Tag: عمران خان

خواجہ آصف کا بشریٰ بی بی کے بیان پر ردعمل: پی ٹی آئی رہنما پریشانی میں متضاد بیانات دینے لگے

اسلام آباد: مسلم لیگ (ن) کے رہنما،وفاقی وزیر دفاع خواجہ آصف نے سابق وزیراعظم عمران خان کی اہلیہ بشریٰ بی بی کے حالیہ متنازعہ بیان کے بعد پاکستان تحریک انصاف (پی ٹی آئی) کے رہنماؤں کے رویے پر سخت تنقید کی ہے۔ خواجہ آصف نے اپنے بیان میں کہا کہ بشریٰ بی بی کا یہ بیان پی ٹی آئی کے لیے ایک "سیاسی خودکش حملہ” ثابت ہوا ہے، جس کے بعد پارٹی رہنما بوکھلاہٹ کا شکار ہیں۔خواجہ آصف نے دعویٰ کیا کہ پی ٹی آئی کے رہنما گزشتہ 24 گھنٹوں میں بیان کی مختلف تشریحات کرتے ہوئے عوام کے سامنے اپنی بے بسی کا مظاہرہ کر رہے ہیں۔ انہوں نے کہا، "اگر بشریٰ بی بی میں ہمت ہے تو وہ خود اپنے بیان کی وضاحت کریں یا قوم سے معذرت کریں۔ یہ تماشا ختم ہونا چاہیے۔”خواجہ آصف نے مزید کہا کہ بشریٰ بی بی کے متنازعہ الفاظ کے بعد پی ٹی آئی کے رہنما اپنے موقف کا دفاع کرتے کرتے "رل گئے ہیں”۔ ہر کوئی ایک الگ وضاحت پیش کر رہا ہے، لیکن عوام کے ذہنوں میں سوالات مزید گہرے ہو رہے ہیں۔

مسلم لیگ (ن) کے دیگر رہنما بھی بشریٰ بی بی کے بیان اور پی ٹی آئی کی موجودہ صورت حال پر تبصرے کر رہے ہیں۔ ان کا کہنا ہے کہ پی ٹی آئی قیادت نے ہمیشہ دوسروں پر الزامات لگائے ہیں، لیکن اب خود ان کے بیانات نے ان کی مشکلات میں اضافہ کر دیا ہے۔

بشریٰ بی بی کے سعودی عرب کے حوالہ سے بیان سے نہ صرف پی ٹی آئی کے اندر اختلافات نمایاں ہو رہے ہیں بلکہ ان کی عوامی حمایت پر بھی سوالیہ نشان کھڑا ہو گیا ہے۔ خواجہ آصف کے مطابق، یہ واقعہ پی ٹی آئی کی سیاسی ساکھ کے لیے مزید نقصان دہ ثابت ہوگا۔تجزیہ کاروں کا کہنا ہے کہ آنے والے دنوں میں یہ معاملہ مزید شدت اختیار کر سکتا ہے، اور پی ٹی آئی کو اپنے بیانیے کو درست کرنے کے لیے بڑے فیصلے لینے پڑیں گے۔

واضح رہے کہ پی ٹی آئی مرکزی قیادت کی اکثریت نےخود کو بشری بی بی بیان سے الگ کرنے کافیصلہ کیا ہے،بشری بی بی کے بیان پر پاکستان تحریک انصاف کی قیادت میں تشویش کی لہر دوڑچکی ہے، میڈیا رپورٹس کے مطابق پی ٹی آئی قیادت نے بشری بی بی کو کسی بھی معاملے سے پہلے بانی پی ٹی آئی یا پارٹی سے مشاورت کا کہہ دیا گیا، بشری بی بی نے اپنی مشیر مشعال یوسفزئی کے ذریعے بانی پی ٹی آئی کو پیغام پہنچانے کی کوشش کی تاہم مشال یوسفزئی کو اڈیالہ میں عمرا ن خان سے ملاقات کی اجازت نہ مل سکی۔ پارٹی قیادت کی تشویش پر بانی پی ٹی آئی کا بشری بی بی کو سیاست سے دور رہنے کا حکم دیا ہے، رہنماؤں کا کہنا ہے کہ بشریٰ بی بی کا ویڈیو پیغام ایڈیٹ کر کے اپلوڈ ہوا لیکن اتنی بڑی غلطی کیسے نظر انداز ہوئی, ویڈیو ایڈیٹ کرنے کے بعد بھی جاری کردہ بیان کی ٹائمنگ درست نہیں تھی،

