Tag: پاکستانی ڈرامہ

ماڈل سے اداکاری کی طرف آنے والی عفت عمر نے حال ہی میں ایک انٹرویو دیا ہے اس میں انہوں نے کہا ہے کہ میں‌نے اداکاری اسی لئے چھوڑی کیونکہ اچھا کام نہیں ہو رہا ، گھٹیا کہانیاں بن رہی ہیں ہر کہانی میں ساس بہو پر ظلم کررہی ہے، بہو اور ساس نند ہر کوئی ایک دوسرے کے خلاف سازش کر رہا ہے. انہوں نے کہا کہ میں کیوں کوئی ایسا کردار کروں جس پر میں‌خود کل کو تنقید کررہی ہوں. انہوں نے یہ بھی کہا کہ ہماری سوسائٹی کے دوہرے معیار ہیں جس طرح سے مرد کو اس کی غلطی کی سزا فورا مل جاتی ہے عورت کو نہیں‌ملتی اس کو طعنے ملتے رہتے ہیں‌ہم

کب ایسے رویوں سے نکلیں گے ایسی سوچ سے چھٹکارا پائیں گے جس کے مطابق عورت پائوں کی جوتی ہے. انہوں نے کہا کہ مجھے ایسے کردار نہیں ملتے جو مجھے اداکاری کے لئے اکسائیں اور میں کوئی یراجیکٹ‌سائن کر لوں میں صرف نظر آنے کےلئے کوئی بھی پراجیکٹ سائن نہیں‌کرتی . میں نے ہمیشہ اپنے کیرئیر میں‌سوچ سمجھ کام کیا ہے. مجھے خدا نے بہت شہرت سے نوازا ہے . لیکن کام کے معاملے میں‌، مں خاصی چوزی ہوں ، برا کام کرنے سے بہتر ہے کہ انسان کام کرے ہی نا اور میں دراصل یہی کررہی ہوں .

میکال ذاولفقار نے اپنے حالیہ انٹرویو میں کہا ہےکہ دا لیجنڈ‌آف مولا جٹ کی زبردست کامیابی سے دوسری پاکستانی فلموں کو بھی فائدہ ہو گا. بہت جلد میری فلم منی بیگ گارنٹی بھی سینما گھروں کی زینت بن رہی ہے مجھے بہت امید ہے کہ یہ فلم بھی اچھا بزنس کریگی. لوگ فواد خان کو دیکھنا چاہتے ہیں ، اور فواد ہماری فلم میں بہت اہم کردار ادا کررہے ہیں. میکال نے کہا کہ ہمارے ہاں بہت زیادہ ٹیلنٹ ہے اس کی مثال مولا جٹ ہے اس فلم نے دنیا کو دکھا دیا ہے کہ پاکستان میں اعلی کام کرنے والے بھی موجود ہیں اور ہمارے ہاں بھی بین الاقوامی معیار کا کام ہو رہا ہے. میکال نے مزید کہا کہ صبا قمر کے ساتھ کام کرنے کا ہمیشہ ہی تجربہ بہت خوشگوار رہا ہے. ہمارا ڈرامہ فراڈ چل رہا ہے اس میں بھی ہماری جوڑ ی

جو بہت پسند کیا جا رہا ہے. اب ہم ویب سیریز منڈی میں‌بھی ایک ساتھ کام کررہے ہیں امید ہے کہ لوگوں کو ہمیں ایک بار پھر ساتھ دیکھ کر بہت اچھا لگے گا . میکال نے مزید کہا کہ میرا نیا پراجیکٹ بطور پرڈیوسر بہت جلد شروع ہونے والا ہے. یاد رہے کہ میکال ذولفقار نے ماڈلنگ سے اپنے کیرئیر کا آغاز کیااور اس کے بعد اداکاری میں اپنا نام بنایا.

