Tag: قصوریات

قصور
تمام بینک برانچز کی اے ٹی ایم مشینیں بند صارفین رقم نکلوانے کے لئے رل گئے
بینک ملازمین کی نااہلی کی بدولت اے ٹی ایم مشینیں بند پیسے ختم
یکم مئی اور اتوار کی چھٹی ہونے سے دو روز بنک بند رہنے کی وجہ سے صارفین نے رقم لینے کے لئے اے ٹی ایم مشینوں کا رخ کیا مگر شہر کی تمام بینک برانچز کی مشینیں بند پڑی تھیں اور رقم نہ تھی، بینک صارفین کا سٹیٹ بنک کے اعلی احکام سے نوٹس لینے کا مطالبہ

تفصیلات کے مطابق قصور بینک ملازمین کی نااہلی کے باعث قصور کی تمام بینک برانچز کی اے ٹی ایم مشینیں بند اور رقم ختم ہونے سے بینک صارفین کو شدید دشواری کا سامنا ہے یکم مئی اور اتوار کی اکٹھی چھٹیاں ہونے کے باعث صارفین نے رقم لینے کے لئے اے ٹی ایم مشینوں کا رخ کیا مگر تمام پرائیویٹ اور سرکاری بنکوں کی اے ٹی ایم مشینیں بند پڑی تھیں جسکی وجہ سے صارفین کو شدید مشکلات کا سامنا کرنا پڑا صارفین نے سٹیٹ بنک کے اعلی احکام سے نوٹس لینے کا مطالبہ کیا ہہے کہ ان بینکوں کے متعلقہ اے ٹی ایم مشینوں کے ملازمین کے خلاف کارروائی کی جائے جو کہ غیر زمہ داری کا مظاہرہ کرنے والے بینک ملازمین کے خلاف کارروائی کی جائے جس کی وجہ سے بینک صارفین کو شدید مشکلات کا کرنا پڑا

قصور
انسانی جان بچانے والی آکسیجن گیس سلنڈروں کی قیمتوں میں بے تحاشہ اضافہ جاری،فیس ماسک کی طرح نایاب ہونے کا خدشہ،حکومت بروقت ایکشن لے

تفصیلات کے مطابق انسانی جان بچانے والے آکسیجن گیس سلنڈر نایاب ہوتے جا رہے ہیں 12.8 کے جی کا سلنڈر جو کہ محض ایک ہفتہ قبل 10750 کا تھا اچانک اضافے سے 15500 کا ہو گیا ہے کوویڈ 19 کی تیسری خطرناک لہر پر میڈیسن سپلائرز نے من مانی قیمتیں لگانا شروع کر دی ہیں جس سے آکسیجن گیس کا فیس ماسک کی طرح نایاب ہونے کا خدشہ ہے
واضع رہے کہ گزشتہ سال 5 روپیہ والا وائٹ،گرین،بلیو فیس ماسک 100 روپیہ اور 100 روپیہ والا کے این 95 ماسک 1000 روپیہ میں فروخت ہوتا رہا ہے اگر گورنمنٹ نے آکسیجن سلنڈر کی قیمت قابو نا کی تو بہت بڑے نقصان کا خدشہ ہے لہذہ گورنمنٹ ان بلیک مارکیٹنگ مافیا کے خلاف جلد سے جلد آہنی ہاتھوں سے نمٹے اور فیس ماسک کی طرح آکسیجن گیس بھی بیرون ملک سے وافر مقدار میں منگوائے تاکہ ان بلیک میلروں کو منہ کی کھانی پڑے

قصور
آٹا من مانی قیمتوں پر فروخت،دکانداروں کو مل سے مہنگا مل رہا ہے ،دکانداروں کا مؤقف،گورنمنٹ دعوؤں اور گورنمنٹ کے حمایتی صفائیوں جبکہ غریب مہنگا آٹا خریدنے میں مصروف

