Tag: عمران خان

سینئر مرکزی رہنما کا کہنا ہے کہ اپوزیشن نے وزیر اعظم عمران خان کے بغض میں ”میں نہ مانوں ”کی رٹ لگا رکھی ہے ‘ ۔ ماضی کی حکومتوں کے پیدا کردہ بیگاڑدو سے تین سالوں میں درست نہیں کئے جا سکتے ‘
لاہور: پاکستان تحریک انصاف کے سینئر مرکزی رہنما و سابق وفاقی وزیر ہمایوں اختر خان نے کہا ہے کہ بدقسمتی سے سابقہ حکمرانوں نے غیر ملکی قرضوں سے ایسے منصوبے بنائے جو اپنی تکمیل کے بعد قرضے واپس کرنے کی بھی صلاحیت نہیں رکھتے ، ماضی کی حکومتوں کے پیدا کردہ بیگاڑاس قدر گھمبیر صورتحال کر چکے ہیں کہ انہیں دو سے تین سالوں میں درست نہیں کیا جا سکتا ، وزیر اعظم عمران خان نے اپنے سیاسی مفادات کو ایک طرف رکھتے ہوئے ملک و قوم کے بہترین مفادمیں اصلاحات کی کڑی گولی نگلنے کا فیصلہ کیا جسے عالمی اداروںنے بھی سراہا ہے۔ ان خیالات کا اظہار انہوں نے پارٹی کے سینئر رہنما اعجاز چوہدری کو بلا مقابلہ سینیٹر منتخب ہونے پر مبارکباد دینے اورحلقہ این اے 131کے اکابرین کے وفد سے ملاقات میں گفتگوکرتے ہوئے کیا ۔ ہمایوں اختر خان نے کہا کہ موجودہ حکومت نے قطر کے ساتھ طے پانے والے معاہدے پر نظر ثانی کیلئے مسلسل ایک سال تک مذاکرات کئے اوراس کے نتیجے میں سالانہ 300ملین ڈالر کم کرانے میں کامیاب ہوئی ،کیا ماضی میں اس طرح کی کوئی مثال موجود ہے ؟،پاکستان جیسے ملک کے لئے د س سالوںمیں 10ارب ڈالر کی بچت ہوا کا تازہ جھونکا ہے ۔ انہو ںنے کہا کہ آج روپیہ مستحکم ہے ،ہماری برآمدات بڑھ رہی ہیں ، اوور سیز پاکستانی حکومت پر اعتماد کر رہے ہیں اور کورونا وباء کے باوجودترسیلات زر میں ریکارڈ اضافہ ہوا ہے ۔انہوں نے کہا کہ اپوزیشن نے صرف وزیر اعظم عمران خان کے تعصب او ربغض میں ”میں نہ مانوں ”کی رٹ لگا رکھی ہے لیکن عوام حقائق سے آگاہ ہیں

نور الحق قادری کا کہنا ہے کہ وزیر اعظم عمران خان کی درخواست پر سری لنکن حکومت نے اپنی مسلم آبادی کا دیرینہ مطالبہ مان لیا ہے ۔ سری لنکا کی اسلامی تنظیمیں کافی عرصہ سے اپنی مذہبی عقائد کے مطابق تدفین کا مطالبہ کررہی تھیں۔ سری لنکا میں کورونا وباء کے دوران جاں بحق ہونے والے مسلمانوں کی میتوں کو جلایا جارہا تھا۔وزیر اعظم نے اپنے دورہ کے دوران سری لنکن وزیر اعظم سے خصوصی درخواست کی تھی۔ وزیر اعظم کا دورہ سری لنکا رنگ لے آیا۔پاکستان پہنچتے ہی جاں بحق ہونے والوں کی تدفین کے احکامات جاری ہوگئے۔سری لنکا کے مفتی رضوی نے مسلم کمیونٹی کی جانب سے وزیر اعظم پاکستان کا شکریہ ادا کیا۔وزیر اعظم کو مسلم امہ کے جذبات کی بہترین ترجمانی کرنے پر خراج تحسین پیش کرتے ہیں۔

