Baaghi TV

Tag: شہبازشریف

  • امریکی وزیر خارجہ نےشہباز شریف کو یقین دہانی کرادی :مشکل وقت میں پاکستان کے ساتھ ہیں

    امریکی وزیر خارجہ نےشہباز شریف کو یقین دہانی کرادی :مشکل وقت میں پاکستان کے ساتھ ہیں

    نیو یارک:ملک میں آنے والے بدترین سیلاب کے بعد امریکی وزیر خارجہ انتھونی بلنکن نے کہا ہے کہ مشکل وقت میں پاکستان کے ساتھ ہیں۔

    اقوام متحدہ کی جنرل اسمبلی کے اجلاس میں شرکت کیلئے جانے والے وزیراعظم شہباز شریف کی امریکی وزیر خارجہ کے ساتھ ملاقات ہوئی، ملاقات کے دوران وفاقی وزیر خارجہ بلاول بھٹو زرداری بھی ہمراہ تھے۔

    اس ملاقات کے دوران انتھونی بلنکن نے پاکستان میں آنے والے بدترین سیلاب سے متاثر ہونے والے افراد سے ہمدردی کا اظہار کیا۔

     

     

    امریکی وزیر خارجہ نے وزیراعظم کو یقین دہانی کرواتے ہوئے کہا کہ مشکل وقت میں پاکستان کے ساتھ کھڑے ہیں۔

    اس سے قبل اقوام متحدہ کی جنرل اسمبلی سے خطاب کرتے ہوئے امریکی صدر جوزف بائیڈن کا کہنا تھا کہ پاکستان کو سیلاب کی وجہ سے مشکلات کا سامنا ہے، پاکستان کا زیادہ تر حصہ پانی میں ڈوبا ہوا ہے، اسلام آباد کو موسمیاتی تبدیلی کے اثرات کا سامنا ہے، پاکستان کو مدد کی ضرورت ہے۔

    انہوں نے کہا کہ موسمیاتی تبدیلیوں کے اثرت کو روکنے کے لیے عالمی برادری کو آگے آنا ہو گا۔ موسمیاتی تبدیلیاں عالمی دنیا کے لیے ایک بڑا چیلنج ہے، عالمی برادری کو ملکر کام کرنا ہوگا۔

    صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

    سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

    جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

    اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

  • عام انتخابات مقررہ وقت پر ہونگے،کسی کا دباو قبول نہیں:شہباز،نواز کا فیصلہ

    عام انتخابات مقررہ وقت پر ہونگے،کسی کا دباو قبول نہیں:شہباز،نواز کا فیصلہ

    لندن: وزیراعظم شہباز شریف اور پاکستان مسلم لیگ (ن) کے قائد نواز شریف کی لندن میں اہم ملاقات ہوئی جس میں اتفاق کیا گیا کہ کسی کا دباؤ قبول نہیں، عام انتخابات مقررہ وقت پر ہوں گے۔

    سابق وزیراعظم نواز شریف اور شہباز شریف کی ملاقات ہوئی، سابق وزیر خزانہ اسحٰق ڈار، سلمان شہباز بھی موجود تھے، وزیر اعظم نے آصف علی زرداری، بلاول بھٹو اور مولانا فضل الرحمٰن سے مشاورت کے بارے میں نواز شریف کو آگاہ کیا۔

    شہباز شریف نے نواز شریف سے گفتگو میں کہا کہ اس وقت تمام توجہ سیلاب متاثرین کی بحالی اور معیشت کو بہتر کرنے پر مرکوز ہیں۔

     

    ملاقات میں اس بات پر بھی اتفاق کیا گیا کہ تمام اتحادی عام انتخابات مقررہ وقت پر کروانے کے حامی ہیں، اتحادیوں کے ساتھ ملکر پاکستان کو مشکلات سے نکالیں گے، کسی سے بلیک میل نہیں ہوں گے، حکومت اپنی مدت پوری کرے گی۔

