Tag: فرانس

پیرس: فرانس میں اسلاموفوبیا کے واقعات میں مسلسل اضافہ ہو رہا ہے،فرانس میں باقاعدہ منصوبہ بندی کے ساتھ رمضان المبارک میں مساجد کی بے حرمتی کی جارہی ہے۔

باغی ٹی وی : عالمی خبر رساں ادارے کے مطابق مسلم رہنماؤں کا کہنا ہےکہ فرانس میں صرف ایک ہفتے کے دوران دو مختلف شہرو ں کی 3 مساجد کو نشانہ بنایا گیا، ایک مسجد کے باہر سور کا سر پھینکا گیا جب کہ دو پر حملہ کرکے نمازیوں کو ہراساں کیا گیا، اسلام میں سور کا گوشت حرام ہے انتہاپسندوں نے مسلمانوں کو تکلیف پہنچانے کے لیے مسجد جیسی مقدس جگہ پر ایک حرام جانور کا سر کاٹ کر پھینکا تاکہ مسلمانوں کے جذبات مجروح کیے جا سکیں۔

بنگلا دیش میں خواجہ سراؤں کی علیحدہ مسجد تعمیرکردی گئی

پولیس تاحال اس مکروہ عمل کو کرنے والے ملزمان کو گرفتار کرنے میں ناکام رہی ہے، وزیر داخلہ جیرا لڈ ڈر مینین نے ان واقعات کی مذمت کرتے ہوئے کہا کہ یہ ناقابل قبول حرکت ہے، نسلی منافرت پر اکسانے کی تحقیقات شروع کردی گئی ہیں اور ذمہ داروں کو گرفتار کرکے قرار واقعی سزا دلوائی جائے گی۔

چوہدی سالک بشام حملے میں ہلاک چینی انجینیئرزکی میتیں لے کر چین پہنچ گئے

پی آئی اے کا آپریٹنگ منافع میں ہونے کا انکشاف

فرانس میں انسانی اسمگلنگ کےخدشے میں 4 روز تک روکے گئے رومانین چارٹر طیارے کو 276 مسافروں کے ساتھ واپس بھارت بھیج دیا گیا۔

باغی ٹی وی: فرانسیسی حکام کے مطابق انسانی اسمگلنگ سے متعلق خفیہ اطلاع ملنے پر جہاز کو 21 دسمبر کے روز تحویل میں لے لیا گیا تھا،رومانین طیارہ متحدہ عرب امارات سے مسافروں کو لے کر نکار اگوا کی جانب جا رہا تھا، فرانس کے واٹری ائیرپورٹ پر طیارے نے سپلائی کیلئے لینڈ کیا تھا طیارے میں 300 سے زیادہ بھارتی باشندے سوار تھے،امارات سے نکاراگوا جانے والے طیارے کوچار روز تک فرانس کی شمپین کاؤنٹی کے ائیرپورٹ پر روک رکھا تھا۔

پیرس کے پراسیکیوٹر کے دفتر نے بتایا ہے کہ باقی رہ جانے والے مسافروں میں سے دو کو انسانی اسمگلنگ کی تحقیقات کے سلسلے میں حراست میں لیا گیاتھا، تاہم پیر کے روز جج کے سامنے پیش ہونے کے بعد انہیں رہا کر دیا گیا جج نے انہیں فرانس کے قانون کے تحت تحقیقات میں مدد کے لیے معاون گواہوں کی حیثیت دے دی ہے۔

لیجنڈ ایئرلائنز کا اے 340 طیارہ جمعرات کو متحدہ عرب امارات کے فجیرہ ایئرپورٹ سے نکارا گوا کے مناکواکے لیے روانہ ہوا تھا اور سفر کے دوران ایندھن بھرنے کے لیے فرانس کے وٹری ایئرپورٹ پر اترا، جسےپولیس نے یہ خفیہ اطلاع ملنے کے بعد کہ طیارہ ممکنہ طور پر انسانی اسمگلنگ کے لیے استعمال کیا جا رہا ہے، روک لیا۔