دوسری جانب مسلم لیگ (ن) کے رہنما سینیٹر عرفان صدیقی کا کہنا ہے کہ بشریٰ بی بی نے جو کچھ کہا مکمل تیاری اور سوچے سمجھے منصوبے کے تحت کہا ہے، اُس کی نظیر پی ٹی آئی کی فتنہ و فساد سے بھری تاریخ میں بھی نہیں ملتی،دوست ملکوں کو ناراض کر کے پاکستان سے دور کرنا بانی پی ٹی آئی کی سیاست کا خاصہ رہا ہے، "خان نہیں تو پاکستان نہیں” کا نعرہ مکہ و مدینہ کی مقدس سرزمین تک آ پہنچا ہے، ننگے پاؤں اور مدینہ کے نام پر لوگوں کے مذہبی جذبات سے کھیلا گیا، یہ بھی نہ سوچا گیا کہ عظیم دوست اسلامی ملک پر کتنا گھناؤنا الزام لگایا جا رہا ہے۔

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

بانی پی ٹی آئی عمران خان نے بشریٰ بی بی کے حالیہ بیان پر کہا ہے کہ انکی اہلیہ کا بیان سیاق و سباق سے ہٹ کر چلایا گیا، سعودی عرب سے میرے مثالی تعلقات تھے.

سوشل ویب سائٹ ایکس پر ان کے آفیشل اکاؤنٹ سے ایک ٹوئٹ پوسٹ کی گئی جس میں انہوں نے کہا 24 نومبر غلامی سے نجات کا دن ہے، ملک میں قانون کی حکمرانی، آئین کی پاسداری اور انسانی حقوق معطل ہیں جس کی وجہ سے پوری قوم کا باہر نکل کر قربانی دینا نا گزیز ہو چکا ہے- قوم کو فیصلہ کرنا ہو گا کہ بہادر شاہ ظفر کی طرح موت تک غلامی کا طوق پہننا ہے یا ٹیپو سلطان کی طرح مرتے دم تک آزادی کا سہرا پہننا ہے!!.عمران خان نے کہا کہ سعودی عرب سے میرے مثالی تعلقات ہیں۔ جب وزیر آباد میں مجھ پر قاتلانہ حملہ ہوا تو مجھے سب سے پہلی کال سفارت خانے کے ذریعے ولی عہد شہزادہ محمد بن سلمان کی آئی۔ ہمارے دور میں شہزادہ محمد بن سلمان نے پاکستان کا تاریخی دورہ بھی کیا- ہماری حکومت کے خاتمے سے دو ہفتے پہلے OIC وزرائے خارجہ کی کانفرنس اسلام آباد میں منعقد ہوئی جو سعودی عرب کے بغیر ممکن ہی نہیں تھی- سعودی عرب ہر مشکل مرحلے میں ہمارے ساتھ کھڑا رہا ہے- انہوں ںے کہا کہ بشریٰ بی بی کے بیان کو توڑ مروڑ کر قوم کی توجہ بٹانے کی ناکام کوشش نہ کی جائے۔ انھوں نے سعودی عرب کا نام نہیں لیا- ہماری حکومت کے خلاف تمام سازشوں میں جنرل باجوہ کا ہاتھ تھا- میں نے اس وقت بھی چیف جسٹس اور جنرل طارق خان کے ذریعے سازش کی تحقیقات کروانے کی کوشش کی مگر جنرل باجوہ نے ایسا نہیں ہونے دیا اگر تب شفاف تحقیقات ہو جاتیں تو سچ کھل کر سامنے آ جاتا۔عمران خان نے کہا کہ بشریٰ بی بی کا سیاست سے کوئی تعلق نہیں، بطورِ اہلیہ انہوں نے احتجاجی کال کے حوالے سے قوم تک میرا پیغام پہنچایا- نواز شریف کے لیے مشرف دور میں کلثوم نواز بھی نکلی تھیں مگر اس نے ڈکٹیٹر ہوتے ہوئے بھی خاتون کو جیل میں نہیں ڈالا تھا مگر بشریٰ بی بی کو 9 ماہ جھوٹے مقدمات میں قید میں ڈالا گیا-انہوں نے زور دیا کہ قوم اپنی توجہ 24 نومبر کے احتجاج پر رکھے، انشاللہ فتح آپ کی ہو گی“۔ ٹوئٹ کے آخرمیں درج تھا کہ ’سابق وزیراعظم عمران خان کا اڈیالہ جیل سے پیغام‘۔

