Tag: غزہ

غزہ میں ہونے والے اسرائیلی فوج کے مظالم پر دنیا بھر میں احتجاج کا سلسلہ جاری ہے۔

باغی ٹی وی : برطانیہ میں فلسطینیوں کے حق میں مظاہرہ کیا گیا جبکہ گلاسگو اور آئرلینڈ میں مظاہرین نے اسرائیل کے لیے فنڈنگ اور ہتھیاروں کی فراہمی روکنے کا مطالبہ بھی کیاادھر فرانس میں فلسطینیوں اور لبنانیوں سے اظہار یکجہتی کی گئی، پیرس میں سیکڑوں افراد غزہ اور لبنان میں اسرائیلی جارحیت کے خلاف سڑکوں پر نکلے جبکہ سوئیڈن میں بھی فلسطین اور لبنان میں اسرائیل کے حملے رُکوانے کے لیے احتجاج کیا گیا۔

دوسری جانب اسرائیلی دارالحکومت تل ابیب میں بھی ہزاروں افراد نے نیتن یاہو حکومت کےخلاف احتجاجی ریلی نکالی اور مظاہرین نے حکومت سے یرغمالیوں کی رہائی کیلئے فوری طور پر غزہ جنگ بندی معاہدہ کرنےکا مطالبہ بھی کیا۔

واضح رہے کہ 7 اکتوبر 2023 سے غزہ اور دیگر مقبوضہ فلسطینی علاقوں میں جاری اسرائیلی بمباری اور زمینی کارروائیوں میں اب تک 43 ہزار سے زائد افراد شہید اور ایک لاکھ سے زائد زخمی ہو چکے ہیں۔

غزہ: اسرائیلی فوج نے غزہ کے جبالیا کیمپ میں کئی مکانات کو بم لگا کر اڑا دیا۔

باغی ٹی وی: اسرائیلی فوج کا جبالیا کیمپ کا محاصرہ جاری ہے اور صیہونی فورسز نے ایک ہفتے میں 200 سے زیادہ فلسطینیوں کو شہید کر دیا ہے جبکہ ہزاروں فلسطینی محصور ہو کر رہ گئے ہیں۔دوسری جانب حماس نے اسرائیلی فوج پر وار کیے جس سے کئی اسرائیلی فوجی ہلاک و زخمی ہونے کی اطلاعات ہیں۔

سعودی عرب کی وزارت خارجہ نے اسرائیلی حکام کی جانب سے مقبوضہ بیت المقدس میں اقوام متحدہ کی ریلیف اینڈ ورکس ایجنسی برائے مہاجرین (انروا) کے ہیڈکوارٹر کی اراضی ضبط کرنے کے فیصلے کی سخت ترین الفاظ میں مذمت کی ہے۔ سعودی عرب نے اسرائیلی حکومت کے اس اقدام کو فلسطینی اراضی کا سرقہ قرار دیا ہے۔

سعودی عرب کی طرف سے بین الاقوامی قوانین اور قراردادوں کی غیر منظم اسرائیلی خلاف ورزیوں، اقوام متحدہ کی ایجنسیوں اور امدادی تنظیموں کو منظم سیاسی اور فوجی انتقام کا نشانہ بنانے اور اس کے کارکنوں کی زندگیوں کو مسلسل خطرے میں ڈالنے کی بھی شدید نذمت کی۔

بیان میں کہا گیا ہے کہ ’انروا‘ ایک انسانی ہمدردی کا ادارہ ہے جس کا مشن فلسطینی پناہ گزینوں کی مدد کرنا ہے۔ سعودی عرب ’انروا‘ کے خلاف اسرائیلی حکومت کے اس اقدام کو انسانی مشن کے خلاف اقدام کے طور پر دیکھتا ہے اور اس کی سخت الفاظ میں مذمت کرتا ہے۔

ادھر اسرائیلی طیاروں نے جنوبی لبنان پر بھی شدید بمباری کی، باطیہ قصبے کے بازار کو نشانہ بنایا، لبنان میں اسرائیلی فوج نے 23 علاقوں سے شہریوں کو انخلا کا حکم دیا ہے،لبنان میں اسرائیلی حملوں میں 24 گھنٹوں کے دوران مزید 78 افراد جاں بحق ہوگئے، حزب اللہ نے بھی شمالی اسرائیل پر راکٹ حملے کیے اور حیفا شہر میں فوجی اڈے کو نشانہ بنایا اسرائیلی فوج نے زیادہ تر راکٹ مار گرانے کا دعویٰ کیا ہے –

