Baaghi TV

Tag: مریم نواز

  • پنجاب اسمبلی کےعام انتخابات،مریم نواز اور حمزہ شہباز سمیت لیگی رہنماؤں کو آزاد حیثیت سے انتخابی نشانات الاٹ

    پنجاب اسمبلی کےعام انتخابات،مریم نواز اور حمزہ شہباز سمیت لیگی رہنماؤں کو آزاد حیثیت سے انتخابی نشانات الاٹ

    پنجاب اسمبلی کے عام انتخابات کا معاملہ،پارٹی ٹکٹ جاری نہ ہونے پر لیگی رہنماؤں کو آزاد حیثیت سے انتخابی نشانات الاٹ کر دیئے گئے-

    باغی ٹی وی:ذرائع کے مطابق مسلم لیگ (ن) کی چیف آرگنائزر مریم نواز کو تندور کا نشان الاٹ کیا گیا حمزہ شہباز کو کشتی اور مور، عطاء تارڑ کو انتخابی نشان جھولا الاٹ کیا گیا جبکہ لیگی رہنما رانا مشہود کو مینار،غزالی سلیم بٹ کو جیب اور سیف کھوکھر کو ٹریفک سگنل الاٹ کیا گیا-

    پچھلے 20 سال سے دیکھ رہے ہیں پی ٹی آئی کی ڈیمانڈ کا کوئی سر …

    واضح رہے کہ 14 مئی کو پنجاب اسمبلی کے انتخابات کیلئے شریف خاندان نے کسی امیدوار کو پارٹی ٹکٹ ہی نہیں دیا،مسلم لیگ (ن) کے امیدواروں کی جانب سے پارٹی ٹکٹ جمع نہیں کروائے تھے جس کا مطلب اگر انتخابات ہوتے ہیں تو پارٹی کے پاس دو راستے ہوں گے، یا تو اس عمل کا بائیکاٹ کرے یا امیدواروں کو اپنی حمایت کے ساتھ آزادانہ طور پر الیکشن لڑنے کے لیے کہے۔

    مسلم لیگ (ن) نے خواہشمند امیدواروں کہا کہ چونکہ مئی میں پنجاب کے انتخابات مشکوک لگ رہے ہیں اس لیے انہیں پارٹی ٹکٹوں کی فکر نہیں کرنی چاہیےذرائع نےکہاتھا کہ اس کے علاوہ وفاقی اتحاد میں شامل جماعتیں اپنے مؤقف پر متفق ہیں کہ وہ آئندہ ماہ ہونے والے انتخابات کو روکنے کے لیے حتی المقدور اپنی ہر ممکن کوشش کریں گےاگر مسلم لیگ (ن )کو کوئی شبہ بھی ہوتاتو وہ یقینی طور پر اپنے امیدواروں کو ٹکٹ دیتی۔

    جاپانی وزیراعظم کا صنفی امتیاز میں کمی کیلئے بڑی کمپنیوں میں خواتین سربراہان کی …

    وفاقی کابینہ کے ایک رکن نے میڈیا سے گفتگو میں بتایا تھا کہ حکمران اتحاد صرف ایک صوبے میں ہونے والے انتخابات کو روکنے کے لیے کسی بھی قربانی کے لیے تیار ہے اگرچہ مسلم لیگ (ن) کے رہنماؤں اور سابق قانون سازوں نے 14 مئی کے انتخابات کے لیے اپنے کاغذات نامزدگی جمع کرا دیے ہیں، پارٹی قائد نواز شریف اور دیگر نے عدالت عظمیٰ کو یہ واضح پیغام دینے کے لیے امیدواروں کو ٹکٹ نہ دینے کا فیصلہ کیا کہ مسلم لیگ (ن) اس کے فیصلے کو قبول نہیں کرتی تاہم مسلم لیگ (ن) نے انتخابات کا بائیکاٹ نہیں کیا کیونکہ اس نے اپنے امیدواروں سے کاغذات واپس لینے کو نہیں کہا۔

    مسلم لیگ ن کی چیف آرگنائزر مریم نواز اور وزیر اعظم شہباز شریف کے بیٹے حمزہ شہباز انتخابی دوڑ میں شامل ہیں، مریم نواز 4 اور حمزہ 3 نشستوں پر الیکشن لڑ رہے ہیں۔

    سویڈن کا تحقیقی راکٹ تکنیکی خرابی کےباعث ناروے میں جا گرا

  • مریم نواز عمرہ کی ادائیگی کیلیے سعودی عرب روانہ

    مریم نواز عمرہ کی ادائیگی کیلیے سعودی عرب روانہ

    رینلاہور: پاکستان مسلم لیگ ن کی سینئر نائب صدر اور چیف آرگنائزر مریم نواز عمرہ کی ادائیگی کیلیے سعودی عرب روانہ ہو گئیں۔

