Tag: عام انتخابات

عام انتخابات 2024، امیدواروں کے کاغذات نامزدگی کی جانچ پڑتال کا عمل جاری ہے

وفاقی دارالحکومت اسلام آباد کے تین حلقوں کے لیے ریٹرننگ افسران جانچ پڑتال کر رہے ہیں ،گزشتہ روز دو حلقوں سے 24 امیدواروں کے کاغذات کی اسکروٹنی مکمل کی گئی ہے۔حلقہ این اے 46، این اے 47 اور این اے 48 سے 208 امیدواروں نے کاغذات نامزدگی جمع کروائے۔ کاغذات نامزدگی کی جانچ پڑتال کا عمل 30 دسمبر تک جاری رہے گا۔ سکروٹنی کے پہلے روز حلقہ این اے 46 سے آر او نے گیارہ امیدواروں کو طلب کیا تھا۔11 امیدواروں کے کاغذات کی جانچ پڑتال کا عمل مکمل کر لیا گیا ہے ۔ ان گیارہ امیدواروں میں جماعت اسلامی کے میاں اسلم بھی شامل ہیں ۔ این اے 48 سے 13امیدوار طلب کیے گئے تھے۔تمام امیدواروں کی سکروٹنی مکمل کر لی گئی ہے۔ حلقہ این اے 47 سے 26 امیدواروں کو آج طلب کیا گیا ہے۔

پی کے 91 کا ریٹرننگ افسر معطل،الیکشن کمیشن کا اپیل دائر کرنے کا فیصلہ
پشاور ہائی کورٹ نے ریٹرننگ آفیسر PK-91 کوہاٹ II عرفان اللہ کی بطورِ ریٹرنگ آفیسر تعیناتی کے الیکشن کمیشن کے آرڈر کومعطل کر دیا ہے۔ اس سلسلے میں الیکشن کمیشن کی ایک اہم میٹنگ ہوئی جس میں فیصلہ کیا گیا کہ پشاور ہائی کورٹ کے اس آرڈر کے خلاف سپریم کورٹ میں اپیل دائر کی جائے۔ پشاور ہائی کورٹ کے مذکورہ آرڈر کے بعد اب یہ حلقہ تکنیکی طور پر بغیر ریٹرننگ آفیسر کے ہے۔ ان حالات میں الیکشن کمیشن آف پاکستان کےلیے الیکشن کروانا مشکل ہوتا جا رہا ہے۔رپورٹ ،محمد اویس

پاکستان راہ حق پارٹی چترال این اے 1 میں جماعت اسلامی کے حق میں دستبردار
پاکستان راہ حق پارٹی چترال نے این اے 1 میں جماعت اسلامی کے حق میں دستبرداری کا اعلان کردیا چترال پریس کلب میں ایک پرھجوم پریس کانفرنس سے خطاب کرتے ھوئے پاکستان راہ حق پارٹی کےضلع لوئرچترال کے صدرمولاناسراج الدین نےمولانا عبدالاکبر چترالی کےحق میں اپنی کاغذات نامزدگی واپس لینےکااعلان کردیا.

حلقہ این اے 156سے پی ٹی آئی امیدوار نذیر احمد جٹ کے خلاف بجلی چوری کا مقدمہ درج
بورے والاکے حلقہ این اے 156سے پی ٹی آئی امیدوار نذیر احمد جٹ کے خلاف بجلی چوری کا مقدمہ درج کرلیا گیا، ایف آئی آر کےمتن میں کہا گیا ہے کہ نذیر جٹ کے میٹر میں ٹرمینل میں شنٹ لگا کر بجلی چوری کی جارہی تھی،چوہدری نذیر احمد جٹ کے کاغذات نامزدگی کی سکروٹنی 30دسمبر کو ہے،سابق ایم این اے نذیر جٹ اس وقت سعودی عرب میں مقیم ہیں،مقدمہ ایس ڈی او مدینہ ٹاؤن کی درخواست پر درج ہوا،

این سے 247، مصطفیٰ کمال کے کاغذات نامزدگی منظور
عام انتخابات 2024 کے لئے سینئر ڈپٹی کنوینر سید مصطفی کمال کے NA247 ڈسٹرکٹ سینٹرل سے کاغذاتِ نامزدگی منظور کر لئے گئے،اس موقع پر سید مصطفی کمال کے ہمراہ ڈی سی آفس سینٹرل میں ایم کیو ایم کارکنان کی بڑی تعداد بھی موجود تھے،

این اے55 سے محمد اعجاز الحق کے کاغذات نامزدگی منظور
این اے55 سے محمد اعجاز الحق کے کاغذات نامزدگی کی سکروٹنی مکمل ہو گئی،سربراہ مسلم لیگ (ضیا) محمد اعجاز الحق کے کاغذات نامزدگی منظور کر لئے گئے،دوسری جانب این اے 75 میں پی ٹی آئی کے امیدوار چوھدری عرفان عابد کے تجویز کنندہ کو پولیس نے رات کو گھر سے گرفتار کر لیا ،پی ٹی آئی کے امیدوار عرفان عابد کے تجویز کنندہ کا نام محمد آصف ہے ،چودھری عرفان عابد کا کہنا ہے کہ محمد آصف کو پولیس نے گھر سے اٹھایا تاکہ مجھے الیکشن میں کھڑا ہونے سے روکا جائے،میرے تجویز کنندہ کو پولیس تھانہ ظفروال نے نامعلوم جگہ منتقل کر دیا ہے ۔

حافظ طلحہ سعید کے این اے 122 سے کاغذات نامزدگی منظور
پروفیسر حافظ محمد طلحہ سعید کے حلقہ این اے 122 سے کاغذات نامزدگی منظور کر لئے گئے،اس موقع پر انہوں نے میڈیا سے گفتگو کرتے ہوئے کہا کہ این اے 122 کے کاغذات نامزدگی کی منظوری کے لئے پیش ہوا تھا، منظور ہو گئے، عمران خان مقابلے میں ہیں ایسی صورتحال چل رہی شاید وہ الیکشن نہ لڑیں اگر وہ الیکشن لڑتے بھی ہیں تو انکا حق ہے، ہمیں امید ہے کہ ہم جیتیں گے،مذہبی جماعتوں کا الیکشن میں اتحاد ہونا چاہئے، خلوص دل سے کوشش کی جائے تو مذہبی جماعتوں کا الائنس بن سکتا ہے،لوگ محنت کر رہے ہیں، ہم خلوص دل کے ساتھ قوم کی خدمت کر رہے ہیں،میں پاکستان مرکزی مسلم لیگ کے ٹکٹ پر الیکشن لڑ رہا ہوں، قومی و صوبائی اسمبلی کے حلقوں سے ہمارے امیدوار میدان میں ہیں

حافظ سعد رضوی کے کاغذات نامزدگی این اے 50 اٹک سے منظور
امیر تحریک لبیک پاکستان علامہ حافظ سعد حسین رضوی کے کاغذاتِ نامزدگی حلقہ این اے 50 اٹک سے منظور ہو گئے ہیں،کراچی کے حلقہ NA-246 ضلع غربی سے مفتی علی جہانگیری کے کاغذات نامزدگی منظور ہو گئے ہیں،کراچی کے حلقہ PS-90 کورنگی سے ریحان محسن قادری کے کاغذات نامزدگی منظور ہو گئے ہیں۔ سندھ اسمبلی میں خواتین کی مخصوص نشست کے لیے حیدرآباد سے خاتون امیدوار شہنیلا خان سروری کے کاغذات نامزدگی منظور ہو گئے ہیں۔ کراچی کے حلقہ PS-94 کورنگی سے امیر کراچی مفتی قاسم فخری کے کاغذات نامزدگی منظور ہوگئے ہیں

اسپیکر خیبرپختونخوا اسمبلی مشتاق غنی کے کاغذات نامزدگی مسترد
اسپیکر خیبرپختونخوا اسمبلی مشتاق غنی کی جانب سے پی کے 45 ایبٹ آباد سے الیکشن کیلے کاغذات نامزدگی مسترد ہوگئے۔ ریٹرنگ آفیسر نے کہا کہ مشتاق غنی مفرور ہیں، سفری ضمانت کے باوجود واپس نہیں آئے، مشتاق غنی کی اہلیہ فرزانہ مشتاق کے کاغذات منظور کر لئے گئے، مشتاق غنی کے کاغذات نامزدگی پر اعتراضات فیاض نامی شحص نے دائر کیا تھا،

ن لیگی رہنما عابد شیر علی کے کاغذات نامزدگی منظوری،میاں طاہر جمیل کے بھی منظور
این اے 102 سے ن لیگ کے امیدوار عابد شیر علی کے کاغذات منظور ہو گئے،پی پی 115 سے ن لیگ کے امیدوار میاں طاہر جمیل کے کاغذات بھی منظورہو گئے،عابد شیر علی اور طاہر جمیل کمشنر آفس میں قائم آر او آفس پیش ہوئے،اس موقع پر عابد شیر علی کا کہنا تھا کہ بلے کے نشان سے ہمیں کوئی فرق نہیں پڑتا ، یہ نشان بس ہوا میں ہے، اداروں ہر حملہ کرنے والے لاڈلے کیلئے آج بھی انصاف کا معیار الگ ہے،

این اے 122 لاہور، ن لیگ نے عمران خان کے کاغذات نامزدگی پر اعتراض دائر کردیا
لاہور این اے 122 میں سابق وزیراعظم عمران خان کے کاغذات نامزدگی پر اعتراض عائد کر دیا گیا، ن لیگ کے سابق ایم پی اے نصیر احمد نے تحریری اعتراض داخل کرایا، درخواست میں کہا گیا کہ عمران خان سزا یافتہ ھے الیکشن لڑنے کے اہل نہیں کاغذات نامزدگی مسترد کیے جائیں

مریم نواز سزا یافتہ،اثاثے غلط، دستخط جعلی، پی پی 80 میں کاغذات نامزدگی پر اعتراض
مسلم لیگ ن کی رہنما مریم نواز کے حلقہ پی پی 80 سے کاغذات نامزدگی پر اعتراض عائد کر دیئے گئے،علی حسن اور مہر طاہر کی جانب سے آر او آفس میں دائر درخواست میں کہا گیا کہ ہم پی پی 80 کے ووٹرز ہیں، مریم نواز نے جو کاغذات نامزدگی جمع کروائے اس پر مریم نواز کے دستخط جعلی ہیں، مریم نواز مختلف کیسز میں سزا یافتہ ہے،اس نے کاغذات نامزدگی میں اثاثے بھی غلط لکھے،مریم نواز کے کاغذات نامزدگی مسترد کئے جائیں

لاہور کے حلقے این اے 127 سے بلاول کے کاغذات نامزدگی پر اعتراض
چیئرمین پاکستان پیپلز پارٹی بلاول بھٹو کے کاغذات نامزدگی پر اعتراض دائر کر دیئے گئے،لاہور کے حلقے این اے 127 سے کاغذات نامزدگی پر اعتراض دائر کیا گیا .شہری محمد ایاز نے کاغذات نامزدگی پر اعتراض عائد کیا ،بلاول بھٹو زرداری کے کاغذات نامزدگی پر اعتراض کی درخواست ریٹرننگ افسر کو جمع کروا دی ،موقف اپنایا گیا کہ بلاول بھٹو نے اپنے کاغذات نامزدگی میں پاکستان پیپلز پارٹی پارلیمنٹیرینز سے وابستگی طاہر کی ،پاکستان پیپلز پارٹی اور پاکستان پیپلز پارٹی پارلیمنٹرینز الگ الگ سیاسی جماعتیں ہیں،پاکستان پیپلز پارٹی کا انتخابی نشان تلوار اور پاکستان پیپلز پارٹی پارلیمنٹرینز کا نشان تیر ہے، بلاول بھٹو زرداری پیپلز پارٹی کا چیئرمین اور آصف زرداری پیپلز پارٹی پارلیمنٹیرینز کے صدر ہیں، الیکشن ایکٹ 2017 کے مطابق ایک شخص ایک وقت میں ایک جماعت کا رکن ہوسکتا ہے ،یہ الیکشن ایکٹ کی خلاف وزری ہورہی ہے ،بلاول بھٹو کے کاغذات نامزدگی کی جانچ پڑتال 28 دسمبر کو ہوگی،محمد ایاز فاروقی نے این اے 127 لاہور سے بلاول بھٹو زرداری کے کاغذات نامزدگی کی منسوخی کے لیے درخواست دائر کر دی۔

