکنگ کو یقینی بنانے کے لئے اقدامات کئے جائیں، فٹنس قوانین پر عمل نہ کرنے والی گاڑیوں کے خلاف کارروائی سخت کارروائی عمل میں لائی جائے گی،