Baaghi TV

Tag: ٌاتازہ ترین

  • بابراعظم کی ٹی ٹوئنٹی اسکواڈ میں واپسی کا امکان

    بابراعظم کی ٹی ٹوئنٹی اسکواڈ میں واپسی کا امکان

    سابق کپتان بابراعظم کی ٹی ٹوئنٹی اسکواڈ میں واپسی کا امکان ہے۔

    پی سی بی نے فخر زمان کے فٹنس مسائل کے باعث بابراعظم کی ٹی ٹوئنٹی اسکواڈ میں واپسی پر غور شروع کردیا ہےفخر زمان ویسٹ انڈیز کے خلاف ٹی ٹوئنٹی سیریز کے دوران انجری کا شکار ہو گئے جس کی وجہ سے وہ نہ صرف آخری ٹی ٹوئنٹی میچ نہ کھیل سکے بلکہ ون ڈے سیریز سے بھی باہر ہو گئےاوپننگ بلے باز فخر زمان کی انجری نے سلیکٹرز کو متبادل کھلاڑی کو قومی اسکواڈ میں شامل کرنے پر مجبور کر دیا ہے۔

    فلوریڈا سے وطن واپسی کے بعد فخر زمان کی انجری اور ری ہیب کا فیصلہ ہوگا تاہم ان کے متبادل کے طور پر سلیکٹرز نے سابق کپتان بابر اعظم پر توجہ مرکوز کر لی ہے،فخر زمان کے مکمل طور پر فٹ نہ ہونے کی صورت میں بابر ٹیم میں شامل ہونے کے مضبوط امیدوار ہیں۔

    آج ایوان میں کشمیر کے معاملے پر تمام جماعتوں میں اتحاد نظر آیا ہے،شرجیل میمن

    بابر اعظم کی واپسی کا انحصار ویسٹ انڈیز کے خلاف ون ڈے سیریز میں ان کی کارکردگی پر ہو گا، اگر وہ اچھے کھیل سے سلیکٹرز کو متاثر کرنے میں کامیاب ہو جاتے ہیں تو ان کی ٹیم میں واپسی کے امکانات پیدا ہو جائیں گے،ویسٹ انڈیز کے خلاف ون ڈے سیریز میں کارکردگی، ایشیا کپ 2025 اور سہ ملکی ٹی 20 اسکواڈ میں شمیولیت کے لیے ان کے راستے کھول سکتی ہے۔

    ہانگ کانگ میں طوفانی بارشوں نے 141 سالہ ریکارڈ توڑ دیا

  • آج ایوان میں کشمیر کے معاملے پر تمام جماعتوں میں اتحاد نظر آیا ہے،شرجیل میمن

    آج ایوان میں کشمیر کے معاملے پر تمام جماعتوں میں اتحاد نظر آیا ہے،شرجیل میمن

    کراچی:سینئر صوبائی وزیر اور وزیر اطلاعات سندھ شرجیل میمن نے کہا ہے کہ شہید ذوالفقار علی بھٹو اور بے نظیر بھٹو نے ہمیشہ کشمیر کا مقدمہ لڑا۔

    سندھ اسمبلی میں اظہار خیال کرتے ہوئے انہوں نے کہا کہ آج ایوان میں کشمیر کے معاملے پر تمام جماعتوں میں اتحاد نظر آیا ہے، سب باہمی اختلاف بھلا کر یک آواز ہیں، کشمیر پر بھارت نے قبضہ کیا ہوا ہے، وہاں مودی نے اقوام متحدہ کی قراردادوں کو بلڈوز کیا ہے اور اس نے کشمیر کا اسٹیٹس تبدیل کرنے کی کوشش کی ہے،کشمیر کے معاملے پر پوری سندھ اسمبلی اختلافات بھلا کر یک آواز ہے، شہید ذوالفقار علی بھٹو اور بے نظیر بھٹو نے ہمیشہ کشمیر کا مقدمہ لڑا۔

    شرجیل انعام میمن نے کہا کہ لاکھوں بھارتی فوج نے کشمیر کا محاصرہ کیا ہوا ہے، عالمی کمیونٹی پر فرض ہے کہ اپنی قرارداد پر عمل کروائے، کشمیر پر کسی قسم کی سودے بازی نہیں ہوگی، شہید بھٹو نے 15 سال کی عمر میں قائد اعظم کو کشمیر کے مسئلے پر خط لکھا تھا، شہید بھٹو نے کہا تھا کشمیر کے مسئلے پر مجھ سے کبھی بھی غلطی نہیں ہوسکتی-

    کیا مسائل کا حل خود کشی ہے .تحریر: انجینیئر علی رضوان چوہدری

    انہوں نے کہا کہ شہید بھٹو نے ہر فورم پر کشمیر کا مقدمہ لڑا، شہید محترمہ بے نظیر بھٹو نے بھی دنیا کے سامنے کشمیر کا مقدمہ لڑا، بلاول بھٹو زرداری نے بھارت کا دورہ کیا، بلاول بھٹو زرداری کے سر کی قیمت رکھی گئی، ہیڈ منی کے باوجود بلاول بھٹو بھارت گئے اور وہیں کشمیر کا مدعا اٹھایا،اس موقع پر شرجیل انعام میمن نے ذوالفقار بھٹو اور بینظیر بھٹو کی کشمیر کے متعلق تقاریر اسمبلی کی اسکرین پر چلوائیں۔