    نواز شریف نے ملک میں بڑھتی ہوئی مہنگائی پر وزیراعظم شہباز شریف سے اقدامات لینے پر زور دیتے ہوئے کہا کہ عوام کو ریلیف دینے کے اقدامات کئے جائیں جبکہ سیلاب متاثرین کی مکمل بحالی کے حوالے سے بھی بات چیت کی گئی۔

    سابق وزیراعظم کا کہنا تھا کہ شہباز شریف سیلاب متاثرین کیلئے انتھک کوششیں کر رہے ہیں، حکومت بحالی کیلئے کوششوں میں تیزی لائے۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے

    وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے

    لندن:وزیراعظم شہباز شریف ملکہ الزبتھ کی آخری رسومات میں شرکت کیلئے لندن پہنچ گئے،اطلاعات ہیں کہ وزیراعظم شہباز شریف برطانیہ پہنچ گئے، وہ ملکہ کی آخری رسومات میں شرکت کریں گے جبکہ پیر کو میاں نواز شریف سے بھی ملیں گے۔

     

    وزیراعظم شہباز شریف وفد کے ہمراہ لندن پہنچ گئے، ان کے ہمراہ وزیر دفاع خواجہ آصف اور وزیر اطلاعات مریم اورنگزیب بھی ہیں۔وزیراعظم لندن سے امریکا کے شہر نیویارک جائیں گے، جہاں وہ اقوام متحدہ کے سربراہان اجلاس میں شرکت کریں گے۔

    وزیراعظم شہباز شریف لوٹن ایئرپورٹ سے لندن میں اپنی رہائش گاہ پہنچ گئے، انہیں شاہی پروٹوکول میں گھر پہنچایا گیا۔وزیراعظم شہباز شریف ن لیگ کے مشاورتی اجلاس میں شرکت کریں گے اور ملکہ ایلزبتھ دوئم کی آخری رسومات میں بھی شریک ہوں گے۔

     

    ‘عالمی رہنما ملکہ کی آخری رسومات کے لیے برطانیہ پہنچ رہے ہیں’اس بات کی تصدیق کرتے ہوئے غیر ملکی خبررساں ادارے ‘اے ایف پی’ کے مطابق ملکہ الزبتھ دوم کی آخری رسومات کے لیے عالمی رہنما ہفتے سے لندن پہنچنا شروع ہو گئے۔

    برطانیہ میں تاریخی 70 برس طویل حکمرانی کرنے والی ملکہ الزبتھ دوم 96 سال کی عمر میں انتقال کر گئی تھیں۔برطانوی عوام کو ملکہ کا تابوت دیکھنے کے لیے 24 گھنٹے تک انتظار کرنا پڑ سکتا ہے جبکہ رات کے وقت موسم سرد ہوگا۔

    رپورٹ کے مطابق بدھ سے دریائے ٹیمیز کے کنارے میلوں تک لمبی قطاریں تھیں، جب ان کا تابوت برطانوی پارلیمنٹ کمپلیکس میں لایا گیا تھا۔

  • وزیر اعظم شہباز شریف نے مزید 8 معاونین خصوصی تعینات کر دیئے

    وزیر اعظم شہباز شریف نے مزید 8 معاونین خصوصی تعینات کر دیئے

    اسلام آباد:وزیر اعظم شہباز شریف نے مزید 8 معاونین خصوصی مقرر کردیے ہیں جس کے بعد کابینہ ارکان کی تعداد 70 تک پہنچ گئی ہے۔ ذرائع کے مطابق وزیر اعظم شہباز شریف کی کابینہ میں مزید توسیع کردی گئی ہے۔ آج 8 نئے معاونین خصوصی تعینات کیے گئے ہیں۔

    نوابزادہ افتخار احمد خان بابر ، مہر ارشاد احمد خان ، رضا ربانی کھر ،مہیش کمار ملانی ، فیصل کریم کنڈی ، سردار سلیم حیدر ،تسنیم احمد قریشی اور محمد علی شاہ بچہ کو معاون خصوصی بنایا گیا ہے۔

    واضح رہے کہ پہلے کابینہ میں 34 وفاقی وزرا ، 7 وزرائے مملکت ، 4 مشیر اور 17 معاونین خصوصی ہیں ۔ پہلے کابینہ کی تعداد 62 تھی اب 70 ہوگئی ہے۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

