Tag: فلسطین

اقوام متحدہ کے سیکرٹری جنرل نے غزہ میں فوری انسانی بنیادوں پر جنگ بندی کا مطالبہ کردیا

انتونیو گوتریس نے اسرائیل سے مطالبہ کیا ہے کہ لوگوں کی بنیادی ضروریات کو پورا کرنے کے لیے فوری طور پر انسانی امداد کی غیر محدود رسائی کی اجازت دی جائے،غزہ میں خواتین اور بچوں کی فوری بنیادی ضروریارت کو پورا کیا جائے،منگل کے روز غزہ کے ہسپتال میں ہونے والے دھماکے ، جس میں سینکڑوں افراد جاں بحق ہوئے سے بہت خوفزدہ ہوں،”میرا دل متاثرین کے خاندانوں کے ساتھ ہے۔ ہسپتالوں اور طبی عملے کو بین الاقوامی انسانی قانون کے تحت تحفظ حاصل ہے،”انتونیو گوتریس نے غزہ کے پناہ گزین کیمپ میں اقوام متحدہ کے زیر انتظام اسکول پر حملے کی بھی مذمت کی.

اسرائیل کی جانب سے غزہ کے ہسپتال پر بمباری کے بعد روس کا ردعمل بھی سامنے آیا ہے، روسی وزارت خارجہ کا کہنا ہے کہ ہسپتال پر حملہ جرم اور غیر انسانی فعل ہے، اگر اسرائیل اس حملے میں ملوث نہیں تو وہ اس کی سیٹلائٹ تصاویر لازمی جاری کرے.ترجمان کا کہنا تھاکہ مشرق وسطیٰ میں تیزی سے پھیلتی صورتحال خطے کے باہر تک پہنچ چکی ہے

جمعیت علماء اسلام کے سربراہ مولانا فضل الرحمان نے کہا ہے کہ غزہ کے ھسپتال پر بمباری کرکے آٹھ سو سے زائد انسانوں کو شہید کرکے جس بربریت ظلم اور انسانیت کشی کا مظاھرہ اسرائیل نے کیا ھے جنگی جرائم کی تاریخ میں اس کی مثال مشکل سے مل سکے گی۔ اسرائیل کے ان جنگی جرائم ظلم اور بربریت میں امریکہ اور یورپ کے ممالک برابر کے شریک ھیں۔ مسلم امہ اور انسانیت دوست ممالک کو اب روایتی بیانات سے ھٹ کر اقدامات کرنے ھونگے۔

فرانس کے صدر ایمانوئیل میکرون نے بھی اسرائیل کی جانب سے غزہ کے اسپتال پر حملےکی مذمت کی اور کہا کہ ہسپتال اور شہریوں پرحملے کا کوئی جواز پیش نہیں کیا جا سکتا،ضرورت اس امر کی ہے کہ غزہ کے لیے انسانی امداد کا رستہ فوری طور پر کھولا جائے،

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

اسرائیلی حملہ،مسلم ممالک کی خاموشی سوالیہ نشان ہے، حافظ نعیم
جماعت اسلامی کراچی کے امیر حافظ نعیم نے کہا ہے کہ فلسطین سے یکجہتی کے لیے جماعت اسلامی کی تحریک جاری ہے، پوری دنیا کا اس وقت سب سے بڑا مسئلہ فلسطین اور غزہ ہے، اسرائیل نے دہشت گردی کا مظاہرہ کرتے ہوئے ہزاروں فلسطینیوں کو شہید کیا، کل اسپتال میں بم پھینکا جس سے اسی وقت 500 افراد شہید ہوئے،مسلم ممالک کی خاموشی سوالیہ نشان ہے، حماس نے جمہوری جماعت کے طور پر انتخاب میں کامیابی حاصل کی تھی، حماس سیلف ڈیفینس کا استعمال کرتے ہوئے مقابلہ کررہی ہے،امریکہ نے فلسیطن کی مخالفت میں اسرائیل کا ساتھ دیا ،