این اے 119 سے صنم کے کاغذات کی سکروٹنی مکمل کاغذات نامزدگی منظور ہو گئے،ملتان کے قومی اسمبلی کے حلقے این اے 149 سے جاوید ہاشمی کے کاغذات نامزدگی منظور کر لیے گئے،ریٹرننگ آفیسر کے مطابق جاوید ہاشمی کے این اے 149 سے کاغذاتِ نامزدگی جانچ پڑتال مکمل ہونے کے بعد منظورکیے گئے،سابق نگراں صوبائی وزیر جمال رئیسانی کے کاغذات نامزدگی درست قرار دے دیے گئے جمال رئیسانی این اے 264 کوئٹہ سے الیکشن میں حصہ لے رہے

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

پیپلز پارٹی کے چیئرمین بلاول بھٹو کے این اے 194 لاڑکانہ سے کاغذات نامزدگی منظورکر لئے گئے،دوسری جانب الیکشن کمیشن نے پی ٹی آئی رہنما حلیم عادل شیخ کے کاغذات نامزدگی مسترد کر دئیے،ترجمان کا کہنا ہے کہ الیکشن کمیشن کا فیصلا غیر قانونی ہے عدالت میں چیلنج کریں گے،

زرتاج گل کے کاغذات نامزدگی مسترد
تحریک انصاف کی رہنما، سابق وفاقی وزیر زرتاج گل کے کاغذات نامزدگی مسترد کر دیئے گئے ہیں، تحریک انصاف کے مطابق زرتاج گل کے تائید اور تجویز کنندہ کو اغوا کر لیا گیا ہے، تائید اور تجویز کنندہ کے ریٹرننگ آفس میں کاغذات کی جانچ پڑتال پر نہ پہنچنے پر کاغذاتِ نامزدگی مسترد کئے گئے ہیں۔ اِس معاملے میں کورٹ سے رجوع کیا جائیگا۔زرتاج گل کے وکیل کو بھی گرفتار کر لیا گیا ہے،

این اے 130 لاہور، نوازشریف کے کاغذات نامزدگی منظور
سابق وزیراعظم نواز شریف کے این اے 130 لاہور سے کاغذات نامزدگی منظور ہو گئے ہیں، ن لیگی رہنما بلال یاسین پیش ہوئے تھے،بلال یاسین کا کہنا تھا کہ این اے 130 لاہور سے نواز شریف کے کاغذات نامزدگی پر کوئی اعتراض نہیں آیا اور وہ منظورہو گئے ہیں،الیکشن میں آٹھ فروری کو نواز شریف اس حلقے سے کامیاب ہو کر وزارت عظمیٰ کے چوتھے بار امیدوار بنیں گے.

عام انتخابات2024 کیلئے امیدواروں کے کاغذات نامزدگی کی جانچ پڑتال کا عمل جاری ہے،

کاغذات کی جانچ پڑتال کا عمل 30 دسمبر تک مکمل ہوگا،8 فرور ی کو عام انتخابات ہوں گے،قومی اور صوبائی اسمبلی کی خواتین کی مخصوص نشستوں پر آج مسلم لیگ (ن) اور پیپلزپارٹی کے امیدواروں کی سکروٹنی کا عمل جاری ہے،پورے ملک میں الیکشن کمیشن کی مانیٹرنگ ٹیمیں متحرک ہو گئی ہیں،امیدواران کی جانب سے ضابطہ اخلاق کی خلاف ورزی کرتے ہوئے اسلام آباد میں تشہیری ہورڈنگز لگائے گئے ہیں،اسلام آباد میں مانیٹرنگ ٹیموں نے امیدواران کا تشہیری مواد ہٹانا شروع کر دیا، تمام اضلاع میں الیکشن کمیشن کی مانیٹرنگ ٹیمیں فعال ہو گئی ہیں.

کراچی سے انتخابات لڑنے والے پارٹی سربراہ کم ہوگئے،2018 میں کئی جماعتوں کے سربراہوں نے کراچی سے الیکشن لڑا تھا،عمران خان، بلال بھٹو، شہباز شریف، خالد مقبول کراچی سے امیدوار تھے،مصطفی کمال نے پی ایس پی کے سربراہ کے طور پر الیکشن لڑا تھا،بانی چئیرمین پی ٹی آئی اور بلاول بھٹو اس بار کراچی کے انتخابی میدان سے باہر ہیں،شہباز شریف اور خالد مقبول اس بار بھی کراچی سے الیکشن لڑ رہے ہیں،مصطفی کمال اپنی جماعت، ایم کیو ایم میں ضم کرچکے ہیں

ڈسٹرکٹ ریٹرننگ آفیسر کی زیر صدارت اسلام آباد میں الیکشن کے انعقاد کے حوالے سے جائزہ اجلاس ہوا،اجلاس میں فیڈرل ڈائریکٹوریٹ، علامہ اقبال اوپن یونیورسٹی، قائد اعظم یونیورسٹی اور دیگر اسٹیک ہولڈرز نے شرکت کی، ڈی آر او کا کہنا تھا کہ الیکشن کمیشن کی جانب سے نمائندگان کی الیکشن ڈیوٹیز کی ٹریننگ کا آغاز تیس دسمبر سے کیا جارہا ہے، الیکشن ڈیوٹیز ٹریننگ لسٹ میں شامل اہلکاروں کی حاضری کو یقینی بنایا جائے،اسلام آباد میں افسران کی ٹریننگ کے لیے دو مختلف جی سکس اور جی سیون میں دو سکولوں کے سینٹرز بنائے گئے ہیں

پیپلز پارٹی کے چیئرمین بلاول بھٹو کے این اے 194 لاڑکانہ سے کاغذات نامزدگی منظورکر لئے گئے،دوسری جانب الیکشن کمیشن نے پی ٹی آئی رہنما حلیم عادل شیخ کے کاغذات نامزدگی مسترد کر دئیے،ترجمان کا کہنا ہے کہ الیکشن کمیشن کا فیصلا غیر قانونی ہے عدالت میں چیلنج کریں گے،

زرتاج گل کے کاغذات نامزدگی مسترد
تحریک انصاف کی رہنما، سابق وفاقی وزیر زرتاج گل کے کاغذات نامزدگی مسترد کر دیئے گئے ہیں، تحریک انصاف کے مطابق زرتاج گل کے تائید اور تجویز کنندہ کو اغوا کر لیا گیا ہے، تائید اور تجویز کنندہ کے ریٹرننگ آفس میں کاغذات کی جانچ پڑتال پر نہ پہنچنے پر کاغذاتِ نامزدگی مسترد کئے گئے ہیں۔ اِس معاملے میں کورٹ سے رجوع کیا جائیگا۔زرتاج گل کے وکیل کو بھی گرفتار کر لیا گیا ہے،

این اے 130 لاہور، نوازشریف کے کاغذات نامزدگی منظور
سابق وزیراعظم نواز شریف کے این اے 130 لاہور سے کاغذات نامزدگی منظور ہو گئے ہیں، ن لیگی رہنما بلال یاسین پیش ہوئے تھے،بلال یاسین کا کہنا تھا کہ این اے 130 لاہور سے نواز شریف کے کاغذات نامزدگی پر کوئی اعتراض نہیں آیا اور وہ منظورہو گئے ہیں،الیکشن میں آٹھ فروری کو نواز شریف اس حلقے سے کامیاب ہو کر وزارت عظمیٰ کے چوتھے بار امیدوار بنیں گے.

پیپلز پارٹی نے کے پی میں پہلی بار ہندو خاتون کو جاری کیا ٹکٹ
پیپلزپارٹی نے بونیر سےہندو اقلیت کی رکن ڈاکٹر سویرا پرکاش کو جنرل سیٹ کے لیے ٹکٹ جاری کیا ہے، خیبر پختونخواہ کے ضلع بونیر میں پہلی ہندو خاتون امیدوار نے پی کے 25 بونیر سے کاغذات نامزدگی جمع کروائے ہیں،ر ڈاکٹر سویرا پرکاش نے پاکستان پیپلزپارٹی کے پلیٹ فارم سے عام انتخابات 2024 میں حصہ لینے کا فیصلہ کیا ہے ، خاتون امیدوار ڈاکٹر سویرا پرکاش کے والد ڈاکٹر اوم پرکاش گزشتہ 35 برسوں سے پیپلزپارٹی سے وابستہ ہیں

Hats off to PPP!🫡

Dr. Saweera Parkash, a trailblazer from the Hindu community and daughter of the renowned healthcare activist, Dr. Om Parkash, is making history in Buner, Khyber Pakhtunkhwa.

PPP's decision to field her on a general seat underscores the importance of minority… pic.twitter.com/zVGXwnmISn

— Bhevish Kumar Maheshwari (@iambhevishk) December 25, 2023

قومی اسمبلی کی مخصوص نشست پرمریم اورنگزیب، حنا ربانی کھر سمیت لیگی رہنما شائستہ پرویز جب کہ صوبائی مخصوص نشستوں پرعظمی بخاری،حنا پرویز بٹ اور ذکیہ شاہنواز کے کاغذات منظور کرلیے گئے ہیں، پیپلز پارٹی کے نثار کھوڑو، روبینہ قائم خانی، سعید غنی، تنزیلہ قمبرانی، جمیل سومرو، ٹی ایل پی کی ثروت فاطمہ، ایم کیو ایم کی افشاں کے کاغذات نامزدگی منظور کر لئے گئے

لیاقت بلوچ، لطیف کھوسہ، ناصر بٹ ،مریم اورنگزیب کے کاغذات منظور
این اے 128 اور این اے 123 سے لیاقت بلوچ کے کاغذات منظور کر لئے گئے ہیں، راشد شفیق کے پی پی 19 سے کاغذات منظور کیے گئے ہیں،تحریک انصاف کے رہنما لطیف کھوسہ کے این اے 127 سے کاغذات نامزدگی منظور کرلیے گئے،مسلم لیگ ن کے رہنما ناصر بٹ کی کاغذات نامزدگی منظور کر لئے گئے،ناصر بٹ نے این اے 56 اور پی پی 16 سے کاغذات نامزدگی جمع کروائے،

جمشید دستی کی حفاظتی ضمانت منظور
تحریک انصاف کے روپوش رہنما ،سابق رکن قومی اسمبلی جمشید دستی منظر عام پر آگئے ،جمشید دستی مظفر گڑھ پولیس کو تھانہ صدر میں قائم ایک مقدمہ میں مطلوب ہیں جمشید دستی نے ہائی کورٹ سے رجوع کیا اور پیش ہو گئے، لاہور ہائی کورٹ ملتان بینچ نےجمشید دستی کی 2 دن کی حفاظتی ضمانت منظور کر لی، جمشید دستی اپنے وکیل کے ہمراہ حفاظتی ضمانت کے لیے لاہور ہائی کورٹ ملتان بینچ میں پیش ہوئے، جسٹس سردار محمد سرفراز ڈوگر نے جمشید دستی کی حفاظتی ضمانت منظور کرلی