غیر سیاسی خاتون کے پاکستان پر حملے سے حیران رہ گئی، مریم نواز

سعودی عرب کے خلاف زہر آلودہ بات کی معافی نہیں، وزیر اعظم

اسلام آباد احتجاج، کراچی سے پولیس نفری روانہ

چیمپئینز ٹرافی بلدیہ عظمی کراچی کے صدر دفتر پہنچ گئی

سابق آرمی چیف جنرل ریٹائرڈ قمر جاوید باجوہ کا تحریک انصاف کے بانی عمران خان کی اہلیہ بشریٰ بی بی کےسعودی عرب کے حوالہ سے بیان پر ردعمل سامنے آیا ہے

نجی ٹی وی جیو سے بات کرتے ہوئے سابق آرمی چیف جنرل ر قمر جاوید باجوہ کا کہنا تھا کہ "سعودی عرب پاکستان کا دوست اور محسن ہے ، سعودی عرب نےہر دور میں پاکستان کی بھر پور مدد کی، سعودی عرب نے بانی پی ٹی آئی کی حکومت کا بھی بہت خیال رکھا اور مدد کی،بشریٰ بی بی کا غیر ذمہ دارانہ بیان سراسر بے بنیاد ہے، سیاسی مفادات کے لیے بے بنیاد الزامات لگا کر قومی مفادات کو نقصان نہیں پہنچانا چاہیے، ذاتی طور پر جانتا ہوں کہ سعودی عرب نے ہر مشکل وقت میں پاکستان کا ساتھ دیا”۔

واضح رہے کہ گزشتہ روز بشریٰ بی بی نے اپنے ویڈیو بیان میں دعویٰ کیا تھا کہ عمران خان جب مدینہ ننگے پاؤں گئے اور واپس آئے توباجوہ کو کالز آنا شروع ہوگئیں، باجوہ کو کہا گیا کہ یہ آپ کس شخص کو لے کر آئے ہیں، ہمیں ایسے لوگ نہیں چاہئیں، باجوہ کو کہا گیا ہم تو ملک میں شریعت ختم کرنے لگے ہیں اور آپ ایسے شخص کو لےکر آئے،کہا گیا ہمیں ایسے لوگ نہیں چاہئیں تب سے ہمارے خلاف گند ڈالنا شروع کردیا گیا، میرے خلاف گند ڈالا گیا ، بانی پی ٹی آئی کو یہودی ایجنٹ کہنا شروع کیا گیا

بشریٰ بی بی کے بیان کے بعد سابق آرمی چیف جنرل ر قمر جاوید باجوہ نے انصار عباسی کے ذریعے بشریٰ کے بیان کی تردید بھی کی تھی تاہم انہوں نے اب خود نجی ٹی وی سے بات کر کے بشریٰ کے بیان کی دوبارہ تردید کی ہے