    پنجاب کابینہ نےملازمین کی بیوہ کو تاحیات پنشن دینے کی منظوری دیدی

  • ہانگ کانگ میں طوفانی بارشوں نے 141 سالہ ریکارڈ توڑ دیا

    ہانگ کانگ میں طوفانی بارشوں نے 141 سالہ ریکارڈ توڑ دیا

    ہانگ کانگ میں طوفانی بارشوں نے 141 سالہ ریکارڈ توڑ دیا ہے۔

    خبر ایجنسی کے مطابق رواں سال مون سون سیزن کے دوران 1884 کے بعد اگست میں ایک دن میں سب سے زیادہ بارش کا ریکارڈ بن گیاہانگ کانگ میں ہر گھنٹے اوسط نوے ملی میٹر بارش ریکارڈ کی جا رہی ہے،ایک ہی روز میں چار مرتبہ بلیک رین اسٹورم کا الرٹ جاری کیا گیا،شدید بارش اور بلیک لیول وارننگ کے بعد تعلیمی ادارے، کلینک اور عدالتوں سمیت دفاتر عارضی طور پر بند کردیے گئے ہیں۔سڑکیں اور سیڑھیاں آبشار کا منظر پیش کر رہی ہیں۔

    ایک گھنٹے میں دس ہزار مرتبہ بجلی گرنے کے واقعات ریکارڈ ہوئے، شدید بارش کی وجہ سے ٹرینیں منسوخ، فلائٹ آپریشن معطل کر دیا گیا ہے، مواصلاتی نظام شدید متاثر ہے،جاپان کے صوبہ گوانگ ڈونگ میں بھی فی گھنٹہ 90 ملی میٹر بارش ریکارڈ کی گئی ہے۔

    6 بج کر 59 منٹ تک (پاکستانی وقت کے مطابق 3 بجے سے 3:59 بجے تک) آسمان پر تقریباً 10 ہزار بار بجلی چمکی، اور بارش کی شدت 90 ملی میٹر فی گھنٹہ تک رہی، جو نہ صرف شہر بلکہ ہمسایہ صوبے گوانگ ڈونگ کو بھی متاثر کرتی رہی۔

    پنجاب کابینہ نےملازمین کی بیوہ کو تاحیات پنشن دینے کی منظوری دیدی

    ویڈیوز میں دیکھا جا سکتا ہے کہ پہاڑی علاقوں سے پانی کے تیز ریلے نیچے کی جانب آتے ہوئے سیڑھیوں کو سفید جھاگ والے جھرنے میں تبدیل کر رہے ہیں، ہانگ کانگ کی پیچیدہ اور کثیرالمنزلہ شہری ساخت کے باعث پانی تیزی سے نیچے کی طرف بہتا رہا،ہسپتال، اسکول اور عدالتیں بند کر دی گئیں جبکہ شہر کی سیڑھیاں تیز بہاؤ والے جھرنوں کا منظر پیش کرتی رہیں۔

    انتہائی خطرناک صورتحال کے پیش نظر محکمہ موسمیات نے ’بلیک‘ یعنی سب سے بلند سطح کی بارش کی وارننگ سہ پہر 3 بجے تک بڑھا دی،ماہرین موسمیات کے مطابق ماحولیاتی تبدیلی سے منسلک شدید بارشیں اور مہلک سیلاب چین کے حکام کے لیے بڑھتی ہوئی آزمائش بن چکے ہیں، جن کے نتیجے میں ہلاکتیں، ہزاروں کی نقل مکانی اور اربوں ڈالر کا معاشی نقصان ہو رہا ہےیہ طوفان اس ہفتے کے اختتام پر جنوبی چین میں آنے والے مہلک سیلاب کے فوراً بعد آئے ہیں، جن میں گوانگ ڈونگ میں 5 افراد ہلاک ہوئے، اور 1300 سے زائد امدادی اہلکاروں پر مشتمل ریسکیو آپریشن شروع کیا گیا۔

    ملک گیر احتجاج: پی ٹی آئی کا کارکنوں کی گرفتاریوں کا دعویٰ

    سرکاری نشریاتی ادارے سی سی ٹی وی نے اطلاع دی کہ منگل کی صبح تک گوانگ ڈونگ کے 4 بڑی دریا اتنا پانی سمیٹ چکے تھے کہ ان کے کنارے ٹوٹنے کے خطرات پیدا ہو چکے تھے ریڈ وارننگ کی حدود میں آنے والے ہانگ کانگ، گوانگ ڈونگ اور مکاؤ صدر شی جن پنگ کے گریٹر بے ایریا منصوبے کی بنیاد ہیں، جس کا مقصد ہانگ کانگ کی مالی طاقت کو گوانگ ڈونگ کی صنعتی اور تکنیکی مہارت سے جوڑنا ہے۔

    خطے کے ہوائی اڈوں پر پروازوں کی منسوخی کی شرح منگل کو تقریباً 20 فیصد رہی، جبکہ ہانگ کانگ-ژوہائی-مکاؤ پل پر حد نگاہ محدود ہونے کے باعث رفتار کی حد کم کر دی گئی،ہانگ کانگ کا ہوائی اڈہ معمول کے مطابق کام کرتا رہا، تاہم کچھ پروازیں تاخیر کا شکار ہوئیں اور مسافروں کو ہدایت دی گئی کہ صرف تصدیق شدہ فلائٹ شیڈول کے بعد ایئرپورٹ پہنچیں۔

    وفاق اور صوبے باہمی ہم آہنگی اور مربوط حکمت عملی سے کام کریں،وزیراعظم

    ہانگ کانگ اسٹاک ایکسچینج کھلا رہا، کیونکہ اس نے گزشتہ سال موسم کی پرواہ کیے بغیر کاروبار جاری رکھنے کی پالیسی اختیار کی تھی، تاہم عدلیہ نے اعلان کیا کہ عدالتیں، ٹریبونلز اور رجسٹری دفاتر کم از کم ’بلیک‘ الرٹ ختم ہونے کے 2 گھنٹے بعد تک بند رہیں گے، ہانگ کانگ ڈزنی لینڈ نے اپنی ویب سائٹ پر اعلان کیا ہے کہ پارک کھلا ہے اور آج کی ’فرینڈٹاسٹک! پریڈ‘ حسبِ معمول منعقد ہوگی۔

    واضح رہے کہ ہانگ کانگ میں سالانہ اوسط بارش 2200 ملی میٹر کے قریب ہوتی ہے، جس میں سے نصف سے زیادہ جون تا اگست کے دوران ہوتی ہے۔