  • قابلِ تجدید توانائی ہی پاکستان کا مستقبل ہے:وزیراعظم

    قابلِ تجدید توانائی ہی پاکستان کا مستقبل ہے:وزیراعظم

    اسلام آباد:قابلِ تجدید توانائی کے استعمال سے سستی بجلی پیدا ہوگی اور عوام پر مہنگائی کا بوجھ کم ہوگا۔ شمسی توانائی منصوبوں کے حوالے سے کل ایک پری بڈنگ (Pre-Bidding) کانفرنس اسلام آباد میں منعقد ہو گی

    وزیراعظم محمد شہباز شریف نے کہا ہے کہ قابلِ تجدید توانائی ہی پاکستان کا مستقبل ہے اور متبادل توانائی کا استعمال کرتے ہوئے سستی بجلی پیدا کی جاسکتی ہے جس سے عوام پر مہنگائی کا بوجھ بھی کم ہوگا۔ اُنہوں نے مزید کہا کہ پاکستان کے درآمدی بل کا بڑا حصہ بجلی پیدا کرنے کے لیے مہنگا ایندھن درآمد کرنے میں خرچ ہوجاتا ہے۔ اسی لیے ضروری ہے کہ ہم قابلِ تجدید توانائی کے استعمال کی جانب بڑھیں تاکہ قیمتی زرِ مبادلہ بچ سکے۔ وزیراعظم نے مزید کہا کہ شمسی توانائی منصوبوں کے حوالے سے کل ایک پری بڈنگ (Pre-Bidding) کانفرنس اسلام آباد میں منعقد ہونے جا رہی ہے۔

    وزیراعظم نے اِن خیالات کا اظہار آج اسلام آباد میں ایک چینی کمپنی Zonergy کے ایک وفد سے ملاقات میں کیا۔ وفد کی صدرات ایگزیکٹو ڈائریکٹر اور صدر Zonergy Corporationجناب Richard J. Guo نے کی .وزیراعظم نے کہا کہ پاکستان اور چین بہترین دوست ہیں۔ چین نے ہر داخلی اور خارجی محاز پر پاکستان کی حمایت کی اور چین پاکستان اقتصادی راہداری، جو کہ چین کے وسیع تر منصوبے Belt and Road Initiative کاحصہ ہے ,کے ذریعے چین پاکستان میں انفراسٹرکچر کی تعمیر، صنعت اور مختلف شعبوں میں سرمایہ کاری کررہا ہے۔

    وزیراعظم نے مزید کہا کہ ہم نے قائداعظم سولر پاور بہاولپور کا 300 میگاواٹ کا منصوبہ ریکارڈ مدت میں پورا کیا تھا اور ہماری آئندہ بھی یہی کوشش رہے گی کہ ہم قابلِ تجدید توانائی خصوصاً سولر , وِنڈ انرجی کے حوالے سے سرمایہ کاری کو فروغ دیں گے۔

    ملاقات میں وفاقی وزیر برائے سرمایہ کاری بورڈ چوہدری سالک حسین، وفاقی وزیر برائے منصوبہ بندی جناب احسن اقبال، وفاقی وزیر برائے توانائی انجینئر خرم دستگیر، وفاقی وزیر قانون اعظم نذیر تارڑ، وزیراعظم کے معاونین خصوصی ڈاکٹر جہانزیب خان، جناب ظفرالدین محمود اور جناب فہد حسین نے شرکت کی۔ زانرجی کارپوریشن کی جانب سے وزیراعظم کو فلڈ ریلیف فنڈ کے لیے ایک خطیر رقم کا چیک بھی عطیہ کیا گیا ۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