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

وفاقی وزیر دفاع خواجہ آصف نے پریس کانفرنس کرتے ہوئے کہا ہے کہ ہم میں سے کسی کو شک نہیں کہ ان کااشارہ سعودی عرب کی طرف نہیں ،فیض حمید اور پی ٹی آئی میں کوئی فرق نہیں ایک سکے کے دو رخ ہیں،

خواجہ آصف کا کہنا تھا کہ بشری بی بی کے سعودی عرب پر الزامات افسوسناک ہیں، بشریٰ بی بی کی ویڈیو دوبارہ سن لیں کسی کو شک ہے تو، بشریٰ بی بی کا اشارہ سعودی عرب کی طرف ہی تھا،فیض حمید اور پی ٹی آئی میں کوئی فرق نہیں، دونوں ایک ہی چیز ہیں،فیض حمید کے بغیر عمران خان کی سیاسی پیدائش نہیں ہو سکتی تھی،انہوں نے پہلے امریکی غلامی نامنظور نعرہ لگایا اب امریکی غلامی منظور ہے، بشریٰ بی بی پیسے مانگ رہی ہیں،کچھ پاس سے بھی خرچ کر لیں، لوگوں کی جیبوں میں ہاتھ ڈالنا یہ توجیب کتروں کا کام ہوتا ہے، اگر یہ جیب کترے ہیں بشمول، مجھے کہتے ہوئے حیا آ رہی ہے، یہ جیب کترے ہیں،بہتر ہے ڈی چوک میں چادل ڈال کر پیسے مانگنا شروع کر دیں، یہ اس حد تک بھی ویسے جا سکتے ہیں، اس کاسب سے بڑا نقصان، سعودی عرب جس طرح ہماری مدد کر رہا،معاشی صورتحال میں اور تاریخ گواہ ہے کہ 75 سالوں میں سعودی عرب ہمارے شانہ بشانہ رہا ہے، اپنی سیاست کے لئے یہ کیا کر رہے ہیں،اب نعرے لگائیں گے کہ سعودی عرب کی غلامی نا منظور ،یہ سیاست کو کہاں لے کر جائیں گے، ملکی معیشت، دفاع پر حملے کرتے ہیں،سیاست میں گند گھولا ہوا ہے، کل جو کچھ ہوا ور اس سے پہلے بھی جو بات چیت بشریٰ نے کی وہ اپنی پروجیکشن کر رہی ہیں، یہ لوگ مخلص نہیں کہ عمران کو رہا کیا جائے کیونکہ انکی دکانداری بند ہو جانی ہے، ہمارے سعودی عرب کے ساتھ تاریخی،مذہبی اور معاشی تعلقات ہیں، ہمارے 28لاکھ پاکستانی سعودی عرب میں کام کرتے ہیں سعودی عرب کے ساتھ تعلقات کو سیاست کی نظر کیا جارہا ہے

خواجہ آصف کا مزید کہنا تھا کہ محترمہ ٹکٹ نہ دینے کی دھمکی دیتی ہیں، ٹکٹ جن کو دیا جاتا ہے وہ عزت دار ہوتے ہیں،یہ ون مین شو نہیں ہوتا، لیڈروں کے ووٹ ہوتے ہیں لیکن عوامی مطالبے پر ٹکٹ عزت دار بندے کو دیا جاتا ہے، یہ انکی توہین ہے، میں سمجھتا ہوں انکا ماضی اس بات کی شہادت دیتا ہے کہ انکے اخلاق،سوچ کا کیا لیول ہے، جو وار پاک سعودی تعلقات پر کیا گیا، ان شاء اللہ پاکستان سروائیو کرے گا، اس قسم کے لوگوں کے شر سے اللہ پاکستان کو محفوظ رکھے، انکی گھریلو لڑائی، ورثے کی لڑائی سے اللہ پاکستان کو محفوظ رکھے،

