Tag: محسن نقوی

اسلام آباد: پاکستان میں چینی سفیر جیانگ زی ڈونگ نے محسن نقوی کے ساتھ ملاقات کے دوران کہا ہےکہ چین ہر طرح کی دہشتگردی کی مذمت کرتا ہے –

وزیرداخلہ محسن نقوی سے چین کے سفیر جیانگ زی ڈونگ کی اہم ملاقات ہوئی جس میں چینی سفیر نے بلوچستان میں ہونے والی حالیہ دہشت گرد حملوں کی مذمت کی اور متاثرہ خاندانوں سےتعزیت اورہمدردی کا اظہار کیا،ملاقات میں انسدادِ دہشتگردی سمیت داخلی سلامتی اور سکیورٹی تعاون پر تفصیلی تبادلہ خیال کیا گیا جب کہ انٹیلی جنس شیئرنگ اور سائبر کرائمز کے شعبوں میں تعاون بڑھانے پر بھی اتفاق ہوا۔

چینی سفیر نے کہا کہ دکھ کی گھڑی میں متاثرین کے ساتھ مکمل یکجہتی کا اظہار کرتے ہیں، چین ہر طرح کی دہشتگردی کی مذمت کرتا ہے اور ہم دہشتگردی کے خلاف جنگ میں پاکستان کے ساتھ مضبوطی سے کھڑے ہیں۔

سعودی عرب: اونٹوں کو پاسپورٹ جاری کرنے کا فیصلہ

اس موقع پر محسن نقوی کا کہنا تھا کہ بلوچستان میں دہشتگردی منظم اور طے شدہ منصوبے کے تحت کی گئی مگر بلوچستان میں دہشتگردی پر سکیورٹی فورسزنے بروقت مؤثر رسپانس دیا وزیرداخلہ نے چینی سفیر کو چینی شہریوں اور چینی پروجیکٹس کی حفاظت کے اقدامات پر بریف کرتے ہوئے کہا کہ چینی شہریوں اور پروجیکٹس کی حفاظت بے حد عزیز ہے، ‎چینی شہریوں کو ہرممکن سکیورٹی فراہم کرنا ہماری اولین ترجیح ہے لہٰذا اسی تناظر میں چینی شہریوں کی سکیورٹی کے لیے اسپیشل پروٹیکشن یونٹ تشکیل دیا جا رہا ہے، پاک چین دوستی کو دشمن کسی صورت نقصان نہیں پہنچا سکتا انسداد دہشتگردی آپریشنز کے لیےجدید چینی ٹیکنالوجی اور ساز وسامان معاون ثابت ہوگا۔

بلوچستان میں آپریشن رد الفتنہ ون کامیابی سے مکمل ،216 دہشتگرد جہنم واصل

محسن نقوی اور چینی سفیر نے پاک چین اسٹریٹیجک شراکت داری کو مزید مضبوط بنانے کے عزم کا اعادہ کیا اور چینی سفیر نے چینی شہریوں کی سکیورٹی پر اقدامات پر شکریہ بھی ادا کیا جب کہ محسن نقوی نےچین کی جانب سے ہر موقع پر غیر متزلزل حمایت پر چینی سفیر کا شکریہ ادا کیا۔

وفاقی وزیر داخلہ محسن نقوی نے کہا ہے کہ اوورسیز پاکستانیوں کے جائیداد کے حقوق کا مکمل تحفظ کیا جائے گا –

محسن نقوی نے سوشل میڈیا پر جاری بیان میں بیرونِ ملک مقیم پاکستانیوں کو یقین دہانی کراتے ہوئے کہا ہے کہ اگر اسلام آباد میں کسی بھی جائیداد پر قبضے یا غیر قانونی تصرف کی شکایت درج کرائی جائے تو ڈپٹی کمشنر اسلام آباد سات دن کے اندر فیصلہ کرنے کے پابند ہوں گے اوورسیز پاکستانیوں کے جائیداد کے حقوق کا مکمل تحفظ کیا جائے گا اور کسی کو بھی قانونی طور پر ملکیتی اثاثے پر قبضے کی اجازت نہیں دی جائے گی۔

