Baaghi TV

Tag: وزیراعظم

  • وزیراعظم نے حکام اورملازمین کی غیر حاضری کا نوٹس لیا

    وزیراعظم نے حکام اورملازمین کی غیر حاضری کا نوٹس لیا

    وزیراعظم عمران خان نے سیکٹر جی 13 کا بغیر پروٹو کول دورہ کیا

    وزیراعظم عمران خان ترقیاتی منصوبے کا معائنہ کرنے اچانک پہنچے دورے سے وزیراعظم کا اسٹاف، متعلقہ حکام اور وزرا بھی بے خبررہے وزیراعظم کو کنسٹرکشن سائٹ پر منیجر نے منصوبے کی تعمیر کی رفتار پر بریفنگ دی ،وزیر اعظم نے دورہ ذرائع سے منصوبے کی تعمیر میں سست روی کی اطلاع ملنے پر کیا وزیراعظم عمران خان نے حکام اور ملازمین کی غیر حاضری کا نوٹس لیا وزیراعظم عمران خان نے حکام اور ملازمین کومنصوبے پر کام تیز کرنے کی تاکید کی

    دہلی فسادات کا ذمہ دار کون؟ جمعیت علماء ہند نے کی نشاندہی

    دہلی فسادات اور 2002 کے گجرات فسادات میں گہری مماثلت،ہندوؤں کی دکانیں ،گھر کیوں محفوظ رہے؟ سوال اٹھ گئے

    دہلی فسادات، کوریج کرنیوالے صحافیوں کی شناخت کیلیے اتروائی گئی انکی پینٹ

    دہلی، اجیت دوول کا دورہ مسلمانوں کو مہنگا پڑا، ایک اور نوجوان کو مار دیا گیا

    دہلی فسادات میں امت شاہ کی پرائیویٹ آرمی ملوث،یہ ہندوآبادی پر دھبہ ہیں، سوشل ایکٹوسٹ جاسمین

    دہلی فسادات،مسلمان جی رہے ہیں خوف کے سائے میں، مذہبی شناخت چھپانے پر مجبور،خواتین نے حجاب اتار دیا

    حجاب کیوں پہنا؟ طالبات کو سرکاری سکول میں داخل ہونے سے روک دیا گیا

    گھونگھٹ ، جینز یا حجاب یہ فیصلہ کرنا خواتین کا حق ہے،مسکان کو خراج تحسین

  • وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان

    وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان

    اسلام آباد: وزیراعظم عمران خان کوملازمین پرترس آگیا:سرکاری ملازمین کی تنخواہوں میں اضافے کا اعلان ،اطلاعات کے مطابق وزیراعظم عمران خان جوکہ پچھلے کئی دنوں سے ملازمین کی تنخواہوں کے حوالے سے فکرمند تھے اور کئی اہم فورمز پر وہ پرائیویٹ سیکٹر کو بھی درخواست کرچکے ہیں کہ ملازمین کی تنخواہیں بڑھائی جائین آج اچانک خود ہی فیصلہ کرکے پاکستان کے سرکاری ملازمین کے دل جیت لیے ہیں ،

    اس حوالے سے معلوم ہوا ہے کہ حکومت نے کم تنخواہ والے سرکاری ملازمین کی تنخواہ میں اضافے کا اعلان کردیا۔

    ذرائع کے مطابق حکومت نے کم تنخواہ والے سرکاری ملازمین کی تنخواہ میں 15 فیصد اضافے کا اعلان کردیا، تنخواہوں میں اضافے کا اطلاق یکم مارچ سے ہوگا۔ ذرائع کے مطابق بی ایس 1 سے 19 گریڈ تک کے سرکاری ملازمین کی بنیادی تنخواہ پر 15 فیصد اضافہ کیا جائے گا۔

    وزارت خزانہ کا کہنا ہے کہ 15 فیصد سپیرٹی الاؤنس میں اضافے کی سفارش کردی گئی ہے، صوبائی حکومتوں کو بھی ملازمین کو اپنے فنڈز سے الاؤنس دینے کی سفارش کی گئی ہے۔ترجمان وزارت خارجہ کا کہنا ہے کہ ایڈہاک ریلیف الاؤنس بنیادی تنخواہ میں ضم کرنے کا فیصلہ بعد میں ہوگا، ٹائم اسکیل پروموشن کی سمری پر بھی غور کیا جارہا ہے۔

    اس سے قبل سینیٹر فیصل جاوید نے خوشخبری سناتے ہوئے کہا ہے کہ مہنگائی میں کمی آنے کے ساتھ تنخواہوں میں بھی اضافہ کیاجائے گا۔فیصل جاوید کا کہنا تھا کہ ریکارڈ ایکسپورٹس، ترسیلات اور ریونیو کلیکشن سے چند ہفتے میں مہنگائی میں کمی آئے گی۔

    پی ٹی آئی رہنما نے مزید کہا کہ کسان اورمزدور کی آمدنی کے ساتھ فی کس آمدنی میں اضافہ ہوا ، تنخواہ دار طبقے کی مشکلات کا اندازہ ہے، مہنگائی میں کمی آنے کے ساتھ تنخواہوں میں بھی اضافہ کیاجائے گا، ہیلتھ انشورنس سب کوپہنچائی جارہی ہے۔

    یاد رہےکہ چند دن پہلے وزیراعظم نے جہاں پرائیویٹ سیکٹر سے مزدوروں اور دیگر ملازمین کی تنخواہیں بڑھانے کی درخواست کی تھی وہاں خود بھی اس خواہش کا اظہار کیا تھا کہ سرکاری ملازمین مہنگائی کی وجہ سے پریشان ہیں اور وہ چاہتے ہیں کہ ان کی تنخواہیں بڑھا دوں ، آج کے فیصلے نے وزیراعظم کے اس اعلان کو عملی جامعہ پہنا دیا ہے

    ادھر اس وقت سرکاری ملازمین بہت زیادہ خوش ہیں اور وہ حکومت اور وزیراعظم کے بہت زیادہ مشکور ہورہے رہیں‌

  • فیصل آباد : شہباز گل بازار آئے تو شیر شیر گو نیازی گو کے نعرے لگ گئے

    فیصل آباد : شہباز گل بازار آئے تو شیر شیر گو نیازی گو کے نعرے لگ گئے

    فیصل آباد : شہباز گل بازار آئے تو شیر شیر گو نیازی گو کے نعرے لگ گئے،اطلاعات کے مطابق آج وزیراعظم کے معاون خصوصی ڈاکٹرشہبازگل جب فیصل آباد تشریف لائے تو بازار سے گزرتے ہوئے چند ن لیگیوں نے شیر شیر گو نیازی گو کے نعرے لگا دیئے جسے سوشل میڈیا پر وائرل کردیا گیا

    اس حوالے سے فیصل آباد سے آنے والی اطلاعات کے مطابق آج وزیراعظم کے معاون خصوصی جب شہر میں داخل ہوئے اور ضلع کونسل پہنچنے کے لیے گزررہے تھے تو چند نونیوں نے اس موقع پر بہت بڑے جلوس کو دیکھتے ہوئے شیر شیر گو نیازی گو کے نعرے لگانے شروع کردیئے ، اس موقع پر وہاں موجود لوگ ان نعروں سے مہموز ہوتے رہے

    یاد رہے کہ آج وزیراعظم کے معاون خصوصی برائے سیاسی ابلاغ وترجمان ڈاکٹر شہباز گل نے کہاکہ وزیراعظم عمران خان بدھ کو فیصل آباد کر ڈویژن بھر کے ہرگھرانے کو ہیلتھ کارڈ کی فراہمی کا آغاز کریں گے۔

