Baaghi TV

Tag: عمران خان

  • تگڑا شو کرنےلگا ہوں ،بتاؤں گا نہیں،پاکستان کے لیےسب نے میرے ساتھ آنا ہے ،عمران خان

    تگڑا شو کرنےلگا ہوں ،بتاؤں گا نہیں،پاکستان کے لیےسب نے میرے ساتھ آنا ہے ،عمران خان

    اسلام آباد:چئیرمین پاکستان تحریک انصاف ( پی ٹی آئی) عمران خان کا کہنا ہے کہ پاکستان کے خلاف سازش ہوئی اور مجھے ہٹانے کی بات ہوئی ، مجھے کہا گیا کہ عدم اعتماد آئینی طور پر قبول کر لینی چاہیے تھی-

    باغی ٹی وی : اسلام باد ہائی کورٹ بار میں وکلاء سے خطاب کرتے ہوئے سابق وزیر اعظم اور چئیرمین پی ٹی آئی عمران خان نے کہا کہ اسلام آباد ہائی کورٹ بار نے ہمارے کارکنوں کو ریلیف دیا جس پر ان کے مشکورہیں، ہمارے کارکنوں پر لانگ مارچ کےدوران تشدد کیا گیا اور گرفتاریاں ہوئیں،پاکستان کی آزادی میں وکلا کا اہم کردار رہا تھا،آ ج حقیقی آزادی مہم میں بھی متحرک ہیں،پاکستان کے خلاف سازش ہوئی اورعمران خان کو ہٹانے کی بات ہوئی ، مجھے کہا گیا کہ عدم اعتماد آئینی طور پر قبول کر لینی چاہیے تھی،پاکستانی سفیر کو کہا گیا کہ عمران خان روس کیوں گیا، امریکا ناراض ہے، پھر کہا گیا کہ عمران خان کو نہ ہٹایا گیاتوپاکستان کو مشکلات کا سامنا ہوگا،کہا گیا کہ اگر عمران خان کو ہٹا دیا تو پاکستان کو معاف کر دیا جائے گا-

    سینیٹ کا اجلاس:اپوزیشن کا پیٹرولیم مصنوعات کی قیمتوں میں اضافے پر ایوان سے واک آؤٹ

    عمران خان نے کہا کہ امریکی سفارت کاروں نے لوٹوں سے ملاقات شروع کردی ، امریکی سفارت کاروں کاہمارے اراکین سے ملاقات کرنے کا کیا کام تھا؟ہمارے خیبرپختونخوا کے وزیرعاطف خان سے امریکیوں نےملاقات کی ،عاطف خان سے کہا وزیر اعلیٰ خیبرپختونخوا کے خلاف تحریک عدم اعتماد آسکتی ہے،ہم جب آئے ملک کا دیوالیہ نکلا تھا،دوست ممالک مدد نہ کرتے تو ہم تباہ ہوجاتے-

    ملک بھر میں بجلی کا شارٹ فال 6 ہزار 465 میگاواٹ

    چئیرمین پی ٹی آئی نے کہا کہ پھر کورونا آگیا، وہ بھی مشکل سال تھا،معیشت متاثرہوئی ،کورونا میں پریشر برداشت کر کے لاک ڈاؤن نہیں کیا،کورونا میں پریشر برداشت کر کے لاک ڈاؤن نہیں کیا،30سال میں ہماری معاشی پالیسی سب سے بہتر تھی،ہمارے کسانوں کے پاس پیسہ پچھلے دو سال میں زیادہ آ گیا، امریکیوں کو جانتا ہوں، جتنا ان کے سامنے جھکیں گے وہ جوتے ماریں گے، بھارت 40 فیصد کم قیمت پر روس سے تیل خرید رہا ہے،بھارت 40 فیصد کم قیمت پر روس سے تیل خرید رہا ہے،آج ہم نے جب قیمت بڑھائی تو بھارت تیل کی قیمت کو کم کیا ،میں کسی بھی ملک سے اچھے تعلقات کا خواہاں ہوں ،بدقسمتی سے بھارت فاشسٹ حکومت تھی اور ہمیں تعلقات توڑنے پڑے-

    چیئرمین پی ٹی آئی عمران خان نے کہا کہ اپوزیشن لیڈر راجہ ریاض کہتا ہے الیکشن ن لیگ کی طرف سے لڑوں گا ،ضمنی انتخابات میں دھاندلی کامنصوبہ بن رہاہے،سارے ادارے جنہوں نے رول آف لا کو بچانا ہے وہ خطرے میں ہیں،تگڑا شو کرنےلگاہوں ،بتاوں گا نہیں ،شہباز شریف کے خلاف 16 ارب روپے کا کیس واضح ہے ،سال قبل شہباز شریف کے خلاف فیصلہ ہونا چاہیے تھا ،شہباز شریف خاندان پر تحریک انصاف نے کوئی کیس نہیں بنایا سب پرانے تھے –

    عمران خان نے کہا کہ پنجاب میں تماشہ لگا ہوا ہے ،الیکشن کمیشن وہاں ن لیگ کی اکثریت کو تحفظ دے رہا ہے ،دو نوں طرف ان کی حکومت کرپشن پر گئی تھی، نواز شریف پر کیسز آصف زرداری نے کیے تھے، اب سب کچھ معاف ہونے والا ہے،کفر کا نظام چل سکتا ہے ناانصافی کا نہیں چل سکتا، سویٹزر لینڈ کے پاس کوئی وسائل نہیں ہیں، وہاں 99 فیصد قانون کی حکمرانی ہے،شریفوں نے پہلا این آر او سابق صدر پرویزمشرف سے لیا –