    باغی ٹی وی: مریم نواز سعودی ائیر لائن سے جدہ روانہ ہوئیں، وہ سعودی ائیر لائن کی فلائٹ نمبر 739 SV رات 2.30 پر لاہور کے علامہ اقبال انٹرنیشنل ایئرپورٹ سے جدہ روانہ ہوئیں مریم نواز کے ہمراہ ان کے شوہر کیپٹن ریٹائرڈ محمد صفدر، بیٹے جنید صفدر اور بہو عائشہ سیف بھی ہیں مریم نواز کے ہمراہ داماد راحیل، بیٹیاں مہرالنساء اور ماہ نور صفدر بھی روانہ ہوئیں، وہ سعودی ایئرلائن کی پروازکے ذریعے جدہ کیلیے روانہ ہوئیں۔

    لیکشن کمیشن آف پاکستان نے ملک میں ووٹرز کا ڈیٹا جاری کر دیا

    دوسری جانب سابق وزیراعظم محمد نواز شریف لندن سے سعودی عرب پہنچیں گے جہاں وہ بیٹی مریم نواز سے بھی ملاقات کریں گے، مریم نواز اور نواز شریف سعودی عرب میں شاہی خاندان کےخصوصی مہمان ہوں گےنواز شریف اور مریم نواز سعودی شاہی قیادت سے ملاقاتیں بھی کریں گے۔

    نواز شریف اور مریم نواز رمضان المبارک کا آخری عشرہ مکہ المکرمہ اور مدینہ المنورہ میں گزاریں گے جب کہ مریم نواز کی واپسی عید الفطر کے بعد 26 اپریل کو شیڈولڈ ہے۔

    برطانیہ اور بھارت کے درمیان تجارتی تعلقات منقطع ہوگئے

  • توشہ خانہ،پی ٹی آئی رہنما کی طلبی،ایف آئی اے نے جمع کروایا جواب

    توشہ خانہ،پی ٹی آئی رہنما کی طلبی،ایف آئی اے نے جمع کروایا جواب

    لاہور ہائیکورٹ میں توشہ خانہ سے تحائف لینے پر مریم نواز کے خلاف تحقیقات کے مطالبہ پر فواد چوہدری کے ٹویٹ کا معاملہ ،فواد چوہدری کی ایف آئی اے میں طلبی کے نوٹس کے خلاف درخواست پر سماعت ہوئی

    عدالت میں ایف آئی اے کی جانب سے جواب جمع کروا دیا گیا ،جسٹس شہرام سرور چودھری نے فواد چوہدری کی درخواست پر سماعت کی ،فواد چوہدری کے وکیل کی جانب سے جواب جمع کروانے استداعا کی گئی ،عدالت نے فواد چوہدری کے وکیل کو وقت دیتے ہوئے کیس کی سماعت ملتوی کر دی

    عدالت میں دائر درخواست میں کہا گیا کہ توشہ خانہ کی تفصیلات آنے پر مریم نواز کے خلاف تحقیقات کے لئے فواد چودھری نے ٹویٹ کیا تھا مریم نواز نے ری ٹوئٹ میں ایف آئی اے سائبر کرائم کو فواد چودھری کے خلاف کارروائی کے لکھا،اگلے ہی روز ایف آئی اے نے فواد چوہدری کو طلبی کا نوٹس بھجوا دیا،ایف آئی اے نے سیاسی دباؤ پر غیر قانونی کارروائی کرتے ہوئے نوٹس بھجوایا،ایف آئی اے کے ذریعے انتخابی مہم سے روکنے کی کوشش کی جارہی ہے،عدالت ایف آئی اے کو بے بنیاد نوٹس بھجوانے کوکالعدم قرار دے،

    عدالت نے عمران خان کو 13 مارچ کو سیشن کورٹ میں پیش ہونے کا حکم دیا

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

  • چیف جسٹس صاحب آپ کا نظام عدل،جنرل فیض کے اشاروں پر چل رہاتھا، مریم نواز

    چیف جسٹس صاحب آپ کا نظام عدل،جنرل فیض کے اشاروں پر چل رہاتھا، مریم نواز

    باغی ٹی وی کی رپورٹ کے مطابق مسلم لیگ ن کی رہنما مریم نواز نے کہا ہے کہ آج پاکستان بنانے اور بچانے والوں کے پاس آئی ہوں، آج آئین کے محافظوں کے پاس آئی ہوں،