    ضلع کونسل فیصل آباد میں پریس کانفرنس سے خطاب میں انہوں نے کہاکہ شہبازشریف اور شریف خاندان کے دیگر افراد نے ملک مقصود چپڑاسی، جسکی تنخواہ 9ہزارروپے تھی، کے اکاؤنٹس میں 4،4ارب روپے ڈالے لیکن رقم صرف ایک آدھ دن کیلئے تھی لیکن جب اسی ملک مقصود چپڑاسی کے گھر میں بیماری آجاتی تو وہ بہو کا زیور، بھینس، مکان یادیگر اثاثے بیچ کر یا ادھار لے کر اپنا علاج کرواتا اور اس جیسے لوگوں کو دوہری پریشانی لاحق ہوتی، ایک یہ کہ اس کے گھر میں بیماری آجاتی اور دوسرا یہ کہ وہ بیماری کے علاج کیلئے اخراجات کہاں سے لائے لیکن عمران خان نے پاکستان کی تاریخ میں پہلی بار ہرشہری کا ہاتھ پکڑا اور اسے 10لاکھ روپے تک سالانہ مفت علاج کی سہولت فراہم کرنے کیلئے ہیلتھ کارڈ کا اجرا کیا۔

    انہوں نے کہاکہ وزیراعظم عمران خان نے ہمیشہ کرپشن کے خلاف آواز بلند کی اور عملی اقدامات اٹھائے جبکہ ملک میں دونہیں ایک نظام پاکستان تحریک انصاف کا منشور تھا جس کے باعث جہاں ماضی میں چور ڈاکو اور سیاسی لبادے میں موجود صاحب اقتدار لوگ ملکی خزانہ لوٹتے رہے اس کے برعکس اب ملک میں کسی وزیر،مشیر یا بیوروکریٹ کو کرپشن کی جرات نہیں ہوسکتی کیونکہ انہیں پتہ ہے کہ اسلام آباد میں 6فٹ کا عمران خان نامی انتہائی ایماندار ودیانتدار وزیراعظم ڈنڈا پکڑ کر بیٹھا ہو اہے لہٰذا اگر کسی نے کرپشن کی جرات کی تو یہ ڈنڈا اس کے گٹوں پر آئے گا۔

    انہوں نے کہاکہ پہلے ملک پر 30سال تک دوٹبروں نے حکومت کی جو ملک میں اپنا علاج کروانا تو دور کی بات ، وہ ٹیسٹ کروانے کیلئے بھی امریکہ اور برطانیہ جاتے تھے جہاں سے ان کی جھوٹی سچی رپورٹیں بنتی تھیں نیز ان کی دیکھا دیکھی صف اول کے بعد صف دوم اور صف سوم میں شامل رانا ثنا اللہ اور عابد شیر علی جیسے لوگ بھی جنہوں نے اپنے آقاؤں کی دیکھا دیکھی مال بنایا وہ بھی اپنے علاج کیلئے باہر جانا شروع ہوگئے حالانکہ ان کی مشینری کا باہر علاج ہوہی نہیں سکتا۔

    انہوں نے کہاکہ ان لوگوں نے لوٹ لوٹ کر ملک میں تباہی مچا دی اور ایسا نظام بنایا کہ جس میں ٹاٹ والے سکولوں میں پڑھنے والے بچے بیکن ہاؤس کے بچوں کا مقابلہ نہ کرپاتے کیونکہ وہ کوئی اور ہی دنیا لگتی تھی لہٰذا وہ نوکری کا بھی نہیں سوچ سکتے تھے اس طرح امیر کا بچہ آگے جاتا اور غریب کا بچہ وہیں رلتارہ جاتا۔

    انہوں نے کہاکہ ہمیں مہنگائی کا بے حد احساس ہے لیکن جب عالمی منڈی میں پٹرول 40سے90ڈالر، کوکنگ آئل 900سے 1600ڈالر اور کوئلہ 50 سے150ڈالر فی ٹن تک چلاجائے تو اس سے ہرملک متاثر ہوتا ہے۔ انہوں نے کہاکہ صرف پاکستان ہی نہیں بلکہ مہنگائی کی لہر سے امریکا، روس، جاپان، ترکی، چین سمیت سب ترقی یافتہ اور ترقی پذیر ممالک پریشان ہیں لیکن عمران خان نے یہاں راشن کارڈ،کسان کارڈ، لیبرسوشل سیکورٹی کارڈ،ہیلتھ کارڈ متعارف کروایا اسی طرح احساس پروگرام بھی جاری ہے جبکہ طلبا وطالبات کیلئے کروڑوں روپے کے وظائف اور نوجوانوں کیلئے اربوں روپے کے قرضے جبکہ بے گھر افراد کو گھروں کی تعمیر کیلئے بھی معاونت کی فراہمی کا سلسلہ جاری ہے۔

    انہوں نے کہاکہ وزیراعظم عمران خان بدھ کو فیصل آباد کر ڈویژن بھر کے ہرگھرانے کو ہیلتھ کارڈ کی فراہمی کا آغاز کریں گے جس کے باعث اب کوئی بچی یا کوئی شخص سسک سسک کر لاعلاج نہیں مرے گا۔ آج سے پہلے ملک میں اس انداز میں غریب کی خدمت نہیں کی گئی جس طرح اب عمران خان کے دور میں کی جارہی ہے۔

  • کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    کراچی کی مچھر کالونی کی سن لی گئی،سی پیک سے متعلق سست روی کا تاثر غلط ہے،خالد منصور

    چیئرمین سی پیک اتھارٹی خالد منصور نے کہا ہے کہ دورہ چین پرسی پیک کے حوالے سے بھی بات ہوئی ، وزیراعظم نے چینی سرمایہ کاروں سے ملاقات میں مختلف امور پرگفتگو کی

    خالد منصورکا کہنا تھا کہ وزیراعظم نے ایم ایل ون پراجیکٹ سے متعلق گفتگوبھی کی،وزیراعظم اور چینی صدر کی ملاقات مثبت رہی سرمایہ کاری سے متعلق سازگار ماحول پید اکرنے کے لیے اقدامات کررہے ہیں،وزیراعظم نے 20سے زائد اجلاسوں کی صدارت کی ،سی پیک سے متعلق سست روی کا تاثر غلط ہے ،وزیراعظم نے چینی قیادت سے آئی ٹی اور ریسر چ کے شعبوں میں تعاو ن پر بات کی چینی سرمایہ کاروں نے وزیراعظم مران خان کے اقدامات پر اطمینان کا اظہار کیا،سی پیک ون ونڈو آپریشن کے پیچھے میں کھڑا ہوں،ہمارے مسائل حل نہیں ہوتے تو وزیر اعظم آفس بھی موجود ہے، وزیراعظم نے زراعت سے متعلق بھی تعاون پرگفتگو کی ،چینی سرمایہ کاروں کو سی پیک اٹھارٹی میں بلایا،سی پیک کے تحت منصوبوں کے لیے ای سی سی نے 100 بلین منظور کیے ،50 بلین دےدیاگیا باقی 50 بلین اسی ماہ دیا جا ئےگا،

