اسلام آباد: آئی ایم ایف سے نئے قرض کے حصول کے لیے پاکستانی وفد امریکا روانہ ہوگیا۔
باغی ٹی وی : آئی ایم ایف سے نئے بیل آؤٹ پیکیج کے حصول کے لیے مذاکرات کےلیے وزیر خزانہ محمد اورنگزیب کی قیادت میں وفد امریکہ روانہ ہوگیا پاکستان اور آئی ایم ایف کے درمیان مذاکرات ائندہ ہفتے شروع ہوں گے، پاکستان نئے قرض پروگرام کیلئے آئی ایم ایف کو باقاعدہ درخواست دے گا، معاشی ٹیم کے ارکان آئی ایم ایف اور عالمی بینک کے سالانہ اجلاس میں بھی شرکت کریں گے۔
لاہور: پاکستان کرکٹ بورڈ(پی سی بی) پاک نیوزی لینڈ سیریز کے دوران ٹی20 ٹرافی کو پاکستان لانے کا خواہشمند ہے-
باغی ٹی وی :میڈیا رپورٹس کے مطابق آئی سی سی ٹی20 ورلڈکپ کی ٹرافی رواں ماہ پاکستان لائے جانے کا امکان ہے ورلڈکپ ٹرافی رواں ماہ کے آخر میں پاکستان لائی جائے گی، اس حوالے سے پاکستان کرکٹ بورڈ (پی سی بی) اور انٹرنیشنل کرکٹ کونسل (آئی سی سی) ٹرافی ٹور کی تاریخوں کو حتمی شکل دے رہے ہیں،پاکستان میں ٹی20 ورلڈکپ کی ٹرافی کے حوالے سے حتمی تاریخ آئندہ ہفتے تک طے کرلی جائے گی۔
پی سی بی پاک نیوزی لینڈ سیریز کے دوران ٹی20 ٹرافی کو پاکستان لانے کا خواہشمند ہے، دونوں ٹیموں کے درمیان سیریز کا پہلا میچ 18 اپریل کو شیڈول ہے،ٹی20 ورلڈکپ ٹرافی ٹور 20 اپریل تک ویسٹ انڈیز میں جاری رہے گام بعدازاں ٹرافی کو پاکستان لایا جائے گا-
واضح رہے کہ نیوزی لینڈ کی کرکٹ ٹیم ٹی 20 سیریز کھیلنے کیلئے پاکستان پہنچ گئی نیوزی لینڈ ٹی ٹوئنٹی اسکواڈ اسلام آباد پہنچا، جہاں پی سی بی حکام نے انھیں خوش آمدید کہا، پاکستان اور نیوزی لینڈ کی ٹیمیں 5 ٹی 20 میچز میں مدمقابل ہوں گی، نیوزی لینڈ کے اہم کھلاڑی آئی پی ایل کھیلنے میں مصروف ہیں پاکستان کے خلاف ٹی ٹوئنٹی سیریز میں آل راؤنڈرمائیکل بریس پہلی مرتبہ کیوی ٹیم کی قیادت کریں گے۔
دونوں ٹیموں کے درمیان پہلا ٹی ٹوئنٹی میچ 18 اپریل کو پنڈی اسٹیڈیم میں کھیلا جائے گا،قومی ٹی ٹوئنٹی اسکواڈ پیر سے پریکٹس سیشن کا آغازکرے گا، اظہر محمود 15 اپریل کی صبح اسکواڈ کو جوائن کریں گے۔
اسلام آباد: نیوزی لینڈ کی کرکٹ ٹیم ٹی 20 سیریز کھیلنے کیلئے پاکستان پہنچ گئی-
باغی ٹی وی : نیوزی لینڈ ٹی ٹوئنٹی اسکواڈ اسلام آباد پہنچا، جہاں پی سی بی حکام نے انھیں خوش آمدید کہا، پاکستان اور نیوزی لینڈ کی ٹیمیں 5 ٹی 20 میچز میں مدمقابل ہوں گی، نیوزی لینڈ کے اہم کھلاڑی آئی پی ایل کھیلنے میں مصروف ہیں پاکستان کے خلاف ٹی ٹوئنٹی سیریز میں آل راؤنڈرمائیکل بریس پہلی مرتبہ کیوی ٹیم کی قیادت کریں گے۔
دونوں ٹیموں کے درمیان پہلا ٹی ٹوئنٹی میچ 18 اپریل کو پنڈی اسٹیڈیم میں کھیلا جائے گا،قومی ٹی ٹوئنٹی اسکواڈ پیر سے پریکٹس سیشن کا آغاز کرے گا، اظہر محمود 15 اپریل کی صبح اسکواڈ کو جوائن کریں گے۔
