Tag: ٌاتازہ ترین

چین نے کہاہےکہ،دو ریاستی حل ہی فلسطینی مسئلے کا بنیادی اور واحد راستہ ہے،فلسطین کا مسئلہ مشرق وسطیٰ کے مسئلے کا مرکزی نکتہ ہے-

چینی وزارت خارجہ کے ترجمان گو جیاکن نے ایک پریس کانفرنس میں کہا کہ چین خطے میں اسرائیل کی جانب سے فوجی کارروائیوں میں اضافے کی مخالفت کرتا ہے اور غزہ کے عوام کی تباہی پر شدید تشویش رکھتا ہے، غزہ میں انسانی صورتحال کبھی اتنی سنگین نہیں رہی، فلسطین کا مسئلہ مشرق وسطیٰ کے مسئلے کا مرکزی نکتہ ہے، اسرائیل سے مطالبہ کیا کہ وہ مزید بڑے پیمانے پر انسانی بحران کو روکے۔

انہوں نے کہا کہ ہم متعلقہ فریقین، خصوصاً اسرائیل سے مطالبہ کرتے ہیں کہ وہ فوراً غزہ میں فوجی کارروائیاں بند کرے، محاصرہ اور ناکہ بندی ختم کرے، اور انسانی امدادی سامان کی رسائی مکمل طور پر بحال کرے، دو ریاستی حل ہی فلسطینی مسئلے کا بنیادی اور واحد راستہ ہے، چین فلسطینی عوام کی ایک آزاد ریاست کے قیام کی بھرپور حمایت کرتا ہے،چین بین الاقوامی برادری کے ساتھ مل کر غزہ میں جنگ بندی، انسانی بحران میں کمی، دو ریاستی حل کے نفاذ، اور فلسطینی مسئلے کے جامع، منصفانہ اور پائیدار حل کے لیے کام کرنے کو تیار ہے۔

سندھ:مزدوروں کی کم از کم ماہانہ اُجرت 40 ہزار روپے مقرر کرنے کا باضابطہ نوٹیفکیشن جاری

اسرائیلی فوج نے جنگ بندی کے بین الاقوامی مطالبات کو مسترد کرتے ہوئے 7 اکتوبر 2023 سے غزہ پر وحشیانہ حملہ کیا ہے، جس میں 60,000 سے زیادہ فلسطینی شہیدہو گئے ہیں، جن میں زیادہ تر خواتین اور بچے ہیں، مسلسل بمباری نے انکلیو کو تباہ کر دیا ہے اور خوراک کی قلت پیدا ہو گئی ہے۔

گزشتہ نومبر میں بین الاقوامی فوجداری عدالت نے غزہ میں جنگی جرائم اور انسانیت کے خلاف جرائم کے الزام میں اسرائیلی وزیر اعظم بنجمن نیتن یاہو اور ان کے سابق وزیر دفاع یوو گیلنٹ کے وارنٹ گرفتاری جاری کیے تھےاسرائیل کو انکلیو پر جنگ کے لیے عالمی عدالت انصاف میں نسل کشی کے مقدمے کا بھی سامنا ہے۔

سعودی عرب: شادی کے پہلے ہی سال طلاق کی شرح میں خطرناک حد تک اضافہ،وجہ کیا؟

سعودی عرب میں طلاق کے رجحان میں اضافہ ہوا ہے ، ایک رپورٹ کے مطابق 2025 میں روزانہ اوسطاً 157 طلاقیں ریکارڈ ہوئی ہیں، ہر 9 منٹ میں ایک طلاق کا کیس دیکھنے میں آرہا ہے، طلاقوں کی تعداد مجموعی شادیوں کا 12.6 فیصد ہے۔

العربیہ کے مطابق سعودی وزارت انصاف اور شماریات اتھارٹی کی جانب سے جاری سروے رپورٹ میں یہ بات سامنے آئی ہے کہ رواں برس 2025 کی پہلی ششماہی میں 57 ہزار 595 طلاق نامے جاری کیے گئے سب سے طلاق کے سب سے زیادہ کیسز مملکت کے جنوبی علاقے الباحہ میں سامنے آئے جن کا تناسب 36 فیصد رہا، ریاض میں 21.7 فیصد اور سب سے کم مملکت کے شمالی ریجن حائل میں ریکارڈ ہوئے جن کا تناسب 19.2 فیصد تھا۔