    خالد منصور کا مزید کہنا تھا کہ وزیراعظم اور چینی صدر کی ملاقات مثبت رہی ،کراچی کوسٹل ڈویلپمنٹ منصوبے کیلئے کے پی ٹی چینی کمپنی کیساتھ ملکر کام کریگی،چین کراچی کوسٹل ڈویلپمنٹ منصوبے پر ساڑھے 3 ارب ڈالر سرمایہ کاری کا ارادہ رکھتا ہے،کراچی کی مچھر کالونی جدید ترین رہائشی منصوبے میں تبدیل ہوگی، چینی کمپنیاں پاکستان میں موبائل فونز کے سپئرپارٹس بھی تیار کریں گی،چائنا الیکٹرک کمپنی مزید پاور پلانٹ میں 2 سے 4 ارب ڈالر کی سرمایہ کاری کا ارادہ رکھتی ہے،چینی کمپنی نے وزیراعظم کے 50لاکھ گھروں کے منصوبہ میں کام کرنے کی دلچسپی ظاہر کی،چینی کمپنی پہلے5 ہزار گھر وزیراعظم کے منصوبے کے مطابق شروع کرے گی،

    قبل ازیں وزیر خارجہ شاہ محمود قریشی کا کہنا تھا کہ دورہ کے اختتام پر جاری مشترکہ اعلامیہ دورہ چین کی کامیابی کا مظہر ہے،وزیر اعظم کے دورہ چین کے دوران بہت نشستیں ہوئیں، چینی صدر سے ملاقات انتہائی جامع نوعیت کی تھی، وزیراعظم اور وفد کی تھنک ٹینکس کے ساتھ ملاقاتیں ہوئیں،افغانستان سے متعلق چین کے ساتھ مشاورت رہی ہے، مارچ کے آخر میں افغانستان کے ہمسایہ ممالک کا اجلاس بیجنگ میں بلایا جائے گا، اجلاس میں افغان عبوری حکومت کے وزیر خارجہ بھی مدعو کیے جائیں گے اسپائیلرز ، سی پیک کو آگے بڑھتا ہوا نہیں دیکھ سکتے امن دشمن قوتوں نے سی پیک پر کام کرنے والے انجینئرز کو نشانہ بنایا تھا،یہ اسپائیلرز اپنی سازشوں میں کبھی کامیاب نہیں ہوں گے، بی جے پی سرکار کی منفی پالیسیاں ہندوستان کے اپنے مفاد میں بھی نہیں ہیں،ہندوستان میں ایک بہت بڑا طبقہ بی جے پی کی سوچ کے برعکس سوچ رہا ہے، وہ سمجھتا ہے کہ بی جے پی سرکار نے ہمیں بند گلی میں دھکیل دیا ہے،روس کے ساتھ ہمارے تعلقات میں بتدریج اضافہ ہوا ہے،

    اور مولانا فضل الرحمان نے سی پیک روٹ کا افتتاح کر دیا

    بھارتی خفیہ ایجنسی را کیلئے کام کرنے والا کراچی پولیس کا اہلکار گرفتار

    بھارتی خفیہ ایجنسی "را” کیلیے کام کرنیوالا گریڈ 17 کا سرکاری ملازم کراچی سے گرفتار

    بھارتی خفیہ ایجنسی را کے نیٹ ورک کے خلاف ایک اور کاروائی، را کا اہم رکن گرفتار

    بھارتی خفیہ ایجنسی را کے سلیپر سیلز کو کراچی میں رقوم فراہم کرنیوالا گرفتار

    بھارتی خفیہ ایجنسی را کے نیٹ ورک کا اہم رکن کراچی سے گرفتار

    کیا سی پیک رک چکا ، نئے چینی سفیر کس مشن پر آئے ، معاملہ گڑ بڑ.؟ مبشر لقمان کی اہم باتیں

    پاکستان میں بھارتی دہشت گردی کے ناقابل تردید ثبوت، ڈی جی آئی ایس پی آر سب کچھ سامنے لے آئے

    بھارت کے پاکستان کے خلاف مذموم منصوبے، شاہ محمود قریشی نے مودی سرکار کو کیا بے نقاب

    لندن کا جوکربھارتی ایجنٹ،پاکستان میں دہشت گردی میں ملوث،ثبوت سامنے آ گئے

    سی پیک کیخلاف بھارتی عزائم،مبشر لقمان کے اگست میں کئے گئے تہلکہ خیز انکشافات کی وزیر خارجہ نے کی تصدیق

    تین سال میں سی پیک کومکمل بند کرکے بیڑا غرق کردیا گیا .چینی سفیرکا شکوہ،تہلکہ خیز انکشافات

  • چینی کرپشن فری ماڈل:کرپٹ لوگوں کیخلاف فوری فیصلے ،کڑی سزائیں:چینی صدرکاعمران خان کومشورہ؟حقیقت؟

    چینی کرپشن فری ماڈل:کرپٹ لوگوں کیخلاف فوری فیصلے ،کڑی سزائیں:چینی صدرکاعمران خان کومشورہ؟حقیقت؟

    اسلام آباد: کرپٹ لوگوں کے خلاف سخت فیصلے،کڑی سزائیں: چین کے صدر نے عمران خان واقعی یہ مشورہ دیا؟تردید نہ کی جاسکی،انتہائی معتبر ذرائع کے حوالے سے یہ معلوم ہوا ہے کہ چین کےصدرشی جن پنگ اور وزیراعظم عمران خان کے درمیان ایک خاص موضوع پر اہم گفتگو بھی ہوئی ہے جسے وزیراعظم عمران خان اور ان کے ساتھی چھپانے کی ہر ممکن کوشش کررہے ہیں‌

    ذرائع کے مطابق اس اہم ملاقات میں جب وزیراعظم عمران خان نے پاکستان میں کرپشن اور سابق حکمرانوں کی لوٹ مار کا ذکر کیا تو چینی صدر نے وزیراعظم عمران خان کی گفتگو اس دوران انتہائی انہماک سے سُنی اور جب عمران خان نے اپنی گفتگو مکمل کی تو چین کےصدرشی جن پنگ کے صدر نے چین کے صدر نے چین میں کرپٹ لوگوں کے‌خلاف فیصلوں کو ملکی معاشی ترقی میں بہتری کا سبب قراردیا

    یہ بھی معلوم ہوا ہے کہ اس دوران چین کےصدرشی جن پنگ کے صدر نے وزیراعظم عمران خان کو یہ بات بھی سمجھانے کی کوشش کی کہ جب تک کرپش کرنے والے کرپٹ افراد کے خلاف سخت فیصلے اور کڑی سزائیں نہیں دی جائیں گی اس وقت حکومت معاشرے میں بدعنوانیت کا خاتمہ نہیں کرسکے گی اور اس کے بغیر یہ خواب دیکھنے بے کار ہیں

    ذمہ دار ذرائع کا یہ بھی کہنا ہے کہ گفتگو کے دوران یہ الفاظ دہرائے کہ "伊姆蘭汗，你並不孤單，我們的合作也與你同在:عمران خان ہمت کریں ہم تمہارےساتھ ہیں‌

    یہ بھی معلوم ہوا ہے کہ اس گفتگو کے دوران وزیراعظم عمران خان نے شریف فیملی اور آصف علی زرداری کے حوالے سے بھی گفتگو کی کہ ان کی وجہ سے ملک آج اس نوبت کو پہنچا ہے ،

    ذرائع کا کہنا ہے کہ اس دوران چین کےصدرشی جن پنگ کے صدر نے وزیراعظم کو چین میں طاقتور کرپٹ لوگوں کو بغیر کسی دباو کے سزائیں دینے کا حوالہ بھی دیا