وزیر داخلہ کا کہنا تھا کہ اسلام آباد کیپیٹل ٹیریٹری میں بیرونِ ملک پاکستانیوں کی سرمایہ کاری کو خوش آمدید کہا جاتا ہے اور اسے قدر کی نگاہ سے دیکھا جاتا ہے، حکومت سرمایہ کاروں کے لیے محفوظ اور سرمایہ کار دوست ماحول فراہم کرنے کے لیے پرعزم ہے جائیدادوں کے تحفظ کے لیے شفاف، تیز اور مؤثر کارروائی کو یقینی بنایا جائے گا تاکہ کسی بھی قسم کے قبضے یا غیر قانونی اقدام کا فوری سدباب ہو سکے، حکومت بیرونِ ملک پاکستانیوں کے اثاثوں کے تحفظ کو سو فیصد یقینی بنانے کے لیے ہر ممکن اقدامات کرے گی۔

اسلام آباد:وفاقی وزیر داخلہ محسن نقوی اور وزیر مملکت طلال چوہدری سے مفتی اعظم پاکستان مفتی منیب الرحمن کی سربراہی میں وفد نے ملاقات کی، وفد میں علامہ لیاقت حسین اظہری، مفتی عابد مبارک المدنی اور ملک محمد ابراہیم شامل تھے، وفاقی سیکرٹری داخلہ محمد خرم آغا، آئی جی اسلام آباد علی ناصر رضوی اور دیگر حکام بھی اس موقع پر موجود تھے۔

وزیرداخلہ محسن نقوی نے ملک میں قیام امن اور استحکام کے لیے مفتی منیب اور دیگر علمائے کرام کی خدمات کو خراج تحسین پیش کیا، وزیرداخلہ محسن نقوی نے وفد کو ان کے مسائل حل کرنے کی یقین دہانی کرائی،محسن نقوی نے کہا کہ مفتی منیب الرحمن سب کے لئے قابل احترام ہیں اور ہمیشہ اتحاد اتفاق اور یکجہتی کی بات کرتے ہیں، مفتی منیب الرحمن سب کو متحد رکھنے کا کردار ادا کرتے ہیں، ہم سب ایک ہیں اور پاکستان سب سے پہلے ہے۔

ملاقات میں اتفاق کیا گیا کہ مسائل کے حل کا جائزہ لیا جائے گا اور حل کے لئے اقدامات کئے جائیں گے وزیر مملکت داخلہ طلال چوہدری کی سربراہی میں کمیٹی تشکیل دی گئی، مفتی منیب الرحمن اور دیگر علما گرام بھی اس کمیٹی کا حصہ ہوں گے، کمیٹی مسائل کے حل کیلئے قابل عمل حل کیلئے سفارشات پیش کرے گی۔

طلال چوہدری نے کہا کہ علمائے کرام کی پاکستان کے لئے خدمات قابل ستائش ہیں، مفتی منیب الرحمن نے ملک کی سالمیت، ترقی، استحکام اور خوشحالی کے لیے دعا کی۔

اسلام آباد:معصوم شہریوں کو بیرونِ ملک ملازمت کا جھانسہ دے کر لوٹنے والے کسی رعایت کے مستحق نہیں۔

یہ ہدایات وزیر داخلہ محسن نقوی نے ایف آئی اے کراچی زون کے دورے کے دوران دیں، جہاں انہیں منی لانڈرنگ اور انسانی اسمگلنگ میں ملوث ایجنٹس اور مافیا کے خلاف جاری کارروائیوں پر بریفنگ دی گئی، وزیر داخلہ محسن نقوی نے منی لانڈرنگ، انسانی اسمگلنگ اور حوالہ، ہنڈی میں ملوث عناصر کے خلاف بھرپور کریک ڈاؤن کا حکم دیا،انہوں نے واضح کیا کہ حوالہ ہنڈی کا غیر قانونی کاروبار کسی صورت برداشت نہیں کیا جائے گا اور اس کے خلاف بلا امتیاز مؤثر کارروائی نظر آنی چاہیے۔

ڈائریکٹر ایف آئی اے کراچی زون نے وزیر داخلہ کو مختلف کیسز، تحقیقات اور اب تک کی پیشرفت سے آگاہ کیاوزیر داخلہ نے ایف آئی اے حکام کو ہدایت کی کہ انسانی سمگلنگ اور منی لانڈرنگ میں ملوث نیٹ ورکس کے خلاف مزید مؤثر اور نتیجہ خیز کارروائیاں کی جائیں اور ایسے عناصر کو قانون کے کٹہرے میں لایا جائے جو نوجوانوں اور معصوم شہریوں کا مستقبل داؤ پر لگا رہے ہیں۔

