Baaghi TV

Tag: عمران خان

  • وزیرآباد واقعے میں ایک نہیں3 شوٹر تھے،عمران خان، تیسری بار بدلا بیان

    وزیرآباد واقعے میں ایک نہیں3 شوٹر تھے،عمران خان، تیسری بار بدلا بیان

    راولپنڈی:وزیرآباد واقعے میں ایک نہیں3 شوٹر تھے،عمران خان، تیسری بار بدلا بیان،اطلاعات کے مطابق سابق وزیراعظم چیئرمین پاکستان تحریک انصاف نے راولپنڈی میں ایک بارپھر وزیرآباد واقعہ کے حوالے سے اپنا بیان بدلہ ہے ، عمران خان نے خطاب کرتے ہوئے کہا کہ وزیرآباد واقعے میں ایک نہیں3 شوٹر تھے،

    عمران خان کو یوٹرن ماسٹر کہا جاتا ہے وہ اپنے جھوٹوں کو یوٹرن کہتے ہیں، عمران خان نے وزیر آباد حملے کے بعد ایک بار نہیں بار بار بیان بدلے اور ایسے لگ رہا ہے کہ آنیوالے دنوں میں وہ مزید بیان بدلیں گے، راولپنڈی میں جلسے سے خطاب کرتے ہوئے عمران خان کا کہنا تھا کہ کہ وزیرآباد میں میرے اوپرہونے والے حملے میں ایک نہیں بلکہ تین شوٹرتھے،عمران خان اپنی تقریر میں کہا کہ جب میرے اوپرحملہ ہوا تو اس وقت نیچے کھڑے ہوئے شوٹر پر فائرنگ کی گئی ،جس کے نتیجے میں فائروہاں شوٹرکے پیچھے جانے والے معظم کو لگا اور وہ جاںبحق ہوگیا،

    عمران خان نے شوکت خانم میں حملے کے بعد پہلی پریس کانفرنس کی تھی تو اسوقت کہا تھا کہ دو شوٹر تھے، عمران خان پر حملے کے بعد عمران خان کا میڈیکل کسی سرکاری ہسپتال سے نہیں ہوا،عمران خان اپنی مرضی سے شوکت خانم گئے، میڈیکل سرکاری ہیسپتال سے نہ ہونے کی وجہ سے عمران خان کو کتنی گولیوں کے‌ذرات لگے،کیا ہوا، کچھ ؤاضح نہیں کیونکہ عمران خان خود تو ہر روز بیان بدل رہے ہین اور کبھی کہتے ہیں دو گولیاں لگیں، کبھی کہتے ہیں تین لگیں،کبھی کہتے ہین چار، اب شوٹر والے بیان پر بھی عمران خان قائم نہ رہ سکے،

    عمران خان پر حملے کی تحقیقات کرنیوالی جے آئی ٹی بھی عمران خان کے دو شوٹر کے پہلے دعوے کو رد کر چکی ہے ،جے آئی ٹی کا کہنا ہے کہ حملہ آور ایک ہی تھا ، دوسری گولیاں عمران خان کے سیکورٹی گارڈ نے چلائیں، تاہم عمران خان اپنا دماغ لڑاتے ہوئے ہر روز نیا انکشاف کرتے ہیں اور پھر بھول جاتے ہیں کہ میں نے اس بارے پہلے کیا تھا،

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

    خان صاحب کی نظریں کہہ رہی ہیں کہ محمود خان آ سکتا ہے تو وہ کیوں نہیں آیا؟

     عمران خان نے پنجاب اور خیبر پختونخواہ کی اسمبلیوں سے نکلنے کا اعلان کر دی

  • عمران خان کا تمام اسمبلیوں سے نکلنے کا اعلان

    عمران خان کا تمام اسمبلیوں سے نکلنے کا اعلان

    باغی ٹی وی کی رپورٹ کے مطابق تحریک انصاف کے چیئرمین عمران خان نے پنجاب اور خیبر پختونخواہ کی اسمبلیوں سے نکلنے کا اعلان کر دیا ہے

    چیئرمین پی ٹی آئی عمران خان نے تمام اسمبلیوں سے استعفے دینے کا فیصلہ کر لیا،پنڈی میں جلسہ سے خطاب کرتے ہوئے عمران خان کا کہنا تھا کہ فیصلہ کیا تھا کہ اسلام آباد نکل جائیں،ملک کو بچانے کیلئے الیکشن ضروری ہیں،عوام کا سمندر ہے لوگ ابھی بھی سڑکوں پر پھنسے ہوئے ہیں،اگر لاکھوں لوگ اسلام آباد نکل جائیں توانہیں کوئی نہیں روک سکتا ،میں نے ساری سیاست قانون و آئین کے اندر کی ہے،

    تحریک انصاف نے لانگ مارچ پنڈی میں ختم کر دیا، عمران خان نے اعلان کیا کہ ہم اسلام آباد نہیں جائیں گے، اسلام آباد گئے، احتجاج کیا سب کچھ بند ہو گا، ملک ڈیفالٹ کی طرف جائے گا، میرا جینا مرنا پاکستان میں ہے،جو غلطیوں سے سیکھتے ہیں وہی ترقی کرتے ہیں، ملک کی سب سے بڑی جماعت کو بھی انصاف نہیں ملا،پاکستان میرا ہے اور فوج بھی میری ہے، ہمیں فخر ہے کہ ہماری فوج تمام مسلم ممالک میں سب سے مضبوط ہے،اداروں کو اپنی آئینی حدود میں رہ کر کام کرنا ہو گا، میرا جینا مرنا پاکستان میں ہے، کبھی نہیں سوچا کہ پاکستان کے علاوہ میرا کوئی گھر ہو، خون کے آخری قطرے تک اس ملک کیلئے لڑوں گا، میں چاہتا ہوں پاکستان ترقی کرے، تاریخ گواہی دے گی کہ عمران خان اپنے ملک کیلئے آخری گیند تک لڑتا رہا، غلام قوم کا کوئی مستقبل نہیں، آزادی کوئی پلیٹ میں رکھ کر نہیں ملتی لڑنا پڑتا ہے، انصاف ہو گا تو تھانہ، کچہری کی سیاست ختم ہو جائے گی، آئین و قانون کے دائرے میں رہتے ہوئے ہم نے ان سے الیکشن مانگنے تھے،ہماری حقیقی آزادی کی تحریک چلتی رہے گی، جب تک سیاسی استحکام نہیں آئے گا معاشی استحکام نہیں آسکتا، معیشت کو بچانے کیلئے الیکشن ہی واحد حل ہیں، الیکشن کے سوا کوئی راستہ ہی نہیں، یہ ان کو بھی پتہ ہے، ملک کے قرضے بڑھتے جا رہے ہیں ان کے پاس کوئی روڈ میپ نہیں ہے، میں یہاں حکومت پر الیکشن کیلئے پریشر ڈالنے آیا تھا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