بھاوج اور نندوں کے درمیان لڑائی،سیاسی کشتی ڈوب رہی،خواجہ آصف
خواجہ آصف کا مزید کہنا تھا کہ بھاوج اور نندوں کے درمیان ایک کشمکش چل رہی ہے، ایسی سیاسی پستی پاکستان کی تاریخ میں کبھی نہیں آئی،کل بھی کےپی میں خونریزی ہوئی اوروزیراعلیٰ ہر چوتھےدن وفاق پر حملہ آور ہوتاہ ے،اس وزیراعلیٰ کو حملہ آور تو دہشت گردوں پر ہونا چاہیے ،توشہ خانہ سے تحفہ سب نے لیا لیکن پیرنی صاحبہ کی ویڈیوز موجود ہیں، وہ لوگوں کو جھاڑ رہی ہیں کہ سامان فلاں کے پاس آنا چاہئے، یہ موروثی سیاست کے طعنےدیتے تھے ، یہاں وارثوں میں لڑائی ہو رہی ہے ،یہ موروثی سیاست کی بدترین شکل ہے ،پی ٹی آئی کے اندر لڑائی شروع ہے، ان کی سیاست کی کشتی ڈوب رہی ہے اس لیے یہ بیان دیا گیا،

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف
خواجہ آصف کا مزید کہنا تھا کہ بشریٰ بی بی کیمطابق سعودی عرب کی جانب سے جنرل باجوہ کو کہا کہ ہم یہاں شریعت ختم کررہے ہیں تم کسے یہاں اٹھا کر لے آئے ہو اس سے ظاہر ہوتا ہے کہ وہ اپنے آپ کو خدانخواستہ شریعت کہہ رہی ہیں کیونکہ وہی وہاں لے جائی گئی تھیں۔بشری بی بی نے جنرل باجوہ کا نام لیکر جو الزام لگایا ہے اسکی جنرل باجوہ نے ایک صحافی کے ذریعہ تردید کی ہے لیکن بیان کی نزاکت کو دیکھتے ہوئے جنرل باجوہ کو خود سامنے آکر تردید کرنی چاہیے۔ جس سعودی عرب کے متعلق بیان دیا ہے انہی سے گھڑیاں لیکر یہ کاروبار کرتے رہے ہیں، اور ان تحفوں کے بارے میں ان خاتون کی آڈیوز بھی موجود ہیں۔

کرپشن کی داستانیں بزدار اور فرح گوگی سے شروع ہوئیں، اب سیاست پر قبضہ جمانے کیلئے فرنٹ رنر کام ہورہا ،خواجہ آصف
خواجہ آصف کا مزید کہنا تھا کہ آئندہ دنوں میں آہستہ آہستہ پتہ چل جائے گا کہ اونٹ کس کروٹ بیٹھتا ہے، کرپشن کی داستانیں بزدار اور فرح گوگی سے شروع ہوئیں، اب سیاست پر قبضہ جمانے کیلئے فرنٹ رنر کام ہورہا ہے، بانی پی ٹی آئی کی ہمشیرہ کا بھی کل اس چیز سے متعلق بیان آیا، ہماری سیاست نے کبھی اتنی پستی نہیں دیکھی تھی، خیبرپختونخوا میں کل بھی خونریزی ہوئی اور پرسوں بھی، ان کی اس شخص پر سیاست ہورہی ہے جودعویٰ کررہے ہیں کہ ہم شریعت ہیں،کوئی ایسا اقدام دیکھا دیں جو کے پی میں دہشتگردی کے خلاف کیا ہو،سیاست پر روزانہ بیان آئیں گے، کچھ دن پہلے تک بانی کہتے تھے سیاستدانوں ،اسٹیبلشمنٹ سے رابطے نہیں،اب وہ کہہ رہے ہیں کہ ہمارے کچھ سیاستدانوں سے رابطے ہورہے ہیں،کل ہی عدالت میں بانی پی ٹی آئی نے کہا مذاکرات ہورہے ہیں،ان کا ایک قبضہ گروپ لاہور اور دوسرا پاکپتن کا ہے، اندرون خانہ لڑائی نے سیاست میں آلودہ صورتحال پیدا کردی ہے،