  • وزیراعظم شہبازشریف کا شیخ نہیان بن مبارک آل نہیان کو ٹیلی فون

    وزیراعظم شہبازشریف کا شیخ نہیان بن مبارک آل نہیان کو ٹیلی فون

    اسلام آباد:وزیراعظم شہباز شریف نے متحدہ عرب امارات (یواے ای) کے وزیر کلچر، نوجوانان اور سماجی ترقی شیخ نہیان بن مبارک آل نہیان کو ٹیلی فون کیا ہے ، شیخ نہیان بن مبارک آل نہیان سے گفتگو کرتے ہوئے وزیراعظم نے سیلاب متاثرین کے لئے بڑی مالی امداد کرنے پر شکریہ ادا کیا

    وزیراعظم نے شیخ نہیان بن مبارک آل نہیان کے سیلاب متاثرین کے لئے 10 ملین ڈالر دینے کے جذبے کو خراج تحسین پیش کیا ، اس موقع پر شیخ نہیان بن مبارک آل نہیان نے پاکستانی سیلاب متاثرین کے لئے انفرادی سطح پر اب تک کا سب سے بڑا عطیہ دیا ہے

    وزیراعظم شہبازشریف نے کہا کہ آپ کی فراخ دلانہ مدد اہل پاکستان ہمیشہ یاد رکھیں گے: آپ نے پاکستانی عوام سے بے لوث محبت اور انسانیت کے لئے دردمندی کا ثبوت دیا ہے: آپ کی مدد سے سیلاب متاثرین کے ریسکیو، ریلیف اور بحالی میں بڑی مدد ملے گی:

    وزیراعظم نے سیلاب سے ہونے والی تاریخی تباہی اور متاثرین کی مدد کے لئے حکومتی اقدامات سے آگاہ کیا ،شیخ نہیان بن مبارک آل نہیان نے سیلاب سے ہونے والے جانی و مالی نقصانات پر افسوس کا اظہار کیا، اس کے ساتھ ساتھ مشکل کی اس گھڑی میں پاکستان سے یک جہتی کا اظہار کرتے ہیں

    امریکا سے سیلاب متاثرین کے لئے انسانی امداد لے کر دو مزید پروازیں پاکستان پہنچ گئیں۔دفتر خارجہ سے جاری بیان کے مطابق امریکا سے اب تک سیلاب متاثرین کے لئے امدادی سامان کی 7 پروازیں آچکی ہیں، پاکستان کی جانب سے امریکی امداد پر شکریہ اداکیا گیا ہے۔

    ترجمان کی جانب سے مزید کہا گیا کہ خراب موسم کی وجہ سے ایک پرواز ملتوی ہوگئی۔

    دفتر خارجہ کے ترجمان کے مطابق متحدہ عرب امارات سے بھی مزید دو پروازیں امدادی سامان لے کر پاکستان پہنچیں، متاثرین کی مدد کے لیے مختلف ممالک سے 68 پروازیں پاکستان پہنچ چکی ہیں، متحدہ عرب امارات سے اب تک 31 پروازیں امداد لے کرپاکستان پہنچ چکی ہیں، ترکی سے اب تک 11 پروازوں کی امداد پاکستان آئی۔

    ترجمان کے مطابق امریکا سے اب تک 7 پروازوں کے ذریعہ امداد پاکستان پہنچ چکی، چین سے 4، قطر، ازبکستان، اردن، ترکمانستان اور فرانس سے طیارے امداد لے کر پاکستان پہنچ چکے ہیں۔

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

  • یو این سیکریٹری جنرل کی سیلاب متاثرین کی بے مثال معاونت پر مشکور ہیں، وزیراعظم

    یو این سیکریٹری جنرل کی سیلاب متاثرین کی بے مثال معاونت پر مشکور ہیں، وزیراعظم

    وزیراعظم شہباز شریف نے کہا ہے کہ یو این سیکریٹری جنرل کی سیلاب متاثرین کی بے مثال معاونت پر مشکور ہیں، انتونیو گوتریس کا دورہ سیلاب سے جنم لینے والے انسانی المیے سے متعلق آگاہی کیلئے اہم ہے،یو این سیکریٹری جنرل کے ہمدردانہ اور قائدانہ کردار نے بے حد متاثر کیا.


    سماجی رابطے کی ویب سائٹ ٹویٹر پر اپنے پیضام میں وزیاعظم شہباز شریف نے کہا کہ پاکستان کو اس چیلنج سے نمٹنے کیلئے عالمی برادری کی مدد کی ضرورت ہے.