    مریم نواز نے وکلاء کنونشن سے خطاب کرتے ہوئے کہا کہ جس جماعت کا اتنا متحرک وکلاء ونگ ہو اسے کبھی آنچ نہیں آ سکتی،4 ڈکٹیٹرز آئے انہوں نے 10، 10 سال دھونس سے پورے کیے کنونشن میں آرہی تھے تو ایک وکیل نے پلے کارڈ اٹھا رکھا تھا،اس پر لکھا تھا محبت بھرا ٹرک میری بہن مریم کیلئے، ہمارے پاس وہ ٹرک نہیں جو فواد چودھری کے پاس ہے، ہمارے پاس آئین، قانون ،کالے کورٹ کا ٹرک ہے، کسی منتخب وزیراعظم نے کبھی مدت پوری نہیں کی، پاکستان کی کوئی ایسی عدالت نہیں جہاں مسلم لیگ ن نے چکر نہ کاٹے ہوں بے گناہ جیلیں کاٹیں اور شیروں کی طرح مقابلہ کیا ابھی سہولت کار عدلیہ میں بیٹھے ہوئے ہیں مرحوم جسٹس سیٹھ وقار کا نام ہمیشہ زندہ رہےگا،عدلیہ کو ایک ڈکٹیٹر کے ظلم سے بچانے کیلئے نواز شریف سامنے آیا، چیف جسٹس صاحب نے طعنہ دیا جو کل جیل میں تھے آج اسمبلی میں ہیں چیف جسٹس صاحب جو جیلوں میں رہ کر آئے انہوں نےجھوٹے مقدمے بھگتے ،کسی عدالت نے کبھی کسی ڈکٹیٹر کو سسلین مافیا یا گارڈ فادر کہا؟ہمیشہ منتخب وزیراعظم کو نکلا یا دھمکایا گیا، کیا کبھی عدالت نے کسی ڈکٹیٹر کو نااہل کیا؟ جسٹس قاضی فائز عیسی کو نہیں جانتی، قوم دیکھ رہی ہے کہ وہ ایک آئین اور قانون پر چلنے والا جج ہے،چیف جسٹس صاحب آپ تب بھی جذباتی ہوتے جب رانا ثناء اللہ پر شرم ناک کیس بنا، تب آپ جذباتی نہیں ہوئے جب عمران خان کی جھولی میں الیکشن ڈالا گیا، چیف جسٹس صاحب آپ کا نظام عدل، جنرل فیض کے اشاروں پر چل رہا تھا، حق بات کرنے پر ن لیگ کے لوگوں کو الیکشن سے باہر کیا گیا، آپ کا زور صرف عوام کے وزیراعظم پر چلتا ہے،دو دو گھنٹے جیل کاٹ کر آتے ہیں اور ٹی وی پروگرام میں بیٹھ کر روتے ہیں ۔

    مریم نوازکا کہنا تھا کہ سیاست میں نواز شریف کا مقابلہ نہیں کر سکتے، سائفر کا جھوٹا ڈرامہ کیا، ہیرے کی انگوٹھیوں کا حساب مانگ تو کہتے ہیں ، پبلک ہولڈر نہیں ،تم اور تمہارے سہولت کار بھی جانتے ہیں تم نے جرم کیا ہے،ایک ہی جھٹکے میں 12 ، 12 کیسز میں ضمانت مل جاتی ہے،تم اپنی ذاتی زندگی میں جو مرضی کرو مجھے اس سے سروکار نہیں۔ لیکن ٹیرین وائٹ والا جھوٹ تم نے اپنی ذاتی زندگی میں نہیں بولا بلکہ پوری قوم کے سامنے بولا ہے۔ جو آئین قانون کیساتھ کھڑے ہیں ان کا معیار دیکھ لیں، جو جیلیں کاٹ کر آئے انہوں نے مقدمات بھی آپ کے ناک کے نیچے بھگتے، لاڈلے کو بچانے اور دوبارہ لانے کے لیے عدالتی سہولت کاری کی جارہی ہے ،بات صرف اتنی ہے کہ کیونکہ مقدمات اصلی ہیں تو کہیں لاڈلے کو سزا نہ ہو جائے ،تم اور تمہارے سہولت کار بھی جانتے ہے کہ تم مجرم ہو ،مجھے شہباز شریف سے پیار ہے ثاقب نثار، آصف سعید کھوسہ اور فیض حمید نے سازش گھڑی آصف کھوسہ تم چُپ کر کے بیٹھو گے تو ہم تمہیں بھول نہیں جائیں گے درست بات کرنے پر توہین عدالت لگتی ہے تو لگ جائے،مجھے نااہلی یا جیل سے نہ ڈرایا جائے،

    مریم کا مزید کہنا تھا کہ آپ کس کو لانا چاہتے ہیں ، جس نے نالائقی سے ملک کی معیشت کو تباہ کر دیا،کے پی کے کو 10 سال میں تباہ کیا گیا، پنجاب میں بھی 3 کا گینگ مسلط کیا، نواز شریف سی پیک بناتا رہا اور یہ گوگی ، پنکی کوریڈور بناتے رہے،جو فیصلہ سپریم کورٹ کی اکثریت نہیں مان رہی ہمیں کہا جا رہا ہے کہ مان لو،سپریم کورٹ کے 5 ججز نے کہا کہ عمران خان نے آئین توڑا ہے ، سپریم کورٹ کے بینچ نے پانچ ، زیرو سے کہا تھا کہ عمران خان نے آئین توڑا ہے،