کیوی ٹیم کے 2 اہم کھلاڑی فن ایلن اور ایڈم ملنے پاکستان کے خلاف سیریز سے باہر ہوگئےنیوزی لینڈ کرکٹ کے مطابق فن ایلن اور ایڈم ملنے ٹریننگ کے دوران انجری سے دوچار ہوئے جس کے بعد دونوں کھلاڑی پاکستان کے خلاف سیریز کے لیے دستیاب نہیں ہو پائیں گے۔
نیوزی لینڈ کرکٹ کے مطابق فن ایلن کمر جبکہ ایڈم ملنے ٹخنے کی انجری کا شکار ہوئے ہیں، دونوں کھلاڑیوں کی انجری کے بعد وکٹ کیپر بیٹر ٹام بلنڈل اور آل راؤنڈر زیک فاولکس کو اسکواڈ میں شامل کر لیا گیا ہے زیک فولکس پہلی مرتبہ اسکواڈ کا حصہ بنیں گے جبکہ ٹام بلنڈل نے گزشتہ برس بھی پاکستان کا دورہ کیا تھا۔
کیویز کرکٹ ٹیم کے کوچ گیری اسٹیڈ کا کہنا تھا کہ روانگی سے قبل اہم کھلاڑیوں کا انجرڈ ہونا بدقسمتی ہے، دونوں کرکٹرز گزشتہ ورلڈ کپ سے ہمارے لیے ٹی ٹوئنٹی میں اچھے پرفارمرز رہے ہیں۔
اسلام آباد: وزیر اعظم شہباز شریف نے کہا ہے کہ پاکستان کے لیے سعودی عرب کی خصوصی توجہ قیمتی سرمایہ ہے، فیصل مسجد سے سیرت میوزیم تک سعودی عرب کی محبتوں کے نشانات دیکھے جاسکتے ہیں۔
باغی ٹی وی: وزیر اعظم نے سیرت نبویﷺ پر آگاہی کے لیے تعمیر ہونے والے سیرت میوزیم کے سنگ بنیاد کی تقریب میں شرکت کی، تقریب میں مسلم ورلڈلیگ کے سیکرٹری جنرل ڈاکٹر محمد بن عبد الکریم آل عیسیٰ بھی شریک تھےوزیراعظم شہباز شریف نے تقریب سے خطاب کرتے ہوئےکہا کہ پاکستان کے لیے سعودی عرب کی خصوصی توجہ قیمتی سرمایہ ہے، فیصل مسجد سے سیرت میوزیم تک سعودی عرب کی محبتوں کے نشانات دیکھے جاسکتے ہیں۔
وزیر اعظم نے کہا کہ سعودی ولی عہد نےکہا کہ سعودی عرب پاکستان کو کبھی تنہا نہیں چھوڑے گا، سعودی حکومت پاکستان کے لیے بے پناہ محبت کے جذبات رکھتی ہے جب بھی پاکستان مشکل میں آیا تو سعودی عرب نے دل کھول کر ساتھ دیا، سعودی ولی عہد نے ہمارے دورے کے دوران وفد کی پذیرائی کی، بہت جلد اعلیٰ سطح کا وفد پاکستان تشریف لارہا ہے۔
وزیر اعظم شہباز شریف کا کہنا تھا کہ رابطہ عالم اسلامی کے سیکرٹری جنرل کی گفتگو سے ہمیشہ پاکستان کے لیے محبت نظر آتی ہے پاکستان کی ترقی کے لیے سعودی عرب مختلف شعبوں میں تعاون فراہم کررہا ہےسیرت میوزیم اسلاموفوبیا کے ناپاک پروپیگنڈےکے خاتمے میں اہم کردار ادا کرے گا،گزشتہ دہائی میں وسائل پر قبضے کی جنگ کی وجہ سے نظریاتی تصادم پیدا کیا گیا، اسلام اور مسلمانوں سے متعلق منفی اور گمراہ کن پروپیگنڈا کیا جاتا رہا ہے۔
ایمسٹرڈیم میں مقیم ایک عالمی شہرت یافتہ بصری کہانی نگار جمی نیلسن نے پاکستان کے شمالی علا قہ جات بشمول چترال کی وادی کیلاش اور بلتورو گلیشیئر کا سیاحتی دورہ کیا۔ یہ گلیشیرقطبی علاقوں اور دنیا کی دوسری بلند ترین پہاڑ کے ٹو کے قریب پائے جانے والے بڑے گلیشیرز میں سے ایک ہے۔
