Tag: شیخ رشید

اسلام آباد:عوامی مسلم لیگ کے سربراہ شیخ رشید نے کہا ہےکہ سعودی عرب کی تحقیقات سے ثابت ہوگیا میرا بھتیجا وہاں نہیں تھا، 15 تاریخ کو فیصل آباد جلسہ میں جا کر گرفتاری دینا چاہتا تھا مگر عمران خان نے روک دیا۔

راولپنڈی میں میڈیا سے گفتگو کرتے ہوئے سابق وزیر داخلہ شیخ رشید کا کہنا تھا کہ میں تو چاہتا ہوں کہ میرا بھتیجا ایک دو مہینے جیل میں رہے ،اس کی اچھی ٹرینگ ہو جائے گی۔ سعودی عرب کی تحقیقات سے ثابت ہوگیا کہ میرا بھتیجا وہاں نہیں تھا ، اگر ن لیگ کے احسن اقبال ،مریم اورنگزیب یا کوئی بھی کہہ دے کہ راشد وہاں تھا تو میں ذمہ دار ہوں۔

انہوں نے کہا کہ فیصل آبادکی شیطانی چمگادڑنے مدینہ ٹاؤن میں مجھ پرمقدمہ درج کرایا،15 تاریخ کو فیصل آباد جلسہ میں جا کر گرفتاری دینا چاہتا تھا، عمران خان نے منع کر دیا۔ عابدشیرعلی کہتاہےراناثنااللہ پر18قتل کےمقدمےہیں۔ نوازشریف سے جو ملاقاتیں ہو رہی تھیں، میں اور عمران خان ان سے باخبر تھے۔ ہماری حکومت کے خلاف سامراجی پلان بنایا گیا، دو ووٹوں کی اکثریت سے امپورٹڈ حکومت لائی گئی، چودھری سالک اور طارق بشیر چیمہ الگ ہوجائیں تو حکومت ختم ہوجائے گی۔

دوسری طرف رانا ثنااللہ نے حسب روایت اپنی بندوقوں کا رُخ پی ٹی آئی رہنماوں کیطرف کرتے ہوئےکہا ہےکہ مسجد نبوی میں بے حرمتی پر عمران نیازی بلا تاخیر قوم سے معافی مانگیں، ڈیوٹی جج کے کہنے کے باوجود راشد شفیق نے اپنا فون پولیس کو نہیں دیا، یہ عمران اور شیخ رشید کے واقعے میں ملوث ہونے کوتقویت دیتا ہے۔

وزیر داخلہ نے اپنے بیان میں کہا کہ عدالت نے شیخ راشد کے ویڈیو پیغام کی تصدیق کیلئے موبائل فون برآمد کرنے اور فرانزک کاحکم دیا ہے، عدالت کے اصرار کے باوجود شیخ راشد شفیق نے فون پولیس کو نہیں دیا، یہ عمل عمران خان اور شیخ رشید کے واقعے میں ملوث ہونے کوتقویت دیتا ہے۔

سابق وزیرداخلہ شیخ رشید کا کہنا ہے کہ میں فوج سے صلح کا حامی ہوں ، لڑائی جھگڑے کی حمایت نہیں کرتا اور اب بھی چاہتا ہوں کہ ہماری صلح ہونی چاہئے اور اس کے لیے کوششیں بھی شروع کردی ہیں۔

باغی ٹی وی : غیرملکی خبررساں ادارے کو دیئے گئے انٹرویو میں شیخ رشید احمد نے کہا کہ فوج کے ساتھ تمام معاملات اچھے چل رہے تھے اور ہم سب ایک پیج پر تھے مگر اچانک ہمارے درمیان غلط فہمیاں پیدا ہوگئیں ، لیکن کچھ نہ کچھ ایسا ہوا ہے کہ ایم کیو ایم اور باپ نے ہمارا ساتھ چھوڑ دیا، آدھی ق لیگ چلی گئی، ہم سے کہیں تو غلطی ہوئی ہے۔

