Baaghi TV

Tag: عدالت

  • ڈونلڈ ٹرمپ پر آج فرد جرم عائد ہونے کا امکان

    ڈونلڈ ٹرمپ پر آج فرد جرم عائد ہونے کا امکان

    نیویارک: سابق امریکی صدر ڈونلڈ ٹرمپ پر آج فرد جرم عائد ہونے کا امکان ہے۔

    باغی ٹی وی: غیر ملکی خبر رساں ایجنسی کے مطابق اداکارہ کو رقم دینے کے معاملے پر سابق امریکی صدر ڈونلڈ ٹرمپ پر فرد جرم عائد کی جائے گی مین ہیٹن کی عدالت کے اطراف سیکیورٹی کے انتظامات انتہائی سخت کیے گئے ہیں جبکہ ڈونلڈ ٹرمپ کی گرفتاری کے خدشے کے پیش نظر حامیوں کو احتجاج کی کال دی گئی ہے۔

    جو بائیڈن نے کورونا سے متعلق خفیہ معلومات جاری کرنے کے قانون پر دستخط کر …

    واضح رہے کہ کسی بھی سابق امریکی صدر پر مجرمانہ الزام کا امریکی تاریخ کا یہ پہلا کیس ہو گا ڈونلڈ ٹرمپ نے سوشل میڈیا پلیٹ فارم پر کارکنوں کے نام ایک پوسٹ میں اپنی گرفتاری کے خلاف احتجاج کرنے کی اپیل کر رکھی ہے۔

    ڈونلڈ ٹرمپ نے دعویٰ کیا ہے کہ انہیں 2016 میں فحش فلموں کی اداکارہ اسٹورمی ڈینیئلز کو ایک لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔

    میڈیا رپورٹ کے مطابق نیویارک عدالت کی گرینڈ جیوری کی جانب سے سابق صدر ٹرمپ پر پیر یا بدھ کو فرد جرم عائد کی جاسکتی ہے، مین ہیٹن کی عدالت کے اطراف سکیورٹی بڑھائی جا رہی ہے۔

    نیویارک میئرایرک ایڈمز کا کہنا ہے کہ ہم سوشل میڈیا پر تبصروں کی نگرانی کر رہے ہیں، محکمہ پولیس اس بات کو یقینی بنانے کے لیے اپنا معمول کا کردار ادا کر رہا ہے کہ شہر میں کوئی نامناسب کارروائی نہ ہو، ہمیں یقین ہے کہ ہم ایسا کرنے کے قابل ہو جائیں گے۔

    چینی صدر روس کے دورے پر ماسکو پہنچ گئے

    فرد جرم عائد ہونے کی صورت میں ٹرمپ کا کیس کسی بھی موجودہ یا سابق امریکی صدر پر مجرمانہ الزام لگنے کا امریکی تاریخ کا یہ پہلا کیس ہوگا ٹرمپ کے وکلا کے مطابق اگر سابق امریکی صدر پر فرد جرم عائد کی جاتی ہے تو ان کی گرفتاری کے لیے چند طریقہ کار پر عمل کیا جائے گا۔

    فرد جرم عائد ہونے کے بعد ڈونلڈ ٹرمپ فلوریڈا میں واقع اپنے گھر سے نیویارک سٹی کورٹ ہاؤس میں پیشی کے لیے روانہ ہوں گے اس کے بعد ممکنہ طور پر ڈسٹرکٹ اٹارنی کے دفتر اور ٹرمپ کی ٹیم کے درمیان بات چیت ہوگی،ایک بار جب مقدمہ درج اورجج کا انتخاب ہوجائے گا تو دیگر تفصیلات جیسے کہ مقدمے کا وقت اور ممکنہ سفری پابندیاں اور ضمانت کے طریقے سامنے آ جائیں گی۔

    علاوہ ازیں فرد جرم کے بعد ٹرمپ پر جرمانہ ہوسکتا ہے جبکہ اگر ٹرمپ کو سزا سنائی گئی تو انہیں زیادہ سے زیادہ 4 سال قید کا سامنا کرنا پڑے گا، حالانکہ کچھ قانونی ماہرین کا کہنا ہے کہ جرمانے کا زیادہ امکان ہے۔