    خان صاحب کی نظریں کہہ رہی ہیں کہ محمود خان آ سکتا ہے تو وہ کیوں نہیں آیا؟

  • انقلاب کو ٹھنڈ لگ گئی،گلی میں جلسہ کی بجائے کوئی بڑا میدان ہی ڈھونڈ لیتے،حنا پرویز بٹ

    انقلاب کو ٹھنڈ لگ گئی،گلی میں جلسہ کی بجائے کوئی بڑا میدان ہی ڈھونڈ لیتے،حنا پرویز بٹ

    انقلاب کو ٹھنڈ لگ گئی، گلی میں جلسہ کرنے کی بجائے کوئی بڑا میدان ہی ڈھونڈ لیتے،حنا پرویز بٹ
    باغی ٹی وی کی رپورٹ کے مطابق تحریک انصاف کآ آج راولپنڈی میں جلسہ تھا، عمران خان لاہور سے پنڈی گئے ،جلسے سے خطاب کیا،

    عمران خان کے جلسے سے خطاب پر ن لیگی رہنما،رکن پنجاب اسمبلی حنا پرویز بٹ کا ردعمل آیا ہے، سماجی رابطے کی ویب سائٹ ٹویٹر پر ٹویٹ کرتے ہوئے حنا پرویز بٹ کا کہنا تھا کہ عمران خان جس طرح کے ڈائیلاگ بول رہے ہیں، ان کو تو تامل فلموں میں کام کرنا چاہیے۔۔۔ بہت بڑا ڈرامہ ہے، حیران ہوں پی ٹی آئی والے اس ڈرامے پر یقین کرتے ہیں۔

    ایک اور ٹویٹ میں حنا پرویز بٹ کا کہنا تھا کہ کہاں ہیں لاکھوں افراد؟ مجھے تو چند ہزار نظر آ رہے ہیں، لگتا ہے انقلاب کو ٹھنڈ لگ گئی، گلی میں جلسہ کرنے کی بجائے کوئی بڑا میدان ہی ڈھونڈ لیتے۔ حنا پرویز بٹ کا مزید کہنا تھا کہ نیازی کا اگلے دس سال کا پلان فلاپ، پہلے ہی کہا تھا عمران خان کبھی فیض یاب نہیں ہو سکتا، مایوسی اس قدر ہے کہ نیازی کے ساتھ ساتھ اسکے ہمدرد بھی اس وقت رو رہے ہیں

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

    صحافی حسن ایوب خان لکھتے ہیں کہ میرا خیال تھا کہ عمران خان پر حملے کے بعد لوگوں کی بہت بڑی تعداد انکے آج کے جلسے میں شرکت کریگی لیکن یہ تو کام پہلے سے بھی کمزور دیکھائی دے رہا ہے۔پورے ملک سے عوام کو پہنچے کی کال بھی دی گئی اور 40 ہزار لوگ بھی اکٹھے نہیں کیئے جا سکے۔ لگتا ہے گھڑی نے مقبولیت کو زمین بوس کردیا ہے۔

    تحریک انصاف کے پنڈی جلسے سے تحریک انصاف کے رہنماؤں شاہ محمود قریشی، اسد عمر، پرویز خٹک،عوامی مسلم لیگ کے سربراہ شیخ رشید نے خطاب کیا ہے، جلسے کے بارے میں دعویٰ کیا جا رہا تھا کہ لاکھوں لوگ آئیں گے تاہم ایسا نہ ہو سکا،

  • موت کا ڈرختم کردیا،اب پہلےسےزیادہ جدوجہد جاری رہےگی:عمران خان

    موت کا ڈرختم کردیا،اب پہلےسےزیادہ جدوجہد جاری رہےگی:عمران خان

    راولپنڈی:جب تک اللہ کی مرضی نہ ہو کوئی اس زمین سے نہیں جا سکتا اور جب موت کا وقت آجائے تو جتنی مرضی احتیاط کر لو ،موت آکر رہے گی،عمران خان کاراولپنڈی میں خطاب جاری ہے اور وہ اپنے اوپر وزیراباد میں ہونے والے حملے کے متعلق اہم انکشافات کیے ،عمران خان نے کہا کہ جس طرح کا حملہ ہوا اس میں اللہ نے بچایاہے،

    عمران خان نے خطاب کرتے ہوئے کہا کہ آج اہل پاکستان ایک فیصلہ کن موڑ پر کھڑے ہیں ، آج ہمارے سامنے دو راستے ہیں، سابق وزیراعظم نےکہا کہ کبھی اتنے لوگ کسی وزیراعظم کیلئے نہیں نکلے جتنے میرے لئے نکلے،عزت اللہ کے ہاتھ میں ہے،کوئی آپ کو ذلیل نہیں کرسکتا ،عمران خان کا کہنا تھا کہ 26سالہ سیاست میں مجھے ذلیل کرنے کیلئے انہوں نے کوئی موقع نہیں چھوڑا،عمران خان نے خطاب کرتے ہوئے کہا کہ اب وقت آگیا ہے کہ اپنے آپ کو موت کے خوف سے آزاد کریں،

