Baaghi TV

Tag: مصر

  • ڈیڑھ سالہ بیٹی کو تشدد سے ہلاک کرنے والی خاتون گرفتار

    ڈیڑھ سالہ بیٹی کو تشدد سے ہلاک کرنے والی خاتون گرفتار

    قاہرہ: ڈیڑھ سالہ بیٹی کو تشدد سے ہلاک کرنے والی مصری خاتون کو گرفتار کر لیا گیا۔

    باغی ٹی وی : "العربیہ” کے مطابق مبینہ طور پر اپنی بیٹی کو خود ہی ماردینے والی خاتون کانام ‘دنیا’ بتایا گیا ہے اور اس کی عمر بیس سال ہے۔ اس نے اپنی بیٹی بسمالہ کو اپنی والدہ کے ساتھ مل کر بظاہر اس حال میں کوڑے دان میں پھینکنے کی کوشش کی تھی جب بچی بے ہوش تھی اور اس کا سانس چل رہا تھا لیکن ایک خاکروب نے انہیں دیکھ لیا اور اس مشکوک کارروائی کے بارے میں پولیس کو بلانے کی دھمکی دے دی-

    20 سال تک خواتین کو ریپ کا شکار بنانے والے سیریل ریپسٹ ڈیوڈ کیرک کی کہانی

    جس پر مجبوراً دنیا اور اس کی ماں بسمالہ کو ہسپتال لے گئیں ہسپتال میں ڈاکٹروں نے بچی کو مردہ قرار دے دیا اور پولیس کو بلا لیا وہیں سے دنیا کو اپنی بیٹی کے قتل کے الزام میں گرفتار کر لیا گیا۔

    ابتدائی تفتیش کے دوران ‘دنیا’ نے کہا کہ اس کی بچی کا رویہ اسے پسند نہیں تھا اس لیے وہ اسے مارتی رہتی تھی 20 سالہ ‘دنیا ‘ کے بارے میں معلوم ہوا ہے کہ وہ کئی ماہ سے اپنی والدہ کے ساتھ ایک چھوٹے سے اپارٹمنٹ میں رہ رہی تھی۔ جو بہت گدلا اور غلاظت سے اٹا ہوا تھا۔

    جرمنی میں ٹرین پرچاقوحملےمیں2افرادہلاک،متعدد زخمی

    بچی کے بارے میں پڑوسیوں کا کہنا ہے کہ اس کے ‘ڈائیپر بھی اس کی ماں کئی کئی دن تک تبدیل نہیں کرتی تھی وہ چھوٹی بچی اکیلی حتیٰ کہ بارش اور سخت سردی میں بھی باہر گلی میں نکل آتی تھی اور گلی کے لوگ اسے گھر واپس بھیج دیتے تھے-

    اہل محلہ کے مطابق انہوں نے اس دوران کبھی بسمالہ کے والد کو اس سے ملنے کے لیے آتے نہیں دیکھا نہ ہی وہ یہ جانتے ہیں کہ اس کا باپ کون ہے اور کہاں رہتا ہے پولیس نے ‘دنیا’ کے خلاف مقدمہ درج کر کے تفتیش شروع کر دی ہے۔

    بچوں کی مزید قبریں دریافت ہونے پرہرطرف خوف کی فضا

  • 4 ہزار 300 سال پرانی ممی دریافت

    4 ہزار 300 سال پرانی ممی دریافت

    مصر میں آثار قدیمہ کے ماہرین نے 4 ہزار 300 سال پرانی ممی دریافت کرنے کا اعلان کیا ہے۔

    باغی ٹی وی:”الجزیرہ کے مطابق” مصری ماہرین آثار قدیمہ نے دارالحکومت قاہرہ کے قریب ایک فرعونی مقبرہ دریافت کیا ہے، جس میں ملک میں اب تک دریافت ہونے والی سب سے قدیم اور "سب سے مکمل” ممی موجود ہے۔

    مصر می‌ نو عمر لڑکے کی ممی سے سونے کا دل دریافت

    ماہر آثار قدیمہ کی ٹیم کے مطابق مصر کے علاقے سکارا میں زمین سے 20 میٹر نیچے موجود ایک کمرے سے تقریباً 25 ٹن وزنی تابوت میں ایک ممی ملی۔

    10 افراد پر مشتمل ماہر آثار قدیمہ کی ٹیم کے مطابق جب تابوت کو کھولا گیا تو اس میں سونے کے پتوں میں لپٹی ہوئی ایک ممی ملی جس کے سر پر ایک بینڈ اور سینے پر ایک بریسلٹ موجود تھا جس سے خیال کیا جاسکتا ہے کہ یہ کسی امیر انسان کی ممی ہے۔