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

آصف زرداری، سلیم مانڈوی والا،عبدالقادر پٹیل،شازیہ مری،آسیہ اسحاق،ایاز صادق کے کاغذات منظور
پیپلزپارٹی کی سحر کامران کے مخصوص نشست کے لئے کاغذات نامزدگی منظور کر لئے گئے،پیپلزپارٹی کی امیدوار خیر النساء مغل کے کاغذات بھی منظور کرلئےگئے، اس موقع پر سحر کامران کا کہنا تھا کہ مجھے امید ہے کہ پیپلز پارٹی کے اتنے امیدوار ضرور ہوں گے کہ مجھے قومی اسمبلی میں سیٹ مل جائے گی،میرے کاغذات منظور ہو گئے ہیں. این اے 232 سے ایم کیو ایم پاکستان رکن رابطہ کمیٹی آسیہ اسحاق کے کاغذات نامزدگی منظور ہو گئے ہیں.سینیٹر سلیم مانڈوی والا کے این اے 240 کی نشست پر کاغذات نامزدگی منظورہو گئے ہیں.سابق صدر آصف زرداری کے حلقہ این اے 207 سے کاغذات نامزدگی منظور کر لئے گئے،این اے 243 سے پی پی امیدوار عبدالقادر پٹیل کے فارم بھی منظور ہو گئے،سابق گورنر خیبر پختونخوا سردار مہتاب کے این اے 16 ایبٹ آباد سے آزاد امیدوار کی حیثیت سے جمع کرائے گئے کاغذات منظور کر لیے گئے،لاہور سے قومی اسمبلی کے حلقہ این اے 121 سے ایم کیو ایم امیدوار عمران اشرف، جی ڈی اے رہنما شمائلہ رضا کے این اے 240 کراچی، این اے 248 کراچی سے پی پی امیدوار فیضان راوت کےکاغذات نامزدگی منظور ہو گئے،پیپلز پارٹی کی شازیہ مری، تنزیلا لغاری اور سعدیہ جاوید کے خواتین کی مخصوص نشستوں پر کاغذات نامزدگی منظور کر لیے گئے.سابق وزیراعظم پاکستان اور موجودہ اسپیکر قومی اسمبلی راجہ پرویز اشرف اور امیدوار برائے صوبائی اسمبلی خرم پرویز راجہ کے کاغذات نامزدگی منظورکر لئے گئے

عام انتخابات،کاغذات نامزدگی کی جانچ پڑتال کا عمل آج سے شروع ہوگیا ہے

کاغذات نامزدگی کی جانچ پڑتال کے لیے دن سات سے کم کرکے پانچ کر دیے گئے ہیں جانچ پڑتال 30 دسمبر تک ہوگی،کاغذاتِ نامزدگی منظور یا مسترد کیے جانے کے خلاف اپیل تین جنوری تک کی جا سکے گی، ان اپیلوں پر انتخابی ٹریبونل 10 جنوری تک فیصلہ کریں گے، الیکشن کمیشن نے تمام صوبوں میں ٹربیونل مقرر کر دیئے ہیں، امیدوار اپنے کاغذات 12 جنوری تک واپس لے سکیں گے، امیدواروں کو انتخابی نشان 13 جنوری کو دیے جائیں گے.

جمعیت علماء اسلام نے سندھ سے امیدواروں کے ناموں کا اعلان کردیا
جمعیت علماء اسلام نے سندھ بھر میں قومی اسمبلی اور صوبائی اسمبلی کے حلقوں پر امیدوار میدان میں اتار دئیے ،علامہ راشد محمود سومرو این اے 194 لاڑکانہ، پی ایس 5 کندھ کوٹ سے جےیوآئی کے امیدوار ہوں گے ،اسلم غوری کراچی این اے 235، پی ایس 97 سے جےیوآئی کے امیدوار ہوں گے ،سائیں عبدالقیوم ہالیجوی این اے 201 سکھر، این اے 199 گھوٹکی، پی ایس 6 کندھ کوٹ سے جےیوآئی کے امیدوار ہوں گے ،ناصر محمود سومرو این اے 196 قمبر شہداد کوٹ ، پی ایس 106 لیاری، پی ایس 18 گھوٹکی سے جےیوآئی کے امیدوار ہوں گے،سائیں عبداللہ مہر این اے 193 شکار پور، ڈاکٹر ابراہیم جتوئی این اے 192 شکار پور، میر عابد خان جتوئی پی ایس 08شکار پور سے جےیوآئی کے امیدوار ہوں گے ،آغا ایوب شاہ این اے 200 سکھر، میر شاہ زین بجرانی این اے 191 کندھ کوٹ سے جےیوآئی کے امیدوار ہوں گے ،امیر بخش عرف میر مہر پی ایس 25 سکھر ، پپو خان چاچڑ پی ایس 21 گھوٹکی سے جےیوآئی کے امیدوار ہوں گے ،عبدالزاق عابد لاکھو این اے 197 قمبرشہداد کوٹ سے قومی اسمبلی کے امیدوار ہوں گے ،مولانا نور الحق این اے 239 لیاری، مولانا نصیر الدین سواتی این اے 244 کراچی غربی، سمیع سواتی پی ایس 116 کراچی سے جےیوآئی کے امیدوار ہوں گے ،قاری محمد عثمان این اے 243 کیماڑی, پی ایس 114 شیرشاہ کراچی، عمر صادق پی ایس 111 کیماڑی سے جےیوآئی کے امیدوار ہوں گے

الیکشن کمیشن نے کاغذات نامزدگی جمع کرانے والوں کی تفصیلات جاری کردیں ،ملک بھر میں مجموعی طورپر 28ہزار 626امیدواروں نے کاغذات نامزدگی جمع کرائے.قومی اسمبلی کی جنرل نشستوں کے لئے7713 امیدواروں کے کاغذات جمع ہوئے،صوبائی اسمبلیوں کی جنرل نشستوں کےلئے 18546 امیدواروں کے کاغذات نامزدگی جمع ہوئے

پنجاب،قومی و صوبائی اسمبلی کی سیٹوں پر 13823 کاغذات نامزدگی وصول ہوئے
دفتر صوبائی الیکشن کمشنر پنجاب نے صوبہ پنجاب میں وصول شدہ کاغذات نامزدگی کی تفصیلات جاری کر دیں ،ترجمان الیکشن کمیشن کے مطابق صوبہ پنجاب میں قومی و صوبائی اسمبلیوں کی جنرل و مخصوص نشستوں پر مجموعی طور پر 13823 کاغذات نامزدگی وصول ہوئے۔صوبہ پنجاب سےقومی اسمبلی کی جنرل نشستوں پر 3594مرد اور 277خواتین نے کاغذات نامزدگی جمع کروائے۔صوبائی اسمبلی پنجاب کی جنرل نشستوں پر 8592مرد اور 437خواتین نے کاغذات نامزدگی جمع کروائے۔ مخصوص نشستوں برائے خواتین قومی اسمبلی کیلئے 195کاغذات نامزدگی وصول ہوئے۔مخصوص نشستوں برائے خواتین صوبائی اسمبلی پنجاب کےلئے 601خواتین نے کاغذات نامزدگی جمع کروائے۔مخصوص نشستوں برائے اقلیت صوبائی اسمبلی پنجاب کے لئے 118مرد اور 9خواتین نے کاغذات نامزدگی جمع کروائے۔اسلام آباد میں قومی اسمبلی نشستوں پر 182مرد اور 26خواتین کے کاغذات نامزدگی وصول ہوئے۔الیکشن شیڈول کے مطابق سکروٹنی کا عمل 30دسمبر تک جاری رہے گا۔

خواتین کی مخصوص سیٹوں کی سکروٹنی ،الیکشن کمیشن نے تحریک انصاف کا نام نکال دیا
تحریک انصاف کو الیکشن کمیشن کی جانب سے ایک اور بڑا دھچکا،خواتین کی مخصوص سیٹوں کی سکروٹنی کے لئے جاری فہرست میں سے تحریک انصاف کا نام نکال دیا گیا،الیکشن کمیشن نے فہرست جاری کی ہے جس میں امیدواروں کو سکروٹنی کے لئےطلب کیا گیا ہے، اس فہرست میں تحریک انصاف کا نام شامل نہیں ہے،الیکشن کمیشن کی جانب سے جاری فہرست میں پاکستان پیپلز پارٹی، پاکستان مسلم لیگ ن، تحریک لبیک پاکستان، جماعت اسلامی، پاکستان مسلم لیگ ق، استحکام پاکستان پارٹی، پاکستان تحریک انصاف نظریاتی اور پاکستان مرکزی مسلم لیگ شامل ہیں،الیکشن کمیشن کیجانب سے جاری اعلامیہ کے مطابق ان جماعتوں کی خواتین کیلئے مخصوص نشستوں کی امیدواروں کی سکروٹنی 26 سے 28 دسمبر کے درمیان ہوگی۔

نوازشریف ، مریم نواز سمیت ن لیگ کے تمام امیدوار نیب سکروٹنی میں کلیئر قرار
الیکشن لڑنے والے امیدواروں کی نیب سکروٹنی،نوازشریف ، مریم نواز سمیت ن لیگ کے تمام امیدوار نیب سکروٹنی میں کلیئر قرار دے دیئے گئے،نیب کے الیکشن سیل نے تمام لیگی امیدواروں کو کلیئر کر دیا،نیب ہیڈ کوارٹر میں الیکشن کمیشن کی معاونت کیلئے خصوصی سیل قائم کیا گیا ہے، میڈیا رپورٹس کے مطابق نیب ہیڈ کوارٹر میں قائم سیل کی تمام بیورو معاونت کر رہےہیں، الیکشن کمیشن سے موصول دیگر امیدواروں کی فہرست کا جائزہ لیا جاتا ہے، پلی بارگین کرنے والے اور سزا یافتہ امیدوار الیکشن کے اہل نہیں ہوتے،پیپلز پارٹی اور دیگر جماعتوں کے امیدواروں کی سکروٹنی بھی جاری ہے

آصف زرداری، سلیم مانڈوی والا،عبدالقادر پٹیل،شازیہ مری،آسیہ اسحاق،ایاز صادق کے کاغذات منظور
پیپلزپارٹی کی سحر کامران کے مخصوص نشست کے لئے کاغذات نامزدگی منظور کر لئے گئے،پیپلزپارٹی کی امیدوار خیر النساء مغل کے کاغذات بھی منظور کرلئےگئے، اس موقع پر سحر کامران کا کہنا تھا کہ مجھے امید ہے کہ پیپلز پارٹی کے اتنے امیدوار ضرور ہوں گے کہ مجھے قومی اسمبلی میں سیٹ مل جائے گی،میرے کاغذات منظور ہو گئے ہیں. این اے 232 سے ایم کیو ایم پاکستان رکن رابطہ کمیٹی آسیہ اسحاق کے کاغذات نامزدگی منظور ہو گئے ہیں.سینیٹر سلیم مانڈوی والا کے این اے 240 کی نشست پر کاغذات نامزدگی منظورہو گئے ہیں.سابق صدر آصف زرداری کے حلقہ این اے 207 سے کاغذات نامزدگی منظور کر لئے گئے،این اے 243 سے پی پی امیدوار عبدالقادر پٹیل کے فارم بھی منظور ہو گئے،سابق گورنر خیبر پختونخوا سردار مہتاب کے این اے 16 ایبٹ آباد سے آزاد امیدوار کی حیثیت سے جمع کرائے گئے کاغذات منظور کر لیے گئے،لاہور سے قومی اسمبلی کے حلقہ این اے 121 سے ایم کیو ایم امیدوار عمران اشرف، جی ڈی اے رہنما شمائلہ رضا کے این اے 240 کراچی، این اے 248 کراچی سے پی پی امیدوار فیضان راوت کےکاغذات نامزدگی منظور ہو گئے،پیپلز پارٹی کی شازیہ مری، تنزیلا لغاری اور سعدیہ جاوید کے خواتین کی مخصوص نشستوں پر کاغذات نامزدگی منظور کر لیے گئے.سابق وزیراعظم پاکستان اور موجودہ اسپیکر قومی اسمبلی راجہ پرویز اشرف اور امیدوار برائے صوبائی اسمبلی خرم پرویز راجہ کے کاغذات نامزدگی منظورکر لئے گئے

