Baaghi TV

Tag: محکمہ موسمیات

  • بیشتر علاقوں میں موسم سرد اور خشک رہنے کا امکان

    بیشتر علاقوں میں موسم سرد اور خشک رہنے کا امکان

    ہفتہ کے روز ملک کے بیشتر علاقوں میں موسم سرد اور خشک جبکہ بالائی علاقوں میں شدید سرد اور مطلع ابر آلود رہنے کا امکان ہے۔

    محکمہ موسمیات کے مطابق رات اور صبح کے اوقات میں پنجاب ، بالائی سندھ اور خیبر پختونخوا کے میدانی علاقوں میں دُھند کی توقع ہےجبکہ اسلام آباد، خطہ پوٹھوہار اور خیبر پختونخوا کے کچھ میدانی علاقوں میں صبح کے وقت کہرا پڑنے کا امکان ہے۔ آج ریکارڈ کیے گئے کم سے کم درجہ حرارت کے مطابق لہہ اور سکردو میں منفی 12، گلگت میں منفی 8، گوپس اور قلات میں منفی 7، استور، کوئٹہ اور زیارت میں منفی 6، بگروٹ، چترال، دیر اور کالام میں منفی 5 جبکہ راوالاکوٹ اور ہنزہ میں منفی 4 ڈگری سینٹی گریڈ ریکارڈ کیا گیا۔

    اوچ شریف :طاہر والی پرٹریفک حادثہ، ایک شخص جاں بحق، دوسرا زخمی

    مرحوم ملازمین کی اولاد کیلئے ملازمت کا کوٹہ ختم

    وزیر اعلیٰ سندھ سے پنجاب و خیبر پختونخواہ گورنرز کی ملاقات

  • کراچی میں موسم سرد اور خشک رہنے کا امکان

    کراچی میں موسم سرد اور خشک رہنے کا امکان

    شہر قائد میں تیز ہواوں کا سلسلہ تھم گیا، آج موسم سرد اور خشک رہنے کا امکان ہے۔

    محکمہ موسمیات نے بتایا کہ شہر قائد میں اس وقت 8 کلو میٹر فی گھنٹہ کی رفتار سے شمال مغربی ہوا چل رہی ہے، آج مطلع صاف رہے گا تاہم بارش کا کوئی امکان نہیں ہے۔کراچی میں آج رات درجہ حرارت 12.2 ڈگری سینٹی گریڈ تک ریکارڈ کیا گیا، آج زیادہ سے زیادہ درجہ حرارت 26 ڈگری سینٹی گریڈ تک رہنے کا امکان ہے، جبکہ ہوا میں نمی کا تناسب 29 فیصد ہے۔محکمہ موسمیات کے مطابق شہر میں دھند چھائی ہوئی ہے، جبکہ حد نگاہ 5 کلو میٹر تک محدود ہوگئی ہے۔واضح رہے کہ گزشتہ کئی روز سے شہر تیز ہواوں کی لپیٹ میں تھا جس سے سردی کی شدت میں اچانک اضافہ ہو گیا تھا شہریوں نے گرم کپڑے اور لحاف اوڑھ لیے تھے.

    پی ٹی آئی دور میں غیر قانونی طور پر 2 ارب سے زائد کی گاڑیاں خریدے جانے کا انکشاف

    پی ٹی آئی دور میں غیر قانونی طور پر 2 ارب سے زائد کی گاڑیاں خریدے جانے کا انکشاف

    ٹک ٹاکر اوریوٹیوبررجب بٹ گرفتار

  • کراچی میں بھی سردی کی شدت میں اضافہ

    کراچی میں بھی سردی کی شدت میں اضافہ

    ملک بھر کی طرح کراچی میں بھی سردی بڑھ گئی ہے، جناح ٹرمینل اور اطراف کے علاقوں میں گزشتہ رات کا کم سے کم درجہ حرارت سنگل ڈیجٹ میں ریکارڈ کیا گیا ہے۔