دوسری جانب مشرق وسطیٰ میں بڑھتی کشیدگی کے تناظر میں ایران اور اسرائیل کے درمیان باقائدہ جنگ کا خطرہ موجود ہے اور امریکا نے جنگ کی صورت میں اسرائیل کے دفاع کا فیصلہ کیا ہے۔

عرب میڈیا کے مطابق اسماعیل ہنیہ اور حسن نصراللہ کے قتل کا بدلہ لینے کے لیے دو ہفتے قبل ہونے والے ایرانی میزائل حملوں کے جواب میں اب اسرائیل حملے کی تیاری کر رہا ہے اور اس کے جواب میں مزید ایرانی حملوں کے دفاع کی بھی تیاری کا جائزہ لے رہا ہے۔

رپورٹ کے مطابق ایران نے بھی کسی ممکنہ حملے کی صورت میں جوابی حملے کا پلان بنا رکھا ہے اور اسی جوابی حملے سے اسرائیل کو بچانے اور اس کے دفاع کے لیے امریکا نے اسرائیل کو اینٹی میزائل ڈیفنس سسٹم دینے کا فیصلہ کیا ہے جو ٹرمینل ہائی ایلٹیٹیوڈ ایریا ڈیفنس” (THAAD) کہلاتا ہے۔

خبر ایجنسی کے مطابق امریکا تھاڈ اینٹی میزائل ڈیفنس سسٹم اسرائیل میں نصب کرے گا جو 150 سے 200 کلومیٹر کی رینج میں آنے والے میزائلوں کو تباہ کرنے کی صلاحیت رکھتا ہے۔

اسرائیل نے نیواتم ائیر بیس اور انٹیلی جنس اڈے پر ایرانی میزائل گرنے کی رپورٹ دینے والے امریکی صحافی سمیت 5 صحافیوں کو گرفتار کر لیا ہے

اسرائیل نے جیریمی لوفرڈو نامی صحافی پر دوران جنگ دشمن کی مدد کرنےکا الزام لگایا ہے،اسرائیل نے صحافیوں کے خلاف کاروائی کی ہے اور انکو حراست میں لیا ہے،اس ضمن میں روسی صحافی آندرے ایکس کا کہنا ہےکہ اس سمیت دو صحافیوں کو بنا کسی الزام اسرائیلی فوج نے 11 گھنٹوں تک حراست میں رکھا اور تشدد کا نشانہ بنایا

واضح رہے کہ ایران نے یکم اکتوبر کو اسرائیل پر 190 بیسلٹک میزائل فائر کیے تھے اور اس حوالے سے ایران کے پاسداران انقلاب کا دعویٰ ہے کہ 90 فیصد میزائل نے اہداف کو کامیابی سے نشانہ بنایا تا ہم اسرائیلی حکام کا کہنا ہے کہ ایران کی جانب سے فائر کیے گئے زیادہ تر میزائلوں کو امریکا کی مدد سے ناکام بنا دیا، کچھ میزائل زمین پر گرے تاہم ان میں بھی کوئی جانی نقصان نہیں ہوا

دوسری جانب ایران نے امریکی اتحادیوں کو خبردار کیا ہے کہ حملے کے لیے جس کی فضائی یا زمینی حدود استعمال ہوئی وہ نشانہ ہوگا،ایرانی اخبار کے مطابق ایران نے خلیج فارس میں امریکی اتحادیوں کو خبردار کیا جس میں خفیہ سفارتی ذرائع سے اردن، امارات، سعودی عرب اور قطر کو پیغام دیا گیا ہے،اخبار نے دعویٰ کیا ہے کہ ان ممالک نے بائیڈن انتظامیہ پر واضح کیا ہے کہ وہ امریکا یا اسرائیل کو اپنے فوجی انفرا اسٹرکچر یا فضائی حدود ایران کے خلاف جارحیت کے لیے استعمال کرنے دینا نہیں چاہتے ،اس سے قبل ایران نے اسرائیلی وزیر دفاع یواف گیلانٹ کی دھمکی کے جواب میں جوابی دھمکی دیتے ہوئے کہا تھا کہ ہماری انگلیاں ٹریگر پر ہیں، اگر اسرائیل نے حملہ کیا تو دشمن کو دھول میں اڑا دیں گے، اسرائیل کے اندر جو اہداف چاہے انہیں نشانہ بنایا، ایرو، ڈیوڈ سلنگ اور آئرن ڈوم اسرائیلی دفاعی نظام اور دیگر ملک ناکام رہے۔