    وفاقی وزیر قانون اعظم نذیر تارڑ نے خطاب کرتے ہوئے کہا کہ ملک بحرانی کیفیت سے گزر رہا ہے اور یہ بحران لانے والے آپ تھے، موجودہ حکومت نے لائرز پروٹیکشن بل منظور کیا،وکلاء کی فلاح بہبود اور تحفظ ہمیشہ مسلم لیگ ن کی ترجیح رہا، وفاقی وزیر داخلہ رانا ثناء اللہ کا کہنا تھا کہ ہم ہمیشہ الیکشن لڑے، ووٹ کی طاقت سے اقتدار میں آئے،ہم الیکشن سے گھبرانے والے نہیں،

    مریم نواز کیخلاف توہین عدالت کی کارروائی کیلئے ایک اور درخواست دائر

    توہین عدالت کی درخواست ناقابل سماعت قرار

    ھارتی جارحیت پر پاکستان کا ذمہ دارانہ جواب،ہو گی تقریب، وزیراعظم دیں گے مودی کو اہم پیغام

    پاک فضائیہ خطے میں پاکستان کی سالمیت اور وقار کے دفاع کیلئے مکمل تیار ہے: سربراہ پاک فضائیہ

    عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ

  • مریم نواز کے خلاف توہین عدالت کی کاروائی کی درخواست واپس

    مریم نواز کے خلاف توہین عدالت کی کاروائی کی درخواست واپس

    لاہور ہائیکورٹ ،عدلیہ مخالف بیان بازی کامعاملہ ،لیگی رہنماء مریم نواز کے خلاف توہین عدالت کی کاروائی کےلئے انٹراکورٹ اپیل کی سماعت ہوئی

    عدالت نے اپیل کنندہ کی استدعا پر اپیل واپس کردی ،وکیل اپیل کنندہ نے کہا کہ اپیل واپس لینا چاہتا ہوں اجازت دی جائے۔ جسٹس علی باقر نجفی کی سربراہی پر دو رکنی بنچ نے سماعت کی ، عدالت میں دائر درخواست میں موقف اختیار کیا گیا تھا کہ سنگل بنچ نے قانونی جواز کے بغیر درخواست مسترد کی۔ عدالت سنگل بنچ کے فیصلے کوکالعدم قراردیتے ہوئے اہیل منظور کرے۔ مریم نواز اپنی جماعت کی سینئیر نائب صدر ہیں اور چیف آرگنائزر کا عہدہ سنبھال چکی ہے مریم نواز نے سرگودھا میں پارٹی کنونشن سے خطاب کرتے ہوئےاعلی عدلیہ مخالف بیان بازی کی مریم نواز نے اپنے خطاب کےذریعے اعلی عدلیہ کو سکینڈلائز کرنے کی کوشش کی۔ مریم نواز کی تقریر الیکٹرانک میڈیا پر لائیو نشر ہوئی اور اگلے روز اخبارات میں پرنٹ ہوئی۔آئین کےتحت اعلی عدلیہ کے ججز کےخلاف بیان بازی نہیں ہوسکتی۔ عدلیہ مخالف بیان بازی پر مریم نواز کےخلاف آئین کے آرٹیکل 204 کے تحت توہین عدالت کی کاروائی کی جائے۔عدالت مریم نواز کو عدالت طلب کرتے ہوئے قانون کےمطابق کاروائی کرے۔

    مریم نواز کیخلاف توہین عدالت کی کارروائی کیلئے ایک اور درخواست دائر

    توہین عدالت کی درخواست ناقابل سماعت قرار

    ھارتی جارحیت پر پاکستان کا ذمہ دارانہ جواب،ہو گی تقریب، وزیراعظم دیں گے مودی کو اہم پیغام

    پاک فضائیہ خطے میں پاکستان کی سالمیت اور وقار کے دفاع کیلئے مکمل تیار ہے: سربراہ پاک فضائیہ

    عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ

  • پہلے بھی حق بات کہنے کی پاداش میں ڈسکوالیفکیشز بھگتی ہیں،مریم نواز

    پہلے بھی حق بات کہنے کی پاداش میں ڈسکوالیفکیشز بھگتی ہیں،مریم نواز

    باغی ٹی وی کی رپورٹ کے مطابق پنجاب اور خیبر پختونخوا کے الیکشن کے حوالہ سے سپریم کورٹ کے فیصلے پر ن لیگی رہنما مریم نواز کا ردعمل سامنے آیا ہے

    سماجی رابطے کی ویب سائٹ ٹویٹر پر ٹویٹ کرتے ہوئے مریم نواز کا کہنا تھا کہ آج کا فیصلہ اس سازش کا آخری وار ہے جس کا آغاز آئین کو re-write کر کے پنجاب حکومت پلیٹ میں رکھ بنچ کے لاڈلے عمران کو پیش کی گئی کہ لو بیٹا، توڑ دو تاکہ ہم جیسے سہولت کاروں کی موجودگی اور نگرانی میں تمھیں دوبارہ سیلیکٹ کیا جائے۔

