Tag: پاکستانی فلمز

ماڈلنگ سے اداکاری کی طرف آنے والی آمنہ الیاس ایک بہترین اداکارہ ہیں. انہوں نے ابھی تک اداکاری کے جتنے بھی پراجیکٹس کئے ہیں وہ اپنی مثال آپ ہیں. آمنہ الیاس نے ثابت کیا ہے کہ ماڈلز بہترین اداکارہ بھی ثابت ہو سکتی ہیں، آمنہ الیاس سوشل میڈیا پر کافی متحرک رہتی ہیں. انہوں‌نے اپنے حالیہ انٹرویو میں خوشی کااظہار کیا ہے اور خوشی کا اظہار بھی انہوں نے پاکستانی فلموں کے اچھے بزنس کی وجہ سے کیا ہے. آمنہ کا کہنا ہے کہ پاکستان فلمیں‌نہ صرف پاکستان میں بلکہ دنیا بھر میں کامیابی کے جھنڈے گاڑھ رہی ہیں . مجھے بہت امید ہے کہ ہماری فلمیں بہت جلد ایسا مقام حاصل کر لیں گی کہ جو مقابلے کی دوڑ میں کسی کے ساتھ بھی شامل ہو سکتی ہیں. اداکارہ آمنہ

الیاس نے کہا کہ میں جو دیکھ رہی ہوں اس کے مطابق آنے والا وقت فلم انڈسٹری کے لئے بہت اچھا ہو گا اور پاکستان فلمی صنعت اپنے پائوں پر خود ہی کھڑی ہو جائیگی . آًمنہ الیاس نے مزید یہ بھی کہا کہ میں معیاری کام کرنے کو ترجیح دیتی ہوں اسی لئے تو کم کام کرتی ہوں‌. جیسے ہی کوئی اچھا سکرپٹ ملا ڈرامہ بھی کروں گی اور فلم بھی کروں گی. میں نے کبھی یہ نہیں دیکھا کہ ٹیم بڑی ہے یا نہیں‌میں‌نے ہمیشہ یہ دیکھا ہے کہ کہانی کیسی ہے اور میرا کردار کتنی اہمیت کا حامل ہے.

سینئر اداکار ندیم بیگ جنہوں نے پاکستان فلم انڈسٹری پر سال ہا سال راج کیا اور شائقین کے فیورٹ بنے رہے. شائقین آج بھی انہیں بہت پسند کرتے ہیں. ندیم بیگ بہت کم بڑی اور چھوٹی سکرین کے لئے کام کرتے نظر آتے ہیں اس کی وجہ شاید یہ ہے کہ وہ کم مگر معیاری کام کرنے کو ترجیح دیتے ہیں. ندیم بیگ نے حال ہی میں ایک انٹرویو دیا ہے اس میں انہوں نے کہا ہےکہ میں سمجھتا ہوں کہ آرٹسٹ کی سب سے بڑی کمائی اس کے مداح ہوتے ہیں ، مداحوں کی دعائیں ان کی محبت اور پذیرائی کی وجہ سے ہی کوئی بھی آرٹسٹ شہرت کی بلندیوں پر پہنچتا ہے . ٹھیک ہے کہ

پیسوں کے نقطہ نظر سے کتنا کمایا کتنا نہیں وہ ایک الگ بات ہے لیکن کسی بھی فنکار کے مداحوں کی پذیرائی اسے کہاں سے کہاں لے جاتی ہے . اگر کسی آرٹسٹ کو پذیرائی نہ ملے مداحوں کی تو وہ آسمان سے زمین پر آجاتا ہے. میں آج بھی اگر کام کررہا ہوں تو مداحوں کی محبت اور پیار کی وجہ سے کررہا ہوں ورنہ میں بھی کب سے گھر بیٹھ گیا ہوتا.یاد رہے کہ ندیم بیگ کا شمار پاکستان فلم انڈسٹری کے ان فنکاروں میں ہوتا ہے جن کی فلمیں سو سو ہفتے چلیں، شائقین آج بھی انہیں دیکھنا چاہتے ہیں.

