وزیراعلیٰ پنجاب حمزہ شہبازشریف کا کہنا ہے کہ ایوان صدر میں جو شخص بیٹھا ہےملک کا دشمن ہے عمران خان لاکھ خاردار تاریں بچھائیں میں پھر اپنا کام جاری رکھوں گا-
باغی ٹی وی : وزیراعلیٰ پنجاب حمزہ شہباز نے لاہورماڈل ٹاؤن میں پریس کانفرنس میں کہا کہ پرویز الہی نے بطور کسٹوڈین بن کر پنجاب اسمبلی میں خواتین ایم پی ایز پرحملہ کروایا ایک لمحہ ضائع کیے بغیر آگے بڑھوں کا لاکھ خار دار تاریں بچھائیں ہم ان تاروں کو عبور کر لوں گالاکھ رکاوٹیں ڈالیں گے مجھےپنجاب کے لیے کام کرنے سے نہیں روک سکتے آئین شکنی کی ایسی مثال قائم کی گئی جو کبھی دیکھی نہ سنی-
وزیر اعلیٰ پنجاب نے کہا کہ ایک شخص نے گورنر ہاؤ س میں ڈیرے لگائے اور عدالت کی حکم عدولی کی گئی جو تاریخی ہے وزیر اعظم کا استحقاق ہے وہ صدر کو گورنر کا نام بھجوائےجس پرصدرنےاحکامات جاری کرنے ہیں وزیراعظم کی سمری پرصدرنے صرف دستخط کرنےہے،ڈیڑھ ماہ ہوگیالیکن ابھی تک کچھ نہیں کیا گیا سپیکر قائم مقام گورنر بنتا ہے لیکن ہٹ دھرمی ہے کابینہ کا حلف نہیں لیاجارہا ابھی تک میری کابینہ نہیں بنی عوام کو کوئی عذر پیش نہیں کرنا چاہتا گورنر نہ لگانے کےلئے عمران خان کے کہنے پر آئین کی پامالی کرے-
حمزہ شہباز نے کہا کہ گندم جان بوجھ کر بیرون ملک بھجوادی گئی،گندم کےلیے خواتین کو لائنوں میں لگادیا گیا،لاکھ خاردار تاریں بچھائیں میں پھر اپنا کام جاری رکھوں گا،عمران خان سے کہتاہوں میں صوبے کی عوام کی خدمت کرتا رہوں گا عمران خان اداروں پر حملے کرتے رہے ،عمران خان اداروں کو تباہ کرنے کی سازش کررہے ہیں-
وزیر اعلیٰ پنجاب نے کہا کہ عمران خان 4 سال عوام سے کھلواڑ کرتا رہاپنجاب کو چار سال میں مہنگائی کے دلدل میں پھنسا دیا،عمران خان کے دور میں روپےکی قیمت 40فیصد گری،عمران خان نےملک کی ہنستی بستی معیشت کو تباہ کیا،عمرا ن خان سیاست کی آڑمیں افراتفری پھیلا رہےہیں سیاسی جماعتوں عدلیہ و عوام کو بتانا چاہتاہوں پہلے اداروں پرحملہ کرکے بدنام کرتےہو پھر سازش کا نام دیتے ہو-
حمزہ شہباز نے کہا کہ عمران خان افراتفری چاہتا ہے چار سال موقع دیا خود کشی کرلوں گا آئی ایم ایف سے قرضہ نہیں لوں گا عمران خان نے آئی ایم ایف کی وہ شرائط مانی جس کا عوام کو نقصان پہنچا ملک کو سونامی سے تباہ کر دیا سی پیک بارہ ہزار میگا واٹ بجلی چھوڑ کر گئے عمران خان نے کہا آلو پیاز ریٹ کےلئے وزیر اعظم نہیں بنا تم نے احتساب کا نعرہ لگایا اور اے ٹی ایم ایز بھریں
انہوں نے کہا کہ فوج کے خاندان کی لانگ مارچ میں شرکت کی بات کا نوٹس لینا چاہیے،سیاسی میدان سجائے دشمن گھات لگائے بیٹھے ہیں عمران خان فوج کو تقسیم کرنا چاہتے ہیں،اداروں کوفوج کے خاندان کی لانگ مارچ میں شرکت کی بات کا نوٹس لینا چاہیے آپ بہروپیے کے پیچھے نہ جائیں شعبدہ بازی جلسوں میں کررہاہے کس نے ایف بی آر کے نام سے پیسے چھپائے اور فارن فنڈنگ کی-
وزیر اعلیٰ پنجاب نے کہا کہ عمران خان پر کڑی نظر رکھو انا بت کو اونچا کرنے کےلئے عدالت عظمی کو کیوں رات کو کھلوانا پڑی اگر رات کو عدالت نہ کھلتی تو ملک بنانا اسٹیٹ بن جاتا اداروں و عوام کو نوٹس لینا ہوگا کبھی بھرے جلسے میں ایبسلوٹلی ناٹ کا نعرہ لگا کر امریکہ کو للکارتاہے ان سے برابری کے تعلقات ہیں امریکہ کے ساتھ ناقابل تلافی عمران خان نے نقصان پہنچایا ہے صوبے کے عوام کو بتانا چاہتا ہوں خدمت کرنا چاہتاہوں دو وقت کی روٹی مشکل ہوگئی ہے عمران خان نے گھٹنے پکڑ کر آئی ایم ایف سے سخت ترین شرط پر پیسے لئے اور تیل کی قیمتیں نہیں بڑھائیں ڈالر کی قیمت عمران خان کی وجہ سے بڑھی ہاتھ پاؤں باندھ دوں تو تب بھی عوام کے ساتھ کھڑا ہوں گا-