تاہم استغاثہ میں اس بارے میں کچھ نہیں کہا گیا کہ آیا طیارے میں سوار مسافروں کی منزل امریکہ ہو سکتی ہے، جہاں حالیہ برسوں میں میکسیکو کی سرحد عبور کر کے غیر قانونی طور پر داخل ہونے والے بھارتی باشندوں کی تعداد میں اضافہ دیکھا گیا ہے۔

انسانی سمگلنگ کا شبہہ، فرانس نے 300 بھارتی مسافروں والا طیارہ روک لیا، طیارے کو اتار کر 2 افراد کو حراست میں لیا گیا ہے

فرانس نے جس طیارے کو روکا وہ متحدہ عرب امارات سے نکاراگوا جا رہا تھا، خبر رساں ادارے کے مطابق طیارے کو فرانس میں انسانی سمگلنگ کے شبہہ میں‌روکا گیا،طیارے میں 300 بھارتی مسافر سوار تھے،طیارے کو ایک گمنام اطلاع پر روکا گیا، پیرس کے پبلک پراسیکیوٹر دفتر کا کہنا ہے کہ انسانی سمگلنگ کا شکار ہونے کے خدشے کے حوالہ سے ایک اطلاع ملنے کے بعد طیارے کو روکا گیا، جس کے بعد قومی انسداد منظم جرائم یونٹ نے تحقیقات کیں

فرانس نے جو طیارہ روکا وہ A340 طیارہ ہے، جو رومانیہ کی کمپنی لیجنڈ ایئرلائنز چلا رہی ہے، طیارے کو وتری ایر پورٹ پر اتارا گیا جہاں اس میں ایندھن بھی بھرا گیا،اس دوران طیارے سے دو افراد کو گرفتار کیا گیا،خبر رساں ادارے کے مطابق فرانس کے پبلک پراسیکیوٹر نے بتایا کہ منظم جرائم میں مہارت رکھنے والا یونٹ انسانی سمگلنگ کے حوالہ سے تحقیقات کر رہا ہے،ایئر پورٹ پر باقی مسافروں کو سہولیات دی گئیں، طیارے میں سوار کچھ مسافر غیر قانونی تارکین وطن بھی تھے، یہ بھی کہا جا رہا ہے کہ طیارہ تکینیکی بنیادوں پر اترا تو پولیس نے فوری دھاوا بول دیا اور دو افراد کو گرفتار کر لیا

واقعہ پر بھارتی سفارتخانے نے ردعمل میں کہا ہے کہ سفارتخانے کی ٹیم موقع پر پہنچ گئی ہے اور صورتحال کا جائزہ لے رہے ہیں،فرانسیسی حکام نے ہمیں اطلاع دی کہ دبئی سے نکاراگوا جانے والی پرواز کو 303 افراد کے ساتھ ایک تکنیکی خرابی کی وجہ سے فرانسیسی ہوائی اڈے پر روکا گیا ہے،

 خاتون نے کپڑے اتارے اور برہنہ ہو کر جہاز کے اندر گھومتی رہی

بھارتی سرکاری ایئر لائن نے متعدد پائلٹ سمیت 200 ملازمین کو کیا فارغ

پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

مسافر طیارے کا پچھلا حصہ زمین سے ٹکرا گیا جس کے بعد کیپٹن کا لائسنس معطل کر دیا گیا ہے

قطر ایئرویز کے پائلٹ کی دہلی سے دوحہ کی پرواز میں موت

فرانس کے صدر ایمانوئل میکرون نے ہفتے کے روز سکیورٹی گشت میں اضافے کے لیے سات ہزار فوجی تعینات کیے ہیں کیونکہ بموں کے انتباہ کے بعد لوور میوزیم کو خالی کرنا پڑا ہے۔ فرانس کے شمالی شہر اراس کے ایک اسکول میں 20 سالہ شخص کی جانب سے ایک ٹیچر پر چاقو سے حملہ کرنے اور دو افراد کو شدید زخمی کرنے کے بعد ملک کو انتہائی سخت سیکیورٹی الرٹ کر دیا گیا ہے۔