    باغی ٹی وی کے مطابق جناح ٹرمینل پر کم سے کم درجہ حرارت 9.1 ڈگری سینٹی گریڈ تک ریکارڈ کیا گیا۔محکمہ موسمیات کے مطابق درجہ حرارت گلستانِ جوہر میں 10، شاہراہ فیصل پر 12، ماڑی پور میں 12.5، بن قاسم میں 12.2 ڈگری سینٹی گریڈ ریکارڈ کیا گیا۔شہر میں آئندہ 24 گھنٹوں کے دوران موسم خشک، رات میں خنک رہنے اور کم سے کم درجہ حرارت 10 ڈگری سینٹی گریڈ تک رہنے کا امکان ہے۔کراچی میں شمال مشرق کی سمت سے چلنے والی ہواؤں کی رفتار 10 کلو میٹر فی گھنٹہ ہے جن میں نمی کا تناسب 48 فیصد ریکارڈ ہوا ہے۔محکمہ موسمیات کے مطابق کراچی میں دسمبر کا معمول اوسط درجہ حرارت 13.4 ڈگری سینٹی گریڈ ہے۔دوسری جانب بلوچستان میں سردی زور پکڑتی جا رہی ہے جس کے سبب مختلف شہروں میں درجہ حرارت گر گیا ہے، صوبائی دارالخلافہ کوئٹہ میں پارہ منفی 4 تک ریکارڈ کیا گیا ہے۔

    سندھ بزرگ شہریوں کو سہولیات فراہم کرنے والا پہلا صوبہ بن گیا

    کراچی کے مختلف علاقوں میں ٹریفک حادثات ، 4 افراد جاں بحق

  • مغربی ہواؤں کا ایک طاقتور سلسلہ پاکستان میں داخل

    مغربی ہواؤں کا ایک طاقتور سلسلہ پاکستان میں داخل

    لاہور: محکمہ موسمیات کے مطابق آج لاہور سمیت پنجاب کے وسطی اور شمالی اضلاع میں بارش کا امکان ہے۔

    باغی ٹی وی: محکمہ موسمیات کے مطابق مغربی ہواؤں کا ایک طاقتور سلسلہ پاکستان میں داخل ہو چکا ہے، جس کے نتیجے میں آج لاہور سمیت پنجاب کے وسطی اور شمالی اضلاع میں بارش کا امکان ہے،پنجاب کے میدانی علاقوں میں سرد ہوائیں چلنے کی توقع ہے جبکہ پہاڑی علاقوں میں برفباری بھی ہو سکتی ہے۔

    محکمہ موسمیات نے پیش گوئی کی ہے کہ بارش اور ٹھنڈی ہوائیں سردی کی شدت میں اضافہ کریں گی لاہور میں آج کم سے کم درجہ حرارت 8.5 ڈگری سینٹی گریڈ رہنے کا امکان ہے جبکہ زیادہ سے زیادہ درجہ حرارت 24 ڈگری سینٹی گریڈ تک جا سکتا ہے یہ سلسلہ نہ صرف سردی میں اضافے کا باعث بنے گا بلکہ زرعی علاقوں میں فصلوں کے لیے بھی فائدہ مند ثابت ہو سکتا ہے شہریوں کو ہدایت کی گئی ہے کہ موسم کی صورت حال کے مطابق اپنے حفاظتی اقدامات کریں۔

    صوبہ سندھ میں ہلکی سردی کی نئی لہرداخل ہوگئی، کراچی میں آج کم سے کم پارہ11ڈگری سینٹی گریڈ تک گرسکتا ہے ہفتے کو پارہ گذشتہ روزکے مقابلے میں 2.5 ڈگری کمی سے 14 ڈگری سینٹی گریڈ ریکارڈ ہوا، ہفتے کوشہرکا کم سے کم درجہ حرارت گذشتہ روزکے مقابلے میں2.5ڈگری کمی سے 14 ڈگری سینٹی گریڈ ریکارڈ ہوا۔

    محکمہ موسمیات کے مطابق سردی کی ایک نئی ہلکی شدت کی لہرصوبے میں داخل ہوچکی ہے جس کے نتیجے میں بیشتروقت ہوائوں کی سمت بلوچستان کی جانب سے رہنے کی توقع ہے اورکم سے کم پارہ حالیہ دنوں کے مقابلے میں مزید کمی سے11ڈگری سینٹی گریڈ ریکارڈ ہوسکتا ہے،ارلی وارننگ سینٹرکے مطابق اگلے 3 روز کے دوران کراچی میں موسم خشک جبکہ راتیں خنک ریکارڈ ہوسکتی ہیں۔

  • کراچی میں پارہ مزید گر گیا، سردی بڑھنے کا امکان

    کراچی میں پارہ مزید گر گیا، سردی بڑھنے کا امکان

    شہر قائد میں ہفتے کے روز پارہ مزید گر گیا جب کہ ملک بھر میں کل سے سردی کی شدت بڑھنے کا امکان ہے۔

