Tag: محسن نقوی

اسلام آباد: وفاقی وزیر اطلاعات و نشریات عطاء اللہ تارڑ اور وزیر داخلہ محسن نقوی کے درمیان ملاقات ہوئی –

ملاقات میں باہمی دلچسپی کے امور، ملک میں امن و امان کی مجموعی صورتحال اور میڈیا کے مثبت کردار پر تفصیلی تبادلہ خیال کیا گیا،وفاقی وزیر داخلہ اور وزیر اطلاعات نے ریاستی بیانیے کو مضبوط بنانے، عوام میں اعتماد کی فضا قائم رکھنے اور سوشل میڈیا پر گمراہ کن معلومات کے تدارک کے لیے مربوط حکمت عملی اپنانے پر اتفاق کیا۔

وزیر اطلاعات عطاء اللہ تارڑ نے کہا کہ ملکی سالمیت، قومی اداروں کے وقار اور سماجی ہم آہنگی کے خلاف کسی بھی منفی پروپیگنڈے کو برداشت نہیں کیا جائے گا جبکہ وزیر داخلہ محسن نقوی نے کہا کہ امن و امان کے قیام اور دہشت گردی کے خلاف اقدامات میں میڈیا کا تعمیری کردار قابل تحسین ہے۔

ملاقات میں قومی مفاد کے تحت ادارہ جاتی ہم آہنگی کو مزید فروغ دینے پر بھی زور دیا گیا۔

ہنگو میں دہشتگردوں کی فائرنگ سے ڈی پی او محمد خالد زخمی، 4 دہشتگرد ہلاک

معرکہ حق میں شاندار کامیابی پر آئی ایس پی آر کی ڈاکومنٹری ریلیز

مون سون بارشوں کا چوتھا اسپل کل سے شروع ہو گا، پی ڈی ایم اے

حکومت نے بہادری کا مظاہرہ کرنے والے 71 افراد کو سول ایوارڈز دینے کا فیصلہ کر لیا۔

اسلام آباد میں وفاقی وزیر داخلہ محسن نقوی کی زیر صدارت کابینہ ڈویژن میں اجلاس ہوا، جس میں ملک و قوم کی حفاظت کے لیے بہادری اور شجاعت کا مظاہرہ کرنے والوں کے لیے سول ایوارڈز کی نامزدگی کا جائزہ لیا گیا،اجلاس میں مجموعی طور پر 71 افراد کے لیے مختلف سول اعزازات کی منظوری دی گئی۔

وفاقی وزیر داخلہ محسن نقوی نے کہا کہ ملک و قوم کی حفاظت کے لیے جان نچھاور کرنے والوں اور غیر معمولی بہادری کا مظاہرہ کرنے والوں کی حوصلہ افزائی انتہائی ضروری ہے، ان لوگوں نے اپنی جانوں کی پرواہ کیے بغیر ملک کی بے مثل خدمت کی ہے۔

حمیرا اصغر کا چوکیدار،گھریلو ملازمہ،بلڈنگ انتظامیہ تفتیش میں شامل

محسن نقوی نے کہا کہ قوم ان بہادر سپوتوں کی ہمیشہ شکر گزار رہے گی، شہدا وطن کے سر کا تاج ہیں، ان کی لازوال قربانیوں کو ہمیشہ یاد رکھا جائے گا، غازی قوم کے ہیرو ہیں اور ان کی جرات پر سب کو ناز ہےشہدا اور غازیوں کی قربانیوں کو ہرگز رائیگاں نہیں جانے دیا جائے گا۔

اجلاس میں اسپیشل سیکرٹری داخلہ، ایڈیشنل سیکریٹری داخلہ، ایڈیشنل سیکریٹری کابینہ ڈویژن، ڈپٹی ڈی جی انٹیلی جنس بیورو (آئی بی) اور متعلقہ اعلیٰ حکام نے شرکت کی،تمام صوبوں بشمول آزاد کشمیر اور گلگت بلتستان کے ایڈیشنل چیف سیکریٹریز اور سیکریٹریز داخلہ نے بذریعہ زوم اجلاس میں شرکت کی۔