تفصیلات کے مطابق قصور شہر اور گردونواح کے علاقوں،کھارا،نول،چوک اسٹیل باغ،قادر آباد ،رکن پورہ،پیرو والا،قادی ونڈ،بھلو،وڈانہ،لکھنیکے و مضافات میں آٹا دکانوں سے مل تو رہا ہے مگر گورنمنٹ کی قیمتوں کے مطابق نہیں بلکہ 20 کلو کا تھیلا 1040 اور 10 کلو کا تھیلا 530 روپیہ میں فروخت کیا جا رہا
اس بابت جب دکانداروں سے پوچھا گیا تو دکانداروں نے قسمیں کھانا شروع کر دیں کہ ہمیں مل سے سرکاری ریٹ سے ہٹ کر مہنگا مل رہا ہے ہم فی تھیلا 20 روپیہ نفع لیتے ہیں سودا سلف بیچنے کیلئے آٹا رکھنا ہماری مجبوری ہے ورنہ آٹے کا گاہک ہمیں تکرار کر کے پریشان ہی کرتا ہے حالانکہ گورنمنٹ مل مالکان کو کنٹرول کرنے میں مکمل ناکام ہے اور سبسٹڈی بھی مل مالکان کو ہی مل رہی ہے
دکانداروں نے بتایا کہ اتفاق فلور مل رائیوند روڈ،نیشنل فلور مل،مستری فلور مل کے مالکان پیسے پہلے لیتے ہیں اور بعد میں آٹا دیتے ہیں اگر ان سے سرکاری ریٹ پر مطالبہ کیا جاتا ہے تو کہتے ہیں رمضان بازار سے جا کر خرید لیں تکرار نا کریں
آٹے کی قیمت پر حکومتی دعوے دھرے کے دھرے رہ گئے ہیں اور گورنمنٹ دعوے کرنے جبکہ گورنمنٹ کے حمایتی آٹے کی قیمت پر گورنمنٹ کا دفاع کرنے اور غریب بیچارہ مہنگا آٹا خریدنے میں مصروف ہے

قصور
تحصیل چونیاں کے شہر الہ آباد کا غریب شہری ارشاد ولد طفیل قوم شیخ باولے کتوں کے ظلم کا شکار ہو گیا
انتظامیہ باولے کتوں کو تلف کرے شہری کا اعلیٰ حکام سے نوٹس لینے کا مطالبہ
ماڈل رورل ہیلتھ سنٹر الہ آباد میں ویکسین اور ادوایات موجود نہیں
صوبائی وزیر صحت ڈاکٹر یاسمین راشد سے نوٹس لینے کا مطالبہ

تفصیلات کے مطابق الہ آباد اور گردونواح میں باولے کتوں کا مٹر گشت جاری
عام شہریوں کی زندگی عذاب بن گئی علاقے میں خوف کی فضا قائم
الہ آباد میں آوارہ اور باولے کتوں کا مٹر گشت جاری
باولے کتے شہریوں کو زخمی کرنے لگے
تحصیل چونیاں انتظامیہ اور میونسپل کمیٹی الہ آباد کا عملہ
لمبی تان کر سو گیا
اور دو لاکھ آبادی والے شہر الہ آباد رورل ہیلتھ سنٹر میں سہولیات کا فقدان کتے کو کاٹنے والے مریضوں کے لیے ویکسین موجود نہیں
متاثرہ شخص الہ آباد کا رہائشی ارشاد ولد طفیل کو رورل ہیلتھ سنٹر الہ آباد کے عملے نے چونیاں ریفر کر دیا
سماجی حلقوں اور تاجر برادری نے ڈی سی قصور اور صوبائی وزیر صحت ڈاکٹر یاسمین راشد سے مطالبہ کیا ہے کہ الہ آباد میں کتے کاٹتے والے مریضوں کے لیے ویکسین اور دوائی فراہم کی جائے