    ذرائع کا کہنا ہے کہ وزیراعظم عمران خان جس طرح پہلے بھی ہر عالمی فورم اور ہرعالمی شخصیت کے ساتھ پاکستان میں کرپشن اور سابقہ حکمرانوں کی چوربازاری کا ببانگ دہل ذکر کرتے ہیں ، چینی صدر کے سامنے بھی وہی انداز اپنایا گیا جس پر چین کےصدرشی جن پنگ نے عمران خان کو بلاتفریق اور بغیر کسی دباو کو خاطر میں ان طاقتور شخصیات کے خلاف سخت فیصلے اور کڑی سزاوں کا مشورہ دیا

    یہ بھی معلوم ہوا ہے کہ چینی صدر وزیراعظم عمران خان کی اس موضوع پر گفتگو سے بہت متاثر ہوئے اور وزیراعظم عمران خان کی کوششوں کوسراہا اور کرپشن کیسز کو جلد منطقی انجام تک پہنچانے کا مشورہ بھی دیا

    ذرائع کی یہ بات کس حد تک درست ہے اس حوالے سے ان دعووں کی ترد نہیں کی گئی ، اور اگریہ دعوے درست ہیں تو اس کا مطلب واضح ہے کہ چین کےصدرشی جن پنگ وزیراعظم عمران خان کے ویژن سے متاثر ہیں اور وہ بھی پاکستان کے ان طاقتور کرپٹ خاندانوں کے خلاف چینی ماڈل کی طرز کے فیصلے چاہتے ہیں

    اگر یہ دعوے درست ہیں تواس کا مطلب یہ بھی واضح ہے کہ چین کی حکومت پاکستان کو ہرصورت آگے بڑھتے ہوئے دیکھنا چاہتی ہے اور یہ تب ہی ممکن ہے جب چینی ماڈل کو استعمال میں لاتے ہوئے کرپٹ لوگوں کوسخت سزائیں دی جائیں گی اور اگریہ بات درست ہے تو اس کا واضح مطلب یہ ہے کہ چین کی حکومت عمران خان کے ساتھ ہر محاذ پرکھڑی ہوگی جس کی واضح مثال چینی وزارت خارجہ اور چینی سفیر کے یہ بیانات ہیں کہ چین کی حکومت پاکستان کی موجودہ حکومت کی پالیسیوں سے متفق ہے اور چین اس حکومت کے ساتھ مستقبل میں بھی بھرپور تعاون کرے گا یہ اشارہ موجودہ حکومت کے اگلے دور حکومت کی طرف ہے

  • "آجاؤخان جی تہانوں اکھیاں وڑیکدیاں”روسی صدرکی دعوت :وزیراعظم عمران خان کا تاریخی دورہ روس

    "آجاؤخان جی تہانوں اکھیاں وڑیکدیاں”روسی صدرکی دعوت :وزیراعظم عمران خان کا تاریخی دورہ روس

    سفارتی ذرائع کا کہنا ہے کہ وزیراعظم عمران خان رواں ماہ روس کا تاریخی دورہ کریں گے، وزیراعظم روس کا دوطرفہ دورہ کرنے والے 23سال میں پہلے وزیراعظم ہونگے، وزیراعظم عمران خان دورہ روس، روسی صدر پیوتن کی دعوت پر کر رہے ہیں۔

    سفارتی ذرائع کے مطابق دورہ میں وزیراعظم عمران خان کے ہمراہ اعلیٰ سطح وفد بھی انکے ہمراہ جائے گا، دورہ روس فروری کے آخر میں کیا جائے گا، دورہ سے متعلق حتمی شیڈیولنگ کا سلسلہ جاری ہے،
    دفتر خارجہ کے ذرائع نے ڈیلی ٹائمز کو بتایا کہ وزیر اعظم عمران خان رواں ماہ کے آخری ہفتے میں روس کا تاریخی دورہ کرنے والے ہیں تاکہ مختلف شعبوں میں دوطرفہ تعلقات کو مضبوط بنانے پر بات چیت کی جا سکے۔

    ایک اعلیٰ سطحی وفد کے ہمراہ وزیراعظم اپنے دورے کے دوران روسی صدر ولادیمیر پوٹن سے ملاقات کریں گے۔ بات چیت میں معیشت، تجارت، دفاع اور توانائی کے شعبوں میں تعاون بڑھانے پر توجہ دی جائے گی۔

    وزیراعظم دورہ روس میں دوطرفہ تعلقات، نارتھ ساؤتھ گیس پائپ لائن جسے اسٹریٹجک اسٹریم گیس پائپ لائن منصوبہ بھی کہا جاتا ہے ، جو پہلے نارتھ ساؤتھ پائپ لائن کے نام سے جانا جاتا تھا، بھی بات چیت کے ایجنڈے میں شامل ہوگا اور توقع ہے کہ ماسکو میں دونوں فریقین کے درمیان وفود کی سطح کے دوران اس منصوبے پر عمل درآمد کی راہ میں حائل رکاوٹوں کو دور کیا جائے گا۔ 2.5 بلین ڈالر کا پائپ لائن منصوبہ کراچی اور گوادر کے مائع قدرتی گیس (LNG) ٹرمینلز سے بڑے شمال وسطی شہر لاہور تک ہر سال 12.3 بلین کیوبک میٹر (bcm) قدرتی گیس کی ترسیل کو محفوظ بنائے گا۔ اہم بات یہ ہے کہ یہ منصوبہ ماسکو اور اسلام آباد کے درمیان 1970 کی دہائی کے وسط سے شروع کیا جانے والا پہلا اتنے بڑے پیمانے پر اقتصادی اقدام ہوگا۔

    اگرچہ پاکستان اور روس کے درمیان مختلف سطحوں پر تعلقات میں نمایاں بہتری آئی ہے لیکن 2003 میں سابق صدر پرویز مشرف کے دورہ ماسکو کے بعد سے یہ وزیراعظم عمران خان کا پہلا دورہ ہوگا۔اس پس منظر میں اس دورے کو بہت اہمیت دی جا رہی ہے جس سے دو طرفہ تعلقات اور مختلف شعبوں میں تعاون کو وسعت دینے کی نئی شروعات متوقع ہے۔

    حالیہ ٹیلی فونک گفتگو میں وزیراعظم عمران خان اور روسی صدر ولادی میر پیوٹن دونوں نے بھی اپنے تعاون کو مزید تقویت دینے پر اتفاق کیا۔

    دفتر خارجہ کے ذرائع نے یقین ظاہر کیا کہ روسی صدر کا رواں سال کے آخر تک دورہ پاکستان کا بھی امکان ہے جو دوطرفہ تعلقات میں ایک تاریخی لمحہ ہوگا اور اسے مزید بلندی کی جانب لے جانے میں مدد ملے گی۔

    خیال رہے کہ آخری بار کسی پاکستانی وزیراعظم نے دو طرفہ دورہ روس سنہ 1999 میں کیا تھا،سابق صدر آصف علی زرداری نے بطور صدر آخری مرتبہ روس کا دوطرفہ دورہ کیا تھا جو سنہ 2011 میں ہوا۔

  • وزیراعظم عمران خان سےچینی وزیراعظم،قطری امیر، مصری اورازبک صدرسمیت عالمی رہنماوں کی ملاقاتیں

    وزیراعظم عمران خان سےچینی وزیراعظم،قطری امیر، مصری اورازبک صدرسمیت عالمی رہنماوں کی ملاقاتیں