    سونے کے پتے سے ڈھکی ہوئی ممی کے بارے میں خیال کیا جاتا ہے کہ یہ 4 ہزار 3 سو سال پرانی ہے جس کی دریافت آثار قدیمہ کیلئےاہمیت کی حامل ہےممی کیساتھ مجسمے، مٹی کے برتن دیگر اشیاء بھی ملی ہیں، یہ ممی مصر میں اب تک پائی جانے والی سب سے قدیم اور مکمل غیر شاہی ممی ہے۔

    زمین کی اندرونی تہہ نے الٹی جانب گھومنا شروع کردیا ہے،تحقیق

    ماہرین کے مطابق ایک اور مقبرہ راز کا محافظ اور محل کے عظیم رہنما کے معاون میری کا تھا،”خفیہ محافظ” کا پجاری لقب محل کے ایک سینئر اہلکار کے پاس تھا جس نے خصوصی مذہبی رسومات انجام دینے کی طاقت اور اختیار دیا تھا۔

    ہاؤس نے مزید کہا کہ تیسری قبر فرعون پیپی اول کے اہرام کمپلیکس کے ایک پادری کی تھی اور چوتھی قبر فیٹیک نامی جج اور مصنف کی تھی۔

    مصر کی قدیم نوادرات کی سپریم کونسل کے سربراہ مصطفیٰ وزیری نے کہا کہ فیٹیک کے مقبرے میں اس علاقے میں اب تک پائے جانے والے "سب سے بڑے مجسموں” کا مجموعہ شامل ہے۔

    مقبروں کے درمیان بے شمار مجسمے پائے گئے، جن میں سے ایک مرد اور اس کی بیوی اور کئی نوکروں کے ہیں۔

    بچوں کی مزید قبریں دریافت ہونے پرہرطرف خوف کی فضا

  • مصر می‌ نو عمر لڑکے کی ممی سے سونے کا دل دریافت

    مصر می‌ نو عمر لڑکے کی ممی سے سونے کا دل دریافت

    قاہرہ: قدیم مصری تہذیب سے دریافت شدہ ایک ممی کو کھولے بغیر معلوم ہوا ہے کہ اسے 49 قیمتی تعویز گنڈوں سے سجایا گیا تھا-

    باغی ٹی وی: نوعمر لڑکے کو 2300 سال قبل ممی میں ڈھالا گیا تھا 1916 میں دریافت ہونے والی یہ ممی قاہرہ کے عجائب گھر میں کھلے بغیر رکھی تھی اور 300 قبل مسیح میں بطلیموسی عہد میں بنائی گئی تھی-

    اب جامعہ قاہرہ کی سحرسلیم اورانکےساتھیوں نے اسے ڈجیٹل انداز میں پرت در پرت کھولا ہےاس میں ایکسرے، سی ٹی (کمپیوٹر ٹوموگرافی) کے ساتھ ساتھ ہائی ریزولوشن کے سینکڑوں ایکسرے لئے گئے تو معلوم ہوا کہ 21 اقسام کے 49 قیمتی تعویز اور گنڈے بھی جسم میں لگائے گئے ہیں۔

    ایرانی جوہری تنصیبات پر حملے کی تیاری

    Mummy gold
    ممی کوایکسرے اور دیگر آلات سے دیکھا گیا ہے چونکہ مصری، بلیوں کی طرح بھنوروں کو بھی مقدس تصور کرتے تھے اور اسی وجہ سے ایک سونے کا بھنورا بنا کر اسے دل کے قریب لگایا گیا ہے اسے غالباً دوسرے دل کے طور پر نصب کیا گیا ہے۔

    لڑکے کے سینے کے جوف میں تین سینٹی میٹر سونے کا دل لگایا گیا تھاالٹی ران میں ایک چیرا لگا کر دو انگلیوں کی شکل کا ایک اور تعویز بھی رکھا گیا ہےجبکہ جسم کے دیگر مقامات پر سونے، قیمتی پتھر اور نیم قیمتی معدنیات وغیرہ کی بنی اشیا بھی موجود ہیں۔

    سبز دم دار ستارہ زمین کے قریب سے 50 ہزار سال بعد دوبارہ گزرے گا

    پروفیسر سحر کے مطابق دل اور دیگر اشیا کو دوسری دنیا کے سفر اور تحفظ کے لیے پہنائے گئے ہیں اس لڑکے کے اہلِ خانہ نے لڑکے کے تحفظ کے لیے بہت خرچ کیا ہوگا اسے قیمتی سینڈل بھی پہنائے گئے ہیں تاکہ یہ تابوت سے باہرآکر بحفاظت سفر کرسکے۔