شیخ رشید کا کہنا تھا کہ تحریک انصاف کو اداروں کےخلاف نہیں کھڑا ہونا چاہئےہمیں اداروں کے ساتھ مل کر الیکشن کی تاریخ طے کرنی چاہئےمیں اس میں ثالثی کا کردار ادا کروں گا، لیکن اگر عمران خان کی اداروں سے جنگ ہوجاتی ہے تو اس میں کوئی شک نہیں ہونا چاہئے کہ میں عمران خان کے ساتھ چٹان کی طرح کھڑا رہوں گا کیوںکہ عمران خان کو اس جنگ میں حق بجانب سمجھتا ہوں۔

پی ٹی آئی کیجانب سے معید پیرزادہ کو 3سال 7 ماہ میں "گلوبل ویلیج سپیس ڈاٹ…

شیخ رشید نے مسجد نبویﷺ میں پیش آنے والے واقعے سے متعلق کہا کہ میں عاشق رسولﷺ ہوں اور اس فعل پر کہتا ہوں کہ یہ نہیں ہونا چاہئے تھا لیکن حقیقت یہ ہے کہ یہ لوگ جہاں بھی جائیں گے عوام اپنے جذبات کا اظہار کریں گے اور انہیں چور کہیں گے ، مدینہ میں تو شاید 5 سے 10 ہزار لوگ ہیں لیکن اگر یہ لوگ لندن چلے گئے تو ایک لاکھ افراد ان کے خلاف مظاہرہ کریں گے۔

انہوں نے کہا کہ ہمارا ایک ہی مطالبہ ہے کہ جلد از جلد صاف اور شفاف انتخابات کی تاریخ دی جائے، اگر عوام نے ساتھ دیا اور اسلام آباد آگئےتوپھر تو ہم الیکشن کی تاریخ لئے بغیر وہاں سے نہیں جائیں گے، ورنہ ہماری سیاست غرق ہوجائے گی، ہم آر یا پار ہوجائیں گے عمران خان کبھی نہیں چاہتے کہ مارشل لا لگےوہ تو انتخابات چاہتے ہیں، وہ تو اس حکومت سے بھی مذاکرات اور بات چیت کے لئے تیار ہیں لیکن شرط یہ ہےکہ اگر حکومت انتخابات کی تاریخ کےحوالےسےبات کرےاورکوئی ان کی ذمہ داری لے ورنہ عمران خان ان کی شکلیں دیکھنے کو بھی تیار نہیں-

عمران خان نے بائیڈن انتظامیہ سے پاکستان میں حکومتی تبدیلی پر وضاحت مانگ لی

راولپنڈی :شیخ رشیدکی وگ اتار کر لانیوالےکو 50 ہزار روپے انعام دوں گا:اطلاعات کے مطابق وزیراعظم شہباز شریف کے معاون خصوصی حنیف عباسی نے شیخ رشید سے متعلق عجیب و غریب اعلان کیا ہے۔

راولپنڈی میں پریس کانفرنس کرتے ہوئے حنیف عباسی کا کہنا تھا کہ عمران خان کے ایما پرمسجد نبوی ﷺ کےافسوس ناک واقعےکی منصوبہ بندی کی گئی، بدترین دشمن کے سامنے بھی مسجد میں کوئی بات نہیں کرتا، مسجد نبوی کے واقعہ کی پلاننگ عمران خان اور شیخ رشید نےکی، شیخ رشید کا بھتیجا بھی پلاننگ شامل رہا۔

حنیف عباسی کا کہنا تھا کہ شیخ رشید سیاسی مقابلہ کریں، جس حلقے سے شیخ رشید الیکشن لڑیں گے وہاں سے میں بھی لڑوں گا اور مقابلہ کروں گا، یہ جہاں جائیں گے انہیں انڈے اور ٹماٹر پڑیں گے، شیخ رشید کی وگ اتار کر لانے والےکو 50 ہزار روپے انعام دوں گا۔