سفارت خانہ پاکستان نیدرلینڈ زنے پاکستانی حکام بشمول انٹر سروسز پبلک ریلیشنز (آئی ایس پی آر) کے باہمی اشتراک سے جمی نیلسن کے دورہ پاکستان کا انتظام کیا۔ سفیر سلجوق مستنصر تارڑ نے جمی نیلسن سے ایمسٹرڈیم میں ان کے اسٹوڈیو میں ملاقات کی،جہاں جمی نیلسن نے اپنے دورہ کے متعلق اپنی یادوں کا تذکرہ کرتے ہوئے آئندہ پاکستان کے دیگر علاقوں کے سیاحتی دوروں کا بھی عزم ظاہر کیا۔
جمی نیلسن اپنے کیمرے کے لینز کے ذریعے مقامی ثقافتوں اور علاقائی زندگیوں کے سفر کو بیان کرنے میں مہارت رکھتے ہیں۔ انہوں نے فوٹو گرافی پر مبنی کہانیوں کی تین کتب مرتب کی ہیں جس میں ‘بیفور دی پاس اووے’ اور ‘ہومیج ٹو ہیومینٹی’ شامل ہیں۔ جمی نیلسن کا کام دنیا کے مختلف حصوں میں تصویری اور عمیق نمائشوں کے انعقاد کی وجہ سے مشہور ہے۔
جمی نیلسن پاکستان کو دنیا کے خوبصورت ترین مقامات میں شمار کرتے ہیں۔ اس سے قبل وہ اپنی اوائل عمری میں بھی پاکستان کا دورہ کر چکے ہیں اوراس طرح پاکستان ان کی بطور نوجوان ایڈونچر اور فوٹوگرافی کی ابتدائی منازل میں سرِ فہرست ہے۔ سفیرسلجوق مستنصر تارڑ نے عزم ظاہر کیا کہ پاکستانی سفارت خانہ ملکی اداروں اور دیگر حکام کی مدد سے پاکستان میں سیاحت کے فروغ کے لئے کوشاں ہے۔اور جمی نیلسن کے اگلے دورے کا منتظر ہے۔
سگریٹ جلانے کے لئے ماچس نہ دینے پر 21 سالہ نوجوان قتل
ٹاٹا موٹرز کی کینٹین میں سموسوں سے کنڈوم،تمباکو،پتھرنکل آئے،مقدمہ درج
شادی کی ضد مہنگی پڑ گئی،ملزم نے خاتون کو پارک میں زندہ جلا دیا
خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج
بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو
سوشل میڈیا پر دوستی،پھر عریاں تصاویر،پھر زیادتی،کم عمر لڑکیاںبنتی ہیں زیادہ شکار
حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام
سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی
زبردستی دوستی کرنے والے ملزم کو خاتون نے شوہر کی مدد سے پکڑوا دیا
دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج
خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار
اسلام آباد: صدر مملکت آصف علی زرداری نے ایرانی ہم منصب سید ابراہیم رئیسی سے ٹیلی فونک رابطہ کیا –
باغی ٹی وی: ایوان صدر کی جانب سے جاری اعلامیے کے مطابق صدر مملکت آصف علی زرداری اور ایران کے صدر سید ابراہیم رئیسی کے درمیان ٹیلی فونک رابطہ ہوا جس میں دونوں رہنماؤں نے ایک دوسرے کو عید الفطر کی مبارکباد دی۔
