Baaghi TV

Tag: موسمیاتی تبدیلی

  • بھارتی گلوکارہ نے 140 زبانوں میں پرفارم کرکے نیا ریکارڈ بنا لیا

    بھارتی گلوکارہ نے 140 زبانوں میں پرفارم کرکے نیا ریکارڈ بنا لیا

    نئی دہلی: بھارت سے تعلق رکھنے والی گلوکارہ نے بیک وقت 140 زبانوں میں پرفارم کرکے گنیز ورلڈ ریکارڈز کی کتاب میں اپنا نام درج کروالیا۔

    باغی ٹی وی: بھارتی میڈیا کے مطابق سچیتا ستیش نے نومبر میں دبئی میں موسمیاتی تبدیلی کے حوالے سے ہونے والے کانسرٹ میں 9 گھنٹوں میں 140 زبانوں میں پرفارم کرکے سب کو حیران کر دیا،سچیتا ستیش نے انسٹاگرام پر اپنی پوسٹ کے ذریعے بتایا کہ مجھے بہت خوشی ہو رہی ہے کہ خدا کے فضل سے میں نے 24 نومبر کو موسمیاتی تبدیلی کے لحاظ سے اپنے کنسرٹ کے دوران 9 گھنٹوں میں 140 زبانوں میں گا کر نیا گنیز ورلڈ ریکارڈ قائم کیا ہے۔

    گنیز ورلڈ ریکارڈز کے حکام نے بھی سچیتا ستیش کے ریکارڈ کی تصدیق کردی ہے ، گنیز ورلڈ ریکارڈزکے مطابق سچیتا نے دبئی میں بھارتی قونصلیٹ آڈیٹوریم میں موسمیاتی تبدیلی کے بارے میں بیداری پیدا کرنے کے لیے 140 زبانوں میں پرفارم کر کے ریکارڈ اپنے نام کیا،140 زبانوں کا انتخاب ان 140 ممالک کی نمائندگی کے لیے کیا گیا جنہوں نے دبئی میں موسمیاتی تبدیلی کے COP 28 سربراہی اجلاس میں شرکت کی۔

    اسرائیل حزب اللہ کے ساتھ جنگ جیتنے میں کامیاب نہیں ہو گا،امریکی انٹیلیجنس

    پی ٹی آئی حکومت نے میرے کیس سے فائدہ اٹھا کر اپنے نیب کیسز ختم …

    مجلس وحدت المسلمین کے رہنما آئی پی پی میں شامل

  • بنگلہ دیش نے موسمیاتی تبدیلی سے نمٹنے کیلئے بین الاقوامی اتحاد قائم کرلیا

    بنگلہ دیش نے موسمیاتی تبدیلی سے نمٹنے کیلئے بین الاقوامی اتحاد قائم کرلیا

    دبئی: بنگلہ دیش نے موسمیاتی تبدیلی سے نمٹنے کیلئے بین الاقوامی اتحاد قائم کرلیا ہے-

    باغی ٹی وی: عالمی مالیاتی فنڈ (آئی ایم ایف) کا کہنا ہے کہ بنگلہ دیش، مختلف بین الاقوامی عالمی شراکت داروں کے ساتھ مل کر موسمیاتی تبدیلیوں سے نمٹنے کیلئے موجود ملکی صلاحیت کو مضبوط بنانے کے لیے بنگلہ دیش کلائمیٹ اینڈ ڈیولپمنٹ پلیٹ فارم (BCDP) کا آغاز کر رہا ہے۔

    اس تعاون میں ایشیائی ترقیاتی بینک، عالمی بینک، بین الاقوامی مالیاتی کارپوریشن، کثیر الجہتی سرمایہ کاری کی گارنٹی ایجنسی، ایشین انفراسٹرکچر انویسٹمنٹ بینک، فرانسیسی ترقیاتی ایجنسی ”Française de Développement“، یورپی یونین، گرین کلائمیٹ فنڈ، حکومت جنوبی کوریا، جاپان انٹرنیشنل کوآپریشن ایجنسی، اور برطانیہ شامل ہیں، جس کا مقصد موسمیاتی تبدیلیوں کے اثرات کو کم کرنے اور ان کے مطابق ڈھالنے کی قوم کی صلاحیت کو بڑھانا ہے یہ باہمی تعاون کمزور کمیونٹیز پر موسمیاتی تبدیلی کے اثرات سے نمٹنے کے لیے بنگلہ دیش کی کوششوں کو تقویت دے گا۔