پاکستان کے سینئر اداکارہ مصطفی قریشی نے حال ہی میں ایک انٹرویو دیا ہے اس میں انہوں نے بتایا ہے کہ 80 کی دہائی میں ان کی فلمیں سپر ہٹ جا رہی تھیں اور ان کی فلمیں نہ صرف پاکستان بلکہ بھارت میں بھی پسند کی جاتی تھیں. انہوں نے کہا کہ میں ایک بار لندن کسی کام سے گیا ، وہاں میں جس ہوٹل میں ٹھہرا تھا وہاں ایک کال آئی میں نے ریسیو کی میں نے ہیلو کہا تو آگے سے کسی نے کہا میں آپ سے ملنا چاہتا ہوں تو میں نے کہا کہ وہ تو ٹھیک ہے لیکن آپ ہیں کون اس نے کہا کہ میں دھرمیندر ہوں. اور میں آپ کا بہت بڑا مداح ہوں میں آپ سے ملنا چاہتا ہوں. میں نے ان سے

کہا کہ حکم کیجیے کہاں آنا ہے تو انہوں نے مجھے بلایا میں گیا تو میں کیا دیکھتا ہوں دھرمیندر اپنے گھر کے فٹ پاتھ پر کھڑے میرا انتظار رہے تھے جیسے ہی گاڑی رکی میں‌نکلا تو دھرمیندر نے مجھے گلے لگا لیا اور میرا حال پوچھنے لگے حال پوچھ کر کہا اک واری فیر گلے ملو میرا دل ہلے رجیا نئیں. دھرمیندر نے بتایا کہ وہ مجھے بطور اداکار بہت پسند کرتے ہیں اور نوری نت کا کردار انہیں بہت پسند ہے. مجھے بہت خوشی ہوئی اس ملاقات میں بہت ساری باتیں ہوئیں اور دھرمیندر نے مجھے کھانا بھی کھلایا اور ہمارا بہت اچھا وقت گزرا.

پاکستانی فلموں کی ہیروئین ثناء جن کے نام کا نوے کی دہائی میں‌ڈنکا بجتا تھا.جیسے ہی فلم انڈسٹری بند ہوئی تو ثناء نے ماڈلنگ ، کمرشلز اور ٹی وی کا رخ کر لیا انہیں ہر پلیٹ فارم پر بہت سراہا گیا. ثناء نے حال ہی میں ایک انٹرویو دیا ہے اس میں انہوں نے کہا ہے کہ جب وہ پیدا ہوئی تھیں تو ان کے والد نے انہیں سات دن تک گود میں نہیں اٹھایا تھآ، گود میں‌نہ اٹھانے کی وجہ بتاتے ہوئے انہوں نے کہا کہ میرے والد چاہتے تھے کہ بیٹا پیدا ہوا لیکن بیٹی یعنی میں‌پیدا ہو گئی. ثناء نے کہا کہ میں نے اپنی زندگی میں بہت محنت کی اور محنت سے نام مقام بنایا ، مجھے یاد ہے کہ

میں‌نے جب اپنی پہلی فلم کے پیسے امی کے ہاتھ پر رکھے تو وہ خوشی کے مارے رونا شروع ہو گئیں. ثناء نے یہ بھی کہا کہ دو انسان ایک ساتھ زندگی گزارنے کا فیصلہ کرتے ہیں شادی بھی ہوجاتی ہے لیکن اگر وہ رشتہ نہیں چلتا یا آپ کو لگتا ہے کہ ساتھ نہیں چل سکتے تو پھر راہیں الگ کر لینی چاہیں اور ایک دوسرے کو تکلیف نہیں‌دینی چاہیے. میرا اور فخر کا بہت اچھا وقت گزرا ہمارے درمیان اختلافات کی کیا وجوہات رہیں میں اس پہ بات نہیں کرنا چاہتی نہ چاہوں گی .