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

عدالتی حکم کے باوجود عمران خان سے ملاقات کی اجازت نہ دینے پر توہین عدالت کیس کی سماعت ہوئی،

راولپنڈی پولیس کے حکام اور درخواست گزار علی اعجاز بٹر اسلام آباد ہائی کورٹ پہنچ گئے ۔ راولپنڈی پولیس کے آر پی او اور جیل سپرنٹینڈنٹ عدالت میں پیش ہوئے،ایڈیشنل ایڈووکیٹ جنرل پنجاب نے کہا کہ عدالتی حکم کے باوجود بانی پی ٹی آئی سے ملاقات نا کرانے پر توہین عدالت کیس،غیر مشروط معافی چاہتے ہیں ، سپریڈنٹ اڈیالہ جیل کی جانب سے بیان حلفی عدالت میں پیش کر دیا گیا ،سپریڈنٹ اڈیالہ جیل عبد الغفور انجم عدالت کے سامنے پیش ہوئے،ایڈیشنل ایڈووکیٹ جنرل پنجاب نے کہا کہ عدالتی حکم کے حوالے سے پولیس کو آگاہ نہیں کیا گیا تھا ، ہم سوچ بھی نہیں عدالتی احکامات کی خلاف ورزی کریں ، عدالت نے کہا کہ ان کے بیان حلفی کے مطابق دو بجے وہ اڈیالہ جیل کے گیٹ پر تھے چار بجے تک وہ موجود رہے ،جسٹس سردار اعجاز اسحاق خان نے کہا کہ بچے بچے کو معلوم تھا کورٹ نے آرڈر کیا تھا آپ کہہ رہے ہیں ہمیں یہ آرڈر معلوم ہی نہیں ،ریجنل پولیس افسر راولپنڈی اور سپریٹنڈنٹ اڈیالہ جیل بتا دیں کہ آپکو پی ٹی آئی رہنماؤں کی عمران خان سے ملاقات روکنے کا کس نے کہا تھا تو کارروائی آپکے نہیں بلکہ اُن کے خلاف کروں گا ورنہ مجھے آپکے خلاف کارروائی کرنی پڑے گی،

شعیب شاہین نے کہا کہ ہم گیٹ کے اندر موجود تھے اس کی ویڈیوز موجود ہیں ،اپوزیشن لیڈر کو گھسیٹتے ہوئے لیکر جاتے ہیں ،کوئی اور بندے نہیں تھے وہ صرف 5 بندے ہی موجود تھے

عدالتی احکامات کے باوجود اڈیالہ جیل جانے سے روکنے کی عمر ایوب کی درخواست پر سماعت کے دوران شعیب شاہین نے کہا کہ عدالتی احکامات کے باوجود چار چار گھنٹے مجھے اڈیالہ جیل کے گیٹ پر بیٹھایا جاتا ہے ، جسٹس سردار اعجاز اسحاق خان نے کہا کہ شعیب صاحب غصہ ان پر نکال رہے ہیں غصہ کسی اور پر نکالیں ،

عدالتی حکم کے باوجود عمران خان سے ملاقات کی اجازت نہ دینے پر توہین عدالت کیس کی سماعت ،عدالت نے سپریڈنٹ اڈیالہ جیل اور آر پی او راولپنڈی کی غیر مشروط معافی منظور کر لی،اسلام آباد ہائیکورٹ نے توہین عدالت کی کاروائی شروع نا کرنے کا فیصلہ کر لیا،اسلام آباد ہائیکورٹ نے آر پی او راولپنڈی اور سپریٹنڈنٹ اڈیالہ جیل کی معافی قبول کر لی عدالت نے کہا کہ آپکو یہ آخری بار موقع دیا جا رہا ہے،عدالت نے ہدایات کے ساتھ توہین عدالت کی درخواست نمٹا دی