  • پنجاب کابینہ نےملازمین کی بیوہ کو تاحیات پنشن دینے کی منظوری دیدی

    پنجاب کابینہ نےملازمین کی بیوہ کو تاحیات پنشن دینے کی منظوری دیدی

    پنجاب کابینہ نے صوبے میں پانچویں اور آٹھویں جماعت کے امتحانات سرکاری طور پر لینے کی منظوری دے دی-

    وزیراعلیٰ پنجاب مریم نواز شریف کی زیر صدارت صوبائی کابینہ کا 28 واں اجلاس ہوا جس میں130 نکاتی ایجنڈا پیش کیا گیا اور اس کی منظوری دی گئی،پنجاب کابینہ نے صوبے میں صنعتی ورکرز کے لئے1220فلیٹس دینے کی منظوری دی، لیبر کمپلیکس سندر، قصور، لیبر کالونی ٹیکسلا میں ورکرز کوقرعہ اندازی کے ذریعے فلیٹس ملیں گےوزیراعلیٰ پنجاب نے ورکرز سے فلیٹس کی قیمت وصول کرنے کی تجویز مسترد کر دی اور صنعتی ورکرزکے لئے مزید 3 ہزار فلیٹس بنانے کے لئے فوری اقدامات کا حکم دیا۔

    صوبائی کابینہ نے ہنر مند، نیم ہنرمند اور دیگر 102 کیٹگری میں ورکرز کی تنخواہ یکساں طور پر 40 ہزار کرنے کی منظوری دی،مریم نواز نے فلڈ ڈیوٹی سرانجام دینے والے ریسکیو اہلکاروں کے لئے 50، 50 ہزار روپے انعام دینے کا اعلان کیا، کابینہ نے طوفانی بارشوں کے بعد سیلاب کے دوران ریلیف کارروائیوں پر ریسکیو 1122کو سراہا،صوبائی کابینہ نے پنجاب میں پانچویں اور آٹھویں کے امتحانات سرکاری طور پر لینے کی منظوری دی، پانچویں کلاس کے طلبہ کا جائزہ اور آٹھویں کلاس کے طلبہ کا باقاعدہ امتحان ہوگا، ملازمین کی بیوہ کو تاحیات پنشن دینے کی منظوری بھی دی۔

    کسی بھی صورت میں دہشتگردوں کو پناہ یا سہولت فراہم نہ کریں،جرگے میں فیصلہ

    وزیراعلیٰ مریم نواز شریف نے جیلوں میں قیدیوں کے لئے باقاعدہ انڈسٹری قائم کرنے کا حکم دیا اور کہا کہ مزدوری کرنے والے قیدیوں کو اجرت بھی ملے گی،وزیراعلیٰ مریم نواز نے جیلوں میں مانیٹرنگ کا تھرڈ پارٹی سسٹم وضح کرنے کی ہدایت کی،وزیراعلیٰ مریم نواز شریف کی ہدایت پرسرمایہ کاری کے فروغ کے لئے تاریخی اقدام کیا گیا۔

    پٹرول پمپس کے قیام کے لئے آن لائن ایپلی کیشن کی منظوری دی گئی، سرمایہ کاروں کو 16 کی بجائے صرف 6 دستاویزات پیش کرنے ہوں گی، آن لائن اپلائی کرکے سرمایہ کار آن لائن این او سی حاصل کر سکیں گے،پنجاب میں پہلی مرتبہ ورکرز کی سیفٹی کے لئے جامع رولز کی منظوری دی، پنجاب ایکوپیشنل سیفٹی اینڈ ہیلتھ رولز2024 کی منظوری دے گئی۔

    وزیراعلیٰ مریم نواز شریف نے سیوریج اور تعمیراتی کام کرنے والے مزدوروں کی سیفٹی یقینی بنانے کا حکم دیا، ورکرز نے سیفٹی یقینی بنانے کے لئے لیبر ڈیپارٹمنٹ کو انفورسمنٹ فورس بنانے کی ہدایت دی،مریم نواز نے کہا کہ صرف قوانین بنانا کافی نہیں، ہر سطح پر عملدرآمد ضروری ہے، غریب ورکرز اور مزدوروں کی جان بھی قیمتی ہے، ہر قیمت پر تحفظ یقینی بنائیں گے۔

    خیبر پختونخوا میں سیاسی قیادت کمپرومائزڈ ہے، طلال چوہدری

    کابینہ نے چائلڈ لیبر روکنے کے لئے پنجاب ریسکٹریکشن آن ایمپلائیمنٹ آف چلڈرن رولز 2024ء کے مسودے کی منظوری دی،اس کے علاوہ گورنمنٹ اور پرائیویٹ یونیورسٹیوں میں خزانچی رجسٹرار اور کنٹرولر امتحانات کی تعیناتی کا یکساں طریقہ کار نافذ کرنے کی بھی منظوری دی گئی،وزیراعلیٰ نے پنجاب بھر میں آڈٹ رپورٹس پر ضروری اقدامات اور مانیٹرنگ کی ہدایت کی،کابینہ اجلاس میں وائس چانسلر کی تعیناتی کے لئے مارکیٹ سے ہایئرنگ کی تجویز پر اتفاق کیا گیا۔

    کابینہ نے وائس چانسلر کے لئے کم از کم 80 فیصد مارکس حاصل کرنے کی منظوری بھی دی،پنجاب کی سڑکوں پر اے آئی ٹریفک مینجمنٹ سسٹم 90دن کے اندر نافذ ہوجائے گا، کابینہ نے سڑکوں پر ایکسل روڈ مینجمنٹ سسٹم کا فوری نفاذ یقینی بنانے کا حکم دیا،پنجاب کے 5 ڈویژن میں واسا کے قیام کی منظوری دی گئی، مزید 13شہروں میں واسا قائم کیے جائیں گے۔

