Tag: صحت

وزیراعظم محمد شہباز شریف نے ملک کو پولیو سے پاک کرنے کیلئے اپنی جانوں کا نذرانہ پیش کرنے والے ہیلتھ ورکرز کوحقیقی ہیروز قراردیتے ہوئے کہاہے کہ ملک کو پولیو کے مرض سے پاک کرنے کیلئے ہمیں متحد ہو کر نئے سرے سے کوششوں کو یقینی بناناہوگا، پولیو فری پاکستان کے ضمن میں درپیش چیلنجوں سے نمٹنے کیلئے غیرمتزلزل اورآہنی عزم کے ساتھ کا م کرنا ہوگا۔

انہوں نے یہ بات جمعرات کوانسداد پولیو کے عالمی دن کے موقع پرمنعقدہ تقریب سے خطاب کرتے ہوئے کہی ، وزیراعظم نے بچوں کو پولیو کے قطرے پلاتے ہوئے 28 اکتوبرسے انسداد پولیو کی قومی مہم کا باضابطہ آغازبھی کیا۔ وزیراعظم نے کہاکہ آج ہم انسداد پولیو کا عالمی دن اس تلخ حقیقت کے ساتھ منا رہے ہیں کہ ملک میں ایک بار پھر پولیو وائرس کے کیسز سامنے آئے ہیں،ہم سب اس بارے آگاہی کیلئے یہاں جمع ہوئے ہیں، اس لعنت اور صحت کے عالمگیر چیلنج کے خاتمہ کیلئے ہمیں ایک بار پھر اپنی کوششوں اور ٹیم ورک کے ساتھ مل کر اس جنگ میں کا میابی تک مل کر کا م کرنا ہوگا، ہم نے ماضی میں بھی اس اس حوالہ سے کا م کیا تھا اور مستقبل میں بھی کریں گے۔ہمیں اس راہ میں درپیش چیلنجوں سے نمٹنے کیلئے غیرمتزلزل اور آہنی عزم کے ساتھ کام کرنا ہوگا تاکہ ملک کو بہت جلد پولیو کے مرض سے پاک کیا جا سکے۔

وزیراعظم نے کہا کہ آج کا دن ہمیں تاریخ میں ان لاکھوں بچوں کی یاددہانی بھی کرا رہا ہے جو پولیو کے مرض کے شکارہوئے اور بعد میں اپنے خاندانوں پر بوجھ بن گئے، یہ دن ہمیں اس مرض کے خاتمہ کیلئے اپنی کوششوں کو دوبارہ مجتمع ہونے اور مل کر کام کرنے کی بھی یاددہانی کرا رہا ہے ۔ وزیراعظم نے ملک میں پولیو کے خاتمہ کیلئے تعاون فراہم کرنے پر بین الاقوامی اداروں بالخصوص عالمی ادارہ صحت، یونیسیف اوربل اینڈ میلنڈاگیٹس فاؤنڈیشن کا شکریہ ادا کیا اور کہا کہ ہم پاکستان کو پولیو سے پاک کرنے میں پرعزم ہیں۔انہوں نے کہا کہ پوری قوم پولیو کے خلاف جنگ میں جانیں قربان کرنے والے حقیقی ہیروز کو سراہتی ہے، ان ہیروز نے انتہائی مشکل حالات میں اپنی جانوں کو ہتھیلی پر رکھ کر پولیو کے خاتمہ کیلئے اپنا کردار ادا کیا۔ یہ وہ لوگ ہیں جنہوں نے اپنے بچوں کو تو یتیم کر لیا مگر ہمارے بچوں کو پولیو سے بچانے کیلئے تاریخ میں اپنا نام سنہرے حروف سے رقم کر گئے۔ پولیو ورکرز قوم کے مجاہد ہیروز ہیں اور پوری قوم انہیں یاد رکھے گی۔