  • قدیم مصرکا طاقتور ترین فرعون رامسس دوم

    قدیم مصرکا طاقتور ترین فرعون رامسس دوم

    قاہرہ: جدید سائنسی ٹیکنالوجی کی مدد سے قدیم مصر کے سب سے طاقتور فرعون رامسس دوم کا چہرہ 3200 سالوں میں پہلی بار سالم صورت میں دیکھا گیا ہے۔

    باغی ٹی وی: بین الاقوامی میڈیا کے مطابق انگلینڈ اور مصر کے سائنس دانوں نے اشتراک سے تھری ڈی ماڈل کا استعمال کرتے ہوئے فرعون کی موت کے وقت چہرے کے نقوش دوبارہ تشکیل دیئے۔

    قدیم ترین ڈی این اے سے سائنسدانوں نے 20 لاکھ سال پرانی دنیا دریافت کر لی

    نقوش کی دوبارہ تشکیل کے بعد انہوں نے فرعون کی عمر تقریباً نصف صدی تک کم کی تاکہ اس دور کا چہرہ واضح کیا جائے جس وقت اس کی حکمرانی عروج پر تھی۔

    اس کوشش کے نتیجے میں آںے والی فرعون کی تصویر، اس کے چہرے کی تشکیل نو کی پہلی سائنسی تصویر ہے جو اس کی حقیقی کھوپڑی کے سی ٹی اسکین پر مبنی ہے۔

    شہابی پتھر سے دو نئی معدنیات دریافت

    فرعون کی کھوپڑی کا تھری ڈی ماڈل بنانے والی قاہرہ یونیورسٹی کی سحر سلیم کے مطابق سائنس دانوں کی جانب سے کی جانے والی کوشش کے نتیجے میں جو تصویر سامنے آئی وہ بہت جاذبِ نظر تھی۔

    انہوں نے کہا کہ مختلف آبادیوں اور نسلوں کے چہرے کے مختلف علاقوں بشمول پیشانی کی ترچھی، اور ناک، مالار اور لیبل والے علاقوں میں مختلف اوسط پیمائش ہوتی ہےسب سے زیادہ سائنسی نقطہ نظر ایک ایسی آبادی سے پیمائش کا استعمال کرنا ہے جو آپ کے موضوع کے جتنا ممکن ہو جو ہم نے کیا ہے۔

    موت کے قریب پہنچنے پر انسان کن تجربات کا سامنا کرتا ہے؟

  • یو اے ای اور مصر کے درمیان دنیا کے سب سے بڑے ’ونڈ فارم‘ معاہدے پر دستخط

    یو اے ای اور مصر کے درمیان دنیا کے سب سے بڑے ’ونڈ فارم‘ معاہدے پر دستخط

    متحدہ عرب امارات اور مصر نے ہوا سے بننے والی 10 گیگا واٹ توانائی کے منصوبے پر دستخط کردیئے۔

    باغی ٹی وی : غیر ملکی میڈیا کے مطابق متحدہ عرب امارات کے صدر شیخ محمد بن زید النہیان اور مصر کے صدر عبدالفتح السیسی بھی معاہدے پر دستخط کے موقع پر موجود تھے، جو مصر میں لگنے والا دنیا کا سب سے بڑا ’ونڈ فارم‘ منصوبہ ہوگا۔

    سعودی عرب: سنگل وزٹ ویزہ کے قیام کی مدت میں اضافہ، ٹرانزٹ ویزہ فری

    متحدہ عرب امارات کے صدر شیخ محمد بن زید النہیان اور مصری صدر عبدالفتاح السیسی نے ونڈ پراجیکٹ کو تیار کرنے کے لیے متحدہ عرب امارات کی قابل تجدید توانائی کمپنی مصدر اور مصر کی انفینٹی اور حسن عالم یوٹیلٹیز کے درمیان معاہدے پر دستخط کی نگرانی کی، جو کہ دنیا کے سب سے بڑے ونڈ فارمز میں سے ایک ہے۔

    مفاہمت کی یادداشت پر متحدہ عرب امارات کے صنعت اور جدید ٹیکنالوجی کے وزیر ڈاکٹر سلطان احمد الجابر، یو اے ای کے خصوصی ایلچی برائے موسمیاتی اور مصدر کے چیئرمین اور مصر کے بجلی اور قابل تجدید توانائی کے وزیر ڈاکٹر محمد شاکر المرکابی نے دستخط کیے-