ہسپتال پر بمباری، ملت جعفریہ پاکستان کا جمعہ کو یوم احتجاج کا اعلان
قائد ملت جعفریہ پاکستان علامہ ساجد نقوی نے غزہ کے بڑے اسپتال میں سینکڑوں نہتے شہریوں کے قتل عام کی شدید مذمت کرتے ہوئے تین روزہ سوگ کی حمایت، جمعہ کو یوم احتجاج کا اعلان کر دیا، علامہ ساجد نقوی کا کہنا تھا کہ غزہ میں ڈھائے جانیوالے مناظر دیکھے جاسکتے ہیں نہ ایسے الفاظ کہ کربناک مظالم کو بیان کیا جاسکے، صیہونی سامراجی قوتوں کے بدنما چہرے،عزائم اور باطنی حقیقت کھل کر سامنے آگئی، غزہ میں ظلم کی تاریک رات برپا مگر افسوس اسلامی ممالک، او آئی سی ، عرب لیگ ودیگر تنظیمیں صرف بیانات تک محدود ہیں،مظالم کی انتہاءکے باوجود پاکستا ن کی جماعتیں اور تنظیمیں کسی ایک مناسب اقدام پر متفق نہ ہوسکیں، وقت آگیا کہ سامراجی و صیہونی ظلم کےخلاف قراردادوں یا نعروں کی بجائے امہ متفقہ عملی اقدام اٹھائے،

صدر پاکستان کی غزہ میں ہسپتال پر وحشیانہ اسرائیلی فضائی حملے کی مذمت
صدر مملکت نے غزہ میں اسپتال پر اسرائیلی حملے کے نتیجے میں خواتین اور بچوں سمیت سینکڑوں افراد کے جاں بحق ہونے پر اظہارِ مذمت کی ہے، صدر مملکت نے اسرائیلی فضائی حملے کے نتیجے میں معصوم جانوں کے المناک نقصان پر اپنے گہرے افسوس کا اظہار کیا اور کہا کہ اسرائیل نے ایک ہسپتال پر حملہ کر کے تمام بین الاقوامی اور اخلاقی اصولوں کو پامال کیا، صدر مملکت نے اسرائیل کی طرف سے سنگین جنگی جرائم کے ارتکاب پر تشویش کا اظہار کرتے ہوئے کہا کہ اسرائیل شہری آبادیوں اور صحت کی سہولیات کو بلاامتیاز نشانہ بنا رہا ہے،عالمی برادری اسرائیل کو اس کے جنگی جرائم پر جوابدہ ٹھہرائے اور اسرائیلی بمباری اور غزہ کے جاری محاصرے کو فوری طور پر روکنے کے لیے فوری اقدامات کرے،

باغی ٹی وی کی رپورٹ کے مطابق امریکی صدر جوبائیڈن اسرائیل کے دورے پر پہنچے، اسرائیلی وزیراعظم نتین یاہو سے امریکی صدر نے ملاقات کی، اس موقع پر امریکی صدر نے غزہ کے ہسپتال پر اسرائیلی حملے کی ذمی دار فلسطینی گروپ پر ڈال دی، جوبائیڈن بھی اسرائیلی وزیراعظم کی زبان بولنے لگ گئے

غیر ملکی میڈیا رپورٹس کے مطابق امریکی صدر جوبائیڈن کی اسرائیل آمد پر اسرائیلی وزیراعظم نے پرتپاک استقبال کیا،بعد ازاں اسرائیلی وزیراعظم سے بات چیت کرتے ہوئے امریکی صدر جوبائیڈن نےیقین دہانی کروائی کہ امریکہ غزہ میںجنگ کے دوران اسرائیل کو اسکے دفاع کے لئے سب کچھ فراہم کرے گا،امریکی صدر نے اس دوران بات کرتے ہوئے بتایا کہ اسرائیل حماس کی لڑائی میں 31 امریکی شہری بھی مارے گئے ہیں،