    محکمہ موسمیات کے مطابق کراچی کا درجہ حرارت گزشتہ روز کے مقابلے میں 2.5 ڈگری تک گر گیا اور 14 ڈگری سینٹی گریڈ تک ریکارڈ کیا گیا۔ کل سے صوبہ سندھ میں ہلکی شدت کی نئی سردی کی لہر داخل ہوگی۔اس سےقبل محکمہ موسمیات کی جانب سے پیش گوئی کی جاچکی ہے کہ کراچی میں اتوار کو پارہ 11 ڈگری سینٹی گریڈ ریکارڈ ہوسکتا ہے۔دوسری جانب ملک کے بیشتر علاقوں میں 8 دسمبر سے بارش اور برفباری کا امکان ہے جس کے سبب سردی کی شدت میں اضافہ ہو سکتا ہے۔ محکمہ موسمیات نے سردی کی شدت میں اضافے، بارش اور برفباری کی ایڈوائزری جاری کر دی جس کے مطابق کل سے ملک کے بالائی علاقوں میں مغربی ہواؤں کا سلسلہ داخل ہوگا جس کے سبب 8 سے 14 دسمبر کے دوران درجہ حرارت میں نمایاں کمی واقع ہوگی۔

    بارات کی فائرنگ سے موت، دولہےاور والد کے خلاف مقدمہ درج

    شہر میں ٹریفک کے نظام کو منظم کرنے کی ضرورت ہے، میئر کراچی

    حکومت سندھ کا گیس کی لوڈ شیڈنگ ختم کرنے کا مطالبہ

    اطالوی بحری جہاز 2 روزہ دورے پر کراچی پہنچ گیا

  • مغربی ہواؤں کے باعث بارش ،سردی کی لہر میں اضافہ متوقع

    مغربی ہواؤں کے باعث بارش ،سردی کی لہر میں اضافہ متوقع

    محکمہ موسمیات نے 7 دسمبر سے مغربی ہواؤں کے ملک کے بالائی علاقوں میں داخل ہونے کی پیش گوئی کی ہے، جس کے باعث بارشوں کا امکان بڑھ گیا ہے۔

    ترجمان پی ڈی ایم اے کے مطابق، 7 سے 8 دسمبر کے دوران پنجاب کے بیشتر اضلاع میں بارش کی توقع ہے، جبکہ 8 سے 14 دسمبر تک پنجاب میں سردی کی لہر میں اضافے کا امکان ہے۔بارشوں کی پیشگوئی میں راولپنڈی، مری، گلیات، اٹک، چکوال، تلہ گنگ، جہلم، فیصل آباد، گجرانوالہ، میانوالی، خوشاب، چنیوٹ، جھنگ اور ملتان شامل ہیں۔ لاہور، ٹوبہ ٹیک سنگھ، گجرات، منڈی بہاؤالدین، سرگودھا اور حافظ آباد میں بھی بارشوں کا امکان ظاہر کیا گیا ہے۔بارشوں کے ساتھ پہاڑی علاقوں میں برفباری کی بھی پیشگوئی کی گئی ہے۔ڈی جی پی ڈی ایم اے عرفان علی کاٹھیا نے شہریوں اور سیاحوں کو موسم کی تبدیلی سے آگاہ کرتے ہوئے کہا کہ انہیں موسم کی مناسبت سے انتہائی محتاط رہنا چاہیے اور اپنا پروگرام موسمی صورتحال کو مدنظر رکھتے ہوئے ترتیب دینا چاہیے۔ہ پی ڈی ایم اے کنٹرول روم 24/7 کی بنیاد پر صورتحال کی مانیٹرنگ کر رہا ہے۔سیاحوں کو موسم کی شدت کے پیش نظر محتاط رہنے کی ہدایت دیتے ہوئے، ڈی جی عرفان علی کاٹھیا نے کہا کہ شہری خراب موسم کی صورتحال میں غیر ضروری سفر سے گریز کریں۔ ایمرجنسی کی صورت میں پی ڈی ایم اے کی ہیلپ لائن 1129 پر رابطہ کیا جا سکتا ہے۔

    حکومت اور افواج دہشت گردی کے خاتمے کیلئے پرعزم ہیں، وزیراعظم

    روسی ہیکرز کا حملوں کے لیے پاکستانی ہیکرز کے سرورز کو ہائی جیک کرنے کا انکشاف

    سندھ حکومت نےغریب طلبا کو اسکالر شپ کے کروڑوں روپے جاری کر دیے

    ننکانہ: فیسوں کا بوجھ، تعلیم کا زوال، پرائیویٹ سکول مافیا بے قابو،عوام کی چیخیں

  • مغربی ہواؤں کا سسٹم بلوچستان میں داخل

    مغربی ہواؤں کا سسٹم بلوچستان میں داخل

    کراچی: مغربی ہواؤں کا سسٹم بلوچستان میں داخل ہوگیا ہے، جس کے باعث صوبے کے بیشتراضلاع میں بارش کا امکان ہے۔