    عمران خان نے وزیرآباد جلسے کے حوالے سے مزید انکشافات کرتے ہوئے کہا کہ گولی لگنے سے فیصل جاوید کا چہرہ زخمی ہوا،12گولیاں چلیں مگر کوئی جانی نقصان نہیں ہوا،فیصل جاوید اوراحمدچٹھہ کو گولیاں لگیں،کنٹینر پر 12لوگوں کوگولیاں لگیں،جب تک اللہ کی مرضی نہیں ہوگی کوئی کسی کو نہیں مار سکتا،فائرنگ سے گرا تو اوپر سے اور گولیاں گزریں،میری ٹانگ ٹھیک ہونے میں مزید 3 مہینے لگیں گے،میں نے موت کو بہت قریب سے دیکھاہواہے،کہاگیا کہ آپ کی جان کو خطرہ ہے،لاہور سے نکلا تو سفر کرنے سے منع کیاگیا، لاہور سے روانہ ہونے لگاتو دو باتیں کہی گئیں،چیئرمین تحریک انصاف نے کہا کہ ابھی بھی کئی لوگ سڑکوں پر پھنسے ہوئے ہیں،اتنی دیر انتظارکروانے پر معذرت خواہ ہوں،

    پاکستان تحریک انصاف کے چیئرمین عمران خان نے خطاب کرتے ہوئے کہا کہ ہماری حکومت میں 3 بڑے ڈیمز پر کام شروع کیا گیا ،50سال بعد ملک میں ڈیمز بنانا شروع کیے،کسانوں کو سپورٹ کیا، ہیلتھ کارڈ لے کر آئے ،عمران خان کا کہنا تھا کہ کورونا کے دوران احساس پروگرام کے تحت غریب لوگوں کو سپورٹ کیا،ورلڈ بینک نے بھی ہمارے احساس پروگرام کو سراہا، ہم نے لاک ڈاؤن نہیں لگایا، سستے قرضے دیئے،لاک ڈاون نہ لگانے پر انہوں نے مجھ پرتنقید کی،میں نے کہا کہ ہم ملک کو بند نہیں کریں گے،عمران خان نے مزید کہا کہ ملک سنبھالا تو کورونا آگیا جس نے دنیا میں تباہی مچائی، دوست ممالک سے پیسے مانگنے میں شرم محسوس ہوتی تھی،

    عمران خان نے کہا کہ ہماری حکومت کو سازش کے تحت ہٹایا گیا،چیئرمین پی ٹی آئی عمران خان کا کہنا تھا کہ کیا مجھ پر کرپشن کا الزام تھا جو ہماری حکومت گرائی گئی،انہیں پتہ تھا ادارے مضبوط ہوئے تو یہ کرپشن نہیں کرپائیں گے،دونوں خاندانوں نے اپنی کرپشن کیلئے اداروں کو کمزور کیا، 2خاندانوں نے30سال ملک پر حکومت کی لیکن اداروں کو مضبوط نہیں کیا،غریب ممالک میں وزیراعظم پیسہ چوری کر کے ملک سے باہر لے جاتے ہیں، خوشحال ممالک میں عدالتیں انصاف کرتی ہیں،غریب ملکوں میں صرف چھوٹا چور جیل جاتا ہے،چیئرمین پی ٹی آئی عمران خان نے کہا کہ مدینہ کی ریاست میں عدل وانصاف اور قانون کی حکمرانی تھی،پاکستان میں ہمیشہ طاقت کے بل بوتے پر فیصلے ہوتے رہے،ہمارے ملک میں کبھی بھی قانون کی حکمرانی نہیں آئی،انسانوں کے معاشرے میں انصاف ہوتا ہے،آج قوم اہم موڑپر کھڑی ہے،چیئرمین پی ٹی آئی عمران خان نے کہا کہ مجھے موت کی فکر نہیں تھی مگر میری ٹانگ نے میری مشکلات بڑھا دیں،

    عمران خان کا کہنا تھا کہ انسانی حقوق کی خلاف ورزی پر کوئی ایکشن نہیں ہوتا،پاکستان میں طاقتور میں کے لیے کوئی قانون نہیں،ظلم اور ناانصافی کو قبول کریں گے تو آگے تباہی ہے،جو لوگ جیل میں ہیں ان کا قصور صرف یہ ہے کہ وہ غریب ہیں، نیب میں اپنا آدمی بٹھا کر وہاں سے بھی کیسز معاف کروا لیے ، ایف آئی اےمیں اپنا آدمی بٹھا کر سارے کیسز معاف کروا لیے گئے، عمران خان کا کہنا تھا کہ ہمارا لوٹا ن لیگ کے ٹکٹ پر الیکشن لڑے گا، ہمارے دور میں ڈیفالٹ کے چانسز 5 فیصد تھے،88فیصد سرمایہ کاروں کو حکومت پر کوئی اعتماد نہیں ہے، عمران خان کا کہنا تھاکہ7مہینے میں اشیائے خورونوش کی قیمتیں 100فیصد بڑھی ہیں،7مہینے میں انہوں نے ملک کادیوالیہ نکال دیا،یہ کہنا کہ یہ ڈرامہ تھا یہ ملک کی توہین ہے، عمران خان کا کہنا تھا کہ جو بیرونی سازش کا حصہ تھے انہوں نے سائفر کو ڈرامہ قرار دیا،بار بار سنتے ہیں سائفر ایک ڈرامہ تھا، عمران خان کا کہنا تھا کہ یہ واپس آئے اور دونوں ہاتھوں سے ملک کو لوٹا،