امریکی صدر جوبائیڈین نے اسرائیلی وزیراعظم سے بات چیت کے دوران غزہ کے ہسپتال پر حملے کی ذمہ داری فلسطینی گروپ پر ڈالتے ہوئے کہا کہ یہ حملہ بظاہر آپ نے نہیں دوسری ٹیم نے کیا، ساری دنیا کو دکھانے کے لیے کہ ہم اسرائیل کے ساتھ ہیں، میں یہاں آیا ہوں،ہم اسرائیل کی بھرپور مدد کریں گے،

قبل ازیں اسرائیل کی جانب سے غزہ کے ہسپتال پر وحشیانہ حملے کے بعد فلسطینی صدر محمود عباس نے امریکی صدر سے ملاقات منسوخ کی ہے جس کے بعد امریکی صدر نے اردن کا دورہ ملتوی کر دیا،امریکی صدر جوبائیڈن کل اسرائیل پہنچے تھے، آج اردن میں انکی فلسطینی صدر سے ملاقات تھی تا ہم گزشتہ شب اسرائیل نے ہسپتال پر بمباری کی جس سے 800 کے قریب شہری شہید ہوئے، اس وحشیانہ حملے کے بعد فلسطینی صدر رام اللہ واپس چلے گئے اور کہا کہ امریکی صدر سے ملاقات نہیں کروں گا،غزہ میں ہسپتال پر اسرائیلی بمباری کے بعد اردن نے عمان میں چار ملکی سربراہی اجلاس منسوخ کردیا ہے ،اجلاس میں امریکی صدر جوبائیڈن، مصر اور فلسطینی رہنماؤں نے شرکت کرنی تھی، امریکی صدر جوبائیڈن کا دورہ اردن منسوخ ہونے کے بعد آج وہ واپس روانہ ہو جائیں گے،

ہسپتال پر حملے پر امریکی صدر جوبائیڈن کا کہنا ہے کہ میں غزہ کے العہلی عرب اسپتال میں ہونے والے دھماکے اور اس کے نتیجے میں ہونے والے ہولناک جانی نقصان پر شدید غمزدہ ہوں۔ اس خبر کو سنتے ہی، میں نے اردن کے شاہ عبداللہ دوم اور اسرائیل کے وزیر اعظم نیتن یاہو سے بات کی اور اپنی قومی سلامتی کی ٹیم کو ہدایت کی کہ وہ اس بارے میں معلومات اکٹھا کرتے رہیں کہ اصل میں کیا ہوا ہے،ریاست ہائے متحدہ تنازعات کے دوران شہریوں کی زندگیوں کے تحفظ کے لیے واضح طور پر کھڑا ہے اور ہم اس سانحے میں جاں بحق یا زخمی ہونے والے مریضوں، طبی عملے اور دیگر بے گناہوں کے لیے سوگوار ہیں،

دوسری جانب ایرانی وزیر خارجہ عامر عبد اللہیان ہنگامی دورے پر سعودی عرب پہنچ گئے۔ ایرانی وزیر خارجہ نے غزہ العہلی ہسپتال پر ہونیوالے حالیہ اسرائیل حملے ہر بیان دیا تھا کہ ” بس! اب بہت ہو گیا” اسرائیل کو غزہ پر حملوں کی اجازت نہیں دی جائے گی، اگر فلسطینیوں پر حملے نہ رکے تو کارروائی کی جا سکتی ہے،اگر آج ہم نے غزہ کا دفاع نہیں کیا تو کل ہمیں اپنے ہسپتالوں میں اسرائیلی فاسفورس بموں سے نمٹنا پڑے گا۔