شعیب شاہین نے کہا کہ ہمارے ملک کا نظام ہی ایسا ہے ، جسٹس سردار اعجاز اسحاق خان نے کہا کہ شعیب صاحب ملک کا نظام ایک یا دو عدالتوں سے ٹھیک نہیں ہو گا،آپ کے ملک کا نظام عدالتوں کے ہاتھ سے نکل کر پارلیمنٹ کے ہاتھ سے نکل کر کہیں اور جا چکا ہے ،

بشری بی بی کے شریعت ختم کرنے کےالزام،جنرل باجوہ کا ردعمل

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

24 نومبر حتمی ، سب نکلیں،بشری بی بی کا برقع میں خطاب

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

سابق وزیراعظم عمران خان کی بہن علیمہ خان نے کہا ہے کہ روز سُنتے ہیں عمران خان ڈیل کررہا ہے، اگر ڈیل کرنا تھی تو ڈیڑھ سال جیل میں رہتے؟ 5 دن کیلئے عمران خان مزاحیہ کیس پر اب پولیس کی کسٹڈی میں ہیں،

اڈیالہ جیل کے باہر میڈیا سے بات کرتے ہوئے علیمہ خان کا کہنا تھا کہ عمران خان کسی سے ڈیل نہیں کرے گا، کیا انہوں نے فسطائیت گزار کر ڈیل کرنی تھی، عمران خان نے جیل میں رہ کر یہ سب کرنا تھا؟ عمران خان کی ضمانت میرٹ پر ہوئی، سب کیسز ختم ہوئے، جب کیسز نے دم توڑا تو پنجاب پولیس نے گرفتار کر لیا، کل ہمیں کہا گیا کہ عمران خان رہا ہو جائیں گے تو ہمیں یقین نہیں آ رہا تھا، ہمیں خوشی تھی لیکن اعتبار تھا کہ یہ عمران خان کو رہا نہیں کریں گے،جب سارے کیسز ختم ہو گئے تو ایک مزاحیہ قسم کا کیس میں عمران خان کو گرفتار کر لیا گیا، عمران خان کا پانچ دن کا آج جسمانی ریمانڈ دے دیا ہے،پولیس تحقیقات کرنا چاہ رہی ہے، ایک پولیس والے نے یہ بتایا کہ گاڑی کو آگ لگائی جانے لگی تھی اور پولیس نے بچا لیا، ایک پولیس والے کے گریبان کا بٹن ٹوٹا، عمران خان نے جیل میں بیٹھ کر اکسایا اس وجہ سے یہ سب ہوا،

علیمہ خان کا مزید کہنا تھا کہ عمران خان نےکہا کل مجھےانہوں نےآفر کی آپ 10 دن کیلئے احتجاج ملتوی کریں ہم بات چیت کیلئے تیارہیں،میں نے کہا ٹھیک ہے ،پہلا قدم ہے جو ناحق قید میں ہیں،پہلےبے گناہ لوگوں کو رہا کرو،بجائے رہائی کے مجھ پر کیس بنا دیا، اس سے واضح ہوا طاقتور لوگ جس وقت چاہئیں آپ کو قید میں رکھ لیں اور رہا کردیں،عدالت حکم دے گی رہائی کا پھر بھی وہ قید میں رکھیں گے، اور جس طرح چاہیں رہا بھی کر سکتے ہیں جیسے نواز شریف کے دو دن میں کیسز ختم ہو گئے،عمران خان نے کہا ورغلایا جارہا ہے، 24 نومبر میری فائنل کال ہے، 8 فروری کو نکلنے کا کہا تھا، اب 24 نومبر کو دوسری کال دے رہا ہوں، سارے قوم نکلے،عمران خان نے کہا ہے پوری دنیا میں پاکستانی احتجاج کیلئے نکلیں گے،کیونکہ ان کے ملک آزاد ہیں وہ وہاں پر نکل سکیں گے، اگر پاکستا ن میں آزادی ہوئی تو ہم بھی نکل سکیں گے، ہمارا پیسہ، لوگ باہر جا رہے ہیں، نوجوان نسل باہر جا رہی ،کیسے ہم نے دوبارہ پاکستان کو بنانا؟