سرکاری اعداد وشمار کے مطابق 65 فیصد طلاق شادی کے پہلے سال سامنے آئے جس کا مطلب یہ ہے کہ فریقین میں ذہنی ہم آہنگی کا فقدان اور ایک دوسرے پر اپنی مرضی مسلط کرنے کا رجحان ہو سکتا ہے،سعودی شہری فہد العتیبی نے بتایا ’ ان کی شادی بڑی دھوم دھام سے ہوئی مگر ازدواجی زندگی 45 دن سے زیادہ برقرار نہ رہ سکی، شادی کے دوسرے ہفتے سے اختلافات شروع ہوگئے تھے جو علیحدگی پر ختم ہوئے۔

کینیڈا کا بھی فلسطینی ریاست کو تسلیم کرنے پر غور

25 سالہ ریم القحطانی نے بتایا کہ انہوں نے پسند کی شادی کی تھی لیکن جَلد ہی یہ خواب ٹوٹ گیا،مجھے لگا تھا کہ محبت سب کچھ ٹھیک کر دے گی مگر میرے شوہر میں بنیادی بات چیت اور ذمہ داری کا احساس ہی نہیں تھا،اسی طرح 32 سالہ احمد الریثی کا یورپ میں ہنی مون ایک ناکام تجربہ ثابت ہوا اور واپسی پر ہی رشتہ ختم ہوگیا، ان کا کہنا تھا کہ میری اہلیہ ایک کامل اور عادتاً پرفیکٹ شوہر چاہتی تھی، قلیل شادی کے دوران مجھے کبھی ذہنی سکون حاصل نہیں ہو سکا۔

سماجی امور کے ماہر احمد النجار کے مطابق ان تشویشناک اعداد و شمار کی وجہ شادی شدہ زندگی کے حقیقی تقاضوں کی ناقص سمجھ بوجھ اور جذباتی ناپختگی ہےانہوں نے شادی کے کچھ عرصے بعد ہی طلاق ہو جانے کی بڑی وجوہات بتاتے ہوئے کہا کہ مہنگی اور غیر ضروری شادی کی تقریبات، جذبات میں آ کر یا جلد بازی میں جیون ساتھی کا انتخاب، خاندان کی غیر ضروری مداخلت اور منگنی یا رشتہ طے ہونے کے دوران مصنوعی رویے ہیں جو شادی کو دیرپا چلنے نہیں دیتے،شادی صرف خوشی کی تقریب یا ہنی مون نہیں ہے بلکہ ایک طویل مدتی زندگی کا منصوبہ ہے جس میں پختگی، گفتگو اور حقیقت پسندانہ
توقعات کی ضرورت ہوتی ہے اور یہ سب کچھ آج کی بہت سی شادیوں میں موجود نہیں ہے۔

ہم سمجھتے تھے شادی پریوں کی کہانیوں جیسی ہوتی ہے، لیکن جب ہوئی تو سب کچھ الٹ نکلا، بشریٰ انصاری

کینیڈا اس بات پر غور کر رہا ہے کہ فلسطینی ریاست کو تسلیم کیا جائے اور فلسطین کو تسلیم کرنے کا فیصلہ مشروط ہونا چاہیے یا نہیں۔

ٹی آر ٹی گلوبل کی رپورٹ کے مطابق منگل کو شائع ہونے والی رپورٹس میں نامعلوم ذرائع کا حوالہ دیتے ہوئے بتایا گیا کہ ابھی تک کوئی حتمی فیصلہ نہیں کیا گیا، لیکن وزیرِ اعظم مارک کارنی بدھ کو مشرقِ وسطیٰ کی صورتحال پر بات چیت کے لیے کابینہ کا ورچوئل اجلاس منعقد کرنے والے ہیں۔

یہ رپورٹس اس کے فوراً بعد سامنے آئیں جب کارنی نے اپنے برطانوی ہم منصب کیئر اسٹارمر سے محصور غزہ کی صورت حال اور فلسطین کو تسلیم کرنے کے برطانیہ کے بیان پر گفتگو کی تھی،پیر کو، کینیڈا کی وزیرِ خارجہ انیتا آنند نے دو ریاستی حل کے لیے اوٹاوا کے عزم کو دہرایا تھا۔
انہوں نے کہا کہ تھا کہ ’صورتحال کی پیچیدگی کے باوجود، ہماری یہاں مشترکہ موجودگی ایک ایسے مذاکراتی حل کے لیے مضبوط عالمی حمایت کی عکاسی کرتی ہے، جو فلسطینی خود ارادیت اور اسرائیلی سلامتی دونوں کو یقینی بنائے۔