  • فیصلہ کرنا ہے کہ ہم نے کس راستے پر چلنا ہے، پی ٹی آئی جلسے سے رہنماؤں کا خطاب

    فیصلہ کرنا ہے کہ ہم نے کس راستے پر چلنا ہے، پی ٹی آئی جلسے سے رہنماؤں کا خطاب

    تحریک انصاف کے چیئرمین عمران خان جلسہ میں سٹیج پرپہنچ گئے

    تحریک انصاف کے رہنما شاہ محمود قریشی نے پنڈی جلسہ سے خطاب کرتے ہوئے کہا ہے کہ اللہ تعالیٰ نے عمران خان کو زندگی بخشی،میری اطلاعات ہیں کہ راولپنڈی میں جگہ نہیں اور قافلے آتے جا رہے ہیں، ابھی مکمل کارواں پنڈال میں داخل نہیں ہوا ہے، جلسے میں شرکت کرنے پر عوام کا شکریہ ادا کرنا چاہتا ہوں، عمران خان تاریخی اجتماع سے خطاب کریں گے، عمران خان کو اقتدار نہیں قوم کا اعتماد چاہئے،ایک خودمختار قوم بننے کیلئے ہمیں اس کرپٹ نظام کو ختم کرنا ہوگا،کیا اس ناانصافی کیخلاف آواز بلند کرنے کیلئے تیار ہیں؟قوم ان کو مسترد کر چکی ہے، پاکستان کی سیاسی تاریخ ایک نیا رخ لینے والی ہے،

    تحریک انصاف کے جلسے میں ڈنڈا بردار فورس بھی موجو د
    تحریک انصاف کے جلسے میں ڈنڈا بردار فورس بھی موجو دہے،خیبر پختونخوا سے کئی ڈنڈا بردار کارکنان بھی جلسے میں آئے ہیں، تحریک انصاف کے رہنما پرویز خٹک خود راستے میں ڈنڈا لہراتے ہوئے دکھائی دیئے، کئی ویڈیوز ایسی آ چکی ہے جس میں دیکھا جا سکتا ہے کہ جلسے میں شریک پی ٹی آئی کارکنان نے ڈنڈے اٹھا رکھے ہیں،کئی کارکنان کے پاس غلیلیں بھی ہیں، پی ٹی آئی کارکنوں کا کہنا ہے کہ ضرورت پڑنے پر غلیلوں کا استعمال کریں گے

    نوجوان آئے،نعرے لگائے، بریانی کھائی، تصویریں بنوائیں اور واپس چل دیئے ،پی ٹی آئی رہنما دیکھتے رہ گئے
    دوسری جانب خیبر پختونخواہ سے جلسے کے لئے جمع ہونے والے کارکنان نے پی ٹی آئی رہنماؤں کو ماموں بنا دیا،آئے، نعرے لگائے، بریانی کھائی، اور تصویریں بنوا کر واپس گھروں کو چل دیئے،میڈیا رپورٹس کے مطابق نوشہرہ سے جلسے کے لئے آنے والے کارکنان میں سے آدھے سے زیادہ راستے سے ہی واپس چلے، رشکئی انٹرچینج کے قریب کارکنان نے گاڑیوں سے اترنا شروع کر دیا تھا، کئی کارکنان دیگر پوائنٹس سے واپس ہوئے، کئی کارکنان اپنی گاڑیاں لے کر آئے تھے اور انہوں نے گاڑیوں کے تیل کے پیسے لیئے تھے وہ کارکنان بھی گاڑیوں سمیت واپس ہو گئے

    تحریک انصاف کے رہنما، اسد عمر نے پنڈی جلسہ سے خطاب کرتے ہوئے کہا ہے کہ پاکستان ایک تاریخی موڑ پر پہنچ گیا ہے،ہمارے پاس 2 راستے ہیں، ایک ماضی کا اور دوسرا آزادی کا، ماضی کاراستہ وہ جہاں ملک کے فیصلے ملک سے باہر ہوتے ہیں، آزادی کا راستہ امن ، خود داری اور خوشحالی کا ہے، ہم نے فیصلہ کرنا ہے کہ ہم نے کس راستے پر چلنا ہے، راولپنڈی کی سڑکیں عمران خان کے جلسے کیلئے کم پڑ گئی ہیں،

    تحریک انصاف کے رہنما مراد سعید کا کہنا تھا کہ امریکا پاکستان میں اڈے چاہتا ہے ،عمران خان کا جواب ہوتا ہے ایبسولوٹلی ناٹ،عمران خان ڈٹ کے کھڑے ہوگئے اور امریکہ کی غلامی سے انکار کر دیا، عمران خان کو ہرانے کیلئے جعلی مقدمے، تشدد اور حملہ تک کیا گیا، عمران خان کو آپ نہیں ہرا سکتے، عمران خان آپ کو ہرا چکے ہیں، یہ 20ویں نہیں 21ویں صدی ہے،لوگ سازشیوں کیخلاف کھڑے ہوگئے عہد کرتے ہیں ملک کی خودمختاری کیلئے ہر ممکن جدوجہد کریں گے

    تحریک انصاف کے رہنما پرویز خٹک کا کہنا ہے کہ عمران خان کی ایک کال پر ملک بھر سے لوگ راولپنڈی پہنچ چکے ہیں، عمران خان کا ایک ہی مطالبہ صاف و شفاف انتخابات ہیں،اگر ہم خاموش رہے تو یہ ملک کو لوٹ کرلے جائیں گے، ملک افراتفری کی جانب جا رہا ہے،ہم ملک میں جلد انتخابات کے خواہاں ہیں،آج عمران خان آئندہ کے لائحہ عمل کا اعلان کریں گے، اگر کوئی ہار کے ڈرسے الیکشن نہیں کرتا تو یہ ملک کے ساتھ زیادتی ہے ،پی ٹی آئی کارکن آنسو گیس شیل کے عادی ہو گئے ہیں،ہم پرامن شہری اور پرامن احتجاج کرنے آئے ہیں،

    پنجاب کے سینئر صوبائی وزیر میاں اسلم اقبال نے کہا ہے پاکستان تحریک انصاف کے چیئرمین عمران خان نے قوم کو شعور دیا اس لئے عوام ملک پر مسلط چوروں اور ڈاکوؤں کو کسی صورت قبول کرنے کیلئے تیار نہیں، دنیا کا کوئی ادارہ وفاق میں بیٹھے کرپٹ ٹولے پر اعتماد کرنے کو تیار نہیں کیوں کہ سب جانتے ہیں کہ یہ منی لانڈرر ہیں ، ملک ڈیفالٹ کی طرف جارہا ہے اور معشیت کو مصنوعی سہارے دے کر کھڑا کرنے کی کوشش کی جارہی ہےہماری سیاست تشدد اور توڑ پھوڑ کی نہیں بلکہ امن ،غریب عوام کی محرومیاں خوشیوں میں بدلنے اور ملک کی ترقی و خوشحالی کی ہے، پاکستان واحد ملک ہے جہاں مجرموں کو بچانے کیلئے قوانین بدل دئیے گئے ہیں.