    ایک اور ٹویٹ میں مریم نواز کا کہنا تھا کہ 2018 میں جو کام فیض، کھوسہ اور ثاقب نثار نے انجام دیا تھا، وہ ذمہ داری اب اس بنچ نے اٹھا لی ہے۔ اس خوفناک اور ڈھٹائی سے کی گئی سہولت کاری اور ون مین شو کے خلاف سپریم کورٹ کی اکثریت نے بغاوت کر دی۔ وقت آ گیا ہے کہ پارلیمنٹ اس سہولت کاری کو اپنے آئینی اور قانونی ہاتھوں سے روک دے۔

    اجمل جامی نے ٹویٹ کی جس میں کہا کہ فیصلہ مسترد کرنے سے توہین عدالت کی جانب دانستہ جایا جا رہا ہے، نتیجے میں نیا بیانیہ تو شاید مل جائے مگر ڈسکوالیفیکشین بھی ہوسکتی ہے۔۔۔!! کے جواب میں مریم نواز کا کہنا تھا کہ تو ہو جائے! پہلے بھی حق بات کہنے کی پاداش میں ڈسکوالیفکیشز بھگتی ہیں، اب بھی بھگت لیں گے۔ یاد رہے کہ اقامہ جیسے مزاق پر نواز شریف کی ڈسکوالیفیکیشن آج بھی برقرار ہے۔ آپ کو شاید کالے ڈبوں میں منہ چھپا کر گھومنے والے بزدلوں کو دیکھنے کی عادت ہو گئی ہے!

    حکومت صدارتی حکمنامہ کے ذریعے چیف جسٹس کو جبری رخصت پر بھیجے،امان اللہ کنرانی

    9 رکنی بینچ کے3 رکنی رہ جانا اندرونی اختلاف اورکیس پرعدم اتفاق کا نتیجہ ہے،رانا تنویر

    چیف جسٹس کے بغیر کوئی جج از خود نوٹس نہیں لے سکتا،

    وفاقی کابینہ نے سپریم کورٹ کے فیصلے کو یکسر مسترد کر دیا

  • مریم نواز کیخلاف توہین عدالت کی کاروائی،درخواست پر مزید دلائل طلب

    مریم نواز کیخلاف توہین عدالت کی کاروائی،درخواست پر مزید دلائل طلب

    لاہور ہائیکورٹ،عدلیہ مخالف بیان بازی کا معاملہ ،ن لیگی رہنماء مریم نواز کےخلاف توہین عدالت کی کاروائی کے لئے انٹراکورٹ اپیل پر سماعت ہوئی

    عدالت نے درخواست کے قابل سماعت ہونے سے متعلق مزید دلائل طلب کرلئے، عدالت نے ریمارکس دیتے ہوئے کہا کہ عدالت کوبتایا جائے کہ درخواست مسترد کرنے کے خلاف اپیل کیسے قابل سماعت ہے۔ وکیل درخواست گزار نے کہا کہ عدلیہ مخالف وائرس پھیل چکا ہے۔ جسٹس علی باقر نجفی نے ریمارکس دیتے ہوئے کہا کہ وائرس عدالت نے کنٹرول نہیں کرنا۔ وکیل اپیل کنندہ نے کہا کہ وائرس تو قانون نے کنٹرول کرنا ہے ،جسٹس علی باقر نجفی کی سربراہی پر دو رکنی بنچ نے سماعت کی ،عدالت نے اپیل کی سماعت 5اپریل تک ملتوی کردی

    عدالت میں دائر درخواست میں موقف اختیار کیا گیا ہے کہ سنگل بنچ نے قانونی جواز کے بغیر درخواست مسترد کی۔ عدالت سنگل بنچ کے فیصلے کوکالعدم قراردیتے ہوئے اپیل منظور کرے مریم نواز اپنی جماعت کی سینئیر نائب صدر ہیں اور چیف آرگنائزر کا عہدہ سنبھال چکی ہے مریم نواز نے سرگودھا میں پارٹی کنونشن سے خطاب کرتے ہوئے اعلی عدلیہ مخالف بیان بازی کی۔ مریم نواز نے اپنے خطاب کے ذریعے اعلی عدلیہ کو سکینڈلائز کرنے کی کوشش کی۔ مریم نواز کی تقریر الیکٹرانک میڈیا پر لائیو نشر ہوئی اور اگلے روز اخبارات میں پرنٹ ہوئی ،آئین کے تحت اعلی عدلیہ کے ججز کےخلاف بیان بازی نہیں ہوسکتی،عدلیہ مخالف بیان بازی پر مریم نواز کے خلاف آئین کے آرٹیکل 204 کے تحت توہین عدالت کی کاروائی کی جائے۔ عدالت مریم نواز کو عدالت طلب کرتے ہوئے قانون کے مطابق کاروائی کرے۔

