Baaghi TV

Tag: عمران خان

  • تحریک انصاف پاکستان کے سینئررہنما سینئروزیر نے استعفیٰ دے دیا

    تحریک انصاف پاکستان کے سینئررہنما سینئروزیر نے استعفیٰ دے دیا

    لاہور:تحریک انصاف پاکستان کے سینئررہنما سینئروزیر نے استعفیٰ دے دیا ہے ،اطلاعات کے مطابق تحریک انصاف پاکستان کے سینئررہنما ، سینئروزیرنے اپنے عہدے سے مستعفی ہونے کا فیصلہ کرلیا ہے ،
    پاکستان تحریک انصاف (پی ٹی آئی) کے رہنما عبدالعلیم خان نے جمعہ کو پنجاب کے سینئر وزیر اور صوبائی وزیر خوراک کے عہدے سے مستعفی ہونے کا فیصلہ کر لیا۔ذرائع کے مطابق علیم خان نے یہ فیصلہ اپنے ذاتی مسائل کی وجہ سے کیا ہے۔

    ذرائع کے حوالے سے رپورٹس سامنے آئی ہیں کہ سینئر وزیر نے وزیراعظم عمران خان سے ملاقات کے دوران اپنی خواہش کا اظہار کیا تھا۔علیم خان جو سینئر وزیر کے طور پر خدمات انجام دے رہے تھے اور فوڈ کا قلمدان سنبھالے ہوئے تھے۔

    سینئر وزیراور وزیرخوراک پنجاب عبدالعلیم خان نے اپنے عہدے سے استعفیٰ دے دیا۔ سماجی رابطوں کی ویب سائٹ ٹویٹر پر عبدالعلیم خان نے اپنے استعفے کا اعلان کیا۔

     

     

    انہوں نے کہا کہ وزیراعظم عمران خان سے آج ھونے والی ملاقات میں انہیں قائل کیا ھے کہ وہ   غیر جانبداری قائم رکھنے کے لئے ضروری ہے کہ انکے پاس کوئی حکومتی عہدہ نہ ہو لہذا وہ بطور سینئر وزیر/وزیر خوراک حکومت پنجاب استعفیٰ دینا چاہتے ہیں۔

    انہوں نے کہا کہ وہ وزیراعظم کے ممنون ہیں کہ انہوں نے درخواست تسلیم کرلی ہے اس لئے وہ اپنا استعفیٰ وزیراعلی پنجاب کو بھجوا رہے ہی

    واضح رہے کہ علیم خان اس سے قبل بھی دو مرتبہ استعفیٰ دے چکے ہیں اور اپریل 2020 میں دوبارہ صوبائی کابینہ میں شامل ہوئے تھے۔

  • کل جماعتی حریت کانفرنس پر پابندی:بھارت نے خطرناک منصوبہ بنا لیا

    کل جماعتی حریت کانفرنس پر پابندی:بھارت نے خطرناک منصوبہ بنا لیا

    نئی دہلی:کل جماعتی حریت کانفرنس پر پابندی:بھارت نے خطرناک منصوبہ بنا لیا،اطلاعات کے مطابق تحریک آزادی کشمیر کو دبانے کےلیے خطرناک منصوبہ بنا لیا ہے ، اس حوالے سے بھارت نے اسرائیل ، امریکہ کی مدد سے تحریک آزادی کشمیر کی نمائندہ جماعت حریت کانفرنس پر پابندی لگانے کا فیصلہ کیا ہے اور اس حوالے سے سازشیں جاری ہیں

    وادی کشمیر اور نئی دہلی سے موصول ہونے والی اطلاعات کے مطابق مودی کی فسطائی بھارتی حکومت کل جماعتی حریت کانفرنس پر غیر قانونی سرگرمیوں کی روک تھام سے متعلق کالے قانون یو اے پی اے کے تحت پابندی عائد کر سکتی ہے۔

    اس سازش پر سے پردہ ہٹاتے ہوئے کشمیرمیڈیاسروس کا کہنا ہے کہ بھارتی اخبار ’ٹائمز آف انڈیا‘ نے اپنی ایک رپورٹ میں لکھا کہ بھارتی وزارت داخلہ آنے والے دنوں میں کل جماعتی حریت کانفرنس اور تحریک حریت جموں کے تمام دھڑوں کو حق خود ارادیت کے لیے اپنی سیاسی اور سفارتی جدوجہد پرکالعدم قرار دینے پر حتمی فیصلہ کرے گی۔