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • ارشد شریف کا لیپ ٹاپ عمران خان کے قریبی ساتھی کے پاس،تحقیقاتی ٹیم نے بلا لیا

    ارشد شریف کا لیپ ٹاپ عمران خان کے قریبی ساتھی کے پاس،تحقیقاتی ٹیم نے بلا لیا

    باغی ٹی وی کی رپورٹ کے مطابق ارشد شریف قتل کیس میں اہم پیشرفت سامنے آئی ہے، ارشد شریف کا لیپ ٹاپ ، تحریک انصاف کے چیئرمین عمران خان کے قریبی ساتھی کے پاس ہے

    فیکٹ فائنڈنگ کمیٹی نے دعویٰ کیا ہے کہ کینیا میں قتل ہونے والے پاکستانی صحافی ارشد شریف کا لیپ ٹاپ تحریک انصاف کے چیئرمین عمران خان کے انتہائی قریبی، مراد سعید کے پاس ہے، ارشد شریف کے قتل کی تحقیقات کرنے والی ٹیم نے مراد سعید کو طلب کر لیا ہے اور لیپ ٹاپ ساتھ لانے کی ہدایت کی ہے،ٹیم نے 28 نومبر کو مراد سعید کو طلب کیا ہے،

    نجی ٹی وی جیو نیوز کے رابطہ کرنے پر تحریک انصاف کے رہنما مراد سعید نے تبصرے سے گریزکیا،فیکٹ فائنڈنگ ٹیم کی جانب سے مراد سعید کو لکھے گئے خط میں کہا گیا ہے کہ تحقیقات میں یہ بات سامنے آئی کہ ارشد شریف کا لیپ ٹاپ آپ کے پاس ہے جس کی مدد سے ارشد شریف کے کینیا میں قتل کے حقائق کا پتہ چلانا ممکن ہوگا آپ ٹیم سے تعاون کریں، ہمیں سپریم کورٹ آف پاکستان کے انسانی حقوق سیل کو رپورٹ پیش کرنی ہے

    تفتیشی ٹیم کا کہنا ہے کہ مراد سعید پاکستان چھوڑنے سے پہلے لیپ ٹاپ مراد سعید کو دے کر گئے تھے

    اسلام آباد ہائیکورٹ کاسیکرٹری داخلہ و خارجہ کو ارشد شریف کے اہلخانہ سے رابطے کا حکم

    ‏ارشد شریف کو گولی کیسے لگی؟ حقائق سامنے آ گئے

    ارشد شریف کی موت،قیاس آرائیوں سے گریز کیا جائے،وفاقی وزیر اطلاعات

     وزیر اطلاعات مریم اورنگزیب ارشد شریف کی والدہ کے پاس تعزیت کے لئے پہنچ گئیں

    جویریہ صدیق نے ٹویٹر پر ارشد شریف کی جانب سے مریم نواز کی والدہ کے لیے دعا کا سکرین شاٹ شیئر کیا اور مریم نواز کو مخاطب کرتے ہوئے کہا کہ کچھ شرم کر۔ اللہ سے ڈر

  • جلسے میں 15،16 ہزار لوگ،عوام نے بائیکاٹ کردیا،وفاقی وزیر داخلہ

    جلسے میں 15،16 ہزار لوگ،عوام نے بائیکاٹ کردیا،وفاقی وزیر داخلہ

    باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ لوگوں کی حفاظت کیلئے پنجاب اور اسلام آباد پولیس فرائض انجام دے رہی ہے

    رانا ثناء اللہ کا کہنا تھا کہ جلسے میں 15،16 ہزار لوگ ہیں،یہ لوگ ملک کو عدم استحکام کی طرف دھکیلنا چاہتے ہیں،عوام نے پی ٹی آئی لانگ مارچ کا بائیکاٹ کردیا،ملک کوہیجانی کیفیت میں مبتلا کیا گیا،محاذ آرائی سے عمران خان کے ہاتھ کچھ نہیں آئے گا، اگر پی ٹی آئی نے دھرنا دینے کا فیصلہ کیا تو وہ زیادہ لوگ نہیں ہوں گے معاملات کو سیاسی اور جمہوری انداز میں آگے بڑھائیں،

    وفاقی وزیر احسن اقبال نے میڈیا سے گفتگو کرتے ہوئے کہا کہ پنجاب حکومت کے خاتمے کیلئے لائحہ عمل تیار کر لیا ہے پنجاب حکومت سپریم کورٹ کے فیصلہ کی بنیاد پر قائم ہے،ق لیگی ایم پی ایز اپنے صدر کی ہدایات پر ووٹ دیں تو پنجاب حکومت ختم ہو جائیگی پی ٹی آئی ،پنجاب حکومت کے وسائل سے ملک میں انتشار پھیلا رہی ہے ملک کو معاشی استحکام کیلئے انتشار سے پاک کرنے کی ضرورت ہے ، پنجاب حکومت کو جمہوری انداز میں رخصت کریں گے،پنجاب کے وزیر اعلیٰ کا فیصلہ پی ڈی ایم قیادت کرے گی،پنجاب میں کوئی چیف سیکریٹری اور آئی جی کام کرنے کو تیار نہیں پنجاب حکومت آئینی حدود سے تجاوز کر رہی ہے،آئندہ انتخابی مہم کی قیادت نواز شریف کریں گے ،