    غیر ملکی میڈیا کے مطابق منصوبہ مکمل ہونے کے بعد 10گیگا واٹ ‘ونڈ فارم’ سالانہ 47 ہزار 790 گیگا واٹ آورس توانائی پیدا کرے گا اور 23.8 ملین ٹن کاربن ڈائی آکسائیڈ کے اخراج کو پورا کرے گا۔

    روس سےتیل خریدنےپرپابندی نہیں مگرخریداراپنےحالات کودیکھ کرفیصلہ کرے:امریکہ

    میڈیا رپورٹس کے مطابق ‘ونڈ فارم’ کے ذریعے مصر کے قدرتی گیس پر آنے والے سالانہ اخراجات میں تقریباً 5 بلین امریکی ڈالر کی بچت ہوگی اور یہ منصوبہ ایک لاکھ ملازمتیں پیدا کرنے میں بھی مددگار ثابت ہوگا۔

    معاہدے پر دستخط بین الاقوامی موسمیاتی تبدیلی کی کانفرنس COP27 کے دوران کیے گئے۔

    مصری خبررساں ادارے کے مطابق یہ منصوبہ مصر کے گرین کوریڈور اقدام کا حصہ ہو گا ایک گرڈ جو قابل تجدید توانائی کے منصوبوں کے لیے وقف ہے اور 2035 تک قابل تجدید توانائی کو اس کی توانائی کے مرکب کا 42 فیصد بنانے کے مصر کے ہدف میں حصہ ڈالے گا۔

    ونڈ فارم مصر کو قدرتی گیس کے سالانہ اخراجات میں تخمینہ 5 بلین ڈالر کی بچت بھی کرے گا، اور 100,000 ملازمتیں پیدا کرنے میں مدد کرے گا تعمیراتی مرحلے میں براہ راست روزگار کا تخمینہ لگ بھگ 30,000 ہے، جس میں 70,000 افراد بالواسطہ طور پر کام کر رہے ہیں۔ تعمیر کے بعد، آپریشن اور دیکھ بھال کے لیے تقریباً 3,200 ملازمتیں شامل کی جائیں گی۔

    ایم او یو پر متحدہ عرب امارات کےصنعت اور جدید ٹیکنالوجی کےوزیر سلطان احمد الجابر، یو اے ای کے خصوصی ایلچی برائے موسمیاتی اور مصدر کی چیئرپرسن اور مصر کے بجلی اور قابل تجدید توانائی کے وزیر محمد شاکر نے دستخط کیے۔

    پاکستانی نژاد برطانوی گلوکار زین ملک کا وزیرِاعظم رشی سونک کو بچوں کے اہم مسئلے…

    الجابر نےکہا کہ اس میگا 10 GW آن شور ونڈ پروجیکٹ کاپیمانہ جو دنیا کےسب سے بڑے ونڈ فارمز میں سے ایک ہےمتحدہ عرب امارات اور جمہوریہ مصر کے قابل تجدید توانائی کے عزائم کا ثبوت ہے، اور مصدر کی حیثیت کو ظاہر کرتا ہے۔

    ہماری قیادت کی رہنمائی میں، یو اے ای خطے میں اور عالمی سطح پر مثبت ماحولیاتی کارروائی میں سب سے آگے رہا ہے، جیسا کہ حالیہ یو ایس اور یو اے ای پارٹنرشپ فار ایکسلریٹنگ کلین انرجی (PACE) سے ظاہر ہوتا ہے۔یو اے ای اور مصدر مصر کے خالص صفر کے اہداف کی حمایت جاری رکھیں گے، اور ہم یہاں COP27 میں حاصل ہونے والے فوائد کو آگے بڑھانے کی کوشش کریں گے، کیونکہ یو اے ای اگلے سال کوپ 28 کی میزبانی کرنے کی تیاری کر رہا ہے۔

    مصدر کے سی ای او محمد جمیل الرماحی نے کہا کہ ہمارے اب تک کے سب سے بڑے پراجیکٹ کو تیار کرنے کے اس معاہدے کے ساتھ، مصدر کو انفینٹی پاور اور حسن علام یوٹیلٹیز کے ساتھ اپنی شراکت داری کو مضبوط بناتے ہوئے، مصر کے قابل تجدید توانائی کے اہداف میں ہمارے تعاون کو تقویت دینے پر فخر ہے۔

    لندن: پی ٹی آئی کارکنوں کا آئے روز احتجاج،شہریوں کی زندگی اجیرن،نواز شریف کی پڑوسی…