    سفارتی سطح پر پاکستان کی بھارت کو بڑی شکست

    ایشیا میں اپنی نوعیت کی یہ پہلی شراکت داری جنوری 2023 میں بین الاقوامی مالیاتی فنڈ (IMF) کی طرف سےمنظور شدہ 1.4 بلین ڈالر کی لچک اور پائیداری کی سہولت کےساتھ،عالمی بینک کیجانب سے گرین اینڈ کلائمیٹ ریسیلینٹ ڈویلپمنٹ پالیسی کریڈٹس اور ایشیائی ترقیاتی بینک کی جانب سے جاری موسمیاتی منصوبے کی فنڈنگ کے ساتھ ہم آہنگ ہے۔

    اس شراکت داری کا مقصد ماحولیاتی تحفظات کو عوامی منصوبہ بندی، مقامی ماحولیاتی اقدامات کو فروغ دینا، تباہی کے خطرات کی مالی امداد کو بڑھانا، فضائی آلودگی سے نمٹنا اور گرین بانڈ کی مالی اعانت کے لیے پالیسیوں کو اپ ڈیٹ کرنا ہےاس تعاون کے کلیدی اجزاء میں بنگلہ دیش کے موسمیاتی ایجنڈے کو نافذ کرنے کے لیے بی سی ڈی پی کی تشکیل، پراجیکٹ کی تیاری کیلئے فیسلیٹی کا قیام، اور پالیسی پر مبنی قرض دینا شامل ہیں۔

    نیشنل ٹی ٹوئنٹی کپ: شاداب خان انجری کا شکار

    عالمی بینک سبز اور موسمیاتی لچکدار ترقی کے لیے 1 بلین ڈالر کا تعاون کر رہا ہے، جبکہ یورپی یونین اور یورپی انویسٹمنٹ بینک نے بنگلہ دیش کو قابل تجدید توانائی کی سہولت کی یقین دہانی کرائی ہے۔ دونوں ادارے 381.5 ملین ڈالر کے قرض کے ساتھ قابل تجدید توانائی کے منصوبوں کی حمایت کر رہے ہیں۔

    دیگر تنظیمیں جیسے Agence Française de Développement، JICA، UNDP، اور نجی شعبے بھی اس کوشش میں بڑھ چڑھ کر حصہ لے رہے ہیں اس تعاون کو مالیاتی منصوبہ بندی کو بہتر بنانے، موسمیاتی خطرے کے انتظام کو بڑھانے اور بنگلہ دیش کی طرف اضافی موسمیاتی مالیات کو راغب کرنے کے لیے ڈیزائن کیا گیا ہے-

    زندہ رہنے کی یہ ترکیب نکالی میں نے ،اپنے ہونے کی خبر سب سے چھپالی …

    بین وزارتی اور انٹر ایجنسی کوآرڈینیشن۔ بنگلہ دیش موسمیاتی تبدیلیوں کے اثرات کے لیے سب سے زیادہ خطرے سے دوچار ممالک میں سے ایک ہے اور موسمیاتی تبدیلیوں کی موافقت اور آفات کے خطرے سے متعلق تیاری میں پیش پیش رہا ہے۔ حکومتی تال میل کو بڑھانے کے لیے، ماحولیات، جنگلات اور موسمیاتی تبدیلی کی وزارت (MoEFCC) نے وزیر اعظم کی سربراہی میں ایک بین وزارتی پلیٹ فارم کے طور پر قومی کمیٹی برائے ماحولیات اور موسمیاتی تبدیلی (NCECC) تشکیل دی ہے۔ این سی ای سی سی قومی آب و ہوا کی حکمت عملیوں کے نفاذ کی پیشرفت کی نگرانی کرے گا، حکمت عملیوں پر عمل درآمد کے لیے مسائل کے بارے میں رہنمائی اور حل فراہم کرے گا اور ماحولیاتی تبدیلی پر اقوام متحدہ کی کانفرنسوں میں کیے گئے فیصلوں پر عمل درآمد پر غور کرے گا۔

    ہماری زمین سے 13 گنا بڑا سیارہ، جس نے سائنسدانوں کو چکرا کر رکھ …

  • کاربن پروڈیوسرز ممالک کو ترقی پذیر ممالک کیساتھ مکمل معاونت کرنا ہو گی، آصف حیدر شاہ

    کاربن پروڈیوسرز ممالک کو ترقی پذیر ممالک کیساتھ مکمل معاونت کرنا ہو گی، آصف حیدر شاہ

    اسلام آباد(محمداویس)وفاقی سیکرٹری وزارت موسمیاتی تبدیلی آصف حیدر شاہ نے کہاہے کہ دنیا بھر کی طرح پاکستان کو بھی موسمیاتی تبدیلی کے چیلنجز کا سامنا ہے-