    چیئرمین پی ٹی آئی عمران خان نے کہا کہ نیشنل سیکیورٹی کمیٹی نے تسلیم کیا کہ مداخلت ہوئی، مداخلت ہوئی تو کیا اس مراسلے پر تحقیقات نہیں ہونی چاہیےتھی؟پیٹرول ڈیزل کی قیمت بڑھائی گئی اس سےساری معیشت پر اثر پڑے گا، پیٹرول کی جو قیمت بڑھائی اس سے 30 فیصد مہنگائی بڑھے گی،تنخواہ دار طبقہ اس مہنگائی میں کیسے گزارا کرے گا،شہباز شریف نے احمقانہ بیانات دیئے جس کی وجہ سے مارکیٹ ڈر گئی،پاکستان کے لیےسب نے میرے ساتھ آنا ہے ،شہباز شریف کی ا سپیڈ کے بہت چرچے تھے ،شہباز شریف صبح 6 بجے اٹھ کر کام شروع کردیتا تھا لیکن ہمیں کچھ نظر نہیں آیا ،پاکستان سری لنکا جیسے حالات کی جانب بڑھ رہا ہے ،سویت یونین بڑی فوجی طاقت تھی معیشت کی کمزوری پر ٹوٹ گیا ،صاف اور شفاف الیکشن مسائل سے نکلنے کا واحد راستہ ہیں

    دوسری جانب وکلا نے شکوہ کیا کہ عمران خان دور میں ہم پر مقدمات درج ہوئے عمران خان حکومت نے اسلام آباد ہائیکورٹ بار کو گرانٹ تک نہ دی –

    سندھ حکومت کا ٹھٹہ میں ایک ہزار ایکڑ پرمشتمل نیا پام آئل منصوبہ لگانےکا فیصلہ

  • 6 ارب کے پو دے کہاں گئے ،اس سے بڑا فراڈ کیا ہو سکتا ہے :نصراللہ ملک

    6 ارب کے پو دے کہاں گئے ،اس سے بڑا فراڈ کیا ہو سکتا ہے :نصراللہ ملک

    لاہور:6 ارب کے پو دے کہاں گئے ،اس سے بڑا فراڈ کیا ہو سکتا ہے،ان خیالات کا اظہارکرتے ہوئے سینیئرصحافی نصراللہ ملک نے ایک ٹی وی پروگرام میں کیا ،ان کا کہنا تھا کہ سابق وزیراعظم کی طرف سے پیش کیئے گئے حقائق درست نہیں تھے

    ذرائع کےمطابق پاکستان میں شجرکاری کے حوالے سے بات کرتے ہوئے کھرا سچ کے میزبان مبشرلقمان کے ایک سوال کا جواب دیتے ہوئے نصراللہ ملک نے کہا کہ خان صاحب بار بار یہ کہتے رہے کہ انہوں نے پانچ ارب درخت لگائے ہیں ، جبکہ حکومت کے پی کہہ رہی ہے کہ ایک ارب اسی کروڑ درخت لگائے گئے ہیں

     

     

    ایک سوال کا جواب دیتے ہوئے ان کا کہنا تھا کہ جس شخص نے کرپشن کی اس کہانی کی معلومات اکھٹی کی ہیں وہ باقاعدہ تصدیق شدہ ہیں اورایک سسٹم کے تحت یہ سب کچھ کیا،ان کا کہنا تھا کہ اتنی زیادہ تعداد میں درخت لگانا بہت ہی مشکل بات ہیں لیکن حیرانی اس بات کی ہے کہ ان درختوں کو لگانے والے مزدوروں کو چھ ارب دے دیئے گئے،

    ایک موقع پر مبشرلقمان نے کہا کہ عمران خان کو شاید یہ بھی پتہ نہیں کہ ارب میں کتنے صفر ہوتےہیں اور وہ بات کرتے ہیں کہ دس ارب درخت لگائیں گے جبکہ ایسا نہیں ہوسکا

    نصراللہ ملک نے کہا کہ اس دعوے کے خلاف آوازاٹھتی رہی لیکن عمران خان نے جس طرح نیب کو استعمال کیا تو کیسے ممکن تھا کہ کوئی یہ جرات کرسکے کہ اتنی بڑی کرپشن کا حساب دیں‌،

    مبشرلقمان کہتے ہیں کہ بہرکیف عمران خان نے جو وعدے کیے تھے وہ پورے نہیں کرسکے ، بلکہ الٹا کرپشن کی ایک داستان کی بنیاد رکھ دی جس کا حساب بہت جلد ان کو دینا پڑے گا

  • مریم نواز اورعمران خان کا آج ایک دوسرے کے آمنے سامنے ہونے کا امکان

    مریم نواز اورعمران خان کا آج ایک دوسرے کے آمنے سامنے ہونے کا امکان

    اسلام آباد:مریم نواز اورعمران خان کا آج ایک دوسرے کے آمنے سامنے ہونے کا امکان ،اطلاعات کے مطابق آج موجودہ سیاست کے دو سخت ترین حریف سابق وزیراعظم عمران خان اور مسلم لیگ ن کی نائب صدر مریم نواز اسلام آباد ہائیکورٹ آئیں گے۔ذرائع کے مطابق پاکستان کی موجودہ سیاسی تاریخ کے دو سخت ترین حریف پی ٹی آئی سربراہ اور سابق وزیراعظم عمران خان اور پاکستان مسلم لیگ ن کے نائب صدر مریم نواز آج اسلام آباد ہائیکورٹ میں آمد ہوگی۔

    رپورٹ کے مطابق سابق وزیراعظم عمران خان بطور سیاسی جماعت کے سربراہ ہائیکورٹ بار ایسوسی ایشن کی تقریب سے خطاب کریں گے۔دوسری جانب ن لیگی رہنما مریم نواز ایون فیلڈ ریفرنس میں بطور ملزم اسلام آباد ہائیکورٹ میں پیش ہوں گی۔

    دو بڑے سیاسی رہنماؤں کی اسلام آباد ہائیکورٹ آمد کے موقع پر دونوں سیاسی جماعتوں پی ٹی آئی اور ن لیگ کے کارکنوں کے بھی مدمقابل آنے کا امکان ہے، صورتحال کے پیش نظر اسلام آباد ہائیکورٹ میں پولیس کی بھاری نفری تعینات ہوگی۔