    انہوں نے کہا کہ ہمیں یقین ہے کہ یہ منصوبہ مصر کے عوام کو صاف اور پائیدار توانائی فراہم کرنے میں مدد کرے گا جبکہ اس بات کو یقینی بنائے گا کہ ملک اپنے ڈیکاربنائزیشن کے وعدوں کو پورا کرے-

  • پاکستان کیلیے سیلاب کی تباہی کے ساتھ درآمدی اخراجات بڑا چیلنج ہیں، وزیراعظم

    پاکستان کیلیے سیلاب کی تباہی کے ساتھ درآمدی اخراجات بڑا چیلنج ہیں، وزیراعظم

    شرم الشیخ: وزیراعظم شہباز شریف نے کہا ہے کہ سیلاب کی وجہ سے پاکستان میں 3 کروڑ سے زائد افراد شدید متاثر ہوئے، ماحولیاتی انصاف کا تقاضہ ہے کہ تمام ممالک ماحولیاتی تبدیلی کے حوالے سے مشترکہ طور پر کردار ادا کریں۔

    شرم الشیخ میں وزیراعظم نے سمٹ سے خطاب کرتے ہوئے کہا کہ کانفرنس آف پارٹیز (کوپ) 27 کی میزبانی پر مصر کے صدر کو مبارک باد پیش کرتا ہوں، کوپ 27 انسانیت کی آواز بن کر ابھرا ہے۔

    انہوں نے کہا کہ میں اس سمٹ کے ذریعے دنیا بھر کو ایک بار پھر پاکستان میں سیلاب سے ہونے والی تباہی کے بارے میں آگاہ کرنا چاہتا ہوں، غیر معمولی بارشوں کی وجہ سے دریاؤں اور ندی نالوں میں طغیابی سے بڑے پیمانے پر تباہی ہوئی، جس سے تین کروڑ سے زائد افراد متاثر جبکہ 8 ہزار کلومیٹر طویل سڑکیں اور تین ہزار کلومیٹر ریلوے ٹریک متاثر ہوئے ہیں۔

    وزیراعظم نے کہا کہ پاکستان میں آنے والے سیلاب کے باعث نقصانات کا تخمینہ 30 ارب ڈالرز لگایا گیا ہے۔

    اُن کا مزید کہنا تھا کہ پاکستان کا کاربن کے اخراج میں ایک فیصد سے بھی کم حصہ ہے جبکہ ہم کاربن کے اخراج میں مزید کمی کے حوالے سے بھی اقدامات کررہے ہیں۔

    شہباز شریف نے کہا کہ ’ماحولیاتی تبدیلی کے نقصانات سے نمٹنے کیلیے متاثرہ ملکوں کو وسائل درکار ہیں، ان ممالک کو اپنے دستیاب وسائل سے اس چیلنج سے لڑنا ہوگا، ماحولیاتی انصاف کا تقاضہ ہے کہ تمام ممالک مشترکہ طور پر ذمہ داری لیں اور کردار ادا کریں، کئی سالوں سے اس مسئلے پر بات ہونے کے باوجود کوئی ٹھوس نتیجہ نہیں نکل سکا۔

    وزیراعظم نے مطالبہ کیا کہ ’ماحولیاتی تبدیلی سے نمٹنے کی لیے گلوبل رسک انڈیکس کا قیام ناگزیر ہے، ماحولیاتی تبدیلی سے متعلق عالمی کنونشن پر عملدرآمد ناگزیر ہے‘۔

    اُن کا مزید کہنا تھا کہ پاکستان کو اپنی ذمہ داریوں کا مکمل احساس ہے، پاکستان کاربن کے اخراج میں مزید کمی کیلیے پُرعزم ہے، سیلاب کے باعث گندم، خوردنی تیل اور دیگر اشیا کی درآمد ضروری ہوگئی ہے، ایک طرف تباہی اور وسائل کی کمی جبکہ دوسری طرف درآمدی اخراجات بڑا چلینج ہے۔

  • مصر میں وزیراعظم اور یورپی یونین کے صدرکی ملاقات

    مصر میں وزیراعظم اور یورپی یونین کے صدرکی ملاقات

    مصر: وزیر اعظم شہباز شریف کی مصرکے شہر شرم الشیخ میں یورپی یونین کے صدر چارلس مائیکل سے ملاقات ہوئی-

    باغی ٹی وی : چارلس مائیکل نے پاکستان میں سیلاب سے ہونے والے نقصانات اور قیمتی انسانی جانوں کے ضیاع پر افسوس کا اظہار کیا، وزیراعظم شہباز شریف نے سیلاب متاثرین کی مدد کے لئے یورپی یونین کے احساس اور امداد کو سراہا