تحریک انصاف کے رہنما حماد اظہر کے کاغذات نامزدگی این اے 129 سے منظور ہو گئے،حماد اظہر کا کہنا ہے کہ آج دوپہر 1 بجے میرے کاغذات نامزدگی برائے حلقہ این اے 129 کی چانچ پرتال ہوئی جس کے بعد انھیں الحمدللہ منظور کر لیا گیا۔ میں تیسری دفعہ عاجزی کے ساتھ اپنے آپ کو اس حلقے کی عوام کے آگے احتساب کے لئے پیش کر رہا ہوں۔ اگلے 5 سال کا منشور لے کر عوام سے مینڈیٹ مانگوں گا۔

آج دوپہر 1 بجے میرے کاغذات نامزدگی برائے حلقہ این اے 129 کی چانچ پرتال ہوئی جس کے بعد انھیں الحمدللہ منظور کر لیا گیا۔ میں تیسری دفعہ عاجزی کے ساتھ اپنے آپ کو اس حلقے کی عوام کے آگے احتساب کے لئے پیش کر رہا ہوں۔ اگلے 5 سال کا منشور لے کر عوام سے مینڈیٹ مانگوں کا۔ پاکستان زندہ باد

— Hammad Azhar (@Hammad_Azhar) December 25, 2023

حلقہ این اے 121 سے سابق سپیکر قومی اسمبلی سردار ایاز صادق کے کاغذات منظور
لاہور سے قومی اسمبلی کے حلقہ این اے 121 سے سابق سپیکر قومی اسمبلی سردار ایاز صادق کے کاغذات منظور کر لیے گئے ،سردار ایاز صادق کے کاغذات نامزدگی کی جانچ پڑتال کا عمل مسلم لیگ ن کے رہنما احسن شرافت نے مکمل کرایا،اس موقع پر احسن شرافت کا کہنا تھا کہ سردار ایا زصادق کی کاغذات کی جانچ پڑتال مکمل ہو گئی ہے.سردار ایاز صادق کے کاغذات درست قرار پائے ہیں تمام رپورٹس ساتھ لف تھیں، تجویز کنندہ اور تائید کنندہ بھی موجود تھے، کسی جماعت کے ساتھ کوئی زیادتی نہیں ہونی چاہیے ،ہم چاہتے ہیں کہ تمام جماعتوں کو لیول پلیئنگ فیلڈ ملے، لاہور ہائی کورٹ پی ٹی آئی کو ریلیف دے رہی ہے،

این اے 121 سے مسلم لیگ ن کے رہنما شیخ روحیل اصغر کے کاغذات نامزدگی کی جانچ پڑتال کا عمل مکمل ہو گیا، این اے 118 سے پی ٹی آئی کے رہنما محمد خان مدنی ،پاکستان مرکزی مسلم لیگ ملک اعجاز کے کاغذات نامزدگی کی جانچ پڑتال مکمل ہو گئی،این اے 118، این اے 121، پی پی 155، 157، 162 کے امیدواروں کے کاغذات کی جانچ پڑتال ریٹرنگ آفیسرز کے آفس میں جاری ہے،این اے 118 سے کل 19 امیدوار جن میں سترہ مرد اور دو خواتین امیدوار کے کاغذات نامزدگی کی جانچ پڑتال شروع ہے،این اے 121 سے کل 38 امیدواروں میں 35 مرد اور تین خواتین امیداوراوں کے کاغذات کی جانچ پڑتال کی جا رہی ہے ،قومی اسمبلی کے حلقہ این اے 121 سے مسلم لیگ ن کے رہنماء شیخ روحیل اصغر،تحریک انصاف کے رضوان ضیا، سمیت دیگر کے کاغذات کی جانچ پڑتال مکمل ہو گئی ہے، این اے 118 سے پی ٹی آئی رہنماء محمد خان مدنی، وسیم قادر ،پاکستان مرکزی مسلم لیگ کے ملک اعجاز سمیت دیگر امیدواروں کے کاغذات کی جانچ پڑتال مکمل ہو گئی ہے،این اے 118 سے حمزہ شہباز اور این اے 121 سے سردار ایاز صادق دوپہر تین بجے کے بعد اپنے کاغذات کی جانچ پڑتال کروائیں گے ،پی پی 155 سے پیپلز پارٹی کے ذوالفقار علی بدر، مرکزی مسلم لیگ کے حافظ طلحہ سعید ،مسلم لیگ ن کے حاجی اللہ رکھا سمیت دیگر امیدواروں کے کاغذات کی جانچ پڑتال مکمل ہو گئی ہے،امیدواروں کے کاغذات کی جانچ پڑتال کا سلسلہ آج ساڑھے چار بجے تک جاری رہے گا

سکروٹنی کے لئے امیدوار پہنچے تو الیکشن کمیشن کا دفتر بند،آگاہ نہیں کیا گیا،امیدوار
پنجاب میں امیدواروں کی سکروٹنی کا عمل شروع نہ ہو سکا ،آج چھٹی ہونے کی وجہ سے امیدواران کے کاغذات نامزدگی کی سکروٹنی کا عمل شروع نہیں ہوا ،صوبائی الیکشن کمیشن پنجاب نے امیدواران کے کاغذات نامزدگی کی تاریخ تبدیلی بارے آگاہ ہی نہیں کیا ،صوبائی و قومی اسمبلی کی خواتین کی مخصوص نشستوں کی امیدوار لاہور پہنچ گئیں ، صوبائی الیکشن کمیشن کا کہنا ہے کہ مخصوص نشستوں پر سکروٹنی کل 26 دسمبر سے شروع ہو گی،کل مسلم لیگ ن اور پاکستان پیپلز پارٹی کے امیدواروں کے کاغذات کی نامزدگی کی سکروٹنی ہو گی، امیدواروں کا کہنا ہے کہ صوبائی الیکشن کمیشن کی جانب سے تاریخ تبدیلی کی بروقت اطلاع نہیں ملی، سرد موسم میں کئی گھنٹے کی مسافت طے کر کے لاہور پہنچے،یہاں دفتر کے باہر پہنچے تو پولیس نے اندر جانے سے روک دیا،

عوامی مسلم لیگ کے سربراہ شیخ رشید احمد اور شیخ راشد شفیق آر او آفس پہنچ گئے شیخ رشید احمد اور شیخ راشد شفیق سکروٹنی کے لیے آر او آفس راولپنڈی پہنچے این اے 56 سے سابق وفاقی وزیر داخلہ شیخ رشید احمد نے کاغذات نامزدگی جمع کرائے تھےسکروٹنی کا عمل 25 دسمبر سے 30 دسمبر تک جاری رہے گا.

کاغذاتِ نامزدگی کی جانچ پڑ تال کی آسانی کے لیے آن لائن سہولت مرکز الیکشن کمیشن سیکریٹریٹ میں قائم
عام انتخابات میں حصہ لینے تمام امیدوار پولیس، نادرا، نیب، ایف آئی اے، ایف بی آر، سٹیٹ بینک، پاور ڈویژن، پیٹرولیم ڈویژن، نیشنل کمیونیکیشن ڈویژن، ہاؤسنگ ڈویژن، چاروں چیف سیکریٹریز، سی ڈی اے کی سکریننگ سے گزریں گے اور تمام مراحل پار کرنے والا سکروٹنی پاس کرے گا،ترجمان الیکشن کمیشن کا کہنا ہے کہ ریٹرننگ افسران کے لیے کاغذاتِ نامزدگی کی جانچ پڑ تال کی آسانی کے لیے آن لائن سہولت مرکز الیکشن کمیشن سیکریٹریٹ میں قائم کیا گیا ہے۔اِس سہولت مرکز کی معاونت نادرا،قومی احتساب بیورو، ایف آئی اے، ایف بی آر اور اسٹیٹ بینک کر رہے ہیں، یہ مرکز 24/7 کام کر رہا ہے۔ ریٹرننگ افسران کی جانب سے موصول شدہ امیدواران کے کوائف ضروری کاروائی کے لیے ان اداروں کو بھجوائے جا رہے ہیں۔الیکشن کمیشن نے سیکریٹری پاور ڈویژن ، سیکریٹری پٹرولیم ڈویژن، سیکریٹری نیشنل ٹیلی کمیونیکیشن ڈویژن، سیکریٹری ہاؤسنگ اینڈ ورکس ڈویژن ، چاروں چیف سیکریٹریز اور چیئرمین سی ڈی اے کو بھی تحریری طور پر مطلع کیا ہےکہ وہ ریٹرننگ افسران سے امیدواران کی فہرستیں حاصل کریں۔ امیدواروں کی فہرست کا اجراء 24 دسمبر 2023 کو کیا جا چکا ھے ۔نادہندہ امیدواران کاغذاتِ نامزدگی کی چانچ پڑتال کے دوران مورخہ 25 تا 30 دسمبر 2023 تک متعلقہ ریٹرننگ آفیسر سے رجوع کریں ۔ نادہندگان سے واجبات کی وصولی یقینی بنائی جائے۔ حکومت کے تمام وفاقی ، صوبائی ادارے فوری ریٹرننگ افسران سے رابطہ کریں۔

مسلم لیگ ن نے قومی اسمبلی میں اقلیتی نشستوں کی ترجیحی فہرست بھی جاری کردی
پاکستان مسلم لیگ ن نے قومی اسمبلی میں اقلیتی نشستوں کی ترجیحی فہرست بھی جاری کردی،پاکستان مسلم لیگ ن نے مختلف اقلیتوں سے تعلق رکھنے والے 10 ممبران کی ترجیحی فہرست الیکشن کمیشن میں جمع کروا دی،سابق رکن قومی اسمبلی کھئیل داس کوہستانی کا نام پہلے نمبر پر سر فہرست ہے،کھئیل داس کوہستانی پہلے بھی مسلم لیگ ن کے رکن قومی اسمبلی رہ چکے ہیں ،ڈاکٹر درشن لال، ڈاکٹر نیلسن عظیم اور اسفندیار بھنڈارا بھی فہرست میں شامل ہیں،عمر کوٹ سندھ سے نیلم، ڈاکٹر طارق جاوید، سردار درشن سنگھ بھی ترجیحی فہرست میں شامل ہیں،جگدیش چند، عامر جاوید اور انیتا عرفان بھی فہرست میں شامل ہیں،قائد مسلم لیگ ن نواز شریف، صدر شہباز شریف اور چیف آرگنائزر مریم نواز شریف نے فہرست کی منظوری دی.