حمزہ شہباز کا کہنا تھا کہ نواز شریف اور شہباز شریف نے یہی سکھایا عوام کی خدمت کرو،آٹے پر عوام کو 200ارب روپے کی سبسڈی دے رہے ہیں، عوام کے لیے 10کلو آٹے کا ریٹ 650کے بجائے 490روپے کررہےہیں سستا آٹا پنجاب کے 36اضلاع میں آج سے دستیاب ہوگا،پنجاب حکومت نے فی کلو آٹے کی قیمت میں 16روپے کمی کا اعلان کردیاآج انٹرنیشنل مارکیٹ میں گندم کا ریٹ 500 ڈالر پر ٹن ہے،سستی اور اپنی گندم کسانوں کو پورے پیسے دے کر پری کیور کر لی ہے-
وزیر اعلیٰ پنجاب کاکہنا تھا کہ ایک طرف آئی ایم ایف کو کہاکہ پیٹرول مہنگا کرینگے پھرسبسڈی دی ہم 5.8 پر ترقی کی شرح چھوڑ کرگئے تھے آج وہ صفر ہوگئی ،انٹرنیشنل مارکیٹ میں گندم اس وقت 4 ہزار روپے فی من ریٹ ہے ،کسانوں سے 2200 روپے فی من ریٹ پر گندم ایک سال کے لیے ا سٹاک کرلی-
حمزہ شہباز نے کہا کہ ایوان صدر میں جو شخص بیٹھا ہےملک کا دشمن ہے آئین کی پامالی پر مجرم شخص ہے، اللہ جب تک چاہے گا میں اس عہدے پر بیٹھا رہوں گا عوام کے دکھوں کی داد رسی میں کوئی کسر نہیں چھوڑوں گا آئی جی پولیس کوکہا ہےپچھلے دور کی کرپشن جانتا ہوں آئی جی سے کہا بس ایماندار آفیسر تعینات کریں آئی جی کو کہا کسی پولیس افسر کی سفارش نہیں کروں گا-
وزیر اعلیٰ پنجاب حمزہ شہباز نے کہا کہ پنجاب کے ہسپتالوں میں جارہاہوں تو تصویریں کھنچوانے کےلئے نہیں جارہا بلکہ سہولیات کےلئے جا رہا ہوں،انشااللہ بہت جلد تمام پنجاب کے ہسپتالوں میں کینسر اور عام آدمی کو مفت دوائیاں دیں گے،چھتیس اضلاع میں پرائس کنٹرول کمیٹیاں بنا دی ہیں خود اضلاع میں جاکر قیمتیں چیک کروں گا،حالات سے پریشان نہیں ہوں گا-
انہوں نے کہا کہ الیکشن ضرور ہوں گے لیکن پاکستان سالمیت و بقا پر سوالیہ نشان کی کوشش کو برداشت نہیں کریں گے، پرویز الہی مگر مچھ کے آنسو نہ روئیں اسمبلی میں غنڈوں کو بلاکر انگوٹھے دکھائے سرکاری غنڈوں کو پکڑیں گے تاکہ ایسا واقعہ رونما نہ ہو سکے، اگر دوست مزاری کو کچھ ہوجاتا تو کون ذمہ دار ہوتا،انتقام نہیں لوں گا عوام کو اعتماد میں لینا چاہتاہوں-
حمزہ شہباز نے کہا کہ فرح گوگی جن کے کہنے پر کرپشن کرتی تھی میرا کام ان مجرموں کو جیلوں میں ڈالوں، مجھ سے چار سال عمران نیازی کی انا آڑے آئی تو پبلک اکائونٹس کمیٹی کا چئیرمین نہیں بنایا، اپوزیشن میں اچھے لوگوں کو ساتھ لے کر چلیں گے، عمران خان نہیں چاہتا عوامی نظام چلے، نوجوان پوچھتا ہےایک کروڑ نوکریاں اور پچاس لاکھ گھر کہاں گئے-
حمزہ شہباز نے کہا کہ الیکشن کمیشن آئینی ادارہ ہے آج اس کی انا آڑے آ رہی ہے اگر ملک نے انا کے تحت چلنا ہے اسے مینار پاکستان پر کھڑا کردو، کھلواڑ کا حساب دینا ہوگا اے ٹی ایمز کو پالا ہے اس کو رات کو ڈاکے ڈالے اس پر قانونی گرفت پر خوفزدہ ہے،الیکشن اتحادیوں کی مشاورت سے ہوں مسائل کا حل صاف شفاف الیکشن ہی ہے-
وزیر اعلیٰ پنجاب نے کہا کہ انار کلی سے مجرم پکڑے گئے سیف سٹی گیا ڈیڑھ سال سے پینتیس فیصد سی سی ٹی وی کیمرے بند پڑے ہیں خدا نا خواستہ کوئی دہشت گردی کا واقعہ ہوجاتا تو کابینہ نہ ہونے سے کون ذمہ دار ہوگا، لانگ مارچ نہیں خوف مارچ ہے ،عدالتوں کا بہت احترام ہے مریم سے حنیف عباسی نے عدالتوں کا سامنا کیا اصل مسائل کا حل صاف شفاف الیکشن میں ہے۔الیکشن ریفارمز ہوجائیں تو فری اینڈ فئیر الیکشن ہو جائیں گے جس سے عوام کی مسائل بھی ختم ہوں گے-