پچھلی بار جو وار کیا، وہ ابتدائی تھا، اصل طاقت کا مظاہرہ ابھی باقی ہے،خامنہ ای

وزیر داخلہ محسن نقوی نے 13 جولائی 1931 کو اذان کے احترام میں جانوں کا نذرانہ دینے والے 22 کشمیری شہداء کو خراج عقیدت پیش کیا-

وفاقی وزیر داخلہ محسن نقوی نے یومِ شہدائے کشمیر کے موقع پر اپنے پیغام میں بھارت کی مقبوضہ کشمیر میں انسانی حقوق کی خلاف ورزیوں پر شدید تنقید کرتے ہوئے کہا ہے کہ امریکی صدر ڈونلڈ ٹرمپ کی ثالثی کی پیشکش نے امن کا دروازہ کھولا، لیکن بھارت نے انکار کر کے یہ دروازہ خود بند کیا، جو اس کی جنگی ذہنیت کا واضح ثبوت ہے۔

حسینہ واجد کی بیٹی پر کرپشن کے الزامات،عالمی ادارہ صحت کا بڑا فیصلہ

محسن نقوی نے کہا کہ ’13 جولائی 1931، مظلوم کی زبان بند کرنے والے ظالمانہ نظام کے خلاف حریتِ ضمیر کی پہلی گھنٹی تھی۔ ڈوگرہ راج کی بندوقیں اور آج کا بھارتی تشدد، ایک ہی ظلم کی مختلف شکلیں ہیںمقبوضہ کشمیر میں عقائد، شناخت اور رائے کو ریاستی طاقت سے دبایا جا رہا ہے، جو انسانی وقار کی تضحیک کے مترادف ہےمودی سرکار بھی ڈوگرہ راج کی طرز پر کشمیریوں پر ظلم کے پہاڑ توڑ رہی ہےکشمیریوں کے خون سے اٹھنے والی آزادی کی پکار کو دنیا کی کوئی طاقت دبا نہیں سکتی ’پاکستان کشمیریوں کے حق خودارادیت کا محافظ، علمبردار اور ضامن ہے، ہم ہر سطح پر کشمیری بھائیوں کی سیاسی، سفارتی اور اخلاقی حمایت جاری رکھیں گے۔‘

روس یوکرین جنگ: شمالی کوریا کا روس کی غیر مشروط حمایت کا اعلان

اسلام آباد: وفاقی وزیر دخالہ محسن نقوی نے کہا ہے کہ صدر مملکت کا افواج پاکستان کی قیادت سے انتہائی مضبوط اور باعزت تعلق ہے-

محسن نقوی نے سوشل میڈیا پلیٹ فارم ”ایکس“ پر جاری پیغام میں کہا ہے کہ ہمیں بخوبی علم ہے کہ صدر مملکت آصف علی زرداری، وزیراعظم شہباز شریف اور چیف آف آرمی اسٹاف جنرل سید عاصم منیر کے خلاف گمراہ کن پروپیگنڈہ مہم کے پیچھے کون عناصر ہیں،اس مہم کا مقصد ریاستی اداروں کے درمیان بداعتما د ی پیدا کرنا اور ملک کو عدم استحکام کی طرف دھکیلنا ہے،صدر مملکت سے استعفیٰ لینے یا آرمی چیف کے صدر بننے کے کسی بھی قسم کے خیال یا تجویز پر نہ تو کوئی بات ہوئی ہے اور نہ ہی ایسا کوئی منصوبہ موجود ہے۔

وزیر داخلہ نے کہا کہ صدر مملکت کا افواج پاکستان کی قیادت سے انتہائی مضبوط اور باعزت تعلق ہے، اور خود صدر زرداری نے واضح الفاظ میں کہا ہے کہ ’مجھے بخوبی معلوم ہے یہ جھوٹ کون پھیلا رہا ہے، کیوں پھیلا رہا ہے اور کس کو اس مہم سے فائدہ پہنچ رہا ہے۔‘