‏ترجمان مسلم لیگ ن مریم اورنگزیب کا وزیراعظم اوروزیراعلیٰ پنجاب کےخلاف کارروائی کا مطالبہ‏ کیا۔

مریم اورنگزیب‏ کا کہنا ہے کہ ووٹ اورالیکشن کمیشن کےعملے کی چوری کے اصل ذمے دارعمران صاحب ہیں، ووٹ چوری کےاصل سرغنہ کےخلاف کارروائی تک احتساب نامکمل رہے گا،تمام حقائق اور شواہد بتارہے ہیں ووٹ کی امانت میں خیانت عمران صاحب نےکی،اصل مجرموں کےخلاف کارروائی تک انصاف کے تقاضے پورے نہیں ہوں گے۔2018 کی ووٹ چوری کی پیداوار2021 میں واردات دہراتےپکڑےگئے۔عمران خان،عثمان بزدارکےخلاف کارروائی بغیرالیکشن کمیشن کا فیصلہ نامکمل ہے۔چارحلقوں کا شورمچانےوالا ایک حلقہ کھلنےپراپیل سپریم کورٹ لےجارہا ہے۔

وزیرِ اعظم عمران خان کی زیر صدارت لاہور میں سنٹرل بزنس ڈسٹرکٹ کے قیام اور راوی سٹی منصوبے کے حوالے سے ہفتہ وار اجلاس ہوا جس میں وزیرِاعظم کو والٹن لاہور میں قائم ہونے والے سنٹرل بزنس ڈسٹرکٹ کے قیام کے حوالے سے بریفنگ دی گئی۔
اجلاس کو بتایا گیا کہ گنجان آبادی کے پیش نظر لاہوروالٹن میں تربیتی پروازوں کے لئے استعمال ہونے والا ائیرپورٹ ہوائی پروازوں کے لئے غیر محفوظ بن چکا ہے۔ ان خطرات کا مستقل تدارک اور آبادی کے تحفظ کے لئے تربیتی پروازوں کے لئے استعمال ہونے والے اس ائیرپورٹ کو محفوظ مقام پر شفٹ کرنا نہایت ضروری ہے۔
وزیرِ اعظم نے اس امر پر نہایت تشویش کا اظہار کیا کہ گذشتہ چند سالوں میں آبادی کی وجہ سے اس ائیر پورٹ پر دو تین حادثے رونما ہو چکے ہیں تاہم کوئی جانی نقصان نہیں ہوا۔
وزیرِ اعظم کو بتایا گیا کہ سنٹرل بزنس ڈسٹرکٹ کے قیام کے بعد اربوں روپے کی مالیت کی اس زمین کو بھرپور معاشی سرگرمیوں کے لئے استعمال کیا جا سکے گا۔
وزیرِ اعظم کو روای سٹی منصوبے پر اب تک پیش رفت پر بھی تفصیلی بریفنگ دی۔ وزیرِ اعظم کو بتایا گیا کہ مجوزہ راوی سٹی میں ماحولیات پر خصوصی توجہ دی جا رہی ہے۔راوی سٹی میں زراعت و کاشتکاری کے جدید طریقہ کار ورٹیکل فارمنگ کو فروغ دیا جائے گا جس سے نہ صرف پیداواری اضافہ ممکن ہوگا بلکہ زمین کا بھرپور استعمال بھی میسر آئے گا۔ مجوزہ روای سٹی تک آسان رسائی کے لئے لاہور موٹر وے سے 20 کلومیٹر طویل سڑک تعمیر کی جائے گی تاکہ یہاں کے رہائشیوں کو شہر تک آسان رسائی ممکن بنائی جا سکے۔ وزیراعظم نے راوی سٹی منصوبے پر بات کرتے ہوئے کہا کہ راوی سٹی منصوبہ نہ صرف شہر لاہور کی رہائشی و دیگر ضروریات کو پورا کرنے کے حوالے سے نہایت اہم منصوبہ ہے بلکہ اس سے لاہور شہر اور ملک بھر کے عوام کے لئے معاشی سرگرمیوں کے بے شمار مواقع پیدا ہوں گے۔ وزیرِ اعظم نے ہدایت کی کہ راوی سٹی منصوبے پر پیش رفت کے حوالے سے انہیں مسلسل آگاہ رکھا جائے۔