    مریم نواز کیخلاف توہین عدالت کی کارروائی کیلئے ایک اور درخواست دائر

    توہین عدالت کی درخواست ناقابل سماعت قرار

    ھارتی جارحیت پر پاکستان کا ذمہ دارانہ جواب،ہو گی تقریب، وزیراعظم دیں گے مودی کو اہم پیغام

    پاک فضائیہ خطے میں پاکستان کی سالمیت اور وقار کے دفاع کیلئے مکمل تیار ہے: سربراہ پاک فضائیہ

    عسکری قیادت کا پاک فضائیہ کے آپریشنل ایئر بیس پر جاری کثیر ملکی عسکری مشق کا جائزہ

  • آئین شکن کا خطاب ملنے پرججز کی تصاویر پرجوتے کس نے برسائے تھے؟ مریم نواز

    آئین شکن کا خطاب ملنے پرججز کی تصاویر پرجوتے کس نے برسائے تھے؟ مریم نواز

    باغی ٹی وی کی رپورٹ کے مطابق مسلم لیگ ن کی رہنما مریم نواز نے سابق وزیراعظم عمران خان پر کڑی تنقید کی ہے،

    مریم نواز نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ تمہیں آئین شکن کا خطاب ملنے پر ججز کی تصاویر پر جوتے کس نے برسائے تھے؟ عدالتوں کے باہر ٹرک کھڑے کرنے سے لے کر،سپریم کورٹ وچ ساڈے بندے بیٹھے نے،مظاہر نقوی کے سامنے پرویز الہی نے اپنا کیس لگوانے تک تمھارے سہولت کاروں نے جو دھبے اپنے اوپر لگوا لیے ہیں وہ انکا اور تمھارا پیچھا کریں گے

    ایک اور ٹویٹ میں مریم نواز کا کہنا تھا کہ جس کے اپنے برادرز ججز اُس پر عدم اعتماد کر دیں، سوالات اُٹھا دیں اُس کے دیے گئے فیصلے کی نہ کوئی قانونی حیثیت ہوگی نہ اخلاقی۔ چند سہولت کاروں کی جانب سے انصاف کے ایوان کو تحریک انصاف کا ایوان بننے سے روکنا پوری قوم کی ذمہ داری ہے۔ ون مین شو تباہی کا باعث بنے گا۔ جسٹس مندوخیل کی دعاوں میں شریک ہیں کہ اللّہ تعالی سپریم کورٹ آف پاکستان پر رحم فرمائے۔ آمین !

    دوسری جانب وفاقی وزیر اطلاعات مریم اورنگزیب کا کہنا تھا کہ ایک پاگل جس کے ہاتھ میں ماچس ہے، ملک کو آگ لگانا چاہتا ہے، پہلے کاغذ لہرا کر سائفر کی کہانی گھڑی، قانون اور اسمبلی توڑی صدر ، ڈپٹی اسپیکر سے آئین شکنی کرائی، اسی شخص نے پنجاب اور کے پی کے اسمبلی توڑی،ججز کمیٹی کو بینچ بنانے کا فیصلہ کرنا چاہیئے تاکہ بینچ فکسنگ کا تاثر ختم ہو، ترازو کے پلڑے برابر نظر آنے چاہیئے،جسٹس اعجازالحسن 3 رکنی بینچ کا حصہ نہین بن سکتے ،تین رکنی بینچ کا فیصلہ عوام نہیں مانے گی ، پی ڈی ایم کا مطالبہ فل کورٹ بنائی جائے،دیگر جماعتوں کو بھی سماعت کا حصہ بنایا جائے، پوری سماعت متنازعہ ہو چکی ہے، رجسٹررار کا سرکلر ایک فرد کا فیصلہ ہے،اس بینچ نے فل کورٹ کے علاوہ کوئی فیصلہ کیا تو کون مانے گا، عمران خان ملک میں افراتفری چاہتا ہے،دہشتگرد زمان پارک میں پال کر پولیس پر پیٹرول بم پھینکے گئے، عمران خان عالمی سازش کے بیانیے میں پکڑا گیا،

     چیف جسٹس کی سربراہی میں بینچ کا بار بار ٹوٹنا سوالیہ نشان ہے،

     انصاف ہونا چاہیئے اور ہوتا نظر بھی آنا چاہیئے،

    سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

    سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

    ‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی 

  • جو کہتا تھا قانون سب کے لیے برابر ہے وہ آج قانون کا سب سے بڑا مفرور ہے،مریم نواز