سینئر اداکارہ و ہدایتکارہ سنگیتا بہت کم کم تقریبات میں دکھائی دیتی ہیں حال ہی میں وہ لکس سٹائل ایوارڈز میں دکھائی دیں .سنگیتا نہایت ہی دلکش لگ رہیں تھیں. اس موقع پرانہوں‌نے کہا کہ میں تو کم کم جاتی ہوں کہیں بھی سب جانتے ہیں لیکن آج میں‌اپنی انجو (انجمن) کے لئے اس تقریب میں آئی ہوں. انجمن کو ایوارڈ سے نوازا جا رہا ہے . ہمارا آپس میں ہہت گہرا تعلق اور دوستی ہے. ہم دونوں کا کئی برسوں کا تعلق ہے ایک دوسرے کے ساتھ اچھا برا وقت دیکھا ہے. اس موقع پر سنگیتا بیگم نے یہ بھی کہا کہ میں کسی بھی فلمی پراجیکٹ پر کام نہیں کررہی لیکن ایک ڈرامے پر کام کررہی ہوں یہ ایک بڑا ڈرامہ ہے جس کی سٹار کاسٹ‌ بھی ہیوی ہے. انہوں نے یہ بھی کہا کہ آرٹ فلم

بنانے کی خواہش ہے. جوائے لینڈ کی پابندی پر انہوں‌نے کہا کہ جو فلمیں پاکستان کا نام فخر سے بلند کررہی ہیں انہی کی نمائش پاکستان میں روک جانا افسوسناک ہے. پاکستان میں بے شک آرٹ‌مووی نہ بہت دیکھی جاتی ہے نہ بنائی جاتی ہے لیکن میں ضرور بنائوں گی اور دنیا کے بڑے فلمی میلوں‌میں پیش کروں گی. یاد رہے کہ سنگیتا کا شمار پاکستان فلم انڈسٹری کی بہترین ہیروئنز اور ڈائریکٹرز میں ہوتا ہے.

اداکارہ ارمینہ رانا خان نے ماں بننے کی خبر اپنے مداحوں کے ساتھ خود شئیر کردی ہے . انہوں نے حال ہی میں ایک شوٹ کروایا ہے اس شوٹ کی تصویر لگا کر انہوں نے لکھاکہ میں اور میرا شوہر اپنے پہلے بچے کی آمد پر بہت خوش ہیں. ارمینہ نے لکھا کہ میں بہت خوش ہوں اللہ تعالی مجھے یہ خوشی دینے جا رہا ہے. ارمینہ رانا خان نے یہ خبر شئیر کی تو ان کے مداحوں نے ان کو مبارکباد دینے کا سلسلہ شروع کیا. مداحوں کے ساتھ ساتھ ان کے قریبی دوستوں نے بھی ارمینہ رانا خان کو مبارکباد دی. مداحوں کی بڑی تعداد نے لکھا کہ ارمینہ رانا کی زندگی کی یقینا یہ سب سے بڑی خوشی ہے. ہاد رہے کہ ارمینہ رانا خان نے ڈراموں‌کے ساتھ ساتھ فلموں میں بھی کام کیا ہے. ارمینہ

رانا خان نے مثبت کے ساتھ منفی کردار بھی ادا کئے ہیں انہیں شائقین نے ان کے ہر کردار میں‌سراہا ہے. ارمینہ رانا خان نے فلم بن روئے میں‌ہمایوں‌سعید کے مقابلے میں اداکاری کرکے شائقین کی داد سمیٹی تھی. ارمینہ کم مگر معیاری کم کرتی ہیں. ارمینہ رانا خان لندن میں‌رہتی ہیں لیکن کام کرلئے وہ پاکستان جاتی آتی رہتی ہیں .ارمینہ کافی عرصے سے کسی ڈرامے میں‌ نظر نہیں آرہیں امید ہے کہ جلد ہی وہ کسی پراجیکٹ میں دکھائی دیں گی .