پاکستانی فلم جوائے لینڈ جس کو کانز فلم فیسٹیول میں ایوارڈ سے نوازا گیا ہے یہ پاکستان کی پہلی فلم بن گئی ہے جس نے دنیا کے اتنے بڑے فلمی میلے میں ایوارڈ جیتا ہے. اس فلم میں مرکزی کردار کرنے والی ٹرانسجینڈر علینا خان نے ایک انٹرویو میں کہا ہے کہ مجھے تو پتہ ہی نہیں تھا کہ کانز فلم فیسٹیول کیا ہے ، جیسے ہی میرے ڈائریکٹر نے مجھے کہا کہ ہماری فلم کانز فلم فیسٹیول میں جا رہی ہے تو میں نے ثروت گیلانی سمیت سب سے پوچھا کہ یہ کانز کیا ہوتا ہے اور پھر میں نے گوگل کیا تو پتہ چلا کہ کانز فلمی میلہ دراصل کیا ہے اور کتنی اہمیت کا حامل ہے. میں جب وہاں پہنچی تو میری فیلنگنز کیا تھیں ان کو میں الفاظ میں‌بیان نہیں کر سکتی . انہوں نے لوگوں کے رویے کے حوالے سے بات کرتے ہوئے کہا کہ جو

لوگ مجھ سے پہلے ٹھیک طرح بات نہیں کرتے تھے اب وہ میری عزت کرنے لگے ہیں. جو ملنا پسند نہیں کرتے تھے وہ اب ملنے لگے ہیں. جوائے لینڈ نے میری زندگی ہی تبدیل کر کے رکھ دی ہے. میں جوائے لینڈ سے پہلے بھی صائم صادق کے ساتھ کام کیا ہے اس لئے انہوں نے مجھے جب اس فلم میں میرا کردار بتایا تو میں نے فورا ہاں کردی . جب میں شوٹنگ کر رہی تھی تو مجھے خود نہیں پتہ تھا کہ یہ پراجیکٹ کتنی اہمیت کا حامل ہے لیکن جو اسے پذیرائی ملی ہے وہ ایسی ہے کہ لفظوں میں بیان کرنا مشکل ہے کہ مجھے کتنا فخر ہوتا ہے کہ میں اس پراجیکٹ کا حصہ ہوں.

دا لیجنڈ آف مولا جٹ نے بزنس کے نقطہ نظر سے کامیابی کے نئے ریکارڈز قائم کئے ہیں. پاکستان سمیت دنیا کے جن ممالک میں بھی فلم دا لیجنڈ آف مولا جٹ ریلیز ہوئی ہے اس نے کامیابی کے نئے ریکارڈ باندھے ہیں. اس فلم میں مشکل ترین میوزیکل پرفارمنس دینے والی صائمہ بلوچ نے گلہ شکوہ کیا ہے کہ فلم کے ڈائریکٹر اور پرڈیوسر سے انہوں نے کہا ہے کہ مجھے دا لیجنڈ آف مولا جٹ کی پرموشنز کے دوران نظر انداز کیا گیا. حالانکہ میری پرفارمنس جاندار تھی لیکن میرا کردار دکھایا اس طرح سے گیا کہ ایسا لگتا تھا کہ اس سین کے بعد اگلا سین نہیں‌ہو گا لیکن میری پرفارمنس اور ایکٹنگ نے لوگوں کے دل جیت لئے. فلم کی ریلیز کا بھی اعلان کر دیا ہوا تھا لیکن مجھے پریمئیر کے بارے میں نہیں بتایا جا رہا تھا

کہ کب ہے. مجھے اس قسم کے رویے کی امید بالکل بھی ڈائریکٹر اور پرڈیوسر سے نہیں تھی. سب جانتے ہیں کہ میں نے کس قدر محنت کے ساتھ رجو کا کردار کیا تھا ان کو چار سال تک رجو کے کردار کےلئے لڑکی نہیں ملی تھی سکرین ٹائم کم ہونے کے باوجود میں نے فلم میں کام کرنے کے لئے حامی بھی بھری پہلے میں نے انکار کر دیا تھا لیکن پھر کردار کیا. لیکن میرے ساتھ جو رویہ رکھا گیا ہے اسکا بہت افسوس ہے.