    وزیارعظم نے کہا کہ یو این سیکریٹری جنرل سیلاب سے بڑے پیمانے پر تباہی سے دلی طورپررنجیدہ ہوئے،یو این سیکریٹری جنرل سیلاب سے بڑے پیمانے پر تباہی سے دلی طورپررنجیدہ ہوئے،موسمیاتی تبدیلی کے بارے میں انہوں نے جو کہا اس پر دنیا کو توجہ دینی چاہیے.

    شہباز شریف کا مذید کہنا تھا کہ میں یو این سیکریٹری جنرل انتونیو گوتریس کا سیلاب متاثرین کی مثالی حمایت کیلئےشکرگزار ہوں.انکا دو روزہ دورہ اس انسانی سانحے کےبارے دنیا بھر میں آگاہی پھیلانے کیلئے نہایت اہم رہا. انکی ہمدردی اور قائدانہ خصوصیات نے مجھےمتاثر کیا.پاکستان کو اس چیلینج سےنبردآزما ہونےکیلئے عالمی تعاون کی ضرورت ہے.


    دوسری جانب یو این سیکریٹری جنرل انتونیو گوتریس نے سماجی رابطے کی ویب سائٹ ٹویٹر پر پاکستان کے دورہ اور سیلاب کی صورتحال کا مشاہدہ کرنے کے بعد ویڈیو شیئر کرتے ہوئے کہا کہ موسمیاتی تبدیلی سے ایسے نقصانات نہیں دیکھے جو سیلاب سے پاکستان میں ہوئے.

    انہوں نے کہا کہ زمین کا درجہ حرارت بڑھنے سے ملکوں کو مشکلات کا سامنا کرنا پڑ ے گا،موسمیاتی تبدیلی سے ہونے والے نقصانات متاثرہ ملکوں کی برداشت سے باہر ہوسکتے ہیں،موسمیاتی تبدیلی ایک عالمی مسئلہ ہے جو مشترکہ توجہ کا متقاضی ہے.

  • شہباز شریف کابینہ ارکان کی تعداد عمران خان کی کابینہ سے تجاوز کرگئی

    شہباز شریف کابینہ ارکان کی تعداد عمران خان کی کابینہ سے تجاوز کرگئی

    اسلام آباد: وزیراعظم شہباز شریف کی کابینہ کے ارکان کی تعداد سابق وزیراعظم عمران خان کی کابینہ سے تجاوز کرگئی ہے۔آئین کے آرٹیکل92کے تحت کابینہ میں وفاقی بشمول وزرائے مملکت کی کل تعدادمجلس شوریٰ (پارلیمنٹ) کے مجموعی ارکان کے گیارہ فیصد سے زائد نہیں ہوسکتی۔

    اس وقت قومی اسمبلی کے ارکان کی تعداد342اور سینیٹ کی 100ہے اس طرح پارلیمنٹ کے ارکان کی کل تعداد442ہے اس کا 11فیصد48 ارکان بنتے ہیں جبکہ آئین کی شق 93 کی ذیلی شق1کے تحت وزیراعظم زیادہ سے زیادہ 5مشیر مقرر کرسکتا ہے جس کے بعد کابینہ کی مجموعی تعداد 53بنتی ہے۔

    شہباز شریف کابینہ میں34 وفاقی وزیر، سات وزرائے مملکت،4 مشیر جبکہ 17معاون خصوصی شامل جن کی مجموعی تعداد 62 ہوگئی ہے اور اگر معاونین خصوصی کی تعداد کو بھی کابینہ میں شمار کیا جائے تو شہباز شریف کابینہ کی تعداد آئین میں دی گئی تعداد سے تجاوز کرجاتی ہے۔

    معاون خصوصی آئین کی بجائے رولز آف بزنس 1973 کی شق 4کی ذیلی شق 6کے تحت تعینات کئے جاتے ہیں جن کو وفاقی وزیر یا وزیر مملکت کا درجہ دیا جاتا ہے مگر وہ کابینہ کے رکن شمار نہیں ہوتے اس لئے خصوصی معاونین کی تعداد کو کابینہ میں نہیں گنا جاتا۔