    ملاقات میں دونوں رہنماؤں میں اتفاق ہوا کہ دہشت گردی کے خلاف جنگ کی طرح موسمیاتی تبدیلیوں کے خلاف عالمی اتحاد درکار ہے موسمیاتی تبدیلیوں کے تباہ کن اثرات تمام ممالک کے اتحاد کے متقاضی ہیں –

    وزیراعظم شہباز شریف نے کہا کہ دہشت گردی کے خلاف جنگ کی طرح موسمیاتی تبدیلیوں کے خلاف عالمی اتحاد درکار ہے فیٹف کی گرے لسٹ سے پاکستان کے نکلنے میں یورپی یونین کے تعاون کو سراہتے ہیں،پاکستان اور یورپی یونین میں کثیرالجہتی تعاون کے فروغ کے خواہاں ہیں-

    وزیراعظم نے کہا کہ یورپی یونین اور پاکستان کی شراکت داری اور دوطرفہ تعاون ماضی میں مشترکہ مفادات کے حصول کا اہم ذریعہ رہا ہے ماضی کے اعتماد اور تعاون کو مزید وسعت دینے کے خواہشمند اور منتظر ہیں موسمیاتی تبدیلیوں کے اثرات کا مقابلہ کرنے کے لئے یورپی یونین کی کوششیں قابل قدر ہیں-

    دونوں ر ہنماؤں نے باہمی دلچسپی کے امور پر قریبی رابطے میں رہنے پر اتفاق کیا-


    علاوہ ازیں وزیراعظم شہباز شریف اور متحدہ عرب امارات کے صدر محمد بن زاید آل نہیان کی مصر میں کاپ 27 سربراہی اجلاس کے موقع پر ملاقات ہوئی وزیراعظم شہباز شریف نے سیلاب متاثرین کی فراخ دلانہ امداد پر یو اے ای کی قیادت اور عوام کا شکریہ ادا کیا –


    علاوہ ازیں وزیراعظم نے تاجکستان کے صدر امام علی رحمن سے ملاقات کی ملاقات میں موسمیاتی تبدیلی کے تباہ کن اثرات پر تبادلہ خیال کیا گیا، اس دوران تاجک صدر نے وزیراعظم سے کہا کہ رواں سال دسمبر میں پاکستان آؤں گا۔

    انڈونیشیا کے صدر جوکو ویدودو سے ملاقات کی وزیراعظم نے انڈونیشیا کے صدر کا خورنی تیل کے جہازوں کی فوری ترسیل پر شکریہ ادا کیا-


    وزیراعظم شہباز شریف نے عرب لیگ کے سیکریٹری جنرل احمد ابوالغیط سے بھی ملاقات کی وزیر اعظم اور عرب لیگ کے سیکریٹری جنرل کی دوطرفہ اور باہمی دلچسپی کے امور پر تبادلہ خیال کیا گیا موسمیاتی تبدیلیوں کے تباہ کن اثرات سے بچاؤ کے لئے بھرپور تعاون پر اتفاق کیا گیا وزیرِ اعظم شہباز شریف نے عرب لیگ کے چارٹر اور اس کے حصول کے لیے سیکریٹری جنرل کے عزم کو سراہا ہے۔

    وزیراعظم شہباز شریف سے کمشنر یورپی یونین ارسلا وون ڈرلیئن سے ملاقات کی شہباز شریف نے دوران ملاقات یورپی ممالک کے پاکستان میں سیلاب متاثرین کی امداد کے جذبے کو سراہا اور کہا کہ پاکستان اور یورپی یونین مشترکہ مقاصد کے حصول میں اہم شراکت دار ہیں موسمیاتی تبدیلیوں کے اثرات کا مقابلہ کرنے کے لئے عالمی اتحاد ضروری ہے، ترقی پذیر ممالک آج جن اثرات کا مقابلہ کر رہے ہیں، کل تمام دنیا کو اس کا خمیازہ بھگتنا پڑے گا۔

    شہباز شریف نے موقع پر فنانشل ایکشن ٹاسک فورس (فیٹف) کی گرے لسٹ سے پاکستان کا نام نکالے جانے میں یورپی ممالک کے تعاون کو سراہا اور کہا کہ یورپی یونین اور پاکستان میں دوطرفہ تجارت بڑھانے کی گنجائش ہے۔

    دوران گفتگو یورپی یونین کی کمشنر نے موسمیاتی تبدیلیوں کے لیے متحدہ کوششوں سے اتفاق کیا۔