راستی فاروق جنہوں نے فلم جوائے لینڈ میں اہم کردار ادا کیا ہے وہ کہتی ہیں کہ میری کیا ہم سب کی خوشی کا ٹھکانہ نہیں ہے کہ فلم پاکستان میں ریلیز ہو رہی ہے .مجھے جب ڈائریکٹر صائم صادق نے فون کرکے جوائے لینڈ میں میرے کردار کا بتایا تو میں نے کہا کہ اس میں انکار کرنے والی تو کوئی بات ہی نہیں ہے، میری طرف سے ہاں ہے. انہوں نے مزید کہا کہ میری خوش نصیبی ہے کہ میں جوائے لینڈ کی ٹیم کا حصہ ہوں ، اس فلم کے بعد مجھے پہچان ملی ہے میرا کام نوٹس ہوا ہے. راستی نے یہ بھی کہا کہ پاکستان میں بہت زیادہ ٹیلنٹ ہے بس اسکو پالش کرنے اور ان سے اچھا کام لینے کی ضرورت ہے. ڈائریکٹر صائم صادق کا ایکٹروں سے کام لینے کا طریقہ کار زرا مختلف ہے وہ اداکاروں کے مزاج کو بہت اچھی طرح

سمجھتے ہیں اور ان کے مزاج کے مطابق ہی ان کے ساتھ ٹریٹ کرتے ہیں جس کی وجہ سے کام میں آسانی ہوجاتی ہے. مجھے امید ہے کہ جوائے لینڈ پاکستانی شائقین کو بہت پسند آئیگی. انہوں نے یہ بھی کہا کہ کانز فلمی میلے میں فلم کو ایوارڈ ملنا پذیرائی ملنا ہماری سینما انڈسٹری کی بہت بڑی کامیابی ہے امید ہے کہ ہم اس سلسلے کو برقرار رکھیں گے اور ایسی ہی اچھی فلمیں بناتے رہیں گے جو بین الاقوامی سطح پر ہمارے ملک کا نام روشن کرنے کے ساتھ ایوارڈ جیتیں .

اداکارہ ماہرہ خان جن کی حال ہی میں فلم دا لیجنڈ‌آف مولا جٹ ریلیز ہوئی ہے اس میں انہوں نے مکھو کا کردار کیا ہے اس کردار میں ان کی اداکاری کو بہت زیادہ سراہا جا رہا ہے. ماہرہ خان اپنے ہر پراجیکٹ کے ساتھ بہت ساری داد سمیٹتی ہیں. انہوں نے حال ہی میں ایک انٹرویو دیا ہے اس میں انہوں نے کہا ہے کہ میری نانی امی کو لفظ یار بہت برا لگتا تھا. میں اکثر کہہ دیتی تھی امی یار نانی یار تو میری نانی بہت برا مناتی تھیں ایک دن انہوں نے مجھے اپنے پاس بلایا اور پوچھا کہ کیا تمہیں یار کا مطلب پتہ ہے تو میں نے کہا کہ پتہ نہیں تو بولیں جب یار کا مطلب پتہ چل جائے اس وقت میرے پاس آنا اور اس وقت یہ لفظ میرے سامنے کہنا. پھر ماہرہ خان نے یہ بھی بتایا کہ جب میں‌کبھی انگلش میں امی کے حوالے

سے کہتی تھی کہ شی از کمنگ تو وہ کہا کرتی تھیں کہ اچھا تو اب وہ شی بن گئی ہے تمہاری ماں نہیں رہی. تو میں سر پکڑ کر بیٹھ جاتی تھی کہ میں اپنی بات نانی کو سمجھا نہیں پارہی. ماہرہ خان نے یہ بھی کہا کہ میں اپنی نانی کے ساتھ بہت محبت کرتی ہوں انہوں نے ہمیشہ میرا بہت خیال رکھا مجھے بیٹیوں سے بڑھ کر رکھا.