    حکمران اتحاد کی تمام جماعتوں کو ایڈجسٹ کرنے کے دباؤ میں وزیراعظم شہباز شریف کی کابینہ کی تعداد بڑھ کر62 ہو گئی جس کی وجہ سے وفاقی وزارتیں کم اور وفاقی وزراء کی تعداد زیادہ ہوگئی ہے۔وزیر اعظم کے 17 معاونین میں سے صرف تین کے پاس قلمدان ہیں اور باقی 14معاونین خصوصی کے پاس کوئی قلمدان بھی نہیں۔

    سابق وزیراعظم عمران خان کے خلاف تحریک عدم اعتماد آئی تو ان کی کابینہ 52 ارکان پر مشتمل تھی۔ وزیر اعظم عمران خان کی سبکدوشی کے وقت25 وفاقی وزرا، وزرائے مملکت اور مشیروں کی تعداد چار، چار اور معاونین خصوصی 19 تھے۔

  • امریکی امداد کو سراہتے ہیں ،شہباز شریف سے امریکی کانگریس کے وفد کی ملاقات

    امریکی امداد کو سراہتے ہیں ،شہباز شریف سے امریکی کانگریس کے وفد کی ملاقات

    وزیر اعظم محمد شہباز شریف سے امریکی کانگریس کے وفد نے ملاقات کی.وزیر اعظم محمد شہباز شریف سے امریکی کانگریس کے وفد نے کانگریس کی خاتون رکن شیلا جیکسن لی(Sheila Jackson Lee) کی قیادت میں آج ملاقات کی. کانگریس وومن لی کے علاوہ وفد میں کانگریس مین تھامس سوزی (Thomas Souzzi) اور کانگریس مین آل گرین (Al Green) شامل تھے۔

    باز شریف،امریکی،کانگریس،ملاقات،

    اس موقع پر وزیر اعظم کا کہنا تھا کہ ترقی یافتہ ممالک کوماحولیاتی تبدیلی کے حوالے سے اقدامات اٹھانے کی ضرورت ہے، جس میں ترقی پذیر دنیا میں موسمیاتی تبدیلی کے منفی اثرات کو کم کرنے کے لیے موسمیاتی مالیات (Climate Finance) کی فراہمی بھی شامل ہے.سب سے کم کاربن اخراج کرنے والے ممالک میں سے ایک ہونے کے باوجود پاکستان کو موسمیاتی تبدیلی کے خطرات کا سامنا ہے

    وزیراعظم شہباز شریف نے کہا کہ ایک ایسے وقت میں جب پاکستان سیلاب جیسی قدرتی آفت کا سامنا کر رہا ہےامریکی کانگریس وفد کے دورہ پاکستان انتہائی اہمیت کا حامل ہے اور ہم اسے سراہتے ہیں،حکومت ریسکیو اور ریلیف کی کوششوں میں پوری طرح مصروف ہے.

    وزیر اعظم نے کہا کہ ایک ایسے وقت میں جب پاکستان سیلاب جیسی قدرتی آفت کا سامنا کر رہا ہےامریکی کانگریس وفد کے دورہ پاکستان انتہائی اہمیت کا حامل ہے اور ہم اسے سراہتے ہیں .انہوں نے کہا کہ حکومت ریسکیو اور ریلیف کی کوششوں میں پوری طرح مصروف ہے۔

    وزیر اعظم نے مزید کہا کہ حالیہ سیلاب سے 33 ملین سے زیادہ لوگ متاثر ہوئے ہیں, 1,300 سے زیادہ انسانی جانیں ضائع ہوئیں اور زراعت، مویشیوں، املاک اور اہم انفراسٹرکچر کو بڑے پیمانے پر نقصان پہنچا۔ وزیر اعظم نے اس بات پر زور دیا کہ بحالی اور تعمیر نو کے حوالے سے سنگین چیلنجز درپیش ہوں گے اور اس کے لیے بے پناہ وسائل کی ضرورت ہوگی۔ اس تناظر میں بین الاقوامی برادری کی طرف سے مسلسل حمایت، یکجہتی اور مدد اہم ہے ۔