    باغی ٹی وی : متحدہ عرب امارات کے شہر دوبئی میں شیڈول تیس نومبر سے بارہ دسمبر تک منعقدہ کوپ 28کانفرنس میں پاکستان کا موقف موثر انداز میں پیش کیا جائے گا کاربن پروڈیوسرز ممالک کو ترقی پذیر ممالک کیساتھ مکمل معاونت کرنا ہو گی ان خیالات کا اظہار سیکرٹری موسمیاتی تبدیلی آصف حیدر شاہ نے وزارت کے کمیٹی روم میں کوپ28کے حوالے سے میڈیا کو بریفنگ دیتے ہوئے کیا –

    وفاقی سیکرٹری آصف حیدر شاہ نے کہاکہ جدید ملکوں میں معاشی طور پر مضبوط بنانے کے لئے اقدامات کیے جارہے ہیں پاکستان کی آبادی کو بھی کئی چیلنجز کا سامنا ہے ہم نے عالمی اداروں کے ساتھ مل کر ٹارگٹ سیٹ کرلیا گیا ہے متحدہ عرب امارات میں منعقد ہونے والی کوپ 28کانفرنس میں پانچ چیزوں پر فوکس کیا جائے گا ان میں املاک کے نقصان اور آئندہ آنے والے خطرات کے سد باب کے لئے فنڈز قائم کیے جائیں گے-

    نگران وزیراعظم کا ابوظہبی میں شیخ زاید گرینڈ مسجد کا دورہ

    فرسٹ گلوبل سٹاک ٹیک کلائمنٹ فنانس فنڈ موسمیاتی تبدیلوں کے حوالے سے اقدامات کئے جائیں گے جس کے تحت نئے چیلنجز کا مقابلہ کیا جاسکے سیلاب اور قدرتی آفات سے مقابلہ کرنے کے لئے اقدامات کیے جائیں یو اے ای میں منعقدہ کوپ28 کانفرنس میں پاکستان کا پویلین قائم کیا جائے گا اور سیمینار ز اور کانفرنسز کی اپ ڈیٹ کے لئے کاپ سیل اور کمیونیکیشن اور ویب پورٹل قائم کیا جائے گا جس میں موسمیاتی تبدیلی کے حوالے سے تفصیلات سے آگاہ کیا جائے گا-

    نگران وزیراعظم کا ابوظہبی میں شیخ زاید گرینڈ مسجد کا دورہ

  • پاکستان موسمیاتی تبدیلی سے سب سے زیادہ متاثرہ ممالک میں شامل ہے،نگران وزیراعظم

    پاکستان موسمیاتی تبدیلی سے سب سے زیادہ متاثرہ ممالک میں شامل ہے،نگران وزیراعظم

    اسلام آباد: نگران وزیراعظم انوار الحق کاکڑ نےکہا ہے کہ موسمیاتی تبدیلی پاکستان جیسے ممالک کیلئے قومی سلامتی کا مسئلہ ہے-

    باغی ٹی وی : اسلام آباد میں نگراں وزیراعظم انوار الحق کاکڑ کی زیر صدارت 28 ویں اقوام متحدہ کانفرنس آف پارٹیز کے حوالے سے بین الوزارتی جائزہ اجلاس ہوا،اجلاس میں نگران وفاقی وزرا برائے خزانہ، خارجہ، توانائی، موسمیاتی تبدیلی، منصوبہ بندی اور متعلقہ سرکاری افسران نے شرکت کی ، جس میں وزیراعظم نے کہا کہ پاکستان کا عالمی سطح پر موسمیاتی تبدیلی بڑھانے میں حصہ ایک فیصد سے بھی کم ہونے کے باوجود پاکستان موسمیاتی تبدیلی سے سب سے زیادہ متاثرہ ممالک میں شامل ہے-

    ڈی سیل ہونے والی 84 فیکٹریوں کو دوبارہ سیل کرنے کا حکم

    وزیراعظم نے کہا کہ گزشتہ برس موسمیاتی تبدیلی کے نتیجے میں پاکستان کی ایک تہائی آبادی سیلاب سے متاثر ہوئی، پاکستان اپنی ماحولیاتی سفارتکاری سے عالمی ماحولیاتی بحث میں مثبت کردار ادا کر رہا ہے،وزیراعظم نے ہدایت کی کہ کوپ 28 میں کلائمیٹ فنانس اور دیگر متعلقہ معاملات پر پاکستان کا موقف اچھے انداز سے پیش کرنے کے لئے ادارے بھر پور تیاری کریں ،نگران وزیراعظم دبئی، متحدہ عرب امارات میں ہونے والی 28ویں کانفرنس آف پارٹیز کے یکم اور 2 دسمبر کو اعلیٰ سطح کے اجلاس میں پاکستان کی نمائندگی کریں گے-