    بیجنگ: وزیراعظم عمران خان سے چینی وزیراعظم ،قطری امیر،مصری اورازبک صدرسمیت عالمی رہنماوں کی ملاقاتیں جاری،اطلاعات کے مطابق وزیراعظم پاکستان اس وقت چین میں موجود ہیں جہاں ان سے چینی وزیراعظم ،امیر قطر،مصری ارو ازبک صدرسمیت بڑے بڑے عالمی رہنماوں کی ملاقاتیں جاری ہیں اور یہ ملاقاتیں اس وقت عالمی میڈیا کی توجہ کا مرکز بھی ہیں‌

     

     

    وفاقی وزیر اطلاعات و نشریات فواد چودھری نے سماجی رابطے کی ویب سائٹ ٹویٹر پر لکھا کہ وزیراعظم عمران خان نے چینی وزیراعظم لی کی چیانگ اور ازبکستان کے صدر شوکت مرزایوف سے علیحدہ علیحدہ ملاقاتیں کی۔

     

    فواد چودھری نے مزید لکھا کہ دونوں ملاقاتوں میں کشمیر اور افغانستان گفتگو کے اہم موضوعات رہے، چین پاکستان کی سیاسی، اقتصادی اور سٹریٹجک پارٹنر کی حیثیت سے ہمیشہ اہم کردار ادا کرتا رہا ہے۔

    اُدھر وزیراعظم ہاؤس کی طرف سے جاری کردہ اعلامیہ کے مطابق وزیراعظم

     

     

     

    عمران خان نے چینی وزیراعظم لی کو سی پیک اور خصوصی ٹیکنالوجی زونز میں چینی سرمایہ کاری کو بڑھانے کے اقدامات سے آگاہ کیا۔

    اعلامیہ کے مطابق وزیراعظم نے پاکستان میں چینی شہریوں، منصوبوں اور اداروں کی حفاظت کے لیے حکومت کے اقدامات سے آگاہ کیا۔

    وزیر اعظم نے مقبوضہ کشمیر کی سنگین صورتحال، کشمیری عوام کی تکالیف کو کم کرنے کے لیے عالمی برادری کی طرف سے فوری اقدام کی اہمیت کو اجاگر کیا، وزیراعظم نے افغانستان میں امن، استحکام اور ترقی کے مشترکہ مقاصد کے لیے پاکستان اور چین کے ساتھ مل کر کام کرنے کی اہمیت پر بھی زور دیا۔

     

     

     

    اعلامیہ کے مطابق دونوں رہنماؤں نے دوطرفہ اقتصادی روابط کو مزید گہرا کرنے پر مل کر کام کرنے پر اتفاق کیا، کثیر جہتی تزویراتی تعاون پر مبنی تعلقات کو مزید آگے بڑھانے اور نئے دور میں مشترکہ مستقبل کی پاک چین کمیونٹی کی تعمیر کے عزم کا اعادہ کیا۔

     

    وزیراعظم عمران خان دورہ چین کے دوران دارالحکومت بیجنگ کے گریٹ ہال پہنچے جہاں انہوں نے صدر شی جن پنگ کی جانب سے دیے گئے ظہرانے میں شرکت کی۔

    وزیراعظم عمران خان نے چائنہ انرجی اینڈ انجینئرنگ کارپوریشن اور پاور چائنا کے چیئرمینز سے آن لائن ملاقات کی۔ آن لائن ملاقاتوں میں پاکستان کے توانائی کےشعبے کی بہتری اورسرمایہ کاری سے متعلق گفتگو ہوئی۔

     

     

    دوسری جانب دورے کے حوالے سے وزیر خزانہ شوکت ترین کا کہنا تھاکہ وزیراعظم عمران خان کا دورہ چین انتہائی کامیاب جا رہاہے، چین کے صدر اور وزیراعظم سے معاشی، تجارتی تعاون پر بات ہوگی۔

    اُدھر وفاقی وزیر اطلاعات فواد چودھری نے ٹویٹر پر ایک ٹویٹ کو ری ٹویٹ کرتے ہوئے بتایا کہ وزیراعظم عمران خان کی چین میں مصری صدر عبد الفتح السیسی اور قطری امیر تمیم بن حماد التھانی سے ملاقات کی۔

     

     

     

    وزیراعظم عمران خان کی بیجنگ میں ازبک صدر سے ملاقات ہوئی، سرمائی اولمپکس کی افتتاحی تقریب کے موقع پرملاقات ہوئی، دونوں رہنماؤں کا دوطرفہ تعلقات کے تمام پہلوؤں پر تفصیلی تبادلہ خیال کیا گیا۔

     

     

     

    دونوں رہنماؤں نے پاکستان اور ازبکستان کے درمیان شراکت داری کے فروغ کےعزم کا اعادہ کیا گیا۔

    وزیراعظم عمران خان نے تجارتی اور اقتصادی تعاون کو بڑھانے کی اہمیت پر زور دیا، دو طرفہ ٹرانزٹ ٹریڈ معاہدہ کو فعال کرنے اور ترجیحی تجارتی معاہدے پر بھی گفتگو کی گئی۔

    وزیراعظم نے ریلوے منصوبے کے لیے پاکستان کی مکمل حمایت کا اعادہ کیا جبکہ عمران خان نے سیاحت کے فروغ کے لیےبراہ راست پروازیں دوبارہ شروع کرنے پر زور دیا۔

    دونوں رہنماؤں نے تعلیم اور ثقافت میں تعاون پر بھی تبادلہ خیال کیا۔ ملاقات میں علاقائی امن و استحکام پر بھی غور کیا گیا، دونوں رہنماوں کاعالمی برادری سے افغانستان کی اقتصادی امداد جاری رکھنے کی ضرورت پر زور دیا اور وزیراعظم نے ازبک صدر کو دورہ پاکستان کی دعوت دی۔

    اُدھر وفاقی وزیرمنصوبہ بندی، ترقی ، اصلاحات وخصوصی اقدامات اسدعمر نے کہا ہے کہ وزیراعظم کے دورے کے بعد انفارمیشن ٹیکنالوجی ، زراعت اور صنعت کے شعبہ میں چینی سرمایہ کاری میں اضافہ ہو گا۔

    ایک انٹرویو میں انہوں نے کہا کہ دورہ چین کے دوران ہماری چینی سرمایہ کاروں کے ساتھ ملاقاتیں ہو رہی ہیں جو پاکستان میں مختلف شعبوں میں سرمایہ کاری میں دلچسپی رکھتے ہیں۔ وزیراعظم خود ان کی براہ راست بات بھی سن رہےہیں اور جو نکات وہ اٹھارہے ہیں ان کا جواب اور تمام وزارتوں کو اس حوالے سے عملدرآمد کے لئے احکامات جاری بھی کررہے ہیں۔ وزیراعظم عمران خان چینی وزیراعظم لی سے ملاقات بھی کررہے ہیں اور پاکستان جن شعبوں میں سرمایہ کاری کے لئے درخواست کررہا ہے ان پر بھی غور ہو گا ۔ چینی صدر شی جن پنگ کے ساتھ اتوار کو ہونے والی ملاقات میں وزیراعظم عمران خان یہی نکات اٹھائیں گے ۔امید ہے کہ اس دورے کے بعد انفارمیشن ٹیکنالوجی ، زراعت اور صنعت کے شعبہ میں چینی سرمایہ کاری میں اضافہ ہو گا۔