    کانفرنس میں غیر ملکی رہنماؤں نے پاکستان میں سیلاب سے ہونے والی تباہ کاریوں اور جانی نقصانات پر افسوس کا اظہار کیا وزیراعظم شہباز شریف کا کہنا تھا کہ موسمیاتی تبدیلیوں سے پوری دنیا متاثر ہو رہی ہے، اجتماعی کوششیں لازم ہیں۔

    وزیراعظم نے متاثرین سیلاب کی امداد پر عالمی برادری کا شکریہ ادا کیا، کانفرنس میں شہباز شریف کی عالمی رہنماؤں سے ملاقاتوں میں دوطرفہ، علاقائی اور عالمی امور پر تبادلہ خیال کیا گیا۔

  • مسجد کے اندر رقص اور گانے کی محفل،عوام کا شدید ردعمل،ذمہ داروں کیخلاف سخت کاروائی کا مطالبہ

    مسجد کے اندر رقص اور گانے کی محفل،عوام کا شدید ردعمل،ذمہ داروں کیخلاف سخت کاروائی کا مطالبہ

    مصر میں ایک مسجد کے اندر رقص اور گانے کی محفل منعقد کیے جانے کے شرمناک واقعے کے بعد سوشل میڈیا صارفین کی جانب سے غم و غصے کا اظہار کیا جا رہا ہے-

    باغی ٹی وی : سماجی رابطوں کی ویب سائٹس پر ولادت نبوی صلی اللہ علیہ وسلم کے موقع پر قاہرہ کی سلطان ابو العلہ مسجد کے اندر ایک پارٹی کی ایک ویڈیو وائرل ہو رہی ہے اس ویڈیو میں دف کے ساتھ موسیقی کا کنسرٹ اور لوگوں کو محو رقص دیکھا جا سکتا ہے۔

    ملائیشیا کے وزیر اعظم نے اسمبلی توڑ دی، جلد انتخابات کا اعلان

    ویڈیو میں گانے گائے گئے اور حاضرین نے گلوکاروں کی موسیقی جھوم جھوم کرسنی۔ ان میں سے بہت سے لوگوں نے تقریب کی تصاویر اور ویڈیوز بھی بنائیں۔

    ویڈیو وائرل ہونے کے بعد صارفین نے مسجد میں متنازع پارٹی منعقد کرنے کے ذمہ داروں کے خلاف سخت کارروائی کا مطالبہ کیا ہے۔

    یوکرین : کیف دھماکوں سے لرز اٹھا،ماسکو زمین پر ہمارا نشان مٹانا چاہتا ہے،صدر زیلنسکی

    دوسری جانب مصری وزارت اوقاف نے نے واقعے کا فوری نوٹس لیتے ہوئے مسجد کے منتظمین اور متنازع پارٹی منعقد کرنے والے افراد کے خلاف سخت کارروائی کا فیصلہ کیا ہے۔

    وزارت اوقاف نے اعلان کیا کہ مذہبی شعبے کے سربراہ ڈاکٹر محمد مختار جمعہ کی ایک یادداشت کی بنیاد پر وزیر اوقاف نے سلطان ابو العلا مسجد کے امام عمرو سید النجار ، الشیخ ایمن ابراہیم محمد عبدالرحمن، بولاق اور زمالک کو معطل کرتے ہوئے ان کے خلاف کارروائی شروع کردی ہے۔

    میکسیکو:اسکول میں درجنوں طالب علموں کو پرسرار طور پر زہردیدیا گیا

  • آشنا سے شادی کیلئے 3 بچوں اور شوہر کو قتل کرنیوالی خاتون کو سزائے موت

    آشنا سے شادی کیلئے 3 بچوں اور شوہر کو قتل کرنیوالی خاتون کو سزائے موت

    مصر: جنوبی قاہرہ کی قنا گورنری کے علاقے نجع حمادی کی ایک فوجداری عدالت نے 26 سالہ خاتون کو مبینہ آشنا سمیت اپنے تین بچوں اور شوہرکو زہر دے کرہلاک کرنے کے جرم میں سزائے موت سنائی ہے۔

    باغی ٹی وی:”العربیہ” کے مطابق یہ واقعہ چند ماہ قبل اس وقت پیش آیا جب سنٹرل ہسپتال نے فارش آؤٹ سنٹر کو اطلاع دی کہ اسے سنٹر کا رہائشی 32 سالہ شخص کومہ میں پڑا ہے اور اس کے تین بچے زہریلا جوس پینے کے بعد ہلاک ہو گئے یہ تینوں بچے ابتدائی طبی امداد کے دوران ہی دم توڑ گئے۔