    سونے کی فی تولہ قیمت میں مزید اضافہ

  • عالمی درجہ حرارت میں اضافہ،2024 زیادہ بدترین سال ثابت ہوگا،تحقیق

    عالمی درجہ حرارت میں اضافہ،2024 زیادہ بدترین سال ثابت ہوگا،تحقیق

    عالمی سطح پر گرم موسم کی شدت میں اضافہ توقعات سے زیادہ ہے،2024 زیادہ بدترین سال ثابت ہوگا-

    باغی ٹی وی : ایک نئی تحقیق میں سائنسدانوں نے انتباہ جاری کیا ہے کہ رواں دہائی کے دوران ہی درجہ حرارت صنعتی عہد سے قبل کے مقابلے میں موسمیاتی تبدیلیوں کے باعث دنیا 1.5 ڈگری سینٹی گریڈ زیادہ گرم ہونے والی ہے جبکہ 2050 تک درجہ حرارت میں اضافہ 2 سینٹی گریڈ کی حد عبور کر سکتا ہے۔

    2015 کے پیرس معاہدے میں طے کیا گیا تھا کہ عالمی درجہ حرارت کو 1.5 ڈگری سینٹی گریڈ سے تجاوز نہیں کرنے دیا جائے گا، اب تک صنعتی عہد کے مقابلے میں درجہ حرارت میں 1.28 ڈگری سینٹی گریڈ اضافہ ریکارڈ ہوا ہے،خام ایندھن کو جلانے کا سلسلہ جاری ہے اور اس کے نتیجے میں زمین مزید گرم ہونے والی ہے۔

    ڈی ایل ایس میتھڈ کے تحت پاکستان 21 رن سے جیت گیا

    تحقیق کے مطابق ابھی ہم موسمیاتی ایمرجنسی کے ابتدائی مرحلے سے گزر رہے ہیں اور درجہ حرارت میں تیزی سے اضافہ موسمیاتی نظام کے لیے خطرناک ثابت ہو سکتا ہے، اس کو ریورس کرنا ضروری ہے، ورنہ سمندری سطح میں اضافہ ساحلی شہروں کے لیے تباہ کن ثابت ہوگا۔

    2023 کے دوران جون سے ستمبر تک مسلسل 4 مہینوں کو انسانی تاریخ کے گرم ترین مہینے قرار دیا گیا یونین کے موسمیاتی ادارے Copernicus Climate Change Service (سی سی سی ایس) کے مطابق ستمبر کے دوران درجہ حرارت صنعتی عہد سے قبل کے مقابلے میں 1.8 ڈگری سینٹی گریڈ زیادہ ریکارڈ ہوا جو دنگ کر دینے والا ہے جولائی اور اگست دونوں مہینوں میں درجہ حرارت صنعتی عہد سے پہلے کے مقابلے میں 1.5 ڈگری سینٹی گریڈ زیادہ تھا جنوری سے ستمبر 2023 کے دوران عالمی اوسط درجہ حرارت صنعتی عہد سے قبل کے مقابلے میں 1.4 ڈگری سینٹی گریڈ زیادہ رہا ہے۔

    شہاب ثاقب بیچ کر راتوں رات امیرہونے والا شخص

    اسی طرح انسانی تاریخ کے گرم ترین سال قرار دئیے جانے والے 2016 کے مقابلے میں رواں سال کے اولین 9 ماہ کا اوسط درجہ حرارت 0.05 ڈگری سینٹی گریڈ زیادہ رہا گرین ہاؤس گیسوں کے اخراج کے ساتھ ساتھ ایل نینو کے اثرات بھی نمایاں ہو رہے ہیں اور اس کے نتیجے میں 2023 انسانی تاریخ کا گرم ترین سال ثابت ہونے والا ہے سائنسدانوں کو توقع ہے کہ ایل نینو کے اثرات 2023 کے آخر اور اگلے سال زیادہ نمایاں ہوں گے اور 2024 زیادہ بدترین سال ثابت ہوگا۔