    چین میں میڈیا سے بات کرتے ہوئے فواد چودھری نے کہا کہ عمران خان کی کل چین کے صدرشی جن پنگ سے اہم ملاقات ہوگی، چین نے ہمیشہ ہرمشکل میں ہمارا ساتھ دیا ہے۔ وزیراعظم کے دورہ چین سے دوستی مزید مضبوط ہوگی۔ چین کشمیرکے معاملے پرپاکستان کے ساتھ کھڑا ہے۔

  • وزیراعظم نے چینی سرمایہ کاروں سے ملاقات میں کراچی فیصل آباد میں پانی کے منصوبوں پر گفتگو کی،فواد چوہدری

    وزیراعظم نے چینی سرمایہ کاروں سے ملاقات میں کراچی فیصل آباد میں پانی کے منصوبوں پر گفتگو کی،فواد چوہدری

    بیجنگ: وفاقی وزیر اطلاعات چوہدری فواد حسین نے کہا ہے کہ وزیراعظم عمران خان کی چینی سرمایہ کاروں سے ملاقات میں کراچی اور فیصل آباد میں پانی کے منصوبوں پر گفتگو ہوئی۔

    باغی ٹی وی : تفصیلات کے مطابق وفاقی وزیر اطلاعات چوہدری فواد حسین نے وزیراعظم عمران خان کے دورہ چین کے حوالے سے بتایا کہ وزیراعظم عمران خان کے ساتھ چین میں سرمایہ کاروں کی ملاقاتیں ہوئیں، جن میں کراچی اور فیصل آباد میں پانی کے منصوبوں کے حوالے سے گفتگو ہوئی، کراچی میں کے فور منصوبہ، حب کینال جبکہ فیصل آباد میں واٹر ٹریٹمنٹ پلانٹ کے حوالے سے بات ہوئی۔

    وزیراعظم عمران خان کی کامیاب بریفنگ:پہلی ملاقات میں چینی کمپنیوں کیساتھ اربوں ڈالرز کے معاہدے

    فواد چوہدری نے بتایا کہ وزیراعظم آج چین کے صدر کی جانب سے سربراہان مملکت کے اعزاز میں دیئے گئے ظہرانے میں شرکت کریں گے، وزیراعظم عمران خان کی آج شام کو اقوام متحدہ کے سیکریٹری جنرل، ازبکستان کے صدر اور چین کے وزیراعظم سے ملاقات ہوگی چین کے سرمائی اولمپکس میں پاکستان کی ٹیم پہلی مرتبہ شریک ہوئی، پاکستان کی ٹیم کا چین کے عوام کی جانب سے والہانہ خیرمقدم کیا گیا، پاک چین دوستی دونوں ملکوں کے عوام کی ایک دوسرے کے لئے محبت کے اظہار پر مبنی ہے۔

    فواد چوہدری نے مزید بتایا کہ چینی سرمایہ کار پاکستان میں سرمایہ کاری میں دلچسپی کا اظہار کر رہے ہیں، وزیراعظم عمران خان کی تھنک ٹینکس سے بھی ملاقات ہوئی، وزیراعظم نے زور دیا کہ دنیا ایک اور سرد جنگ کی متحمل نہیں ہو سکتی، امریکہ اور چین کے درمیان تنازعہ کو حل کرنے میں پاکستان اپنا کردار ادا کرنے کو تیار ہےوزیراعظم کی چین کے صدر شی جن پنگ سے ون آن ون ملاقات ہوگی، جس میں پاکستان کے تعلقات کے حوالے سے مزید گفتگو ہوگی، آج وزیراعظم سے پاکستان کے اقتصادی تعلقات کے حوالے سے تبادلہ خیال ہوگا۔

    یوم یکجہتی کشمیر، آرمی چیف کا کشمیریوں کے لئے پیغام

    واضح رہے کہ عمران خان کے دورہ چین کے دوران چینی کمپنیوں کے ساتھ اربوں ڈالرز کے معاہدے طے پا گئے ہیں گوادر میں سٹیل ری سائیکلنگ کے لیے ساڑھے 4 ارب ڈالر کی سرمایہ کاری کا معاہدہ طے پایا، زرعی ٹیکنالوجی ٹرانسفر کرنے کے لیے چائنا مشنری انجینئرنگ کارپوریشن ایک سنٹر قائم کرے گی۔ سی ایم ای سی نے کراچی میں 2 لاکھ میٹرک ٹن ایل این جی اسٹوریج میں بھی دلچسپی دکھائی۔

    وقت کی پکار کشمیر بزور شمشیر ازقلم:غنی محمود قصوری

    50 ملین ڈالر زرعی ٹیکنالوجی اور 500 ملین ڈالرز ایل این جی سٹوریج پر سرمایہ کاری ہو گی۔ چین کی ایک اور کمپنی نے فوجی فرٹیلائزر کے ساتھ متعدد ایم او یوز پر دستخط کردیے رائل گروپ بفلو فارم کے قیام کے لیے 50 ملین ڈالر کی سرمایہ کاری کرے گا۔ رائل گروپ دودھ کی پراسسنگ میں بھی 30 ملین ڈالر سرمایہ کاری کا ارادہ رکھتا ہے۔ چیلنج فیشن نے 250 ملین ڈالر کی لاگت سے فری اکنامک زون کے لیے مزید 100 ایکڑ زمین خرید لی۔ اس سرمایہ کاری سے برآمدات میں سالانہ 400 ملین اضافہ ہوگا اور 20 ہزار نوکریاں پیدا ہوں گی۔

    بھارتی رہنماؤں کی جانب سے کشمیر کے حوالے سے بھارتی حکومت پر تنقید

    سی آر بی سی کراچی پورٹ ٹرسٹ کی شراکت سے ساڑھے 3 ارب ڈالر کی سرمایہ کاری کرے گی۔ دونوں گروپوں کے اشتراک سے کراچی کوسٹل ڈویلپمنٹ زون قائم کیا جائے گا۔ نیو سوفٹ میڈیکل سسٹم میڈیکل کے میدان میں مصنوعی ذہانت پر 30 ملین ڈالر سرمایہ کاری کرے گا۔ نیو سوفٹ مزید 170 ملین ڈالر کی لاگت سے مختلف منصوبوں پر کام کرنے کا ارادہ رکھتی ہے ہنان سن واک کنسٹرکشن گروپ 2 ارب ڈالر کی لاگت سے 1 لاکھ کلومیٹر لمبی فائبر آپٹکس کیبل بچھائے گا، گلوبل سیمی کنڈکٹر گروپ 40 ملین ڈالر کی لاگت سے سکلز ڈویلپمنٹ سنٹر قائم کرے گا، اس سرمایہ کاری سے ایک لاکھ سے زائد نوکری کے مواقع میسر آئیں گے۔

    شہدا کو سلام،آزادی زیادہ دور نہیں،آصف زرداری، بلاول ،شہباز شریف

  • وزیراعظم بورس جانسن کودھچکا،4 قریبی ساتھی مستعفی

    وزیراعظم بورس جانسن کودھچکا،4 قریبی ساتھی مستعفی

    لندن: وزیراعظم بورس جانسن کوبڑا دھچکا،4 قریبی ساتھی مستعفی ،اطلاعات کے مطابق کورونا لاک ڈاؤن کے دوران پارٹی کرنے پر تنازع میں گھرے طانوی وزیراعظم بورس جانسن کے چیف آف اسٹاف سمیت 4 قریبی ساتھیوں نے استعفیٰ دے دیا۔

    برطانوی میڈیا کے مطابق کورونا لاک ڈاؤن میں پارٹی کرنے پرشدید تنقید کا نشانے بننے والے برطانوی وزیراعظم بورس جانسن کے4 قریبی اورقابل اعتماد ساتھیوں نے استعفیٰ دے دیا۔