جنوبی کوریا کے سابق صدر دوسری بار گرفتار

محسن نقوی نے کہا کہ کہ آرمی چیف جنرل عاصم منیر کی تمام تر توجہ پاکستان کی طاقت، سلامتی اور استحکام پر مرکوز ہے، اور وہ صرف ملکی مفاد میں سوچتے اور عمل کرتے ہیں۔

انہوں نے کہا کہ جو لوگ غیر ملکی ایجنسیوں کے ساتھ مل کر اس بیانیے کو پروان چڑھا رہے ہیں، وہ جو چاہیں کرلیں، ہم اپنا فرض نبھائیں گے، اور انشاءاللہ پاکستان کو ایک بار پھر مضبوط بنائیں گے۔

ڈھاکا میں شیڈول اے سی سی میٹنگ پر بھارت کا اعتراض

وزیر داخلہ محسن نقوی نے حوالہ ہنڈی اور بھکاری مافیا کے خلاف مؤثر کریک ڈاؤن کا حکم دے دیا۔

ایف آئی اے کراچی زون کے دورے کے موقع پر اجلاس سے خطاب کرتے ہوئے محسن نقوی نے کہا کہ حوالہ ہنڈی میں ملوث بڑے بڑے لوگوں پر ہاتھ ڈالا جائے،وزیر داخلہ نے بھکاریوں کو بیرون ملک بھجوانے والے ایجنٹ مافیا کی سرکوبی کا بھی حکم دیتے ہوئے کہا کہ بھکاری مافیا پاکستان کے امیج کو خراب کر رہا ہے۔

انہوں نے ایف آئی اے کو حکم دیا کہ مفرور ایجنٹس کو دیگر صوبوں کے تعاون سے گرفتار کیا جائے ، بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے،جعلی ادویات کا کاروبار کسی صورت برداشت نہیں کی جائے گا، جعلی ادویات کے مکروہ دھندے میں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے، 5 ہزار سے زائد ڈالر بیرون ملک لے کر جانے والوں کیخلاف بھی کارروائی کی جائے۔

190 ملین پاؤنڈ کیس: جلد سماعت کیلئےعمران خان ، بشریٰ بی بی کی اسلام آباد ہائیکورٹ میں درخواست

انہوں نے ہدایت کی کہ بیرون ملک سے ڈی پورٹ ہوکر آنے والے بھکاریوں کی گرفتاری یقینی بنائی جائے، جعلی ادویات کا کاروبار کسی صورت برداشت نہیں، جعلی ادویات کے مکروہ دھندے میں ملوث لوگوں سے آہنی ہاتھوں سے نمٹا جائے، جعلی ادویات کے کاروبار میں ملوث لوگوں کی اصل جگہ جیل ہے۔

محسن نقوی نے نان کسٹم مصنوعات کے خلاف بھرپور کارروائی اور 5 ہزار سے زائد ڈالر بیرون ملک لے کر جانے والے مسافروں کے خلاف سخت ایکشن کا حکم دیتے ہوئے کہا کہ ایسے مسافروں کے خلاف قانون کے مطابق بھرپور کارروائی کی جائے۔

اجلاس میں ڈائریکٹر ایف آئی اے کراچی زون نعمان صدیق نے وزیر داخلہ محسن نقوی کو بریفنگ دی اور ایف آئی اے کراچی زون کی کارکردگی اور درپیش مسائل سے آگاہ کیا۔

وفاقی کابینہ کا 5 لاکھ ٹن چینی درآمد کرنے کا فیصلہ

اسلام آباد:اسلام آباد میں غیر قانونی تعمیرات کے خلاف فوری آپریشن کا فیصلہ کرلیا گیا۔

وفاقی وزیر داخلہ محسن نقوی کی زیر صدارت اہم اجلاس ہوا جس میں چیف کمشنر اسلام آباد، آئی جی اسلام آباد پولیس، ڈپٹی کمشنر، ڈی آئی جیز، ایس پیز اور اے سیز نے شرکت کی وزیر مملکت برائے داخلہ طلال چوہدری اور وفاقی سیکرٹری داخلہ بھی اجلاس میں شریک ہوئے۔