جبکہ خبر رساں ایجنسی روئیٹرز کے مطابق فرانس کے وزیر داخلہ جیرالڈ ڈارمینن نے کہا ہے کہ لوور میوزیم، پیلس آف ورسیلز اور پیرس کے گارے ڈی لیون ٹرین اسٹیشن کو بم دھماکے کی اطلاع ملنے کے بعد خالی کرا لیا گیا ہے تاہم انہوں نے اراس حملے کی تحقیقات پر تبصرہ کرنے سے انکار کر دیا لیکن صرف اتنا کہا کہ مشرق وسطیٰ میں ہونے والے واقعات کے بعد ‘جہادی ماحول’ پیدا ہو گیا ہے، جہاں اسرائیل گذشتہ ہفتے حماس کے جنگجوؤں کے خلاف فوجی کارروائی کر رہا ہے۔

روئیٹرز نے لکھا ہے کہ فرانسیسی وزیر داخلہ درمنین نے ایک نیوز کانفرنس میں کہا، کہ ہم سمجھتے ہیں کہ انتہائی گھناؤنی جغرافیائی سیاست نے لوگوں کی ایک مخصوص تعداد کو بنیاد پرست اسلام کے نام پر کارروائی کرنے کی اجازت دی ہے۔ تاہم میکرون دفتر سے جاری اعلامیہ کے مطابق شہر کے بڑے مراکز اور سیاحتی مقامات پر جاری سیکیورٹی آپریشن کے حصے کے طور پر پیر کی شام تک فوجیوں کو اگلے نوٹس تک تعینات کیا جائے گا۔
مزید یہ بھی پڑھیں؛
امریکا میں نائن الیون حملوں کو 22 برس بیت گئے
جبکہ تازہ ترین سیکیورٹی الرٹ ایک ایسے وقت میں سامنے آیا ہے جب فرانس رگبی ورلڈ کپ کی میزبانی کر رہا ہے اور پیرس اولمپک کھیلوں کا خیرمقدم کرنے سے ایک سال سے بھی کم وقت پہلے ہے، جس میں ایک اسٹیڈیم کے باہر غیر معمولی افتتاحی تقریب اور دریائے سین میں پریڈ کا منصوبہ بھی شامل ہے۔

فرانس کی اعلیٰ عدالت نے فرانس کے اسکولوں میں طالبات کے عبایا پہننے پر پابندی کے حکومتی اقدام کو جائز قرار دیتے ہوئے حکومتی پابندی کو برقرار رکھا اور ان شکایات کو مسترد کر دیا کہ یہ امتیازی ہے اور نفرت کو ہوا دے سکتا ہے۔

باغی ٹی وی: غیر ملکی میڈیا رپورٹس کے مطابق فرانس کی اعلیٰ عدالت دی اسٹیٹ کونسل کا کہنا ہے کہ اسکولوں میں عبایا پہننے کی پابندی قانونی ہے،اسکولوں میں عبایا پہننے کی پابندی مسلمانوں کے خلاف امتیازی سلوک نہیں۔

واضح رہے کہ فرانس کی حکومت نے گز شتہ ماہ اسکولوں میں طالبات کے عبایا پہننے پر پابندی کا اعلان کیا تھا،صدر ایمانوئل میکرون کی حکومت نے گزشتہ ماہ اعلان کیا تھا کہ وہ سکولوں میں عبایا پر پابندی عائد کر رہی ہے کیونکہ اس نے تعلیم میں سیکولرازم کے اصولوں کو توڑا اسکارف پر پہلے ہی اس بنیاد پر پابندی عائد کر دی گئی ہے کہ وہ مذہبی وابستگی کا مظاہرہ کرتے ہیں۔

