Tag: قصوریات

قصور
لیسکو قصور لوگوں کو چونا لگانے میں مصروف صارف کو 78000 روپیہ اضافی ڈال دیا بجائے بل ٹھیک کرنے کے بل کی اقساط کر دیں
تفصیلات کے مطابق آٹا چکی کے مالک محمد شہباز ولد شیر محمد نے نمائندہ باغی ٹی وی کو بتایا کہ کہ میں لیسکو قصور سب ڈویژن راجہ جنگ کا صارف ہوں میرا میٹر آئی نمبری 46117531326100R ہے جس پر آیا گیا بل میں ہر ماہ باقاعدگی سے ادا کرتا ہوں اس مرتبہ ماہ دسمبر کا بل مجھے 16 دسمبر کو موصول ہوا جس کی تاریخ ادائیگی 18 دسمبر 2019 ہے مجھے ٹوٹل بل 133855 روپیہ آیا ہے جس میں موجودہ بل 56353 روپیہ ہے باقی 78000 روپیہ بل ایڈجسٹ انسٹالمنٹ کے نام پر ڈالے گئے ہیں حالانکہ میرے ذمے کوئی بقایا جات بھی نہیں میں نے 16 تاریخ سے لیسکو دفتر واپڈا سب ڈویژن جانا شروع کیا اور کل 20 تاریخ کو ایس ڈی او صاحب دفتر ملے ورنہ پہلے جب بھی جاتا یہی معلوم پڑتا کہ ایس ڈی او صاحب دفتر نہیں آئے
میں نے بل ایس ڈی او صاحب کو دکھلایا تو انہوں نے میرے ذمے پرانا حساب کتاب دیکھا اور کہا کہ آپ کے ذمے بقایا جات تو بلکل بھی نہیں مگر اس بل ایڈجسٹ انسٹالمنٹ کا مجھے بھی علم نہیں لحاظہ میں بل کی اقساط کر سکتا ہوں اس سے زیادہ کچھ نہیں سو میں مجبور ہو کر میں نے 56000 روپیہ کی قسط کروا کر بل ادا کر دیا اب اگلے مہینے پھر وہی باقی رقم مجھے ادا،کرنی پڑے گی میں ایک غریب آدمی ہوں اور 78000 روپیہ کی رقم مجھ پر اضافی ڈالی گئی ہے لحاظہ ایس ای قصور اور چیئرمین واپڈا مجھے انصاف دلوائیں میں لاکھوں روپیہ بجلی کے بل کی مد میں ادا کرتا ہوں

قصور
الہ آباد میں حادثات کی روک تھام کے لئے پٹرولنگ پولیس کوڑے سیال کی خصوصی آگاہی مہم شروع عوام دھند اور سموگ کے باعث حادثات سے بچنے کے لئے حفاظتی انتظامات کریں ان خیالات کا اظہار پٹرولنگ پولیس کوڑے سیال کے انچارج اہتشام الحق اور شفٹ انچارج اے ایس آئی ملک لیاقت و دیگر عملہ نے میڈیا نمائندگان و عوام سے کیا
انہوں نے کہا کہ دھند اور سموگ کے باعث حادثات کی روک تھام کے لئے آگاہی مہم شروع کر دی گئ ہے بس اسٹاپ اڈوں، عوامی جگہوں ، سکول اور کالجز کے طلباء، طالبات میں آگاہی پمفلٹ کی تقسیم اور سیمینارز کا اہتمام بھی کیا جا رہا ہے پٹرولنگ پولیس کوڑے سیال کے شفٹ انچارج اے ایس آئی ملک لیاقت نے صحافیوں سے گفتگو کرتے ہوئے کہا کہ حادثات کی شرح کم کر کے قیمتی جانوں اور املاک کو بچایا جا سکتا ہے والدین اپنے بچوں کو بھی شعور دیں تاکہ وہ بھی ٹریفک قوانین پر عملدرآمد کریں انہوں نے مزید کہا کہ پٹرولنگ پولیس عوام کو حادثات سے بچانے کے لئے دن رات بھرپور محنت کر رہی ہے