امیدواروں کے لئے بینرز،اشتہارات چھاپنے کے لئے ہدایت نامہ جاری
الیکشن کمیشن آف پاکستان نے عام انتخابات کے لیے تمام سیاسی جماعتوں اور آزاد امیدواروں کے لیے بینرز چھاپنے کی ہدایات جاری کردیں۔الیکشن کمیشن کے ہدایت نامے کے مطابق مقررہ سائز سے بڑے پوسٹرز، پمفلٹ یا بینرز کی اجازت نہیں ہوگی۔پوسٹرز کی لمبائی 18 انچ اور چوڑائی 23 انچ سے زیادہ نہ ہو، ہینڈ بل، پمفلٹ اور کتابچے 9 انچ لمبے اور 6 انچ چوڑے ہوسکتے ہیں۔اسی طرح بینر 3 فٹ لمبا اور 9 فٹ سے زیادہ بڑا نہیں ہونا چاہیے جبکہ پورٹریٹ تصویر 2 فٹ لمبی اور 3 فٹ چوڑی ہوسکتی ہے۔ ہر اشتہاری مواد پر پبلشر کا نام اور پتا لکھنا لازم ہے جبکہ قرآنی آیات سمیت مذہبی مواد کی طباعت غیر قانونی ہے۔اسی طرح ہورڈنگز، بل بورڈز، وال چاکنگ اور پینافلیکس پر مکمل پابندی ہوگی۔انتخابی مہم میں سرکاری اہلکار کی تصویر لگانا غیر قانونی ہوگا، جبکہ خلاف ورزی پر امیدواروں کے ساتھ پبلشر کے خلاف بھی کارروائی ہوگی

کراچی میں قومی ،صوبائی اسمبلی اور مخصوص نشستوں پر 3 ہزار 365 امیدواروں نے کاغذات نامزدگی جمع کرائے ہیں،کراچی میں قومی اسمبلی کی 22 نشستوں کے لیے 808 امیدوار میدان میں ہیں،صوبائی اسمبلی کی 47 نشستوں پر 2005 امیدواروں نے کاغذات نامزدگی جمع کرائے۔خواتین اور اقلیت کی مخصوص نشستوں پر 552 امیدوار نے کاغذات جمع کرائے ۔ضلع شرقی میں قومی اسمبلی پر 180 اور صوبائی اسمبلی پر 448 امیدوار شامل ہیں،ضلع کیماڑی میں قومی اسمبلی پر 70 اور صوبائی اسمبلی پر 221 امیدواروں نے کاغذات نامزدگی جمع کروائے،ضلع وسطی میں قومی اسمبلی پر 146 اور صوبائی اسمبلی کی نشستوں پر 356 امیدوار شامل ہیں،ضلع ملیر میں قومی اسمبلی پر 96 اور صوبائی اسمبلی پر 246 امیدواروں نے کاغذات نامزدگی جمع کروائے،ضلع جنوبی میں قومی اسمبلی پر 119 اور صوبائی اسمبلی پر 238 امیدوار میدان میں ہیں،ضلع غربی میں قومی اسمبلی پر 92 اور صوبائی اسمبلی پر 276 امیدوار شامل ہیں،ضلع کورنگی میں قومی اسمبلی پر 105اور صوبائی اسمبلی پر 220 امیدواروں نے کاغذات نامزدگی جمع کرائے ہیں

مریم نواز 5 حلقوں ، جہانگیر ترین 3، مصطفیٰ کمال 2، پرویز الہی 2،بانی پی ٹی آئی 2 حلقوں سے الیکشن لڑیں گے ۔
لاہور سے قومی اسمبلی کے چودہ حلقوں پر 400 سے زائد امیدواروں نے کاغذات نامزدگی جمع کروائے ہیں، صوبائی اسمبلی کی 30 نشستوں پر 400 سے زائد امیدوار قسمت آزمائیں گے۔ این اے 123 سے نوازشریف کے کاغذات جمع کرائے گئے ہیں، بانی پی ٹی آئی عمران خان لاہور سے بھی الیکشن لڑیں گے، این اے 122 سے کاغذات نامزدگی جمع کرادیئے، مریم نواز کے این اے 119 اور این اے 120 لاہور میں کاغذات نامزدگی جمع کروا دیئے گئے ہیں۔بلاول بھٹو این اے 128 لاہور سے الیکشن میں حصہ لیں گے، این اے 242 کراچی میں شہبازشریف کے کاغذات جمع ہوچکے ہیں، محمود خان سوات میں 4 حلقوں سے الیکشن لڑیں گے۔ نواز شریف این اے 15 مانسہرہ سے انتخابات میں حصہ لیں گے، بانی پی ٹی آئی کے میانوالی کی نشست این اے 89 سے کاغذات جمع کرا دیئے گئے۔شہباز شریف نے قصور کے حلقہ این اے 132 سے بھی کاغذات جمع کرادیئے،

مسلم لیگ ق کے چودھری سالک حسین نے این اے 64 سے کاغذات جمع کرائے۔آصف زرداری این اے 207 نواب شاہ سے الیکشن لڑیں گے، پرویز خٹک نے این اے 33 نوشہرہ اور 2 صوبائی نشستوں سے کاغذات جمع کرادیئے، سراج الحق این اے 7 لوئر دیر سے قسمت آزمائیں گے۔مصطفیٰ کمال نے این اے 242 اور این اے 247 کراچی سے کاغذات جمع کرا دیئے، عطا اللہ تارڑ نے پی پی 35 کیلئے کاغذات نامزدگی جمع کروا دیئے، نواز شریف نے لاہور سے قومی اسمبلی کے حلقہ این اے 130 سے کاغذات نامزدگی جمع کرائے، خرم دستگیر خان نے این اے 78 گوجرانوالہ کی نشست کے لیے کاغذات جمع کرائے ہیں۔ ڈاکٹریاسمین راشد نے بھی این اے 130 سے اپنے کاغذات جمع کرائے جبکہ پیپلز پارٹی کی جانب سے اقبال احمد خان، جماعت اسلامی کی جانب سے صوفی خلیق اور احمد بٹ اور جے یو آئی کی طرف سے مولانا سلیم اللہ قادری نے کا غذات نامزدگی جمع کرائے۔چیئرمین پیپلز پارٹی بلاول بھٹو زرداری نے این اے 194 لاڑکانہ سے بھی کاغذات نامزدگی جمع کرائے۔

این اے 117 سے پیپلز پارٹی کے آصف ہاشمی، ن لیگ کے ملک ریاض اور آئی پی پی کے علیم خان نے کاغذات نامزدگی جمع کرادیئے، این اے 118 سے ن لیگ کے حمزہ شہباز، پی ٹی آئی کے محمد خان مدنی اور غلام محی الدین نے کاغذات نامزدگی جمع کرادیئے۔این اے 119 سے مریم نواز، علیم خان سمیت دیگر نے کاغذات نامزدگی جمع کرائے، این اے 120 سے مریم نواز، خواجہ سعد رفیق، ایاز صادق، عطاء تارڑ نے کاغذات نامزدگی جمع کرائے، این اے122 سے بانی پی ٹی آئی، لطیف کھوسہ، اظہر صدیق نے کاغذات نامزدگی جمع کرائے۔این اے 123 سے شہبازشریف، پی ٹی آئی کے افضال پاہٹ، جماعت اسلامی کے لیاقت بلوچ سمیت دیگر نے کاغذات نامزدگی جمع کرا دیئے، این اے 124 سے آئی پی پی کے عون چودھری، رانا ضمیر جھیڈو سمیت دیگر نے کاغذات نامزدگی جمع کرا دیئے۔این اے 125 سے ن لیگ کے افضل کھوکھر، سابق وفاقی وزیر عبدالغفور سمیت دیگر نے کاغذات نامزدگی جمع کرادیئے، این اے 126 سے جماعت اسلامی کے امیرالعظیم، سیف الملوک، کرامت کھوکھر سمیت دیگر نے کاغذات نامزدگی جمع کرادیئے، این اے 127 سے بلاول بھٹو، شائستہ پرویز ملک، لطیف کھوسہ سمیت دیگر نے کاغذات نامزدگی جمع کرادیئے۔این اے 128 سے سلمان اکرم راجہ، شفقت محمود، حافظ نعمان سمیت دیگر نے کاغذات نامزدگی جمع کرائے، این اے 129 سے حماد اظہر، مہر اشتیاق، بجاش نیازی سمیت دیگر نے کاغذات نامزدگی جمع کرا دیئے، این اے 130 سے نواز شریف، یاسمین راشد، اقبال خان سمیت دیگر نے کاغذات نامزدگی جمع کرائے.

وائس چیئرمین پی ٹی آئی شاہ محمود قریشی ، انکے بیٹے زین قریشی اور بیٹی مہربانو قریشی نے این اے 150 ملتان سے کاغذات نامزدگی جمع کرا دیے جبکہ این اے 180 کوٹ ادو سے سابق وزیر خارجہ حناربانی کھر نے کاغذات نامزدگی جمع کرا دیے۔ایم کیو ایم پاکستان کے کنوینر ڈاکٹر خالد مقبول صدیقی نے بھی کراچی سے این اے 249 کی نشست پر کاغذات نامزدگی جمع کرائے ہیں،تحریک انصاف نظریاتی کے مرکزی چیئر مین اختر اقبال ڈار نے شیخوپورہ این اے 115اور صوبائی اسمبلی پی پی 141میں کاغذات نامزدگی جمع کر وا دیئے۔ گوجرانوالہ سے قومی اسمبلی کے 5 حلقوں میں 159 کاغذات نامزدگی موصول ہوئے جبکہ صوبائی اسمبلی کے 12حلقوں سے 426 کاغذات نامزدگی جمع کرائے گئے۔ پاکستان مرکزی مسلم لیگ کے نامزد امیدوار پی پی 141چوہدری طارق محمود گجر نے کاغذات نامزدگی جمع کروادیئے۔ استحکام پاکستان پارٹی نے قومی اسمبلی کی 18 اور پنجاب اسمبلی کی 40 نشستوں سے الیکشن لڑنے کا اعلان کردیا۔ علیم خان نے لاہور کے حلقوں این ے 117، این اے 119 جبکہ عامر کیانی نے این اے 47 اسلام آباد سے کاغذات جمع کروا دیے۔غلام سرور خان نے راولپنڈی کے حلقوں این اے 53اور 54 سے کاغذات نامزدگی جمع کروائے، فردوس عاش اعوان نے این اے 70 سیالکوٹ اور ہمایوں اختر نے این اے 97 فیصل آباد سے کاغذات نامزدگی جمع کرائے۔سابق وزیر اعلی پنجاب سردار عثمان خان بزدار نے پنجاب اسمبلی کے حلقہ پی پی 284سے کاغذات نامزدگی جمع کرا دیے،گلوکارہ چاہت فتح علی خان بھی سیاسی میدان میں اترنے کو تیار ہیں،چاہت فتح علی خان نے لاہور کے حلقہ این اے 128 سے کاغذات نامزدگی جمع کرادیے ،کاشف رانا عرف چاہت فتح علی نے وکیل کے ذریعے کاغذات نامزدگی جمع کروائے

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

عام انتخابات،الیکشن کمیشن نے کاغذات نامزدگی جمع کرانے کے وقت میں 2 دن کا اضافہ کر دیا اب کاغذات نامزدگی 24 دسمبر تک جمع کرائے جاسکیں گے

کاغذات نامزدگی جمع کروانے کی مدت میں‌توسیع کا مطالبہ ن لیگ سمیت دیگر سیاسی جماعتوں کی جانب سے کیا گیا تھا، آج الیکشن کمیشن نے سیاسی جماعتوں کے مطالبے پر دو روز کے لئے وقت بڑھا دیا ہے، الیکشن کمیشن کے مطابق امیدوار کاغذات نامزدگی اتوار کے روز تک دفتر اوقات میں جمع کرواسکتے ہیں ،سیاسی جماعتیں مخصوص نشستوں کے لیے بھی امیدواروں کی ترجیحی فہرست ریٹرننگ افسران کو جمع کروائیں،عام انتخابات میں حصہ لینے والے امیدوار 24 دسمبر تک کاغذات نامزدگی جمع کرواسکتے ہیں،