موٹرسائیکل اور کمرشل گاڑیوں کی قیمتوں میں ایک بار پھر اضافہ

فرانسیسی حکومت کی عبایا پابندی کے خلاف مسلم تنظیم نے عدالت سے رجوع کیا تھا جس پر عدالت نے عبایا پہننے پر پابندی کے حکومتی اقدام کو جائز قرار دیا ایسوسی ایشن نے کہا کہ یہ پابندی امتیازی ہے اور مسلمانوں کے خلاف نفرت کے ساتھ ساتھ نسلی پروفائلنگ کو بھڑکا سکتی ہے فرانسیسی وزیر تعلیم کا کہنا تھا کہ عبایا پابندی کے قانون پر عملدرآمدکے لیے تربیت یافتہ انسپکٹرز کو رکھا جائے گا-

ہائیکورٹ کے ججز کو بلا سود کروڑوں روپے قرض کی منظوری

لیکن دو دن تک ایکشن فار دی رائٹس آف مسلمز (ADM) کی طرف سے دائر کردہ تحریک کی جانچ کرنے کے بعد، ریاستی کونسل نے ان دلائل کو مسترد کر دیا اس میں کہا گیا ہے کہ عبایا پہننا مذہبی اثبات کی منطق کی پیروی کرتا ہے یہ فیصلہ فرانسیسی قانون پر مبنی ہے جس میں کسی کو بھی اسکولوں میں مذہبی وابستگی کے مرئی نشانات پہننے کی اجازت نہیں دی گئی حکومت کی طرف سے پابندی سے ذاتی زندگیوں کے احترام، مذہب کی آزادی، تعلیم کے حق، بچوں کی فلاح و بہبود یا عدم امتیاز کے اصول کو سنگین یا واضح طور پر غیر قانونی نقصان نہیں پہنچا-

سپریم کورٹ سے 90 روز میں انتخابات کرانے کا حکم دینے کی درخواست کو پٹیشن …

فرانس میں تمباکو نوشی کی روک تھام کے قومی منصوبے کے تحت ڈسپوزایبل ویپس پر پابندی عائد کی جائے گی۔

باغی ٹی وی:"دی گارڈین” کے مطابق وزیر اعظم نے اتوار کو کہا کہ فرانس میں تمباکو نوشی سے نمٹنے کے قومی منصوبے کے تحت ڈسپوزایبل ویپس پر پابندی عائد کر دی جائے گی فرانس کی وزیراعظم ایلزبتھ بورن نے شریاتی ادارے آر ٹی ایل کو بتایا کہ حکومت جلد ہی تمباکو نوشی کے خلاف ایک نیا قومی منصوبہ پیش کرے گی، خاص طور پر ڈسپوزایبل الیکٹرانک سگریٹ کی ممانعت، مشہور ’پف‘ جو نوجوانوں کو بری عادات دیتے ہیں ۔

وزیراعظم کے مطابق فرانسیسی حکومت تمباکو نوشی کو کم کرنے کے وسیع تر منصوبے کے ساتھ 2024 کے بجٹ کو حتمی شکل دے رہی ہے، ملک میں ں سالانہ 75،000 اموات کی وجہ سگریٹ نوشی ہے،’اس منصوبے میں سگریٹ پر ٹیکس میں ایک اور اضافہ شامل نہیں ہے، لیکن اس کا مطلب یہ نہیں ہے کہ ہم تمباکو کے استعمال کے بارے میں محتاط نہیں ہیں‘۔

سویڈن حکومت کوقرآن پاک کی بےحرمتی کے واقعات کی وجہ سےلاکھوں ڈالرکا نقصان

حکومت کی سب سے بڑی تشویش ڈسپوزایبل ویپس ہیں، جنہیں فرانس میں ’پف‘ کے نام سے جانا جاتا ہے، جو تمباکو نوشی کا ’گیٹ وے‘ کہلاتے ہیں فرانس کی وزیراعظم فکرمند ہیں کہ آئس کینڈی، مارش میلو اور ببل گم جیسے ذائقوں والے یہ سگریٹ کے متبادل ویپس جن کی قیمت 8 یورو (6.85 پاؤنڈ) سے 12 یورو فی 500 ’پف‘ ہے، نوجوانوں کو نشانہ بنا رہے ہیں۔