    وفاقی وزیر ن لیگ کے رہنما جاوید لطیف نے کہا ہے کہ اعظم سواتی ہوں یا عمران خان سب کا ایجنڈا ایک ہی ہے،ان کا ایک ہی ایجنڈاہے کہ اداروں کو کمزور کیا جائے،ان کے پاس کوئی ثبوت ہیں تو سامنے لے کر آئیں، سوشل میڈیا پر پاکستان مخالف ایجنڈے کو پرموٹ کر رہے ہیں، یہ جو کر رہے ہیں پاکستان مخالف ایجنڈے کو تقویت مل رہی ہے،انکی ان باتوں کی وجہ سے انڈیا نے آزاد کشمیر پر قبضہ کرنے کی دھمکی دینے کی جرات کی ،آج بھارتی وہی باتیں کر رہے ہیں جو کل عمران خان کر رہے تھے سب کو مل کر اس شخص کو بے نقاب کرنا چاہئے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • عمران خان جلسہ گاہ پہنچ گئے

    عمران خان جلسہ گاہ پہنچ گئے

    تحریک انصاف کے چیئرمین عمران خان جلسہ گاہ پہنچ گئے ہیں

    عمران خان جلسہ سے خطاب کرتے ہوئے آج آئندہ کے لائحہ عمل کا اعلان کریں گے، عمران خان مغرب کے بعد جلسہ سے خطاب کریں گے جلسے کیلئے مرکزی اسٹیج پر عمران خان کیلئے بلٹ پروف شیشہ نصب کردیا گیا ہے چاندنی چوک تک سوا کلو میٹر طویل پنڈال تین حصوں میں تقسیم کردیا گیا ، ،عمران خان نور خان ایئر بیس سے بزریعہ پیلی کاپٹر پنڈی آئے، بعد ازاں سخت سیکورٹی میں انہیں جلسہ گاہ منتقل کیا گیا، عمران خان کے جلسہ گاہ پہنچنے سے قبل ہی عوامی مسلم لیگ کے سربراہ شیخ رشید احمد کا خطاب ہو چکا تھا، شیخ رشید نے اپنے خطاب میں اس خواہش کا اظہار کیا تھا کہ وہ عمران خان کی موجودگی میں خطاب کرنا چاہتے تھے

    عمران خان کی راولپنڈی روانگی کے پلان میں اچانک تبدیلی سامنے آئی ،عمران خان خصوصی طیارے پر نور خان ایئربیس پہنچ گئے قبل ازیں چیئرمین پی ٹی آئی عمران خان ایئرپورٹ سے راولپنڈی روانہ ہوئے،عمران خان پرائیویٹ جیٹ کے ذریعے راولپنڈی روانہ ہوئے، عمران خان اپنی رہائشگاہ سے سخت سیکورٹی میں ایئر پورٹ روانہ ہوئے جہاں سے وہ پرائیویٹ جیٹ میں پنڈی کے لئے نکلے، اس سے قبل عمران خان کے پنڈی جانے کے لئے ہیلی کاپٹر کا انتظام کیا گیا تھا تا ہم عمران خان کے پنڈی جانے کے حوالہ سے اچانک پلان میں تبدیلی آئی اور وہ پرائیویٹ جیٹ سے روانہ ہوئے،عمران خان نجی چارٹر کمپنی کے طیارے پر اسلام آباد روانہ ہوئے،عمران خان کے ایئر پورٹ پر پہنچنے سے قبل لاہور ائرپورٹ پر چارٹر طیارے کی سیکیورٹی چیکنگ مکمل کی گئی تھی، عمران خان پنڈی میں لانگ مارچ میں شریک ہوں گے،اور آج اگلے لائحہ عمل کا اعلان کریں گے،

    لانگ مارچ کے بعد چیئر مین پی ٹی آئی عمران خان نے لاہور میں ہی قیام کرنے کا فیصلہ کیا ہے،راولپنڈی میں لانگ مارچ کے بعد عمران خان رات 8بجے لاہور واپس جائیں گے ،ڈاکٹرز نے عمران خان کو راولپنڈی میں جلسے کے بعد لاہور میں ہی رہنے کی تجویزدی ہے،عمران خان کا راولپنڈی جلسے کے بعد لاہور واپسی اورقیام کا امکان ہے ڈاکٹرز روزانہ چیئر مین پی ٹی آئی عمران خان کا چیک اپ کریں گے مکمل صحت یابی کے بعد ہی عمران خان بنی گالہ اسلام آباد منتقل ہوں گے

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • لانگ مارچ،عوامی مقام پرعمران خان گاڑی سے باہر نہ نکلیں،سیکورٹی ایڈوائزری جاری

    لانگ مارچ،عوامی مقام پرعمران خان گاڑی سے باہر نہ نکلیں،سیکورٹی ایڈوائزری جاری

    باغی ٹی وی کی رپورٹ کے مطابق تحریک انصاف آج پنڈی میں میدان سجا رہی ہے، عمران خان جلسہ کے شرکاء سے خطاب کریں گے

    لانگ مارچ کے دوران عمران خان پر مبینہ حملے کے بعد اب آج کے لانگ مارچ اور جلسہ کے لئے سیکورٹی کے انتہائی سخت انتظامات کئے گئے ہیں،پنجاب پولیس نے لانگ مارچ کی سیکیورٹی کی مانیٹرنگ کے لیے کنٹرول روم قائم کر دیا پنجاب سینٹرل پولیس آفس میں قائم کنٹرول روم 3 شفٹوں میں کام کرے گا پنجاب سینٹرل پولیس آفس میں کنٹرول روم کے انچارج اے آئی جی آپریشن ہونگے سیاسی سرگرمیوں کے جاری رہنے تک سیکیورٹی انتظامات کی مانیٹرنگ کے لیے کنٹرول روم فعال رہے گا، لانگ مارچ کے حوالہ سے پولیس کی جانب سے سیکیورٹی ایڈوائزی جاری کی گئی ہے پی ٹی آئی قیادت کو 28 نکاتی ایڈوائزری سے تحریری طور پر آگاہ کر دیا گیا ڈپٹی اسپیکرپنجاب اسمبلی واثق قیوم کو ہدایات تحریری طور پر دی گئیں .

