Tag: شوبز

ممبئی: بھارتی ٹیلی ویژن کے مقبول شو سی آئی ڈی کے مرکزی کردار اے سی پی پردیومن کا شو میں سفر ختم ہوگیا –

باغی ٹی وی: ‘کچھ تو گڑبڑ ہے دیا’ یا ‘دروازہ توڑو دیا’ یہ وہ جملے ہیں جو اے سی پی پردیومن کی پہچان رہے، لیکن اب یہ الفاظ مداحوں کو مزید سننے کو نہیں ملیں گے کیونکہ اے سی پی پردیومن کا شو میں سفر ختم ہوگیا جس کی تصدیق سی آئی ڈی کے میکرز نے بھی کردی ہے۔

اگر آپ 1998 سے سی آئی ڈی کے مداح نہیں ہیں تو جان لیں کہ اے سی پی پردیومن سی آئی ڈی کا وہ کردار تھا جو 1998 سے 2025 تک بھارتی ٹیلی ویژن کا ایک بڑا حصہ تھا، حالیہ ایپیسوڈ میں دکھایا گیا کہ اے سی پی پردیومن ایک دھماکے میں ہلاک ہو گئے ہیں، اور یہ خبریں سامنے آئی ہیں کہ اس کردار کے اداکار، شواجی ستام، کچھ وقفہ لینا چاہتے تھے۔

پی ایس ایل 10: کمنٹری پینل کا اعلان ہوگیا،کمنٹری مکمل اردو میں ہو گی

بھارتی میڈیا کے مطابق سی آئی ڈی کے نئے ایڈیشن کا نیٹ فلکس پر پرومو جاری کیا گیا ہے جس میں اے سی پی پرد یومن کی موت کا منظر دیکھا جاسکتا ہے سی آئی ڈی کی ٹیم خطرناک مجرم باربوزا (تگمانشو دھولیا) کو پکڑنے کی کوشش کرتی ہے، جو اے سی پی پردیومن کو اپنے جال میں پھانس کر ایک دھماکے میں مار ڈالتا ہے، پرومو میں خون سے لت پت اے سی پی کا ہاتھ نظر آتا ہے جس میں ان کی یادگار انگوٹھی بھی دیکھی جاسکتی ہے،پرومو میں اس منظر کے ساتھ ہی انسپکٹر دیا کو روتے جب کہ انسپکٹر ابھیجیت کو صدمے سے پیچھے ہٹتے دیکھا جاسکتا ہےتاہم، اس موت کو براہ راست نہیں دکھایا گیا، جس کی وجہ سے کئی مداحوں نے قیاس کیا کہ یہ کردار شاید واپس آ جائے گا-

شادی میری سب سے بڑی غلطی اور ناسمجھی بھرا فیصلہ تھا،ویناملک

یہ افواہیں اس وقت سچ ثابت ہوئیں جب سونی ٹی وی نے ہفتہ کے روز اپنے سوشل میڈیا پر ایک پوسٹ میں اس خبر کی تصدیق کی،
ہفتہ کی رات دیر سے سونی ٹی وی نے انسٹاگرام پر اے سی پی پرادیومن کی تصویر شیئر کرتے ہوئے لکھا کہ محبت بھری یادوں کے ساتھ، اے سی پی پرادیومن… ایک نقصان جو کبھی نہیں بھولا جائے گا۔‘

اس تصویر میں لکھا تھا کہ ایک عہد کا خاتمہ۔ اے سی پی پرادیومن (1998-2025)‘۔

شواجی ستام نے اپنے کردار کی موت کے بارے میں بمبئی ٹائمز کے ساتھ ایک انٹرویو میں کہا کہ مجھے اس بارے میں کوئی علم نہیں ہے میں نے کچھ وقت کے لیے وقفہ لیا ہے اور شو کے پروڈیوسرز کو معلوم ہے کہ آگے کیا ہوگا میں نے سیکھا ہے کہ ہر چیز کو اپنے انداز میں قبول کروں، اور اگر میرا ٹریک ختم ہو گیا ہے تو میں اس سے راضی ہوں تاہم، مجھے ابھی تک نہیں بتایا گیا کہ میرا ٹریک ختم ہو چکا ہے یا نہیں! فی الحال، میں شو کی شوٹنگ نہیں کر رہا۔