    جو کہتا تھا قانون سب کے لیے برابر ہے وہ آج قانون کا سب سے بڑا مفرور ہے،مریم نواز

    قصور: مسلم لیگ (ن) کی سینئر نائب صدر مریم نواز نے چیئرمین پی ٹی آئی عمران خان کا نام لیے بغیرتنقید کرتے ہوئے کہا ہے کہ جو کہتا تھا قانون سب کے لیے برابر ہے وہ آج قانون کا سب سے بڑا مفرور ہے۔

    باغی ٹی وی: قصور میں عوامی جلسہ سےخطاب کے دوران انہوں نےکہا کہ کھڈیاں والوں نے مینار پاکستان پر جلسہ کرنے والوں کو کھڈے میں پھینک دیا سوچا بھی نہیں تھا کہ پورا کھڈیاں باہر آجائے گا، ملک احمد خان زندہ باد، کھڈیاں اور قصور کل اور آج بھی نوازشریف سے محبت کرتا ہے۔

    مریم نواز نے کہا کہ جتنے مرضی "پامبڑ” مچ جائیں سچ بولنے سے باز نہیں آؤنگی، 5 سال ان "پامبڑوں” سے گزر کر آئی ہوں نہیں ڈروں گی، قصور والوں کا شعور بہت زبردست ہے، جب الیکشن چوری کیا گیا قصورسے پوری سیٹیں جیتی تھیں، کھڈیاں والوں نے سب سے پہلے گھڑی چور کو پہچانا تھا پوری دنیا جان گئی ہے یہ فتنہ حکومت میں ہو تو تباہی اور باہر ہو تو بربادی ہے، گیدڑ کو لیڈر کا ماسک پہنانے کی پوری کوشش کی گئی،ماسک اترا تو گھڑی چور نکلا جب لیڈر کا ماسک نکلا تو بیچ میں توشہ خانہ چور نکلا، جب لیڈر کا ماسک اترا ہیروں کے سیٹ لینے والا نکلا، گزشتہ 6 سے 7 سال گدھے پرلکیریں ڈال کر زیبرا بنانے کی کوشش کی گئی، گدھا تو گدھا ہی ہوتا ہے، سہولت کار ہٹے تو گدھے کی لکیریں مٹ گئیں، اب وہ گدھا ریاست کو لاتیں مار رہا ہے۔

    مریم نواز نے کہا کہ جس طرح اس کی درگت بنی سہولت کاروں نے بھی کانوں کو ہاتھ لگا لیا، کہتا تھا قانون سب کے لیے برابر ہے، آج قانون کا یہ سب سے بڑا مفرور ہے، عدالتوں نے کہا کہ پیش ہو لیکن وہ ٹانگ پر پلستر چڑھا کر بیٹھا ہے، چھتوں کے پلستر بھی کھل جاتے ہیں لیکن اس کی ٹانگ کا پلستر نہیں کھل رہا کبھی کہتا ہے بیمار ہوں کبھی کہتا ہے بزرگ ہوں، زمان پارک سے پولیس والوں پر پٹرول بم پھینکے گئے، بڑا معصوم سا منہ بنا کر کہتا ہے کہ میری بیوی زمان پارک میں اکیلی تھی، اگر تمہاری بیوی اکیلی تو زمان پارک میں پٹرول
    https://twitter.com/pmln_org/status/1641066552857358336?s=20


    مریم نواز نے کہا کہ

    مریم نواز نے کہا کہ انہوں نے زمان پارک میں دہشت گرد چھپائے ہوئے تھے، گلگت بلتستان کی پولیس کو بلا کر پنجاب پولیس پر حملہ کرایا گیا، اس آدمی کو شرم نہیں آتی، دنیا کی تاریخ میں اس سے زیادہ بزدل انسان نہیں دیکھا، پہلے کئی ماہ چارپائی کے نیچے سے نہیں نکلا تھا، اب نکلتا ہے تو جنگلا نما گاڑی میں بیٹھ جاتا ہے، جب گاڑی سے نکلتا ہے تو کالا ڈبہ سر پر رکھ لیتا ہے، کالا سا گھونگٹ نکال کر دلہن بن جاتا ہے۔

    انہوں نے کہا کہ مینار پاکستان کے سٹیج کو بنکرمیں تبدیل کر دیا، بلٹ پروف بنکر سے قوم کو کہتا ہے خوف کے بت کو توڑ دو، اتنا ڈرپوک شخص تاریخ میں نہیں دیکھا، تمہاری جان اگر قیمتی ہے تو جلسے میں آنے والوں کی بھی قیمتی ہے اس کے اپنے بچے لندن میں محفوظ ہیں، قوم کے بچوں کو سڑکوں پر مار کھانے کے لیے چھوڑا ہےیاد رکھنا اگر آپ پر کوئی تکلیف آئی تو میں سامنے کھڑی ہوں گی، مینار پاکستان میں اس کی تقریر ایک ہارے ہوئے شخص کی تھی، عمران خان سن لو یہ قوم اب تمہیں کبھی اقتدار میں نہیں آنے دے گی، دس نکاتی ایجنڈا پیش کر رہا تھا، جب 4 سال اقتدار میں تھا تب دس نکاتی ایجنڈا کہاں سو رہا تھا۔