    راجستھان:نشےمیں دھت پڑوسی نے70 سالہ خاتون کی عصمت دری کردی


    سکیورٹی فورسز کی تحقیقات میں یہ بات سامنے آئی کہ مقتول کی بیوی اور بچوں کی ماں جو کہ ایک گھریلو خاتون ہیں، کے ایک 26 سالہ ڈرائیور کے ساتھ رومانوی تعلقات تھے۔ اس خاتون نےاپنے شوہرسے جان چھڑا کراس ڈرائیور کے ساتھ رہنے کے لیے اپنے بچوں کو زہر دے کر ہلاک کردیا۔

    ایران میں زیرحراست خاتون کی پولیس کے تشدد سے موت "ناقابل معافی”…

    مقامی میڈیا کے مطابق ملزمان نےعدالت میں غیر قانونی تعلقات کا اعتراف کیا۔ خاتون نے کہا کہ وہ شوہر اور بچوں سے جان چھڑانے پر رضامند ہوگئی تھی۔ چنانچہ عاشق ایک زہریلا مادہ لایا اور اسے 4 جوس کے ڈبوں میں ڈال کر بیوی کودیا تاکہ اسے بچوں اور شوہر کو پلا کرموت کی نیند سلا دیا جائے۔ خاتون نے منصوبہ بنایا کہ اس طرح شوہر کے خاندان کو یہ کہہ کرگمراہ کیا جاسکے گا کہ ان کی موت خراب جوس پینے سے ہوئی ہے۔

    بھارت میں 2 دلت بہنیں اجتماعی زیادتی کے بعد قتل،لاشیں درختوں سے لٹکا دیں

  • منگیتر کی امتحانات میں ناکامی کا بدلہ لینے کیلئے لڑکے نے سکول کو آگ لگادی

    منگیتر کی امتحانات میں ناکامی کا بدلہ لینے کیلئے لڑکے نے سکول کو آگ لگادی

    یہ تو سب جانتے ہیں کہ امتحان میں ناکامی پراپنوں کی طرف سے سخت رد عمل آتا ہے مگر مصرمیں ایک لڑکی کے منگیترکی جانب سے امتحان میں ناکامی کے بعد حیران کن اور عجیب و غریب ردعمل کا مظاہرہ کیا گیا ہے-

    باغی ٹی وی : غیر ملکی میڈیا کے مطابق مصرکی المنوفیہ گورنری میں منگیتر کے امتحان میں فیل ہونے پرلڑکے نے اسکول کو آگ لگا دی اتوار کی شام سکیورٹی حکام نے ملزم نوجوان کو گرفتار کر لیا ہے۔

    پارٹی ویڈیو اسکینڈل:فن لینڈ کی وزیراعظم کا منشیات ٹیسٹ منفی آگیا

    رپورٹ کے مطابق الغربیہ سیکیورٹی ڈائریکٹوریٹ کو السنطہ پولیس اسٹیشن سے ایک اطلاع موصول ہوئی کہ کفر سالم النحال اسکول برائے تجارتی تعلیم میں آگ لگ گئی ہےاطلاع ملنے کے فوراً بعد تحقیقاتی ٹیمیں متعلقہ مقام پر پہنچیں پولیس، فائر بریگیڈ اور مقامی شہریوں کی مدد سے آگ پر قابو پالیا تاہم آتشزدگی سے اسکول کو زیادہ نقصان نہیں پہنچا ہے۔

    ریستورانٹ میں کھانے کے دوران سیپی سے نایاب موتی برآمد

    جبکہ آگ لگنے سے اسکول کے منتظمین اور پرنسپل کے کمروں میں آگ لگ گئی اور کنٹرول روم میں موجود تمام طلبہ کی فائلوں کو نقصان پہنچا۔

    پولیس کو تحقیقات کے دوران معلوم ہوا کہ السبع کے نواحی علاقے ابو مشہور کے رہائشی ملزم کی منگیترکفر سالم النحال سکول فار کمرشل ایجوکیشن کی ایک طالبہ ہے وہ سکول میں فیل ہو گئی تھی۔ ملزم نے اپنی منگیتر کی ناکامی کا بدلہ لینے کے لیے سکول کو آگ لگائی اور فرار ہوگیا جسے بعد ازاں پولیس نے گرفتار کیا اور اس نے اپنا جُرم قبول کیا-

    ترکی میں دو سالہ بچی نےسانپ کو اپنےدانتوں سے کاٹ کر مار ڈالا