    پاکستان اور امریکہ کے تعلقات کے حوالے سے اطمینان کا اظہار کرتے ہوئے، وزیراعظم نے باہمی احترام، اعتماد اور افہام و تفہیم پر مبنی دونوں ممالک کے درمیان تعمیری اور پائیدار روابط کی ضرورت پر زور دیا۔

    وزیراعظم نے اس بات پر زور دیا کہ کاربن کے سب سے کم اخراج کرنے والے ممالک میں سے ایک ہونے کے باوجود پاکستان کو موسمیاتی تبدیلی کے خطرات کا سامنا ہے۔ انہوں نے اس بات پر زور دیا کہ ترقی یافتہ ممالک کوماحولیاتی تبدیلی کے حوالے سے اقدامات اٹھانے کی ضرورت ہے، جس میں ترقی پذیر دنیا میں موسمیاتی تبدیلی کے منفی اثرات کو کم کرنے کے لیے موسمیاتی مالیات (Climate Finance) کی فراہمی بھی شامل ہے۔

    وزیر اعظم نے امریکہ کی طرف سے فراہم کی جانے والی سیلاب سے متعلق امداد کو سراہتے ہوئے کہا کہ کانگریس کے وفد کا دورہ پاکستان میں سپر فلڈ سے ہونے والی تباہی کے پیمانے کے بارے میں عالمی سطح پر آگاہی بڑھانے اور زیادہ سے زیادہ امداد کو متحرک کرنے میں مدد دے گا۔

    کانگریس کا 3 رکنی وفد 4 سے 6 ستمبر 2022 تک پاکستان کا دورہ کر رہا ہے۔ وفد نے صوبہ سندھ کا دورہ کیا تاکہ نقصانات اور انسانی تکالیف کا مشاہدہ کیا جا سکے اور اہم اسٹیک ہولڈرز کے ساتھ ملاقاتیں کیں تاکہ بحالی کی کوششوں میں مدد کرنے کے طریقے تلاش کیے جا سکیں۔

    کانگریس ویمن لی نے سیلاب متاثرین خصوصاً اپنے پیاروں سے محروم ہونے والوں کے لیے اپنی گہری ہمدردی کا اظہار کرتے ہوئے وزیر اعظم شہباز شریف کی کوششوں کو سراہا اور امید ظاہر کی کہ پاکستانی قوم اس آفت سے ہمت اور عزم کے ساتھ نمٹے گی۔ انہوں نے اس بات کا اعادہ کیا کہ امریکی کانگریس اور انتظامیہ اس زبردست چیلنج کے تناظر میں پاکستان کے ساتھ کھڑی رہے گی اور متاثرہ لوگوں کی تکالیف کو کم کرنے اور ان کی زندگیوں اور کمیونٹیز کی تعمیر نو میں مدد کے لیے اہم مدد فراہم کرے گی۔

  • بلوچستان:بی بی نانی پل کی بحالی،مزدوروں کیلئے50 لاکھ روپےانعام کا اعلان

    بلوچستان:بی بی نانی پل کی بحالی،مزدوروں کیلئے50 لاکھ روپےانعام کا اعلان

    کوئٹہ:وزیراعظم میاں محمد شہباز شریف کی جانب سے بی بی نانی پل کی بحال کے کاموں میں مصروف مزدوروں کیلئے 50 لاکھ روپے انعام کا اعلان کیا ہے۔

    بلوچستان کے سیلاب متاثرہ علاقوں کے دورے کے موقع پر وزیراعظم میاں شہباز شریف کی جانب سے بی بی نانی پل کی بحالی میں مصروف عمل تمام مزدوروں کو انعام کے طور پر 50 لاکھ روپے دینے کا اعلان کیا ہے۔

    دورے کے موقع پر وزیراعظم کا کہنا تھا کہ بلوچستان میں شاہراہوں ، پلوں اور ریلوے ٹریکس کی مرمت کے لئے ہنگامی بنیادوں پر کام کرنا ہوگا۔