پاکستان کا تجربہ میری کوچنگ سے محبت کو کھٹا کر چکا ہے، جیسن گلیسپی

سی آئی ڈی، جو بی پی سنگھ کی تخلیق اور سنگھ اور پرادیپ اپور کی پروڈکشن ہے، 1998 سے سونی ٹی وی پر نشر ہو رہا ہے، اس شو نے اب تک تقریباً 1600 ایپی سوڈ نشر کیے ہیں اور یہ بھارت کے سب سے مقبول ٹی وی شوز میں سے ایک بن چکا ہے۔

ممبئی: اداکار شاہ رخ خان کی اہلیہ گوری خان نے ممبئی کے علاقے دادر ویسٹ میں واقع اپنا کوہ نور الٹیسیمو اپارٹمنٹ فروخت کر دیا۔

باغی ٹی وی : بھارتی میڈیا کی رپورٹ کے مطابق گوری خان نے اپنا کوہِ نور الٹیسیمو اپارٹمنٹ جس کا کل رقبہ 2000 مربع فٹ ہے اسے 11 کروڑ 61 لاکھ بھارتی روپے میں فروخت کر دیا ہے شاہ رخ خان کی اہلیہ نے یہ اپارٹمنٹ اگست 2022ء میں ساڑھے 8 کروڑ بھارتی روپے میں خریدا تھا جس کی فروخت کے بعد اُنہیں تقریباً 3 کروڑ بھارتی روپے سے زائد کا منافع ہوا ہے۔

واضح رہے کہ کچھ عرصہ پہلے شاہ رخ خان اپنی پوری فیملی کے ساتھ اپنا گھر ’منت ہاؤس‘ چھوڑ کر ایک چھوٹے اپارٹمنٹ میں منتقل ہوئے ہیں،اداکار کے چھوٹے اپارٹمنٹ میں منتقلی کی وجہ یہ ہے کہ وہ اپنے27 ہزار مربع فٹ کے گھر کی مزید توسیع کرنا چاہتے ہیں اور گھر کا تعمیراتی کام تقریباً 2 سال میں مکمل ہو گا۔

خیال رہے کہ شاہ رخ خان نے گوری خان سے 1991ء میں شادی کی تھی اور اب ان کے 3 بچے آریان خان، سہانا خان اور ابراہم خان ہیں۔

ممبئی: بالی وڈ سُپر اسٹار عامر خان کی سابقہ دونوں اہلیہ کی ایک ساتھ عید منانے کی تصویریں سوشل میڈیا پر گردش کر ر ہی ہیں-

باغی ٹی وی: فلمساز کرن راؤ نے اپنے سابق شوہر عامر خان کے اہلخانہ کے ساتھ عید منانے کی تصاویر انسٹاگرام پر شیئر کیں ان تصویروں میں عامر کی سابقہ ​​اہلیہ رینا دتہ کے ساتھ بھی ایک سیلفی بھی تھی جو سوشل میڈیا پر وائرل ہو رہی ہے اور صارفین کی توجہ سمیٹ رہی ہے۔

کرن راؤ کی پوسٹ میں پہلی تصویر میں عامر کی والدہ زینت حسین ہیں، کرن نے اس کے بعد رینا اور عامر کی بہنوں، نکھت ہیگڑے اور فرحت دتا کے ساتھ تصویر شیئر کیں تاہم عامر خان ان تصاویر میں موجود نہیں تھے۔

سیف علی خان حملہ کیس،ملزم کی درخواست ضمانت پر نوٹس جاری

کرن راؤ نے کیپشن میں لکھا کہ امی کے ہاں عید! جو سب سے بہترین اور سب سے خوبصورت میزبان ہیں ہم امید اور دعا کرتے ہیں کہ یہ سال ہم سب کے لیے امن اور خوشی لائے‘۔

سوشل میڈیا صارفین نے کرن راؤ اور ان کے اہلخانہ کو عید کی مبارکباد دیتے ہوئے نیک تمناؤں کا اظہار کیا۔

سلمان خان کی بلٹ پروف شیشے کے پیچھے سےمداحوں کو عید کی مبارکباد

ممبئی: بالی وڈ دبنگ اداکار سلمان خان نے آخرکار اپنی زندگی کو لاحق خطرات اور ان دھمکیوں پر خاموشی توڑدی۔

باغی ٹی وی : سلمان خان کو گزشتہ دو سال سے گینگسٹر لارنس بشنوئی کی جانب سے جان سے مارنے کی دھمکیوں کا سامنا ہے ان دھمکیو ں کے باعث اداکار کی سیکیورٹی میں اضافہ کر دیا گیا ہے، خاص طور پر ان کے قریبی دوست اور سیاستدان بابا صدیق کی موت کے بعد –

