ن لیگی ایم پی اے ثانیہ عاشق کے دوپٹے سے منہ اور ناک صاف کرنے پر مفتاح اسماعیل نے وضاحت پیش کر دی-

باغی ٹی وی : تفصیلات کے مطابق سوشل میڈیا پرگزشتہ روز سے مریم نواز شریف کی میڈیا نمائندوں سے گفتگو کے دوران کا ایک ویڈیو کلپ وائرل ہوا اس موقع پر پرویز رشید، حنا پرویز بٹ، خرم دستگیر خان اور دیگر بھی موجود تھے۔ اس موقع پر ثانیہ عاشق، مریم نواز کے پیچھے جبکہ مفتاح اسماعیل ان کے پیچھے موجود تھے۔

مفتاح اسماعیل کا گھٹیا پن دیکھیں ثانیہ عاشق کے دوپٹےسے ناک منہ صاف کر رہا ہے۔
یہ پاکستان کا وزیر خزانہ رہا ہے، حد ہے کہ تحریک انصاف کی قیادت کے اٹھنے بیٹھنے پہ نظر رکھنے والے صحافیوں نے اس بد اخلاقی کو یکسر نظر انداز کیا ہے۔pic.twitter.com/5dYSpsdJsa

— کیڑےمکوڑے (@Form_45) March 22, 2022

اس ویڈیو کلپ میں دیکھا جاسکتا ہے کہ مفتاح اسماعیل اپنے سے آگے کھڑی ثانیہ عاشق کے دوپٹے کو ہاتھ میں پکڑ کر اپنی ناک اور منہ صاف کررہے ہیں، تاہم وہ اس وقت دیکھ کسی اور جانب رہے ہیں ان سے دوبارہ یہ غلطی سرزد ہوئی تو ان کی بائیں جانب کھڑے ایک شخص نے مفتاح اسماعیل کے کان میں کچھ سرگوشی کی جس کے بعد انھیں اپنی غلطی کا احساس ہوا

ویڈیو وائرل ہونے کے بعد لیگی رہنما پر سوشل میڈیا صارفین کی جانب سے سخت تنقید کی گئی-

تاہم اب مسلم لیگ ن کے رہنما مفتاح اسماعیل نے ایک پریس کانفرنس کے دوران ثانیہ عاشق کے دوپٹے سے ناک صاف کرنے سے متعلق وائرل ویڈیو پر وضاحتی بیان جاری کردیا ہے۔

A video shows me wiping my face with my sister @SaniaaAshiq’s dupatta. As seen, I reached in my pocket, got a tissue & wiped my face. 2nd time I unknowingly picked up her dupatta on the tissue to wipe my face. Of course I apologised to her when I saw it.

— Miftah Ismail (@MiftahIsmail) March 23, 2022

مفتاح اسماعیل نے اس ویڈیو کلپ پر وضاحت دیتے ہوئے اپنی ٹویٹ میں کہا کہ سوشل میڈیا پر وائرل ایک کلپ میں مجھے میری بہن ثانیہ عاشق کے دوپٹے سے اپنا چہرہ صاف کرتے دکھایا گیا ہے-

انہوں نے کہا کہ جیسا کہ ویڈیو میں دیکھا جاسکتا ہے کہ میں نے پہلی بار میں اپنی جیب سے ٹشو نکالا اور اپنا چہرہ صاف کیا، دوسری بار میں میرے ہاتھ میں انجانے میں میری بہن کا دوپٹہ آگیا، اور میں نے جیسے ہی یہ دیکھا تو میں نے ان سے معافی بھی مانگ لی۔

اسلام آباد: مسلم لیگ (ن) کے گرفتار رہنما چوہدری تنویر دل کی تکلیف کے باعث اسپتال منتقل کردیئے گئے۔

باغی ٹی وی : تفصیلات کے مطابق اینٹی کرپشن پنجاب کے زیر حراست مسلم لیگ (ن) کے رہنما چوہدری تنویر کی طبیعبت خراب ہوگئی، اور انہیں راولپنڈی انسٹیٹیوٹ آف کارڈیالوجی منتقل کردیا گیا ہے۔ چوہدری تنویر گزشتہ دو روز سے دل کے عارضے کی شکایت کر رہے تھے-

عدم اعتماد کے دن شاہراہ دستور پر 20 لاکھ لوگ لائیں گے، ن لیگی رہنما احسن اقبال

ذرائع نے بتایا کہ چوہدری تنویر کو دل میں تکلیف کے باعث راولپنڈی انسٹیٹیوٹ آف کارڈیالوجی منتقل کیا گیا، جہاں ڈاکٹروں کے مشورے کے بعد انہیں داخل کر لیا گیا ہے۔ اسپتال ذرائع کا کہنا ہے کہ چوہدری تنویر کے کچھ ٹیسٹ کئے جائیں گے اور ان ٹیسٹ رپورٹس کی روشنی میں فیصلہ کیا جا سکے گا کہ انہیں مزید کب تک اسپتال رکھنا ہے۔

قبل ازیں محکمہ اینٹی کرپشن پنجاب نے مسلم لیگ (ن) کے سینیٹر چوہدری تنویر کو راولپنڈی کی عدالت میں پیش کیا گیا تھا اینٹی کرپشن کی ٹیم نے لیگی رہنما کو سخت سیکیورٹی میں بکتر بند گاڑی پر تھانہ کینٹ سے ضلع کچہری پہنچایا تھا جہاں انہیں ڈیوٹی جج مجتبی الحسن کی عدالت میں پیش کیا گیا اس موقع پر لیگی کارکنان بھی عدالت کے باہر موجود تھے جو حکومت کے خلاف نعرہ بازی کرتے رہے۔

وزیراعظم گھبرا چکے ہیں اور گالیاں دینے پر اتر آئے ہیں،بلاول زردای

عدالت نے ملزم کا ایک دن کا جسمانی ریمانڈ منظور کرتے ہوئے طبی معائنہ کرنے، ادویات کی فراہمی اور اہل خانہ سے ملاقات کرانے کا حکم دیا تھا چوہدری تنویر کے وکلاء نے جسمانی ریمانڈ کی مخالفت کرتے ہوئے بتایا تھا کہ چوہدری تنویر کو دل کی تکلیف ہے اور انہیں طبی امداد کی ضرورت ہے، وکلاء کی بحث کے بعد عدالت نے فیصلہ محفوظ کرلیا۔

احاطہ عدالت میں میڈیا سے گفتگو کرتے ہوئے سینیٹر چوہدری تنویر کا کہنا تھا کہ حکومت گھبرا چکی ہے، قوم کے بچے نے ان پر عدم اعتماد کر دیا ہے، انہوں نے وزیر داخلہ شیخ رشید کے لیے خصوصی پیغام بھی دیا کہا تھا کہ آنے والے دور میں جب وزیر داخلہ شیخ رشید جیل کے اندر ہوں گے تو ان کی مانیٹرنگ خود کروں گا۔

واضح رہے کہ سابق لیگی ایم این اے چوہدری تنویر کی گرفتاری جناح ٹرمینل ایئرپورٹ پر اس وقت عمل میں آئی جب وہ ایک غیر ملکی ایئرلائن کی پرواز کے ذریعے دبئی جارہے تھے، وہ بدعنوانی کے کیسز میں اینٹی کرپشن پنجاب کو مطلوب تھے اور ان کا نام واچ لسٹ میں بھی ڈالا گیا تھا-

میرےوفادارتیاررہیں:ملک کوجام کرسکتےہیں:فضل الرحمن کا اپنی ملیشیا کے نام پیغام

اسلام آباد: مسلم لیگ ن کے سیکریٹری جنرل اور رکن قومی اسمبلی احسن اقبال نے کہا کہ جتنے اسکینڈل اس حکومت کے آئے اتنے پاکستان کی تاریخ میں نہیں آئے-

باغی ٹی وی : اسلام آباد میں پریس کانفرنس میں ن لیگی رہنما نے کہا کہ تحریک عدم اعتماد کسی سیاسی تبدیلی کی نہیں عوام کی تحریک ہے، آج حکومت نے جو پاکستان کا حشر کیا ہے اگر یہ رخصت نہ ہوئی تو ملک کو دوبارہ درست راستے پر لانا مشکل ہوجائے گا۔

احسن اقبال نے اعلان کیا کہ عدم اعتماد کے دن شاہراہ دستور پر 20 لاکھ لوگوں کا جلسہ کریں گے انہوں نے کہا کہ آج پاکستان کی تمام سیاسی و جمہوری قوتیں ایک پلیٹ فارم پر اکٹھی اور آئین و عوام کے مفاد کے تحفظ کے لئے اس حکومت کو گھر بھیجنے کے لئے متحد ہیں-

اُن کا کہنا تھا کہ ملک سے بیرونی سرمایہ کاری بھاگ گئی ہے آج پورا انتظامی ڈھانچہ مفلوج ہوچکا ہے 4 سال مکمل ہونے کے بعد پاکستان کی معیشت ناکام معیشت پیش کررہی ہے عمران نیازی 20 ہزار ارب کے قرضے لے چکے ہیں سارے قرضے خسارہ پورا کرنے میں جھونک دیئے ہیں۔

مسلم لیگ ن کے سیکریٹری جنرل احسن اقبال کا کہنا تھا کہ جتنے اسکینڈل اس حکومت کے آئے اتنے پاکستان کی تاریخ میں نہیں آئے، پی ٹی آئی کی کرپشن کا پلڑا بھاری ہے کیونکہ تمام مافیاز کے نمائندے کابینہ میں بیٹھے ہیں اور ہر مافیا عمران خان کا ڈونر ہے۔

عامرلیاقت کا مستقبل میں پی ٹی آئی سے راہیں جدا کرنےکا اعلان

دریں اثنا بلاول بھٹو نے کہا کہ یہ عدم اعتماد معاشی بحران کے خلاف ہے اور عدم اعتماد اس خارجہ پالیسی کے خلاف ہے جس نے پاکستان کو دنیا بھر میں تنہا کیا ہے اس تحریک کے پیچھے عوام کی طاقت ہے، تحریک عدم اعتماد کامیاب ہو گی آنے والا وقت بہت مشکل ہے-

بلاول بھٹو کہنا تھا کہ ہمیں مل کر محنت کرنا ہو گی،ایک دوسرے کو گالی نہیں مشورے دینے ہیں، عمران کی سیاست ہمیں بحرانوں سے نہیں نکال سکتی، ہر اس شخص سے رابطہ کیا جو سلیکٹڈ سے نجات دلانے میں مدد کر سکتا تھا یہ ملک کسی ایک شخص کا نہیں ہم سب کا ہے،اگر ہمارےنمبرپورے نہ ہوتے تو کیا عمران اتنا پریشان ہوتا، اگر ہمارے نمبر پورے نہ ہوتے تو کیا وزیراعظم گالیاں دیتے-

روسی صدر اور ٹرمپ نے عزت دی کیونکہ ان کو پتہ تھا میں دونمبر نہیں ، وزیراعظم

اسلام آباد:وفاقی وزیراطلاعات ونشریات فواد چوہدری کا کہنا ہے کہ حکومت اوراپوزیشن میں اتنی تقسیم نہ ہو کہ گفتگو ہی مشکل ہوجائے۔

باغی ٹی وی : فواد چوہدری نے سماجی رابطے کی ویب سائٹ ٹوئٹر پر کہا کہ اپوزیشن کی بغیر سوچے سمجھے عدم اعتماد کی تحریک نے سیاست میں تلخیاں ہیدا کر دیں جمہوریت اتنی انتہائی تقسیم کا نظام نہیں ہے۔

آئی ایم ایف نے ایمنسٹی اسکیم، غیرا ہدافی سبسڈیز پر سوالات اٹھا دیئے

فواد چوہدری کا مزید کہنا تھا کہ جمہوریت میں کم از کم اتفاق رائے پر نظام استوار ہوتا ہے میں سمجھتا ہوں اتنی تقسیم نہ ہو کہ کسی بھی سبب گفتگو ہی مشکل ہو جائے لڑنا مشکل نہیں بعد میں صلح مشکل ہوتی ہے-

اپوزیشن کی بغیر سوچے سمجھے عدم اعتماد کی تحریک نے سیاست میں تلخیاں ہیدا کر دیں، جمہوریت اتنی انتہائ تقسیم کا نظام نہیں ہے اس میں کم از کم اتفاق رائے پر نظام استوار ہوتا ہے،سمجھتا ہوں اتنی تقسیم نہ ہو کہ کسی بھی سبب گفتگو ہی مشکل ہو جائے لڑنا مشکل نہیں بعد میں صلح مشکل ہوتی ہے

— Ch Fawad Hussain (@fawadchaudhry) March 12, 2022

دوسری جانب وفاقی وزیراطلاعات فواد چوہدری کے بیان پرردعمل دیتے ہوئے پاکستان مسلم لیگ(ن) کی ترجمان مریم اورنگزیب نے کہا ہے کہ بات چیت سیاستدانوں سے ہوتی ہے گالیاں دینے والوں، غنڈوں اوربدمعاشوں سے نہیں۔

مریم اورنگزیب نے کہا کہ عمران خان نے سیاست کودشمنی میں بدلا اورجس نے معاشرے میں تقسیم ، انتشاراور فساد پیدا کیا اس کا نام عمران خان ہے۔

مریم اورنگزیب کا مزید کہنا تھا کہ سیاست میں گند اور غلاظت عمران صاحب نے ڈالا ہوا ہے تحریک عدم اعتماد کے ذریعے اس گندگی اور غلاظت کو صاف کرکے معاشرے میں پھیلے تعفن اور گھٹن کو ختم کریں گے۔

انہوں نے کہا کہ سیاسی مخالفین کوگالی اوردھمکیاں دی گئیں بے بنیاد الزامات لگائے گئے اوربہنوں بیٹیوں کوجیلوں میں ڈالا گیا اس سب کے بعد بات چیت کے لیکچر دینے والے فواد چوہدری نے کیا عوام کوپاگل سمجھ رکھا ہے۔

عثمان بزدار سے ن لیگی اراکین اسمبلی ملنے لگے

مسلم لیگ ن اور عوامی نیشنل پارٹی ( اے این پی) کے عوامی نمائندوں نے تحریک انصاف میں شمولیت حاصل کر لی۔

باغی ٹی وی : اس موقع پر تقریب سے خطاب کرتے ہوئے اسپیکر قومی اسمبلی اسد قیصر نے کہا ہے کہ پارٹی میں شامل ہونے والے نمائندوں کو مبارک باد پیش کرتے ہیں۔

اسد قیصر نےکہا کہ بہت جلد وزیر اعظم عمران خان بہت بڑے ریلیف پیکج کا اعلان کریں گےجس سےمہنگائی میں خاطرخواہ کمی ہوگی کورونا وبا کی وجہ سے پوری دنیا میں مہنگائی ہوئی ہے۔

اسپیکر قومی اسمبلی کا کہنا تھا کہ غازی بروتھا متاثرین کی محرومیوں کے ازالے کیلئے کمیٹی تشکیل دی ہے، متاثرہ علاقوں میں پانی کی سپلائی کو 28 کیوبک سے بڑھا کر 46 کیوبک کیا جائے گا۔

قبل ازیں قائم مقام گورنر پنجاب چودھری پرویز الہٰی سے ملاقات کے دوران بات چیت کرتے ہوئے اسپیکر قومی اسمبلی اسد قیصر نے کہا تھا کہ اراکین پارلیمنٹ مؤثر قانون سازی سے عوام کو ریلیف دے سکتے ہیں۔

اینٹی کرپشن افسر سے 350 تولے سونا برآمد

گورنر ہاؤس میں ہونے والی ملاقات میں دونوں رہنماؤں نے پارلیمانی امور پرتبادلہ خیال کیا تھا ملاقات میں سیاسی صورتحال، پارلیمانی اور باہمی دلچسپی کے امور پر پر بھی گفتگو ہوئی قائم مقام گورنر پنجاب چودھری پرویز الٰہی اور اسپیکر قومی اسمبلی اسد قیصر کے درمیان پنجاب کے بلدیاتی مسودہ قانون کے حوالے سے بھی گفت و شنید کی گئی۔

چودھری پرویز الہٰی نے اسپیکر قومی اسمبلی اسد قیصر کو پنجاب اسمبلی کی قائمہ کمیٹی میں زیر غور بلدیاتی مسودہ قانون پر اعتماد میں بھی لیا چودھری پرویز الٰہی نے اس موقع پر کہا تھا کہ مضبوط بلدیاتی ادارے عوامی مسائل کے حل میں اہم کردار ادا کرسکتے ہیں۔ انہوں نے کہا کہ بلدیاتی نمائندوں کو نچلی سطح پر مسائل حل کرنے کے لیے بااختیار بنانا ضروری ہے۔

خاتون کو نازیبا اشاروں سے ہراساں کرنے والا ملزم گرفتار

اسلام آباد: وزیر مملکت فرخ حبیب نے کہا ہے کہ پیکا آرڈیننس فیک نیوز کے خلاف مؤثر ثابت ہو گا اور پیکا قانون مسلم لیگ ن کے دور میں بنا تھا ہم نے تو صرف سزا واضح کی ہے۔

باغی ٹی وی : وزیر مملکت فرخ حبیب نے نجی ٹی وی چیبنل سے گفتگو کرتے ہوئے کہا کہ پیکا کے تحت کوئی صحافی گرفتار نہیں ہوا تاہم قانون کو سخت کرنے کا مقصد معاشرے کو جرائم سے بچانا ہے سائبر کرائم میں ہزاروں درخواستیں پڑی ہیں اور سوشل میڈیا پر لوگوں کی ذات پر حملے کیے جاتے ہیں جبکہ سوشل میڈیا پر کنٹینٹ کا جائزہ لینے کے لیے کوئی قانون نہیں تھا-

فرخ حبیب نے کہا کہ سوشل میڈیا کی وجہ سے قانون کا آنا ضروری تھا لوگوں کے گھر خراب ہوتے ہیں اور طلاق تک بات چلی جاتی ہے جعلی نیوز کی تشریح پر کام کر رہے ہیں اور میڈیا ایڈیٹرز سے فیک نیوز کی تشریح پر بات ہوئی ہے جعلی نیوز اور تکنیکی غلطی میں فرق ہے جبکہ سی پی این ای کی جانب سے فیک نیوز کی تشریح آئی ہے۔

وزیر مملکت نے کہا کہ حزب اختلاف کو خود ایک دوسرے پر اعتماد نہیں تو عدم اعتماد کی تحریک کہاں سے لائیں گے شہباز شریف اور آصف زرداری ایک دوسرے کو دیکھنا بھی پسند نہیں کرتے لیکن اگر آج شہباز شریف اور آصف زرداری اکھٹے ہوئے ہیں تو اس کی وجہ عمران خان ہے۔

حالیہ ہفتے میں مہنگائی میں 0.22 فیصد اضافہ،33 اشیاء مہنگی،18 سستی

اتحادیوں کے حوالے سے بات کرتے ہوئے وزیر مملکت نے کہا کہ اتحادی ہمارے ساتھ ہیں اور اتحادی ہمیشہ بارڈر لائن پر کھڑے ہوتے ہیں اس لیے اتحادیوں پر اپنی مرضی لاگو نہیں کر سکتے حزب اختلاف نے پیسوں کی لین دین شروع کر دی ہے اور شاباش ہو ان لوگوں پر جنہوں نے پیسے لینے سے انکار کیا یہ لوٹ مار کا ٹولہ ہے کون سا ان کا اپنا پیسہ ہے-

امریکا کا وزیراعظم عمران خان کے دورہ روس پر تبصرہ کرنے سے گریز

اسلام آباد: وفاقی وزیر مواصلات مراد سعید نے چیئرمین پاکستان پیپلزپارٹی بلاول بھٹو کی پریس کانفرنس پر اپنے ردعمل میں الزام عائد کیا ہے کہ ڈرون حملوں میں دونوں جماعتوں نے پختونوں کے خون کا سودا کیا-

باغی ٹی وی : تفصیلات کےمطابق وفاقی وزیر مراد سعید کی پریس کانفرنس میں اے این پی کےرہنما ایمل ولی خان بھی موجود تھے مراد سعید نے کہا کہ خزانے کی لوٹ مار سے دونوں نے 22 کروڑ پاکستانیوں کےحقوق پرڈاکہ ڈالا قوم نے فرزند زرداری کی جماعت اوراس کے حلیفوں سے نجات حاصل کی۔ ان کا کہنا تھا کہ فرزندزرداری کی جماعت کے ہاتھوں سندھ کی حالت سامان عبرت ہے۔

حارث رؤف کی جانب سے کامران غلام کو تھپڑ مارنے کا واقعہ،پی سی بی حکام نے نوٹس لے لیا

وفاقی وزیر مراد سعید نے کہا کہ کراچی میں پختونوں کا قتل کسی سے پوشیدہ نہیں ہے انہوں نے الزام عائد کیا کہ کراچی میں پختونوں کے خون کے لیے باوردی پولیس کواستعمال کیا جاتا ہے سوچا تھا کہ بلاول آج کم از کم پختونوں سے معافی طلب کریں گے سندھ کے عوام بھی اٹھ کھڑے ہوئے ہیں، ان کا یوم نجات قریب ہے۔

انہوں نے کہا کہ قوم واپسی پرنہیں، مستقبل پرنظریں لگائے ہوئے ہے۔ انہوں نے کہا کہ مستقبل میں بلاول اور ان کے حلیفوں کے لیے آہ و زاری کے علاوہ کوئی کردار نہیں ہے فرزند زرداری نے کراچی میں جرائم کے اضافے پر ایک لفظ تک نہیں بولا۔

آصف علی زرداری اور شہباز شریف کے درمیان ایک اور ملاقات طے

واضح رہے کہ اس سے قبل چیئر مین پاکستان پیپلزپارٹی بلاول بھٹو زرداری نے عوامی نیشنل پارٹی کے مرکزی رہنما ایمل ولی خان سے ملاقات کے بعد میڈیا سے گفتگو کرتے ہوئے کہا کہ جمہوریت سمیت 18 ویں ترمیم خطرے میں ہے عوامی نیشنل پارٹی اور پاکستان پیپلز پارٹی کی ایک تاریخ ہے اور دونوں جماعتوں کے کارکنان نے جمہوریت کے لیے اپنی جانوں کی قربانیاں دی ہیں۔

وزیراعظم کی ازدواجی زندگی بارے بے بنیاد درخواست پر نجم سیٹھی کو جرمانہ

بلاول بھٹو زرداری نے کہا تھا کہ ہم نے مل کر بہت سی کامیابیاں حاصل کی ہیں، ہم نے 1973 کے آئین کو بحال کیا ہے، این ایف سی ایوارڈ کی تاریخ رقم کی ہے آصف زرداری نے صدر ہوتے ہوئے اقوام متحدہ میں کھڑے ہو کرخیبر پختونخوا کا نام لیا ان تاریخی کامیابیوں سے کوئی بھی انکار نہیں کرسکتا ہے جب دہشت گردی عروج پر تھی تو ہمارے کارکنان نے صف اول کا کردار ادا کیا ایمل ولی خان سے رابطے میں رہتا ہوں، یہ مجھے ایڈوائس دیتے رہتے ہیں-

تحریک عدم اعتماد کامیاب ہوئی تو وزیراعظم کس پارٹی کا ہو گا ؟ بلاول کا بڑا اعلان

چیئرمین پی پی نے کہا تھا کہ اس وقت ملک مشکل میں ہے اور معاشی بحران کا سامنا ہے۔ انہوں نے کہا کہ حکومت کے خلاف مارچ کے لیے سب سے پہلے ایمل ولی نے حمایت کا اعلان کیا ہماری جدوجہد کامیاب ہو گی اورنالائق وزیراعظم سے حساب لیں گے سینیٹ الیکشن میں بھی حکومت وقت کو کھلا نہیں چھوڑا اور کامیابی حاصل کی تاہم انہوں ںے تسلیم کیا کہ عدم اعتماد میں ان کی تھوڑی بہت اکثریت ہمارے لیے چیلنج ہے لیکن ہم عدم اعتماد کو کامیاب بنانے کے لیے بھرپور محنت کریں گے۔

اقتدار میں آنے کے بعد جو سب سے زیادہ جملہ ادا کیا وہ "گھبرانا نہیں ہے”

لاہور :ایف آئی اے سائبر کرائم نے کارروائی کرتے ہوئے سوشل میڈیا پر وزیر اعظم عمران خان کے خلاف غیر اخلاقی پوسٹ کرنے پر ايک شخص کو حراست ميں لے ليا تھا جس پر مریم نواز کا ردعمل سامنے آیا ہے-

باغی ٹی وی : مسلم لیگ ن کی نائب صدر مریم نواز نے کہا کہ صابر محمود ہاشمی کا دن دہاڑے اغوا حکومت کی بدحواسی کی گواہی دیتا ہے کیا عمران خان کوئی مقدس گائے ہے کہ جس کی لوٹ مار اور ناکامیوں پر تنقید نہیں کی جاسکتی؟

صابر محمود ہاشمی کا دن دہاڑے اغوا حکومت کی بدحواسی کی گواہی دیتا ہے۔ کیا عمران خان کوئی مقدس گائے ہے کہ جسکی لوٹ مار اور ناکامیوں پر تنقید نہیں کی جاسکتی؟
پوری پارٹی اس وقت @SabirMehmood26 کے ساتھ کھڑی ہے۔ FIA کو بھی چاہیے کہ اس ختم ہوتی حکومت کا آلہِ کار بننے سے گریز کریں۔

— Maryam Nawaz Sharif (@MaryamNSharif) February 14, 2022

انہوں نے کہا کہ پوری پارٹی اس وقت مقصود صابر کے ساتھ کھڑی ہے ایف آئی اے کو بھی چاہیے کہ اس ختم ہوتی حکومت کا آلہِ کار بننے سے گریز کریں۔

واضح رہے کہ ملزم کو ايف آئی اے سائبرکرائم نے ماڈل ٹاون سے حراست میں لے لیا ہے ایف آئی اے سائبر کرائم ذرائع کے مطابق حراست میں لئے جانے والے شخص کا نام صابر محمود ہے اس شخص کا تعلق مسلم لیگ ن سے بتایا جا رہا ہے۔
https://twitter.com/arshdchaudhary/status/1493261483949576195?s=20&t=6uvt_3SV5OcRgVYRqKtCuw
ايف آئی اے سائبرکرائم نے حراست ميں لئے گئے شخص کا موبائل بھی قبضہ ميں لے ليا ہے۔ اس سے مزید تفتیش کی جا رہی ہے۔

واضح رہے کہ خیال رہے کہ معاون خصوصی ڈاکٹر شہباز گل نے متنبہ کیا تھا کہ وزیراعظم اور خاتون اوّل بشری عمران خان کے بارے گھٹیا اور من گھڑت خبریں دینے والوں کیخلاف سخت ایکشن لیتے ہوئے انھیں عدالت میں لے جایا جائے گا۔

وزیراعظم اور خاتون اول میں علیحدگی کی خبریں، حقیقت سامنے آ گئی

ڈاکٹر شہباز گل کا کہنا تھا کہ پہلے ہی نجم سیٹھی کے خلاف ہم عدالت میں ہیں۔ ابھی بھی جو لوگ خاتون اوّل کے بارے جھوٹی خبریں پھیلا رہے ہیں ان کے خلاف سخت قانونی چارہ جوئی کی جائے گی۔

انہوں نے کہا تھا کہ خاتون اوّل اور وزیراعظم دونوں اسلام آباد میں موجود ہیں۔ پورے ایک سال میں خاتون اوّل صرف ایک ہفتے کے لئے لاہور تگئیں پچھلے چند مہینوں سے وہ لاہور تشریف نہیں لے کر گئیں اور اسلام آباد میںہیں۔

شہباز گل نے متنبہ کیا کہ سیاست اور صحافت کریں لیکن اہلخانہ جو سیاست میں موجود ہی نہیں، ان کے بار جھوٹی جعلی خبریں دیں گے تو عدالت لے کر جائیں گے-

جبکہ وزیر مملکت برائے اطلاعات فرخ حبیب نے کہا تھا کہ بشریٰ بی بی گھریلو خاتون ہیں، ان کا کوئی سیاسی اثر و رسوخ نہیں، اس کے پیچھے وہی لوگ ہیں جو بے نظیر بھٹو اور نصرت بھٹو کی کردار کشی کیا کرتے تھے گھٹیا حرکتوں والوں کو تنبیہہ کرتے ہیں کہ باز آجائیں، بشریٰ بی بی کے خلاف جعلی خبریں چلوائی جاتی ہیں۔

بشریٰ بی بی گھریلو خاتون ہیں ان کا کوئی سیاسی اثر و رسوخ نہیں، فرخ حبیب