وزیراعظم نے کہاکہ بدقسمی سے پولیو کے 40 کیسز سامنے آئے ہیں، ہم اس وقت تک چین سے نہیں بیٹھیں گے جب تک یہ وائرس پاکستان کی سرحدوں سے چلا نہیں جاتا، یہ ایک چیلنج ہے اور ہم نے اسے قبول کر لیا ہے، پولیو ورکرز اس کا ہراول دستہ ہیں۔وزیراعظم نے کہا کہ بل گیٹس سے ملاقات میں انہوں نے پاکستان کیلئے تمام وسائل مہیا کرنے کا عزم کیا، سعودی عرب نے بھی کئی سو ملین ڈالر کا اعلان کیا ہے جس پر ہم سعودی ولی عہد محمد بن سلمان کا شکریہ ادا کرتے ہیں۔وزیراعظم نے کہا کہ بدقسمتی سے پولیو وائرس پاکستان اور ہمسایہ ملک افغانستان میں ہے، یہ ہمارے لئے لمحہ فکریہ اور چیلنج بھی ہے، میں سمجھتا ہوں کہ پولیو کومکمل شکست دینے کیلئے ہمیں عرق ریزی اور محنت سے کا م کرنا ہوگا۔

قبل ازیں وزیراعظم کی فوکل پرسن عائشہ رضا فاروق نے تقریب سے خطاب کرتے ہوئے کہا کہ پولیو کا مقابلہ کرنے کیلئے مربوط حکمت عملی وضع کی گئی ہے، وزیراعظم کی ہدایت پر ہم نے اس دن کو ان ورکروں کے نام سے منسوب کر دیا ہے جنہوں نے پولیو کے خاتمہ کی مہم میں اپنی جانوں کے نذرانے پیش کئے ہیں، ہم ان کارکنوں کی قربانیوں کو خراج تحسین پیش کرتے ہیں۔ انہوں نے کہا کہ ستمبر میں ذیلی مہم کے دوران 33 ملین بچوں کو قطرے پلائے گئے، 28 اکتوبر سے نئی مہم میں 45 ملین بچوں کو پولیو کے قطرے پلائے جائیں گے اس مہم میں 4 لاکھ پولیو ورکرز حصہ لیں گے۔ انہوں نے کہا کہ پولیو کو مکمل طور پر ختم کرنے کیلئے ہم سب کو اپنی اجتماعی ذمہ داریاں اداکرنا چاہئیں۔ انہوں نے پولیو کے خاتمہ کیلئے وزیراعظم کے وژن اور عزم اور معاون اداروں کو سراہا۔

وزیراعظم کے رابطہ کار ڈاکٹر مختار بھرتھ نے کہا کہ آج کا دن پاکستان کیلئے اہمیت کا حامل ہے،پہلی مرتبہ وزیراعظم اس نوعیت کی مہم میں خود شامل ہیں، وزیراعظم کو پولیو کے خاتمہ میں خصوصی دلچسپی ہے اور ہر مثبت کیس کے بارے میں انہیں معلومات فراہم کی جا رہی ہے۔ انہوں نے کہا کہ وزیراعظم نے سات ماہ کی مدت میں انسداد پولیو مہم کی خود نگرانی کی ہے، اب تک تین میٹنگز انہوں نے خود کی ہیں۔انہوں نے کہا کہ ہم اپنے بین الاقوامی معاون اداروں کا بھی شکریہ ادا کرتے ہیں جنہوں نے ہم پر اعتماد کا اظہار کیا ہے۔ انہوں نے کہا کہ پولیو کے چالیس کیسز آئے ہیں لیکن ہمیں یقین ہے کہ ہم ایک ایک دروازے تک جائیں گے اور کوشش ہوگی کہ ہر بچے کو پولیو کے قطرے پلائے جائیں۔قبل ازیں وزیراعظم نے انسداد پولیو کے دوران اپنی جانوں کے نذرانے پیش کرنے کا رکنوں اور ہیروز کے اہل خانہ اورنمایاں کا رگردگی کا مظاہرہ کرنے والے پولیو ورکرز کو شیلڈز بھی پیش کیں.

اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان

سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

نازیبا ویڈیو لیک ہونے کے بعد مناہل ملک کی عمران خان سے ملاقات کی تصویر وائرل

مناہل ملک سے قبل کس کس پاکستانی کی ہوئی "نازیبا ویڈیو”لیک

ٹک ٹاکر مناہل ملک کی انتہائی نازیبا،جسمانی تعلق،بوس و کنارکی ویڈیو وائرل

وزیر اعظم کے کوآرڈی نیٹر قومی صحت ڈاکٹر مختار احمد نے پمز اسپتال کا دورہ کیا

بعد ازاں میڈیا سے بات کرتے ہوئے وزیراعظم کے کوآرڈینیٹر برائے صحت ڈاکٹر ملک مختار احمد نے کہا ہے کہ اس سال پاکستان میں منکی پاکس کا صرف ایک کیس سامنے آیا ہے جس کے بعد گذشتہ سال سے اب تک رپورٹ ہونیوالے کیسز کی تعداد گیارہ ہوگئی ہے۔ اس بیماری میں دس سے پندرہ روز پہلے بخار ہوتا ہے اور اگلے21 دن تک جسم پر خارش ظاہر ہوتی ہے ،اگر کسی میں اس کی علامات پائی جائیں تو اس کو قرنطینہ کر دیا جائے۔ اس کی ادویات وہی ہیں جو بخار دورمیں استعمال ہوتی ہیں۔ عالمی ادارہ صحت کے مطابق فی الحال کسی ویکسین کی ضرورت نہیں ہے ، افریقہ، امریکہ اورخلیج ممالک سے پاکستان آنے والے افراد پر خصوصی نظر رکھی جائے گی ، 1970 میں یہ وائرس افریقہ میں جانوروں میں سامنے آیا جو اب انسانوں میں منتقل ہوا ہے ۔

ڈاکٹر مختار احمد کا کہنا تھا کہ اگر کسی میں منکی پاکس کی علامات ظاہر ہوں تو اسے آئیسولیٹ ہونا چاہیے،خیبر پختونخوا حکومت نے کیس سامنے آنے پر فیملی کو آئسولیٹ کیا اور احتیاطی تدابیر اختیار کیا، اس وائرس سے دنیا میں 200 کے قریب اموات ہو چکی ہیں.اب تک منکی پاکس کے پنجاب میں 4، خیبر پختونخواہ میں 3، اسلام آباد سندھ بلوچستان میں ایک ایک کیس رپورٹ ہوا ۔ زیادہ تر کیسسز ان لوگوں میں سامنے آئے جو گلف ممالک سے سفر کرکے پاکستان آئے،

ڈاکٹر مختار احمد کا مزید کہنا تھا کہ وزیرِ اعظم کی صدارت میں منکی پاکس سے متعلق اہم اجلاس ہوا، جس میں ٹیسٹنگ لیبارٹریز، کٹ اور ادویات سے متعلق بریفنگ دی گئی،وزیرِ اعظم کو ایئر پورٹس اور بارڈر پر انتظامات سے متعلق آگاہ کیا گیا،آج تک دنیا میں منکی پاکس 99 ہزار لوگوں میں پازیٹو آیا ہے، پاکستان میں منکی پاکس کا پہلا کیس 11 اپریل 2023ء میں سامنے آیا تھا،منکی پاکس کے 90 سے 95 فیصد مریض صحتیاب ہو جاتے ہیں۔

پاکستان میں منکی پاکس کے پہلے مریض کی تصدیق

ترجمان وزارت قومی صحت کا کہنا تھا کہ ایم پاکس ایک نیا وائرس ہے اور اس کے پھیلاؤ کو روکنے کے لیے ضروری اقدامات کیے جا رہے ہیں۔ انہوں نے عوام سے اپیل کی کہ وہ گھبرانے کی بجائے احتیاطی تدابیر اختیار کریں اور اگر کسی میں علامات ظاہر ہوں تو فوراً ڈاکٹر سے رجوع کریں۔ایم پاکس کی علامات میں بخار، جسم پر دانے، سر درد، اور دیگر فلو جیسی علامات شامل ہیں۔ یہ وائرس ایک شخص سے دوسرے شخص میں قریبی رابطے کے ذریعے پھیل سکتا ہے، لہذا اس حوالے سے عوام کو احتیاط برتنے کی ہدایت کی گئی ہے۔حکومت پاکستان اور وزارت قومی صحت ملک میں اس بیماری کی روک تھام کے لیے ہر ممکن اقدامات کر رہے ہیں

منکی پاکس عالمی ایمرجنسی قرار،پاکستان بھی متحرک، اقدامات

 ممکنہ منکی پاکس کیسز اور بارڈر ہیلتھ سروسز ہدایات کی روشنی میں ایئرپورٹس پر حفاظتی انتظامات

 پاکستان میں منکی پاکس کا پہلا کیس سامنے آگیا،

 اسلام آباد میں منکی پاکس کے 20 مشتبہ کیسز رپورٹ 

کانگو وائرس کے مریض کی موت