گزشتہ ہفتے، فرانسیسی صدر ایمانوئل میکرون نے کہا تھا کہ پیرس ستمبر میں اقوامِ متحدہ کی جنرل اسمبلی کے دوران فلسطین کو تسلیم کرے گا،اس ہفتے، اسٹارمر نے بھی اسی موقف کو اپنایا اور کہا کہ اگر اسرائیل نے غزہ میں قتل و غارت گری روکنے کے لیے اقدامات نہ کیے تو ان کی حکومت اقوامِ متحدہ کی جنرل اسمبلی میں فلسطین کو تسلیم کرے گی۔

اسرائیل نے برطانیہ کے اس اقدام کی مذمت کرتے ہوئے کہا کہ یہ ’حماس کے لیے انعام‘ ہوگافی الحال اقوامِ متحدہ کے 193 رکن ممالک میں سے 149 فلسطین کو تسلیم کر چکے ہیں، اور یہ تعداد اکتوبر 2023 میں اسرائیل کی غزہ میں نسل کشی کے آغاز کے بعد بڑھتی جا رہی ہے۔

روس کے مشرقی ساحل کے قریب شدید زلزلے کے جھٹکے محسوس کئے گئے۔

غیر ملکی میڈیا رپورٹس کے مطابق روس کے علاقے کامچٹکا میں زلزلے کی شدت 8.8 ریکارڈ کی گئی جبکہ سونامی کی وارننگ جاری کردی گئی، خوفناک زلزلے کے باعث 3 سے 4 میٹر اونچی سونامی لہریں ریکارڈ کی گئیں، زلزلے سے بندرگاہوں اور عمارتوں کو نقصان پہنچا، متعدد افراد زخمی ہوگئے۔

ممکنہ سونامی کے باعث بحرالکاہل میں سونامی کی ایڈوائزری جاری کر دی گئی، جاپان اور فلپائن میں بھی ایمرجنسی وارننگ جاری کر دی گئی، ہزاروں افراد کو ساحلی علاقوں سے محفوظ مقامات پر منتقل ہونے کی ہدایت کر دی گئی، فوکوشیما نیوکلیئر پلانٹ بھی خالی کرا لیا گیا۔

لاہور : آن لائن ٹیکسی ایپ کے ذریعے لوٹ مار کرنے والا گروہ گرفتار

زلزلے کے باعث کیلی فورنیا، واشنگٹن، ہوائی، الاسکا، چلی، اوریگن کیلئے بھی سونامی وارننگ جاری کی گئی، سونامی کی لہریں روسی ساحل سے ٹکرا گئیں، مشرقی جاپان میں ریلوے سروس معطل کر دی گئی، جاپان کے شہر ہوکیڈو میں بھی سونامی کی لہریں آئیں۔

واضح رہے کہ 20 جولائی کو بھی روس میں 5.0 اور 6.7 شدت کے زلزلے آئے تھے جن پر سونامی کا الرٹ جاری نہیں کیا گیا تھا، تاہم بعد ازاں 7.4 شدت کا زلزلہ 08:49 جی ایم ٹی پر ریکارڈ کیا گیا، جس کے بعد USGS نے خبردار کیا کہ ’کچھ ساحلی علاقوں کے لئے خطرناک سونامی لہروں کی پیش گوئی کی گئی ہے، روسی ساحلوں پر 30 سینٹی میٹر سے ایک میٹر (تقریباً 3.3 فٹ) تک بلند لہریں پہنچنے کا خدشہ ہے، جبکہ جاپان اور امریکی ریاست ہوائی میں 30 سینٹی میٹر (ایک فٹ) سے کم اونچی لہروں کی توقع ہے، زلزلے کا مرکز بحرالکاہل میں پیٹروپاولووسک کامچاتسکی شہر سے تقریباً 150 کلومیٹر (93 میل) مشرق میں واقع تھا۔

5اگست کا احتجاج آغاز سے پہلے ہی فلاپ ہو گیا،عظمیٰ بخاری