اسرائیلی فوج کے لبنان کے شہری علاقوں پر حملوں میں‌ 5 سو سے زائد افراد کی موت ہوئی ہے جبکہ 1024 افراد زخمی ہوگئے ہیں، مرنے والے اور زخمی افراد میں خواتین ، بچے بھی شامل ہیں،

اسرائیلی فوج نے دعویٰ کیا ہے کہ اس نے لبنان میں حزب اللہ کے تقریباً 300 ٹھکانوں پر بیک وقت بمباری کی ہے، دوسری طرف اسرائیل میں ایمرجنسی نافذ کردی گئی ہے،حزب اللہ پر حملے کے بعد اسرائیلی حکومت نے اپنے ملک میں ایمرجنسی نافذ کر دی ہے،میڈیا رپورٹس کے مطابق اسرائیلی حملے میں حزب اللہ کے سینئر کمانڈر علی قراقی بھی مارے گئے ہیں، تاہم ابھی تک اس کی سرکاری طور پر تصدیق نہیں ہو سکی ہے۔

لبنان میں ایک خونی دن ، اسرائیل نے درجنوں بچوں سمیت تقریباً 500 افراد کو ہلاک کر دیا، لبنانی وزارت صحت کے مطابق،اسرائیلی حملے کے بعد بین الاقوامی ردعمل جاری ہے، جس میں کشیدگی پر قابو پانے اور خطے کو مزید کشیدگی سے بچانے کا مطالبہ کیا گیا۔ پیرس اور واشنگٹن سمیت عرب اور بین الاقوامی دارالحکومتوں کی جانب سے امن کا مطالبہ کیا گیا ہے۔ فرانس کے نئے وزیر خارجہ جین نول باروٹ نے اعلان کیا کہ ان کے ملک نے لبنان کی صورتحال پر تبادلہ خیال کے لیے اس ہفتے اقوام متحدہ کی سلامتی کونسل کا ہنگامی اجلاس بلانے کی درخواست کی ہے۔فرانسیسی وزیر نے نیویارک میں اقوام متحدہ میں کہا کہ ان کا ملک "فریقین اور ان کی حمایت کرنے والوں سے مطالبہ کرتا ہے کہ وہ کشیدگی کو روکیں اور ایک علاقائی تصادم کے پھیلنے سے بچیں ،اس وقت میں لبنانی عوام کے بارے میں ایسے وقت میں سوچ رہا ہوں جب اسرائیلی چھاپوں سے درجنوں شہری ہلاک ہوئے ہیں جن میں درجنوں بچے بھی شامل ہیں۔یہ حملے، جو بلیو لائن کے دونوں طرف (اسرائیل اور لبنان کو الگ کرنے والی) اور پورے خطے میں وسیع پیمانے پر کیے جا رہے ہیں، فوری طور پر بند ہونے چاہئیں۔”