    یاد رہے کہ سوشل میڈیا پرعوام کے سوالات کے جوابات دیتے ہوئے عمران خان نے کہا کہ زندگی میں کبھی یہ نہیں سوچتا کہ میں ہاروں گا، میں جب بھی کوئی فیصلہ کرتا ہوں تو واپسی کا نہیں سوچتا، برے وقت سے نکلنے والا ہی چیمپئن ہوتا ہے، آپ ہارتے جب ہیں جب آپ ہار مان جاتے ہیں، میں سمجھ چکا ہوں دوبارہ موقع ملا تو کیا کیا کرنا ہوگا، جان چکا ہوں شروع میں مجھے کیا کیا بڑی اصلاحات کرنی ہیں، حکومت میں آئے تو معاشی چیلنجزاورمخلوط حکومت کے مسائل تھے، لیڈرشپ اب جو بن رہی ہے وہ انصاف سٹوڈنٹ فیڈریشن سے آئی ہے، پاکستان میں لیڈرشپ اور مینجمنٹ کا بہت بڑا خلا ہے، سیرت النبی پڑھا کرہم اپنے مستقبل کے لیڈرتیارکرسکتے ہیں۔

  • میں نے کسی قسم کا سیاسی بیان نہیں دیا:ڈی جی آئی ایس پی آر

    میں نے کسی قسم کا سیاسی بیان نہیں دیا:ڈی جی آئی ایس پی آر

    اسلام آباد:ڈی جی آئی ایس پی آر نے کہا کہ سازش کا لفظ اعلامیہ میں شامل نہیں تھا، جوڈیشل کمیشن بنانے پر کوئی اعتراض نہیں۔

    پاک فوج کے شعبہ تعلقات عامہ کے ڈائریکٹر جنرل میجر جنرل بابر افتخار نے نجی ٹی وی سے گفتگو کرتے ہوئے کہا کہ قومی سلامتی کمیٹی کے اجلاس سے متعلق کل تفصیلی بات کی تھی، کمیٹی اجلاس میں واضح کردیاگیاتھاکہ سازش کےکوئی ثبوت نہیں جبکہ نیشنل سیکیورٹی کمیٹی اجلاس میں تمام سروسز چیفس نے اپنا موقف واضح بیان کردیاتھا۔

    شوکت ترین کےحوالےسےسوشل میڈیا پرلگائےالزامات بےبنیاد پروپیگنڈا ہیں:آئی ایس پی آر

    پاک فوج کے ترجمان ڈائریکٹر جنرل آئی ایس پی آر کا کہنا ہے کہ سائفر معاملے کی تحقیقات کیلئے جوڈیشل کمیشن بنے یا کوئی اور فورم ہو ہمیں کوئی اعتراض نہیں ہے۔

    پاکستان دنیا میں امن مشن کیلئے فوج دینے والا دوسرابڑا ملک ہے، آئی ایس پی آر

    انہوں نے کہا کہ سروسز چیف سے متعلق ان کے ترجمان کے طور پر بات کررہا ہوں، کمیٹی میں کسی بھی سروس چیف نے یہ نہیں کہا کہ سازش ہوئی، میٹنگ میں سروسز چیفس، ڈی جی آئی ایس ایس نے وضاحت کردی تھی کہ سازش کے کوئی ثبوت نہیں ملے۔ڈی جی آئی ایس پی آر نے کہا کہ قومی سلامتی کا ایشو تھا اس لیے تمام سروسز چیفس اور ڈی جی آئی ایس آئی کو وہاں بلایا گیا تھا، قومی سلامتی کمیٹی کے اجلاس میں کہا گیا تھا کہ کوئی سازش نہیں ہوئی اور نہ ہی اس کے شواہد موجود ہیں۔

    بلوچستان: دیودار کے جنگلات میں لگی آگ کے متعلق آئی ایس پی آر کا بیان جاری

    میجر جنرل بابر افتخار کا کہنا تھا کہ کوئی کہہ رہا تھا کہ عسکری قیادت کی رائے تھی کہ سازش نہیں ہوئی، ہماری رائے نہیں تھی انٹیلی جنس بیسڈ تمام شواہد موجود ہوتے ہیں جس پر ہم نے میٹنگ میں ان پٹ دی، انہوں نے کہا کہ میٹنگ سے قبل عسکری قیادت کو شواہد کی بنا پر بریف کیا گیا تھا اور وہی ان پٹ لے کر وہ میٹنگ میں گئے تھے۔

    انہوں نے کہا کہ معاملے کی تحقیقات کیلئے جوڈیشل کمیشن بنے یا کوئی اور فورم ہو ہمیں کوئی اعتراض نہیں ہے، گزشتہ حکومت کے پاس بھی کمیشن بنانے کے آپشنز موجود تھے اور موجودہ حکومت کے پاس بھی ہیں۔ترجمان پاک فوج نے کہا کہ حکومت کا اختیار ہے کہ کمیشن بنائے یا کچھ بھی کرے ہمیں اعتراض نہیں،بطور ادارہ ہمیں ہدایات ملیں گی تو مکمل تعاون اور سپورٹ کریں گے، پہلے بھی ہم مکمل اسسٹنس دے چکے ہیں دوبارہ بھی ضرورت ہوگی تو دیں گے۔

  • عمران خان کے 2020 کی نسبت 2021 کے اثاثوں میں 6 کروڑروپے سے زائد کا اضافہ

    عمران خان کے 2020 کی نسبت 2021 کے اثاثوں میں 6 کروڑروپے سے زائد کا اضافہ

    الیکشن کمیشن نے عمران خان کے 2021 کے اثاثوں کی تفصیلات جاری کر دیں

    عمران خان کے 2020 کی نسبت 2021 کے اثاثوں میں 6 کروڑروپے سے زائد کا اضافہ ہوا، چیئرمین پی ٹی آئی عمران خان 14 کروڑ 21 لاکھ روپے سے زائد اثاثوں کے مالک ہیں ،عمران خان کے 2020 میں اثاثوں کی کل مالیت 8 کروڑ سے زائد تھی،عمران خان پر 2020 میں 7 کروڑ روپے سے زائد کا قرض تھا، 2020میں قرض کی رقم شامل کر کے اثاثوں کی مالیت 15 کروڑ روپے سے زائد تھی، 2021کےاثاثوں کے مطابق عمران خان کے ذمہ کچھ واجب الادا نہیں،عمران خان نے زمان پارک، میانوالی اور بھکر میں وراثتی زمین ظاہر کیں،