دوسری جانب سیاسی جماعتوں کے امیدواروں کی جانب سے کاغذات نامزدگی جمع کروانے کا سلسلہ جاری ہے،مسلم لیگ ن رہنما دانیال چودھری نے این اے 56 سے کاغذات نامزدگی جمع کروا دیئے ، اسلام آباد سے ہی پی ٹی آئی رہنما ظفر علی شاہ نے این اے 47 اور 48 کے لیے کاغذاتِ نامزدگی جمع کروا دیئے ہیں،سابق مئیر اسلام آباد پیر عادل گیلانی نے این اے 47 کے لیے کاغذات نامزدگی جمع کروا دئے ہیں،مسلم لیگ ن کے رہنما حنیف عباسی نےاین اے 56 سے کاغذات نامزدگی جمع کروا دیئے، ن لیگی رہنما عابد شیر علی نے فیصل آباد سے قومی اسمبلی کے حلقہ این اے 102 سے کاغذات نامزدگی جمع کرائے ہیں،

ایم کیو ایم پاکستان کے رہنما ،سابق میئر کراچی مصطفیٰ کمال نے این اے 247 اور این اے 242 سے کاغذات نامزدگی جمع کروادیے،ایم کیو ایم کے خواجہ اظہار الحسن نے ضلع وسطی کے این اے 247 اور ریحان ہاشمی نے این اے 250 سے کاغذات نامزدگی جمع کروائے

نور عالم خان جے یو آئی میں شامل ،پشاور سے الیکشن لڑیں گے
سابق چئیرمین پبلک اکائونٹس کمیٹی نور عالم خان جے یو آئی میں شامل ہو گئے ہیں، نور عالم خان نے مولانا عطاء الحق درویش و دیگر صوبائی رہنماؤں کی موجودگی میں جے یو آئی میں شمولیت کا اعلان کیا،نور عالم خان جے یو آئی کے ٹکٹ پر پشاور سے قومی اسمبلی کا الیکشن لڑیں گے ، نور عالم خان پی ٹی آئی کے منحرف اراکین میں متحرک رکن تھے، نور عالم نے 2018 کے انتخابات سے قبل پاکستان تحریک انصاف میں شمولیت اختیار کی تھی، اس سے قبل وہ 2008 کے عام انتخابات سے چند ماہ قبل پاکستان پیپلز پارٹی میں شامل ہوئے تھے اور اسی برس رکن قومی اسمبلی منتخب ہوئے تھے، 2013 کے انتخابات میں انہوں نے پیپلز پارٹی کے ہی ٹکٹ سے الیکشن لڑا مگر کامیاب نہ ہوسکے تھے،

میانوالی،این اے 89 سے عمران خان کے کاغذات نامزدگی جمع
میانوالی: بانی چئیرمین پاکستان تحریک انصاف عمران خان کے کاغذات نامزدگی جمع کرا دئیے گئے،سابق چیئرمین پی ٹی آئی کے حلقہ این اے 89 سے کاغزات نامزدگی جمع کرائے گئے،بانی پی ٹی آئی کے کاغذات نامزدگی جیسے ہی آر او کی ٹیبل پر رکھے گئے تو بجلی غائب ہو گئی،سابق چیئرمین پی ٹی آئی کے کاغذات نامزدگی بلال عمر بودلہ نے جمع کرائے، تحریک استحکام پاکستان کے رہنما میجر خرم حمید روکھڑی نے بھی کاغذات نامزدگی جمع کرا دئیے،میجر خرم حمید خان روکھڑی این اے 89 سے الیکشن لڑیں گے،انعام اللہ خان نیازی نے پی پی 87 کے لیے کاغذات نامزدگی جمع کرا دئیے

این اے 82 کیلئے کاغذات نامزدگی پیپر جمع کروانے آیا، لیکن ڈی آر او نہیں ہے،وکیل عمران خان
سرگودھا ،عمران خان کے وکیل نعیم حید ر پنجوتھہ کا کہنا ہے کہ تحریک انصاف کے رہنماؤں کے گھروں پر چھاپے مارے جارہے ہیں، الیکشن کمیشن نے ملک کے اندر فری اینڈ فیئر الیکشن نہیں کروانے، تو الیکشن کا کیا فائدہ ھے ، این اے 82 کیلئے کاغذات نامزدگی جمع کروانے آیا ہوں، لیکن ڈی آر او نہیں ہے، پہلے دن سے کہہ رہے ہیں ہمیں لیول پلینگ فلیڈ نہیں دی جارہی، مسلسل پاکستان تحریک انصاف کے رہنماؤں، ورکرز، اور وکلاء کے گھر پر چھاپے مارے جارہے ہیں، گزشتہ رات ضلعی صدر تحریک انصاف سرگودھا اسامہ غیاث میلہ کے گھر پر چھاپہ مارا گیا اور توڑ پھوڑ کی گئی، تحریک انصاف کے رہنماؤں کو کاغذات نامزدگی جمع نہیں کروانے دئیے جارہے،گوجرانولہ میں سرفراز چیمہ، سرگودھا میں شفقت عباس اعوان، اور سیکرٹری جنرل پی ٹی آئی عمر ایوب، کے پیپر جمع کروانے والوں کو اٹھا لیا گیا ھے، کراچی سے لیکر خیبر تک تحریک انصاف کے رہنماؤں پر برترین کریک ڈاؤن جاری ہے، سپریم کورٹ میں ہم نے درخواست جمع کروائی ہے پی ٹی آئی کو لیول پلین فیلڈ اور صاف و شفاف الیکشن کی یقین دہانی کروائی جائے، سائفر کیس میں عمران خان کی ضمانت کے دوران معزز جج کے ریماکس اہم ہیں، این اے 82 سے الیکشن لڑنے کے پییرز جمع کرانے آیا ہوں ،

جمعیت علماء اسلام کے سربراہ مولانا فضل الرحمان نے پشین سے کاغذات نامزدگی جمع کروادئیے گئے، مولانا فضل الرحمان این اے 265 پشین اور ڈی آئی خان سے قومی اسمبلی کے امیدوار ہیں ۔سابق وفاقی وزیر مواصلات مولانا اسعد محمود نے ٹانک سے کاغذات نامزدگی جمع کروادیئے ،مولانا اسعد محمود نے این اے 43 ٹانک سے کاغذات نامزدگی جمع کروائے.

مرکزی مسلم لیگ نےکراچی کے متعدد قومی و صوبائی حلقوں سے کاغذات نامزدگی جمع کروا دیئے
پاکستان مرکزی مسلم لیگ کے نائب صدر و امیدوار NA235فیصل ندیم نے کہا ہےکہ ملکی استحکام کےلیےبروقت الیکشن کا انعقاد ضروری ہے۔الیکشن کے موسم میں نظر آنے والی سیاسی جماعتیں منتخب ہونے کے بعد غائب ہوجاتی ہیں ۔ پاکستان مرکزی مسلم لیگ کی قیادت اورکارکنا ن سال بھر عوام کے درمیان اور ان کی خدمت میں پیش پیش رہتےہیں۔ ہمیں امید ہے اس الیکشن میں عوام کی طرف سے اچھا رزلٹ میسر آئے گا۔مرکزی مسلم لیگ کسی نہ کسی کے ساتھ سیٹ ایڈجسمنٹ کرسکتی ہے۔ان خیالات کا اظہار انہوں نے ڈی سی آفس ایسٹ میں کاغذات نامزدگی جمع کرانے کے بعد میڈیاسے گفتگو کرتے ہوئے کیا۔پاکستان مرکزی مسلم لیگ نےکراچی کے متعدد قومی و صوبائی حلقوں سے کاغذات نامزدگی جمع کروا دیئے۔مرکزی نائب صدرفیصل ندیم نےاین اے235 ،کراچی کے صدراحمدندیم اعوان نے پی ایس 97،امجد اسلام امجد این اے246،عبدالرحیم سالار این اے 243،مفتی یوسف کشمیری پی ایس 99،حافظ عبدالقیوم پی ایس98،انجینئر نعمان علی پی ایس 91،انجینئر عمار رفیق پی ایس 84،عبدالرحمن پی ایس 121،محبوب علی پی ایس 100،نعمان اعظم پی ایس 108سے کاغذات نامزدگی جمع کرائے ۔پاکستان مرکزی مسلم لیگ کے مزید امیدواروں کا کاغذات نامزدگی جمع کرانے کا سلسلہ جاری ہے۔

پرویز الہیٰ کی اہلیہ کاغذات جمع کروانے پہنچیں تو گیٹ پر روک دیا گیا
پاکستان تحریک انصاف کے صدر پرویز الہٰی کی اہلیہ کاغذات نامزدگی جمع کروانے پہنچ گئی،پرویز الہٰی کی بیگم قیصرہ الہی کو گیٹ پر روک دیا گیا،قیصرہ الہی حلقہ این اے 64 سے کاغذات نامزدگی جمع کروانے آئیں ، اس موقع پر قیصرہ الہیٰ کا کہنا تھا کہ سالک حسین کے سرکاری پروٹوکول کیساتھ کاغذات نامزدگی جمع کروائے گئے. آج تو اپنے بھی پرائے ہوئے ہیں،میرے مخالف امیدوار کے کیسے آرام سے کاغذات جمع کروا کر گیا، مونس الہیٰ کا کہنا ہے کہ میری والدہ اپنے کاغذات جمع کرانے گجرات آر او کے پاس پہنچیں تو پولیس اور آر او نے اندر سے تالا لگا دیا،ہمارے گھر کے مردوں سے تو ڈرتے ہی ہیں اب عورتوں سے بھی خوفزدہ ہو گئے ہیں

نواز شریف این اے 130،مریم نواز 127،شہباز شریف این اے 123 او ر 132،حمزہ شہبازاین اے 118 پر الیکشن لڑیں گے
سابق وزیراعظم نواز شریف نے لاہور سے کاغذات نامزدگی حاصل کر لئے ہیں، نواز شریف کے حلقہ این اے 130 سے کاغذات ن لیگی رہنما بلال یاسین نے لئے ہیں، نواز شریف قومی اسمبلی کے حلقہ این اے 130 سے الیکشن لڑیں گے جبکہ ان کے بطور کورنگ امیدوار بلال یاسین ہوں گے،بلال یاسین پنجاب اسمبلی کے حلقہ پی پی 174 سے الیکشن لڑیں گے.مسلم لیگ ن کی رہنما مریم نواز نے لاہور کے حلقہ این اے 127 سے کاغذات نامزدگی حاصل کرلیے،مریم نواز شریف صوبائی حلقے سے بھی الیکشن لڑیں گی،مریم نواز نے آج کے اجلاس میں صوبائی اسمبلی کے حلقہ پی پی 159 اور 160 کے لیے بھی کاغذات نامزدگی مکمل کروائے،مریم نواز شریف این اے 119 سے بھی کاغذات کی مکمل کروائے،شہباز شریف نے لاہور کے حلقے 123 اور قصور کھڈیاں کے حلقہ 132 کی سیٹ پر بھی کاغذات مکمل کروائے،حمزہ شہباز نے این اے 118 سے کاغذات نامزدگی حاصل کیے،حمزہ شہباز لاہور سے صوبائی اسمبلی کے حلقہ سے بھی الیکشن میں حصہ لیں گے