احتجاج کی کال،پی ٹی آئی کی گرفتاریوں کی حقیقت فرمائشی گرفتاری نے کی بے نقاب

دہشتگردی کی نئی لہر،ذمہ دار کون؟فیصلہ کن اقدامات کی ضرورت

ضمانت تو مل گئی پر عمران کی رہائی کا دور دور تک امکان نہیں

ہمیں حکومت کی نیت کا پتہ چل چُکا ،احتجاج بھی ہوگا مذاکرات بھی چلتے رہیں گے، عمران خان
دوسری جانب عمران خان نے میڈیا سے غیر رسمی بات چیت کرتے ہوئے کہا کہ علی امین گنڈاپور اور بیرسٹر گوہر کے ذریعے آفر آئی کہ احتجاج ملتوی کر دیں،24 نومبر کا احتجاج ہر صورت ہو گا، مذاکرات چلتے رہتے ہیں مگر یہ پتہ چل گیا کہ یہ سیریس نہیں تھے،یہ صرف احتجاج ملتوی کرانا چاہتے تھے،ہائی کورٹ نے کل ضمانت منظور کی حکومت کے پاس سنہری موقع تھاکہ مجھے رہا کر دیتے، واضح ہو گیا کہ حکومت مجھے انگیج کر کے معاملے کو طول دینا چاہتی ہے،یہ بھی واضح ہو گیا کہ اصل طاقت جس کے پاس ہے اسی نے یہ سب کیا،یہ سب کچھ یہ بتانے کے لیے کیا گیا کہ وہ جو چاہیں کریں وہ قانون سے بالاتر ہیں، میں جیل میں ہوں اور مجھ پر کیسز پر کیسز بنائے جا رہے ہیں،ہائی کورٹ ضمانت منظور کرتی ہے اور یہاں پہلے سے طے ہو جاتا ہے کہ رہائی نہیں دینی، 26 ویں آئینی ترمیم مکمل نافذ ہو گئی تو کہیں سے ریلیف نہیں ملے گا،ہمارے پاس زندہ قوم کی طرح احتجاج کے علاوہ کوئی راستہ نہیں،24 نومبر کو بیرون ملک مقیم پاکستانیوں کا ریکارڈ احتجاج ہوگا، ہمیں حکومت کی نیت کا پتہ چل چُکا ہے،احتجاج بھی ہوگا مذاکرات بھی چلتے رہیں گے، اب واضح ہو چکا ہے کہ مجھے 24 نومبر سے پہلے رہا نہیں کریں گے،ہم ان کی کیا بات مانیں مذاکرات ہوں گے تو بات آگے چلے گی،اگر وہ بات چیت میں سنجیدہ ہیں تو ہمارے لوگوں کو رہا کیا جائے،جیل میں رہتے ہوئے مجھ پر 60 کیسز ہو چکے ہیں،نواز شریف نے کتنے شورٹی بانڈ جمع کروائے تھے،نواز شریف کی بائیو میٹرک بھی ایئرپورٹ گئی تھی،مذاکرات جن سے ہو رہے ہیں نام نہیں بتا سکتا، ہمارے چارٹر آف ڈیمانڈ میں سب گرفتار لوگوں کی رہائی ہے،سارے مین کیسز میں میری ضمانت ہو چکی ہے،یہ جو مذاکرات تھے اس میں سنجیدگی نظر نہیں آئی،میں نے خود سمیت انڈر ٹرائل لوگوں کی رہائی کا مطالبہ رکھا تھا،یہ ڈیمانڈ وہ تھی جو فوری طور پر پوری ہو سکتی تھی جو انھوں نے نہیں کی،