قصور

پتوکی تھانہ سرائے مغل کے نواحی گاؤں دولو ملتانی میں سرعام اسلحہ کی نمائش کرنے سے روکنے پر تلخ کلامی، اسلحہ سے مسلح سات ملزمان کا ارشد جاوید کے بیٹے اور ساتھیوں پر حملہ،فائرنگ سے محمد ندیم شدید زخمی ہو گیا

تفصیلات کے مطابق تھانہ سرائے مغل کے نواحی گاؤں دولو ملتانی میں ملزمان راشد،ظفراقبال،شمشاد،غلام نبی،ارشاد اپنے دیگر ساتھیوں کے ہمراہ گاؤں میں سرعام اسلحہ کی نمائش کر رھے تھے،محمد ندیم نے ملزمان کو اسلحہ کی نمائش کرنے سے منع کیا جس کا انھوں نے برا منایا،اور تلخ کلامی ھو گئی،اور اسی رنجشن کی بنا پر ملزمان نے ارشد جاوید کے بیٹے محمد ندیم اوربھتجے عمران علی پر حملہ کر دیا اور فائرنگ کر دی،فائرنگ کے نتیجے میں محمد ندیم شدید زخمی ھو گیا،جسکو تشویش ناک حالت کے پیش نظر تحصیل ھیڈ کوارٹر ھسپتال پتوکی سے لاھور ھسپتال منتقل کر دیا گیا ھے،تھانہ سرائے مغل پولیس نے مدعی ارشد جاوید کی تحریری درخواست پر راشد،ظفراقبال سمیت سات ملزمان کے خلاف مقدمہ درج کر لیا ہے

قصور
پتوکی کے نواحی گاؤں اولکھ بونگا میں بچوں کے درمیان لڑائی کی رنجش پر چھ افراد کا چادر اور چار دیواری کا تقدس پامال کرتے ہوئے افتخار حسین کے گھر پر دھاوا،وحشیانہ تشدد،کپڑے پھاڑ کر اسکی بیوی کو نیم برھنہ کر دیا،لوگوں مین تشویش کی لہر

تفصیلات کے مطابق چند روز قبل اولکھ بونگا میں رہائش پذیر افتخار حسین اور ملزمان اسلم،اشرف وغیرہ کے بچوں کے درمیان معمولی بات پر تنازعہ ھوا اور اسی جھگڑے کی رنجشن کی بنا پر ملزمان اسلم،اشرف،سعید،عثمان،عرفان،اور کاکا نے ڈنڈوں اور استروں سے گھر پر حملہ کر دیا،چادر اور چار دیواری کا تقدس پامال کرتے ہوئے گھر میں داخل ھو گئے،ملزمان نے افتخار حسین اور اسکی بیوی مافیا بی بی کو وحشیانہ طریقے سے تشدد کا نشانہ بنایا،کپڑے پھاڑ کر برھنہ کر دیا اور گھسیٹے ھوئے بازار میں لے گئے،ملزمان سنگین نتائج کی دھمکیاں دیتے ہوئے فرار ھو گئے، تھانہ صدر پولیس نے افتخار حسین کی تحریری درخواست پر چھ ملزمان کے خلاف مقدمہ درج کر لیا ہے

قصور
ہسپتال میں کرونا ٹیسٹ کٹس ختم،لوگوں کی زندگیاں خطرے میں

تفصیلات کے مطابق کورونا کے مریضوں کی جانچ کے لئے قصور میں ٹیسٹنگ کیٹس ختم ہو گئی ہیں کورونا ٹیسٹ کٹس ختم ہونے سے لاکھوں افراد کی زندگیاں خطرے میں پڑ گئیں
لوگ پرائیویٹ لیب سے مہنگے داموں ٹیسٹ کروانے پر مجبور ہو گئے ہیں جبکہ مثبت ٹیسٹ آنے پر اہل خانہ کے ٹیسٹ نہ ہو سکے
ٹیسٹ کیٹس پرائمری اینڈ ہیلتھ سکینڈریجبکہ ڈاکٹر لئیق کا کہنا ہے کہ ڈیپارٹمنٹ سے نہیں ملی

