آکسفورڈ یونین سوسائٹی میں سپریم کورٹ آف انڈیا کے سینئر وکیل مسٹر پرشانت بھوشن نے تقریر کی جس کے بعد لندن سکول آف اکنامکس نے مودی کو اعزازی ڈگری دینے کا فیصلہ منسوخ کر دیا-
باغی ٹی وی : مودی سرکار لندن سکول آف اکنامکس کی جانب سے اعزازی ڈگری کے حوالے سے تیاریاں زوروشور سے جاری تھیں کہ مودی سرکار پر غم کا پہاڑ اس وقت ٹوٹ پڑا جب نئی دہلی میں پردھان منتری ہاؤس کو انتہائی افسوس کے ساتھ اطلاع پہنچائی گئی کہ لندن سکول آف اکنامکس کی انتظامیہ نے بھارتی وزیراعظم نریندر مودی کو پی ایچ ڈی کی اعزازی ڈگری سے نوازنے کی اپنی پیشکش واپس لیتے ہوئے معذرت کر لی ہے۔
خیال تو یہ تھا کہ جیسے ہی لندن سکول آف اکنامکس میں بھارتی وزیراعظم نریندر مودی کو یہ ڈگری دی جاتی تو کشمیر میں اپنی قابض افواج کے ذریعے ہزاروں کشمیریوں کو پیلٹ گنوں سے انہیں زندگی بھر کے لیے آنکھوں کی بینائی سے محروم بنانے والے کے خلاف لندن سکول آف اکنامکس کے سامنے برطانیہ میں مقیم ایک لاکھ سے زائد کشمیری سراپا احتجاج بنتے یوں اس سکول کے ہر طالب علم کو نریندر مودی کا کریہہ اعر سفاک چہرہ دکھایا جاتا لیکن پتہ نہیں کیوں ہمارے سفارت خانے اور کشمیری بھی اس معاملے پر چپ رہے لیکن بھارت کے معروف قانون دان اور انسانی حقوق سمیت شہری آزادیوں کے لیے اٹھنے والی آواز پرشانت بھوشن ایڈووکیٹ نے مودی اور راشٹریہ سیوک سنگھ کے انتہا پسند ہندعمو کا چہرہ سب کے سامنے اصل شکل میں پیش کر دیا تاہم بھارتی پرنٹ اور بصری میڈیا نے اس تقریر کو مکمل طور پر بلیک آؤٹ کر دیا ہے۔
لیکن اس تقریر کے ذریعے جیسے ہی لندن سکول آف اکنامکس کے طالبعلموں اور پروفیسروں کو آنکھوں کے سامنے پرشانت بھوشن نے نریندر مودی کا اصل گھناؤنا اقلیت دشمن چہرہ دکھایا تو تمام طلباء سکول انتظامیہ کے پاس پہنچے اور نریندر مودی کو لندن سکول آف اکنامکس کی جانب سے ڈاکٹریت کی اعزازی ڈگری دینے کی پیشکش واپس لینے کا مطالبہ کر دیا سکول کے طلبا کا کہنا ہے کہ اگر مودی کو یہ ڈگری دے دی جاتی تو ہمارے ضمیر زندگی بھر ہمیں ملامت کرتے رہتے-
اقلیتوں کے ناروا سلوک اور مقبوضہ کشمیر پر ظلم کے علاوہ پرشانت بھوشن نے نریندر مودی کی بے رحمانہ معاشی پالیسیوں کا پردہ چاک کرتے ہوئے کئی راز افشا کیے اور ثابت کیا کہ نریندر مودی نے بھارتی میڈیا کو کس طرح کرپٹ کیا ہوا ہے اور بھارتی میڈیا کو انتخابات کے دوران کس طرح اور کیسے خریدا گیا اور انہیں کتنی رشوت دی گئی کہ وہ اپنی زبا نیں بند رکھیں انہوں نے اپنی لیکڈ دستاویز میں مودی اور بھارتیہ جنتا پارٹی کا بھیانک کردار بھی پیش کیا جس میں میڈیا کو دھمکیاں دیتے ہوئے انہیں مسلمانوں سمیت بھارت میں بسنے والی دوسری اقلیتوں کے خلاف جھوٹے بغض اور ہندو دھرم کے خلاف ان کے اندرونی منصوبوں کی کہانیاں بیان کرنے پر آمادہ کیا-
علاوہ ازیں ایک ایسی ویڈیو بھی سامنے لائے جس میں امیت شاہ مودی کی موجودگی میں کہہ رہا ہے کہ اب اگر کسی بھی مسلمان کے منہ سے مودی کے خلاگ کچھ غلط سنو تو اس کو مجمع کے اندر ادھیڑ کر رکھ دو سب جانتے ہیں کہ گودھرا گجرات میں بطور وزیر اعلی 2300 سے زائد مسلمان کو بچوں اورخواتین سمیت ذبح کیا گیا کہیں بیکری میں بند کر کے پٹرول چھڑک کر زندی جلادیا گیا جس پر دنیا بھر کے سفارت خانے چیخ اٹھے اور امریکہ سمیت دیگر ملکوں نے مودی کو فاشسٹ اور دہشتگرد وزیر اعلی قرار دیتے ہوئے اپنے ملکوں میں داخلہ بند کر دیا-