    ہماری زمین کے اندر اربوں سال سے ایک سیارے کا کچھ حصہ موجود ہے،تحقیق

  • الیکٹرک بس منصوبہ،صوبائی وزیر نے اجلاس بلا لیا

    الیکٹرک بس منصوبہ،صوبائی وزیر نے اجلاس بلا لیا

    ڈیزل بسوں کو الیکٹرک بسوں سے تبدیل کرنے کے حوالے سے اجلاس ہوا،

    پنجاب کے صوبائی وزیر ٹرانسپورٹ ابراہیم مراد کا کہنا ہے کہ ماحولیاتی آلودگی سے ہر شخص کی عمر اوسطاً 4 سال کم ہو رہی ہے ،ورلڈ ہیلتھ آرگنائزیشن کے لاہور میں اوسطاً ہر شخص کی عمر میں قریب 8 سال تک کا اضافہ ہو سکتا ہے، یونیورسٹی آف شکاگو کی حالیہ رپورٹ کے مطابق پاکستان کے بڑی آبادی والے شہر شدید آلودگی کی لپیٹ میں ہیں،رکشے، لوڈر، و دیگر لوکل ٹرانسپورٹ کو بھی الیکٹرک ماڈل پر تبدیل کرنا کلیدی اہمیت کا حامل ہے ،ماحول دوست بسیں متعارف کرانے سے آنے والے دور میں ماحولیاتی آلودگی کے مسائل حل ہوں گے ،سولر چارجنگ کی مدد سے الیکٹرک بسیں ڈیزل سے کم خرچ پر چلائی جائیں گی ، اضافی بوجھ سے بچنے کیلئے الیکٹرک بسوں کا منصوبہ کسی بین الاقوامی ادارے کی گرانٹ سے پایہ تکمیل تک پہنچانے کی کوشش کریں گے ،پنجاب حکومت لاہور میں الیکٹرک بسوں کا پائلٹ پراجیکٹ جلد از جلد شروع کرنے پر کام کر رہی ہے ،اے ڈی پی کے تحت 3400 ملین کی لاگت سے الیکٹریک بسوں کا منصوبہ صوبے بھر کے مختلف اضلاع میں مکمل کیا جائے گا،ابتدائی طور پر 34 الیکٹرک بسیں صوبائی دارالحکومت لاہور میں چلائی جائیں گی

    صوبائی وزیر ابراہیم مراد کا کہنا تھا کہ آج کے دور میں ڈیجیٹلائزیشن کے بغیر کسی بھی محکمے کی ترقی و خوشحالی ممکن نہیں ،دورِ جدید میں ٹیکنالوجی اور جدت کے جامع استعمال کے بغیر شفافیت کا عمل یقینی بنانا ممکن نہیں ،ٹیکنالوجی کی مدد سے بہت سے انتظامی امُور آسان بنانے میں مدد و معاونت ملتی ہے ،

    سیکریٹری محکمہ ٹرانسپورٹ پنجاب کا کہنا تھا کہ جامع منصوبہ بندی اور عوامی فلاح و بہبود کو مدِنظر رکھتے ہوئے محکمہ ٹرانسپورٹ پنجاب کو آگے لے کر چلیں گے ،پبلک ٹرانسپورٹ میں سفر کرنے والی عوام کو بہترین سہولیات فراہم کرنے کیلئے کوشاں ہیں ،اجلاس میں سیکریٹری محکمہ ٹرانسپورٹ پنجاب ڈاکٹر جاوید احمد قاضی، سی ای او پنجاب ٹرانسپورٹ کمپنی، سیکریٹری پنجاب ٹرانسپورٹ اتھارٹی، و دیگر شریک ہوئے

    زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

    سندھ کی جیلوں میں افغانی بچوں کی تصاویر، شرجیل میمن نے حقیقت بتا دی

    خواتین کی تصاویر اور ویڈیوز بنانے والے اوباش ملزمان گرفتار

  • آنے والی نگراں انتظامیہ کو درپیش کٹھن چیلنجز

    آنے والی نگراں انتظامیہ کو درپیش کٹھن چیلنجز

    قومی اسمبلی تحلیل ہو چکی، نیا نگران سیٹ اپ آنیوالا ہے، نگران وزیراعظم کو عہدہ سنبھالنے کے بعد کافی چیلنجز انکے انتظار میں ہیں، وزیراعظم شہباز شریف نے نئی مردم شماری کی بنیاد پر انتخابات کرانے کی اہمیت پر زور دیا ہے، یہ عمل طویل ہونے کا امکان ہے۔ اس کام کی پیچیدگی کے پیش نظر، اس بات کا امکان بڑھتا جا رہا ہے کہ انتخابات 2023 میں نہیں ہو سکتے۔ تاہم،پاکستان کے جو مسائل ہیں انکو حل کرنے کی ضرورت ہے، اور حل کرنا چاہئے، الیکشن کے انعقاد کا انتظار نہیں کرنا چاہئے،