    نرسز کے لیے سرکاری اسپتالوں میں پیڈ انٹرن شپ کی منظوری دی گئی، پنجاب میں کسان کارڈ کی شاندار کامیابی ہوئی جب کہ فیز 1 میں 99فیصد ریکوری ہوئی، 6 لاکھ 90ہزار کسانوں کو 93ارب روپے جاری کیے گئے، کاشتکاروں نے زرعی مداخل کے لئے 47 ارب روپے استعمال کر لیے،وزیراعلیٰ کے ہائی ٹیک میکانزیشن کے تحت ٹریکٹر سازی کے نئے کارخانے قائم کیے گئے، حکومت پنجاب اور ڈیئر فاؤنڈیشن انٹرنیشنل، ہوبارہ انٹرنیشنل فاؤنڈیشن کے درمیان ایم او یو کی منظوری دی گئی۔

    فٹنس مسائل:ارشد ندیم ڈائمنڈ لیگ سے باہرہو گئے

    اجلاس میں مقامی پرندوں کے تحفظ کے لئے ریگولیٹری فریم ورک کی منظوری بھی دی گئی، اس کے علاوہ پی ڈی ایم اے کو 2.6ارب روپے کے فنڈز سیلاب متاثرین کے لئے خرچ کرنے کی منظوری دی گئی،صوبائی کابینہ نے ری اوٹ مینجمنٹ پولیس میں کانسٹیبل کی بھرتی، وال سٹی اتھارٹی میں تین نئی اسامیوں پر بھرتی کی منظوری دی گئی، پنجاب چیئریٹیز کمیشن میں بھرتیوں کے لئے پابندی میں نرمی کی منظوری دی گئی۔

    وزیراعلیٰ نے فیک خیراتی اداروں کی اسکروٹنی اور ہر چار ماہ کے بعد رپورٹ پیش کرنے کی ہدایت دی، کابینہ نے پھاٹا کے بجٹ کی منظوری کااختیار، گورننگ باڈی کو دینے کی منظوری دی،وزیراعلیٰ مریم نواز شریف نے پھاٹا کی مانیٹرنگ کا طریقہ کار وضح کرنے کی ہدایت کی، پنجاب انرجی ہولڈنگ کمپنی لمیٹڈ کے بورڈ آف ڈائریکٹر کے نئے ممبر کی نامزدگی، ہوم ڈیپارٹمنٹ میں ایم آئی ایس سسٹم کے اسٹاف کی مدت ملازمت میں تین ماہ توسیع کی منظوری دی گئی۔

    کیل مہاسوں کے علاج کے طور پر اداکارہ تمنا بھاٹیا کی حیران کن بیوٹی ٹپ

    اجلاس میں لیٹریسی ڈیپارٹمنٹ کو اسکول ونگ کے ساتھ منسلک کرنے کی تجویز پر اتفاق کیا گیا،کابینہ نے مختلف اداروں میں ملازمین کی بھرتی، سیمنٹ پلانٹس کے این او سی کی تاریخ تنسیخ میں توسیع، اسپورٹس بورڈ پنجاب کی تشکیل نو کے لئے ترمیم کی منظوری دی گئی،اجلاس میں اہم مہمان شخصیات کی سیکیورٹی کویقینی بنانے کے لئے بلٹ پروف گاڑیاں خریدنے، پنجاب ڈرگ رولز میں ترمیم، پنجاب انرجی ایفیشنسی اینڈ کنزرویشن ایکٹ2025 ء کے تحت PEECA کے قیام، ٹیلی کام سیکٹر کو سرکاری اراضی لیز پر دینے کے لئے اقدامات،گنے پر ریسرچ کے لئے قیام شوگر کین ریسرچ اینڈ ڈویلپمنٹ بورڈ ایکٹ 2025، کلینکل اور نان کلینکل اسامیوں پر بھرتی کے لئے پنجاب لوکم ریکروٹمنٹ ایکٹ 2025ء کی منظوری بھی دی گئی۔

  • ملک گیر احتجاج: پی ٹی آئی کا کارکنوں کی گرفتاریوں کا دعویٰ

    ملک گیر احتجاج: پی ٹی آئی کا کارکنوں کی گرفتاریوں کا دعویٰ

    لاہور پولیس نے احتجاج کرنے والے پی ٹی آئی رہنماؤں اور کارکنوں کو گرفتار کرنا شروع کر دیا ہے-

    عمران خان توشہ خانہ کے تحائف سے متعلق کیس میں5 اگست 2023 سے جیل میں ہیں اور 190 ملین پاؤنڈ کرپشن کیس میں سزا کاٹ رہے ہیں، ان پر 9 مئی 2023 کے پرتشدد واقعات کے سلسلے میں دہشت گردی کے الزامات کے تحت دیگر مقدمات بھی زیرِ التوا ہیں،عمران خان نے ملک بھر میں احتجاج کی کال دی تھی، جو ان کی گرفتاری کو دو سال مکمل ہونے کے موقع پر آج اپنے ’عروج‘ پر پہنچنا تھی, پی ٹی آئی رہنما اسد قیصر نے کہا کہ 5 اگست احتجاج کا نقطۂ آغاز ہے، مگر اسے ’آخری کال‘ نہ سمجھا جائے۔

    ذرائع کے مطابق لاہور پولیس نے احتجاج کرنے والے پی ٹی آئی رہنماؤں اور کارکنوں کو گرفتار کرنا شروع کر دیا ہے3 روز کے دوران 500 زائد کارکنان کو گرفتار کرلیا گیا ہے صبح سے اب تک احتجاج کی کوشش کرنے والے ڈپٹی اپوزیشن لیڈر سمیت 6 ایم پی ایز بھی گرفتار کیے گیے ہیں،ایوان عدل کے باہر پولیس کی بھاری نفری تیعنات اور لبرٹی چوک پر بھی کنٹرینرز پہنچا دئیے گئے ہیں اس کے علاوہ قیدی وینز اور واٹر کینن ایوان عدل کے باہر پہنچا دی گئی ہیں۔