    ذرائع نے ٹائم آف انڈیا کو بتایا کہ مودی حکومت اور بدنام زمانہ تحقیقاتی ادارے نیشنل انویسٹی گیشن ایجنسی (این آئی اے) نے قبل ازیں وزارت داخلہ کو کل جماعتی حریت کانفرنس کو ایک غیر قانونی تنظیم کے طور پر درج کرنے کا مقدمہ بنانے کے لیے رپورٹیں پیش کی تھیں۔ پابندی کے بعد کل جماعتی حریت کانفرنس حریت کانفرنس کو اپنے دفاتر اور بنیادی ڈھانچے کو ختم کرنا پڑے گا۔

    قبل ازیں مقبوضہ علاقے میں جموںوکشمیر لبریشن اور جماعت اسلامی پر پابندی عائد کر دی گئی ہے۔حریت کانفرنس کی بنیاد 1993 میں کئی سیاسی، سماجی اور مذہبی جماعتوں کے ساتھ رکھی گئی تھی جو اقوام متحدہ کی قراردادوں کے مطابق تنازعہ کشمیر کے سیاسی حل کے لیے جدوجہد کر رہی ہیں۔

    دوسری طرف تحریک آزادی کشمیر نے بھارت کی اس سازش کے خلاف عالمی برادری کو آگاہ کردیا ہے اورپاکستان سے درخواست کی ہے کہ وہ جلد از جلد بھارتی سازش کو ناکام بناتے ہوئے کشمیریوں کی نمائندہ جماعت حریت کانفرنس پربھارتی پابندیوں کا خواب چکنا چور کردے

  • پشاورمیں تحریک انصاف وکلا ونگ کا اپنی ہی حکومت کے خلاف احتجاج

    پشاورمیں تحریک انصاف وکلا ونگ کا اپنی ہی حکومت کے خلاف احتجاج

    پشاور:پشاورمیں تحریک انصاف وکلا ونگ کا اپنی ہی حکومت کے خلاف احتجاج،اطلاعات کے مطابق پشاورمیں تحریک انصاف وکلا ونگ کا اپنی ہی حکومت کے خلاف احتجاج بڑی دلچسپ صورتحال اختیارکرگیا ہے

    پشاور سے ملنے والی اطلاعات میں بتایا گیا ہے کہ انصاف لائرز فورم نے احتجاج کرتےہوئے حکومت کے خلاف نعرے لگائے اورپھرمظاہرین نےوزیراعظم سے گورنر اور وزیراعلی کو ہٹانے کا مطالبہ بھی کیاہے

    اس موقع پر پی ٹی آئی مظاہرین کا کہنا تھا کہ نااہل گورنر, اور وزیراعلی کی وجہ سے حکومت ناکام ہے۔ مظاہرین اپنے ورکرز کو نظر انداز کرکے دوسرے جماعتوں کے لوگوں کو عہدوں پر بٹھایا گیا۔

    سیکرٹری جنرل انصاف لائرز فورم شاہ فیصل کا کہنا تھا کہ اٹارنی جنرل اور ایڈوکیٹ جنرل آفس میں دوسرے جماعت کے وکلاء لگائے ہیں۔ سیکرٹری جنرل انصاف لائرز فورم شاہ فیصل اگر ان ہی پارٹیوں کے لوگوں کو آگے لانا تھا تو ہمیں تبدیلی کے سبزباغ کیوں دکھائے گئے۔

    سیکرٹری جنرل انصاف لائرز فورم شاہ فیصل نے اس موقع پر مزید کہا کہ حکومت ابھی تک ناکام ہے اور اس ناکامی کی وجہ نااہل لوگوں کو بڑے عہدے دینا ہے۔

    سیکرٹری جنرل انصاف لائرز فورم شاہ فیصل نے احتجاجی مظاہرین سے خطاب کرتے ہوئے کہاکہ ہم اپنا حق لے کر رہیں گے, آئندہ احتجاج وزیراعظم ہاؤس کے سامنے ہوگا۔