    پولیس حکام کی جانب سے کہا گیا ہے کہ وی آئی پی سیکیورٹی کے لیے ہدایات پر عملدرآمد کو یقینی بنایا جائے،اعلیٰ قیادت کیلئے بلٹ پروف روسٹرم اور اسٹیج لازمی ہے عمران خان بلٹ پروف جیکٹ بھی لازماً استعمال کریں،کسی عوامی مقام پر عمران خان گاڑی سے باہر نہ نکلیں، روایت کے برعکس عمران خان کی نقل و حرکت کو خفیہ رکھا جائے،سیکیورٹی افسر اورقانون نافذکرنے والے اداروں سے رابطے میں رہ کرنقل و حرکت کی ہدایت کی گئی اور کہا گیا کہ وی آئی پی کی گاڑی کی پارکنگ الگ اور مخصوص ہو گی،اسٹیج پر شرکاکی فہرست پہلے سے انتظامیہ کو فراہم کی جائے، فہرست کے علا و ہ کوئی بھی ا سٹیج پر نہیں جا سکے گا، جلسہ گاہ میں کوئی مسلح پرائیویٹ گارڈ نہیں ہوگا، عمران خان کسی مقام پر عوام سے ملاقات نہیں کریں گے، جلسے میں ڈرون کیمرہ اورآتشبازی پر مکمل پابندی ہو گی،کارکنوں کو کسی عمارت کی چھت پر چڑھنے کی اجازت نہیں ہو گی،

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا

  • لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    لانگ مارچ، عمران خان رات کو آئینگے واپس لاہور،پیچھے نہیں ہٹیں گے،رہنما

    عمران خان کی راولپنڈی روانگی کی تیاری، ائیرپورٹ کیلئے بلٹ پروف گاڑی پہنچا دی گئی
    عمران خان کی بلٹ پروف گاڑی میں اسٹریچر بھی لگا دیا گیا، عمران خان کی ٹانگ پر بریسز کی وجہ سے گھٹنے کو حرکت نہیں دے سکتے ڈاکٹرز بھی چیئرمین پی ٹی آئی عمران خان کے ساتھ سفر کریں گے،روانگی سے قبل ڈاکٹرز کی ٹیم عمران خان کا دوبارہ چیک اپ کرے گی عمران خان ایک بجے کے بعد زمان پارک سے راولپنڈی روانہ ہوں گے، عمران خان اولڈ ائیر پورٹ سے ہیلی کاپٹر کے ذریعے راولپنڈی پہنچیں گے،روانگی سے قبل عمران خان پارٹی رہنماوں سے ٹیلی فونک مشاورت کریں گے، عمران خان دوپہر تک زمان پارک سے ہی لانگ مارچ کی صورتحال مانیٹر کریں گے،پی ٹی آئی رہنما اسلم اقبال زمان پارک پہنچ گئے اسلم اقبال عمران خان کے ساتھ روالپنڈی جائیں گے

    لانگ مارچ کے بعد چیئر مین پی ٹی آئی عمران خان نے لاہور میں ہی قیام کرنے کا فیصلہ کیا ہے،راولپنڈی میں لانگ مارچ کے بعد عمران خان رات 8بجے لاہور واپس جائیں گے ،ڈاکٹرز نے عمران خان کو راولپنڈی میں جلسے کے بعد لاہور میں ہی رہنے کی تجویزدی ہے،عمران خان کا راولپنڈی جلسے کے بعد لاہور واپسی اورقیام کا امکان ہے ڈاکٹرز روزانہ چیئر مین پی ٹی آئی عمران خان کا چیک اپ کریں گے مکمل صحت یابی کے بعد ہی عمران خان بنی گالہ اسلام آباد منتقل ہوں گے

    عمران خان کو لفٹ سے اسٹیج تک پہنچایا جائے گا،عمران خان کیلئے 200 فٹ لمبا ریمپ تیار کیا جائے گا عمران خان کیلئے بلٹ پروف کنٹینر بھی نصب کیا جائے گا پولیس کے 2ہزار اہلکار و افسران ڈیوٹی کے فرائض انجام دینگے بلند عمارتوں پر ماہر نشانہ باز تعینات ہونگے ایس ایس پی آپریشنز سیکیورٹی کی نگرانی کرینگے لانگ مارچ کے شرکاکے لیے دو پارکنگ پوائنٹس بنائے جا رہے ہیں ایک پارکنگ راول روڈ پر سول ایوی ایشن اتھارٹی کے گراؤنڈ میں ہو گی دوسری پارکنگ ڈگری کالج ففتھ روڈ پر بنائی جائے گی اسلام آباد سے آنے والے قافلے کوروال سے بذریعہ راول روڈ داخل ہونگے جی ٹی روڈ سے آنے والے قافلے بھی بذریعہ راول روڈ داخل ہونگے موٹر وے سے قافلے آئی جے پی روڈ سے بذریعہ ففتھ روڈ جلسہ گاہ پہنچیں گے