وزیر جیل خانہ جات پنجاب فیاض الحسن چوہان کا بیان۔
وزیر اعظم عمران خان کی جانب سے این اے 75 ڈسکہ کے بیس پولنگ سٹیشنز پر الیکشن کمیشن کو دوبارہ الیکشن کروانے کا مطالبہ لائق تحسین ہے۔ وزیراعظم عمران خان نے جمہوری اقدار اور سپورٹس مین سپرٹ کا مظاہرہ کرتے ہوئے شفافیت کو مدنظر رکھا ہے۔ اپوزیشن کی کم ظرفی 2013 کے بعد چار حلقے کھولنے کی درخواست پر سب نے دیکھ لی۔ دو سال کی طویل عوامی جدوجہد، اور شدید حکومتی مزاحمت کی گواہی تاریخ میں رقم ہے۔ معصوم انسانوں کا خون بہا کر اور اعلیٰ عدالتوں سے ذلت اٹھا کر ن لیگ نے چار حلقے کھولے۔ وزیراعظم عمران خان نے آزادانہ اور شفاف انتخابی عمل کو ذاتی مفاد پر ترجیح دی۔
پاکستان تحریک انصاف کا مقصد خاندانوں کی بجائے اداروں کو مضبوط کرنا ہے۔ وزیر اعظم عمران خان نے سیاست میں ہمیشہ اعلیٰ اقدار متعارف کرائی ہیں۔ وزیراعظم عمران خان کے اس اعلان سے پاکستانی معاشرے میں جمہوری اقدار کو فروغ ملے گا۔

پاکستان تحریک انصاف کے ایم این اے اور پارلیامینٹری سیکریٹری ھیومن رائٹس لال چند مالہی نے آج ضلع تھرپارکر کی تحصیل ننگرپارکر میں قائم کردہ احساس پروگرام کے مراکز کا دورہ کیا اور احساس پروگرام کے مقامی افسران سے بریفنگ لی۔
اس موقع پر بات کرتے ھوے انھون نے کہا کہ وزیر اعظم عمران خان کا خواب ھے کہ پسے ھوئے اور کئی دھائیوں سے محروم طبقات کو اوپر لایا جائے اور حکومت ان طبقات کی ترقی کو یقینی بنائے۔
لال چند مالہی نے کہا کہ ضلع تھرپارکر میں کرونا کے دوران ایک لاکھ پچھتر ھزار خاندانوں کو 12000 کیش امداد دی گئی۔ امداد کسی بھی سیاسی مداخلت سے پاک اور بغیر کسی رنگ نسل مزھب اور سیاسی امتیاز کے دی گئی۔ اب ایک اور قسط جاری کر دی گئی ھے اور پورے ملک میں 70 لاکھ خاندانوں کو جون تک بارہ ھزار کی کیش امداد فراھم کی جائے گی۔ انھوں نے کہا کہ خوشحال پاکستان سروے اپنے آخری مراحل میں ھے اور اس کے بعد ان مستحق خاندانوں کے بچوں کی تعلیم کا خرچ بھی حکومت برداشت کرے گی۔