    دوسری طرف یہ بھی اطلاعات ہیں کہ وزیراعلیٰ اور گورنر نے ان احتجاجی مظاہرین کے مطالبے کو مسترد کرتےہوئے کہاہے کہ یہ ملک اور ادارے سب کے ہیں ، یہاں کسی کو پارٹی یا وابستگی کی بنیاد پرکسی دوسرے پرفوقیت نہیں دی جاسکتی ، ہاں اگرکوئی میرٹ پر آتا ہے تو پھراس کا شکوہ جائز ہے لیکن کسی کےساتھ کوئی زیادتی نہیں کی گئی

     

     

  • اسلام آباد میں بلدیاتی انتخابات کا آرڈیننس جاری:طریقہ کار بھی وضع کردیا گیا

    اسلام آباد میں بلدیاتی انتخابات کا آرڈیننس جاری:طریقہ کار بھی وضع کردیا گیا

    اسلام آباد :اسلام آباد میں بلدیاتی انتخابات کا آرڈیننس جاری:طریقہ کار بھی وضع کردیا گیا،اطلاعات کےمطابق صدر مملکت ڈاکٹر عارف علوی نے اسلام آباد میں بلدیاتی انتخابات کا آرڈیننس جاری کر دیا ۔

    ذرائع کے مطابق صدر پاکستان کی طرف سےجاری 109 صفحات پر مشتل آرڈیننس کے مطابق اسلام آباد بلدیاتی انتخابات میں الیکٹرانک ووٹنگ مشین اور آئی ووٹنگ کا استعمال کیا جائے گا جبکہ بلدیاتی حکومت کے میئر کااسلام آبادکیپیٹل ٹیریٹری( آئی سی ٹی) سے براہ راست انتخاب ہوگا۔

    صدارتی آرڈیننس کے مطابق آئی سی ٹی کی میٹروپولیٹن کارپوریشن ، نیبر ہیڈ کونسل ہو گی اور میٹروپولیٹن کارپوریشن میں آئی سی ٹی کے سوائے کنٹونمنٹ کے تمام علاقے ہوں گے جبکہ ہر نیبر ہیڈ کونسل کی آبادی 20ہزار ہو گی ۔

    اس کے علاوہ اسلام آباد بلدیاتی حکومت کا براہ راست منتخب میئر ہو گا جبکہ اسلام آباد میں بلدیاتی حکومت اور نیبر ہیڈ کونسل کی مدت 4 سال ہو گی اور میئر اسلام آباد کی کابینہ 12 رکنی ہو گی۔

    آرڈیننس کے مطابق آئی سی ٹی کونسل کے ارکان کی تعداد 70 ہو گی اور الیکشن میں حصہ لینے کے لیے امیدوار کی عمر 22 سال سے کم نہیں ہوگی جبکہ یوتھ ممبر کی عمر 18 سے 25 سال ہوگی۔

    نیبر ہیڈ کونسل میں جنرل ممبر ، خواتین ،اقلیت، یوتھ اور بزرگ شہری شامل ہوں گے اس کے علاوہ آئی سی ٹی کونسل میں خواتین ،اقلیتی ارکان ، نوجوان ، تاجر ،لیبر کسان اور بزرگ شہری شامل ہوں گے۔

    یاد رہےکہ الیکشن کمیشن آف پاکستان نے کے پی ، بلوچستان،سندھ اوراسلام آباد میں‌ بلدیاتی انتخابات کروانے کے حوالے سے ہدایات جاری کردی ہیں اور امید کی جارہی ہے کہ اس حوالے سے حتمی مرحلے کی تفصیلات بھی جلد پیش کردی جائیں گی

  • قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا.عبدالرزاق داؤد مشیروزیراعظم

    قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا.عبدالرزاق داؤد مشیروزیراعظم