اعلامیے کے مطابق صدر آصف علی زرداری نے دمشق میں ایرانی سفارت خانے پر اسرائیلی حملے پر ایرانی قیادت اور سوگوار خاندانوں کے ساتھ دلی تعزیت اور ہمدردی کا اظہار کیا جبکہ غزہ میں انسانی بحران اور اسرائیلی افواج کی جانب سے نسل کشی پر تشویش کا اظہار کرتے ہوئے فوری جنگ بندی کا مطالبہ کیا۔
اعلامیے کے مطابق صدر آصف علی زرداری نے کہا کہ پاکستان دوطرفہ تعاون کو مزید فروغ دینے کے لیے باہمی دلچسپی کے تمام شعبوں میں ایران کے ساتھ کام جاری رکھے گا صدر مملکت نے دونوں ممالک کو درپیش سیکیورٹی چیلنجز پر قابو پانے کے لیے معلومات کے تبادلے کو بڑھانے کی ضرورت پر بھی زور دیا۔
اعلامیے کے مطابق صدر مملکت آصف علی زرداری نے ایرانی صدر کو دورہ پاکستان کی دعوت بھی دی جبکہ ایرانی صدر اور ان کے اہل خانہ کی صحت، تندرستی اور خوشیوں کے لیے بھی نیک خواہشات کا اظہار بھی کیا۔
بھارتی وزیرِ اعظم نریندر مودی نے کہا ہے کہ پاکستان کے اندرونی معاملات پر تبصرہ نہیں کروں گا
بھارتی میڈیا کے مطابق بھارتی وزیراعظم نریندر مودی کاکہنا تھا کہ پاکستان کے وزیرِ اعظم کو منصب سنبھالنے پر مبارک دی ہے،بھارت نے ہمیشہ دہشت گردی اور تشدد سے پاک ماحول میں خطے میں امن، سلامتی اور خوشحال کو آگے بڑھانے کی وکالت کی ہے۔سابق وزیراعظم عمران خان کی قید بارے جب بھارتی وزیراعظم مودی سے سوال کیا گیا تو مودی نے جواب دیتے ہوئے کہا کہ "میں پاکستان کے اندرونی معاملات پر تبصرہ نہیں کروں گا”۔
چین کے حوالہ سے ایک سوال پر بھارتی وزیراعظم مودی کا کہنا تھا کہ بھارت کے لیے چین کے تعلقات اہم ہیں، میرا یقین ہے کہ ہمیں اپنی سرحدوں پر طویل عرصے سے جاری صورتحال کو فوری طور پر حل کرنے کی ضرورت ہے بھارت اور چین کے درمیان مستحکم اور پرامن تعلقات نہ صرف ہم دونوں ممالک بلکہ پورے خطے اور دنیا کے لیے اہم ہیں، مجھے امید ہے اور یقین ہے کہ سفارتی اور عسکری سطح پر مثبت اور تعمیری دو طرفہ مصروفیات کے ذریعے ہم اپنی سرحدوں میں امن و سکون کو بحال اور برقرار رکھنے میں کامیاب ہو جائیں گے۔
بھارتی وزیراعظم نریندر مودی کا کہنا تھا کہ ہمارے پاس اپنے وعدوں کو پورا کرنے کا بہترین ٹریک ریکارڈ ہے۔ لوگوں کے لیے یہ بڑی بات تھی کیونکہ وہ وعدے کبھی پورے نہ کرنے کے عادی تھے۔ہماری حکومت نے سب کا ساتھ، سب کا وکاس، سب کا وشواس، سب کا پریاس” کے نعرے کے ساتھ کام کیا ہے، جس کا مطلب ہے سب کے ساتھ، سب کی ترقی کے لیے، سب کے اعتماد اور سب کی کوششوں کے ساتھ۔لوگوں کا یہ بھروسہ ہے کہ اگر کسی اور کو ہمارے پروگراموں کا فائدہ پہنچا ہے تو ان تک بھی پہنچے گا لوگوں نے دیکھا ہے کہ ہندوستان 11ویں سب سے بڑی معیشت سے پانچویں بڑی معیشت بن چکی ہے اب بھارت جلد ہی تیسری بڑی معیشت بن جائے گا،