    دنیا کے خوش ترین ممالک کی فہرست جاری،پاکستان کا کونسا نمبر؟

  • توشہ خانہ کیس،عمران خان کے وارنٹ منسوخ کرنے کی درخواست غیر موثر قرار

    توشہ خانہ کیس،عمران خان کے وارنٹ منسوخ کرنے کی درخواست غیر موثر قرار

    باغی ٹی وی کی رپورٹ کے مطابق اسلام آباد ہائیکورٹ نے توشہ خانہ کیس میں سابق وزیراعظم عمران خان کے وارنٹ منسوخ کرنے کی درخواست غیر موثر قرار دے دی

    اسلام آباد ہائیکورٹ کے چیف جسٹس عامر فاروق نے کیس درخواست پر سماعت کی ، عمران خان کی جانب سے خواجہ حارث اور بیرسٹر گوہرعدالت میں پیش ہوئے ، سیشن عدالت نے 18 مارچ کو عمران خان کو جوڈیشل کمپلیکس آمد پر وارنٹ منسوخ کر دیئے تھے ، آج عدالت نے درخواست غیر موثر قرار دے دی

    دوسری جانب اسلام آباد ہائیکورٹ میں توشہ خانہ کیس میں عمران خان کی حاضری فائل گم ہونے کے معاملے پر سماعت ہوئی، عدالت نے توشہ خانہ کیس میں حاضری فائل گم ہونے پر آئی جی اسلام آباد سے رپورٹ طلب کر لی جبکہ ٹرائل کورٹ سے بھی رپورٹ طلب کی گئی ہے، اسلام آباد ہائیکورٹ کے چیف جسٹس عامر فاروق نے ہدایت کرتے ہوئے کہا کہ حاضری فائل گمشدگی سے متعلق 10 روز میں رپورٹ پیش کریں

    واضح رہے کہ عمران خان عدالت پیش ہوئے تھے اس وقت تحریک انصاف کے کارکنان کی جانب سے ہنگامہ آرائی کی گئی تھی جس کے جواب میں پولیس نے آنسو گیس کی شیلنگ کی، اس دوران عدالت نے فائل پر دستخط کروانے کے لئے اسلام آباد پولیس کے ایس پی، وکیل اور شبلی فراز کو بھیجا تھا تا ہم فائل ایس پی سے کہیں کھو گئی،

    اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

    ، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

    ، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،

  • میں پیش ہونے کیلئے جا رہا تھا اوریہ آنسو گیس چھوڑ رہے تھے،عمران خان

    میں پیش ہونے کیلئے جا رہا تھا اوریہ آنسو گیس چھوڑ رہے تھے،عمران خان

    باغی ٹی وی کی رپورٹ کے مطابق سابق وزیراعظم عمران خان نے کہا ہے کہ میں نے وعدہ کیا ہوا تھا کہ عدالت میں پیش ہوں گا

    عمران خان کا کہنا تھا کہ جو میرے ساتھ اس حکومت نے کیا کبھی ایسا تاریخ میں کیساتھ نہیں ہوا،لاہو رسے اسلام آباد کیلئے نکلا تو پیچھے سے انہوں نے موٹروے بند کردی ،ان کی کوشش تھی کہ میرے ساتھ کوئی کارکنان عدالت نہ پہنچ سکے، 40 منٹ جوڈیشل کمپلیکس میں کھڑا رہا اور پولیس اوپر سے پتھر ماررہی تھی،میں عدالت میں پیش ہونے کیلئے جا رہا تھا اور یہ آنسو گیس چھوڑ رہے تھے ،یہ مجھے جیل بھیجنے نہیں قتل کرنے کا منصوبہ بنا رہے تھے،قانون کی بالادستی کیلئے رکاوٹیں عبورکرتے ہوئے اسلام آباد پہنچا،سارے راستے میں رکاوٹیں تھیں، عدالت کے باہر شیلنگ کی گئی، میں دروازے کے اندر جاتا ہوں تو پولیس ہی پولیس بھری ہوئی تھی،میں پیشی پر جا رہا ہوں اور اتنی پولیس،وہاں شیلنگ کی گئی، ایک دم مارنا شروع کر دیا گیا، تب میرا ایک کولیگ جلدی سے آیا اور اس نے کہا کہ نکلو باہر، اس نے کیوں اشارہ کیا یہ مجھے نہیں پتہ،پھر ہم نے گاڑی نکالی،، جوڈیشل کمپلیکس میں آنے والے نامعلوم افراد کون تھے؟ ان کا اب اگلا پلان مجھے قتل کرنا ہے، چیف جسٹس صاحب آپ نوٹس لیں