    فیصل آباد (عثمان صادق) قومی معیشت کی بحالی کیلئے ایس ایم ای سیکٹر کو مزید متحرک کر دار ادا کرنا ہو گا جبکہ حکومت اس شعبہ کی صلاحیتوں سے بھر پور فائدہ اٹھانے کیلئے ہر ممکن اقدامات اٹھا رہی ہے۔ یہ بات کامرس اور سرمایہ کاری بارے وزیر اعظم کے مشیر عبدالرزاق داؤد نے ایس ایم ای بارے جامع پالیسی کی تشکیل کے سلسلہ میں ایک اجلاس سے خطاب کرتے ہوئے کہی۔ جس میں صنعت و پیداوار بارے وفاقی وزیر مخدوم خسرو بختیار کے علاوہ فیصل آباد چیمبر آف کامرس اینڈانڈسٹری کے صدر عاطف منیر شیخ نے بھی خصوصی طور پر شرکت کی۔ انہوں نے مختلف چیمبرز اور تجارتی تنظیموں کی طرف سے اس سلسلہ میں پیش کی جانے والی تجاویز کو سراہا اور کہا کہ حکومت ان پر سنجیدگی سے غور کرے گی تاکہ اس شعبہ کو ٹھوس اور مستحکم بنیادوں پر استوار کیا جا سکے۔ اس سے قبل فیصل آباد چیمبر آ ف کامرس اینڈانڈسٹری کے صدر عاطف منیر شیخ نے بتایا کہ ملکی برآمدات میں نوے فیصد حصہ ایس ایم ای سیکٹر کا ہے مگر محدود وسائل سے کام کرنے والے اِن اداروں کا سرمایہ حکومتی ٹیکسوں کے چکر میں پھنس جانے سے انھیں مالی دشواریوں کا سامنا کرنا پڑتا ہے۔ انہوں نے اس شعبہ کیلئے زیر و ریٹنگ کی سہولت بحال کرنے کا مطالبہ کیا تاکہ انہیں پہلے ٹیکس دینے اور پھر اس کی واپسی کیلئے دفتروں کے چکر نہ لگانے پڑیں۔ انہوں نے مزید کہا کہ روپے کی قدر میں کمی کی وجہ سے ایس ایم ای شعبہ کی مالی حیثیت کا بھی از سر نو تعین کیا جائے۔انہوں نے کہا کہ حکومت کی پالیسیوں کا محور یہی شعبہ ہونا چاہیے۔ انہوں نے اس شعبہ کے دیگر مسائل کی بھی نشاندہی کی اور اس توقع کا اظہار کیا کہ حکومت اِن کو ترجیحی بنیادوں پر حل کرے گی۔

  • خواتین کو معاشی دھارے کا متحرک اور پیداواری حصہ بنانے کیلئے ڈیجیٹل مارکیٹنگ نیا اور جدید ذریعہ ہے

    خواتین کو معاشی دھارے کا متحرک اور پیداواری حصہ بنانے کیلئے ڈیجیٹل مارکیٹنگ نیا اور جدید ذریعہ ہے