لال چند مالہی نے عمران خان اور مخدوم شاہ محمود کا شکریہ ادا کرتے ھوئے کہا کہ حکومت کی جانب سے تھرپارکر کے ھر خاندان کو صحت کارڈ مہیا کیا جا چکا ھے جس کی مدد سے اب ھر خاندان کا ساڑھے سات لاکھ کی مالیت کا صحت انشورنس حاصل ھے۔ تھرپارکر سندھ کا واحد ضلع ھے جسے صحت کارڈ مہیا کر دیا گیا ھے۔
انھوں نے مزید کہا کہ تھرپارکر کے لیے وزیر اعظم کی جانب سے اعلان کردہ 100 آر او پلانٹس پر کام جلد شروع ھو جائے گا۔
پی ٹی آئی اہم این اے نے مطالبہ کیا کہ پی پی پی کی صوبائی حکومت اپنا فرض پورا کرے اور تھر کی عوام کو پانی، صحت ، تعلیم اور دیگر صحولیات فراھم کرے۔ انھون نے الزام عائد کیا کہ پی پی پی کے عوامی نمائندگان تھر کی عوام سے ووٹ لے کر غائب ھو جاتے ھیں۔ اب تھر کی عوام کو بھی جاگنا ھوگا اور ان بہروپیون کو بھگانا ھوگا۔ انھوں نے مزید کہا کہ پیپلز پارٹی کو کہتی تھی کہ جمہوریت بہترین انتقام ھے اب سمجھتی ھے کہ انتقام بہترین جمہوریت ھے۔ سندھ میں مخالفین کو بدترین انتقام کا نشانہ بنایا جا رھا ھے اس کی مثال حلیم عادل شیخ اور تھرپارکر میں جھوٹی ایف سی آرز کا داخل ھونا ھے۔
اس موقع پر پاکستان تحریک انصاف کے مقامی رہنما اکبر پلی، کرشن شرما اور دیگر ہمراہ تھے۔

بزدارسرکار نے شہر لاہور کو تباہی و بربادی کا نمونہ بنا دیا ہے۔ حکمرانوں نے عوام کو سہولیات کے حوالے سے دو طبقوں میں تقسیم کر دیا ہے۔عمران خان سمیت تمام سیاسی پارٹیوں اور سیاست دانوں نے لاہور کا بیڑا غرق کر دیا ہے۔جماعت اسلامی لاہورگذشتہ دو ماہ سے اہل لاہور کے حقوق کے حصول کیلئے احتجاج کررہی ہے۔
حکمرانوں کی نااہلی کی وجہ سے شہر لاہور گندگی اور فضائی آلودگی میں دنیا کا گندہ ترین شہر بن چکا ہے۔
لاہور کے حکمرانوں اور بیورو کریسی کو خبردار کرتے ہیں کہ لاہور کے مسائل کو حل کرو ورنہ ہم تمہارا ہر جگہ گھیراؤ کریں گے۔
اہل لاہور جماعت اسلامی کی اب جاگ میرے لاہور مہم کے تحت حکمرانوں کا احتساب کرنے کیلئے سٹرکوں پر موجود ہیں۔
جماعت اسلامی غربی لاہور کے زیر اہتمام احتجاجی مظاہرے سے میاں ذکر اللہ مجاہد،چوہدری محمودالاحد، عبدالعزیز عابد و دیگر قائدین کا خطاب
لاہور امیر جماعت اسلامی لاہور میاں ذکر اللہ مجاہد نے کہا ہے کہ حکمرانوں نے عوام کو سہولیات دینے کے حوالے سے دو طبقوں میں تقسیم کردیا ہے۔موجودہ حکومت نے عوامی مسائل کو حل کرنے کی بجائے اس میں دو گنا اضافہ کر دیا ہے۔حکمرانوں کی بے حسی اور عوام دشمن پالیسیوں کی وجہ سے پٹرولیم مصنوعات بجلی، گیس،آٹا، چینی،دالیں، آئل، سبزیاں سمیت تمام ضروریات زندگی کی قیمتیں آسمانوں سے باتیں کر رہی ہیں اور غریب آدمی ان اشیاء کے حصول کیلئے پریشان ہے۔ حکومت نے آئی ایم ایف کی غلامی میں سب حدیں پار کردیں ہیں۔ ملک کی عوام مہنگائی میں پس رہے ہیں جبکہ لاہوریے گندگی اور تعفن سے پریشان سٹرکوں پر سراپا احتجاج ہے۔ان خیالات کا اظہار انہوں نے جماعت اسلامی غربی لاہور کے زیر اہتمام اب جاگ میرے لاہور مہم کے تحت منصورہ ملتان چونگی وحدت روڈ پر احتجاجی مظاہرے سے خطاب کرتے ہوئے کیا۔احتجاج مظاہرے میں نائب امیر جماعت اسلامی و کنونیئر شہری مسائل کمیٹی لاہور چوہدری محمود الاحد،امیر جماعت اسلامی غربی لاہور عبدالعزیز عابد،چوہدری عبد القیوم گجر، میاں رضوان یوسف، غلام حسین بلوچ سمیت بڑی تعداد میں اہل علاقہ نے شرکت کی۔احتجاجی مظاہرے میں پی ٹی آئی رائے ونڈ روڈ کے سیکرٹری انجینئر عابد رشید نے لوگوں کی بڑی تعداد کے سامنے جماعت اسلامی میں شمولیت کااعلان بھی کیا۔میاں ذکر اللہ مجاہد نے مزید کہا کہ شہر لاہور گندگی کی آماجگاہ بن گیا ہے۔صوبائی دارالحکومت میں زندوں لوگوں کے ساتھ ساتھ مردوں کے بھی مسائل ہیں۔منصورہ اور ارد گرد کے علاقوں کیلئے قبرستان بہت بڑا مسئلہ بن چکا ہے جو حکمرانوں کی عدم توجہ کی وجہ سے التوا کا شکار ہے۔انہوں نے کہا کہ مسائل کا حل پاکستان کو بیچنے والوں سے نجات میں ہے۔بزدار سرکار نے شہر لاہور کو تباہی و بربادی کا نمونہ بنا دیا ہے۔ جماعت اسلامی لاہورگذشتہ دو ماہ سے اہل لاہور کے حق کے حصول کیلئے احتجاج کررہی ہے۔لوگ کے پاس پینے کیلئے صاف پانی کیلئے میسر نہیں ہے لیکن حکومت باتوں میں دودھ اور شہد کی نہریں بہا رہی ہے لیکن جماعت اسلامی اس کے خلاف میدان میں نکلی ہے اور لاہوریوں کو بیدار کریگی اور ان کا حق لے کر رہیں گے۔حکمرانوں سے مطالبہ کرتے ہیں وہ بتائیں اقتدار سے قبل عوامی ریلیف کے جو بلندو بانگ دعوے اور وعدے کیے تھے وہ کہاں گئے۔ حکمران کب ان وعدوں کا پورا کریں گے۔ جب تک حکمران عوام سے کیے وعدوں کی تکمیل نہیں کریں گے اس وقت تک جماعت اسلامی کا احتجاج جاری رہے گا۔انہوں نے مزید کہا کہ وزیر اعظم پاکستان عمران خان سمیت تمام سیاسی پارٹیوں اور سیاست دانوں نے شہر لاہور کا بیڑا غرق کر دیا ہے۔آج کے احتجاج میں سوئی گیس او رپینے کے صاف پانی کی عدم دستیابی، آٹا، چینی، بجلیاور پٹرول کی قیمتوں میں ظالمانہ اضافے کو مسترد کرتے ہیں اور شہر کو کچرا کنڈی میں بدلنے پر نااہل حکمرانوں سے مطالبہ کرتے ہیں کہ شہر میں صفائی کا نظام بحال کیا جائے،بجلی و گیس اور پٹرول کی قیمتیں کم کی جائے۔