وزیراعظم کے معاون خصوصی کا کہنا تھا کہ مسجد نبوی میں مریم اورنگزیب، شازین بگٹی کو گالیاں دی گئیں، ان سب لوگوں کیخلاف مقدمہ درج کرکےگرفتار کرنا چاہیے، یہ نواز شریف یا شہباز شریف کی نہیں، مدینہ کے تقدس کی بات ہے، اس فعل میں شامل افراد کے خلاف سخت کارروائی ہونی چاہیے۔

ادھر عوامی مسلم لیگ کے سربراہ اور سابق وفاقی وزیر داخلہ شیخ رشید نے اسلام آباد کے تھانہ کوہسار میں درخواست جمع کراتے ہوئے نواز شریف، شہباز شریف، حمزہ شہباز، رانا ثنا اللہ سمیت 7 افراد پر قتل کی پلاننگ کا الزام عائد کر دیا ہے۔

سابق وفاقی وزیر داخلہ نے اپنے قتل کی منصوبہ بندی کے خلاف تھانہ کوہسار میں درخواست جمع کرتے ہوئے موقف اپنایا کہ میرے میڈیا سینٹر کے باہر گزشتہ رات سے مشکوک افراد دیکھے جا رہے ہیں، وزیرِداخلہ رانا ثناءاللہ کی جانب سے مجھے دھمکیاں بھی مل رہی ہیں، حکومت مخالف ایک اہم رکن ہوں میری جان کو خطرہ ہے۔

شیخ رشید کی درخواست کے متن کے مطابق اگر میں باہر یا جیل میں قتل ہوگیا تو نواز شریف، شہباز شریف اور حمزہ شہباز، رانا ثناء اللہ، حسین نواز، معین نواز، سلمان شہباز کو شامل تفتیش کیا جائے۔

انہوں نے اپنی درخواست میں موقف اپنایا کہ رانا ثناء اللہ بدنام زمانہ قاتل، منشیات کیس اور ماڈل ٹاؤن کیس کا مرتکب ہوا ہے۔

اٹک :فیصل آباد ہی نہیں تھانہ نیوائرپورٹ اٹک عمران خان اور ساتھیوں کے خلاف مقدمہ درج،اطلاعات کے مطابق فیصل آباد ہی نہیں تھانہ نیوائرپورٹ اٹک میں بھی عمران خان ، شیخ رشید،فوادچودھری،شہبازگل،مراد سعیداورقاسم سوری کے خلاف مسجد نبویﷺ کی بےحرمتی کی منصوبہ بندی کے الزامات کے تحت مقدمہ درج کیا گیاہے

اطلاعات کے مطابق تھانہ نیو ایئرپورٹ اٹک میں دائر مقدمے کی درخواست میں کہا گیا ہےکہ عمران خان اور اس کے ساتھیوں کے رویے کی وجہ سے سعودی عرب میں پاکستان کے حکومتی وفد کومسجد نبوی کے نواح میں چور چور کے نعرے لگا کرپریشان کیا گیا ہے اوریہ مسجد نبوی کی حرمت کے خلاف ہے

فیصل آباد ہی نہیں تھانہ نیوائرپورٹ اٹک میں بھی عمران نیازی، شیخ رشید،فوادچودھری،شہبازگل،مراد سعیداورقاسم سوری کے خلاف مسجد نبویﷺ کی بےحرمتی کی منصوبہ بندی کے الزامات کے تحت مقدمہ درج کیا گیاہے@ImranKhanPTI @MuradSaeedPTI @fawadchaudhry @ShkhRasheed @SHABAZGIL @QasimKhanSuri pic.twitter.com/zo1ZGvIb6z

— Ghazanfar Abbas (@ghazanfarabbass) May 1, 2022

یاد رہے کہ اس سے پہلے فیصل آباد کے ایک تھانے میں عمران خان اور اس کے ساتھیوں کے خلاف کچھ ایسے ہی مقدمات دائر کیے گئے ہیں اور ان پرسنگین الزامات لگائے گئے ہیں