اداکارہ عائشہ عمر جنہیں بلبلے کے کردار خوبصورت نے شہرت کی بلندیوں پر پہنچا دیا تھا. ان کا کہنا ہے کہ وہ بہت زیادہ موڈ ی ہیں۔ اپنے حالیہ انٹرویو میں اداکارہ نے کہا کہ میں اداکاری بھی کرتی ہوں ، میزبانی بھی کرتی ہوں ماڈلنگ بھی کرتی ہوں ، لیکن میرا جب جو دل کرے وہی تب کرتی ہوں۔ میرا اپنا ایک مزاج ہے میں اس کے حساب سے ہی چلتی ہوں چاہے دوسرے جو مرضی کہتے رہیں ، میں نے اپنی زندگی میں بہت سارے فیصلے خود کئے اور خود ہی کرتی ہوں ، ہاں فیصلے اچھے بھی ہوجاتے ہیں برے بھی ہوجاتے ہیں لہذا میں اپنے فیصلوں کا بھار اٹھاتی

ہوں اور اچھے برے فیصلوں کو مان لینا اس کو تسلیم کرنا اصل میں ایک بہادری کا کا م ہوتا ہے۔ عائشہ عمر نے کہا کہ جوکام کرتا ہے اس پر تنقید بھی ہوتی ہے جو کچھ نہیں کرتا اس پر کسی نے کیا تنقید کرنی اور میں محسوس کر سکتی ہوں کہ مجھ پہ جو اور جب جس قسم کی تنقید ہورہی ہوتی ہے اس کا مقصد کیا ہے اگر تو پازیٹیو تنقید ہو تو میں کوئی بات نہیں سر آنکھوں پر لیکن اگر کوئی تنقید مجھے پریشان کرنے کے لئے ہو تو میں اسکی ٹینشن نہیں لیتی۔ عائشہ عمر نے کہا کہ اپنے فیصلے انسان کو خود کرنے چاہیں کل کو پچھتاوا نہیں ہوتا۔

اداکار جاوید شیخ جنہوں نے پاکستانی فلموں اور ڈراموں میں کام کرنے علاوہ بھارت میں بھی اپنے فن کا لوہا منوایا ہے وہ فلم ٹی وی اور ڈرامے پر گہری نظر رکھتے ہیں ۔ انہوں نے اپنے ایک حالیہ انٹرویو میں کہا ہے کہ وہ دیکھ رہے ہیں کہ پاکستان فلم انڈسٹری کا مستقبل کافی روشن ہے جس طرح کی جدید ٹیکنالوجی فلمیں بنانے کے لئے استعمال ہو رہی ہے وہ فلم انڈسٹری کو آگے لیکر جائیگی۔ جاوید شیخ نے کہا کہ اب ہمیں روایتی فلموں اور سکرپٹس سے دور رہنا ہو گا اور ایسا کرنا اب وقت کی اہم ضرورت ہے ورنہ فلم انڈسٹری کے حالات جوں کے توں رہیں گے۔ انہوں نے یہ بھی کہا کہ پاکستان فلم انڈسٹری اپنے ابتدائی

مراحل میں ہے آغاز کافی اچھا ہے یقینا آگے چل کر حالات کافی بہتر ہوجائیں گے۔ جاوید شیخ نے اس چیز پر زور دیا کہ فلموں کا سکرپٹ اچھا ہونا چاہیے اچھا سکرپٹ ہو گا تو کہانی بھی اچھی بنے گی اور شائقین فلم میں دلچپسی لیں گے۔ جاوید شیخ نے کہا کہ ہمارے پاس ٹیلنٹ کی کمی نہیں ہے بس جدید رجحانات متعارف کروانے کی ضرور ت ہے۔ یاد رہے کہ جاوید شیخ نے اپنی زندگی کا ایک بڑا حصہ پاکستان شوبز انڈسٹری میں گزارا ہے ان کے کریڈٹ پر بے شمار ہٹ فلمیں اور ڈرامے ہیں ۔