    فیصل آباد (عثمان صادق) خواتین کو معاشی دھارے کا متحرک اور پیداواری حصہ بنانے کیلئے ڈیجیٹل مارکیٹنگ نیا اور جدید ذریعہ ہے جبکہ فیصل آباد وومن چیمبر آ ف کامرس اینڈانڈسٹری کو اپنی ممبرز اور تعلیم یافتہ طالبات کو اس بارے میں زیادہ سے زیادہ آگاہی دینی چاہیے۔ یہ بات محترمہ صفورا زینب نے وومن چیمبر کے زیر اہتمام ایک تقریب سے خطاب کرتے ہوئے کہی۔ انہوں نے کہا کہ مارکیٹنگ اور بزنس پر موشن دو الگ الگ شعبے ہیں اور ہمیں اِن کے فرق کو سمجھتے ہوئے اپنے مطلوبہ سیکٹر پر توجہ دینی چاہیے تاکہ اِن سے بہترین نتائج حاصل کئے جا سکیں۔ انہوں نے کہا کہ آج کے دور میں ڈیجیٹل مارکیٹنگ کی اہمیت بہت بڑھ گئی ہے کیونکہ اِس کے ذریعے آن لائن میسر سہولتوں سے ہی اپنی مصنوعات کی مارکیٹنگ کی جا سکتی ہے اور اِس مقصد کیلئے جگہ جگہ گھومنے کی ضرورت نہیں۔ تاہم اس ذریعہ کے مؤثر استعمال سے ہی مطلوبہ اہداف حاصل کئے جا سکتے ہیں۔ انہوں نے ڈیجیٹل مارکیٹنگ کی اہمیت کا ذکر کرتے ہوئے بتایا کہ ہر چھ سیکنڈ بعد ایک نیا اکاؤنٹ کھل رہا ہے۔ انہوں نے بتایا کہ شارٹ میسج استعمال کرنے والوں کی تعداد 4.4ارب جبکہ انسٹاگرام کے ایکٹو یوزر کی تعداد 1.7ارب ہے۔ اسی طرح روزانہ 95ملین تصاویر روزانہ اَپ لوڈ کی جاتی ہیں۔ 53منٹ کے اوسط وقت میں 71فیصدملینلزاور 71فیصد امریکی بزنس مین اس پلیٹ فارم کو استعمال کرتے ہیں۔ اس سے قبل وومن چیمبر کی صدر محترمہ نگہت شاہد نے کہا کہ انہوں نے کاروباری خواتین کی آگاہی اور نوجوان طالبات کو اپنا کاروبار شروع کرنے کی ترغیب دینے کیلئے ایک جامع پروگرام شروع کر رکھا ہے جس کیلئے ڈیجیٹل مارکیٹنگ بارے بھی آگاہی دی جا رہی ہے۔ انہوں نے کہا کہ ڈیجیٹل مارکیٹنگ کے استعمال سے خواتین کواپنے کاروبار کیلئے مردوں کی ضرورت بھی نہیں رہے گی اور وہ تمام کام از خود ڈیجیٹل مارکیٹنگ کے ذریعے ہی کر سکیں گی۔ انہوں نے کہا کہ یہ نیا اور جدید ذریعہ ہے جس سے طالبات کو لازمی فائدہ اٹھانا چاہیے۔ انہوں نے بتایا کہ اس قسم کی آگاہی تقریبات کا سلسلہ آئندہ بھی جاری رہے گا۔ آخر میں نائب صدر محترمہ فرحت نثار نے مہمانوں کا شکریہ ادا کیا جبکہ اس تقریب میں سینئر نائب صدر محترمہ صوبیہ عقیل، محترمہ شمع احمد، حنا خاں، ہما خالد اور دیگر خواتین نے بھی شرکت کی۔

  • بہترین پاک نائیجیریا تعلقات کے پیش نظر دو طرفہ تجارت کو1 بلین ڈالر تک بڑھانے کی ضرورت ہے.محمد بیلو ابیوئے

    بہترین پاک نائیجیریا تعلقات کے پیش نظر دو طرفہ تجارت کو1 بلین ڈالر تک بڑھانے کی ضرورت ہے.محمد بیلو ابیوئے