قصور
کوٹ رادہاکشن پولیس کی بڑی کاروائی 2 بچوں کے اغواء کا ڈراپ سین بچے سوتیلی ماں کے تشدد سے ڈر کر گھر سے بھاگے تھے
تفصلات کے مطابق بچوں کے ڈراپ سین کو پولیس نے بے نقاب کر دیا
گزشتہ دنوں سوتیلی ماں کے تشدد اور ڈانٹ ڈپٹ سے تنگ دونوں بچے گھر سے بھاگ کر اپنی سگی ماں کے پاس لاہور پہنچ گئے تھے
دونوں بچے عبدالرحمان اور فرید نے والدین کو چھوڑنے کی کوشش کی مگر بے سود
بچوں کی گمشدگی کی اطلاع بچوں کے والد نے 15 پر کال کی تھی جس پر ڈی پی او قصور نے نوٹس لیتے ہوئے ایس ایچ او کوٹرادہاکشن رائے ناصر عباس اور سٹی چوکی انچارج کامران شہزاد کو ٹاسک دیا کہ جلد سے جلد بچوں کو ڈھونڈیں
پولیس نے موبائل فون سے بچوں کی لوکیشن ٹریس کر کے ڈھونڈ نکالا
ڈی پی او قصور اور ڈی ایس پی صدر سرکل نے کوٹرادہاکشن پولیس کو شاباش دی اور کوٹرادہاکشن کی عوام نے پولیس کو خوب داد دی

قصور
لوڈشیڈنگ میں لیسکو قصور سب ڈویژن راجہ جنگ سب سے آگے لوگوں کو ذلیل کرنا مشن بنا لیا نماز جمعہ ادا کرنا مشکل بنا دیا
تفصیلات کے مطابق ہر جمعرات کی شام بجلی غائب کر دی جاتی ہے اور جمعہ سے چند گھنٹے پہلے بھیجی جاتی ہے تاکہ لوگ جمعہ کی تیاری بھی نا کر سکیں یہ حالت ہے لیسکو سب ڈویژن راجہ جنگ کی پچھلی جمعرات والے دن بھی اوراڑہ نو و کلاں میں نماز جمعہ تک بجلی غائب تھی اور آج بھی کل شام 6 بجے سے بجلی بند ہے لوگوں نے بتایا کہ 24 گھنٹوں میں بمشکل 12 گھنٹے بجلی مل رہی ہے وہ بھی مہنیے میں 3 مرتبہ سارا دن غائب رہتی ہے
لوگوں نے نمائندہ باغی ٹی وی سے گفتگو کرتے ہوئے کہا کہ ہم ہر جمعہ والے دن نماز جمعہ ادا کرنے سے لیٹ ہو جاتے ہیں شاید لیسکو قصور کی سب ڈویژن راجہ جنگ کو نماز جمعہ ادا پسند نہیں اسی لئے وہ کئی سال سے ہمارے ساتھ ایسا کر رہے ہیں
لحاظہ ایس ای قصور اور چیئرمین واپڈا ایس ڈی او سب ڈویژن راجہ جنگ سے پتہ کروائیں کہ انہیں لوگوں کے جمعہ کی ادائیگی سے کوئی مسئلہ تو نہیں

قصور
پنجاب حکومت کے ویژن کے مطابق ضلعی انتظامیہ قصور کے افسران متحرک انسدادِ سموگ پر کاروائیاں

تفصیلات کے مطابق ڈپٹی کمشنر قصور اظہر حیات کی خصوصی ہدایات پر عمل کرتے ہوئے اسسٹنٹ کمشنر تحصیل چونیاں عدنان بدر کا تحصیل چونیاں میں اینٹوں کے بھٹوں پر زبردست کریک ڈاؤن کیا گیا جس میں
2 اینٹوں کے بھٹوں کو موقع پر ہی بند کروایا گیا اور سیل کر دیا گیا
ایس ایس برکس محمدی پور روڈ اور توحید برکس کو گجن بائی پاس پر سیل کیا گیا ہے جس میں 1 شخص کو مزاحمت کرنے پر گرفتار بھی کروایا گیا ہے
میٹریل کو ضبط کر لیا گیا اور دفتروں کو سیل کر دیا گیا
بھٹوں سے نکلنے والا دھواں ماحولیاتی آلودگی اور سموگ کا سبب بن رہا تھا
پنجاب حکومت نے انسداد سموگ پر بھٹوں کے خلاف سخت کریک ڈاؤن جاری رکھنے کی ہدایت کر رکھی ہے
اور مذید کاروائیاں بھی کی جائینگی