اقوام متحدہ کے سیکرٹری جنرل انتونیو گوٹیرس نے تصدیق کی کہ وہ لبنان میں شہریوں کی بڑی تعداد میں ہلاکتوں پر "شدید فکر مند” ہیں، ایک سینئر امریکی اہلکار نے انکشاف کیا کہ امریکہ لبنان میں بحران پر قابو پانے کے لیے "ٹھوس نظریات” پیش کرنے کے عمل میں ہے، جس میں حزب اللہ کو نشانہ بنانے والے اسرائیلی زمینی حملے کی واشنگٹن کی مخالفت کا اعادہ کیا گیا ہے۔برطانوی وزیر خارجہ ڈیوڈ لیمی نے بھی لبنان اور اسرائیل میں میزائلوں اور فضائی حملوں کے آغاز اور اس کے نتیجے میں عام شہریوں کی ہلاکتوں پر اپنی "گہری تشویش” کا اظہار کیا۔ سعودی عرب میں، مملکت نے ایک بیان میں لبنان میں سیکورٹی کی پیش رفت پر اپنی گہری تشویش کا اظہار کیا، اور تمام فریقین سے تحمل کا مظاہرہ کرنے کی اپیل کی۔اردنی وزیر خارجہ ایمن صفادی نے ایکس پلیٹ فارم پر ایک ٹویٹ میں لبنان میں بڑھتی ہوئی کشیدگی کو روکنے کا مطالبہ کیا ، مصر نے "بین الاقوامی طاقتوں اور اقوام متحدہ کی سلامتی کونسل سے مطالبہ کیا کہ وہ لبنان میں اسرائیل کی بڑھتی ہوئی کشیدگی کو روکنے کے لیے فوری طور پر مداخلت کریں”، ملک کے ساتھ یکجہتی کا اظہار کرتے ہوئے اور اس کی خودمختاری کی "کسی بھی خلاف ورزی کو مکمل طور پر مسترد” کیا جائے۔ترکی نے خبردار کیا کہ لبنان میں اسرائیلی حملوں سے مشرق وسطیٰ کو مزید "افراتفری” میں دھکیلنے کا خطرہ ہے، عراق نے "اسرائیل کے مجرمانہ رویے کو روکنے” کے لیے اقوام متحدہ کی جنرل اسمبلی کے موقع پر عرب رہنماؤں کا "ہنگامی اجلاس” طلب کیا ہے۔

لبنان میں اسرائیل نے شہریوں کے خلاف نفسیاتی جنگ چھیڑ دی ، لوگوں کو خبردار کیا گیا ہے کہ وہ فوری طور پر اپنے گھر اور عمارتیں چھوڑ دیں۔ لبنانی حکام کے مطابق ان کے ملک کو 80 ہزار سے زائد مشکوک اسرائیلی کالز موصول ہوئی ہیں۔ ان میں لوگوں سے کہا گیا ہے کہ وہ اپنے گھر خالی کر دیں۔

اسرائیلی وزیراعظم بنجمن نیتن یاہو نے ایک ویڈیو پیغام میں کہا کہ میں لبنان کے عوام کو پیغام دینا چاہتا ہوں۔ اسرائیل کی لڑائی آپ سے نہیں ہے۔ ہم حزب اللہ سے لڑ رہے ہیں جو آپ کو ایک عرصے سے انسانی ڈھال کے طور پر استعمال کر رہی ہے۔ وہ آپ کے کمرے میں راکٹ اور آپ کے گیراج میں میزائل رکھ رہا ہے۔ وہ ہمارے ملک کے شہریوں پر حملے کر رہے ہیں۔ اپنی حفاظت کے لیے اب وقت آگیا ہے کہ ہم ان ہتھیاروں کو تلف کریں۔ اس لیے آپ سب کو خبردار کیا جا رہا ہے کہ حزب اللہ سے دور رہیں۔ براہ کرم ابھی محفوظ علاقوں میں چلے جائیں،اسرائیلی فوجی ترجمان نے کہا کہ اسرائیلی جنگی طیاروں نے پیر کے روز حزب اللہ کے 1,300 اہداف کو نشانہ بنایا جن میں کروز میزائلوں، طویل اور مختصر فاصلے تک مار کرنے والے راکٹون اور ڈرونز کو تباہ کر دیا ۔ انہوں نے وہ فوٹو دکھاتے ہوئے جن کے بارے میں ان کا کہنا تھا کہ وہ نجی گھروں میں چھپائے گئے ہتھیار تھے،اور کہا کہ بہت سے رہائشی علاقوں میں چھپائے گئے تھے ۔