    فیصل آباد (عثمان صادق) بہترین پاک نائیجیریا سفارتی تعلقات کے پیش نظر دو طرفہ تجارت کو کم از کم 1بلین ڈالر تک بڑھانے کی ضرورت ہے اور اس سلسلہ میں دونوں ملکوں کے نجی شعبوں کو انتہائی متحرک کردار ادا کرنا ہو گا۔ یہ بات پاکستان میں تعینات نائیجیریا کے ہائی کمشنر محمدبیلو ابیوئے نے آج فیصل آباد چیمبر آف کامرس اینڈانڈسٹری میں ایک تقریب سے خطاب کرتے ہوئے کہی۔انہوں نے کہا کہ پاکستان اور نائیجیریا کے درمیان انتہائی مضبوط اور مستحکم تعلقات ہیں مگر اس تناسب سے معاشی معاملات کو آگے نہیں بڑھایا جا سکا۔ انہوں نے کہا کہ اب ہمیں معاشی تعلقات کے فروغ پر خصوصی توجہ دیناہو گی اور اس سلسلہ میں دونوں ملکوں کے نجی شعبوں کو کلیدی کردار ادا کرنا ہوگا۔ انہوں نے کہا کہ فیصل آباد کی ٹیکسٹائل کی صنعت نے زبردست ترقی کی ہے جبکہ پاکستان سے نائیجیریا کو ٹیکسٹائل اور آئی ٹی کی برآمدات بڑھانے کے وسیع امکانات موجود ہیں۔ انہوں نے فیصل آباد چیمبر کے وفد کے آئندہ ماہ لاگوس میں ہونے والی نمائش میں حصہ لینے کاخیر مقدم کیا اور کہا کہ اس میں شرکت کرنے والوں کو ہر قسم کی سیکورٹی مہیا کی جائے گی۔ آئی ٹی کے بارے میں ایک سوال کے جواب میں نائیجیریا کے ہائی کمشنر نے کہا کہ آپ اس بارے میں پلان تیار کر کے اُن سے شیئر کریں تاکہ اس سلسلہ میں باہمی تعاون کو فروغ دینے کیلئے عملی اقدامات شروع کئے جاسکیں۔ انہوں نے نائیجیریا کے قابل اعتبار اجناس برآمد کرنے والوں کی فہرست مہیا کرنے کا بھی یقین دلایاتاکہ پاکستانی درآمد کنندگان یہ اجناس نائیجریا سے درآمد کر سکیں۔ انہوں نے کہا کہ کراچی، لاہور کے علاوہ فیصل آباد میں بھی نائیجیریا کا اعزازی قونصل جنرل مقرر کرنے کی تجاویز آئی ہیں۔ انہوں نے کہا کہ پاکستانی تاجر اس سلسلہ میں اپنی حکومت پر دباؤ ڈالیں تاکہ وہ اس سلسلہ میں اپنی حکومت کے سامنے یہ تجویز پیش کر سکیں۔ انہوں نے فوڈ فلیور نائیجیریا برآمد کرنے کے بارے میں بھی متعلقہ افراد سے رابطوں کا یقین دلایا۔ اس سے قبل فیصل آباد چیمبر آف کامرس اینڈانڈسٹری کے سینئر نائب صدر عمران محمود شیخ نے نائیجیریا کے ہائی کمشنر محمدبیلو ابیوئے کا خیر مقدم کرتے ہوئے فیصل آباد او رفیصل آباد چیمبر آف کامرس اینڈانڈسٹری کا تعارف کرایا اور بتایا کہ اگرچہ ٹیکسٹائل اس شہر کی شناخت ہے مگر یہاں کیمیکلز، فارما سوٹیکل، بیوریج، سوپ اور خوردنی تیل سمیت دیگر کئی شعبے بھی تیزی سے ترقی کر رہے ہیں۔ انہوں نے کہا کہ اگرچہ پاکستان اور نائیجیریا میں بہترین تعلقات ہیں لیکن اِس کے تناسب سے ہماری دو طرفہ تجارت کا حجم بہت کم ہے۔ انہوں نے کرونا کا ذکر کرتے ہوئے بتایا کہ اس کی وجہ سے جب عالمی معیشت سکڑ رہی تھی پاکستان میں سمارٹ لاک ڈاؤن کی پالیسی سے نہ صرف صنعتی، تجارتی اور برآمدی سرگرمیاں جاری رہیں بلکہ بے روزگاری کے مسئلہ پر بھی بخوبی قابو پایا گیا۔ نئے عالمی رجحانات کے مطابق افریقہ کی اہمیت کا ذکر کرتے ہوئے انہوں نے کہا کہ پاکستان افریقی ملکوں سے تجارتی تعلقات بڑھانے پر خصوصی توجہ دے رہے ہیں جبکہ اس سلسلہ میں نائیجیریا کے ذریعے دوسرے افریقی ممالک تک بھی رسائی حاصل کی جا سکتی ہے۔ درآمدی اور برآمدی اعداد وشمار کے حوالے سے انہوں نے بتایا کہ تجارتی توازن نائیجیریا کے حق میں ہے جبکہ فیصل آباد نائیجیریا کی کپڑے کی ضروریات کو بآسانی پورا کر سکتا ہے۔انہوں نے کرونا کی وجہ سے دونوں ملکوں کے تاجروں کے درمیان زوم میٹنگز، تجارتی اطلاعات کے تبادلے، کیٹلاگ کی نمائش، دونوں ملکوں میں تجارتی معاہدے، سنگل کنٹری ایگزی بیشنز اور دونوں ملکوں کے چیمبرز کے درمیان مفاہمتی یادداشتوں پر دستخطوں پر بھی زور دیا۔ سوال و جواب کی نشست بھی ہوئی جس میں محمد اظہر چوہدری، انجینئر احمد حسن، انجینئر عاصم منیر، محمد فاضل، خرم، محمد طاہر یعقوب اور دیگر ممبران نے حصہ لیا۔ آخر میں نائب صدر رانا فیاض احمد نے مہمانوں کا شکریہ ادا کیا۔ جبکہ انجینئر احمد حسن نے سینئر نائب صدر عمران محمود شیخ کے ہمراہ نائیجیریا کے ہائی کمشنر کو فیصل آبا د چیمبر کی خصوصی شیلڈ پیش کی۔