غربی لاہور میں قبرستان کا مسئلہ حل کیا جائے۔مہنگائی اور بے روزگاری کو کم کرنے کیلئے فی الفور اقدامات کیے جائیں۔اگر حکمرانوں نے عوام سے کیے اپنے دعووں کی تکمیل کیلئے فی الفور اقدامات نہیں کیے تو گھر جانے کیلئے تیار رہیں عوام کی برداشت جواب دے چکی ہے۔جماعت اسلامی اہل لاہور کو تنہا نہیں چھوڑے گی۔اس موقع پر نائب امیر جماعت اسلامی و کنونیئر شہری مسائل کمیٹی لاہور چوہدری محمود الاحد اورامیر جماعت اسلامی غربی لاہور عبدالعزیز عابد نے کہاکہ شہر لاہور جو ترقی میں نمایاں مقام رکھتا تھا اب گندگی میں سب سے آگے بڑھ چکا ہے۔ شہر لاہور میں عوام کیلئے ٹرانسپورٹ کا کوئی نظام نہیں ہے۔لاہور ویسٹ مینجمنٹ نے شہر کے گلی کوچوں کو ڈمپنگ سائیٹ میں تبدیل کردیا ہے۔انہوں نے مزید کہا کہ شہر لاہور کو قبضہ گروپوں سے آزاد کروا کر رہیں گے۔ شہر لاہور کے باسیوں کا استحصال مزید برداشت نہیں ہوگا۔ حکومت اب عوام کے غیض و غضب کیلئے تیار ہو جائے۔مسائل کے حل کا واحد راستہ کرپشن سے پاک باکردار قیادت میں ہے۔عوام جماعت اسلامی کی باکردار اور باصلاحیت کا قیادت کا ساتھ دیں شہر لاہور کو حقیقی معنوں میں مسائل سے پاک باغوں اور پھولوں کا شہر بنا دیں گے۔

سندھ نے پنجاب میں گندم کی فی من قیمت1800سومقررکرنے والےفیصلے کو کسان دشمن قرار دیدیا.
وزیر زراعت سندھ کا کہنا ہے کہ پی ٹی آئی حکومت کا یہ فیصلہ کاشتکاروں کے ساتھ مزاق ہے,پنجاب سب سے زیادہ گندم پیدا کرنے والا صوبہ ہے,پنجاب نےگندم کی قیمت2ہزار روپے مقرر نہ کی تو ایک مرتبہ پھر گندم بحران پیدا ہوگا،
آٹے کی قیمتیں مزید بڑھ جائینگی,سندھ پہلے ہی دوہزار روپے قیمت کرنے کی وفاق کو سفارش کرچکا ہے، دونوں زیادہ گندم اگانے والےصوبوں میں 200 سو روپیے کا فرق بہت زیادہ ہے، پنجاب حکومت کا یہ فیصلہ گندم کی قیمت میں ایک عدم توازن پیدہ کریگا,سندھ کو بھی مجبور کیا جا رہا ہے کہ وہ خریداری قیمت کم رکھے,بزدار صاحب کسی اور کی نہیں تو اپنی ہی اسمبلی کی سن لو,پنجاب اسمبلی بھی گندم کی قیمت دو ھزار رکھنے کی متفقہ قرارداد پاس کر چکی ہے,گندم کی پیداواری لاگت بہت زیادہ ہو چکی ہے,پچھلے ڈھائی برس میں زرعی پیداواری لاگت میں تین گنا اضافہ ہو چکاہے,کسان اور کاشتکار بہت بڑے معاشی بحران کا شکار ہیں,نیازی صاحب کسانوں سے لوٹ مار کرکے گندم اور آٹا مافیاز کو فائدہ پہنچا رہا ہے,عمران خان کی حکومت آنےکےبعد ملکی زراعت کو بہت نقصان پہنچا ہے۔