    برطانوی وزیراعظم کے ساتھ 14 سے کام کرنے والی پالیسی چیف منیرہ مرزا نے اپوزیشن لیڈرسر کئیراسٹارمرسے متعلق بورس جانسن کے بیان پراستعفی دیا۔
    بورس جانسن نے اپوزیشن لیڈر سرکئیراسٹارمرپرجنسی جرائم میں ملوث برطانیہ کے مشہورٹی وی اورریڈیو میزبان جمی سوائل پرمقدمہ نہ چلانے کا الزام عائد کیا تھا۔

    برطانوی وزیراعظم کی ہیڈ آف پالیسی منیرہ مرزا، چیف آف اسٹاف ڈین روزنفیلڈ، پرنسپل پرائیوٹ سیکریٹری مارٹن رینلڈز اور کمیونیکیشن ڈائرکٹرجیک ڈوئیل شامل ہیں۔

    وزیراعظم بورس جانسن کے چاروں قریبی ساتھیوں نے اس تحقیقاتی رپورٹ سامنے آنے کے بعد استعفیٰ دیا جس میں انکشاف کیا گیا ہے کہ برطانوی وزیراعظم نے کورونا لاک ڈاؤن کی پابندیوں کی پرواہ نہ کرتے ہوئے متعدد مرتبہ پارٹیاں منعقد کیں۔

    برطانوی وزیراعظم کو کورونا پابندیوں کے دوران سرکاری رہائش گاہ پرپارٹیاں کرنے کے باعث شدید دباؤ اورتنقید کا سامنا ہے۔ اپوزیشن کے علاوہ ان کی اپنی کنزرویٹوپارٹی کے کچھ رہنما بھی بورس جانسن سے استعفیٰ کا مطالبہ کررہے ہیں۔بورس جانسن پارٹیاں منعقد کرنے پرپارلیمنٹ میں معافی بھی مانگ چکے ہیں۔

  • سرمائی اولمپکس 2022 کی افتتاحی تقریب میں وزیراعظم کی شرکت

    سرمائی اولمپکس 2022 کی افتتاحی تقریب میں وزیراعظم کی شرکت

    سرمائی اولمپکس 2022 کی افتتاحی تقریب کا آغاز،وزیراعظم کی افتتاحی تقریب میں شرکت

    وزیر اعظم عمران خان نے نئے چینی سال کے آغاز پر چینی عوام کو مبارک باد دی ہے ،وزیراعظم عمران خان کا کہنا تھا کہ یہ شیر کا سال ہے جو میرا پسندید جانور ہے ،وزیراعظم عمران خان نے نجی ٹی وی کو انٹرویو میں کہا کہ چین اور دنیا کیلئے امن اور خوشحالی کی دعا کرتا ہوں 20سال کھیلتا رہا لیکن اب ٹی وی پر اسپورٹس دیکھنے کا وقت بھی نہیں ملتا،ونٹر اولمپکس کی افتتاحی تقریب دیکھنا بہت خوشی کا موقع ہے،

    بیجنگ، سرمائی اولمپکس 2022 کی افتتاحی تقریب کا آغاز،وزیراعظم عمران خان نے سرمائی اولمپکس کی افتتاحی تقریب میں شرکت کی ہے وفاقی وزرا، شاہ محمود قریشی ،فوادچودھری اور اسد عمر بھی شریک تھے، وزیراعظم عمران خان کا کہنا تھا کہ ونٹر اولمپکس میں آمد میرے لئے ایک زبردست تعطیل جیسی ہے،بیجنگ میں واٹر اولمپکس دیکھنا میرے لئے خوشی کا باعث ہو گا،

    پاکستانی ایتھلیٹ محمد کریم بھی سرمائی اولمپکس کےمقابلوں میں شریک ہیں ،پاکستانی ایتھلیٹ محمد کریم الپائن سکی میں حصہ لیں گے محمد کریم تیسری مرتبہ ونٹر اولمپکس میں پاکستان کی نمائندگی کررہے ہیں ،محمد کریم کا تعلق گلگت بلتستان سے ہے محمد کریم نے پہلی مرتبہ سوچی ونٹر اولمپکس میں 2014 میں شرکت کی محمد کریم 109 اتھلیٹس میں سے 71 ویں پوزیشن پر رہے

    وفاقی وزیر اطلاعات فواد چودھری کا کہنا ہے کہ درجنوں ٹیمیں آئیں لیکن اسٹیڈیم میں کسی ٹیم کیلئے تالی بجی تو وہ پاکستان کی ٹیم تھی،عام چینی پاکستان سے محبت کرتا ہے اور یہ تالیاں اسی جذبے کا اظہار ہیں،وزیراعظم عمران خان نے نشست پر کھڑے ہو کر پاکستانی ٹیم کیلئے تالیاں بجائیں،

    تقریب میں چینی صدرسمیت مختلف ممالک کے سربراہان شریک ہیں ، چین پہلی بار ونٹر اولمپکس کی میزبانی کر رہا ہے ونٹر اولمپکس میں 91 ممالک شریک ہیں 2ہزار 871 اتھلیٹس مختلف مقابلوں میں حصہ لیں گے 15کھیلوں میں مختلف طرز کے 109 مقابلے ہوں گے ونٹراولمپکس کے مقابلے 4 فروری سے 20 فروری تک جاری رہیں گے بیجنگ کے علاوہ یانگ کنگ اور چونگ لی میں بھی مختلف مقابلے ہوں گے

    ونٹر اولمپکس میں ناروے سب سے آگے ہے ناروے نے 132 گولڈ، 125 سلور اور 111 برونز میڈل جیت رکھے ہیں امریکا نے 105 گولڈ، 112 سلور اور 88 برونز میڈل اپنے نام کر رکھے ہیں جرمنی نے 92 گولڈ ، 88 سلور اور 60 برونز میڈل اپنے نام کیے ہیں

    قبل ازیں وزیر اعظم عمران خان کی چین کے تھنک ٹینکس اور پاکستان اسٹڈی سینٹرز کے سربراہان سے ملاقات ہوئی ہے ،وزیراعظم عمران خان نے پاک چین تعلقات کی اہمیت اور علاقائی استحکام اور خوشحالی کو یقینی بنانے پر زوردیا،وزیر اعظم نے مقبوضہ جموں و کشمیر کے تنازع پر چین کی غیر متزلزل حمایت پر بھی شکریہ ادا کیا علاقائی استحکام اور خوشحالی کو یقینی بنانے میں پاک چین تعلقات کی اہمیت پر بھی بات چیت کی گئی وزیراعظم نے صدر شی جن پنگ کے بیلٹ اینڈ روڈ انیشیٹو کو خطے کی ترقی کیلئے اہم قرار دیا

    وزیراعظم عمران خان کا کہنا تھا کہ سی پیک کا پہلا مرحلہ بنیادی ڈھانچے کی ترقی اور رابطے پر مرکوز تھا، پاکستان سرمایہ کاری کے لیے زبردست مراعاتی پیشکش فراہم کر رہا ہے، بے شمار عالمی چیلنجوں کے پیش نظر دنیا ایک اور سرد جنگ کی متحمل نہیں ہو سکتی، پاکستان نے ماضی میں بھی پل کا کردار ادا کیا تھا اور دوبارہ ایسا کرنے کیلئے تیار ہے،