     

    بلوچستان کے ضلع کچھی (بولان ) میں بی بی نانی کے مقام پر سیلاب سے متاثرہ پنجرہ پل کے دورے پر نیشنل ہائی ویز اتھارٹی کی جانب سے وزیراعظم کو بریفنگ بھی دی گئی۔

    حکام نے وزیراعظم کو بتایا کہ سڑکوں پُلوں اور ریلوے ٹریکس کی مرمت کا کام جاری ہے۔ پنجرہ پل ،بی بی نانی اور ملحقہ علاقوں کی ایک سو چھ کلو میٹر سڑک بری طرح متاثر ہوئی ہے۔ علاقے میں بحالی کے کام کیلئے تمام ادارے مل کر انفرا اسٹرکچر کی تعمیر پر تخمینے کا بھی جائزہ لے رہے ہیں۔ ان کی کوشش ہے کہ سڑکوں اور پُلوں پر جاری کام کے ساتھ ساتھ ٹریفک کی روانی رواں رکھی جائے۔

    بلوچستان کے سیلاب سے متاثرہ علاقوں میں شاہراہوں، ریلوے ٹریکس کی بحالی اور انفراسٹرکچر پر پنجرہ پل پر بریفنگ لیتے ہوئے وزیراعظم محمد شہباز شریف نے کہا ہے کہ سیلاب سے ہونے والے بڑے پیمانے پر ملک بھر میں تباہی ہوئی ہے۔ ایسے موقع پر پوری قوم متحد ہے، ہم سب کو مل کر اس چیلنج کا مقابلہ کرنا ہوگا۔

    وزیراعظم کا یہ بھی کہنا تھا کہ وہ شاہراہوں اور ریلوے ٹریک کا مجموعی طور پر جائزہ لے چکے ہیں۔ شاہراہوں، پُلوں اور ریلوے ٹریکس کی بحالی اور مرمت کیلئے ہنگامی بنیادوں پر کام کرنا ہوگا۔

    وزیراعظم نے این ایچ اے ،این ڈی ایم اے ،پی ڈی ایم اے اور دوسری تمام ایجنسیوں کو سلیوٹ پیش کرتے ہوئے کہا کہ اداروں کا عزم قابل ستائش ہے، وہ قوم کی خدمت میں پیش پیش ہیں۔ اس موقع پر مزدوروں کی کاوشوں کو سراہتے ہوئے وزیراعظم نے 50لاکھ روپے انعام کا کا اعلان بھی کیا۔

    انہوں نے کہا کہ بی بی نانی پل حالیہ بارشوں اور سیلاب میں بہہ گیا تھا، پل بہہ جانے سے سکھر سے کوئٹہ تک ٹریفک بند ہوگئی تھی، پل کے دونوں اطراف 6 ہزار سے زائد افراد پھنسے ہوئے تھے۔ 8 گھنٹے میں اس پل کو بحال کیا گیا، جو ان کی محنت کا منہ بولتا ثبوت ہے۔

    انہوں نے یہ بھی کہا کہ چند دنوں بعد میں ایک بار پھر فضائی جائزہ لوں گا اور امید ہے تمام امور احسن انداز سے مکمل ہوں گے۔ شہباز شریف نے کہا کہ سیلاب کی تباہی سے سب سے زیادہ بچے متاثر ہو رہے ہیں اور بدقسمتی سے 400 بچے جاں بحق ہوئے جو مجموعی ہلاکتوں کی ایک تہائی تعداد بنتی ہے۔ انہوں نے کہا کہ یونیسیف اور دیگر عالمی اداروں سے بچوں کی جان بچانے کے لیے امداد کی اپیل کرتا ہوں۔

    پاک فوج نے فلڈ ریلیف ہیلپ لائن قائم کر دی،

    آرمی چیف جنرل قمر جاوید باجوہ نے کانجو اور سوات کا دورہ کیا

    وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

    متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

    آرمی چیف جنرل قمر جاوید باجوہ سے برطانوی ہائی کمشنر کرسچن ٹرنر کی ملاقات