مثبت کیس والے فرد کے ایل خانہ کے ٹیسٹ کٹس

نہ ہونے کی وجہ سے نہیں کر سکتے

کوروناٹیسٹ کٹس کی عدم فراہمی پر 8 لاکھ آبادی والے شہر قصور کے لوگوں کی زندگیاں خطرے میں ڈال دی گئی

قصور
چونیاں کے علاقے ذلہ آباد میں کورونا ایس او پیز کی خلاف ورزی پر متعدد دکانیں سیل بعض کو جرمانے اور درجن کے قریب دکاندار حوالات میں بند کر دیئے

تفصیلات کے مطابق گزشتہ روز چیف آفیسر میونسپل کمیٹی شبیر احمد نے دیگر عملہ کے ہمراہ الہ آباد شہر میں کورونا ایس او پیز کی خلاف ورزیاں کرنے پر متعدد دکانیں سیل کر دیں بعض کو جرمانے عائد کئے اور ایک درجن کے قریب دکاندار جنہوں نے شام چھ بجے کے بعد بھی دکانیں کھولی ہوئی تھیں ان کو حوالات میں بند کروا دیا اور بعد ازاں ان کو وارننگ دیکر رہا کر دیا گیا چیف آفیسر میونسپل کمیٹی شبیر احمد نے صحافیوں سے گفتگو کرتے ہوئے کہا کہ حکومتی ہدایات کے مطابق تمام دکاندار عمل کریں کورونا ایس او پیز کی خلاف ورزی کرنے والون کے خلاف سخت کارروائی کی جائے گی

قصور
نواحی گاؤں بھیڈیاں کلاں نزد ساندہ پھاٹک میں نامعلوم چور حویلی سے موٹر سائیکل سی جی ون ٹو فائیو لے اڑے

تفصیلات کے مطابق قصور میں موٹر سائیکل چوری ہونے کا سلسلہ نا رک سکا عامر لطیف ولد محمد لطیف سکنہ بھیڈیاں کلاں تھانہ گنڈہ سنگھ نے درخواست دی کہ مورخہ 18_4_21 کو وہ نماز مغرب کے وقت اپنے کھیتوں میں موجود حویلی سے گھر کھانا کھانے پیدل آیا اور اپنی موٹر سائیکل سی جی ون ٹو فائیو نمبر LEY_ 5309 ماڈل 20 اپنی حویلی پر ہی چھوڑ آیا جسے حویلی کی دیواریں جو کہ لگ بھگ 10 فٹ اونچی ہیں پھلانگ کر نامعلوم چور لے اڑے جس کا علم مجھے تقریبا رات 9 بجے حویلی پہنچنے پر ہوا جس پر میں نے 15 پر کال کی تو پولیس نے موقع پر پہنچ کر مجھے تسلی دی اور موٹر سائیکل ڈھونڈ کر دینے کا وعدہ کیا اور میری درخواست درج کرلی
متاثرہ شحض نے جلد سے جلد موٹر سائیکل ڈھونڈ کر نامعلوم چوروں کو پکڑ کر نشان عبرت بنانے کا مطالبہ کیا ہے

قصور

گزشتہ 2 ماہ سے ڈسٹرکٹ ٹریفک پولیس آفیسر کی مستقل تعیناتی نہ ہوسکی ڈی ایس پی ٹریفک کا اضافی عہدہ ڈی ایس پی صدر کاظمی شاہ کو سونپ دیا مگر وہ یہ ذمہ داری نبھانے میں ناکام نظر آرہے ہیں ڈسٹرکٹ ٹریفک پولیس آفیسر کی مستقل تعیناتی نہ ہونے کے باعث دفتری امور کے ساتھ ساتھ شہر قصور میں ٹریفک کا نظام درہم برہم ہوگیا ۔شہر بھر میں بے ہنگم ٹریفک کے باعث شہریوں کو شدید مشکلات کا سامنا ٹریفک اہلکار اپنی ڈیوٹی سے غائب ۔شہریوں کا جلداز جلد قصور میں مستقل ڈسٹرکٹ ٹریفک آفیسر کی تعیناتی کا مطالبہ