    سیکشن 230(2) میں منظور شدہ ترمیم کے ذریعے کچھ معاملات کی عجلت کو تسلیم کیا گیا ہے: "سب سیکشنز (1) اور (2) کے باوجود، یہ دفعات ان صورتوں میں لاگو نہیں ہوں گی، جہاں نگران حکومت کی ضرورت ہے۔ موجودہ دوطرفہ یا کثیرالطرفہ معاہدوں، یا پبلک پرائیویٹ پارٹنرشپ اتھارٹی ایکٹ، 2017 (VIII of 2017)، انٹر گورنمنٹل کمرشل ٹرانزیکشنز ایکٹ، 2022 (XXX of 2022) کے تحت پہلے ہی شروع کیے گئے منصوبوں کے بارے میں اقدامات یا فیصلے کرنا۔ نجکاری کمیشن آرڈیننس، 2000 (LII of 2000)۔” نیز "فوری” معاملات سے نمٹنا۔

    مزید برآں، افغانستان سے بڑھتے ہوئے سیکورٹی خطرات نے مشکلات کو مزید بڑھادیا ہے۔ پاکستان میں دہشت گردی کی وارداتیں ہو رہی ہیں،حالیہ واقعات حالات کی نزاکت کو اجاگر کرتے ہیں۔ بلوچستان میں پاکستانی فوج کی ایک چوکی پر حملے میں چار فوجیوں کے شہادت اور تین حملہ آوروں کی ہلاکت سرحد پار سے آنے والے مسلسل سیکورٹی خطرات کی ایک واضح یاد دہانی کے طور پر کام دیتی ہے۔

    نگران حکومت کو سیلاب کا چیلنج بھی درپیش ہو سکتا ہے،روزانہ کی رپورٹیں سمندر کی بڑھتی ہوئی سطح پر زور دیتی ہیں، پچھلے سال بھی پاکستان میں سیلاب آیا تا، جو موسمیاتی تبدیلی کی وجہ سے تھا، گزشتہ برس کا سیلاب ابھی تک بہت سے لوگوں کے ذہوں میں تازہ ہے اور ابھی تک متاثرین مشکلات سے دوچار ہیں ،سیلاب کی سالانہ متواتر آمد ملک بھر کی کمیونٹیز کو درپیش مشکلات کو مزید بڑھا دیتی ہے۔

    تیسرا اہم مسئلہ نئی مردم شماری کی بنیاد پر انتخابات کے انعقاد میں لاجسٹک پیچیدگی ہے۔ یہ پیچیدہ عمل انتخابی نظام کی درستگی اور شفافیت کو یقینی بنانے کے لیے وقت، درستگی اور محتاط منصوبہ بندی کا تقاضا کرتا ہے۔ اس کام کی پیچیدہ نوعیت کے لیے ایک ایسے نقطہ نظر کی ضرورت ہے جو جامع اور تفصیلی ہو۔

    ان مشکلات کے درمیان، نگراں انتظامیہ کو آئی ایم ایف پروگرام کی نگرانی کی اہم ذمہ داری بھی اٹھانی ہوگی۔ مالی استحکام اور معاشی ترقی کو برقرار رکھنے کے لیے سخت معیار کی پابندی ضروری ہے۔ خالی بیٹھنے اور الیکشن کا انتظار کرنے کی بجائے،نگران حکومت کو کچھ کرنا ہو گا، آنے والے نگران وزیر اعظم کو چیلنجوں کے ایک پیچیدہ جال کا سامنا ہے جو فوری توجہ کا متقاضی ہے، پرعزم اقدامات کے ذریعے ہی ان مشکلات سے نمٹا جا سکتا ہے، جو پاکستان کے لیے ایک مستحکم اور ترقی پسند مستقبل کو یقینی بناتا ہے۔

  • برطانیہ نے آئندہ مالی سال 2024-25 کیلئے پاکستان کی مالی امداد تین گنا بڑھا دی

    برطانیہ نے آئندہ مالی سال 2024-25 کیلئے پاکستان کی مالی امداد تین گنا بڑھا دی

    اسلام آباد: برطانیہ نے آئندہ مالی سال 2024-25 سے پاکستان کی مالی امداد تین گنا بڑھا دیں-

    باغی ٹی وی : خبررساں ادارے دی نیوز کے مطابق برطانیہ نے آئندہ مالی سال 2024-25 سے پاکستان کی مالی امداد کو موجودہ 41.5 ملین پاؤنڈز سے بڑھا کر سالانہ بنیادوں پر تقریباً 133 ملین پاؤنڈز کرتے ہوئے تین گنا کرنے کا فیصلہ کرلیا ہے۔