    عمران خان کا مزید کہنا تھا کہ جو مرضی کر لیں یہ اب الیکشن نہیں جیت سکتے،میری جان کو خطرہ ہے،ویڈیو لنک کے ذریعے پیش ہونے کی اجازت دی جائے،میں سارے کیسز کا جواب دینے کے لیے تیار ہوں،انہوں نے ہمارے ورکرز کو دہشتگرد بنانے کی کوشش کی، ہم ملک میں الیکشن چاہتے ہیں تصادم نہیں، جوڈیشل کمپلیکس میں مجھے مارنےکی سازش کی گئی،صاف و شفاف انتخابات کرائیں اور اسکے بعد معیشت کو اٹھائیں،

    قبل ازیں عمران خان کا کہنا تھا حکومت نے ہمارے کارکنوں کو جیلوں میں ڈالا عدالتوں کے ساتھ انسانی حقوق کی تنظیموں سے رجوع کریں گے بیرون ملک پی ٹی آئی تنظیمیں مقامی منتخب سیاستدانوں سے رابطہ کریں ،اپنی اپنی حکومتوں کو پاکستان میں جاری فاشزم سے آگاہ کریں

    عمران خان لاپتہ، کیوں نہ نواز شریف کیخلاف مقدمے کا حکم دوں، عدالت کے ریمارکس

    لاپتہ افراد کا سراغ نہ لگا تو تنخواہ بند کر دیں گے، عدالت کا اظہار برہمی

    لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

     لگتا ہے لاپتہ افراد کے معاملے پر پولیس والوں کو کوئی دلچسپی نہیں

  • آسٹریلوی فوجی افغانستان میں مبینہ جنگی جرائم کے الزام میں 3 سال بعد گرفتار

    آسٹریلوی فوجی افغانستان میں مبینہ جنگی جرائم کے الزام میں 3 سال بعد گرفتار

    افغانستان میں مبینہ جنگی جرائم کی تحقیقات کے بعد آسٹریلیا کے ایک سابق 41 سالہ ایس اے ایس فوجی پر قتل کا الزام عائد کیا گیا ہے-

    باغی ٹی وی: بی بی سی کے مطابق 41 سالہ اولیور شولز پہلے آسٹریلوی فوجی ہیں جن پر آسٹریلوی قانون کے تحت جنگی جرم کا الزام لگایا گیا ہے اس جرم میں زیادہ سے زیادہ عمر قید کی سزا ہےاسے پیر کو علاقائی نیو ساؤتھ ویلز (NSW) میں گرفتار کیا گیا تھا، اور منگل کو عدالت میں پیش کیا جائے گا-

    ایران:مزار پر حملے میں ملوث دو ملزمان کو سزائے موت سنا دی گئی

    آسٹریلیا براڈکاسٹنگ کارپوریشن (اے بی سی) کا کہنا ہے کہ شولز وہ شخص ہے جسے مارچ 2020 میں نشر ہونے والی ایک دستاویزی فلم میں زمین پر پڑے ایک افغان شہری کو گولی مارتے دیکھا جا سکتا ہے فوٹیج میں 2012 میں جنوبی افغانستان کے صوبہ ارزگان میں ایک افغان شخص کو گندم کے کھیت میں سپاہی سی کو گولی مارتے ہوئے دکھایا گیا تھا دستاویزی فلم کے نشر ہونے کے بعد مذکورہ اہلکار کو فوج سے ہٹا دیا گیا تھا۔

    یہ تحقیقات اسپیشل انویسٹی گیٹر (OSI) کے دفتر کی طرف سے کی گئی، جو کہ ایک آرمی ریزرو میجر جنرل اور NSW سپریم کورٹ کے جج پال بریریٹن کی سربراہی میں چار سال کی انکوائری کے بعد مبینہ جنگی جرائم کی تحقیقات کے لیے قائم کی گئی ہے۔

    بریریٹن رپورٹ جو 2020 میں جاری کی گئی تھی نے پایا کہ ” ثبوت” موجود ہیں کہ آسٹریلوی اشرافیہ کے فوجیوں نے افغان جنگ کے دوران غیر قانونی طور پر 39 افراد کو ہلاک کیا آفس آف اسپیشل انوسٹی گیٹر نے اپنے قیام کے بعد پہلی تحقیقاتی رپورٹ میں سفارش کی کہ 2009 سے 2013 تک "قیدیوں، کسانوں یا عام شہریوں” کے قتل کے معاملے میں پولیس کے 19 موجودہ یا سابق اسپیشل فورسز کے فوجیوں سے تفتیش کی جانی چاہیے آفس آف اسپیشل انوسٹی گیٹر نے یہ بھی سفارش کی کہ ان فوجیوں کے خلاف جنگی جرائم کے مقدمات فوجی عدالت کے بجائے سویلین کورٹس میں سنے جائیں۔