امریکی انسپکٹر جنرل کی افغانستان میں جنگ سے متعلق جامع رپورٹ جاری

انہوں نے زور دیا کہ غیر قانونی مالی سرگرمیوں میں ملوث افراد کے خلاف قانون کے مطابق سخت اقدامات کیے جائیں حکومت شہریوں کے جان و مال کے تحفظ اور ملک کی معیشت کو نقصان پہنچانے والے جرائم کے خاتمے کے لیے پرعزم ہے، اور ایف آئی اے سمیت تمام متعلقہ ادارے مکمل ہم آہنگی کے ساتھ کام کریں تاکہ جرائم پیشہ عناصر کے لیے کوئی گنجائش باقی نہ رہے۔

یونان کے تمام ہوائی اڈوں پر تکنیکی خرابی، فضائی آپریشن مکمل طور پر معطل

وفاقی وزیرداخلہ محسن نقوی نے کہا ہے کہ اسلام آباد میں متعدد منصوبوں کا افتتاح کیا ہے، آج شاہین چوک انڈرپاس کا افتتاح کررہے ہیں۔

وفاقی وزیرداخلہ محسن نقوی کے مطابق شاہین چوک، مری روڈ انڈر پاس، سرینا چوک اور بزنس اسٹیشن سینٹر کا منصوبہ رواں سال کامیابی کے ساتھ مکمل کیا گیا، سی ڈی اے، کنٹریکٹرز اور متعلقہ اداروں نے مشترکہ طور پر منصوبوں کی بروقت تکمیل کو یقینی بنایا۔

محسن نقوی نے بتایا کہ ٹریفک کی روانی بہتر بنانے کے لیے منصوبے فوری طور پر عوام کے لیے کھولنے کا فیصلہ کیا گیا، رواں سال درجنوں ترقیاتی منصوبے مکمل کیے گئے، جن میں معیار اور مضبوطی پر خصوصی توجہ دی گئی جبکہ شہرکی خوبصورتی برقراررکھنا حکومت کی اولین ترجیح رہی۔

انہوں نے کہا کہ خراب سڑکوں اور انفراسٹرکچر کی بحالی کا کام بھی جاری ہے اور ویژن 2027 کے تحت آئندہ دو سال کے منصوبوں کی تفصیلات مرتب کی جا رہی ہیں، آئندہ دو سال میں بڑے ترقیاتی اہداف حاصل کرنے اور منصوبوں کی تعداد میں اضافہ کرنے کا عزم کیا گیا ہے۔

انہوں نے چیئرمین سی ڈی اے اور متعلقہ ٹیم کی کارکردگی کو سراہتے ہوئے کہا کہ متعدد منصوبے تکمیل کے آخری مراحل میں داخل ہو چکے ہیں 2026 میں دوگنا زیادہ منصوبوں کا افتتاح کریں گے، اسلام آباد میں جیل پر بھی تیزی سے کام ہو رہا ہے 15 ارب روپے میں 18 پراجیکٹس مکمل کیے، آج شاہین چوک انڈرپاس کا افتتاح وزیر اعظم شہباز شریف کریں گے، ملک کے ٹاپ 25 ریسٹور ینٹس اسلام آباد آرہے ہیں، اگلے سال اسمارٹ سٹی، نیا کنونشن سینٹر اور ایکسپو سینٹر بنائیں گے۔

انہوں نے مزید کہا کہ اسلام آباد میں کرکٹ گراؤنڈ کے منصوبے پرعملی کام جاری ہے، کرکٹ اسٹیڈیم کےمنصوبےکا باقاعدہ اشتہار جاری کیا جا چکا ہے، اسلام آباد میں پاکستان کےخوبصورت ترین کرکٹ سٹیڈیم کی تعمیرہوگی،ایم ٹیگ منصوبےکے لیے پندرہ دن کی توسیع کی جارہی ہے، ایم ٹیگ کی توسیع کااعلان طلال چودھری خود کریں گے، عوامی نمائندوں کی مشاورت سےتوسیع کافیصلہ کیا گیا۔

محسن نقوی نے کہا کہ تعمیراتی منصوبوں کے دوران درخت بچانے کی بھرپور کوشش کررہے ہیں، ایک درخت کاٹتے ہیں تو سو درخت لگاتے ہیں،دارالحکومت میں جاری انسداد تجاوزات آپریشن کے بارے میں ان کا کہنا تھا کہ کسی کی ملکیتی ایک بھی گھر نہیں گرایا ہے، البتہ سرکار کی زمین پر گھر بنانے کی اجازت نہیں۔