ہسپتال پر حملے کے بعد ملالہ یوسفزئی کا بھی ردعمل سامنے آیا ہے، ملالہ نے ویڈیو جاری کی ہے جس میں انہوں نے کہا ہے کہ میں غزہ میں العہلی ہسپتال پر بمباری دیکھ کر خوفزدہ ہوں اور اس کی واضح الفاظ میں مذمت کرتی ہوں۔ میں اسرائیلی حکومت پر زور دیتی ہوں کہ وہ غزہ میں انسانی امداد کی اجازت دے اور جنگ بندی کے مطالبے کا اعادہ کرے۔ میں تین خیراتی اداروں کو $300K عطیہ کررہی ہوں جو حملے میں فلسطینیوں کی مدد کر رہے ہیں.

واضح ر ہے کہ اسرائیل نے غزہ میں ایک ہسپتال پر بمباری کی ہے،وزارت صحت کے مطابق ایک اسرائیلی فضائی حملہ میں غزہ شہر کے ہسپتال کو نشانہ بنایا جو زخمیوں اور پناہ کے متلاشی دیگر فلسطینیوں سے بھرا ہوا تھا۔اسرائیل کی جانب سے متوقع زمینی حملے سے قبل شہر اور ارد گرد کے علاقوں کو خالی کرنے کا حکم دینے کے بعد غزہ شہر کے کئی ہسپتال سینکڑوں لوگوں کے لیے پناہ گاہ بن گئے ہیں۔حملے میں پانچ سو سے زائد اموات ہوئی ہیں،

غزہ کے ہسپتال پر اسرائیلی فضائی حملے میں سینکڑوں افراد ہلاک

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

سات اکتوبر کو حماس نے اسرائیل پر حملہ کیا، جس کے جواب میں اسرائیل کے حملے ابھی تک جاری ہیں، 26 سو سے زائد اموات غزہ میں ہوچکی ہیں، اسرائیل پر حملے کا ماسٹر مائنڈ کون تھا؟ اس حوالہ سے کہا جا رہا ہے ماسٹر مائنڈ "محمد الضیف” ہے جس کی ابھی تک کوئی تصویر سامنے نہیں آ سکی.

محمد الضیف حماس کی عسکری ونگ کی قیادت کر رہے ہیں، حماس کے اسرائیل پر حملے کا ماسٹر مائنڈ انہی کو مانا جا رہاہے، محمد الضیف کی چند تصاویر موجود ہیں مگر واضح کوئی بھی نہیں،ایک سایہ دار تصویر ہے جو کبھی کبھار احتجاجی مظاہروں میں شرکاء کتبوں پر بناکر اٹھاتے ہیں،

امریکی محکمہ خارجہ کے مطابق، محمد الضیف غزہ کی پٹی میں حماس کے عسکری ونگ کے اعلیٰ کمانڈر ہیں، جس کو القسام بریگیڈز کے نام سے جانا جاتا ہے۔2015 میں، امریکی حکومت نے الضیف کو ایک عالمی دہشت گرد کے طور پر نامزد کیا، اسے خودکش حملہ آوروں کی تعیناتی اور اسرائیلی فوجیوں کو اغوا کرنے کا ذمہ دار ٹھہرایا۔ محکمہ خارجہ نے کہا کہ 2014 میں غزہ جنگ کے دوران الضیف نے حماس کی جارحانہ حکمت عملی کی قیادت کی۔

حماس کے حملوں میں ان کے اہم کردار کے باوجود،الضیف ایک پرکشش شخصیت بنی ہوئی ہے۔ایسوسی ایٹڈ پریس کے مطابق،الضیف کہاں رہتے ہیں اس بارے میں کسی کو معلوم نہیں ،وہ عوام کے سامنے نہیں آتے، واشنگٹن پوسٹ کے مطابق آیا محمد الضیف اصلی نام ہے بھی سہی یا نہیں، اسکی بھی تصدیق نہیں ہو سکی