اداکارہ حرا مانی جو اپنی بہترین اداکاری کی وجہ سے بہت مشہور ہیں، وہ اکثر اپنے مداحوں کے ساتھ سوشل میڈیا پر بات چیت کرتی رہتی ہیں سوشل میڈیا پر کبھی اپنی تصاویر شئیر کرتی ہیں تو کبھی اپنی وڈیوز اپلوڈ . حال ہی میں انہوں نے اپنی چند تصاویر سوشل میڈیا پر جاری کی ہیں جن میں وہ بولڈ لباس پہنے ہوئے نظر آرہی ہیں. جیسے ہی انہوں نے یہ تصاویر اپلوڈ کیں وہ آگئیں تنقید کی زد میں ان کے مداح ان کی بولڈ تصاویر کو دیکھ کر کافی ہیں ناراض. زیادہ تر سوشل میڈیا صارفین نے انہیں کہا کہ اس طرح سے بولڈ‌لباس پہن کر تصاویر بنا کر انہیں‌پبلک کرنا مناسب بات نہیں ہے. حرامانی

ان تصاویر میں دیکھی جا سکتی ہیں کہ وہ شیشے کے سامنے کھڑی ہو کر سیلفی بنا رہی ہیں. یوں اپنی اپلوڈ کردہ تصاویر کی وجہ سے حرامانی ہی اس وقت شدید تنقید کی زد میں. یاد رہے کہ حرامانی نہ صرف اداکاری کرتی ہیں بلکہ گلوکاری بھی کرتی ہیں اور ان کے مداح ان کو ہر روپ میں پسند کرتے ہیں . ویسے تو ان کے کریڈٹ پر کافی ڈرامے ہیں لیکن میرے پاس ہو تم ڈرامہ سیریل نے انہیں بے پناہ پذیرائی دی. اس کے بعد ان کے کافی ڈرامے آئے جن میں انہوں نے مرکزی کردار ادا کئے.

ڈرامہ آرٹسٹ نیلم منیر نے اپنے حالیہ انٹرویو میں کہا ہے کہ میں ایسے کردار کرنا چاہتی ہوں جو لوگوں کو یاد رہیں. میرے مداحوں نے ہمیشہ مجھے بہت سراہا ہے اس چیز نے میری حوصلہ افزائی کی. انہوں نے مزید کہا کہ میں نے ابھی تک جتنا بھی کام کیا ہےاس سے مطمئن ہوں لیکن مجھے ابھی بھی لگتا ہے کہ مجھے ابھی بھی بہت زیادہ کام کرنا ہے. نیلم منیر نے ایک سوال کے جواب میں کہا کہ بہت سارے آرٹسٹ ایسے ہیں جنہوں نے اپنے کام کے انمٹ نقوش چھوڑے . میں بھی ایسے آرٹسٹوں کی صف میں شامل ہونا چاہتی ہوں. انہوں نے کہا کہ ہمارے ڈراموں میں

اصلاحی پہلو نمایاں‌ہوتا ہے. ہمارے ہاں جو ڈرامے بن رہے ہیں وہ بہت معیاری ہیں کہانیاں یقینا سبق آموز ہیں. بہت ساری ایسی کہانیاں جو ہمیں بہت ساری چیزیں سوچنے پر مجبور کر دیتی ہیں. انہوں اپنی فلموں‌کی بھی تعریف بھی کی ، انہوں نے کہا کہ جو فلمیں بن رہی ہیں وہ ہر اعتبار سے بین الاقوامی تقاضوں سے میل کھاتی ہیں. مجھے اگر کوئی اچھا سکرپٹ اور کردار آفر ہوا تو ضرور کروں‌گی . نیلم منیر نے کہا کہ کام میرا جنون ہے اور یہ جنون میرے ساتھ رہے گا. انہوں نے یہ بھی کہا کہ ہمارے ہاں ٹیلنٹ کی کمی نہیں ہے.