    ذرائع کے مطابق لاہور میں ایوان عدل سے وکلا کی لاہور ہائیکورٹ تک ریلی نکالنے کی کوشش پولیس نے ناکام بنا دی۔ وکلا نے احتجاج کرتے ہوئے سڑک بلاک کر دی پولیس نے ایوان عدل سے ریحانہ ڈار، ان کی بہو عروبہ ڈار سمیت کئی رہنماؤں کو گرفتار کرلیا پی ٹی آئی کی وکیل رہنما ناز بلوچ بھی ایوان عدل کے باہر سے گرفتار کرلی گئیں۔

    پی ٹی آئی نے ایک بیان میں کہا کہ ’ریحانہ ڈار جیسی بزرگ خاتون کو پنجاب پولیس جس طرح گھسیٹ رہی ہے، وہ انتہائی شرمناک منظر ہے‘۔

    پی ٹی آئی کے آفیشل ایکس اکاؤنٹ پر شیئر کردہ ایک ویڈیو میں ریحانہ ڈار کو دکھایا گیا، جو 2024 کے عام انتخابات میں سیالکوٹ سے مسلم لیگ (ن) کے وزیر دفاع خواجہ آصف کے خلاف امیدوار تھیں، اور پولیس اہلکار انہیں وین میں زبردستی بٹھا رہے ہیں،پارٹی نے الزام لگایا کہ وزیراعلیٰ پنجاب مریم نواز اور آئی جی پنجاب ڈاکٹر عثمان انور اخلاقیات اور شرافت کے تمام اصول روند چکے ہیں اور پستی کے نئے درجے تک گرگئے ہیں۔

    پی ٹی آئی بہاولپور کے اکاؤنٹ نے دعویٰ کیا کہ بلوچستان کے ضلع کوہلو میں احتجاج کرنے والے اس کے متعدد کارکنوں کو گرفتار کیا گیا ہے، پارٹی کی طرف سے شیئر کی گئی تصاویر میں کارکنوں کو پولیس وین میں سوار ہوتے وقت فتح کا نشان بناتے ہوئے دکھایا گیا، جب کہ پولیس اہلکار لاٹھیوں سے لیس نظر آئے۔

    پی ٹی آئی ملتان نے الزام لگایا کہ لاہور میں اس کے جلسے پر پولیس نے ’حملہ‘ کیا، جس میں متعدد گاڑیوں کو نقصان پہنچا، شیئر کی گئی تصاویر میں ایک گاڑی کی پچھلی کھڑکی کو ٹوٹا ہوا اور اس میں سوراخ دیکھا جا سکتا ہے۔

    اسد قیصر نے گزشتہ روز کہا تھا کہ پنجاب اور کشمیر میں پولیس نے چھاپے مارنے شروع کر دیے ہیں، جبکہ پی ٹی آئی پنجاب میڈیا سیل کے سربراہ شیان بشیر نے دعویٰ کیا کہ پولیس نے تقریباً 200 چھاپے مارے اور پارٹی کارکنوں کو حراست میں لیا، جنہیں مبینہ طور پر حلف نامے جمع کروانے کے بعد رہا کیا گیا۔

    ذرائع کے مطابق پی ٹی آئی احتجاج کے معاملے میں پارلیمنٹ ہاؤس کے باہر پولیس کی مزید اضافی نفری پہنچ گئی، تاہم اسپیکر نے پی ٹی آئی ایم این ایز کو پارلیمنٹ کے احاطے سے گرفتاریاں نہ کرنے کی یقین دہانی کرا دی ہے،پارلیمنٹ ہاؤس کا مرکزی داخلی دروازہ بند کردیا گیا ہے، مرکزی گیٹ کے دونوں جانب تالے لگا دئیے گئے جبکہ متبادل راستہ کھلوا دیا گیا ہے، سلمان اکرم پچھلے دروازے سے نکل گئے ہیں،تحریک انصاف کے ارکانِ پارلیمنٹ کی بڑی تعداد تاحال پارلیمنٹ ہاوس کے اندر موجود ہے۔

    ادھر تحریک انصاف کی احتجاج کی کال پر اڈیالہ جیل کے باہر سیکیورٹی کے سخت انتظامات کیے گئے ہیں جبکہ اضافی نفری کے ساتھ ساتھ رکاوٹیں بھی کھڑی کی گئی ہیں، اڈیالہ جیل جانیوالے راستوں پر پولیس کے ناکے لگ گئے ہیں۔

  • خیبر پختونخوا میں سیاسی قیادت کمپرومائزڈ ہے، طلال چوہدری

    خیبر پختونخوا میں سیاسی قیادت کمپرومائزڈ ہے، طلال چوہدری

    اسلام آباد: وزیر مملکت برائے داخلہ طلال چوہدری نے کہا ہےکہ پاکستان کےخلاف کسی دشمن ملک نے اتنی لابنگ نہیں کی جتنی پی ٹی آئی نے کی-

    قومی اسمبلی میں اظہار خیال کرتے ہوئے طلال چوہدری نے کہا کہ، خیبر پختونخوا کا مسئلہ سیکیورٹی فورسز کا نہیں بلکہ سیاسی قیادت کی بزدلی کا ہے، باجوڑ سمیت کسی بھی جگہ کوئی نیا آپریشن نہیں ہو رہا، البتہ نیشنل ایکشن پلان پر لازمی عمل ہوگا سیکیورٹی فورسز لڑ رہی ہیں، خیبر پختونخوا اور بلوچستان کی سیاسی فورسز کہاں ہیں؟ خیبر پختونخوا میں سیاسی قیادت کمپرومائزڈ ہے، بانی پی ٹی آئی کہہ رہے ہیں اگر وزیر اعلیٰ نے دہشت گردوں کے خلاف کارروائی کی تو انہیں فارغ کر دیا جائے گا۔