بھارتی وزیراعظم مودی نے عید الفطر کی مبارکباد دیتے ہوئے کہا کہ عید الفطر کا مقدس تہوار ہمدردی، اتحاد اور امن کے جذبے کو مزید تقویت دے، عیدالفطر کے موقع پر آپسی بھائی چارہ اور اتحادکا مظاہرہ کرنے اور معاشرے کے مالی طورپر کمزور طبقات کی ہرممکن مددکریں،
چوہے بھی کورونا وائرس کے ایلفا، ڈیلٹا اور اومیکرون ویریئنٹس سے متاثر ہو سکتے ہیں،تحقیق
وہ ملک جہاں چوہے پسندیدہ غذا ہی نہیں بلکہ دلہن کو جہیز میں بھی دیے جاتے ہیں
بلوچستان کے یوٹیلٹی سٹوروں پر صرف چوہے ہیں، سینیٹرقائمہ کمیٹی میں پھٹ پڑے
دوسری شادی کرنے کیلئے بیوی کو قتل کرنیوالا ملزم گرفتار
خاتون سے زیادتی اور زبردستی شادی کی کوشش کرنے والا ملزم گرفتار
چوہے13 ارب کی گندم کھا گئے،خود چوری کرتے ہیں اور نام چوہوں کا لیتے ہیں ،فرخ حبیب
اسلام آباد: وزیراعظم شہبازشریف نے بحرین کے فرمانروا احمد بن عیسیٰ الخلیفہ اور ملائیشیا کے وزیر اعظم انور ابراہیم کو ٹیلی فون کیا،اور دونوں رہنماؤں کو دورہ پاکستان کی دعوت بھی دی۔
باغی ٹی وی: شہباز شریف نے دونوں رہنماؤں کو عید کی مبارکباد دی اور باہمی دلچسپی کے امور پر گفتگو کی، وزیراعظم نے بحرین کے فرمانروا کو تجارت، سرمایہ کاری بڑھانےکیلئے بحرین کوپاکستان میں سرمایہ کاری کے مواقع سے آگاہ کیا۔
ملائیشیا کے وزیر اعظم سے گفتگو کرتے ہوئے وزیر اعظم شہباز شریف کا کہنا تھا کہ پاکستان اپنا ایک تجارتی وفد جلد ملائیشیا بھیجے گا اور وفد کا دورہ دونوں ممالک کے درمیان تجارت کے فروغ میں معاون ثابت ہوگا،انہوں نے مسئلہ کشمیر پر ملائیشیا کی پاکستان کے مؤقف کی حمایت پر شکریہ ادا کیا۔
دوسری جانب وزیرِ اعظم شہباز شریف نے افواجِ پاکستان کے سربراہان کو ٹیلیفون کرکے عید الفطر کی مبارکباد دی، وزیرِ اعظم نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا، آرمی چیف جنرل عاصم منیر، سربراہ پاک فضائیہ ائیر چیف مارشل ظہیر احمد بابر سدھو اور نیول چیف ایڈمرل نوید اشرف کو ٹیلی فون پر عید کی مبارکباد دی۔
وزیر اعظم کا کہنا تھا کہ قوم وطن کی حفاظت پر مامور جوانوں کو خراجِ تحسین پیش کرتی ہے، افواجِ پاکستان کے سربراہان کی قیادت میں ہمارے جوان وطن دشمنوں اور دہشتگردوں کے ناپاک عزائم کو ناکام بنا رہے ہیں، قوم شہداکو خراجِ عقیدت اور ان کے اہلِخانہ کو خراجِ تحسین پیش کرتی ہے۔
لاہور: وفاقی وزیر اطلاعات و نشریات عطاءاللہ تارڑ نے کہا ہے کہ سعودی عرب کے ولی عہد نے 5 ارب ڈالر کی سرمایہ کاری کا اعلان کیا ہے-
باغی ٹی وی : اپنے حلقے میں منعقد تقریب سے خطاب کرتے ہوئے عطا تارڑ کا کہنا تھا کہ ملک کے معاشی حالات میں مثبت تبدیلی آ رہی ہے، پاکستان کی قیادت نے امداد کی بجائے سرمایہ کاری کو ترجیح دی ہے، سعودی عرب پاکستان کے ساتھ دیرپا تعلقات کا خواہاں ہے۔