    چیئرمین تحریک انصاف نے بنی گالا گھر کو گفٹ ظاہر کیا ہے،عمران خان گرینڈ حیات اسلام آباد ٹاور میں ایک کروڑ 19 لاکھ روپے فلیٹ کے مالک ہیں عمران خان کا اندرون یا بیرون ملک کوئی کاروبار نہیں،نہ ہی کوئی ذاتی گاڑی ہے،عمران خان کا بینک بیلنس 6 کروڑ 3 لاکھ روپےسے زائد ہے، عمران خان کے 2 ڈالرز اکاونٹس میں 3 لاکھ 29 ہزار ڈالرز ہیں، عمران خان کے ذمہ 2020 میں 7 کروڑ روپے واجب الادا، 2021 میں کوئی قرض نہیں عمران خان نے گزشتہ سال کا 7 کروڑ روپے قرض ادا کر دیا

    عمران خان نے اثاثوں میں 2 لاکھ روپے مالیت کی 4 بکریاں بھی ظاہر کی ہیں،چیئرمین تحریک انصاف کے پاس 5 لاکھ مالیت کا فرنیچر ہے، عمران خان نے اپنی اہلیہ بشریٰ بی بی کے اثاثوں کی تفصیلات بھی جمع کرائی بشریٰ بی بی کے پاس 431 کینال کی پاکپتن میں دو مختلف زمینیں ہیں، بشریٰ بی بی بنی گالا اسلام آباد میں 3 کینال کے گھر کی مالک ہیں،

    پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

    لانگ مارچ، عمران خان سمیت تحریک انصاف کے رہنماؤں پر مقدمہ درج

    کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

    پولیس پہنچی تو میاں محمود الرشید گرفتاری کے ڈر سے سٹور میں چھپ گئے

    لانگ مارچ میں فیاض الحسن چوہان کتنے بندے لے کر نکلے،ویڈیو وائرل

  • اگر اسی طرح چلتا رہا تو ملک سری لنکا کی طرف جائے گا، عمران خان

    اگر اسی طرح چلتا رہا تو ملک سری لنکا کی طرف جائے گا، عمران خان

    اگر اسی طرح چلتا رہا تو ملک سری لنکا کی طرف جائے گا، عمران خان
    باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ ہمارا ملک اپنی حقیقی آزادی کیلئے بڑی اہم جدوجہد کر رہا ہے،

    تحریک انصاف کے چیئرمین عمران خان کا کہنا تھا کہ 30سال تک ملک کو لوٹنے والوں کو امریکی سازش کے تحت ہم پر مسلط کیا گیا،2 ماہ میں ملک کا کیا حال کر دیا گیا،عوام مہنگائی کے سمندر میں ڈوب رہے ہیں،ہمیں پر امن احتجاج کے جمہوری حق سے روکنے کی کوشش کی گئی ، ان کو ڈر تھا کہ عوام سڑکوں پر نکل آئی تو ان کیلئے خطرہ ہو گا، وزیر خزانہ نے کہا آئی ایم ایف کو خوش کرنے کے لیے مزید مہنگائی ہو گی،

    عمران خان کا مزید کہنا تھا کہ امپورٹڈ وزیراعظم کے کرپٹ بیٹے نے پنجاب میں اقتدارپر قبضہ کیا ہے،پنجاب میں مکمل سیاسی انارکی ہے، لوگ مصیبت اور فصلیں خطرے میں ہیں، کوئی گورننس نظر نہیں آرہا، صرف ایک مافیا فسادات کر رہا ہے،پولیس اور مقامی انتظامیہ مافیا کے ساتھ ملی ہوئی ہے،پی ٹی آئی کارکنوں، لیڈروں اور خاندانوں پر دہشت کا راج قائم کر دیا گیا وہ محسوس کر رہے ہیں کہ وہ عوام کی منتخب قیادت کے سامنے جوابدہ نہیں انتشار اور مجرمانہ حکمرانی کی اجازت نہیں دیں گے

    عمران خان کا مزید کہنا تھا کہ میں جب کال دوں گا تو آپ کی تیاری پوری ہونی چاہئے،پاکستان تحریک انصاف ایک منظم جماعت ہے، آپ نے گھر گھر جا نا ہے اور ہر دروازے پر جا کر تبلیغ کرنی ہے، ہم پر آنسو گیس کی شیلنگ کی گئی، پولیس والوں نے بچوں اور خواتین پر بھی آنسو گیس کی شیلنگ کی، ہمارے اوپر چور اور ڈاکو بیٹھے ہیں عوام کو ان کے خوف سے نکالنا ہے، ڈی چوک پر خواتین اور بچوں پر شیلنگ کی گئی،کیا وہ کوئی دہشت گرد تھے؟ ہمارے دور میں تین لانگ مارچ ہوئے، کہاں لکھا ہوا ہے کہ پرامن احتجاج پر شیلنگ کرے، پولیس نے رات کے اندھیرے میں کارکنوں کے گھروں پر چھاپے مارے، جو سازش ہم پر مسلط کی گئی اس کو نہیں مانتا جمہوریت میں پرامن احتجاج ہر شہری کا حق ہے،

    عمران خان کا مزید کہنا تھا کہ مہنگائی تو ان کا اہم ایشو نہیں تھا جو دو مہینے میں پتہ چل گیا،پیٹرول،ڈیزل اور بجلی کی قیمتیں مزید بڑھیں گی،روپے کی قدر گر رہی ہے اور ڈالر اوپر جا رہا ہے اسٹاک ایکس چینج میں 700 ارب روپے غائب ہوئے ،پولیس کو غیرقانونی احکامات نہیں ماننے چاہیں، میں پہلے ہی دن کہہ رہا تھا کہ این آر او ٹو کیلئے ساری گیم ہو رہی ہے،آتے ہی اپنے سارے کیسز ختم کئے گئے،پنجاب میں بھی دھاندلی کے ذریعے الیکشن جیتنے کی تیاری ہو رہی ہے، مسائل کا ایک ہی حل ہے کہ الیکشن کرائے جائیں ،شہباز شریف ساری جگہ پھرتے رہتے ہیں تصویریں کھینچنے کیلئے،ان کی سارا ترقیاتی کام اشیہاروں میں نظر آتا ہے،ہمارے دور میں ریکارڑ ایکسپورٹ ہو رہی تھی، ملک تیزی سے آگے جا رہا تھا ،ہماری حکومت کو ایک سازش کے تحت گرائی گئی،ہماری ایکسپورٹ 10فیصد کم ہوئی ہے،اگر اسی طرح چلتا رہا تو ملک سری لنکا کی طرف جائے گا،