استحکام پاکستان پارٹی کے رہنماؤں جہانگیر ترین، علیم خان، مراد راس، عون چودھری کے کاغذات جمع
استحکام پاکستان پارٹی کے سربراہ جہانگیر ترین نے این اے 155 لودھراں کے لئے کاغذات نامزدگی جمع کروادیئے ہیں،اس موقع پر جہانگیر ترین کے بیٹے علی ترین بھی ہمراہ تھے،جہانگیر ترین نے اس موقع پر میڈیا سے بات چیت کرتے ہوئے کہا کہ ہماری خواہش ہے کہ ایسی مضبوط حکومت بنے جو پانچ سال پورے کرے، سیٹ ایڈجسٹمنٹ کے حوالے سے بنائی گئی کمیٹی اپنا کام کررہی ہے،مجھے ایک اور حلقے سے الیکشن لڑنے کی آفر کی گئی تاہم لودھراں میرا گھر ہے، میں نے اپنے گھر سے الیکشن لڑنے کو ترجیح دی، اقتدار ملا تو انشاء اللہ لودھراں کی ترقی کے لئے اڑھائی کی بجائے 5 ارب کا فنڈ لائیں گے

استحکام پاکستان پارٹی کے ایڈیشنل سیکرٹری جنرل آئی پی پی عون چوہدری لاہور سے 2 قومی اور ایک صوبائی نشست پر الیکشن لڑیں‌گے،عون چوہدری نے حلقہ این اے 124؛127اور پی پی 163 سے کاغذات نامزدگی جمع کروا دئیے ہیں،استحکام پاکستان پارٹی لاہور کے صدر مراد راس نے پی پی 161 سے اپنے کاغذات نامزدگی جمع کروائے ہیں، استحکام پاکستان پارٹی کے صدر عبدالعلیم خان نے پی پی149 اور این اے 119 سے کاغذات نامزدگی جمع کرادیئے ہیں،استحکام پاکستان پارٹی کے شعیب صدیقی نے پی پی 150 سے کاغذات نامزدگی جمع کروائے ہیں۔

ننکانہ صاحب،شذرہ منصب نے این اے 112 کے لیے کاغذات نامزدگی جمع کروائے
ننکانہ صاحب سے صدر مسلم لیگ ن یوتھ ونگ شعبہ خواتین پنجاب و سابق ایم این اے ڈاکٹر شذرہ منصب نے کاغذات نامزدگی جمع کروا دیئے ہیں۔ شذرہ منصب نے این اے 112 کے لیے کاغذات نامزدگی جمع کروائے۔ مسلم لیگ ن کے ضلعی صدر رانا محمد ارشد نے بھی این اے 111 اور پی پی133 کے لیے کاغذات جمع کروائے،سابق ایم پی اے پاکستان مسلم لیگ ن مہر کاشف رنگ الہی پڑھیار نے پی پی 134 کے لیے کاغذات نامزدگی جمع کروائے۔

اسلام آباد کے حلقہ این اے 46 اور47 سے خواجہ سراء امیدوار نایاب علی کے کاغذاتِ نامزدگی جمع
وفاقی دارالحکومت اسلام آباد کے حلقہ این اے 46 اور47 سے خواجہ سراء امیدوار نایاب علی نے کاغذاتِ نامزدگی جمع کرا دیئے ہیں،اس موقع پر نایاب علی کا کہنا تھا کہ ملک کی پہلی خواجہ سرا ہوں جس نے کاغذات نامزدگی جمع کرائے ہیں ،میں نے حلقہ این 46 اور 47 کے لئے کاغذات نامزدگی جمع کرائے ہیں ،اسلام آبا د کے گیارہ لاکھ ووٹرز میں سے پانچ لاکھ خواتین ہیں ،میں خواتین اور کچی آبادیوں کے حقوق کے لئے کام کروں گی ،اسلام آباد کے مظلوم طبقوں کی نمائندگی کروں گی ،ایم این ایز اور ایم پی ایز آپ کو صرف الیکشن کے دنوں میں ہی نظر آتے ہیں ،اسلام آباد سب سے بڑا مسئلہ کچی آبادیوں کا ہے ،کچی آبادیوں میں رہنے والوں کے لئے کوئی متبادل نہیں دیا ،خواتین کو اسلام آباد سے کوئی نمائندگی نہیں دی گئی ،خواجہ سرا کمیونٹی کو سیاست میں ایک گالی بنا دیا ہے ،بہت سے سیاسی رہنماؤں کو خواجہ سرا کہہ کر گالی دی جاتی ہے ،مجھے آر او نے کاغذات نامزدگی نہیں دے رہے تھے ،سوشل میڈیا پر ویڈیو لگانے پر مجھ سے معذرت کی گئی

اسلام آباد کے حلقہ این اے 46 اور47 سے خواجہ سراء امیدوار نایاب علی کے کاغذاتِ نامزدگی جمع #baaghitv #pakistan #islamabad #BREAKING_NEWS #ElectionCommission pic.twitter.com/tuXSjJCHYf

— Baaghi TV باغی ٹی وی (@BaaghiTV) December 22, 2023

کاغذات نامزدگی جمع کروانے جانے والے یاسمین راشد کے شوہر گرفتار
ڈاکٹر یاسمین راشد کے شوہر راشد نبی ملک کو کاغذات نامزدگی جمع کرانے سے پہلے آر و کے دفتر سے گرفتار کر لیا گیا، ڈاکٹر یاسمین راشد اس وقت نو مئی کے مقدمات میں جیل میں ہیں اور انہوں نے الیکشن لڑنے کا اعلان کر رکھا ہے،

آج میں بھی عمران خان ہوں،صدر مملکت کے بیٹے نے این اے 241 سے کاغذات جمع کروا دیئے
صدرمملکت ڈاکٹر عارف علوی کے صاحبزادے عواب علوی نے کراچی کے حلقہ این اے 241 سے کاغذات نامزدگی جمع کروادیئے ہیں، سماجی رابطے کی ویب سائٹ پر کاغذات نامزدگی جمع کروانے بارے صدر مملکت کے بیٹے نے لکھا کہ گزشتہ کئی سالوں سے عمران خان کیلئے پردے کے پیچھے رہ کر کام کرنے کے بعد اب وقت آچکا ہے کہ سامنے آیا جائے،عمران خان کے یہ الفاظ ان کے دل میں اترچکے ہیں کہ انہوں نے جو کرنا تھا کردیا اب عوام کا کام ہے کہ وہ پاکستان کیلئے کچھ کریں،گزشتہ کئی ماہ میں پی ڈی ایم کے نااہل لوگوں نے پاکستان کے ساتھ جو کیا اس سے ساری قوم پریشان ہے اب پاکستان کے کچھ لوگوں کی نہیں بلکہ ان 22 کروڑ عوام کی لڑائی ہے جو پاکستان میں ہی رہنا اور مرنا چاہتے ہیں، آج میں عمران خان ہوں اور 8 فروری کو ساری پاکستانی قوم بولے گی کہ ہم عمران خان ہیں

Mashallah have applied for Karachi NA-241

After having worked behind the scenes for Imran Khan, PTI & SMT for the past many many years – it is time to come out & to the frontline

The message of Chairman Imran Khan resonates in my heart — “I’ve done what I could, now it’s the… pic.twitter.com/y2HvyP1ji8

— Awab Alvi (@DrAwab) December 22, 2023

2008 کے بعد اب الیکشن لڑ رہا ہوں،یوسف رضاگیلانی، این اے 248 سے کاغذات جمع
پیپلز پارٹی کے رہنما و سابق وزیراعظم یوسف رضا گیلانی نے این اے 148 سے کاغذاتِ نامزدگی جمع کرا دیئے ہیں، این اے 148 ملتان سے سابق وفاقی وزیر سکندر حیات بوسن بھی کاغذات جمع کرا چکے ہیں،سابق رکن قومی اسمبلی احمد حسین ڈیہڑ بھی این اے 148 سے کاغذاتِ نامزدگی جمع کرا چکے ہیں، کاغذات نامزدگی جمع کرواتے وقت سید یوسف رضا گیلانی کا کہنا تھا کہ بڑے عرصے کے بعد الیکشن لڑرہا ہوں,آخری بار 2008 میں الیکشن لڑا تھا,ہمارا موقف ہے سب کو لیول پلائنگ ملنی چاہیے باقی معاملات کورٹ میں ہیں,عبدالقادر گیلانی شجاع آباد سے الیکشن لڑرہا ہے,

بلاول کے لاہور کے حلقہ این اے 128سے کاغذات نامزدگی جمع
چیئرمین پیپلز پارٹی بلاول بھٹو زرداری کے لاہور کے قومی اسمبلی کے حلقے این اے 128 سے کاغذاتِ نامزدگی جمع کروا دیے گئے ہیں،پیپلز پارٹی کے حافظ غلام محی الدین نے لاہور ہی کے حلقے این اے 128 اور پی پی 170 سے اپنے کاغذاتِ نامزدگی جمع کروا دیئے،میاں مصباح الرحمٰن نے لاہور کے حلقے پی پی 169 سے اپنے کاغذاتِ نامزدگی جمع کروائے،بلاول بھٹو کے مد مقابل پی ٹی آئی کے متوقع امیدوار شفقت محمود یا سلمان اکرم راجہ اور ن لیگ کے میاں احمد احسان یاحافظ نعمان انتخابات میں حصہ لیں گے،

سابق صدرآصف علی زرداری کے این اے 207 نواب شاہ سے کاغذات نامزدگی جمع کروا دیئے گئے،آصف علی زرداری کے کاغذات نامزدگی ان کی بہن ڈاکٹر عذرا فضل پیچوہو نے جمع کرائے،

مخالفین الزامات لگاتے رہتے ہیں،خواجہ آصف
مسلم لیگ نواز کے رہنما سابق وفاقی وزیر خواجہ محمد آصف نے کاغذات نامزدگی جمع کروا دیئے،خواجہ آصف نے این اے 71 اور پی پی 46,47 سمیت تین حلقوں میں کاغذات نامزدگی جمع کروائے ،خواجہ آصف کے ہمرہ سابق صوبائی وزیر منشاء اللہ بٹ نے بھی کاغذات نامزدگی جمع کروائے،منشاء اللہ بٹ نے پی پی 47 سے کاغذات نامزدگی جمع کروائے ،لیگی رہنماؤں کے ہمراہ کارکنان کی بڑی تعداد ریٹرنگ آفس پہنچی، اس موقع پر خواجہ آصف نے میڈیا سے گفتگو کرتے ہوئے کہا کہ مخالفین الزامات لگاتے رہتے ہیں کچھ پر لوگ یقین کرتے ہیں کچھ پر نہیں کرتے ،ہماری حکومت کے دوران جو واقع پیش آیا تھا اس پر میں نے معذرت کی تھی اب ہماری حکومت نہیں ہے، اس وقت صوبے اور وفاق میں مستحکم نگران حکومتیں ہیں ان سے ہمارا کوئی تعلق نہیں، میں نے کسی کو مشورہ دیا تھا کہ قیادت پر الزام لگا کر سیاسی ساکھ کو خراب کریں، سیاسی ساکھ کو تو اس طرح بحال نہیں کیا جاسکتا،