    قتل کرنے کی دھمکیاں،ممبئی پولیس نے سلمان خان کی سیکیورٹی بڑھا دی

    خیال کیا جاتا ہے کہ یہ اس انکوائری سے منسلک پہلی گرفتاری ہے آسٹریلوی پولیس نے دوفوجی اہلکار کی گرفتاری اور عدالت میں پیش کرنے کی تصدیق کی ہے تاہم اہلکار کا نام اور عہدہ ظاہر نہیں کیا۔

    یاد رہے کہ 2005 سے 2016 کے درمیان افغانستان میں آسٹریلوی فوجیوں کے جنگی جرائم کی تحقیقات کے لیے آسٹریلیا میں ’’آفس آف اسپیشل انوسٹی گیٹر کا قیام‘‘ عمل میں لایا گیا تھا۔

    واضح رہے کہ افغانستان میں آسٹریلوی فوجیوں کا دستہ پہلی بار 2001 اور پھر 2005 میں بھیجا گیا تھا۔ افغان جنگ کے دوران ان دستوں نے نیٹو اتحادی فوج کی حیثیت سے حصہ لیا تھا آسٹریلوی فوجی بھی گزشتہ برس طالبان کے اقتدار سنبھالنے پر نیٹو اتحادی افواج کے ہمراہ اپنے وطن لوٹ گئےتھےتاہم افغانستان میں تعیناتی کے دوران آسٹریلوی فوجیوں پر کئی معصوم شہریوں کے قتل کے الزامات لگے تھے۔

    سعودی عرب نے سوشل میڈیا پر نماز اور جمعہ خطبات نشر کرنے پر پابندی عائد …

    آسٹریلیا کے محکمہ ’’آفس آف اسپیشل انوسٹی گیٹر‘‘ نے تحقیقات کیں اور ایک فوجی اہلکار کو افغان شہری کے قتل میں ملوث پایا جس پر وفاقی پولیس نے ’’آسٹریلوی ڈیفنس فورس‘‘ کے 41 سالہ فوجی کو نیوساؤتھ ویلزسے گرفتار کرلیا آسٹریلوی فوجی کو جنگی جرائم کے الزام میں گرفتار کیا گیایہ پہلے آسٹریلوی فوجی ہے جن پر جنگی جرائم کا مقدمہ چلایا جائےگا اورالزام ثابت ہونے پرعمر قید کی سزا بھی ہوسکتی ہے-

    تسمانیہ یونیورسٹی کے قانون کے پروفیسر اور انٹرنیشنل کے پراسیکیوٹر کے جنگی جرائم کے خصوصی مشیر ٹم میک کارمیک نے کہا کہ مسٹر شولز کے کیس کو مغرب اور اس کے اتحادیوں کے لیے فوج میں مشتبہ غلط کاموں سے نمٹنے کے لیے ایک "اہم مثال” قائم کرنی چاہیے۔انہوں نے اے بی سی کو بتایا کہ "ہمارے پاس ماضی میں کبھی بھی ایسی صورتحال نہیں رہی جہاں آسٹریلوی ڈیفنس فورس کے کسی رکن، موجودہ یا سابق، پر جنگی جرم کا الزام لگایا گیا ہو اور اس پر سویلین عدالت میں مقدمہ چلایا جائے۔”

  • حسان نیازی کی گرفتاری کیخلاف اسلام آباد ہائیکورٹ میں درخواست دائر

    حسان نیازی کی گرفتاری کیخلاف اسلام آباد ہائیکورٹ میں درخواست دائر

    تحریک انصاف کے چیئرمین عمران خان کے بھانجے حسان نیازی کی گرفتاری کیخلاف اسلام آباد ہائیکورٹ میں درخواست دائر کر دی گئی

    پی ٹی آئی کے وکلا اسلام آباد ہائیکورٹ کے چیف جسٹس عامر فاروق کے سامنے پیش ہو گئے، وکیل فیصل چودھری نے کہا کہ حسان نیازی کو نامعلوم افراد نے اٹھا لیا ہے،عدالت نے ریمارکس دیتے ہوئے کہا کہ آپ درخواست دائر کریں، اس معاملے کو دیکھ لیتے ہیں