مشرق وسطیٰ میں کشیدگی بڑھنے پر ایئر لائنز نے پروازیں معطل کر دیں۔

اسرائیل اور لبنان کے درمیان لڑائی کا دائرہ مزید پھیل گیا، عراقی گروہ بھی شامل

حزب اللہ کا جوابی وار،اسرائیل پر میزائل حملے،فوجی اڈہ نشانہ،یہودی چھپنے پر مجبور

لبنان پیجر دھماکے،بھارت بھی ملوث نکلا،تہلکہ خیز انکشاف

اسرائیل کا پیجرز میں دھماکا خیز مواد نصب کرنے کا انکشاف

لبنان میں پیجرز دھماکوں کے پیچھے کون؟،نیویارک ٹائمز کا انکشاف

اسرائیلی وزیراعظم کے قتل کی سازش کے الزام میں ایک شخص گرفتار

لبنان،پیجرز دھماکوں میں 11 اموات،4 ہزار سے زائد زخمی،اسرائیل پر الزام

لبنان میں پیجر دھماکوں پرحزب اللہ کا بیان جاری

امریکہ نے لبنان میں پیجر دھماکوں پر ردعمل ظاہر کر دیا

بیروت : ایران کے سفیر مجتبیٰ عمانی اسرائیلی پیجر دھماکوں میں زخمی، لبنان میں خون کے عطیات کی اپیل

غزہ:اسرائیل کا غزہ میں پناہ گزینوں کے سکول پر فضائی حملہ، 22 فلسطینی شہید ہوگئے۔

باغی ٹی وی : عرب میڈیا کے مطابق گزشتہ چوبیس گھنٹوں کے دوران اسرائیلی حملوں میں 30 فلسطینی شہری شہید ہوچکے ہیں، شہدا میں 13 بچے اور 6 خواتین شامل ہیں، اسرائیلی فضائیہ نے غزہ میں الزیتون سکول کو بھی نشانہ بنایا، حملے میں 30 افراد زخمی ہوئے، فلسطین وزارت صحت کے مطابق ہفتے کو غزہ میں الزیتون کے علاقے میں پناہ گزین سکول پر اسرائیلی فضائی حملے میں کم از کم 22 افراد شہید ہوئے جن میں زیادہ تر خواتین اور بچے شامل ہیں،جنگ کے دوران یہ سکول بند کر دیا گیا تھا جس کے بعد یہاں بے گھر افراد نے پناہ لی تھی۔

برطانوی خبر رساں ادارے روئٹرز کو ایک اور عینی شاہد احمد عظام نے کہا کہ میں نے اسکول میں کسی بھی مرد کو زخمی نہیں دیکھا تھا۔ شہید اور زخمی ہونے والے بچے تھے یا پھر خواتین۔ احمد عظام نے کہا کہ ہم مر رہے ہیں مگر ہمارے اسلامی پڑوسی صرف تماشا دیکھ رہے ہیں وہ اپنی زندگی میں مست ہیں اور اسرائیل سے پینگیں بڑھانے میں مصروف ہیں مظلوم فلسطینیوں کی مدد کرنے کے لیے مسلم دنیا میں سے کوئی بھی آگے نہیں بڑھ رہا۔

ژوب میں انسداد دہشت گردی فورس کی گاڑی پرحملہ،ایک اہلکار شہید جبکہ تین زخمی

واضح رہے اسرائیلی دہشت گردانہ حملوں میں غزہ میں شہدا کی مجموعی تعداد 41 ہزار 391 ہوگئی ہے جبکہ 95 ہزار 790 فلسطینی زخمی ہیں،جن میں زیادہ تعداد بچوں اور خواتین کی ہے-

ایم کیو ایم ،سنی تحریک کا شہر قائد کی بہتری کیلئے مل کر چلنے پر …

تل ابیب: اسرائیل میں یرغمالیوں کی رہائی اور غزہ جنگ بندی کے لیے وزیر اعظم نیتن یاہو کی حکومت کے خلاف بڑا مظاہرہ کیا گیا۔

باغی ٹی وی : غیر ملکی میڈیا کے مطابق اسرائیل کے دارالحکومت تل ابیب میں ہزاروں کی تعداد میں لوگوں نے نیتن یاہو کی حکومت کے خلاف ریلی نکالی، حکومت مخالف ریلی میں مظاہرین نے غزہ سے یرغمالیوں کی رہائی کا مطالبہ کیا جبکہ اس دوران مظاہرین نے ہاتھوں میں پلے کارڈ بھی اٹھا رکھے تھے اور مظاہرین نے حکومت کے خلاف نعرے بازی بھی کی، پولیس نے مظاہرین کو منتشر کرنے کی کوشش کی تاہم اس دوران پولیس اور مظاہرین کے درمیان جھڑپیں بھی دیکھنے میں آئیں جس کے نتیجے میں 15 مظاہرین کو پولیس نے گرفتار کر لیا۔