    باغی ٹی وی: محکمہ موسمیات کے مطابق بلوچستان کے بیشتر اضلاع میں مطلع جزوی ابرآلودرہنے کے علاوہ کوئٹہ، پشین، قلعہ سیف اللہ، ژوب، شیرانی، موسیٰ خیل، بارکھان، زیارت، لورالائی، گوادر، کیچ، پنجگور، آواران، قلات،خضداراورلسبیلہ میں تیز ہوائوں اور گرج چمک کے ساتھ بارش و پہاڑوں پر برفباری کا امکان ہے، کوئٹہ اور گردونواح میں سردی کی شدت برقرار ہے-

    دوسری جانب رواں سال نومبر کے دوران ملک بھر میں 47 فیصد کم بارشیں ریکارڈ کی گئیں۔

    محکمہ موسمیات کے مطابق نومبر میں دن اور رات کے دوران درجہ حرارت بھی دو، دو ڈگری زیادہ رہا، آنے والے دنوں میں ہواؤں کا نیا سلسلہ پاکستان کے بالائی علاقوں کا رخ کرے گا جس کے باعث بلوچستان میں بارش اور گلگت بلتستان میں برفباری کا امکان ہے رواں سال نومبر میں لاہور سمیت پنجاب کے زیادہ تر علاقوں میں اسموگ کا راج رہا جبکہ خیبر پختونخوا کے بعض علاقے بھی اسموگ کی زد میں آئےمعمول سے کم بارشیں ہونے کے سبب اسموگ میں خاطر خواہ کمی نہیں آسکی جبکہ پنجاب حکومت کی جانب سے مصنوعی بارش برسانے کا تجربہ بھی نہیں کیا گیا۔

  • کل شام سے پنجاب کے بیشتر اضلاع میں ہلکی بارشوں کی پیشگوئی

    کل شام سے پنجاب کے بیشتر اضلاع میں ہلکی بارشوں کی پیشگوئی

    اسلام آباد: پی ڈی ایم اے نے محکمہ موسمیات کی کل شام سے پنجاب کے بیشتر اضلاع میں ہلکی بارشوں کی پیشگوئی کی ہے-

    باغی ٹی وی : ترجمان پی ڈی ایم اے کے مطابق 14 سے 16 نومبر تک پنجاب میں بارشوں کا امکان ہے،راولپنڈی، مری، اٹک، چکوال، تلہ گنگ، جہلم، فیصل آباد، گجرانوالہ، لاہور، میانوالی، خوشاب، اور سرگودھا میں بارشوں کی پیشگوئی ہے، 15 نومبر کو بھکر، لیہ اور ڈیرہ غازی خان میں بھی گرج چمک کے ساتھ بارش کا امکان ہے-

    محکمہ موسمیات کا کہنا ہے 14سے16نومبر کے دوران پہاڑوں پر برفباری کا بھی امکان ہے،جمعرات سے ہفتے کے دوران اسلام آباد اور راولپنڈی میں بھی بارش متوقع ہے،کل لاہور،فیصل آباداورگوجرانوالہ میں بھی بارش کی پیشگوئی کی ہے،بارشوں کے باعث سموگ میں کمی کا قوی امکان ہے۔

    دوسری جانب پاراچنار شہر اور ضلع کرم کے مختلف مقامات پر ہلکی بارش کا سلسلہ شروع ہوگیا،بارش کے باعث سردی کی شدت میں اضافہ ہوگیا،ضلع میں کم سے کم درجہ حرارت آج 4 ریکارڈ کیا گیا،سردی سے بچنے کیلئے لوگوں نے گرم ملبوسات کا استعمال کرنا شروع کر دیا ہے۔

  • ملک کے چند مقامات پر بارش کی پیشگوئی

    ملک کے چند مقامات پر بارش کی پیشگوئی

    اسلام آباد: محکمہ موسمیات نے ملک کے چند مقامات پر ہلکی بارش کی پیشگوئی کی ہے،، پنجاب کے زیادہ تر علاقوں میں اسموگ چھائے رہنے جبکہ چند میدانی علاقوں میں رات کے اوقات میں دُھند بعض علاقوں میں شدید دُھند پڑنے کا بھی امکان ہے۔