    واضح رہے کہ عمران خان کے بھانجے حسان نیازی کو اسلام آباد پولیس نے گرفتار کر لیا،حسان نیازی کی گرفتاری جوڈیشل کمپلیکس کے باہر سے کی گئی، وکیل نعیم حیدر کا کہنا ہے کہ حسان خان نیازی میرے ساتھ نکلے ، ہم نے بتایا ضمانت ہو گئی ہے ، تحریک انصاف کے رہنما فرح حبیب کا کہنا ہے کہ تمام مقدمات میں ضمانت کے باوجود ایس پی نوشیروان نے دہشت گردی عدالت کے باہر سے حسان نیازی کو اغوا کرلیا ہے۔ پولیس گردی کی انتہا ہوگئی ہے حسان نیازی وکیل جس کی ابھی عدالت نے ضمانت منظور کی ہے اسکو اغوا کرلیا ہے ، تحریک انصاف کے رہنما اسد عمر کا کہنا ہے کہ عدالت سے ضمانت ملنے کے بعد حسان نیازی کو گرفتار کر لیا گیا ایسی صورتحال میں آئین اب معطل ہی نظر آ رہا ہے، تحریک انصاف کے رہنما اسد قیصر کا کہنا ہے کہ ملک قانون اور آئین کے مطابق چلے گا جو جنگل کا قانون بنانے کی کوشش کرے گا اس کا حساب ہوگا،

    دوسری جانب سینئر صحافی و اینکر پرسن حامد میر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ حسان نیازی کے والد حفیظ اللّٰہ نیازی اپنے کزن عمران خان کے ناقدین میں شامل ہیں لیکن بیٹے کی گرفتاری پر پریشان ہیں کہ کہیں بیٹے کے ساتھ تشدد نہ کیا جائے اُمید ہے حسان نیازی کے ساتھ کوئی غیر قانونی سلوک نہیں ہو گا ضمانت کی منظوری کے بعد عدالت کے باہر سے انکی گرفتاری ناقابل فہم ہے

    اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس

    ، 25 کروڑ آبادی میں سے عمران خان ہی نیب ترامیم سے متاثر کیوں ہوئے؟

    ، نیب ترامیم کیس گزشتہ سال جولائی میں شروع ہوا اس کیس کو ختم ہونے میں وقت لگے گا،

  • ایران:مزار پر حملے میں ملوث دو ملزمان کو سزائے موت سنا دی گئی

    ایران:مزار پر حملے میں ملوث دو ملزمان کو سزائے موت سنا دی گئی

    تہران: ایرانی عدالت نے مزار پر حملے میں ملوث دو ملزمان کو سزائے موت سنادی۔

    باغی ٹی وی: غیر ملکی میڈیا کےمطابق ایران کی عدالت نے گزشتہ سال اکتوبر میں مزار پر ہونے والے حملے سے متعلق کیس کا فیصلہ سنایا جس میں عدالت نے دو ملزمان کو جرم کا مرتکب قرار دیتے ہوئے سزائے موت سنادی ایرانی صوبے فارس کے پراسیکیوٹر کے مطابق دونوں ملزمان پر قومی سلامتی کے خلاف کام کرنے اور دہشتگردی کا جرم ثابت ہوا جس پر انہیں عدالت نے سزا سنائی تاہم ملزمان سزا کے خلاف اپیل میں جاسکتے ہیں عدالت نے اسی کیس میں مزید 3 ملزمان کو 5 سے 25 سال قید کی سزا بھی سنائی ہے۔

    نیوزی لینڈ کے دورہ پاکستان کا شیڈول تبدیل

    گزشتہ سال سال اکتوبر میں ہونے والے حملے میں حملہ آوروں نے ایران کے جنوبی شہر شیراز میں شاہ چراغ کے مزار میں فائرنگ کی تھی جس کے نتیجے میں 15 افراد جاں بحق ہوئے مزار پر حملے کی ذمہ داری کالعدم داعش نے قبول کی تھی وہ افغانستان میں داعش کے نیٹ ورک سے منسلک تھے جہاں سے انہیں ایران میں حملے کی سہولت کاری ملی حملہ آوروں میں سے ایک کی شناخت تاجک شہری کے طور پر ہوئی جسے زخمی حالت میں گرفتار کیا گیا اور وہ بعد ازاں اسپتال میں دم توڑ گیا تھا۔

    جوڈیشل کمپلیکس میں پولیس کا مقصد تحفظ فراہم کرنا تھا،لیکن شرپسندوں نےپولیس کو تشدد کا …