رائٹرز کے مطابق، الضیف کی صرف چند تصاویر موجود ہیں،یہ تصویر اس سے قبل اگست 2014 میں ایک مظاہرے کے دوران استعمال کی گئی تھی، جس میں اسرائیلی افواج کے خلاف لڑنے والے حماس کے عسکریت پسندوں کی حمایت ظاہر کی گئی تھی۔

ہفتے کے روز، حماس کے ایک ٹی وی چینل نے اعلان کیا کہ محمد الضیف ایک بیان جاری کرے گا، جس میں فلسطینیوں کو اشارہ دیا جائے گا کہ کچھ اہم ہونے والا ہے۔محمد الضیف کا بیان آڈیو ٹیپ پر چلایا گیا اور نشر پر پہلے سے ریکارڈ کیا گیا تھا۔ریکارڈنگ میں محمد الضیف نے کہا کہ یہ حملے فلسطینیوں کے خلاف اسرائیل کی کارروائیوں کا ردعمل ہیں، حماس کے آپریشن کو "آپریشن القصیٰ طوفان” کہتے ہیں۔نیویارک ٹائمز کے مطابق، الضیف نے آڈیو ریکارڈنگ میں کہا، "عسکریت پسندو، یہ آپ کا اس مجرم دشمن کو دفن کرنے کا دن ہے۔ اس کا وقت ختم ہو گیا ہے۔ جہاں بھی آپ انہیں پائیں انہیں مار ڈالو”۔ "اس گندگی کو اپنی سرزمین اور اپنے مقدس مقامات سے ہٹا دو۔ لڑو ان سے،

حماس کے ایک ذریعے نے رائٹرز کو بتایا کہ غزہ میں محمد الضیف کے ساتھ حماس کے ایک اور رہنما یحییٰ سنوار نے اسرائیل پر حملے کی تیاری کا کہا تھا۔ تاہم، الضیف اس آپریشن کا "ماسٹر مائنڈ” تھا،

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر

غزہ میں فلسطینی وزارت صحت کے بیان کے مطابق اسرائیلی حملوں میں شہید ہونے والوں کی تعداد 2670 ہو گئی ہے،حملوں میں نو ہزار چھ سو کے قریب افراد زخمی ہوئے ہیں، غزہ میں اسرائیلی حملوں میں 730 بچے بھی شہید ہوئے ہیں،

اسرائیل کی غزہ پر بمباری سے 11 صحافیوں کی بھی موت ہوئی ہے، فلسطین جرنلسٹ سینڈیکیٹ نے اس بات کی تصدیق کی ہے کہ اب تک اسرائیلی حملوں میں 11 صحافی مارے جا چکے ہیں،صحافیوں کو فرائض کی ادائیگی کے دوران مشکلات کا سامنا ہے

امریکی حکام نے خبردار کیا ہے کہ مشرق وسطیٰ کی جنگ اسرائیل اور حماس سے آگے بڑھ سکتی ہے۔

اعلیٰ امریکی حکام نے اتوار کو خبردار کیا ہے کہ اسرائیل اور عسکریت پسند گروپ حماس کے درمیان جنگ مشرق وسطیٰ میں ایک بڑے تنازعے کی شکل اختیار کر سکتی ہے، انہیں خدشہ ہے کہ لبنانی گروپ حزب اللہ اسرائیل کے شمال پر حملہ کر سکتا ہے،

امریکی جنگی بحری جہازوں کا ایک اور بیڑہ طاقت کے مظاہرے میں خطے کی طرف روانہ کیا گیا تھا جس کا مقصد اس طرح کے بڑھتے ہوئے واقعات کو روکنا تھا۔اسرائیل نے آٹھ روز قبل حماس کے اسرائیل کے اندر غیر معمولی حملوں کے جواب میں غزہ پر زبردست بمباری کی ہے ،وائٹ ہاؤس کے قومی سلامتی کے مشیر جیک سلیوان کا کہنا ہے کہ”اس تنازعہ کے بڑھنے، شمال میں دوسرا محاذ کھولنے اور یقیناً ایران کی شمولیت کا خطرہ ہے۔”