وزیر داخلہ محسن نقوی نے بغیر منظور شدہ گھروں اور غیر منظور شدہ ہاوسنگ سوسائٹیز کے خلاف بھی کریک ڈاؤن کا حکم دے دیا۔ انہوں نے کہا کہ متعلقہ افسران اس سلسلے میں زیرو ٹالرنس پالیسی پر عملدرآمد یقینی بنائیں، لینڈ انفارمیشن اینڈ مینجمنٹ سسٹم (لمز) کے ذریعے سیٹلائٹ میپنگ کرکے ہر قسم کی غیر قانونی تعمیرات کو روکا جائے۔

تل ابیب میں نیتن یاہو کیخلاف مظاہرے، استعفے کا مطالبہ

محسن نقوی نے کہا کہ اسلام آباد میں شہریوں کو عالمی معیار کی خدمات کی فراہمی آپ سب کی پہلی ترجیح ہونی چاہیے، شہریوں کے جان ومال کے تحفظ کیلئے کوئی کسر اٹھا نہ رکھی جائے، متعلقہ ایس پیز اور اے سیز فعال انداز میں فرائض سرانجام دیں وفاقی دارالحکومت میں پولیس اور انتظامیہ کے امیج کو بہتر بنانا ہے اور یہ اُس وقت ممکن ہے جب شہری خود آپ پر اعتماد کا اظہار کریں، شہریوں کی سہولت کیلئے متعلقہ افسران نئے انیشیٹو لے کر آئیں، اس پر عمل میں ہر ممکن تعاون فراہم کیا جائے گا۔

وزیر داخلہ نے اسلام آباد میں اشیائے ضروریہ کی قیمتوں پر مؤثر کنٹرول یقینی بنانے اور عیدالاضحی پر شہر میں صفائی کا خصوصی خیال رکھنے کی بھی ہدایت کی۔

ملک کے مختلف حصوں میں آندھی ، بارش اور ژالہ باری کی پیشگوئی

وفاقی وزیر داخلہ محسن نقوی نے قطر کے وزیراعظم محمد بن عبدالرحمن الثانی سے ملاقات کی-

ملاقات میں انہوں نے خطے میں امن و استحکام، پاک بھارت کشیدگی اور حالیہ پہلگام واقعہ سے متعلق پاکستان کے اصولی اور واضح مؤقف سے آگاہ کیا، وزیر داخلہ محسن نقوی نے کہا کہ بھارت کی جانب سے پہلگام واقعے پر لگائے گئے الزامات بے بنیاد اور غیر ذمہ دارانہ ہیں، جو خطے کے امن کے لیے سنگین خطرہ بن سکتے ہیں۔

انہوں نے واضح کیا کہ پاکستان نے اس واقعے کی غیرجانبدارانہ تحقیقات کی پیشکش کی ہے، جو ہمارے مؤقف کی شفافیت اور اصولی پالیسی کو ظاہر کرتی ہے دنیا کو جاننا چاہیے کہ اس واقعے کے اصل ماسٹر مائنڈ کون ہیں اور اس سے فائدہ کس نے اٹھایا۔

یہ گریٹر اسرائیل اور اکھنڈ بھارت کا خواب دیکھتے ہیں،حافظ نعیم الرحمان

انہوں نے کہا کہ بھارت نے اس واقعے کو بنیاد بنا کر سندھ طاس معاہدے پر وار کیا جو پاکستان کے لیے لائف لائن کی حیثیت رکھتا ہے پاکستان خطے میں دیرپا امن کا خواہاں ہے، تاہم کسی قسم کی جارحیت پر خاموش نہیں رہا جا سکتا۔

قطر کے وزیراعظم محمد بن عبدالرحمن الثانی نے ملاقات کے دوران کہا کہ ان کی حکومت خطے میں کشیدگی کے خاتمے اور سفارتی ذرائع سے مسائل کے حل کی حامی ہے، انہوں نے امید ظاہر کی کہ سفارتی کوششوں سے موجودہ کشیدگی کم ہوگی۔