قصور
محمکہ واپڈا قصور نااہلی میں سب سے آگے شہریوں کے کہنے کے باوجود بجلی کی تاریں لٹکتی رہی
تفصیلات کے مطابق محمکہ واپڈا قصور ہڈ حرامی میں سب سے آگے ہے کل صبح سے حاجی فرید روڈ بالمقابل گورنمنٹ گرلز سکول قصور کے بجلی کی تاریں لٹکتی رہیں جس کی اطلاع شہریوں نے محکمہ کو دی مگر سارا دن کوئی اہلکار تاریں ٹھیک کرنے نا آیا لٹکتی تاروں سے دو موٹر سائیکل سوار ٹکڑائے بھی مگر خوش قسمتی سے کوئی جانی نقصان نا ہوا رات گئے واپڈا اہلکار پہنچے اور تاریں ٹھیک کیں
لڑکیوں کا سکول سامنے ہونے سے سارا دن راہگیروں کیساتھ لڑکیوں کو بھی گزرنے میں دشواری کا سامنا کرنا پڑا
عوام نے اعلی حکام سے نوٹس لینے کا مطالبہ کیا ہے

قصور
کل سے ملی مردہ خاتون کی شناخت نا ہو سکی
تفصیلات کے مطابق الہ آباد میں ڈاکٹر عظیم الدین زاہد لکھوی راہنما پی ٹی آئی کے ڈیڑے کے قریب سے گھر سے ایک نامعلوم خاتون کی لاش ملی ہے
جس کی ابھی تک کوئی بھی شناخت نہیں ہوسکی
تھانہ الہ آباد کے ایس ایچ او رمضان ڈوگر اور سب انسپکٹر محمد اشرف اور محمد احمد صاحب انسپکٹر نے موقع پر پہنچ کر لاش قبضہ میں لے کر کاروائی شروع کر دی تھی مگر نامعلوم عورت کی ابھی تک شناخت نہیں ہو سکی

قصور
الہ آباد پولیس کی بڑی کاروائی موبائل چھیننے والا گروہ گرفتار مذید وارداتوں کا بھی انکشاف
تفصیلات کے مطابق الہ آباد میں باءو موبائل پر کچھ روز پہلے ہونے والی چوری کو ڈی ایس پی چونیاں شمس الحق درانی نے تھانہ الہ آباد کے ایس ایچ او رمضان ڈوگر سب انسپکٹر محمد شریف کے ساتھ مل کر دن رات محنت کرکے چوروں کو پکڑ لیا اور ملزمان سے موبائل فون طلائی زیورات و نقدی پیسے لوٹے ہوئے واپس مالکان تک پہنچائے
جس پر لوگوں نے ڈی ایس پی چونیاں اور ایس ایچ او تھانہ الہ آباد اور ان کی ٹیم کو خراج تحسین پیش کیا اور ان کا شکریہ ادا کیا

قصور
کوٹ رادہاکشن میں ﮈکیتی کی واردات

تفصیلات کے مطابق کوٹ رادہاکشن میں 4 مسلح ﮈاکوؤں کی مین رائیونڈ روﮈ پر واقع خان زرعی ادویات کی دکان پر ﮈکیتی کی واردات
مسلح ﮈاکو سہیل نامی دکان کے مالک سے گن پوائنٹ پر 4 لاکھ 90 ہزار لوٹ کر فرار ہوگئے
مسلح ﮈاکو 2 موٹر سائیکلوں پر سوار تھے اور نقاب کئے ہوئے تھے
کوٹ رادھا کشن پولیس نے جاۓ وقوعہ پر پہنچ کر معمول کی کاروائی شروع کر دی ہے
واردات سے شہریوں میں خوف و ہراس پھیل گیا

قصور میں پولیو مہم جاری پولیو ورکر گھر گھر جاکر قطرے پلانے میں مصروف
تفصیلات کے مطابق ملک بھر کی ضلع قصور میں بھی پولیو مہم جاری ہے جس میں پولیو ٹیمیں گھر گھر جاکر چھوٹے بچوں کو قطرے پلا رہے ہیں جبکہ ضلع بھر کی مساجد میں اعلانات کروائے جا رہے ہیں کہ اپنے بچوں کو گھر رکھیں اور قطرے پلوائیں اس کے علاوہ سکولوں ،مدرسوں اور تمام پبلک مقامات پر بھی پولیو ٹیمیں جا کر بچوں کو قطرے پلا رہی ہیں جبکہ پولیو ٹیموں کی حفاظت پر قصور پولیس بھی تعینات کی گئی ہے