    طلال چوہدری نے کہا کہ،کنفیوژن اور تقسیم پی ٹی آئی کےاندرہے، احتجاج کریں ، سو بارکریں، ہم گرفتارنہیں کریں گے تاہم آنٹی ریحانہ ہوں یا کوئی اور، قانون 80 سال کا توڑے یا 18 سال کا، یہ ایک جیسی بات ہے،آپ اپنے احتجاج کے پروگرام سے انتظامیہ کو آگاہ کیوں نہیں کرتے، آپ آگاہ کریں تو ہم سکیورٹی دیں گے، ڈپٹی کمشنر کو ڈاک کے ذریعے تین روز قبل آج کے احتجاج کا خط ملا، اس خط پر لکھے نمبروں پر کسی سے رابطہ نہ ہوا۔

    پاکستان میں ہونے والی دہشت گردی کے پیچھے بھارت کا ہاتھ ہے،مصطفیٰ کمال

    طلال چوہدری نےکہا کہ کل یوم استحصال کشمیر اور پی ٹی آئی کے احتجاج پر میٹنگ کی، میٹنگ میں سب کوکہا کہ ان سے رابطہ کریں اور پوچھیں کہاں احتجاج کرنا چاہ رہے ہیں لیکن کسی نے رابطہ نہیں کیا، احتجاج 100 بار کریں ہم گرفتار نہیں کریں گے لیکن سوال یہ ہے کہ آپ کیوں نہیں انتظامیہ کو آگاہ کرتے؟ میڈیا سے خبر ملتی ہے،میڈیا سے رات 10 بجے خبر ملتی ہےکہ کے پی ہاؤس میں اکٹھے ہوں گے اور اڈیا لا جائیں گے،ہم ایسا نہیں ہونے دیں گے کہ مجمع اکٹھا ہو اور یہاں سے اڈیالا جیل یا کسی جگہ پر حملہ کرے، یہ اپنے پروگرام سے متعلق ہمیں اطلاع کیوں نہیں دیتے، انتظامیہ کو آن بورڈ کیوں نہیں لیتے، یہ ہر اس دن اور موقع پر احتجاج کرتے ہیں جس دن سے پاکستان کا کوئی قومی مفاد وابستہ ہو-

    وفاق اور صوبے باہمی ہم آہنگی اور مربوط حکمت عملی سے کام کریں،وزیراعظم

    طلال چوہدری نےکہا کہ،پھوپھیاں نکل آئیں، بیگم نکل آئی اب بچے آگئے تو کیا کرلیں گے، مجھے آج کے دن تک عمران خان کے بچوں کے نائیکوپ یا ویزے کا ٹریکنگ نمبر نہیں دیا گیا۔ بچوں کو استعمال کیا گیا، بچے والد سے ملنا چاہتے تو کیا دو سال میں ویزا نہ ملتا؟ ہمدردی کے لیے بچوں والا سیاسی اسٹنٹ تھا، بچے کیا بانی پی ٹی آئی کے بچے بن کے آرہے ہیں یا گولڈ اسمتھ کے پوتے بن کر آرہے ہیں۔

  • فٹنس مسائل:ارشد ندیم ڈائمنڈ لیگ سے باہرہو گئے

    فٹنس مسائل:ارشد ندیم ڈائمنڈ لیگ سے باہرہو گئے

    قومی ایتھلیٹ ارشد ندیم فٹنس مسائل کے باعث ڈائمنڈ لیگ سے باہر ہو گئے۔

    ارشد ندیم کے ڈاکٹر علی شیر باجوہ نے ان کو ڈائمنڈ لیگ میں حصہ لینے سے منع کردیا ہے،ارشد ندیم کا بحالی پروگرام انگلینڈ میں جاری ہے، ا رشد ندیم نے اپنی ٹانگ پر وزن ڈالنا شروع کر دیا ہے، ایتھلیٹ کی حالیہ انجری بالکل نئی اور انتہائی سنجیدہ نوعیت کی ہے، ڈاکٹر علی باجوہ نے کیمبرج انگلینڈ میں ا رشد ندیم کی سرجری کی تھی۔

    قومی ایتھلیٹ کی ورلڈ اتھلیٹکس میں شرکت بھی ان کے بحالی پروگرام سے مشروط ہے، ان کا بحالی پروگرام مکمل ہونے پر ہی ان کی ورلڈ اتھلیٹکس چیمپئن شپ میں شرکت کا فیصلہ کیا جائے گاڈائمنڈ لیگ میں ارشد ندیم اور بھارت کے نیرج چوپڑا کے درمیان ممکنہ مقابلے کا انتظار کیا جا رہا تھا، پاکستانی ایتھلیٹ کی سرجری کی وجہ سے دونوں ایتھلیٹ کا آمنا سامنا نہیں ہو سکے گا۔

    وفاق اور صوبے باہمی ہم آہنگی اور مربوط حکمت عملی سے کام کریں،وزیراعظم

    قومی ایتھلیٹ نے اگست 2024 میں پیرس اولمپکس میں 92.97 میٹر کی تاریخی تھرو کی اور پاکستان کے لیے گولڈ میڈل جیتا، انہوں نے اولمپکس میں پاکستان کے لیے 32 سال بعد کوئی میڈل جیتنے کا اعزاز بھی حاصل کیا، ا رشد ند یم پاکستان کے پہلے انفرادی اولمپک گولڈ میڈلسٹ بنے۔

    بھارت کی کشمیر پالیسی پاکستان اور پاکستانی قوم کیلئے ناقابلِ قبول ہے،اسحاق ڈار

  • وفاق اور صوبے باہمی ہم آہنگی اور مربوط حکمت عملی سے کام کریں،وزیراعظم

    وفاق اور صوبے باہمی ہم آہنگی اور مربوط حکمت عملی سے کام کریں،وزیراعظم

    وزیراعظم شہباز شریف نے کہا ہے کہ ایف بی آر اصلاحات سے ٹیکس کلیکشن میں اضافہ قابل اطمینان ہے۔