دریاؤں اور آبی ذخیروں میں پانی کی صورتحال

وزیراعظم قطر نے وزیر اعظم محمد شہباز شریف کے لیے نیک خواہشات کا پیغام بھیجا اور کہا کہ وہ پاکستان کی معیشت کو درست سمت میں لے جانے کے لیے محنت کر رہے ہیں، ملاقات میں قطر میں پاکستانی سفیر محمد عامر اور اعلیٰ حکام بھی موجود تھے۔

قائمہ کمیٹی برائے کابینہ سیکریٹریٹ نے چئیرمین پی سی بی محسن نقوی کو ایک مرتبہ پھر طلب کر لیا۔چئیرمین پی سی بی کرکٹ بورڈ کی کارکردگی پر بریفنگ دیں گے۔

میڈیا رپورتس کے مطابق قائمہ کمیٹی برائے کابینہ سیکریٹریٹ نے چئیرمین پی سی بی محسن نقوی کو ایک مرتبہ پھر طلب کر لیا، زرائع کے مطابق محسن نقوی گزشتہ 6 ماہ میں کرکٹ بورڈ کی کارکردگی پربریفنگ دیں گے۔چیئرمین پی سی بی سے پاکستان سپرلیگ کی کارکردگی اور اسٹیڈیمزکی تعمیر نو پر آنے والے اخراجات کی تفصیلات بھی طلب کر لی گئیں ہیں۔

دوسری جانب قائمہ کمیٹی نے سینیٹر ہدایت اللہ کی بطور بورڈممبر ایرا تعیناتی میں تاخیر کا بھی نوٹس لے لیا ہے۔قائمہ کمیٹی برائے سیکریٹریٹ کے اجلاس میں پی ٹی اے کے بورڈ ممبران کی تنخواہوں سے متعلق حکومتی قانون سازی بھی زیر غور آئےگی۔قائمہ کمیٹی نے چئیرمین پی ٹی اے سے ملک بھر میں فائیو جی سروسز مہیا کرنے پر بھی بریفنگ طلب کر لی۔

وزیر اعلی سندھ سے ورلڈ فوڈ پروگرام کی کنٹری ڈائریکٹر کی ملاقات

پاکستانی ایف ایم ریڈیو پر بھارتی گانے بند، وزیر اطلاعات کا خیر مقدم

شرط لگاکر شراب پینے والا 21 سالہ نوجوان ہلاک

بارش کے دوران حادثات، 5 افراد جاں بحق

ڈیم پر سیر کیلئے جانے والی کشتی ڈوب گئی، 6 افراد سوار

اسلام آباد:وفاقی وزیرداخلہ محسن نقوی سے جے یو آئی (ف) کے سربراہ مولانا فضل الرحمان نے ملاقات کی-

وفاقی وزیرداخلہ محسن نقوی نے جے یو آئی (ف) کے سربراہ مولانا فضل الرحمان سے ملاقات کی جس دوران پاک بھارت کشیدگی، مسئلہ فلسطین اور باہمی دلچسپی کے دیگر امور پر تبادلہ خیال کیا گیا۔

محسن نقوی نے مولانا فضل الرحمان کو قومی سلامتی کمیٹی کے فیصلوں کے بارے میں بھی آگاہ کرتے ہوئے کہا کہ بھارت آگ سے کھیلنے کی کوشش کر رہا ہے، پاکستان کسی بھی مہم جوئی کا پوری قوت سے جواب دے گا۔

اس موقع پر مولانا فضل الرحمان نے کہا کہ ‏مودی مسلمان دشمن ہے، اسلام اور مسلمان کے مقابلے میں جہاں کوئی محاذ ملے گا مودی وہاں کھڑا ہوجائے گا۔

بھارتی فوج کی دو یونٹوں کی ایک دوسرے پر فائرنگ ، 5 سکھ فوجی ہلاک

عالمی بینک سے پاکستان کیلئے 108 ملین ڈالر کی اضافی فنانسنگ کی منظوری

پاکستان کو آئی ایم ایف سے 70کروڑ ڈالر ملنے کا امکان