تفصیلات کے مطابق تقریباً دو ماہ قبل ڈی ایس پی ٹریفک نعیم احمد چیمہ کو کریشن کی بناء پر معطل کردیا گیا تھا اور اسکی کریشن پر وزیراعلیٰ پنجاب نے بھی نوٹس لے کر محکمانہ انکوائری کا حکم دیا تھا اسکی معطلی کے دو ماہ بعد گزرنے کے بعد بھی ضلع قصور میں کسی بھی ڈسٹرکٹ ٹریفک آفیسر کی مستقل تعیناتی نہیں ہوسکی ہے ڈی۔ایس ٹریفک کا اضافی عہدہ ڈی ایس پی صدر سید کاظمی شاہ کو سونپ دیا گیا مگر وہ یہ ذمہ داری نبھانے میں ناکام دکھائی نظر رہے ہیں ۔ انتہائی اہمیت کی حامل سیٹ عرصہ دوماہ سے خالی پڑی ہے جس کے باعث ٹریفک آفس کے امور کے ساتھ ساتھ شہر بھر میں بے ہنگم ٹریفک جیسے بھی مسائل پیدا ہوچکے ہیں ۔ٹریفک اہلکار اپنی ڈیوٹی سے غائب نظرآتے ہیں چیک اینڈبیلنس نہ ہونےسےٹریفک اہلکاروں کی موجیں لگی
ہوئی ہیں اپنے من پسند کے پوائنٹ سنبھال کر خوب مال کمایا جارہا ہے شہر بھر میں بے ہنگم ٹریفک کے باعث شہریوں کو شدید مشکلات کا سامنا ہے ٹریفک اہلکار اندرون شہر کی بے ہنگم ٹریفک کنٹرول کرنے کی بجائے شہر کے داخلی وخارجی راستوں یر ناکے لگا کر رشوت کا بازار گرم کیا ہوا ہے اور نذرانے لے کر دن کے اوقات میں شہر میں ہیوی گاڑیوں کے داخلے کی اجازت دے دیتے ہیں جوکہ ٹریفک جام کا سبب بن رہی ہیں اوراپنی سرپرستی میں مین شاہراؤں پر غیر قانونی رکشہ سٹینڈ بس سٹینڈ قائم کروا رکھے ہیں جسکی باعث شہر میں اور مین چوکوں نیشنل بنک چوک چاندنی چوک سٹیل باغ چوک شفیع والے چوک نور مسجد چوک لیلانی اڈا چوک اور دیگر چوکوں میں گھنٹوں گھنٹوں ٹریفک جام رہنا معمول بن چکا ہے جسکی وجہ سے شہریوں کو شدید ازیت کوفت اٹھانا پڑھ رہی ہے یہاں تک کہ ٹریفک میں پھنسے شہریوں کی افطاری راستےمیں ہو جاتی ہے جبکہ ان مین چوکوں میں کوئی اہلکار ٹریفک کنٹرول کرنے کے لئے موجود ہی نہیں ہوتا۔ اہلکار اپنی ڈیوٹی سے غائب نظر نہیں آتے ہیں شہریوں نے آئی جی پنجاب سے مطالبہ کیا ہے قصور میں مستقل ڈی ایس پی ٹریفک کو جلد از جلد تعینات کیا جائے تاکہ شہریوں کو ٹریفک جیسے مسائل سے چھٹکارہ حاصل ہو اور ٹریفک اہلکاروں کا بھی قبلہ درست ہو سکے