  • موجودہ حکومت میں غریب کے ساتھ بے جان بھی نشان عبرت

    موجودہ حکومت میں غریب کے ساتھ بے جان بھی نشان عبرت

    قصور
    موجودہ گورنمنٹ سے جہاں غریب کی ہڈیاں ٹوٹی اور دو وقت کے کھانے سے محرومی ہوئی ہے وہیں سڑکیں بھی شدید ٹوٹ پھوٹ کا شکار ہیں،سرکار دعوے کرنے کیساتھ کام سے اجتناب بھی کرتی ہے،اربوں روپیہ کی لاگت سے بننے والا قصور بائی پاس عدم توجہی کے باعث ناکارہ

    تفصیلات کے مطابق موجودہ دور حکومت میں جہاں چلتے پھرتے زندہ انسان دو وقت کی روٹی سے محروم ہوئے ہیں وہیں ضلع قصور کی سڑکیں بھی اپنی زبوں حالی کی تصویر بنی ہوئی ہیں قصور کی سب سے اہم سڑک باٸی پاس مکمل خستہ حال ہو چکا ہے جس کی وجہ موجودہ گورنمنٹ میں ایک بار بھی مرمت نا کرنا ہے اس بائی پاس پر قصور روڈ پر واقع روہی نالہ کا پل شدید ٹوٹ پھوٹ کا شکار ہے اور اپنی زبوں حالی کی تصویر بنا ہوا ہے اس روڈ پر آئے روز حادثات معمول بن گئے ہیں جس سے کتنے ہی لوگ موت کا شکار ہو گئے ہیں جبکہ اس روڈ پر کڑورں روپیہ کی لاگت سے لائٹیں لگ تو گئی لیکن چل نہ سکی ہیں جس کے باعث ابتک سینکڑوں وارداتیں ہو چکی ہیں
    شہریوں نے سرکار سے فریاد کی ہے کہ خدارا اب تو کچھ کیجئے تاکہ آپ کا فوٹو شوٹ کچھ تو حقیقت پر مبنی ہو