چھوٹی سکرین کی اداکارہ سحر خان جو کہ سینئر اداکار فیصل قریشی کے ساتھ سکرین شئیر کررہی ہیں انہوں نے فیصل قریشی کے ساتھ کام کرنے کے تجربے کو شئیر کرتے ہوئے کہا کہ فیصل نہایت ہی سنجیدہ آرٹسٹ ہیں ان کے ساتھ کام کرکے بالکل بھی نہیں لگا کہ میں کسی سیئنر اداکار کے ساتھ کام کررہی ہوں. انہوں نے کہا کہ شائقین کو دیکھ کر بالکل بھی ہم دونوں کی عمر کا احساس نہیں ہو گا. انہوں نے کہ حالانکہ ہم دونوں کی عمر اور تجربے میں خاصا فرق ہے لیکن ان کے دوستانہ رویے نے ایسا احساس ہونے بھی نہیں دیا . انہوں نے کہا کہ فیصل قریشی کے ڈرامے دیکھ دیکھ کر

بڑی ہوئی ہوں لہذا ان کے ساتھ کام کرنا کسی بھی اعزاز سے کم نہیں ہے. سحر خان نے کہا کہ میں ہمیشہ کوئی بھی پراجیکٹ سائن کرنے سے پہلے یہ دیکھتی ہوں کہ سکرپٹ کیسا ہے اور میرا کردار کیسا ہے اس کے بعد میں جو دیکھتی ہوں وہ یہ ہے کہ کون کون اس کاسٹ کا حصہ ہے. انہوں نے کہا کہ میں پسند کی شادی کے حق میں ہوں . سحر خان نے اپنےحالیہ انٹرویو میں مزید کہا کہ چاہے شادی پسند کی ہو یا ارینج میرج اس کا چلنا نہ چلنا سب قسمت کی باتیں ہیں جن پر انسان کا بالکل بھی اختیار نہیں ہے.

اداکارہ صنم جھنگ نے حال ہی میں سوشل میڈیا پر اپنی اور بیٹی کی تصاویر شئیر کی ہیں ان میں دیکھا جا سکتا ہے کہ وہ اپنی بیٹی کی سالگرہ منا رہی ہیں انہوں نے ایک پارٹی کا اہتمام کر رکھا ہے جس میں ان کے قریبی فیملی ممبر اور دوست دکھائی دے رہے ہیں . سالگرہ کی تقریب کے انتظامات بتا رہے ہیں کہ صنم نے بیٹی کی سالگرہ بہت بڑے پیمانے پر نہیں کی ورنہ مہمانوں کا ایک جھرمٹ ضرور نظر آرہا ہوتا. صنم جھنگ کی بیٹی کا نام عالیہ ہے اور ان کی عمر چھ سال ہے. عالیہ صنم جھنگ جیسی دکھائی دیتی ہیں . اپنی سالگرہ کے موقع پر انہوں نے سفید رنگ کی فراق پہن رکھی تھی جب کہ صنم جھنگ پینٹ کوٹ میں‌نظر آرہی تھیں دونوں ہی خاصی دلکش لگ رہی تھیں . ایک تصویر میں‌صنم اپنی بیٹی کو اپنی

بانہوں میں لئے ہوئے ہیں اور سالگرہ کی خوشی کا اظہار کررہی ہیں. یاد رہے کہ صنم جھنگ کا شمار پاکستان کی ٹی وی انڈسٹری کی بہترین اداکارائوں میں ہوتا ہے انہوں نے ہر قسم کے کردار ادا کئے ، اور انہیں ان کے ہر کردار میں ان کے پرستاروں نے خوب سراہا. صنم ایک عرصہ تک مارننگ شو بھی کرتی رہی ہیں ،صنم جھنگ کو بطور میزبان بھی بہت سراہا جاتا ہے. انہوں نے کئی فیشن شوز میں ریمپ پر واک بھی کی ہے.