کئی یورپی ممالک بھی ان ویپس پابندی لگانے پر غور کر رہے ہیں۔ بیلجیئم میں آن لائن فروخت پر پابندی ہے اور آئرلینڈ میں پابندی کے بارے میں قومی مشاورت جاری ہے جرمنی میں حکومت نے ذائقہ دار ای سگریٹ پر پابندی عائد کر دی ہے اور منشیات زار نے متنبہ کیا ہے کہ یہ صرف ایک آغاز ہو سکتا ہے آسٹریلیا نے سخت ترین ردعمل کا مظاہرہ کرتے ہوئے ویپس کے نسخے تیار کیے ہیں جن میں نکوٹین کی مقدار کو کم کیا ہے اور ذائقوں کو محدود کیا ہے۔

سلطان النیادی کا خلا میں اپنا چھ ماہ کا تاریخی مشن مکمل

نیوزی لینڈ میں بھی اسی طرح کے اقدامات اٹھائے گئے ہیں جن میں زیادہ تر ڈسپوز ایبل ویپس پر پابندی اور بچوں کی مارکیٹنگ پر پابندی شامل ہے، جس میں اسکولوں کے قریب ویپ کی دکانوں پر پابندی اور ایسے قوانین شامل ہیں جن میں عام ذائقے کی وضاحت کی ضرورت ہوتی ہے۔

اگست میں نافذ العمل ہونے والے ان قوانین کا مقصد ان لوگوں کے لیے ڈسپوزایبل سگریٹ کی فروخت کو جاری رکھنا تھا جو اسے تمباکو نوشی ترک کرنے کی جانب منتقلی کے طور پر استعمال کرتے ہیں آئرش تحقیق سے پتہ چلتا ہے کہ جو نوجوان ای سگریٹ کا استعمال کرتے ہیں ان میں تمباکو نوشی شروع کرنے کے امکانات ان لوگوں کے مقابلے میں پانچ گنا زیادہ ہوتے ہیں جو سگریٹ نہیں کرتے ہیں۔

جی 20 اجلاس میں چینی صدرکےشرکت نہ کرنے پرمجھے بہت مایوسی ہوئی،جوبائیڈن

گزشتہ سال جاری ہونے والے اعداد و شمار کے مطابق نیوزی لینڈ میں تمباکو نوشی کی شرح کم ہو کر 8 فیصد رہ گئی ہے جو دنیا میں سب سے کم ہے لیکن روزانہ ویپ استعمال کرنے والوں کی تعداد میں اضافہ روزانہ تمباکو نوشی کرنے والوں کی تعداد میں کمی سے کہیں زیادہ ہے۔

نیوزی لینڈ میں ویپس کا استعمال کرنے والے 14 سال کی عمر کے طلباء کی تعداد میں تین گنا اضافہ ہوا جو 2019 میں 3.1 فیصد سے بڑھ کر 2021 میں 9.6 فیصدہو گئے ہیں اس حوالے سے فرانس کے اُس وقت کے وزیر صحت کا کہنا تھا کہ اگرچہ ایمانوئل میکرون کی حکومت کو پارلیمنٹ میں اکثریت حاصل نہیں ہے، لیکن وزرا پابندی پر کسی معاہدے تک پہنچنے کے لیے ’قانون سازوں کے ساتھ مل کر کام کریں گے یہ قانون "اس سال کے اختتام سے پہلے” نافذ کیا جا سکتا ہے۔

جیمز ویب:سُپر نووا کے اندرونی سانچے کے متعلق نئے انکشافات