ادھر سابق وزیر داخلہ شیخ رشید احمد کے بھتیجے ایم این اے راشد شفیق کو عمرے کی ادائیگی کے بعد اسلام آباد پہنچنے پر ائیرپورٹ سے گرفتار کر کے نامعلوم مقام پر منتقل کر دیا گیا۔

ائیررپورٹ ذرائع کے مطابق سابق وزیر داخلہ شیخ رشید احمد کے بھتیجے ایم این اے شیخ راشد شفیق کو مسجد نبوی کے تقدس کو پامال کرنے کے معاملے پر گرفتار کیا گیا ہے۔ ذرائع کے مطابق شیخ راشد شفیق نجی ائیر لائن کی پرواز کے ذریعے اسلام آباد انٹرنیشنل ایئرپورٹ پہنچے تو ائیرپورٹ پر ہی سول کپڑوں میں ملبوس سرکاری اہلکاروں نے اپنی حراست میں لے کر ائیرپورٹ سے نامعلوم مقام پر منتقل کر دیا۔

شیخ راشد شفیق سمیت پی ٹی آئی کی اعلی قیادت اور سابق وزیر داخلہ شیخ رشید کے خلاف فیصل آباد میں مسجد نبوی صلی اللہ علیہ والہ وسلم کے تقدس کو پامال کرنے اور دیگر دفعات کے تحت مقدمہ درج کیا گیا تھا جبکہ راولپنڈی کے تھانہ گوجرخان اور سول لائنز میں اندراج مقدمہ کی دو الگ الگ درخواستیں جمع کروائی گئی ہیں۔

ایم این اے شیخ راشد شفیق نے سعودی عرب میں عمرے کی ادائیگی کے دوران ویڈیو جاری کی تھی جس میں وہاں ہونے والے واقعہ کا بھی بتا رہے تھے۔

اسلام آباد:عید الضحیٰ سے قبل الیکشن دیکھ رہا ہوں،اطلاعات کے مطابق شیخ رشید نے کہا ہے کہ عید الضحیٰ سے قبل الیکشن دیکھ رہا ہوں۔سابق وفاقی وزیر داخلہ شیخ رشید نے پریس کانفرنس کرتے ہوئے کہا ہے کہ ہماری خواہش ہے کہ حالات بہتر ہو جائیں، ہماری پاکستان کے کسی ادارے سے لڑائی نہیں۔

انہوں نے کہا کہ یہ ہمیں سلیکٹڈ کہتے تھے ہم انہیں امپورٹڈ کہتے ہیں، مسجد نبویﷺ میں جو کچھ ہوا وہ نہیں ہونا چاہیے تھا، ان لوگوں کی شکلوں سے ہی لوگ نفرت کرتے ہیں، عمران خان پر مشکل وقت ہے ساتھ چھوڑنا غداری ہوگی۔

شیخ رشید نے کہا ہے کہ مداخلت سازش سے زیادہ خطرناک ہے، حمزہ شہباز آپ میرے بچوں کی طرح ہیں، آپ ٹریپ ہوگئے ہیں، پنجاب میں منحرف ارکان نااہل ہوجائیں گے تو پھر یہ کیا کریں گے۔

سابق وفاقی وزیر داخلہ نے کہا کہ پاک فوج نے اس ملک کی سالمیت کیلئے قربانیاں دی ہیں، چینی 12 اور گھی کی قیمتوں میں 15روپے اضافہ ہوگیا، میں تو پہلے سے ہی کہتا تھا ن میں سے ش نکلے گی سب میرا مذاق بناتے تھے۔انہوں نے کہا کہ بتائیں ن لیگ ملک میں کہاں نظر آرہی ہے، یہ حکومت امپورٹڈ کے ساتھ سلیکٹڈ بھی ہے، مئی سیاست کے لیے اہم مہینہ ثابت ہوگا، ملک کی سیاسی صورتحال کو شدید خطرات ہیں۔

شیخ رشید نے کہا کہ باپ اور بیٹے پر فرد جرم کی تاریخ لگی ہوئی تھی، آپ دنیا کے کسی بھی ملک جائیں آپ کو انڈے اور ٹماٹر پڑیں گے۔