  • عمران خان موو کرتے ہیں تو انکے ساتھ سیکیورٹی ہوتی ہے؟حکومت سے جواب طلب

    عمران خان موو کرتے ہیں تو انکے ساتھ سیکیورٹی ہوتی ہے؟حکومت سے جواب طلب

    لاہور ہائیکورٹ میں عمران خان کو فول پروف سیکیورٹی دینے کی درخواست پر سماعت ہوئی

    وکیل پی ٹی آئی نے عدالت میں کہا کہ چیئرمین پی ٹی آئی عمران خان کے پاس آج کی تاریخ تک کوئی سیکیورٹی نہیں ہے ،سیکیورٹی سے متعلق مزید 4 پٹیشن دائر کیں جو جسٹس طارق سلیم شیخ نے سماعت کی ،جسٹس عابد عزیز شیخ نے اظہر صدیق سے سوال کیا کہ آپ کے ٹی او آرز بن تو گئے تھے ،میرے پاس کیس بطور سابق وزیر اعظم عمران کی سیکیورٹی کا ہے ،حکومت کہہ رہی ہے کہ سیکیورٹی موجود ہے آپ کہ رہے ہیں سیکیورٹی نہیں ہے،وکیل نے کہا کہ میں گزشتہ روز سارا دن زمان پارک میں رہا وہاں ایک بھی پولیس اہلکار نہیں ہے ، جسٹس عابد عزیز شیخ نے استفسار کیا کہ گھر کے باہر اور جب عمران خان موو کرتے ہیں تو انکے ساتھ کیا سیکیورٹی ہوتی ہے؟ حکومت بتائے اور انڈرٹیکنگ دے ،وکیل اظہر صدیق نے کہا کہ پرسوں پولیس والوں نے عمران خان کے گھر کے دروازے توڑ دیئے لاہور ہائیکورٹ کی جانب سے حکومتی وکلا کو ہدایات لیکر آج ہی آگاہ کرنے کا حکم دے دیا گیا،لاہور ہائیکورٹ نے کیس کی سماعت 12بجے تک ملتوی کر دی

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

    اس بار تو پولیس نے آپ پر ڈکیتی کی دفعہ بھی لگا دی ہے

  • اس بار تو پولیس نے ڈکیتی کی دفعہ بھی لگا دی، جج کا پی ٹی آئی وکیل سے مکالمہ

    اس بار تو پولیس نے ڈکیتی کی دفعہ بھی لگا دی، جج کا پی ٹی آئی وکیل سے مکالمہ

    انسداد دہشتگردی عدالت میں عمران خان کی پیشی پر جوڈیشل کمپلیکس میں توڑ پھوڑ کے کیس کی سماعت ہوئی،

    پی ٹی آئی رہنما اپنی لیگل ٹیم کے ہمراہ اے ٹی سی کے جج راجہ جواد کی عدالت میں پیش ہوئے، عدالت نے اسدعمر، راجہ خرم، علی نواز، مراد سعید، شہزاد وسیم اور زلفی بخاری کی عبوری ضمانتیں منظور کرلیں، عدالت نے زلفی بخاری کی تھانہ گولڑہ میں درج مقدمات میں عبوری ضمانت منظور کرلی۔

    دوران سماعت جج نے ریمارکس دیتے ہوئے کہا کہ 2 ہفتوں تک کی عبوری ضمانتیں اس لئے دے رہے ہیں تاکہ شیلنگ سے بچا جائے،جج نے پی ٹی آئی رہنماﺅں سے مکالمہ کرتے ہوئے کہا کہ اس بار تو پولیس نے آپ پر ڈکیتی کی دفعہ بھی لگا دی ہے،وکیل بابر اعوان نے جج سے مکالمہ کرتے ہوئے کہا کہ نئے مقدمات کی نئی ضمانتیں دائر کر رہے ہیں،جج اے ٹی سی اسلام آباد نے ریمارکس دیتے ہوئے کہا کہ پرانی سے تو نمٹ لینے دیں پھر نئی کو بھی دیکھتے ہیں،عدالت نے کیس کی مزید سماعت2 ہفتوں تک ملتوی کردی

    تحریک انصاف کے رہنما اسد عمر کا کہنا تھا کہ ایک اور دہشتگردی کے پرچے کی ضمانت کے لیے عدالت میں حاضر ہوں، ملک کو معاشی اور سیاسی تباہی کا سامنا اور حکومت کا سارا وقت جھوٹے مقدمات بنانے میں خرچ، حکمران اس ملک کے ساتھ کرنا کیا چاہتے ہیں؟