    فیڈرل بورڈ آف ریونیو میں مجوزہ اصلاحات پر ہفتہ وار جائزہ اجلاس سے خطاب کرتے ہوئے وزیر اعظم نے کہا کہ اصلاحاتی اقدامات کی مکمل حمایت اور تحفظ کروں گا، اصلاحات کی راہ میں سرخ فیتے اور ادارہ جاتی رکاوٹیں ختم کریں گے، انقلابی اصلاحات کی یکساں اور مؤثر نفاذ کو یقینی بنایا جائے، کسٹم کلیئرنس کے اصلاحاتی ایجنڈا میں ٹیکنالوجی سے وقت کی بچت ہوتی ہے، وفاق اور صوبے باہمی ہم آہنگی اور مربوط حکمت عملی سے کام کریں،ٹیکس کلیکشن کے تناسب میں اضافے کیلئے حکمت عملی بنائیں، فیڈرل بورڈ آف ریونیو اور کسٹم کلیئرنس کے اصلاحاتی نظام سے استعداد کار کو بڑھائیں۔

    بھارت کی کشمیر پالیسی پاکستان اور پاکستانی قوم کیلئے ناقابلِ قبول ہے،اسحاق ڈار

    کیل مہاسوں کے علاج کے طور پر اداکارہ تمنا بھاٹیا کی حیران کن بیوٹی ٹپ

    غیر قانونی آن لائن مواد سے خبردار رہیں، پی ٹی اے کا انتباہ جاری

  • بھارت کی کشمیر پالیسی پاکستان اور پاکستانی قوم کیلئے ناقابلِ قبول ہے،اسحاق ڈار

    بھارت کی کشمیر پالیسی پاکستان اور پاکستانی قوم کیلئے ناقابلِ قبول ہے،اسحاق ڈار

    نائب وزیراعظم اسحاق ڈار نے کہا ہے کہ،بھارتی حکومت جموں و کشمیر کی متنازع حیثیت سے متعلق ماضی کے معاہدوں سے انحراف کر رہی ہے، یہ کھلا تضاد ہے،ہمیں کسی سے لڑنا نہیں لیکن کسی کو میلی آنکھ سے دیکھنے بھی نہیں دیں گے، کوئی پاکستان کی طرف میلی آنکھ سے دیکھے گاتو ہم اس کی آنکھیں نکال دیں گے۔

    وفاقی دارالحکومت میں یوم استحصال کشمیر ریلی سے خطاب کرتے ہوئے نائب وزیراعظم اسحاق ڈار نے کہا کہ یومِ استحصال ہمیں بھارت کے غیر قانونی اقدامات کی یاد دلاتا ہے، بھارت نے پانچ اگست 2019 کو جموں و کشمیر کی خصوصی حیثیت ختم کی، بھارت نے جموں و کشمیر کو دو حصوں میں تقسیم کر کے لداخ کو الگ کر دیا، بھارت نے مقامی باشندوں کے خصوصی حقوق بھی سلب کر لیے۔

    اسحاق ڈار نے کہاکہ جمہوریت کے نام پر تمام سیاسی قیادت کو قید و نظر بند کیا گیا، کشمیر میں طویل لاک ڈاؤن اور شہری آزادیوں پر قدغنیں لگائی گئیں، بھارتی حکومت نے جمہوریت اور ترقی کے نام پر بنیادی حقوق سلب کیے، موجودہ بھارتی قیادت مقبوضہ کشمیر پر قبضہ مستحکم کر رہی ہے، بھارتی سپریم کورٹ نے حکومت کے 5 اگست کے اقدامات کو برقرار رکھا۔

    انہوں نے کہاکہ پچھلے 6 برسوں میں بھارت نے کشمیری قوانین میں متعدد ترامیم کیں، بھارت نے لیفٹیننٹ گورنر کے اختیارات میں اضافہ کیا، بھارتی اقدامات کشمیریوں کے حق خودارادیت پر کھلا حملہ ہیں، بھارت مقبوضہ کشمیر کو اپنا داخلی معاملہ قرار دیتا ہے، بھارت کا دعویٰ اقوام متحدہ کی قراردادوں کی خلاف ورزی ہے، بھارت ہی مسئلہ کشمیر کو اقوام متحدہ میں لے کر گیا تھا، اب وہ ان قراردادوں پر عملدرآمد سے انکار کر رہا ہے، اقوام متحدہ چارٹر کی شق 25 تمام ممالک کو قراردادوں کا پابند کرتی ہے، بھارت کا رویہ اقوام متحدہ کے چارٹر، اخلاقی اصولوں اور زمینی حقائق کے منافی ہے۔

    نائب وزیراعظم نے کہاکہ بھارت نے مقبوضہ وادی میں آبادی کا تناسب تبدیل کرنے کی سازش کی، غیر کشمیریوں کو ڈومیسائل اور مقامی ووٹر لسٹ میں اندراج کا حق دیا گیا، بھارت نے جائیداد کی خرید و فروخت کا دروازہ باہر کے افراد کیلئے کھولا،بھارت کا مقصد کشمیریوں کو ان کی ہی سرزمین پر اقلیت میں تبدیل کرنا ہے، کشمیر کی ثقافت کو مٹانے کے لیے بھارتی رنگ تھوپا جا رہا ہے، سری نگر میں دہلی کی کٹھ پتلی حکومت مسلط کر دی گئی ہے، ایسی حکومت کا قیام عمل میں لایا گیا جو دہلی کے احکامات پر چلے۔