    وزیراعظم عمران خان نے چین کی سرکاری اور نجی کمپنیوں کے رہنماؤں سے ملاقات کی ہے ،چینی کمپنی سربراہان نےوزیر اعظم کو پاکستان میں جاری منصوبوں کی پیشرفت سے آگاہ کیا سرمایہ کاروں نے دھاتوں اور کاغذ کی ری سائیکلنگ سمیت مختلف شعبوں میں سرمایہ کاری بڑھانے میں دلچسپی ظاہر کی،وزیراعظم نے چینی کمپنیوں کی پاکستان میں سرمایہ کاری میں گہری دلچسپی کو سراہا وزیراعظم نے چینی کمپنیوں کے سربراہان کو پاکستان میں سرمایہ کاری کیلئے سازگار ماحول سے آگاہ کیا وزیرعظم کاچینی سرمایہ کاروں کوسی پیک کے خصوصی اقتصادی زونز میں سرمایہ کاری کرنے پر زوردیا ملاقاتوں میں وفاقی وزراء، مشیران اور اعلیٰ حکام بھی وزیراعظم کے ہمراہ تھے

    قبل ازیں وزیراعظم عمرا ن خان کی چین کے قومی ترقی اوراصلاحاتی کمیشن کے چیئرمین سے ملاقات ہوئی ہے ،چین کے سیاسی ،مشاورتی کونسل کے وائس چیئرمین بھی ملاقات میں شریک تھے ،اس موقع پر وزیراعظم عمران خان کا کہنا تھا کہ چین کے قومی ترقی اور اصلاحاتی کمیشن کا تعاون قابل تحسین ہے ،سی پیک منصوبوں نے ملک میں پائیدار معاشی ترقی کی مضبوط بنیاد رکھ دی ہےسی پیک ،بی آر آئی منصوبے کا اہم جزو ہے پاکستان اورچین گوادر کو خطے کا معاشی مرکز بنانے کے لیے کوششیں جاری رکھیں گے کورونا کے باوجود چین کے تعاون سے سی پیک منصوبوں پر کام جاری ہے وزیراعظم عمرا ن خان نے این ڈی آر سی اور دونوں اطراف کے متعلقہ حکام کی کوششوں کی تعریف کی

    وزیراعظم عمران خان کا کہنا تھا کہ سی پیک پاکستان اور چین دونوں کے لیے ا سٹریٹجک اہمیت کا حامل ہے سی پیک کی بروقت تکمیل اور اس کی اعلیٰ معیار کی ترقی کے لیے فریقین نے عزم کا اعادہ کیا،وزیراعظم عمران خان کا کہنا تھا کہ ایم ایل پر تیاری کے کام کو بھی ترجیح دیں گے،

    چیئرمین این ڈی سی آر کا کہنا تھا کہ چین سی پیک کو بہت اہمیت دیتا ہے، چین گزشتہ 7سال میں پاکستان کا بڑا تجارتی شراکت دار بن گیا اقتصادی اور تجارتی تعلقات کی رفتار کو برقرار رکھنے کے خواہاں ہیں،

    پاکستانی سرمایہ کاری بورڈ اور چینی ہم منصب میں صنعتی تعاون کے فروغ کے لیے معاہدے پر دستخط ہوئے وزیر اعظم عمران خان نے تقریب میں آن لائن شرکت کی وزیر مملکت سرمایہ کاری بورڈ اورچینی این آر ڈی سی چیئرمین نے معاہدے پر دستخط کیے

    دوسری جانب وفاقی وزیر اطلاعات فواد چودھری کا کہنا تھا کہ پاکستان کے وزیراعظم عمران خان کی چین میں مصروفیات،
    آج صبح چین کے سرمایہ کاروں سے ملاقات ہوئی، شام کو چین کے صدر شی جن پنگ کے ساتھ سرمائی اولمپکس کی افتتاحی تقریب میں مہمان خصوصی ہوں گے

    وزیراعظم عمران خان کے دورہ چین میں انکے استقبال کولے کر ٹویٹر پر بحث جاری ہے، وزیراعظم عمران خان وزراء کے وفد کے ساتھ چین پہنچے تو انکا استقبال وزارت خارجہ کے سیکرٹری نے کیا، استقبال کو لے صارفین نے ٹویٹس کی ہیں، ایک صارف کا کہنا تھا کہ وہ وقت دور نہیں جب بیرون ملک دوروں پر خان کا استقبال میزبان ملک کی محلہ کمیٹی کا چیئرمین کرے گا اور چنگچی پر بٹھا کر پورے پروٹوکول کے ساتھ ائرپورٹ سے لگ جایا جائے گا

    غریدہ فاروقی نے لکھا کہ وزیراعظم عمران خان کی 4-روزہ دورے پر چین آمد۔ چین کے اسسٹنٹ وزیرِ خارجہ (چینی وزارتِ خارجہ میں سیکنڈ اِن رینک – بمقابل پاکستانی سیکرٹری خارجہ) نے وزیراعظم خان کا استقبال کیا۔

    سینیٹر ڈاکٹر عبدالکریم بھی پیھچے نہ رہے اور ٹویٹر پر ایک تصویر شیئر کرتے ہوئے کہا کہ یہ ہوتاھے فرق ،منتخب وزیراعظم ،اور سلیکٹڈ وزیراعظم میں

    ایک صارف کا کہنا تھا کہ لیڈر اور سلیکٹڈ کٹھ پتلی میں فرق جان کے جیو۔ جب منتخب صدر آصف علی زرداری نے چین کا دورہ کیا کرتے تھے تو چینی صدر سمیت ساری قوم استقبال کرتی تھی۔اب جب سلیکٹڈ وزیراعظم چین کا دورہ کررہا ہے تو اس کا استقبال ایک سفیر کررہا ھے۔

    ایک صارف نے کہا کہ "اسسٹنٹ” وزیر نے استقبال کیا ہے اور ہمارا وزیراعظم آفس اس پر بھی فخریہ ٹویٹ کر رہا ہے۔

    واضح رہے کہ وزیراعظم عمران خان گزشتہ روز چین کے چار روزہ دورے پر روانہ ہوئے تھے ,قبل ازیں ترجمان وزارت خارجہ نے کہا تھا کہ چینی قیادت کی خصوصی دعوت پر وزیراعظم ونٹر اولمپک گیمز کی افتتاحی تقریب میں شرکت کریں گے، ان کے ہمراہ کابینہ کے ارکان اور اعلیٰ سرکاری افسران سمیت اعلیٰ سطح کا وفد بھی ہوگا وزیراعظم اپنے دورے میں صدرشی جن پنگ، وزیراعظم لی کی چیانگ سے ملاقاتیں کریں گے، اس دوران سی پیک سمیت تجارتی اور اقتصادی تعاون مضبوط بنانے پر خصوصی توجہ دی جائےگی جب کہ چین میں قیام کے دوران ملاقاتوں میں اہم علاقائی اور عالمی امورپربھی پرتبادلہ خیال ہوگا۔

    ترجمان نے کہا تھا کہ وزیراعظم کادورہ پاک چین سفارتی تعلقات کےقیام کی 70 ویں سالگرہ کی یادگاری تقریبات کا اختتام ہوگا، وزیراعظم کے دورے میں متعدد ایم او یوز اور معاہدوں پر دستخط کیے جائیں گے وزیراعظم عمران خان بیجنگ میں چین کی کاروباری شخصیات اورسرکردہ تھنک ٹینکس سےخطاب کریں گے جب کہ چین میں تعلیمی اداروں اور میڈیا کے نمائندوں سے بھی ملاقات کریں گے۔