    چیئرمین پی ٹی آئی عمران خان سے کرکٹر شاہین شاہ آفریدی کی ملاقات ہوئی ہے ملاقات میں وزیر اعلیٰ خیبر پختون خواہ محمود خان بھی شریک تھے عمران خان نے حالیہ دنوں میں شاندار کرکردگی پر ٹیم اور بالخصوص انفرادی کارکردگی کو سراہا

    قبل ازیں چیئرمین پی ٹی آئی عمران خان سے جمشید دستی کی ملاقات ہوئی ہے جمشید دستی کی عمران خان سے ملاقات گزشتہ روز خیبرپختونخوا ہاؤس میں ہوئی،عمران خان نے جمشید دستی کو تحریک انصاف میں شمولیت کی دعوت دی،جمشید دستی نے مظفرگڑھ کی قومی اور صوبائی اسمبلی کی ٹکٹیں مانگ لیں معاملات طے ہونے کے بعد جمشید دستی پی ٹی آئی میں شمولیت کا اعلان کرینگے

    قبل ازیں لودھراں سے پیپلز پارٹی کے سابق رکن قومی اسمبلی حیات اللہ ترین تحریک انصاف میں شامل ہو گئے، ملتان سے پیپلز پارٹی کے صوبائی امیدوار خرم خاکوانی بھی تحریک انصاف میں شامل ہو گئے، دونوں نے تحریک انصاف کے چیئرمین عمران خان سے ملاقات کی ہے

    تحریک انصاف کے سیکرٹری جنرل اسد عمر کا کہنا ہے کہ قومی سلامتی کمیٹی کی پہلی میٹنگ میں شیریں مزاری اور میں موجود تھے سائفر میں سیدھی سیدھی پاکستان کو دھمکی دی گئی تھی،کہا گیا تھا اگر تحریک عدم اعتماد ناکام ہوئی تو پاکستان کیلئے مشکل ہوگا،اگر عمران خان کو نکالا گیا تو سب معاف کیا جائے گا،یہ سب حقائق مراسلے کے اندر موجود تھےبیرونی مداخلت کے الفاظ مراسلے میں استعمال ہوئے ہیں، عمران خان بطور چیئرمین تحریک انصاف سپریم کورٹ خط لکھیں گےکہ تحقیقات کی جائیں،سابق وفاقی وزیر شیریں مزاری کا کہنا تھا کہ عمران خان کا روس جانے کا فیصلہ سب سے مشاورت کے بعد کیا گیا تھا، ہماری امریکن ایمبسی سے ملاقات کی لسٹ آپ کے سامنے آ جائے گی،امریکی سازش کا ماڈل پہلے سے موجود ہے، ہم یہ کہہ رہے ہیں امریکا یہ پہلی بار نہی کررہا،اگر یہ تحقیقات نہیں ہوں گی تو معاملہ ختم نہیں ہوگا، ہم چاہتے ہیں کہ پھر سے ایسے کچھ نہ ہو،

    قبل ازیں تحریک انصاف حکومت کے سابق وزیر خزانہ شوکت ترین کا کہنا تھا کہ ہمارے دورحکومت میں گروتھ سب سے زیادہ ہوئی،ہمارے دورمیں 50 لاکھ نئی نوکریاں پیدا ہوئیں،ہمارے دورمیں ایکسپورٹس میں ریکارڈ اضافہ ہوا،ہمارےدورمیں 31 بلین کی برآمدات ہوئیں، دنیا میں تیل کی قیمتوں میں اضافہ ہورہا ہے ہم تونالائق تھے،پی ڈی ایم حکومت نے کیا کیا؟ ہم پیٹرول 149 روپے فی لٹرپرچھوڑکرگئے تھے، چندماہ میں پٹرول کی قیمت 300 پرچلی جائےگی، مسلسل 2 سال 5 فیصد سےزائد گروتھ ہوئی،کورونا کےباوجود زرعی گروتھ 4.4 فیصد رہی ،کورونا کے باوجود 31 ارب کی برآمدات،اتنی ہی ترسیلات زرہیں،

    سابق گورنر سندھ عمران اسماعیل کا کہنا تھا کہ شریف خاندان کوخصوصی ریلیف کہاں سے مل رہا ہے؟ پہلے سابق گورنر کے احکامات روند کر نجی ہوٹل میں وزیراعلیٰ منتخب کیا گیا اب اسپیکر کی آئینی حیثیت روند کر ایوان اقبال میں بجٹ اجلاس بلایا گیا؟ کل اپنی نئی اسمبلی بھی بنادیں گے، پنجاب کو ن لیگ نے بحران میں دھکیل دیا پنجاب کی موجودہ صورتحال کا کوئی نوٹس لینے والا نہیں،

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    عمران خان اگلے سال الیکشن کا انتظار کریں،وفاقی وزیر اطلاعات