اور اب پرشانت بھوشن نے لندن سکول آف اکنامکس کے طلبا اور انتظامیہ کے علاوہ میڈیا کے سامنے یہ کہا کہ بھارت اور اس کی جمہوریت کیلئے وہ تاریخ کا سیاہ دن تھا جب بھارتی سپریم کورٹ کے چار انتہائی سینئیر جج حضرات نے پریس کانفرنس کے ذریعے نریندر مودی پر الزام لگایا کہ وہ عدالت کے چیف جسٹس کو اپنی حاکمیت اور راشٹریہ سیوک سنگھ کے تابع کرنے کے لیے انہیں دھمکیاں دے رہا ہے-
مودی کے اس عمل سے بھارت کی جمہوریت اپنے آخری سانسوں پر آن کھڑی ہوئی ہے یعنی جس ملک کی سب سے بڑی عدالت کے چار سینئیر ترین جج حضرات میڈیا کے سامنے پریس کانفرنس کرتے ہوئے اپنے ملک کے وزیراعظم کی عدلیہ میں مداخلت کا ثبوت پیش کر دیں جو وزیراعظم اپنے ملک کی سپریم کورٹ کے چیف جسٹس کو اپنے انتہا پسند ہندو گروہ کے ذریعے سبق سکھانے کی دھمکیاں دینا شروع کر دے ایسے شخص کو لندن سکول آف اکنامکس تو بہت دور کی بات ہے کسی پرائمری سکول کی سند بھی نہیں دی جا سکتی کیونکہ یہ پرائمری۔سکول اور اس کی سند کی توہین ہو گی-
پرشانت بھوشن نے بھارتی سپریم کورٹ کے چار سینئیر جج حضرات کی پریس کانفرنس کا حوالہ ہوئے یہ بھی کہا کہ تیس برس بعد پہلی دفعہ الیکشن کمیشن 2019 میں ہوئے انتخابات میں وہ غیر قانونی اور من مانے اقدامات کئے کہ بھارتی جمہوریت اور اس کے انتخابی عمل فضول اور لایعنی ہو کر رہ گیا ہے الیکشن کمیشن نے انتخابی نظام کو اور اس دنیا بھر میں پھیلی ہوئی شہرت کو تباہ کرتےہوئے بھارتیہ جنتا پارٹی اور مودی کو بظاہر کامیاب تو کرادیا ہےلیکن انا نتخابات پر اٹھنے والے سوالیہ نشانات بھارت کی تاریخ پر لگے ہوئے ایک سیاہ دھبے کے طور پر کبھی بھی دھوئے نہیں جا سکیں گے۔
پرشانت بھوشن نے مزید کہا کہ لندن سکول آف اکنامکس کسی ایسے شخص کو پی ایچ ڈی کی ڈگری دینا پسند کرے گا؟ جس پر رافیل طیاروں کی خریداری میں کرپشن کا الزام ہو انہوں نے اپنی تقریر میں کہا کہ لمحہ بھر کیلیے فرض کر لیتے ہیں کہ رافیل طیاروں کی خریداری میں نریندر مودی کی کرپشن صرف الزام ہے تو اس سوال کا جواب کون دے گا جو بھارت اور فرانس کی اپوزیشن جماعتیں بھی ہوچھ رہی ہیں کہ سی بی آئی کا ڈائریکٹر جو رافیل طیاروں کے اسکینڈل کی تحقیقات کر رہا تھا اسے راتوں رات کیوں تبدیل کیا گیا اگر مودی کے ہاتھ صاف ہیں اگر اس نے ایک دھیلے کی بھی کرپشن نہیں کی تو پھر اس تحقیقات کرنے والے ڈائریکٹر سی بی آئی کو کیوں تبدیل کیا گیا؟-
پرشانت بھوشن نے کہا کہ مودی کی انتہا پسندی یہاں تک ہے کہ اگر یہ کہے کہ دن میں رات ہے تو سب کو اس کی ہاں میں ہاں ملانی پڑے گی اگر یہ کہے کہ سب گنیش کی شکل اختیار کریں تو ان کو پلاسٹک سرجریز کراکر یا جیسے بھی اپنی شکل ویسی اختیار کرنی ہو گی-
پرشانت بھوشن کی اس تقریر کے بعد لندن سکول آف اکنامکس انتظامیہ نے مودی کو اعزازی ڈگری دینے سے معذرت کر لی ہے جبکہ انڈین میڈیا میں اس تقریر کو مکمل طور پر بلیک آؤٹ کر دیا گیا ہے-