یہ دھمکیاں 1998 میں فلم ”ہم ساتھ ساتھ ہیں“ کی شوٹنگ کے دوران مبینہ طور پر کالے ہرن کو مارنے کے بدلے کے طور پر دی گئی تھیں کالے ہرن کو بشنوئی برادری مقدس سمجھتی ہے، جس کے نتیجے میں لارنس بشنوئی کا سلمان خان سے انتقام لینے کا ارادہ تھا ان تمام مشکلات کے باوجود، سلمان خان اپنی پیشہ ورانہ ذمہ داریوں کو پورا کرنے میں مصروف ہیں-

اسلام آباد اور خیبر پختونخوا میں زلزلے کے شدید جھٹکے

اس ہفتے کے آخر میں ان کی فلم ”سکندر“ ریلیز ہونے کا امکان ہے، بدھ کو فلم کی تشہیر کے لیے منعقد کی گئی پریس ایونٹ میں، سلمان خان نے آخرکار اپنی زندگی کو لاحق خطرات اور ان دھمکیوں پر خاموشی توڑی، سلمان خان نے کہا کہ اللہ ہے وہ سب سنبھال لیں گے، جتنی عمر لکھی ہے، اتنی لکھی ہے بس یہ ہے، کبھی کبھی اتنے لوگوں کو ساتھ لے کر چلنا پڑتا ہے، تو وہی مشکل آ جاتی ہےان کی زندگی کا دارومدار خدا پر ہے اور ان کو جس قدر زندگی ملی ہے، وہ اسی کے مطابق جئیں گے۔

افغان مہاجرین کی واپسی کی ڈیڈ لائن میں کوئی تبدیلی نہیں ہوگی، ترجمان دفترخارجہ

اداکار کی فلم سکندر عید کے موقع پر ریلیز ہونے والی ہے، جس کی پروڈکشن ساجد ناڈیاڈوالا کے بینر ”ناڈیاڈوالا اینڈ گرانڈسن انٹرٹینمنٹ“ نے کی ہے اس فلم میں سلمان خان کے ساتھ رشمیکا مندنا، ستیہ راج، کاجل اگروال اور شرمن جوشی بھی اہم کرداروں میں نظر آئیں گے-

آئی ایم ایف نے حکومت کو بجلی ٹیرف میں کمی کی اجازت دیدی

ممبئی: بالی وڈ اداکارہ ایشوریا رائے کی گاڑی بدھ کے روز ممبئی میں ایک مقامی بس سے ٹکرا گئی، جس کے باعث سڑک پر ہلچل مچ گئی۔

باغی ٹی وی : پاپارازی پیج ”بالی وڈ شادی“ کے مطابق، بس کے ٹکرانے سے گاڑی کو معمولی نقصان پہنچا، تاہم حادثہ شدید نوعیت کا نہیں تھارپورٹس کے مطابق، حادثے کے وقت ایشوریا رائے گاڑی میں موجود نہیں تھیں، بس نے گاڑی کو پیچھے سے ٹکر ماری، جس کے بعد موقع پر کافی ہنگامہ برپا ہوگیا، تاہم، گاڑی کو کوئی بڑا نقصان نہیں پہنچا اور باڈی گارڈز کے معاملے پر بات کرنے کے بعد گاڑی روانہ ہوگئی۔

ذرائع کا کہنا ہے کہ درحقیقت کوئی حادثہ پیش ہی نہیں آیا۔ جوہو پولیس کے ایک افسر کے مطابق، بس ڈرائیور ہارن بجا رہا تھا، جس پر ایشوریا کے ڈرائیور نے گاڑی سے اتر کر اس سے پوچھا کہ وہ اتنا ہارن کیوں بجا رہا ہے۔ پولیس کے مطابق، کسی گاڑی کو ٹکر نہیں لگی۔

پی ڈی ایم نے ممکنہ خشک سالی سے نمٹنے کے لیے الرٹ جاری کر دیا

سوشل میڈیا پر منفی پروپیگنڈے کا معاملہ: علیمہ خان جے آئی ٹی کے سامنے پیش،5 گھنٹوں تک تفتیش جاری رہی

سپارکونے بھی عید کے چاند کی پیش گوئی کر دی

نئی دہلی: بھارتی گلوکار سونو نگم پر دارالحکومت نئی دہلی میں کانسرٹ کے دوران پتھر اور بوتلیں پھینکنے کا واقعہ پیش آیا۔