    فارن فنڈنگ کیس،اسکروٹنی کمیٹی رپورٹ میں معلومات قابل تصدیق نہیں ،وکیل

  • بشری۔ گوگی۔ خان چور ابھی تک کاروائی کیوں شروع نہیں ہوئی؟ امبر دانش

    بشری۔ گوگی۔ خان چور ابھی تک کاروائی کیوں شروع نہیں ہوئی؟ امبر دانش

    لاہور:بشری۔ گوگی۔ خان چور ابھی تک کاروائی کیوں شروع نہیں ہوئی؟ اطلاعات کے مطابق سوشل میڈیا ایکٹوسٹ امبردانش کہتی ہیں کہ اب تو بہت سے حقائق کھل کرسامنے آگئے ہیں ، وہ کہتی ہیں‌ کہ ڈاکومنٹ سامنے آگئے،بشری بی بی چور، تو گوگی چور، تو خان صاحب بھی۔۔ کیا حکومت کی طرف سے اس معاملے پر کوئی قانونی کاروائی شروع ہوئی؟ اگر نہیں تو ایسا کیوں؟ کیا خان صاحب نے اس معاملے پر کوئی تردیدی بیان دیا؟نہیں؟ آخر کیوں؟لیکن ہم بیگانے معاملے میں ڈھول بجا بجا کر ہلکان ہوتے رہیں گے۔

    امبردانش نے یہ سوال اس ٹویٹ کے بعد کیا جس میں‌ عمران خانزادہ نامی ایک صارف نے کچھ ڈاکومنٹس شیئر کیے ہیں جس میں یہ چیز بظاہرنظرآتی ہے کہ بشریٰ بی بی نے القادرٹرسٹ کے نام پرعطیات لیے ہیں،

     

    عمران خانزادہ ٹویٹ کرتے ہوئے کہتے ہیں کہ بحریہ ٹاؤن اور بشری بی بی کی ڈیل کے ڈاکومنٹ سامنے آگئے

    50 ارب روپے قومی خزانے میں جمع کرانے کی بجائے بحریہ ٹاؤن کو دیے گئے۔ جس کے بدلے 458 کنال جگہ القادر ٹرسٹ کے نام پر حاصل کی گئی، کاغذات میں مالیت 53 کروڑ روپے لکھی، اصل قیمت 10 گنا زیادہ ہے۔معاہدے پربشریٰ بی بی کے دستخط ہیں

    یاد رہے کہ اس سے پہلے وفاقی وزیر داخلہ رانا ثناء اللہ نے کہا ہے کہ پاکستان تحریک انصاف (پی ٹی آئی) کی سابق حکومت میں میں کرپشن کے نت نئے طریقے دریافت کئے گئے، نجی ہاؤسنگ سوسائٹی نے ایک ٹرسٹ کو 458 کنال زمین عطیہ کی، ٹرسٹ عمران خان اوران کی اہلیہ کےنام پرہے، چیئرمین پی ٹی آئی کو جعلی صادق اور امین کا لقب دیا گیا، اس سارے معاملے کی تحقیقات کیلئے سب کمیٹی تشکیل دی گئی ہے۔

    ان خیالات کا اظہار انہوں نے وفاقی کابینہ کے ممبران وفاقی وزیر اطلاعات مریم اورنگزیب، وفاقی وزیر مصدق ملک، مشیر برائے وزیراعظم قمر الزمان کائرہ، وفاقی وزیر مواصلات اسعد الرحمان کے ہمراہ میڈیا سے گفتگو کرتے ہوئے کیا۔

    وزیر داخلہ رانا ثناء اللہ نے کہا ہے کہ مسٹر کلین اور صادق و امین نے برطانیہ میں ریکور ہونے والے 50ارب روپے قومی خزانے میں جمع کرانے کی بجائے نجی ہاؤسنگ سوسائٹی کے ساتھ ایڈجسمنٹ کی جس کے بدلے نجی ہاؤسنگ سوسائٹی نے اربوں روپے مالیت کی 458 کنال اراضی القادر ٹرسٹ اور بنی گالہ میں 240 کنال اراضی سابق خاتون اوّل کی دوست کے نام پر منتقل کی گئی۔

    انہوں نے کہا کہ نجی ہاؤسنگ سوسائٹی کے ساتھ معاہدے پر بطور وزیراعظم عمران خان اور خاتون اول کے دستخط موجود ہیں، معاملے کی تحقیقات کے لئے تحقیقاتی کمیٹی تشکیل دیدی گئی ہے ۔ سابقہ حکومت نے عوام کے پیسے کو بے دردی سے استعمال کر کے ذاتی فائدے حاصل کیے ہیں ، اس معاہدے کو صیغہ راز میں رکھا گیا ، آج وفاقی کابینہ کی منظوری کے بعد یہ معاہدہ کھولا گیا اس کی کاپیاں میڈیا کو بھی دی جارہی ہیں۔ یہ ثابت ہوگیا ہے کہ تمام معاملات میں عمران خان نے ذاتی فوائد حاصل کیے ہیں ۔

  • 30 فیصد کم قیمت پر روس سے تیل خریدنے کا معاہدہ کر رہے تھے،عمران خان

    30 فیصد کم قیمت پر روس سے تیل خریدنے کا معاہدہ کر رہے تھے،عمران خان

    تحریک انصاف کے چیئرمین عمران خان نے کہا ہے کہ آئی ایم ایف کا دبائو ہم پر بھی تھا لیکن ہم نے عوام کے حق میں فیصلے کئے،

    تقریب سے خطاب کرتے ہوئے عمران خان کا کہنا تھا کہ دنیا نے کورونا پر قابو پانے کے لیے لاک ڈاون لگایا، پاکستان میں بھی لاک ڈاون لگانے کے لیے مجھ پر دباو ڈالا گیا اگر لاک ڈاون لگاتا تو مزدور کیا کرتا،دباو ڈالنے والوں سے پوچھا لاک ڈاون لگایا تو غریب کھانا کہاں سے کھائےگا؟چین نے جہاں لاک ڈاون لگایا وہاں گھروں میں کھانا پہنچایا گیا،کہا گیا عمران خان لاک ڈاون نہیں لگارہا اس پر مقدمہ درج کراو،دنیا اعتراف کررہی ہے کہ ہم نے بہتر اقدامات کیے،بھارت نے لاک ڈاون لگایا تو بیروزگاری اور غربت میں اضافہ ہوا کورونا کے دوران ہم نے انڈسٹری کو چلنے دیا، کورونا کے دوران عوام کو احساس کیش پروگرام کے تحت رقم فراہم کی گئی،پہلے یہ ایک دوسرے کیخلاف لڑتے تھے ایک دوسرے کو چو رکہتے تھے، صحت کارڈ پر مزدور بھی مہنگے اسپتال لاہور کے ڈاکٹرز اسپتال میں علاج کراسکتا تھا