انہوں نے کہا کہ ہمارا ملک پاکستان وسائل سے مالا مال ہے، قدرتی وسائل موجود ہیں، ہمیں قرضہ نہیں تجارت چاہئےانہوں نے کہاکہ اللہ تعالیٰ نے خانہ کعبہ کے اندر نوافل ادا کرنے کی سعادت عطا کی اورمسجد نبویﷺ میں تراویح اور ریاض الجنہ میں نوافل ادا کرنے کا موقع ملا،خانہ کعبہ میں ملکی ترقی، عوام کی خوشحالی اور اپنے حلقہ کی ترقی و خوشحالی کے لئے خصوصی دعائیں مانگیں۔
دوسری جانب مسلم لیگ نواز کو عام انتخابات 2024 کے بعد پنجاب اسمبلی کی ایک اور نشست مل گئی، الیکشن کمیشن کے مطابق ننکانہ صاحب کے صوبائی حلقہ پی پی 133 سے دوبارہ گنتی میں ن لیگ کے امید وار رانا محمد ارشد کامیاب ہو گئے، ای سی پی نے رانا محمد ارشد کی کامیابی کا نوٹیفکیشن بھی جاری کر دیا ہے، ووٹوں کی دوبارہ گنتی میں پاکستان مسلم لیگ ن کے امیدوار رانا ارشد کے ووٹ سب سے زیادہ نکلے۔
رمضان ختم ، آج پاکستان بھر میں عید الفطر منائی جا رہی ہے
پاکستان کے تمام چھوٹے بڑے شہروں میں عید کی نماز کے اجتماعات ہوئے جس میں عوام کی بڑی تعداد شریک ہوئی، نماز عید کے اجتماعات میں ملکی سلامتی و خوشحالی کے لئے دعائیں کی گئیں،
وفاقی دارالحکومت اسلام آباد میں نماز عید کا سب سے بڑا اجتماع فیصل مسجد میں ہوا جہاں سیاسی شخصیات، غیرملکی سفیروں اور بڑی تعداد میں شہریوں نے نماز عید ادا کی،فیصل مسجد میں خواتین کے لئے بھی انتظام کیا گیا تھا، راولپنڈی میں عیدگاہ شریف، لیاقت باغ، موہڑہ شریف، امام بارگاہ قدیمی و دیگر مقاما ت پر نماز عید کے اجتماعات ہوئے جن میں ہزاروں شہری شریک ہوئے
کراچی کے پولو گراؤنڈ میں نماز عید الفطر کی ادائیگی کا اہتمام کیا گیا، نماز عید کی امامت قاری محمد سلیمی نے کی،پولو گراؤنڈ میں سابق میئر کراچی وسیم اختر، مرزا اختیار بیگ اور مرزا اشتیاق بیگ نے بھی نماز عید ادا کی،گورنر سندھ کامران ٹیسوری نے نماز عید گورنر ہاؤس میں ادا کی جبکہ سربراہ ایم کیو ایم پاکستان خالد مقبول صدیقی نے عزیز آباد میں نماز عید ادا کی۔
لاہور کی مسجد داتا دربار میں نماز عید الفطر کا بڑا اجتماع ہوا جس میں ملکی سلامتی ، خوشحالی اور استحکام کی دعائیں مانگی گئیں،جامعہ نعیمیہ،منہاج القرآن، قذافی سٹیڈیم سمیت دیگر مقامات پر بھی نماز عید کے بڑّے اجتماعات ہوئے،
پشاور میں نماز عیدالفطر مرکزی عید گاہ چارسدہ روڈ پر ادا کی گئی، چیف خطیب خیبرپختونخوا مولانا طیب قریشی نے نماز عید پڑھائی جبکہ شہر کی دیگر مساجد اور کھلے مقامات پر بھی نماز عید کے اجتماعات ہوئے جس میں ملک کی ترقی، فلسطینیوں اور مقبوضہ کشمیر کے عوام کے لیے خصوصی دعائیں کی گئیں، وزیراعلیٰٗ خیبر پختونخوا علی امین گنڈاپور نے عید کی نماز ڈی آئی خان میں ادا کی اور ملک کیلئے خصوصی دعائیں کی۔