باغی ٹی وی: بھارتی میڈیا کے مطابق گلوکار دہلی ٹیکنالوجی یونیورسٹی میں پرفارم کر رہے تھے جہاں بڑی تعداد میں طالب علم جمع تھے، سونو نگم کی پرفارمنس جاری تھی کہ اچانک طالب علموں کی ایک بڑی تعداد نے گلوکار پر پتھر اور پانی کی بوتلیں پھینکنا شروع کردیں اس واقعے کے باعث سونو نگم کو اپنی پرفارمنس روکنی پڑی، ایک لاکھ سے زائد طلبہ پر مشتمل ہجوم کے کچھ افراد کی اس ہنگامہ آرائی کے نتیجے میں ٹیم کے چند اراکین زخمی بھی ہوئے۔

گلوکار نے طالب علموں سے مخاطب ہوکر کہا کہ میں آپ کیلئے یہاں آیا ہوں تاکہ ہم سب اچھا وقت گزار سکیں، میں آپ سے لطف اندوز نہ ہونے کے لیے نہیں کہہ رہا لیکن براہ کرم ایسا نہ کریں، طالب علموں نے گلوکار کی جانب ایک گلابی رنگ کا خرگوش کے کان والا ہیئر بینڈ بھی پھینکا جسے گلوکار نے پہن کر گانا گایا۔

شاہ رخ خان کا بچپن میں غربت دیکھنے کا انکشاف

واضح رہے کہ اس ہنگامہ آرائی کے تھمنے کے بعد سونو نگم نے اپنے کیے گئے وعدے کے مطابق دوبارہ اپنی پرفارمنس شروع کی۔ یہ پہلا موقع نہیں ہے جب سونو نگم کو کنسرٹ کے دوران بدتمیزی اور بدانتظامی کا سامنا کرنا پڑا ہو، گزشتہ ماہ کولکتہ میں ہونے والے ایک کنسرٹ کے دوران بھی ہجوم بے قابو ہو گیا تھا،جہاں سونو نگم شرکا پر برس پڑے تھے۔

برطانوی پارلیمنٹ نے ہانیہ عامر کو ایوارڈ سے نواز دیا

بالی وڈ کنگ شاہ رخ خان نے کہا ہے کہ جب مجھ جیسا عام سی شکل وصورت کا انسان اس مقام تک آسکتا ہے تو کچھ بھی ممکن ہے-

باغی ٹی وی : بھارتی میڈیا پر بالی ووڈ کنگ شاہ رخ خان کی بچپن کے مشکل دنوں پر گفتگو کی ویڈیو شیئر کی گئی ہے جس میں کنگ خان کو اپنی عام سی غربت بھری زندگی اور بچپن کے مشکل دنوں پر بات کرتے دیکھے گیا،ماضی میں سینئر اداکار انوپم کھیر کے شو میں شر کت کے دوران شاہ رخ نے بچپن میں غربت دیکھنے کاا عتراف کیا تھا۔

اس شو میں شاہ رخ خان نے اپنے بچپن سے متعلق گفتگو کرتے ہوئے بتایا تھا کہ میں جہاں سے آیا ہوں وہاں ہمارے گھر میں د ال میں اضافی پانی ڈالا جاتا تھا تاکہ ہم 4 لاگ کھانا کھاسکیں اس وقت کسی کو بھی یہ علم نہیں تھانہ کسی نےسوچا تھا کہ میں اس مقام تک آجاؤں گا ،جب مجھ جیسا عام سی شکل وصورت کا انسان اس مقام تک آسکتا ہے تو کچھ بھی ممکن ہے ۔

دوسری جانب 2018 میں دیئے گئے ایک انٹرویو میں شاہ رخ نے کہا تھا کہ جب میں بچہ تھا تو ہمیشہ بڑا ہونا چاہتا تھا اور اب جب میں بوڑھا ہوگیا تو مجھے اپنا بچپن یاد آتا ہے، مجھے لگتا ہے کہ وہ ہماری زندگی کا بہترین وقت ہوتا ہے جب ہم ہر ٹینشن سے آزاد ہوتے ہیں، مجھے یاد ہے کہ میں 25 سال کا تھا اس وقت تک اپنی والدہ کے ہاتھوں سے کھانا کھاتا تھا۔

واضح رہے کہ شاہ رخ خان کے والد تاج محمد خان پٹھان تھے جو پشاور سے ہندوستان آئے تھے، کنگ خان کے والد کا انتقال کینسر سے اس وقت ہوا جب شاہ رخ کی عمر صرف 15 سال تھی، ان کی والدہ لطیف فاطمہ خان بھی طویل عرصے تک بیمار رہنے کے بعد 1990 میں انتقال کر گئی تھیں۔