    عمران خان کا کہنا تھا کہ جس حکومت کو نااہل کہتے تھے اس نے معیشت اور غریبوں کو بچایا ہم 30 فیصد کم قیمت پر روس سے تیل خریدنے کا معاہدہ کر رہے تھے، امریکا نے ان کو ہم پر مسلط کیا ہے،ہم نے بجلی بھی 4 روپے فی یونٹ سستی کی، آئی ایم ایف کا ہم پر بھی پریشر تھا،ہماری حکومت نے غریب لوگوں کو ہیلتھ کارڈ دیئے، موجودہ حکومت نے 2 ماہ میں ہمارے ساڑھے 3 سال سے زیادہ مہنگائی کر دی،جب 60روپے 3مہینے میں پیٹرول کی قیمت بڑھائی تو ان کی حقیقت سامنے آئی،اب اور مہنگائی آنے والی ہے، ابھی پٹرولیم مصنوعات اور بجلی کی قیمتیں مزید بڑھیں گی،انہیں عوام کی نہیں امریکا کی فکر ہے، اپنے حقوق کیلئے پرامن احتجاج کی تیاری کریں، حکومت غریب طبقے کو ہماری طرح 12 ہزار روپے دے، چوروں کے ٹولے کو ہمارے اوپر مسلط کیا گیا ہے،بلاول اور فضل الرحمان نے لانگ مارچ کیا ہم نے کوئی پکڑ دھکڑ نہیں کی میں نے تو انہیں کھانا اور کنٹینر دینے کی پیشکش بھی کی، جب راجہ ریاض اپوزیشن لیڈر ہےتو پارلیمنٹ ختم،یہ جب سے اقتدار میں آئے ہیں ملک کا سارا نظام تباہ کر رہے ہیں، یہ اقتدار میں رہ گئے تو ملک کو وہ نقصان پہنچائیں گے جو دشمن بھی نہیں پہنچا سکتا

    بحریہ ٹاؤن کے چئیرمین ملک ریاض کی ایک اور آڈیو لیک ہو گئی-

    ملک ریاض کی ’عمران خان‘ کا پیغام سابق صدر آصف زرداری کو پہنچانے کی مبینہ آڈیو سامنے آگئی

    کرپشن ثابت:برطانیہ نے ملک ریاض کا 10 سالہ ویزہ منسوخ کردیا

    جعلی چیک دینے پر ملک ریاض کے بیٹے پرمقدمہ درج

    شادی شدہ کامیاب مرد سے پیسے کی خاطر جسمانی تعلق رکھنا عورت کی تذلیل ہے۔ فرح سعدیہ

    ‏خواتین کو جب اعتکاف کی مبارکباد دینے جائیں تو صرف مٹھائی لے کر جائیں. شفاعت علی

  • بحریہ ٹاؤن کے 50 ارب روپے کو تحفظ فراہم کیا گیا،بشریٰ بی بی کے بھی دستخط ہیں،وزیر داخلہ

    بحریہ ٹاؤن کے 50 ارب روپے کو تحفظ فراہم کیا گیا،بشریٰ بی بی کے بھی دستخط ہیں،وزیر داخلہ

    بحریہ ٹاؤن کے 50 ارب روپے کو تحفظ فراہم کیا گیا،بشریٰ بی بی کے بھی دستخط ہیں،وزیر داخلہ

    باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ آج وزیراعظم کی زیر صدارت وفاقی کابینہ کا اجلاس ہوا،

    رانا ثناء اللہ کا کہنا تھا کہ عمران خان کو جعلی صادق وامین کا لقب دیا گیا ،شہزاد اکبر نام نہاد مشیراحتساب تھے،شہزاد اکبر عمران خان دورحکومت میں معاملات مینج کرتے تھے ایک ڈاکومنٹ ترتیب دیاگیا جسے مصدق ملک شیئر کریں گے، گزشتہ دورحکومت میں کرپشن کے نئے طریقے دریافت کیے گئے پلان بنایا گیا کہ کس طرح 50 ارب روپے بچانا ہے اور حصہ نکالنا ہے،ڈاکومنٹ منظور کروا لیا گیا تو شہزاد اکبر وہاں گئے اور پورا عمل مکمل کروایا،وفاقی کابینہ نے ایسٹ ریکوری یونٹ کے حوالے سے ذیلی کمیٹی تشکیل دے دی ،کمیٹی ڈیل سے متعلق حقائق کابینہ اجلاس میں پیش کرے گی

    وفاقی وزیر داخلہ رانا ثناء اللہ نے کابینہ اجلاس کے بعد میڈیا سے گفتگو میں انکشاف کیا کہ بحریہ ٹاؤن کے 50 ارب روپے کو تحفظ فراہم کیا گیا، بحریہ ٹاؤن نے یہ زمین القادر ٹرسٹ کے نام ٹرانسفر کی،ڈونر بحریہ ٹاؤن اور دوسری جانب بشریٰ بی بی کے دستخط ہیں،خاتون اول خود اس کا حصہ تھیں اورخود سائن کیا،ٹرسٹی سابقہ خاتون اول اورعمران خان ہیں،

    ملک ریاض کی ’عمران خان‘ کا پیغام سابق صدر آصف زرداری کو پہنچانے کی مبینہ آڈیو سامنے آگئی

    کرپشن ثابت:برطانیہ نے ملک ریاض کا 10 سالہ ویزہ منسوخ کردیا

    جعلی چیک دینے پر ملک ریاض کے بیٹے پرمقدمہ درج

    شادی شدہ کامیاب مرد سے پیسے کی خاطر جسمانی تعلق رکھنا عورت کی تذلیل ہے۔ فرح سعدیہ