    دوران انٹر ویو برطانیہ کی امدادی شاخ جسے فارن، کامن ویلتھ اینڈ ڈیولپمنٹ آفس (ایف سی ڈ ی او) کہا جاتا ہے پاکستان کی سربراہ جو موئیر نےکہاکہ عارضی طور پربڑھی ہوئی امداد کا بڑاحصہ مختلف شعبوں میں استعمال کیا جائے گا لیکن آفیشل ڈویلپمنٹ اسسٹنس زیادہ تر پاکستان کی موسمیاتی تخفیف کی ضروریات پر خرچ کیا جائے گا ہمیں خوشی ہے کہ پاکستان اور آئی ایم ایف نے اسٹینڈ بائی ارینجمنٹ پروگرام کے تحت ایک نئی ڈیل پر اتفاق کیا ہے جس سے اسلام آباد کو پروگرام کی مدت کے دوران قرضوں کی پائیداری حاصل کرنے میں مدد ملے گی۔

    دوست ممالک کی معاونت سے معاشی اشاریے بہتر ہو رہے ہیں،وزیراعظم

    دوسری جانب جنگلی حیات سے متعلق عالمی ادارے ورلڈ وائلڈ لائف فنڈ پاکستان کے حکام نے خبردار کیا ہے کہ موسمیاتی تبدیلیوں کے اثرات کے اعتبار سے پاکستان مزید کمزور ہورہا ہے ۔

    لاہورمیں پریس کانفرنس کرتے ہوئے ڈبلیو ڈبلیو ایف کے صدر ڈاکٹر عادل نجم اور ڈی جی حماد نقی نے کہا کہ پاکستان ان 50 ممالک میں شامل ہوگیا ہے جہاں موسمیاتی تبدیلیاں آرہی ہیں، 2022 کا سیلاب موسمیاتی بحران کے طور پر ہمیشہ یاد رکھا جائے گا،قدرتی آفات کی آمد سے پہلے ہی ممکنہ صورتحال پر غور کرنا ہوگا۔

    فواد چوہدری کے ناقابل ضمانت وارنٹ گرفتاری معطل

    اس موقع پر ڈائریکٹر جنرل ڈبلیو ڈبلیو ایف حماد نقی کاکہنا تھا کہ موسمیاتی تبدیلی ہر شعبے کو متاثر کر رہی ہے، ہم نے دریاؤں میں ہوٹل اور گھر بنا دیے ہیں، دیکھنا ہوگا کہ اپنے ملک کو سنوارنے کیلئے کیا کوششیں کی جارہی ہیں اس موقع پر ڈائریکٹر جنرل ڈبلیو ڈبلیو ایف حماد نقی کاکہنا تھا کہ موسمیاتی تبدیلی ہر شعبے کو متاثر کر رہی ہے، ہم نے دریاؤں میں ہوٹل اور گھر بنا دیئے ہیں، دیکھنا ہوگا کہ اپنے ملک کو سنوارنے کیلئے کیا کوششیں کی جارہی ہیں ۔

    حکام نے مزید کہا کہ قوم کو یہ تسلیم کرنا ہوگا کہ ماحولیات ہمارا مسئلہ ہے اور ماحولیاتی تبدیلیاں سائنسی عمل ہے، سیلاب اور ہیٹ ویوز کو قوم کو یہ تسلیم کرنا ہوگا کہ ماحولیات ہمارا مسئلہ ہے اور ماحولیاتی تبدیلیاں سائنسی عمل ہے، سیلاب اور ہیٹ ویوز کو بھی کنٹرول کیا جاسکتا ہے۔

    ازبکستان ،افغانستان اورپاکستان ریلوے لائن کی الائمنٹ تبدیل

  • مشینی و جدید کاشتکاری اور موسمیاتی سمارٹ فارمنگ کے طریقوں پرمبنی گرین پاکستان انیشیٹیو کا منصوبہ

    مشینی و جدید کاشتکاری اور موسمیاتی سمارٹ فارمنگ کے طریقوں پرمبنی گرین پاکستان انیشیٹیو کا منصوبہ

    گرین پاکستان اقدام SIFC کے تحت سیمینارمنعقد کیا گیا-

    باغی ٹی وی:گرین پاکستان اقدام SIFC کے تحت پاکستان اور کھیت کے نام سے ایک دستاویزی فلم بنائی گئی جس میں پاکستان کی معشیت میں زراعت کی اہمیت کو اجاگر کیا گیا ہے اور کس طرح موسمیاتی تبدیلیوں سے زراعت اور جنگلات کو نقصان پہنچ رہا ہے اس کے لئے کیا اقدامات کئے جانے چاہیئے اس ڈاکیومینٹری کے ذریعے پیغام پھیلانے کی کاوش ہے-