شہر قائد کراچی سے ایم کیو ایم پاکستان کے رہنما ڈاکٹر فاروق ستار نے این اے 240 سے کاغذات نامزدگی جمع کرا دیئے، امیر جماعت اسلامی کراچی حافظ نعیم الرحمن نے این اے 250 سے کاغذات نامزدگی جمع کروا دیئے،سید خورشید شاہ نے قومی اسمبلی کی نشست این اے 201 کے لیے کاغذات نامزدگی جمع کرا دیئے، پیپلز پارٹی کے فیضان راوت نے پی ایس 124 سے اپنے کاغذات نامزدگی جمع کرائے ہیں جبکہ این اے 248 سے بھی اپنے کاغذات نامزدگی جمع کرائے ہیں،سندھ کے سابق وزیراعلیٰ مراد علی شاہ نے پی ایس 77 سیہون سے کاغذاتِ نامزدگی جمع کرا دیئے ہیں،

2013 میں ہم جلسے کا اعلان کرتے تو دھماکے ہو جاتے، شرمیلا فاروقی
سندھ کی مخصوص نشستوں پر پیپلز پارٹی کی رہنما شرمیلا فاروقی نے فارم جمع کرادیا ،اس موقع پر شرمیلا فاروقی کا کہنا تھا کہ پیپلزپارٹی ہمیشہ عوام خدمت کرتی رہی ہے،پیپلزپارٹی کو کبھی بھی لیول پلیئنگ نہیں دی گئی،پیپلز پارٹی کی کارکردگی عوام کے سامنے ہے،پیپلزپارٹی ہمیشہ عوام کے ساتھ کھڑےرہے ہیں، پیپلزپارٹی نے سندھ میں اسپتالوں کا جال بچھایا گیا ،دوہزار تیرا میں بلاول بھٹو جلسے کرنے سے روکا گیا،ہم جلسے کا اعلان کرتے تھے تو دھماکے ہوجاتے تھے

2018 میں بلاول کو شکست دینے والے شکور شاد نے این اے 239 سے کاغذات نامزدگی جمع کروا دیئے
پی ٹی آئی کے سابق ایم این اے عبدالشکور شاد حلقہ این اے 239 کیلئے کاغذات نامزدگی جمع کرادیئے،عبدالشکور شاد گزشتہ الیکشن میں پی ٹی آئی کے ایم این اے رہے ہیں، لیاری کی نشست سے بلاول بھٹو کو شکست دے چکے ہیں ، کاغذات نامزدگی جمع کرواتے وقت شکور شاد کا کہنا تھا کہ اس بار الیکشن میں آزاد امیدوار کی حیثیت سے حصہ لے رہا ہوں،

مرکزی مسلم لیگ کا ملک بھر سے امیدوار لانے کا فیصلہ
پاکستان مرکزی مسلم لیگ کے ترجمان تابش قیوم نے کہا ہے کہ پاکستان مرکزی مسلم لیگ نے پنجاب،سندھ، خیبرپختونخواہ، بلوچستان سمیت پورے ملک سے قومی و صوبائی حلقوں پر امیدواران کو انتخابی میدان میں اتارنے کا فیصلہ کیا ہے۔جبکہ پورے ملک سے کاغذات نامزدگی جمع کروانے کا سلسلہ جاری ہے۔ پاکستان مرکزی مسلم لیگ کے مرکزی صدر خالد مسعود سندھو لاہور میں حلقہ این اے 117 سنئیر نائب صدر فیصل ندیم کراچی NA 235 نائب صدر طلحہ سعید این اے 122،فنانس سیکرٹری اے آر نقوی پی پی 156،حافظ عبد الرؤف این اے 119، خالد نیک گجر پی پی 162جنرل سیکرٹری پنجاب مزمل اقبال ہاشمی گوجرنوالہ این اے 77 سے الیکشن میں حصہ لیں گے۔ ترجمان مرکزی مسلم لیگ تابش قیوم نے کہا کہ ملکی استحکام کےلیےبروقت الیکشن کا انعقاد ضروری ہے۔الیکشن کے موسم میں نظر آنے والی سیاسی جماعتیں منتخب ہونے کے بعد غائب ہوجاتی ہیں ۔ پاکستان مرکزی مسلم لیگ کی قیادت اور کارکنان سال بھر عوام کے درمیان اور ان کی خدمت میں پیش پیش رہتے ہیں۔ ہمیں امید ہے اس الیکشن میں عوام کی طرف سے اچھا رزلٹ میسر آئے گا۔ تابش قیوم کا کہنا تھا کہ الیکشن کمیشن کے مشکور ہیں جنہوں نے کاغذات نامزدگی میں 2 دن کا اضافہ کردیا ہے۔ ہم اپنے نعرے ہماری سیاست خدمت انسانیت کو فروغ دیتے ہوئے آگے بڑھیں گے۔ 8 فروری کو قوم کرسی کے نشان پر اپنا فیصلہ سنائے گی

صنم جاوید کے والدین کاغذات نامزدگی جمع کروانے کے لیے الیکشن کمیشن پہنچ گئے ،مسلم لیگ ن سے شمالہ رانا ،مسلم لیگ ن سے رابعہ فاروقی ،ذکیہ شاہنواز کے کاغذات بھی جمع ہو گئے ہیں،

میری بیٹی مریم نواز اور شہبازشریف کیخلاف الیکشن لڑےگی،والدہ مہم چلائے گی، والد صنم جاوید
پی ٹی آئی کی رہنما صنم جاوید کے والد جاوید اقبال نے میڈیا سے گفتگو کرتے ہوئے کہا کہ صنم جاوید پی ٹی آئی کی طرف سے مریم نواز کے خلاف الیکشن لڑیں گی، صنم جاوید شہباز شریف کے خلاف بھی الیکشن لڑیں گی،صنم جاوید کی والدہ ڈور ٹو ڈور مہم چلائیں گی، صنم جاوید کے کاغذات پر دستخط کروانے کے لیے مجھے 7 دن لگے، صنم جاوید پر آخری مقدمہ موبائل چوری کا رہ گیا ہے، باقی سب مقدمات میں ضمانتیں ہو چکی ہیں، پی ٹی آئی کے امیدواروں کے راستے میں کون رکاوٹیں ڈالتا ہے، یہ سب کو پتہ ہے ، روبینہ جاوید والدہ صنم جاویدنے میڈیا سے گفتگو کرتے ہوئے کہا کہ میں خود بیٹی کی انتخابی مہم چلاؤں گی، خوشی ہوتی اگر میری بیٹی باہر ہوتی اور وہ خود انتخابی مہم چلاتی، افسوسناک بات ہے کہ بیٹی جیل میں ہے

معروف صحافی امتیازعالم نے ریٹائرمنٹ کااعلان کرتے ہوئے بہاولنگر شہر کےقومی اسمبلی کےحلقہ این اے 161 سےالیکشن میں حصہ لینے کا فیصلہ کیا ہے،سماجی رابطے کی ویب سائٹ ٹویٹر پر امتیاز عالم نے یہ اعلان کیا،

خیبرپختونخوا میں پی ٹی آئی کے اتحادی جے یو آئی شیرانی گروپ کے مولانا شجاع الملک نے این اے 23 مردان سے کاغذات نامزدگی جمع کرادیے،سپیکر پنجاب اسمبلی سردار سبطبین خان نے کاغذات نامزدگی وصول کر لئے،سبطین خان پی پی 88سے اپنے کاغذات جلد جمع کروائیں گے

عام انتخابات کے سلسلے میں جمعیت علمائے اسلام نے خیبرپختونخواکے اضلاع خیبر، جنوبی وزیرستان اور ہنگو میں پارٹی ٹکٹ جاری کر دیئے ہیں،خیبر کے قومی اسمبلی کے حلقہ این اے 27 اور صوبائی نشست پی کے 70 سے حمید اللّٰہ جان آفریدی جے یو آئی کے امیدوار ہوں گے،پی کے 71 پر مولانا شمس الدین جبکہ پی کے 69 پر مفتی محمد اعجاز امیدوار ہوں گے، این اے 42 کا ٹکٹ سابق ایم این اے مولانا جمال الدین کو جاری کیا گیا ہے،جنوبی وزیرستان کے صوبائی حلقے پی کے 109 کا ٹکٹ بریگڈیئر (ر) قیوم شیر محسود کو جبکہ پی کے 110 کا ٹکٹ حاجی نیک محمد وزیر کو جاری کیا گیا ہے،ہنگو کے قومی اسمبلی کے حلقے این اے 36 پر جے یوآئی نے مفتی عبید اللّٰہ کو امیدوار نامزد کیا ہے،ہنگو کے صوبائی اسمبلی کے حلقے پی کے 93 پر مولانا تحسین اللّٰہ اور پی کے 94 پر حاجی عبدالرحمٰن کو ٹکٹ جاری ہوئے ہیں.

جے یو آئی کے امیدواروں نے ضلع راولپنڈی سے کاغذاتِ نامزدگی جمع کروادیئے ہیں، این اے 55 سے مفتی عمر علی، این اے 56 سے ڈاکٹر حافظ ضیاءالرحمن اور این اے 57 سے مفتی عبدالواجد حسین نے کاغذات نامزدگی جمع کروائے، صوبائی حلقوں سے پی پی 10 سے ملک ریحان بابر، پی پی 11 سے سردار راشد یوسف اور پی پی 14 سے مولانا عمر علی نے کاغذات نامزدگی جمع کروائے۔،پی پی 15 سے مفتی قاسم، پی پی 16 سے ڈاکٹر ضیاءالرحمن، پی پی 17 سے قاری کرامت الرحمن، پی پی 18سے مفتی مسرت اقبال عباسی اور پی پی 19 سے ضیاءاللہ نے کاغذات نامزدگی جمع کرادیے.

چیئرمین پاکستان تحریک انصاف بیرسٹر گوہر علی خان بونیر روانہ ۔ این اے 10 بونیر سے کاغذاتِ نامزدگی جمع کروائیں گے

نذیر چوہان نے پی پی 162 سے کاغذات نامزدگی جمع کرا دیئے، نذیر چوہان نے ریٹرننگ افسر عثمان غنی کو کاغذات نامزدگی جمع کرائے.

ہماری طرف سے کسی امیدوار پر کوئی دباؤ نہیں ہے، الیکشن کمشنر پنجاب سعید گل
دوسری جانب الیکشن کمشنر پنجاب سعید گل نے میڈیا سے گفتگو کرتے ہوئے کہا کہ کاغذات نامزدگی جمع کروانے کی الیکشن کمیشن نے دو دن کی توسیع کردی ہے، اب 25 دسمبر سے کاغذات نامزدگی کی جانچ پڑتال شروع ہو گی،مسلم لیگ ن، ایم کیو ایم، جے یوآئی نے توسیع کی درخواست کی تھی، متعلقہ آراوز کو ہدایات دی گئی ہیں کہ کسی بھی جماعت کے امیدوار کو کاغذات نامزدگی وصول اور جمع کروانے میں مشکل نہیں ہونی چاہیے ، ہماری طرف سے کسی امیدوار پر کوئی دباؤ نہیں ہے، تحریک انصاف کا انتخابی نشان بیٹ کا فیصلہ الیکشن کمیشن نے کرنا ہے،الیکشن کمیشن، چیف الیکشن کمشنر اور چار ممبران پر مشتمل ہے ، میرا کوئی عمل دخل نہیں،چکوال سے کاغذات وصولی میں مشکلات پر جماعت اسلامی کی شکایت دور کر دی گئی ہے، اب تک خواتین کی نشستوں کے لئے قومی اسمبلی کے لیے 63 کاغذات نامزدگی جمع کروائے جاچکے ہیں، پنجاب اسمبلی کی خواتین کے لیے مخصوص نشستوں کے لئے 258 کاغذات نامزدگی جمع کروائے گئے ہیں ، پنجاب اسمبلی میں اقلیتوں کے لیے مخصوص نشستوں کے لیے 71 کاغذات نامزدگی جمع کروائے گئے ہیں،

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