    ‏خواتین کو جب اعتکاف کی مبارکباد دینے جائیں تو صرف مٹھائی لے کر جائیں. شفاعت علی

    قبل ازیں تحریک انصاف کے رہنما فواد چودھری نے کہا کہ ہمیں 19 صوبوں کی ضرورت ہے اور 19 صوبوں کے براہ راست انتخابات ہوں۔ تمام ڈویژنز کو صوبے بنانا چاہیے پنجاب میں بھی ہمارے وزیر اعلیٰ نے بلدیاتی انتخابات نہیں ہونے دیئے جبکہ بلوچستان کو دیکھ لیں کیا چاغی کو کوئٹہ سے کنٹرول کیا جا سکتا ہے؟ شہباز شریف ڈیل کر کے ہی وزیر اعظم بنے ہیں جبکہ عمران خان کو گرفتار کرنا رانا ثنا اللہ کی بڑھکیں ہی ہیں

     

  • ہرجانہ کیس،میری سابقہ بیوی کے بھیجے گئے 36 ملین روپے راشد علی خان نے ادا کیے تھے،عمران خان کا بیان

    ہرجانہ کیس،میری سابقہ بیوی کے بھیجے گئے 36 ملین روپے راشد علی خان نے ادا کیے تھے،عمران خان کا بیان

    ہرجانہ کیس،میری سابقہ بیوی کے بھیجے گئے 36 ملین روپے راشد علی خان نے ادا کیے تھے،عمران خان کا بیان
    چیئرمین پی ٹی آئی عمران خان کے دس سال قبل خواجہ آصف کے خلاف دائر کئے 10 ارب روپے ہرجانہ کا کیس پر سماعت ہوئی

    چیئرمین پی ٹی عمران خان ویڈیو لنک کے ذریعے ایڈیشنل سیشن جج عدنان خان کی عدالت میں پیش ہوئے ، خواجہ آصف کے وکلا بیرسٹر حیدر رسول مرزا، بیرسٹر عمار ضیا الدین، چوہدری نجم الحسن عدالت میں پیش ہوئے۔ وکیل نے عدالت سے استفسار کیا کہ کیا وڈیو لنک جرح ریکارڈ ہوگی؟ کیوں کہ جب عمران خان نے بیان دیا تو ریکارڈ کیا گیا تھا سماعت کے دوران خواجہ آصف کے وکلا نے عمران خان سے دس سال پہلے دیے گئے بیان پر جرح کی۔ عمران خان کے وکیل نے عدالت کو بتایا کہ ہم نے کلائنٹ کو بتا دیا ہے کہ وہ وڈیو لنک کے ذریعے جرح کو ریکارڈ نہیں کریں گے۔ جس پر عدالت نے کہا کہ عمران خان کے وکیل نے انڈرٹیکنگ دی ہے کہ وڈیو لنک کے ذریعے جرح کو ریکارڈ نہیں کریں گے

    خواجہ آصف کے وکیل کے اعتراض کے بعد ایڈیشنل سیشن جج عدنان خان نے ویڈیو لنک کے ذریعے جرح کو ریکارڈ کرنے سے روک دیا دوران سماعت خواجہ آصف کی لیگل ٹیم کے دو وکلا چوہدری نجم الحسن اور علی گیلانی ایڈووکیٹ بنی گالہ میں موجود تھے جب کہ چیئرمین پی ٹی آئی کے وکیل ولید اقبال اور واصف مجید بھی بنی گالہ ہی میں موجود تھے

    عمران خان نے جرح کے دوران بیان دیتے ہوئے کہا کہ 1996 سے شوکت خانم بورڈ کا چیئرمین ہوں 1996کے بعد سے اب تک کوئی چیئرمین نہیں بنا،میں نہیں سمجھتا کہ میری بہن سیکریٹری بورڈ آف گورنر رہی ہیں ،راشد علی خان کو میں دوستی کی وجہ سے جانتا ہوں اس کا فنانس میں تجربہ ہے، خواجہ آصف کے وکیل نے سوال کیا کہ بنی گالہ زمین خریدنے میں کیا راشد علی خان آپ کے نمائندہ تھے؟ جس پر چیئرمین پی ٹی آئی عمران خان نے کہا کہ راشد علی خان نے نمائندہ نہیں دوست کی حیثیت سے یہ ٹرانزیکشن کی تھی میری سابقہ بیوی کے بھیجے گئے 36 ملین روپے راشد علی خان نے ادا کیے تھے، میں ٹریولنگ کر رہا تھا قسطیں دینا پڑنی تھیں اس لیے اس کو کہا تھا کیونکہ وہ فنانس جانتا تھا،

    چیئرمین پی ٹی آئی عمران خان پر ویڈیو لنک جرح کے ذریعے جرح کے دوران بجلی چلی گئی ، عدالت نے عمران خان کے وکیل سے مکالمہ کرتے ہوئے کہا کہ آپ رابطہ کر لیں واٹس ایپ پر آخری سوال کا جواب لے لیتے ہیں؟ وکیل عمران خان نے کہا کہ بنی گالہ میں جیمر لگے ہوتے ہیں رابطے میں تھوڑا ایشو ہے،عدالت نے کیس کی مزید سماعت 7 جولائی تک ملتوی کر دی

    ‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

    میڈم یہ کہتے ہیں بچے کو نہیں ملے گی،فردوس عاشق اعوان کو بچے نے پکڑ لیا

    بے بس عوام:بےحس افسران:ACسیالکوٹ اورفردوس عاشق کےدرمیان ہونے والی نوک جھوک:ویڈیووائرل

    فردوس عاشق اعوان کے اسسٹنٹ کمشنر سیالکوٹ کے ساتھ ہتک آمیز رویے کی وجہ سامنے آگئی ، حکومتی وزراء بھی حمایت میں بول اٹھے

    فردوس عاشق کالہجہ تلخ تھا،مگرسرکاری ملازم صاحبہ کا ڈیوٹی سےچلےجانا،تکبر،انااورافسرشاہی نہیں تواورکیاہے

    فردوس عاشق نے اپنے حلقہ انتخاب میں کیا کارنامہ سرانجام دیا، تہلکہ خیز انکشاف

    مشیر نہیں بلکہ جہنم میں تھی، فردوس عاشق اعوان کی ایک بار پھر گندی گالیاں