    پاکستان کے کھیت و کھلیان آزادی کے وقت سے ہی اپنے لوگوں کا ذریعہ معاش رہے ہیں،تاہم آب و ہو ا کی تبدیلی اور بڑھتی ہوئی آبادی کے اہم چیلنجز اب خوارک کی سلامتی کو خطرے میں ڈال رہے ہیں خوشحالی کا بیج گرین پاکستان انیشی ایٹو ایس آئی ایف سی کے تحت بنائی گئی ایک ایسی دستاویزی فلم ہے جو آپ کو پاکستان کے زراعت کے ماضی کے سفر پر لے جاتی ہے اور اسے درپیش چیلنجوں سے پردہ اٹھاتی ہے اور اس شعبہ میں موجود لامحدود امکانات کا احاطہ کرتی ہے-

    اب جائے جہاں قافلہ دہر ترابی، رہبر نظر آتا ہے رہزن کی طرح

    پاکستان کا سرسبز مستقبل:گرین پاکستان انیشیٹیو کا منصوبہ مشینی و جدید کاشتکاری اور موسمیاتی سمارٹ فارمنگ کے طریقوں پرمبنی ہے،یہ پاکستان میں سبز پاکستان کے انقلاب کی بنیاد رکھے گا اور یہ اسٹیک ہولڈرز کو اکٹھا کرنے شراکت کرنے پائیدار اور منافع بخش مستقبل کی راہ ہموار کرنے کا ایک منفرد موقع ہےکسان کمیونٹی اور پالیسی ساز مل کر اس منصوبے کو پایہ تکمیل تک پہنچائیں گے-

    قازقستان کی ایس سی اے ٹی ائیر لائنز کی افتتاحی پرواز کی لاہور آمد …

  • بارشوں کے متاثرین کی آج بھی ایک بڑی تعداد مدد کے لیے منتظر ہے،بلاول

    پی پی پی چیئرمین و وزیر خارجہ بلاول بھٹو زرداری نے ملک کے مختلف علاقوں میں بارش کی صورتحال پر کہا ہے کہ امیر ممالک کے پیدا کردہ موسمیاتی بحران کا خمیازہ غریب اقوام بھگتنے پر مجبور ہیں

    بلاول بھٹو زرداری کا کہنا تھا کہ موسمی تبدیلیوں کے باعث پاکستان میں اس بار اپریل سے ہی بارشیں شروع ہوگئیں بلوچستان سمیت ملک کے مختلف علاقوں کی ندی نالوں میں طغیانی کی صورتحال ہے گذشتہ ریکارڈ بارشوں کے متاثرین کی آج بھی ایک بڑی تعداد مدد کے لیے منتظر ہے گذشتہ بارشوں کے دوران بہہ جانے والے لاکھوں گھروں اور انفراسٹرکچر کی ازسرنو بحالی کا کام ابھی مکمل نہیں ہوا ،این ڈی ایم اے سمیت تمام متعلقہ اداروں اور حکام بارشوں کے پیش نظر ہمہ وقت چوکس رہیں بارشوں کے دوران عوام احتیاطی تدابیر اختیار کریں، سفر کرنے سے بھی اجتناب برتیں

    بلاول نے دعا کی کہ اللہ تعالیٰ پاکستان کو ہر مصیبت سے بچائے،  بلاول بھٹو زرداری نے ہدایت کی کہ جیالے اپنے اپنے علاقوں میں امدادی کاموں کے حوالے سے انتظامیہ سے رابطے میں رہیں ،پی پی پی چیئرمین نے بلوچستان، سندھ، جنوبی پنجاب اور خیبرپختونخواہ میں بارش کے دوران حادثات میں قیمتی جانوں کے ضیاع پر اظہار رنج و غم کیا،بلاول بھٹو زرداری نے حالیہ بارشوں میں اپنے پیاروں کو کھونے والے خاندانوں سے دلی تعزیت و ہمدردی کا اظہارکیا

    رمضان میں ماہواری میں عورت کیا کرے؟

     مریم نواز نے عمران خان پر کڑی تنقید 

     عمران خان جھوٹے بیانیے پر سیاست کر رہے ہیں،

    وزیراعظم کی بارشوں کی صورتحال پر وفاقی وصوبائی اداروں کو الرٹ رہنے کی ہدایت