    انہوں نے بھارت کی کشمیر پالیسی کو پاکستان اور پاکستانی قوم کیلئے ناقابلِ قبول قرار دیتے ہوئے کہاکہ پچھلے 48 گھنٹے میں بھارت نے نیا شوشا چھوڑا ہے، جموں و کشمیر اور لداخ کو یونین ٹیریٹری قرار دینے کے بعد نئی تقسیم کی باتیں ہورہی ہیں، بھارتی میڈیا جموں کو ریاستی درجہ دیے جانے کی خبریں چلا رہا ہے، مقبوضہ کشمیر کو یونین ٹیریٹری ہی رکھنے کا عندیہ دیا جا رہا ہے، بھارت کے یہ اقدامات قابلِ مذمت ہیں،بھارتی حکومت جموں و کشمیر کی متنازع حیثیت سے متعلق ماضی کے معاہدوں سے انحراف کر رہی ہے، یہ کھلا تضاد ہے۔

    انہوں نے اگست 2019 کے بھارتی اقدامات اقوام متحدہ، انسانی حقوق معاہدوں اور چوتھے جنیوا کنونشن کی خلاف ورزی قرار دیتے ہوئے کہاکہ بھارتی آئین کے تحت کیا گیا کوئی اقدام کشمیریوں کے مستقبل کا فیصلہ نہیں کر سکتا،مقبوضہ کشمیر میں لاکھوں بھارتی اہلکار تعینات ہیں، بھارتی فوج انسانی حقوق پامال کر رہی ہے، کشمیری خوف اور جبر کی فضا میں جی رہے ہیں، ہزاروں کشمیری سیاسی قیدی جیلوں میں، سیکڑوں کی جائیدادیں ضبط کرلی گئیں جبکہ میڈیا کو خاموش کر دیا گیا ہے، غیرملکی میڈیا کو کشمیر تک رسائی نہیں دی جا رہی۔

    نائب وزیراعظم نے کہاکہ مقبوضہ وادی میں انسداد دہشتگردی قوانین کا بےجا استعمال کیا جارہا ہے جبکہ 16 جماعتیں پابندیوں کا شکار ہیں، ہزاروں کشمیری خواتین نیم بیوگی کی زندگی گزارنے پر مجبور ہیں جنہیں شوہروں کی زندگی یا موت کا علم نہیں، نامعلوم قبروں میں دفن شہدا کی شناخت نہیں ہو سکی، اس حوالے سے عالمی ضمیر کو جھنجھوڑنے کی ضرورت ہے، ہمیں کسی سے لڑنا نہیں لیکن کسی کو میلی آنکھ سے دیکھنے بھی نہیں دیں گے، کوئی پاکستان کی طرف میلی آنکھ سے دیکھے گاتو ہم اس کی آنکھیں نکال دیں گے۔

  • کیل مہاسوں کے علاج کے طور پر اداکارہ تمنا بھاٹیا کی حیران کن بیوٹی ٹپ

    کیل مہاسوں کے علاج کے طور پر اداکارہ تمنا بھاٹیا کی حیران کن بیوٹی ٹپ

    بھارتی اداکارہ تمنا بھاٹیہ نے انکشاف کیا ہےکہ وہ کیل مہاسوں کے علاج کے طور پر صبح سویرے اپنا ہی تھوک استعمال کرتی ہیں۔

    بھارتی میڈیا کو دیئے گئے ایک انٹرویو کےدوران،میزبان کی جانب سے جب اداکارہ تمنا بھاٹیہ سے skin break out کا سوال کیا گیا تو انہوں نے بے تکلفانہ اندازمیں جوابا کہا ’ تھوک‘، تھوک لگائیں،دانوں کے علاج کیلئے آپ کا صبح کا تھوک ( برش سے بھی پہلے منہ میں آنے والا لعاب ) کام کرتا ہے اور یہ بات سائنس بھی تسلیم کرتی ہے۔

    اداکارہ کا کہنا تھا کہ اگرچہ میں ڈاکٹر نہیں ہوں لیکن یہ میرا ذاتی طور پر کیا گیا تجربہ ہے اور مجھے یقین ہے کہ اس کے پیچھے کوئی سائنس ضرور ہے کیونکہ جب آپ صبح اٹھتے ہیں تو آپ کاجسم رات بھر کے دوران منہ میں کافی اینٹی بیکٹیریل عناصر پیدا کرچکا ہوتا ہے۔ آپ کا جسم بیکٹیریا کے خلاف راتوں رات دفاع کرتا ہے، نتیجتاً صبح سویرے ہماری آنکھوں میں لیس دار سیال موجود ہوتا ہے، ہماری ناک بھری ہوئی ہوتی ہے، حتیٰ کہ ہمارے منہ میں اینٹی بیکٹیریل خصوصیات موجود ہوتی ہیں، اگر آپ صبح کے وقت اس تھوک کو استعمال کرتے ہیں تو یہ فوری طور پر آپ کے پمپلوں کو خشک کر دے گا۔

    دلچسپ بات یہ ہے کہ تمنا بھاٹیا کے اس دعوے کے پیچھے سائنسی حمایت بھی موجود ہے،جرنل آف کاسمیٹک ڈرماٹولوجی میں شائع ہونے والی ایک تحقیق کے مطابق انسانی لعاب میں جراثیم کش مرکبات موجود ہوتے ہیں جو مہاسے پیدا کرنے والے بیکٹیریا کو مارنے کی صلاحیت رکھتے ہیں ۔

    دوسری جانب اداکارہ نے اپنی اینٹی ایجنگ اسکن روٹین کے حوالے سے بات کرتے ہوئے کہا کہ25 سال کے بعد ہمیں اپنی روزمرہ کی روٹین میں اینٹی ایجنگ پراڈکٹس شامل کرنا چاہئیں، ہم چونکہ مسلسل کیمروں کے سامنے رہتے ہیں، یہی وجہ ہے کہ میں نے 24 یا 25 کی عمر میں اچھی اسکن کیئر کاانتخاب کیا، اگر آپ بڑھاپے کے اثرات کو کم کرنا چاہتے ہیں تو جان لیں کہ آپ کی خوراک اہم ہے لیکن آپ کو معلوم ہونا چاہیے کہ آپ کی ڈائٹ کیلئے کیا اچھا ہے کیا نہیں ؟-