    دوسری جانب یاسمین راشد کو پولیس کی جانب سے ہراساں کرنے کے خلاف درخواست پر سماعت ہوئی،تھانہ سول لائن پولیس نے رپورٹ سیشن کورٹ لاہور میں پیش کر دی جس میں کہا گیا کہ پولیس نے پی ٹی آئی رہنما یاسمین راشد کو ہراساں نہیں کیا،سیشن کورٹ لاہور نے پولیس کی رپورٹ کی روشنی میں درخواست نمٹا دی،یاسمین راشد کی جانب سے دائر درخؤاست میں کہا گیا تھا کہ پولیس غیر قانونی طور پر ہراساں کررہی ہے،عدالت پولیس کو ہراساں کرنے سے روکنے کا حکم دے،

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

  • اسلام آباد ہائیکورٹ، عمران خان کخلاف مقدمات کی تفصیلات طلب

    اسلام آباد ہائیکورٹ، عمران خان کخلاف مقدمات کی تفصیلات طلب

    اسلام آباد ہائیکورٹ میں عمران خان کی اپنے خلاف درج مقدمات کی تفصیلات فراہمی کی درخواست پر سماعت ہوئی،

    عمران خان کے وکیل فیصل چودھری عدالت میں پیش ہوئے، دوران سماعت جوڈیشل کمپلیکس پیشی کا ذکرچھڑ گیا، وکیل فیصل چودھری نے کہا کہ میرا داخلہ جوڈیشل کمپلیکس میں بند ہو گیا پھر آپ کے پاس آ گیا، اسلام آباد میں آپ کے علاوہ اور کوئی جگہ نہیں ہے، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ہفتے کو بھی کچھ مناسب بات نہیں ہوئی میں بھی غلطی کروں اور آپ بھی پھر کیا فرق رہ جائے گا ؟وکیل فیصل چودھری نے عدالت میں کہا کہ ہمارے پاس عدالتوں کے علاوہ اور کوئی جگہ نہیں ہے پولیس نے کچھ خفیہ ایف آئی آر رکھی ہوئی ہیں

    اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ ایف آئی آر سیل نہیں ہوتی ہے شاید آپ کو معلوم نہیں اس کے بارے میں ایف آئی آر پبلک دستاویزات ہے وہ سیل نہیں ہو سکتی پولیس تحقیقات کیلئے بلا لیتی ہے،وکیل فیصل چودھری نے کہا کہ آپ اسلام آباد کی حد تک تمام مقدمات کی تفصیلات حکم دے دیں ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ میں اپنی حدود کی حد تک نوٹس کر دیتا ہوں ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ کیا آپ نے اعظم سواتی والی ججمنٹ پڑھی ہے کوئی ایسا قانون نہیں کہ بتایا جائے کسی شخص کے خلاف مقدمہ ہے اعظم سواتی کیخلاف بھی مقدمات پورے پاکستان میں ہیں عدالت نے فریقین کونوٹس جاری کرتے ہوئے کیس کی سماعت27 مارچ تک ملتوی کرتے ہوئے جواب طلب کرلیا،عدالت نے اسلام آباد کی حد تک تمام مقدمات کا ریکارڈ طلب کرلیا

    اسلام آبادم پنڈی، کراچی، صادق آباد و دیگر شہروں میں مقدمے درج 

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے

    زمان پارک سے اسلحہ ملنے کی ویڈیو

    زمان پارک، اسلحہ ملا،شرپسند عناصر تھے،آئی جی سب دکھائینگے،وزیر داخلہ

  • زمان پارک آپریشن کے خلاف لاہور ہائیکورٹ میں درخواست دائر

    زمان پارک آپریشن کے خلاف لاہور ہائیکورٹ میں درخواست دائر

    چیئرمین پاکستان تحریک انصاف (پی ٹی آئی) عمران خان نے زمان پارک آپریشن کے خلاف لاہور ہائیکورٹ میں درخواست دائر کردی۔