اچھرہ میں خاتون کو بچانے والی اے ایس پی شہربانو نقوی کی آرمی چیف سے ملاقات
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
مہنگائی،غربت،عید کے کپڑے مانگنے پر باپ نے بیٹی کی جان لے لی
پسند کی شادی کیلئے شوہر،وطن ،مذہب چھوڑنے والی سیماحیدر بھارت میں بنی تشدد کا نشانہ
پسند کی شادی، عدالت نے لڑکی کو شوہر کے ساتھ جانے کی اجازت دے دی
شادی شدہ خاتون سے معاشقہ،نوجوان کے ساتھ کی گئی بدفعلی،خاتون نے بنائی ویڈیو
بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو
حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے
پاکستان کے سیاسی رہنماؤں نے نماز عید اپنے آبائی علاقوں میں ادا کی ،وزیراعظم شہباز شریف نے لاہور میں نماز عید ادا کی، وزیراعظم نے ملک و قوم کی ترقی و خوشحالی اور امت مسلمہ کی یکجہتی کیلئے خصوصی دعا کی،وزیراعظم لوگوں سے عید ملے اور انہیں مبارکباد دی۔
وزیراعظم محمد شہبازشریف نے عید الفطر کی نماز ماڈل ٹاؤن لاہور میں ادا کی۔
وزیراعظم کی ملک و قوم کی ترقی و خوشحالی اور امت مسلمہ کی یکجہتی کیلئے خصوصی دعا۔
وزیراعظم لوگوں سے عید ملے اور انہیں مبارکباد دی۔ pic.twitter.com/HpSGzzkRba
— PMLN Digital (@PMLNDigital) April 10, 2024
صدر مملکت آصف زرداری نے نوابشاہ، وزیرِ اعلیٰ سندھ مراد علی شاہ، سابق وزیر اعلیٰ قائم علی شاہ، نثار کھوڑو، اراکین سندھ اسمبلی جمیل سومرو، سہیل انور سیال اور دیگر نے بھی لاڑکانہ میں نمازِ عید ادا کی۔سندھ کےصوبائی وزیرِ اطلاعات شرجیل انعام میمن نے راول ہاؤس میں نماز عید ادا کی۔
چیئرمین بلاول بھٹو زرداری نے نماز عید گڑھی خدا بخش میں ادا کی، نماز عید کے بعدبلاول نے شہریوں سے مصافحہ کیا اور انہیں عید کی مبارک باد دی، بلاول بھٹو زرداری کے ہمراہ سید قائم علی شاہ، وزیراعلی سندھ سید مراد علی شاہ، خورشید جونیجو، جمیل سومرو، سہیل انور سیال ودیگر نے نماز عید ادا کی، بلاول بھٹو زرداری کے ہمراہ آغا سراج درانی، غلام مصطفی لغاری، خیرمحمد شیخ، اعجاز لغاری، اعجاز شیخ، گھنور اسران ودیگر نے نماز عید ادا کی، بلاول بھٹو زرداری نے نماز عید کے بعد شہدائے جمہوریت کے مزارات پر حاضری دی، بلاول بھٹو زرداری نے شہید ذوالفقار علی بھٹو اور شہید محترمہ بینظیر بھٹو کے مزارات پر فاتحہ خوانی کی، بلاول بھٹو زرداری نے بیگم نصرت بھٹو، شہید میر مرتضی بھٹو اور شہید میر شاہنواز بھٹو کے مزارات پر بھی فاتحہ خوانی کی، بلاول بھٹو زرداری نے ملک میں معاشی استحکام اور عوام کی خوش حالی کے لئے دعائیں کیں.