اداکارہ اشنا شاہ کے بارے میں مشہور ہے کہ وہ اپنے ساتھ کام کرنے والے ہر شخص کو بھائی کہتی ہیں . اداکارہ جو کہ انسٹاگرام پر بہت زیادہ متحرک رہتی ہیں انہوں نے اپنی انسٹاگرام سٹوری میں بتا دیا ہے کہ وہ کیوں ہر کسی کو بھائی کہتی ہیں ،. انہوں نے لکھا کہ ہم جن کے ساتھ کام کررہے ہوتے ہیں ان کو بھائی کہنا بہت ضروری ہوتا ہے اگر ان کو بھائی نہ کہیں تو ان کا دماغ خراب ہوجاتا ہے جس کی وجہ سے ہمیں بھی کام کرنے میں پریشانی کا سامنا کرنا پڑتا ہے انہوں نے کہا کہ کسی کو بھی بھائی کہنے کا مجھے کوئی شوق نہیں ہے لیکن مجھے لگنے لگ گیا ہے کہ

ایسا کرنا ضرورت ہے . انہوں‌نے مزید کہا کہ اگر ہمیں بھی اندازہ ہو کہ بھائی کہے بغیر کام چل سکتا ہے کسی مسئلے کا سامنا نہیں کرنا پڑے گا تو ہم بھی بھائی نہ کہیں لہذا بھائی کہہ کر ہم انہیں زرا اس بات کا پابند کر دیتے ہیں کہ اخلاقیات کے دائرے میں رہ کر کام کرنا ہے. واضح رہے کہ اشنا شاہ ٹی وی اور فلم دونوں میڈیم کے لئے کام کرتی ہیں ، لیکن اشنا کم مگر معیاری کام کرنے کو ترجیح دیتی ہیں اسلئے فلمز اور ٹی ڈراموں میں کم کم نظر آتی ہیں .

بھارتی اداکارہ عرفی جاوید جو کہ اکثر اپنے ملبوسات کی وجہ سے تنقید کی زد میں رہتی ہیں. عرفی ایسا لباس زیب تن کرتی ہیں جو کسی بھی ایشیائی سوسائٹی میں شاید ناقابل قبول ہے . اداکارہ کئی بار اپنے لباس کی وجہ سے ہی مشکل کی زد میں آئیں لیکن ان کا کہنا ہے کہ وہ اپنی مرضی کی مالک ہیں اور ان کا جو دل کریگا وہ وہی پہنیں گی. لیکن عرفی جاوید نے کر دیا ہے سب کو حیران اور پریشان کیونکہ انہوں نے سوشل میڈیا پر اپنی ایک وڈیو جاری کی جس میں وہ پاکستانی اداکارہ ہانیہ عامر کے سٹائل کا لباس زیب تک کرکے جھوم رہی ہیں. ہانیہ عامر کے جیسا لباس پہن کر سر پر دوپٹہ اوڑھ کر عرفی کی طرف سے جاری کردہ اس وڈیو کو سوشل میڈیا پر خاصی پذیرائی مل رہی ہے. عرفی جاوید نے سوشل میڈیا

پر یہ وڈیو پوسٹ‌کر کے لکھا کہ ”حالہ کے لئے میری محبت” . یاد رہے کہ ہانیہ عامر اور فرحان سعید کے ڈرامہ سیریل میرے ہمسفر کو پاکستان سمیت انڈیا میں بھی بہت پذیرائی ملی . اس ڈرامے میں ہانیہ عامر نے حالہ کا کردار ادا کیا ہے، حالہ کے کردار کی معصومیت نے شائقین کو اپنی طرف راغب کیا. دوسری طرف فرحان سعید اور ہانیہ عامر کی جوڑی کو اتنا سراہا گیا ہے کہ شائقین کی خواہش ہے کہ ایک بار پھر دونوں کسی ڈرامے میں دکھائی دیں‌.