    باغی ٹی وی: عمران خان نے درخواست میں سیکریٹری داخلہ، نگراں حکومت پنجاب، چیف سیکریٹری اور آئی جی پنجاب کو فریق بنایا ہے، درخواست میں موقف اختیار کیاکہ پولیس آپریشن خواتین کے حقوق کو نظر انداز کرنے کے مترادف ہے، جب اسلام آباد کی معزز عدالت آ رہا تھا، تب یہ آپریشن کیا گیاپولیس آپریشن 16 مارچ کے معاہدے کی خلاف ورزی ہے، لاہور ہائیکورٹ نے 17 مارچ کو کوئی تادیبی کارروائی نہ کرنے کا حکم دیا تھا۔

    عمران خان نے درخواست میں موقف اپنایا کہ تحریک انصاف کی آواز دبانے کے لیے پیمرا نے بھی پابندی کا حکم دیا، عدالت سے استدعا ہے کہ پولیس اور انتظامیہ کو فوری طور پر آپریشن روکنے کا حکم دے اورعدالت آئندہ بھی کسی آپریشن کو روکنے کا حکم جاری کرے۔

    عدالت میں فواد چوہدری کی جانب سے توہین عدالت کی درخواست بھی دائر کی گئی۔

    واضح رہے کہ چئیرمین تحریک انصاف عمران خان نے گھر پر سرچ آپریشن اور عملے پر تشدد کا معاملہ عدالت لے جانے کا اعلان کیا تھاعمران خان کا کہنا تھاکہ آج میرےگھرپرحملہ سب سے پہلے توہین عدالت تھا، ہم نےاتفاق کیا تھا سرچ وارنٹ کیلئے ایس پی ہمارےایک فرد سے رابطے میں رہے گا۔

    زمان پارک آپریشن:پی ٹی آئی کا آئی جی پنجاب اور دیگر پر توہین عدالت کا …

    سابق وزیراعظم نے کہا کہ کس قانون کے تحت گیٹ توڑا، درخت اکھاڑ پھینکے، کس قانون کے تحت وہ گھر میں بھاری ہتھیاروں سے لیس ہوکر گھسے؟ یہ سب اس وقت کیا گیا جب میں اسلام آباد عدالت میں پیشی کیلئے روانہ ہوا۔

    چئیرمین تحریک انصاف کا کہنا تھا کہ بشریٰ بی بی گھر پر اکیلی تھیں جو کہ مکمل طور پرغیرسیاسی خاتون ہیں، یہ چادر اور چاردیواری کی حرمت کے اسلامی اصول کی خلاف ورزی ہےمیں اس توہین کے معاملے، گھر کے تقدس کی پامالی اور گھریلو عملے پر تشدد کا معاملہ عدالت لےجا رہا ہوں۔

    پی ٹی آئی کے مطابق پولیس نے زمان پارک آپریشن میں گھریلو ملازمین کو بدترین تشدد کا نشانہ بنایا اور عمران خان کے باورچی سفیر کو گرفتار کرلیا۔پی ٹی آئی کا کہنا تھاکہ پولیس نے ڈرائیور شوکت کو مارا پیٹا اور 10 ہزار روپے چھین لیے،اس کے علاوہ پولیس کے اہلکاروں نے سوئیپر اسحاق پر بھی تشدد کیا، اس کا موبائل فون چھین کر لے گئے۔

    کے الیکٹرک نے نیپرا سے بجلی مہنگی کرنے کی درخواست دائر کردی

    واضح رہے کہ لاہور میں پولیس نے زمان پارک میں آپریشن کیا۔ پولیس کے ہمراہ موجود اینٹی انکروچمنٹ کی ٹیم نے کرین کے ذریعے عمران خان کےگھر کا دروازہ اور دیوار توڑی، رہائش گاہ کے باہر موجود مورچوں اور تجاوزات کو بھی ہٹادیا گیا پی ٹی آئی کے 60 سے زائد کارکنوں کو گرفتار کرلیا اور کیمپس اکھاڑ دیئے-

    پولیس نے آپریشن کے دوران پاکستان تحریک انصاف (پی ٹی آئی) کے 40 سے زائد کارکنوں کو گرفتار کیا۔

    پنجاب پولیس نے جوڈیشل مجسٹریٹ سے اجازت کے بعد زمان پارک کے اطراف اور عمران خان کے گھر میں آپریشن کیا،سی سی پی او لاہور نے خود تمام آپریشن کی نگرانی کی، پولیس اہلکاروں نے عمران خان کی رہائش گاہ میں داخل ہونے کی کوشش کی گئی تو اندر موجود کارکنان نے مزاحمت کی، جس پر پولیس نے شیلنگ کر کے انہیں منتشر کیا۔

    سیکیورٹی کمپنیوں کا اسکارٹ سروس بند کرنے کا اعلان