بی اے پی کے قومی اسمبلی رکن نوابزادہ خالد خان مگسی نے جھل مگسی میں نمازِ عید ادا کی،سابق وزیرِ اعلی بلوچستان میر جان محمد خان جمالی نے آبائی گاؤں اوستہ محمد میں نمازِ عید ادا کی،مسلم لیگ ن کے رکن قومی اسمبلی میر خان محمد خان جمالی نے خان گڑھ میں نماز عید ادا کی،سابق وفاقی وزیر سردار یار محمد رند نے سنی شوران میں عید کی نماز ادا کی،پیپلز پارٹی کے رکن صوبائی اسمبلی میر محمد صادق عمرانی نے ڈیرہ مراد جمالی میں نمازِ عید ادا کی،مسلم لیگ ن کے رکن صوبائی اسمبلی میر سلیم خان کھوسہ نے صحبت پور میں نماز عید ادا کی،پی ٹی آئی کے مرکزی رہنما راجہ خان جکھرانی نے جیکب آباد میں عید کی نماز ادا کی۔
وفاقی وزیر داخلہ سینیٹر محسن نقوی نے نماز عید الفطر لاہور میں ادا کی،وزیرداخلہ محسن نقوی نے نماز عید الفطر کی ادائیگی کے بعدملک وقوم کی ترقی و خوشحالی کیلئے دعا کی،وفاقی وزیرداخلہ محسن نقوی نے عید کی مبارکباد دی اور پیغام میں کہا کہ عیدالفطر کے پر مسرت موقع پر امت مسلمہ اور پاکستانیوں کو عید کی خوشیاں مبارک، اللہ تعالیٰ کا شکر ہے کہ ہمیں رمضان المبارک کے فیوض و برکات سے مستفید ہونے کا موقع نصیب ہوا،
عید الفطر پر صوبائی دارالحکومت سمیت صوبہ بھر میں سکیورٹی ہائی الرٹ ہے، آئی جی پنجاب
ڈسٹرکٹ پولیس لائنز قلعہ گجر سنگھ میں بھی نماز عید الفطر کی ادائیگی کا اہتمام کیا گیا تھا،آئی جی پنجاب ڈاکٹر عثمان انور، ایڈیشنل آئی جی پنجاب سلطان احمدچوہدری سمیت دیگر ایڈیشنل آئی جیز، ڈی آئی جیز، ریٹائرڈ و حاضر سروس اعلٰی پولیس افسران اور جوانوں نے شرکت کی،نماز عید الفطر کے بعد ملکی تعمیر و ترقی، سلامتی اور خوشحالی کیلئےخصوصی دعائیں مانگی گئیں- آئی جی پنجاب ڈاکٹر عثمان انور نے یاد گار شہدا پولیس پر سلامی دی، پھولوں کی چادر چڑھائی اور شہدا کی روح کے ایصال ثواب کے لئے فاتح خوانی کی۔ آئی جی پنجاب ڈاکٹر عثمان انور کا کہنا تھا کہ عید الفطر پر صوبائی دارالحکومت سمیت صوبہ بھر میں سکیورٹی ہائی الرٹ ہے، پنجاب پولیس کے 52 ہزار سے زائد افسران واہلکار عبادت گاہوں، اہم مقامات اور شہریوں کو بھرپور سکیورٹی فراہم کر رہے ہیں-