  • وزیر ا اعظم عمران خان آج پنڈ دادنخان میں جلال پور کنال کا سنگ بنیاد رکھیں گے

    وزیر ا اعظم عمران خان آج پنڈ دادنخان میں جلال پور کنال کا سنگ بنیاد رکھیں گے

    پنڈدادن خان: وزیر اعظم پاکستان عمران خان کا دورہ قلعہ نندنہ وزیر اعلی پنجاب عثمان بزدار باغانوالہ پہنچ گے ۔ ائی جی پنجاب وزیر اعلی کےہمراہ وزیر اعلی پنجاب عثمان بزدار وزیر اعظم پاکستان عمران خان کا استقبال کریں گے سیکورٹی کے انتہائی سخت انتظامات تین ہیلی پیڈ تیار ہیں۔ وزیر اعظم پاکستان عمران خان کا دورہ قلعہ نندنہ وزیر اعلی پنجاب عثمان بزدار باغانوالہ پہنچ گے جہاں پر وہ وزیر اعظم پاکستان عمران خان کا استقبال کریں گے وزیر اعلی پنجاب عثمان بزدار کے ساتھ ایم ڈی ٹورزم سمیت متعدد صوبائی وزیر اور اعلی آحکام شامل ہیں وزیر اعظم پاکستان عمران خان اج قلعہ نندنہ میں دسویں صدی عیسوی میں تعیمر ھونے والے قعلہ نندنہ میں مشہور تاریخ دان ابو ریحان البیرونی سنٹر کا افتتاح کریں گے وزیر اعظم پاکستان ٹلہ جوگیاں اور وادی جھنگر میں نیشنل پارکس سمیت متعدد منصوبوں کا افتتاح کریں گے وزیر اعظم پاکستان عمران خان امد کے پیش نظر سیکورٹی کے انتہائی سخت انتظامات کیے گے ہیں چھ سو کے قریب سیکورٹی اہلکار تعنیات کیے گے ہیں جبکہ تین ہیلی پیڈ تیار کیے گئے ہیں ڈی سی جہلم راو پرویز اختر ڈی پی او جہلم شاکر حسین داوڈ سمیت وزیر اعظم پاکستان وزیر اعلی پنجاب عثمان بزدار کا سیکورٹی سٹاف بھی باغوالہ میں پہنچ گیا ھے
    وزیر اعظم پاکستان عمران خان قلعہ نندنہ پہنچ گے وزیر اعلی پنجاب عثمان بزدار وفاقی وزیر چوہدری فواد زلفی بخاری نے استقبال کیا۔ وزیر اعظم پاکستان عمران خان قلعہ نندنہ میں الیبرونی ریسرچ سنٹر کا سنگ بنیاد رکھیں گے۔ وزیر اعظم پاکستان ٹلہ جوگیاں کا فضائی جاہزہ لیں گے تین نیشنل پارکس سمیت متعدد سیاحتی منصوبوں کا سنگ بنیاد بھی رکھیں گے
    وزیر اعظم پاکستان عمران خان قعلہ نندنہ پہنچ گے جہاں پر وزیر اعلی پنجاب عثمان بزدار وفاقی وزیر چوہدری فواد حسین زلفی بخاری ائی جی پنجاب سمیت اعلی آحکام نے انکا استقبال کیا وزیر اعظم پاکستان تاریخی اہمیت کے حامل مقام قلعہ نندنہ باغانوالہ میں الیبرونی رسرچ سنٹر کے قیام کا سنگ بنیاد رکیھں گے جبکہ وزیر اعظم پاکستان ٹلہ جوگیاں کا فضائی جاہزہ لیں گے وادی جھنگر میں نیشنل پارکس سمیت دیگر سیاحتی منصوبوں کا سنگ بنیاد بھی رکھیں گے وزیر اعظم پاکستان عمران خان پودا لگا کر شجر کاری مہم کا آغاز بھی کریں گے۔

  • ابھینندن کو خیر سگالی جذبے کے تحت واپس بھیجنا وزیر اعظم عمران خان کی سفارتی فتح،فیاض الحسن چوہان

    ابھینندن کو خیر سگالی جذبے کے تحت واپس بھیجنا وزیر اعظم عمران خان کی سفارتی فتح،فیاض الحسن چوہان

    وزیر جیل خانہ جات پنجاب فیاض الحسن چوہان کا کہنا ہے کہ آج کا دن پاک فضائیہ کے شاہینوں کو خراج تحسین پیش کرنے کا دن ہے۔ 27 فروری 2019 کو بھارتی فلم "تارے زمیں پر” کے جواب میں "طیارے زمیں پر” کی ریلیز کا دن ہے۔ پاک فضائیہ کی بنائی گئے "طیارے زمیں پر” نے باکس آفس پر سپر ہٹ کارکردگی دکھائی۔ فلم کا سب سے مشہور ڈائیلاگ "ٹی از فینٹاسٹک” اور مشہور سین ابھینندن کے گالوں پر تھپکی رہا۔ ابھینندن کو خیر سگالی جذبے کے تحت واپس بھیجنا وزیر اعظم عمران خان کی سفارتی فتح ٹھہری۔ پاکستان نے رہتی دنیا تک بھارت کو پیغام دے دیا کہ پاکستان کی طرف میلی آنکھ سے نہ دیکھے۔ پاک فضائیہ اور بالخصوص پاک فوج دشمن کے ہر ناپاک ارادے کو خاک میں ملانے کی صلاحیت رکھتے ہیں۔