ان تبصروں کی بازگشت وائٹ ہاؤس کی قومی سلامتی کونسل کے ترجمان جان کربی نے کی، جنھوں نے فاکس نیوز کو بتایا کہ وائٹ ہاؤس "اس تنازعہ کے ممکنہ اضافے یا وسیع ہونے” کے بارے میں فکر مند ہے۔

ایران کے وزیر خارجہ حسین امیرعبداللہیان نے خبردار کیا کہ ان کا ملک کارروائی کر سکتا ہے، انہوں نے الجزیرہ کو بتایا کہ اس نے اسرائیلی حکام کو یہ پیغام پہنچا دیا ہے کہ "اگر وہ غزہ میں اپنے مظالم بند نہیں کرتے تو ایران محض مبصر نہیں رہ سکتا۔”انہوں نے خبردار کیا کہ اگر جنگ کا دائرہ وسیع ہوتا ہے تو امریکہ کو بھی بھاری نقصانات اٹھانا پڑیں گے۔

دریں اثنا، ریپبلکن سینیٹر لنڈسے گراہم نے اتوار کو کہا کہ وہ آنے والے دنوں میں دیگر سینیٹرز کے ساتھ سعودی عرب اور اسرائیل کے درمیان جاری مذاکرات کو آگے بڑھانے کے لیے خطے کا دورہ کر رہے ہیں۔گراہم نے کہا کہ وہ ایک ایسا بل پیش کرنے کا ارادہ رکھتے ہیں جو "امریکہ کی طرف سے اسرائیل کے ساتھ مل کر ایران کو تیل کے کاروبار سے باہر کرنے کے لیے فوجی کارروائی کی اجازت دے گا” اگر ایران اسرائیل پر حملہ کرتا ہے۔

امریکی حکومت کے اہلکاروں نے یہ بھی کہا کہ وہ غزہ میں انسانی بحران کے خاتمے میں مدد کے لیے متحرک ہو رہے ہیں۔

امریکہ نے ترکی میں سابق سفیر ڈیوڈ سیٹر فیلڈ کو مشرق وسطیٰ کے انسانی مسائل کے لیے خصوصی ایلچی مقرر کیا ہے۔ محکمہ خارجہ نے کہا کہ ان کی توجہ غزہ کے بحران پر مرکوز ہوگی، "سب سے زیادہ کمزور لوگوں کو جان بچانے والی امداد کی فراہمی اور شہریوں کی حفاظت کو فروغ دینے کا کام بھی شامل ہے۔”

حماس کا وجود مٹانا ہو گا،تاہم غزہ پر اسرائیلی قبضہ غلطی ہو گی،امریکی صدر
دوسری جانب امریکی صدر جوبائیڈین نے ایک انٹرویو کے دوران کہا ہے کہ حماس کا وجود مٹانا ہو گا، جلد اسرائیل کا دورہ کروں گا،اسرائیل کا غزہ پر قبضہ بہت بڑی غلطی ہو گی،امریکی صدر جو بائیڈن نے فلسطینی صدر محمود عباس سے بھی ٹیلی فون پر رابطہ کیا اور کہا کہ حماس فلسطینیوں کی حق خود ارادیت کی ترجمانی نہیں کرتی جبکہ محمود عباس نے بھی امریکی صدر کی تائید کی،جوبائیڈن کا کہنا تھا کہ حماس کو تباہ ہونا چاہیے لیکن فلسطینی ریاست کے لیے راستہ بھی ہونا چاہیے۔

امریکہ حماس کے خلاف اسرائیل کا ابتدا سے ہی ساتھ دے رہا ہے، امریکہ اسرائیل کی حمایت میں دو جنگی جہاز اسرائیل کی سمندری سرحد کے قریب تعینات کر چکا ہے، تاہم اب امریکی صدر جو بائیڈن نے غزہ پر قبضہ نہ کرنے کے بارے میں بیان دے دیا،