    باغی ٹی وی : محکمہ موسمیات کے مطابق ملک کے بیشتر علاقوں میں موسم خشک جبکہ پہاڑی علاقوں میں رات کے اوقات میں سرد رہنے کا امکان ہے،اسلام آباد اور گرد و نواح میں آج موسم خشک رہنے کا امکان ہے، کل بروز اتوار کو اسلا م آباد میں بارش ہونے کی توقع ہے جبکہ راولپنڈی، مری، گلیات اور ا ٹک میں تیز ہواؤں اور گرج چمک کے ساتھ بارش کا امکان ہے۔

    محکمہ موسمیات کے مطابق پنجاب کے بیشتر اضلاع میں موسم خشک رہنے کا امکان ہے تا ہم سیالکوٹ، نارووال، گوجرانوالہ،لاہور، قصور،اوکاڑہ، سرگودھا،جھنگ، شیخوپورہ،ساہیوال، فیصل آباد، بہاولپور،ملتان، رحیم یار خان،ڈی جی خان اور گردونواح میں سموگ چھائے رہنے کی توقع ہے۔

    وزیراعظم جلد 5 سال کا معاشی روڈ میپ دینے جا رہے ہیں، احسن اقبال

    محکمہ موسمیات کے مطابق گلگت بلتستان میں مطلع جزوی ابر آلود رہنے کے علاوہ رات کو چند مقامات پر ہلکی بارش اور بلند و بالاپہاڑوں پر ہلکی برفباری کی توقع ہے،کشمیر میں موسم سرد اور مطلع جزوی ابر آلود رہنے کا امکان ہے-

    محکمہ موسمیات کے مطابق بلوچستان کے بیشتر اضلاع میں موسم خشک جبکہ پہاڑی علاقوں میں رات کے اوقات میں سرد رہنے کا امکان ہے سندھ اورخیبرپختونخواکے بیشتر اضلاع میں موسم خشک رہنے کا امکان ہے تاہم شام/رات میں چترال، دیر، سوات اور گر دو نواح میں مطلع جزوی ابر آلود رہنے کی توقع ہے۔ زیریں اضلاع میں سموگ جبکہ ڈیرہ اسماعیل خان اور گر دو نواح میں رات کے اوقات میں دُ ھند پڑنے کا بھی امکان ہے۔

    ٹرمپ کے غیر قانونی احکامات پر کس طرح ردعمل دینا ہے،پینٹاگون حکام نے سر جوڑ …

  • موسم کیسا رہے گا؟

    موسم کیسا رہے گا؟

    اسلام آباد: محکمہ موسمیات کا کہناہے کہ پنجاب کے زیادہ تر علاقوں میں اسموگ چھائے رہنے کی توقع ہے-

    باغی ٹی وی : محکمہ موسمیات کے مطابق ملک کے بیشتر علاقوں میں موسم خشک جبکہ پہاڑی علاقوں میں رات کے اوقات میں سرد رہنے کا امکان ہے پنجاب کے زیادہ تر علاقوں میں اسموگ چھائے رہنے کی توقع ہے جبکہ صبح / رات کے اوقات میں پنجاب کے بعض میدانی علاقوں میں دُ ھند پڑنے کا امکان ہے۔

    محکمہ موسمیات کے مطابق اسلام آباد اور گردونواح میں موسم خشک رہنے کا امکان ہے،پنجاب کے بیشتر اضلاع میں موسم خشک رہنے کا امکان ہے تا ہم صبح اور رات کے اوقات میں سیالکوٹ، نارووال، گوجرانوالہ، لاہور، قصور، اوکاڑہ، سرگودھا، جھنگ، رحیم یار خان، ڈی جی خان اور گرد و نواح میں اسموگ چھائے رہنے کا امکان ہے۔

    سعودی ولی عہد محمد بن سلمان سے آرمی چیف جنرل عاصم منیر کی ملاقات

    محکمہ موسمیات کے مطابق بلوچستان کے بیشتر اضلاع میں موسم خشک جبکہ شمالی اضلاع میں رات کے اوقات میں سرد رہنے کی پیشگوئی کی گئی ہے سندھ اور خیبرپختونخوا کے بیشتر اضلاع میں موسم خشک رہنے کا امکان ہے تاہم چترال اور گر د و نواح میں مطلع جزوی ابر آلود رہنے کے علاوہ چند مقامات پر ہلکی بارش اور بلند پہاڑوں پر ہلکی برفباری ہو سکتی ہےکشمیر میں موسم خشک اور سرد رہنے کا امکان ظاہر کیا گیا ہے تاہم گلگت بلتستان میں مطلع جزوی ابر آلود رہنے کے علاوہ چند مقا مات پر ہلکی بارش اور پہاڑوں پر ہلکی برفباری ہونے کی پیشگوئی کی گئی ہے۔

    سپریم کورٹ میں دو اہم اجلاس متوقع