    پنجاب پولیس نے لانگ مارچ کی سیکیورٹی کی مانیٹرنگ کے لیے کنٹرول روم قائم کر دیا پنجاب سینٹرل پولیس آفس میں قائم کنٹرول روم 3 شفٹوں میں کام کرے گا پنجاب سینٹرل پولیس آفس میں کنٹرول روم کے انچارج اے آئی جی آپریشن ہونگے سیاسی سرگرمیوں کے جاری رہنے تک سیکیورٹی انتظامات کی مانیٹرنگ کے لیے کنٹرول روم فعال رہے گا، لانگ مارچ کے حوالہ سے پولیس کی جانب سے سیکیورٹی ایڈوائزی جاری کی گئی ہے پی ٹی آئی قیادت کو 28 نکاتی ایڈوائزری سے تحریری طور پر آگاہ کر دیا گیا ڈپٹی اسپیکرپنجاب اسمبلی واثق قیوم کوہدایات تحریری طور پر دی گئیں .پولیس حکام کی جانب سے کہا گیا ہے کہ وی آئی پی سیکیورٹی کے لیے ہدایات پر عملدرآمد کو یقینی بنایا جائے،اعلیٰ قیادت کیلئے بلٹ پروف روسٹرم اور اسٹیج لازمی ہے عمران خان بلٹ پروف جیکٹ بھی لازماً استعمال کریں،کسی عوامی مقام پر عمران خان گاڑی سے باہر نہ نکلیں، روایت کے برعکس عمران خان کی نقل و حرکت کو خفیہ رکھا جائے،سیکیورٹی افسر اورقانون نافذکرنے والے اداروں سے رابطے میں رہ کرنقل و حرکت کی ہدایت کی گئی اور کہا گیا کہ وی آئی پی کی گاڑی کی پارکنگ الگ اور مخصوص ہو گی،اسٹیج پر شرکاکی فہرست پہلے سے انتظامیہ کو فراہم کی جائے، فہرست کے علا و ہ کوئی بھی ا سٹیج پر نہیں جا سکے گا، جلسہ گاہ میں کوئی مسلح پرائیویٹ گارڈ نہیں ہوگا، عمران خان کسی مقام پر عوام سے ملاقات نہیں کریں گے، جلسے میں ڈرون کیمرہ اورآتشبازی پر مکمل پابندی ہو گی،کارکنوں کو کسی عمارت کی چھت پر چڑھنے کی اجازت نہیں ہو گی،

    تحریک انصاف کے رہنما پرویز خٹک کا کہنا ہے کہ ملک افراتفری کی جانب جا رہا ہے،ہم ملک میں جلد انتخابات کے خواہاں ہیں،آج عمران خان آئندہ کے لائحہ عمل کا اعلان کریں گے، اگر کوئی ہار کے ڈرسے الیکشن نہیں کرتا تو یہ ملک کے ساتھ زیادتی ہے ،پی ٹی آئی کارکن آنسو گیس شیل کے عادی ہو گئے ہیں،

    راولپنڈی میں پی ٹی آئی کا لانگ مارچ، اسلام آباد کے داخلی راستے بند کر دیئے گئے،ترجمان پنجاب حکومت مسرت جمشید چیمہ کا کہنا ہے کہ لانگ مارچ کا آج آخری مرحلہ ہے،عمران خان راولپنڈی میں مستقبل کا پلان بتائیں گے،صاف اور شفاف الیکشن ہوں گے تو ہی یہ قوم آگے بڑھے گی،ہمارا مطالبہ ہے کہ الیکشن کا اعلان جلد از جلد کریں ،جب تک ہمیں انصاف نہیں ملتا پیچھے نہیں ہٹیں گے،چار گولیاں کھا کر بھی عمران خان کا عزم اور ارادہ بلند ہے،

    رات بھر زیادتی کے بعد برہنہ حالت میں نرس کو سڑک پر ملزمان پھینک گئے

    دو کمسن لڑکیوں کو برہنہ کر کے گھمانے والے کیس میں اہم پیشرفت

    ماموں کی بیٹی کے ساتھ گھناؤنا کام کرنیوالا گرفتار

    پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    لانگ مارچ وجلسہ کے پیش نظر چاندنی چوک جانب اسلام آباد دونوں اطراف مکمل ڈائیورشن ہے۔ٹریفک پولیس حکام کے مطابق کمیٹی چوک سے چاندنی چوک جانیوالی ٹریفک کو کمرشل مارکیٹ کیطرف ڈائیورٹ کیا جا رہا ہے۔ فیض آباد سے چاندنی چوک دونوں اطراف ہر طرح کی ٹریفک کےلئے بند ہے۔ نائتھ ایونیو سے ڈبل روڈ کیطرف ٹریفک کا داخلہ بند ہے۔کورال چوک سے ایکسپریس وے اسلام آباد کیطرف داخلہ بند ہے۔ راولپنڈی کی باقی تمام شاہراہیں ٹریفک کےلئے کھلی ہیں۔لانگ مارچ و جلسہ کے دوران ٹریفک پولیس کے750سے زیادہ اہلکار تعینات کیے گئے ہیں۔لانگ مارچ کی گزر گاہوں کے دوران ٹریفک کو مرحلہ وار متبادل راستوں پر ڈائیورٹ کیا جائے گا۔ متبادل راستوں پر ٹریفک کی روانی کو برقرار رکھنے کے لئے اضافی اہلکار تعینات کیے گئے ہیں۔ٹریفک و رش صورتحال کے متعلق ایف ایم88.6اورآفیشل سوشل میڈیا پر لمحہ بالمحہ آگاہی فراہم کی جارہی ہے۔ شہریوں سے گزارش ہے کہ اس دوران مری روڈ پر غیر ضروری سفر سے گریز کریں۔شہری کسی قسم کی پریشانی سے بچنے کے لئے 20سے 30منٹ کا اضافی وقت رکھیں۔

    شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟

    خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی

    جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    تعلیمی ادارے میں ہوا شرمناک کام،68 طالبات کے اتروا دیئے گئے کپڑے

    واضح رہے کہ عمران خان نے لاہور سے لانگ مارچ کا آغاز کیا تھا، وزیرآباد میں مبینہ حملے کے بعد عمران خان زمان پارک آ گئے تھے، اسکے بعد تحریک انصاف نے مختلف شہروں میں جلسے کئے، آج تحریک انصاف پنڈی کی جانب مارچ کر رہی ہے،

    کامونکی،لانگ مارچ کی کوریج کرنیوالے صحافیوں پر پولیس کا تشدد

    پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

     صدف نعیم کے شوہر سے پی ٹی آئی رہنماؤں نے زبردستی دستخط کروائے ہیں،

    تحریک انصاف کا کل راولپنڈی میں جلسے کا اعلان

    عمران خان کی لاہور سے راولپنڈی سفر کی تیاریوں کو حتمی شکل دیدی گئی

    الیکشن کی تاریخ چاہئے تو عمران خان پی ڈی ایم قیادت سے ملیں، وزیر داخلہ

     چارکار سوار لڑکیوں نے کارخانے میں کام کرنیوالے لڑکے کو اغوا کر کے زیادتی کا نشانہ بنا ڈالا