امریکہ کے قومی سلامتی کے مشیر جیک سلیوان نے امریکی ٹی وی چینل کو بتایا کہ اس تنازعے کے بڑھنے اور شمال میں دوسرا محاذ کھولنے کی وجہ سے ایران کی جنگ میں شمولیت کا خطرہ ہے،امریکی وزیر خارجہ انٹونی بلنکن نے جمعہ کو عمان، اردن میں فلسطینی اتھارٹی کے سربراہ محمود عباس سے بھی ملاقات کی،امریکی سیکرٹری خارجہ نے سعودی ولی عہد، سعودی وزیر خارجہ سمیت دیگر ممالک کے رہنماؤں سے بھی ملاقاتیں کی، اس سے قبل انہوں نے اسرائیل کا بھی دورہ کیا تھا،

مصر میں فلسطینی سفیر دیاب اللوح کا کہنا ہے کہ غزہ پر اسرائیلی بمباری کے نتیجے میں 30 ہزار سے زائد مکانات تباہ ہوچکے ہیں، 12 لاکھ سے زیادہ شہری بے گھر ہیں اور 14 سے زیادہ ہسپتال ملیامیٹ کر دیے گئے ہیں،غزہ کی پٹی کی صورتحال سنگین ہے، مرنے والوں کی لاشیں دفنانے کی کوئی گنجائش نہیں ہے،ہسپتال لاشوں اور زخمیوں سے بھر گئے ہیں،پانی و خوراک کی قلت کی وجہ سے بھی فلسطینی مسائل کا شکار ہیں،

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان

 پرتشدد کارروائیوں کو فوری طور پر روکنے اور شہریوں کے تحفظ کا مطالبہ 

اسرائیلی میجر جنرل حماس کے ہاتھوں یرغمال؛ کیا اب فلسطینی قیدی چھڑوائے جاسکیں گے؟

اسرائیل پر حملہ کی اصل کہانی مبشر لقمان کی زبانی

حماس نے اسرائیل پر حملہ کیوں کیا؟امریکہ میں مسلمان خاتون اور اسکے بیٹے پر چاقو سے مالک مکان کا حملہ
امریکی ریاست الینواے میں ستر سالہ شخص نے ایک خاتون اور اسکے بیٹے پر چاقو سے وار کیا ہے ، جس سے دونوں زخمی ہو گئے ہیں،26 سالہ لڑکے کو زخمی حالت میں ہسپتال منتقل کیا گیا تاہم اسکی موت ہو گئی،71 سالہ جوزف کازوبا کے بارےمیں کہا جا رہا ہے کہ اس نے مسلم خاتون اور اسکے بیٹے کو نشانہ بنایا،خاتون اور اسکا بیٹا جہاں مقیم تھے وہ جوزف کا گھر تھا، پولیس نے اس کیس میں امریکی مالک مکان پر قتل اور نفرت پر مبنی جرائم کا الزام عائد کیا ہے،پولیس کا کہنا ہے کہ تحقیقات کے دوران سامنے آیا کہ جوزف نے مسلمان ہونے کی وجہ سے دونوں پر چاقو سے حملہ کیا،یہ واقعہ شکاگو سے 64 کلو میٹر دور مغرب میں پیش آیا،

اس کیس کو اسرائیل اور حماس کی لڑائی سےجوڑا جا رہا ہے، امریکی میڈیا کے مطابق حماس نےا سرائیل پر حملہ کیا ،اسی کو لے کر جوزف نے مسلمان خاندان جو انکے گھر میں مقیم تھا پر حملہ کیا،میڈیا رپورٹس کے مطابق مرنیوالا فلسطینی نژاد امریکی تھا،زخمی خاتون کی حالت بہتر بتائی جا رہی ہے