    انہوں نے کہا کہ پہلا شخص ہے جو روز قتل کی کہانی گھڑ کر سناتا ہے، کبھی رانا ثنا اللہ، کبھی کہتا ہے آئی جی پنجاب قتل کرنا چاہتا ہے، ایسے بندے کو چڑیا گھر میں رکھنا چاہیے اور ٹکٹ لگنی چاہیے، آج اس ذہنی مریض کے کہنے پرعدالتیں سوموٹو لے رہی ہیں، عمر عطا بندیال صاحب اس بندے کے پیچھے نہ لگیں، اس نے ہر سہولت کار کو استعمال کیا پھر مٹی پلیت کرتا ہے۔

    جلسہ سے خطاب کرتے ہوئے مریم نواز نے کہا کہ انشااللہ الیکشن ہو گا، ہم جمہوریت پر یقین رکھتے ہیں، ہم عوام کی طاقت پر یقین رکھتے ہیں، الیکشن ہو گا لیکن الیکشن سے پہلے سلیکشن کا فیصلہ ہو گا، ایک منشیات زدہ شخص کے کہنے پر پنجاب کی اسمبلی کیوں توڑی گئی، حمزہ شہبازکی حکومت توڑکر 25 ارکان کو عمران کی جھولی میں پھینکا گیا چار، تین کا فیصلہ دو، تین سےکس نے تبدیل کیا، کیا یہ پاکستان کے عوام سے دھوکہ نہیں ہے۔

    انہوں نے کہا کہ پرویز الہیٰ کی حکومت لانے کے لیے 25 ایم پی ایز کوعمران کی جھولی میں ڈالا گیا تب آئین نے دستک نہیں دی، جب منتخب وزیراعظم کو نکالا گیا اس وقت آئین پاکستان نے دستک نہیں دی، کھڈیاں والو اپنے دشمن کا نام سنو جسٹس کھوسہ، ثاقب نثار نے کہا نوازشریف کے خلاف درخواست لاؤ ہم باہر کرتے ہیں، اس وقت آئین پاکستان نے دستک نہیں دی؟ نوازشریف کو سزا دینے والوں کی گواہیاں آچکی ہیں-

  • مریم نواز بھائی کی مقروض،کیپٹن ر صفدر دوستوں کے مقروض

    مریم نواز بھائی کی مقروض،کیپٹن ر صفدر دوستوں کے مقروض

    باغی ٹی وی کی رپورٹ کے مطابق ن لیگی رہنما مریم نواز نے مالی اثاثوں کی تفصیلات کاغذات نامزدگی کے ساتھ الیکشن کمیشن میں جمع کروا دی ہے

    مریم نواز مجموعی طور پر 84 کروڑ 25 لاکھ روپے سے زائد اثاثوں کی مالک ہیں،مریم نواز 2 کروڑ 89 لاکھ روپے سے زائد کی مقروض ہیں،مریم نواز نے قرض اپنے بھائی حسن نواز سے لے رکھا ہے، مریم نواز کے شوہر کیپٹن (ر) صفدر بھی دوستوں کے 6 کروڑ روپے کے مقروض ہیں، مریم نواز رائیونڈ کے علاقے میں 1 ہزار 400 کنال سے زائد اراضی کی مالک ہیں، مریم نواز کی بیرون ملک کوئی جائیداد نہیں، مریم نواز نے 3 برس میں 1 کروڑ 90 لاکھ روپے سے زائد زرعی آمدن ظاہر کی، مریم نواز نے 3 برس میں زرعی اراضی سے آمدن پر 12 لاکھ روپے سے زائد ٹیکس ادا کیا، حدیبیہ پیپر ملز میں 54 لاکھ 69 ہزار روپے سے زائد کے شیئرز خرید رکھے ہیں

    مریم نواز محمد بخش ٹیکسٹائل ملز میں 48 لاکھ 21 ہزار روپے کی شیئر ہولڈر ہیں، مریم نواز حمزہ سپننگ ملز میں 16 لاکھ اور جنید پولٹری فارمز میں 90ہزار روپے مالیت شیئرز کی مالک ہیں ،مریم نواز کے پاس اپنی ذاتی گاڑی نہیں، مریم نواز کے بینک اکاؤنٹس میں 78 لاکھ روپے سے زائد کی رقم موجود ہے مریم نواز نے کاغذات نامزدگی میں تعلیمی قابلیت ایم اے انگلش لٹریچر ظاہر کی

    عدالت نے کہا کہ میں کیوں ایسا حکم جاری کروں جو سسٹم ہے اسی کے مطابق کیس فکس ہوگا،

    عمران خان نے باربار قانون کی خلاف ورزی کی جس پر انہیں جواب دینا ہوگا

    چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے