Tag: مسلم لیگ ن

ٹیکسلا وفاقی وزیر برائے ہوا بازی غلام سرور خان نے یونین کونسل ٹھٹھہ خلیل کے گاؤں پسوال میں سوئی گیس کی فراہمی کے منصوبے کا افتتاح کیا۔اس موقع پر ایم این اے منصور حیات خان ور ایم پی اے عمار صدیق خان بھی موجود تھے۔جلسہ سے خطاب کرتے ہوئے وفاقی وزیر نے کہا کہ سات کروڑ روپے کی لاگت سے اس علاقے کے چھ گاؤں گیس کی سہولت سے مستفید ہو سکیں گے۔پسوال، بن بابا جی، ہکلا، ڈھوک گلاب ڈھوک اکثر خان اور پوڑ کے دیہات اس منصوبے میں شامل ہیں۔انہوں نے کہا کہ بنیادی سہولتوں کی فراہمی اولین ترجیح ہے۔ حلقے کے تمام دیہاتوں کو سوئی گیس، بجلی اور سڑکوں جیسی سہولتوں فراہم کی جائیں گی۔وفاقی وزیر غلام سرور خان نے کہا کہ اس علاقے کوپچھلے ادوار میں پسماندہ رکھا گیا۔ مسلم لیگ اور پیپلز پارٹی کے دور حکومت میں یہاں کی عوام کو بنیادی سہولتوں سے محروم رکھا۔ انہوں نے کہا کہ ٹیکسلا کی ایک تاریخی اہمیت ہے۔ دنیا ٹیکسلا کے نام سے واقف ہے۔اس علاقے نے مجھ پر اور میرے خاندان پر جو اعتماد کیاہے میں ان کا شکریہ ادا کرتا ہوں۔ اب میرا فرض ہے کہ آپ کو تمام سہولتوں کی فراہمی ملے۔انہوں نے کہا کہ پاکستان کو مسلم لیگ ن نے بہت نقصان پہنچایا۔ اس لیگ کااصل مسلم لیگ سے کوئی تعلق نہیں۔انہوں نے کہا کہ پی ٹی آئی کے لیڈر عمران خان نے اپنا سب کچھ اس ملک کے وقف کردیا ہے۔اور ایک طرف یہ لیڈر ہیں جنہوں نے اس قوم کا خون چوسا۔ان چوروں لٹیروں نے آج تک کو ئی الیکشن اپنی محنت سے نہیں جیتا۔صرف اور صرف الیکشن چوری کر کے جیتتے ہیں۔ایک طرف مودی کے یاراور ایک طرف پاکستان سے محبت کرنے والا لیڈرعمران خان ہے۔ انشااللہ جیت ہماری ہوگی۔ انہوں نے کہا کہ رنگ روڈ کا منصوبہ اس علاقے کی تقدیر بدل دے گا۔ میڈیا سے گفتگو کرتے ہوئے وفاقی وزیر نے کہا کہ معیشت کی بہتری ہو رہی ہے جس سے مہنگاء میں کمی ہو گی۔ پینتیس سال اور اڑھائی سال کی کارکردگی کا مقابلہ نہ کریں۔انشا اللہ ہر آنے والا دن بہتر ہوگا۔ حالیہ ضمنی الیکشن کے بارے میں وفاقی وزیر نے کہا کہ انہوں نے ہمیشہ الیکشن چوری کیا۔ الیکشن چوری کرنا ن لیگ کا وطیرہ ہے۔ انہوں نے کہا کہ ہم الیکشن کمیشن کے ہر فیصلے کو قبول کریں گے۔ جہاں یہ جیتیں ٹھیک ہے جہاں ہاریں دھاندلی کا شور۔یہ دھاندلی کی پیداوار ہیں۔انکا کہنا تھا کہ مسلم لیگ ن سے کبھی بھلائی کی امید نہ رکھنا، ن لیگ کا پاکستان یا پاکستانی سیاست سے کو لینا دینا نہیں ہے، آج کی مسلم لیگ کا پاکستان کی خالق مسلم لیگ سے کوئی تعلق نہیں،مسلم لیگ میرے سامنے جنرل ضیاکے کہنے پر بنی، مسلم لیگ نواز پیدائشی چور ہے،پاکستان کی بقاء کی خاطر میں اور میرا خاندان ہر قسم کی قربانی کے لیے تیار ہوں اس ملک ماضی میں ایسے لوگ مسلط رہے جنہوں نے پاکستان کو دیا کچھ نہیں بس لوٹا ہے،2013کے الیکشن میں تاریخی دہاندلی ہوئی ایک طرف پی ڈی ایم کی صورت میں چور، ڈاکو، ملک دشمن اور دوسری طرف ایک خدا پر بھروسہ رکھنے والا عمران خان ہے،اس سال کے آخر میں بلدیاتی الیکشن ہوں کے اور حکومت اپنی مدت بھی پوری کرے گی۔رنگ روڈ سے اس علاقے کی قسمت بدل جائے گی یہ علاقہ ایک معاشی ہب بننے جا رہا ہے ملکی ترقی کا سفر شروع ہو چکا ہے 2023 تک یہ کام مکمل ہو جائے گانیا پاکستان ہاؤسنگ سکیم ٹیکسلا کے علاقے سنگ جانی میں ملٹی سٹوری فلیٹ بنائے گی جو بے گھر افراد کو دیئے جائیں گے ٹیکسلا ایک تاریخی شہر ہے میری پہچان ٹیکسلا ہے اسی ٹیکسلا شہر نے بہت عزت دی اور اعزازات سے نوازااس علاقے کا مجھ پر قرض ہے علاقے کے عوام کی خدمت میں کوئی کسر نہیں چھوڑیں گے۔اس موقع پر ملک عظمت محمود اور میزبان تقریب سابق چئیرمین وحید خان نے بھی خطاب کیا،،تقریب میں سابق ایم پی اے شفیق خان،چئیرمین زکوۃ کمیٹی ضلع راولپنڈی حاجی غلام حسن خان، ملک عظمت محمود، سید چن شاہ کاظمی، ماسٹر نثار خان، شاہ رخ حیات خان،مسعود خان، اسد خان، ملک فقیر آف لڑ، حاجی ملک سلیم ٹھیکیدارم چوہدری سلیم بسیرا، ملک حسرت محمود،ملک شرافت،ملک عزیز،چوہدری اختر،محسن خان وقاص خان،رضوان صادق خان،حاجی بنارس خان،نعمان خان،ملک اعظم،نوازش خان،ملک اکرام نوازش، حاجی ملک اکرم،حافظ شبیر،فضل اکرم خان،اظہر خان،ماسٹر نصیر،راجہ بلال،ملک ظہیر،سمیت دیگر عمائدین علاقہ کی کثیر تعداد موجود تھی، غلام سرور خان کا کہنا تھا کہ حکومت نے اگر ضمنی انتخابات میں دخل در اندازی کرنی ہوتی تو نوشہرہ اور وزیر آباد کی نشستیں مسلم لیگ(ن) نہ جیت سکتی،ڈسکہ میں جسطرح بدمعاشی کی سیاست کی گئی اور عملے سمیت انتظامیہ کو ہائی جیک کرنے بیگ اٹھائے گئے،رانا ثناء اللہ فیصل آباد سے جتھے لیکر آیا مگر اسکے باوجود انھیں ناکامی کا سامنا کرنا پڑا، انھوں نے کہا کہ پوڑ،پسوال ڈھوک اکثر خان، بن بابا، ہکلہ سمیت دیگر علاقوں میں بلاتفریق سوئی گیس کی فراہمی کو یقینی بنایا جا رہا ہے، رنگ روڈ کے تعمیر سے اس علاقہ میں مزید ترقی آئے گی،میز بان تقریب وحید خان، مجید خان عبدالحمید خان نے تمام شرکاء کا شکریہ ادا کیا۔

پاکستان تحریک انصاف کے رہنما اور پارلیمانی سیکرٹری ریلوے فرخ حبیب نے کہا ہے کہ مسلم لیگ (ن) فارن فنڈنگ کی بانی ہے، جندال پاکستان کے اداروں کے خلاف مہم جوئی کے لئے بغیر ویزے ڈالروں کے بیگ بھر کر مری میں شریف خاندان کے حوالے کرتا رہا، ملک کو عدم استحکام کا شکار کرنے والی پی ڈی ایم کی تحریک کو دو ممالک سے فنڈنگ آ رہی ہے- مریم صفدر کو بھاگنے نہیں دیں گے، انہیں جواب دینا پڑے گا۔

منگل کو الیکشن کمیشن کے باہر میڈیا سے گفتگو کرتے ہوئے انہوں نے کہا کہ مریم صفدر اپنی فارن فنڈنگ کا جواب دینے کی بجائے گالم گلوچ برگیڈ کو آگے کر دیتی ہیں- تحریک انصاف نے اپنے چالیس ہزار ڈونرز کا مکمل ریکارڈ الیکشن کمیشن کو پیش کیا ہے، تحریک انصاف نے سالمیت پاکستان کے خلاف کسی فارنر سے ایک روپیہ نہیں لیا، تحریک انصاف کی تمام فارن فنڈنگ بینکنگ چینل کے ذریعے آئی- ویسٹرن یونین کے ذریعے ساری دنیا میں فنڈز ٹرانسفر ہوتا ہے- یہ حوالہ ہنڈی کی طرح بے نامی نہیں ہوتا، اپوزیشن کے فنڈز فالودہ، پاپڑ والے اور مشتاق چینی کے ذریعے حوالہ ہنڈی سے پیسے منتقل کرتے رہے- تارکین وطن نے تحریک انصاف کو نیا پاکستان بنانے کے لئے فنڈنگ کی، ہمیں اسرائیل کو تسلیم کرنے کا طعنہ دینے والوں نے خود 1998ءمیں اپنے اس وقت کے وزیر مذہبی امور کو اسرائیل بھیجا- جھوٹوں کی پاناما رانی کا ایک سال ٹوئٹر اکائونٹ بند رہا۔ انہوں نے کہا کہ اسامہ بن لادن سے بے نظیر بھٹو کو ہٹانے کے لئے، لئے گئے 10 ملین ڈالر کا حساب انہیں دینا پڑے گا، بلاول اور پیپلزپارٹی کس ڈھٹائی سے ان کے ساتھ کھڑے ہیں- منی لانڈرنگ، حوالہ، ہنڈی کی بنیاد رکھنے والے نواز شریف ہیں- انہوں نے اپنی لوٹ مار سے اربوں روپے مریم صفدر کو گفٹ کئے جس سے انہوں نے جائیداد خریدی، ان کے جھوٹ بے نقاب ہو گئے ہیں- ان کے بیٹے، ان کی قیادت بیرون ملک ہے اور ان کے بڑے لیڈر اقامہ ہولڈر رہے۔

انہوں نے کہا کہ مریم صفدر نے 2017ءمیں یہ اعتراف کیا کہ جندال ان کا خاندانی دوست ہے۔ انہوں نے کہا کہ کہاں گوالمنڈی کا شریف اور کہاں بھارت کا جندال، جندال ڈالروں کے بیگ بھر کے مری میں آ کر پاکستان کے اداروں کے خلاف مہم جوئی کے لئے انہین دیتا رہا، مودی کی حلف برداری میں شریف خاندان شریک ہوا اور حریت قیادت سے ملنے کی بجائے انہوں نے بھارتی اداکاروں سے ملنا پسند کیا۔ انہوں نے کہا کہ 2013ءمیں انہوں نے ایک ارب 30 کروڑ روپے کی واردات کی-

مشاورتی اجلاس میں طے ہوا کہ اٹھائیس مئی کو ایس او پیز کے تحت مسلم لیگ ن ملک بھر میں یوم تکبیر کو منائے گی .

سکیورٹی کی صورتحال درپیش ہے اس کے پیش نظر قوم اپنے دفاع و سلامتئ پر کسی قسم کا کمپرومائز نہیں کرے گی. قوم سلامتئ و دفاع کےلئے بڑے بڑے چیلنج کا مقابلہ کر سکتی ہے . بھارت نے پاکستان کو ایٹمی دھماکے کرنے پر دھمکیاں دی گئیں . بھارتی دھمکیوں کا ترکی بہ ترکی جواب دیا اور چھ ایٹمی دھماکے کرکے ثابت کیا کہ قوم کسی بھی چیلنج کا مقابلہ کرنے کےلئے عزم سیسہ پلائی جیسا ہے . امریکی صدر نے متعدد فون کالز کیں لیکن نوازشریف نے بین الاقوامی دبائو کو نظر انداز کرکے قومی مفاد کا فیصلہ کیا . ایٹمی دھماکہ ایک نظیر ہے جو روشنی کے مینار کی طرح حوصلہ دیتی رہے گی. ملک کے دشمن ہمیں آزما رہے ہیں لائن آف کنٹرول پر بھارتی چھیڑ چھاڑ جاری ہے . بہادر افواج کی شہادتیں ہو رہی ہیں وہ ہمیں شکست دینا چاہتا ہے لیکن دشمن کو اٹھائیس مئی پر پیغام دینا چاہتے ہیں پاکستان ناقابل تسخیر ہے: احسن اقبال

عثمان بزدار نے چینی انکوائری کمیشن میں تمام ملبہ وفاقی کابینہ پر ڈال دیا ہے،جس کے سربراہ عمران خان ہے۔ عثمان بزدار نے کاشتکاروں کو ذمہ دار ٹھہرانے کی کوشش کی ہے۔ بزدار صاحب پنجاب کا کاشتکار پہلے ہی آپ کی کسان دشمن زرعی پالیسی کا خمیازہ بھگت رہا ہے۔ ہاشم جواں بخت خود اپنی شوگر ملز کو سبسڈی دے کربری الذمہ کیسے ہو سکتے ہیں۔ بزدار صاحب یہ تین ارب کی سبسڈی کی نہیں 100ارب کے ڈاکے کی تحقیقات ہورہی ہیں۔ جہانگیرترین ،خسرو بختیار اور حکومتی اتحادیوں نے ملکر عوام کی جیبوں پر 100ارب کا ڈاکہ ڈالا ہے۔ ہاشم جواں اور عثمان بزدار نے ملکر چینی چوری کاپلان تیار کیا:عظمیٰ بخاری

بزدار صاحب 100ارب کے ڈاکے کا ملبہ ای سی سی پر ڈال کے آپ کی خلاصی نہیں ہوسکتی۔ اسد عمر نے کہا انکوائری کمیشن سے ملاقات ہوئی بیان ریکارڈ نہیں کرایا۔ حکومتی طبقے میں فرعونیت اور حکمرانہ سوچ کوٹ کوٹ کے بھری جاچکی ہے۔ عمران خان ماضی میں واجد ضیاءکو خراج تحسین پیش کرتے رہے ہیں۔ اب عمران خان کو اسی واجد ضیاءکے سامنے پیش ہونے میں کیا مسئلہ ہے۔ عمران خان خود ہی کہتے ہیں کوئی قانون سے بالا تر نہیں ہے۔ عمران صاحب احتساب کا عمل تو اب آپ سے ہی شروع اور ختم ہوگا۔ شہزاد اکبر شہبازشریف کی فکر چھوڑیں پہلے زمینوں کے قبضے کا جواب دیں۔ شہزاد اکبر نے سرکاری مشنری کی مدد سے زمینوں پر قبضہ کیا۔ قبضہ گروپ شہزاد اکبر کا وزیراعظم کا معاون خصوصی احتساب ہونا بھی ایک سوالیہ نشان ہے:مسلم لیگ (ن) پنجاب کی ترجمان عظمیٰ بخاری

لاہور: پاکستان مسلم لیگ (ن) کے پنجاب کے صدر رانا ثنا اللہ نے لاہور ہائیکورٹ میں درخواست دائر کی تھی کی مجھے جیل مین گھر کا کھانا کھانے کی اجازت دی جائے،
رانا ثنا اللہ کی درخواست پر آج لاہور ہایکورٹ میں سماعت ہوئی اور عدالت نے اس درخواست کو یہ کہتے ہوئے مسترد کردیا ہے یہ معاملہ دیکھنا جیل سپرانٹنڈنٹ کا کام ہے لہٰذا یہ معاملہ جیل سپرانٹنڈنٹ کو بھیجا جاتا ہے اور ہدایت کی جاتی ہے کہ معاملے کو دیکھا جائے،